教育王國
標題: 無外補，無上興趣班，可以考到直私嗎？ [打印本頁]
作者: victorian2015 時間: 21-7-23 11:05 標題: 無外補，無上興趣班，可以考到直私嗎？
請大家分享經驗
作者: 0030 時間: 21-7-23 11:24
如果父母有相當的水平自己教的話應該有機會～如果父母咩資源都無提供給小朋友，自己又不教的話，我覺得機會微～因為我見親戚的仔讀私小，父母自己教之外仲有外補～
作者: Babyfungmama 時間: 21-7-23 11:30
本帖最後由 Babyfungmama 於 21-7-23 11:31 編輯
無外補考直私係90%考唔到，除非家長每日幫小朋友練習學術，10%除非小朋友好唔怕羞令到老師好鐘意佢，不過只係講緊2線直私，1線直私如神校就唔洗諗。
作者: pennysiubobo 時間: 21-7-23 11:32 標題: 回覆樓主：
本帖最後由 pennysiubobo 於 21-7-23 11:36 編輯
本帖最後由 pennysiubobo 於 21-7-23 11:33 編輯
0外補、有興趣班冇證書，亦不是私幼，考到直私，叩門6間只有一間冇offer，都不是神校。但屋企有心栽培，每日亦會自己閱讀。
作者: Azzurro 時間: 21-7-23 11:33
幼稚園，小學階段，好學生都係內補為主
作者: 藴藴 時間: 21-7-23 12:19
考直私主要睇小朋友表現，名私幼證書有加分，學術要有基本的認字能力，語言方面中英至少識聽識答。
不如你諗下，小朋友邊方面可以係幾千個小朋友中吸引到學校過到三關？
今年考直私應該比我地上一年容易，上年大部分都係拍片，加上移民走咗好多人。
作者: giegieb 時間: 21-7-23 12:22 標題: 回覆樓主:
識人讀津校無證書父母教一次pass入到心儀小學
作者: hundred100 時間: 21-7-23 12:51
本帖最後由 hundred100 於 21-7-23 13:12 編輯
victorian2015 發表於 21-7-23 11:05 
請大家分享經驗
我仔個年龍年。幼稚園讀極其普通的劵幼，學術0外補，冇參加任何比賽，冇任何證書。但佢一直喜歡閱讀，尤其英文。興趣班間中有玩。為免抽入寶校，有考几間較出名直私。最後真系抽中寶。入讀三私之一。初時考試成績中等，小學都冇參加任何外補。但一年比一年進步。至今已屬前列。要家長自己比多滴心機。要對小朋友有信心。我家庭比較另類，自己跟得到就冇必要出面比人教。興趣班都系因為中意玩。學嘢學左就有得著。無需要攞張咩鬼證書來評定自己小朋友。
面試班更不是我杯茶，小朋友系點就系點。為左某滴學校從而去糾正，渲染小朋友某些方面去迎合，自己覺得不是合理的教育理念。
作者: tummypooh 時間: 21-7-23 13:02
回覆 hundred100 的帖子
非常認同。小朋友的發展同成績，受父母影響大於外補。當然，如父母能力不足或真係冇時間教，外補就變成有必要了。
咩情況都係可以培養到小朋友自律，愛閱讀，已經成功左一大半。
作者: Mrscatcatfung 時間: 21-7-23 13:18 標題: 回覆樓主：
本帖最後由 Mrscatcatfung 於 21-7-23 16:45 編輯
無外補，無興趣班。讀私幼。
祖父母平日教功課，温默書. 我和爸爸則買教材，自己教phonics, reading, grammar, math 和中國畫，西洋畫。没上外補班，但考取證書獎項。盡力了，我地唔夠叻，考不到直，只考到幾間2線私和叩到地區一線津。
我覺得考到直或神直的孩子，除了學術水平外，更重要的是，說話發音講故事皆清楚，而且夠定，樣子穩重，易教守規則，不會郁來郁去。
我兒活潑又不叻說話。所有神直都只去到第二面，卻無offer。但结果都算過得去。
我和自己說，盡力了。:)
來年家長們，加油。
作者: jennylady 時間: 21-7-23 14:23
本帖最後由 jennylady 於 21-7-23 14:24 編輯
如果父母每日可以陪伴仔女看書，認字，教拼音，每事解析比小朋友知道，鼓勵小朋友分享每日發生的事情和講故事，唔外補都無問題。
考直私其實唔需要cert ,只需要正常認讀能力，常識，良好中英文說話技巧。
我唔認為咩都唔做可以考到
栽培是少不了的。
而栽培可以是外補，但最重要其實係家長有質量的陪伴外補的意思是學拼音，Cambridge English , gapsk 對嗎？
利申，我有外補(我地雙職父母），放工亦有陪伴仔女。
作者: Dybala 時間: 21-7-23 14:42
唔計神校同熱門直私, 一般私校都係考認讀中英文單字/簡單句子
如果家長自己教到小朋友做到呢啲嘢其實唔外補都冇問題
作者: pennysiubobo 時間: 21-7-23 14:48
無論私校、直資、一線津校，除了考學術，仲會考解難、說故事、情景反應等，亦好睇小朋友禮貌、社交、品性、說話條理、日常生活，當中大部分都係外補比唔到～
作者: ddtt347 時間: 21-7-23 16:03
請注意，話自己「無外補」又考到學校的，都有個補習天王/天后係屋企呀！日日一對一不間斷進補，效果勝過外補多多聲啦
！尤其高學歷全職媽媽加工人姐姐加四大長老呢個組合，無敵。
作者: hundred100 時間: 21-7-23 16:23
ddtt347 發表於 21-7-23 16:03
請注意，話自己「無外補」又考到學校的，都有個補習天王/天后係屋企呀！日日一對一不間斷進補，效果勝過外 ...
作者: Mrscatcatfung 時間: 21-7-23 16:31
ddtt347 發表於 21-7-23 16:03
請注意，話自己「無外補」又考到學校的，都有個補習天王/天后係屋企呀！日日一對一不間斷進補，效果勝過外 ...
最清醒是您! XD
作者: jason1978 時間: 21-7-23 16:50
唔好嚇鬼啦！
兩個仔。無讀過pn,無興趣班，無外補，讀私幼，兩職父母。幼稚園時睡前伴讀，周末多去游山玩水，博物館圖書館。大仔考到3私其中一間（但都wait 旺角山男校）細仔考到龍直亦托哥哥紅福考埋同一間。
現兩兄弟現讀緊果間私，跟得上。
作者: Babyfungmama 時間: 21-7-23 17:06
回覆 jason1978 的帖子
唔係每個小朋友都好似你兩個仔咁醒
作者: sunnymama2 時間: 21-7-24 01:15
本帖最後由 sunnymama2 於 21-7-24 06:34 編輯
ddtt347 發表於 21-7-23 16:03
請注意，話自己「無外補」又考到學校的，都有個補習天王/天后係屋企呀！日日一對一不間斷進補，效果勝過外 ...
不能同意更多
我仔仔讀超happy 私幼，雖然零興趣班零外補，但兩公婆每日打兩份工 ，日頭嗰份賺錢，夜晚嗰份陪皇帝仔玩，捉木棋，講故事，冇工人，假日周圍玩，親力親為照顧，同阿仔天南地北傾談。
考小學無參加面試班，但會上ek睇過往幾年小學考的野，會同皇帝仔一路玩一路學習，爸爸會同個仔玩鬥快舉手答問題。另外家庭修養也很重要，託賴皇帝仔在面試中玩遊戲保持應有的風度，很多小朋友勝出遊戲輸了面試的。
所以究竟有幾多個唔外補零興趣，父母什麼也不理，小朋友係可以考到覺校呢？
作者: Mmxsrus 時間: 21-7-24 07:11
本帖最後由 Mmxsrus 於 23-9-10 02:40 編輯
deleted
作者: jason1978 時間: 21-7-24 09:09
sunnymama2 發表於 21-7-24 01:15
不能同意更多
我仔仔讀超happy 私幼，雖然零興趣班零外補，但兩公婆每日打兩份工 ，日頭嗰份賺錢，夜晚嗰 ...
父母同小朋友相處，如果從遊戲中學習，勝過out source 外補興趣班。
呢種相處尤其喺有面見家長環節嘅學校更突出，比到好多solid的話題。
作者: hundred100 時間: 21-7-24 10:38
本帖最後由 hundred100 於 21-7-24 10:45 編輯
Mmxsrus 發表於 21-7-24 07:11
小朋友讀happy券幼，K2開始上英文會話班，其他無咩外補。小朋友細b又講野唔叻，不過有keep住親子閱讀，小朋 ...
有滴讀劵幼小朋友考唔到，家長回過頭怪自己一開始冇比小朋友讀私幼；有滴讀私幼冇外補，最後考唔到，回過頭怪自己唔比小朋友補習或，唔比小朋友參加面試班。
就好少家長問下自己付出够唔够。幼稚園至初小，我覺得家庭至少占7成，好多事情不能假人之手。
日頭返工，但都仲有夜晚，周末。是否可以把手機完全放一邊?定系無論公園射滑梯，家裏坐系沙發都時刻手機不離手?真系要問下自己先知。
其實都有又讀私，又外補，又面試班最後連一個二線私都沒機會的。咁又系因為咩?
作者: pennysiubobo 時間: 21-7-24 10:44
我認為這條題目其實唔係討論：會否有被佛系對待、乜都唔理就考到直私、叩門全勝嘅小朋友？果d係天才，唔應該係大眾討論範圍裡。
而係：在成功申請心儀學校嘅小朋友中，究竟係外補幫助大d，還是家庭作用大d？
兩種方法都沒有對錯，只有係咪適合你嘅家庭同小朋友。只係睇返小朋友年齡同特質，是否全外補中英數 面試班最有效？家庭會唔會就此打著全外判嘅心態唔多理？精力時間有限嘅父母當然可以比小朋友外補，但亦要用有限嘅精力幫佢打造應該要具備嘅soft skill。若我唔外判，我是否要做補習天王天后？未必，以教認字來計，我比較重視先培養好想像力同理解力，睇儘量多嘅圖書，在接近5歲時小朋友表現對字好敏感再教認字，事實係事半功倍。我果個算係細B。
至於興趣班，自問唔係十項全能教到琴棋書畫 運動，小朋友有興趣一定要出去學，係想先培養興趣行得更遠？還是，想盡早參與競爭以獲一獎之認證？這個選擇都係好個人。
尼個教育制度令家長好多憂慮，但如果停一停想一想，你可能唔會被憂慮綁得太緊，還會想到應對嘅辦法。
至於神校要嘅學生點培養，作為普通人嘅我係無想過嘅～
作者: happy2115 時間: 21-7-24 11:12
只能夠講呢兩年考直私/叩門，好多都係拍片 portfolio, 點先拎到入場卷去下一輪，唔多唔少都係睇咩學校/家庭背景/興趣班/cert….
當然一定有讀學卷 0外補 天資聰穎既小朋友咩都唔駛幫佢準備又考到入心儀學校，但成數真係少數
個人覺得讀咩學校/外補啲咩，家長點教養先係最重要，私幼只靠學校上堂，係屋企放養只睇電視hea玩過日既，我諗都係難啲，當然呢啲好極端
只想帶出補唔補/學卷定私校，屋企點培養同support先係重點
無一定邊邊先岩，岩自己小朋友就得
作者: jtw_ki 時間: 21-7-24 11:22
我小朋友讀普通私幼，冇外補，冇考任何證書，冇參加面試班，亦冇喺屋企谷過佢學術，佢亦唔太鍾意睇書，我剩係有同佢報畫畫興趣班。但小朋友本身表達能力幾好，學校學習亦好，有自信，唔怕醜，考咗十幾間直私，最後好多間都有offer同waiting俾佢（包括一線直私）。
Btw，收我小朋友個d大部分係活動型小學，而神校只有waiting。所以如果你想小朋友入神校or學術型學校，最好都係操一操d學術，但如果係諗住入活動型學校，咁面試表現（表達能力、自信唔怕醜）會重要d
作者: Jean1769 時間: 21-7-24 11:40
jtw_ki 發表於 21-7-24 11:22
我小朋友讀普通私幼，冇外補，冇考任何證書，冇參加面試班，亦冇喺屋企谷過佢學術，佢亦唔太鍾意睇書，我剩 ...
個人覺得神校學術過關只是入場券。更睇重面試表現同家長有無心栽培同親子關係
作者: jennylady 時間: 21-7-24 23:28
pennysiubobo 發表於 21-7-24 10:44
我認為這條題目其實唔係討論：會否有被佛系對待、乜都唔理就考到直私、叩門全勝嘅小朋友？果d係天才，唔應 ...
作者: Fraser 時間: 21-7-25 11:04
學術夠勁而面試又present 到出嚟咪得囉
要in家長的話，父母高質實加分
作者: klam1 時間: 21-7-25 13:58 標題: 回覆樓主:
有聽過小朋友讀happy kindergarten, 冇外補入到神校。個小朋友自己係好醒目。
其實真心唔覺外補好大幫助，有時只係心理上好過啲，覺得已幫仔女安排了些活動，人有我有咁
作者: luikin 時間: 21-7-25 22:19
hundred100 發表於 21-7-24 10:38
有滴讀劵幼小朋友考唔到，家長回過頭怪自己一開始冇比小朋友讀私幼；有滴讀私幼冇外補，最後考唔到，回過 ...
有幾多家長, 真係肯用心去睇下小朋友學習情況,再同佢溫習
當然, 無時間俾到小朋友, 而經濟又負擔得到, 就不斷俾佢上興趣班
但我見既係, 而家呢個社會, 已經有好多用心既家長, 以下呢D全部都做到
1. 安排小朋友讀私幼 (語境好)
2. 屋企肯用心教 (英文已經最基本, 另外自己肯去陪佢溫書)
3. 放假上興趣班/ family day
4. 品德教育
作者: DengCK 時間: 21-7-25 23:10
luikin 發表於 21-7-25 22:19
講得好好, 有好多家長, 以為安排小朋友讀私幼, 就好大機會入到直私, 真係錯晒我都贊同, 家庭係佔7成, 平日 ...
本帖最後由 DengCK 於 21-7-25 23:11 編輯
delete
作者: JojoDad 時間: 21-7-28 15:20
Mrscatcatfung 發表於 21-7-23 13:18
無外補，無興趣班。讀私幼。
祖父母平日教功課，温默書. 我和爸爸則買教材，自己教phonics, reading, gram ...
作者: mc07012618 時間: 21-7-28 19:09
私幼考到
作者: tummypooh 時間: 21-7-28 21:12
個人感覺，一般直私要求係基本學術，但小朋友的性格更加重要。主動積極、反應快、聽指示，更加重要。
神級除外
作者: Orhome 時間: 21-7-29 02:33
實可以㗎，問題係比例有幾大啫。或者應該問，有外補有興趣班，考到直資機會係咪高好多？不過都係唔容易答。
作者: Azzurro 時間: 21-7-29 09:21
每對父母的觀感很主觀
有些人送小朋友去外補學術一個星期共三四個小時，覺得已經很出力
（可能因為各種原因沒法內補+親子活動，覺得外補很有儀式感）
有些人家裡內補學術每天兩三小時，零外補，覺得冇咩出力
（可能因為讀過少少書，覺得內補很輕鬆）
要客觀判斷，最好係按時間長短
比較好的問題是：
你每天多少個小時：內補學術 + 親子活動 + 外補學術 + 興趣班？
如果問我：你有咩外補學術 + 興趣班？
我可以回答：一個星期一小時外補 + 幾個小時興趣班（共五個小時）
但是如果你問我：你多少內補 + 親子活動？
我可以回答：每天兩三小時，一個星期大概二十小時左右
（以上為虛構對白）
作者: Jean1769 時間: 21-7-29 13:07
FTM 日日操練習都可以話無外補㗎喎
作者: bird06 時間: 21-7-29 17:56
pennysiubobo 發表於 21-7-24 10:44
我認為這條題目其實唔係討論：會否有被佛系對待、乜都唔理就考到直私、叩門全勝嘅小朋友？果d係天才，唔應 ...
同意你的看法，如果家長有能力有恆心，小朋友又聽家長教，其實外補/面試班並非必要。
最重要係適合家庭同小朋友，香港教育冇得佛系。
我小朋友冇外補、冇面試班、冇考cert，讀私幼，我地父母係每日陪佢溫同準備，最後感恩有四五間直私offer。
作者: ednamode11 時間: 21-7-29 21:03
可以，但小孩必要愛看書，嘴蕉蕉。
作者: penguinding 時間: 21-7-29 22:42
victorian2015 發表於 21-7-23 11:05
請大家分享經驗
本帖最後由 penguinding 於 21-7-29 22:45 編輯
本帖最後由 penguinding 於 21-7-29 22:42 編輯
考倒，自己教，愛閱讀
作者: Jean1769 時間: 21-7-29 23:07
ednamode11 發表於 21-7-29 21:03
可以，但小孩必要愛看書，嘴蕉蕉。
超級同意
作者: b1018 時間: 21-8-1 08:34
回覆 victorian2015 的帖子
上年各校小一收生的方法百花齊放，有學校只看profo 評定進入first round
面試的機會，名幼/興趣班cert/成績在此階段顯得重要。
不過最終大部學校都主要看考生的整體面試表現，
無外補，無上興趣班都可以考到直私，
外補，興趣班只是輔助，
最重要是基本校內學術，技能，態度是否合格。
| 歡迎光臨 教育王國 (/) |
Powered by Discuz! X1.5 |