教育王國
標題: 如何與仔仔溝通 [打印本頁]
作者: haharachel 時間: 21-7-17 11:22 標題: 如何與仔仔溝通
唔好意思可能表達唔係甘好，但想看大家請教一下，育兒心得。
先交代一下，我是全職媽媽。與長輩同住，沒有工人。仔仔升k3
最近發覺同仔仔距離越嚟越遠，起初只是以為是獨立，我還很高興。因為疫情停課時，還是一直媽媽，媽媽叫我。有時間還是會叫我陪玩的。
由於我有很多家務，或想輕鬆一下，我便叫他簡幾本書，之後同佢講。慢慢地他會自行閲讀，起初我是開心的。我又有更多私人時間，準備考小的事，做家務，或輕鬆下。
但最近發覺當我放下手上的事，話媽媽陪你玩，陪你傾訴時，他說他想看書。
其實小兒性格是慢熱內斂的，也上過一些教他表達的課堂。上課的內容，一點也不會説。起初以為是還少，慢慢就會有改善。
現在覺得他是不想跟我溝通，我想在暑假改善關係，希望大家可以指點一下。
作者: Yanamami 時間: 21-7-17 15:16
咪陪佢排排坐睇書，睇一陣撩佢講兩句，話書入邊公仔好靚喎……佢件衫咁得意既……佢做乜唔開心呢？氹佢同你講下本書，你又用自己睇緊果本引下佢。
作者: ar_mak 時間: 21-7-17 21:47
提示: 作者被禁止或刪除 內容自動屏蔽
作者: ar_mak 時間: 21-7-17 21:54
提示: 作者被禁止或刪除 內容自動屏蔽
作者: Yanamami 時間: 21-7-18 00:26
ar_mak 發表於 21-7-17 21:47 
我決定按照你既建議，去試下到底呢個方法係咪真係得。
今日，係圖書館，我鼓聲起最大既勇氣，坐下埋Ｄ， ...
東施呀東施……
作者: Yanamami 時間: 21-7-18 00:27
ar_mak 發表於 21-7-17 21:54
從建立關係呢個方向去睇，由照顧呢方面入手，會優勝過從陪玩同埋教育呢兩樣。ＰＳ：佢病到死果陣會痴實邊一 ...
作者: ar_mak 時間: 21-7-18 11:16
提示: 作者被禁止或刪除 內容自動屏蔽
作者: ar_mak 時間: 21-7-18 11:21
提示: 作者被禁止或刪除 內容自動屏蔽
作者: Yanamami 時間: 21-7-18 12:59
本帖最後由 Yanamami 於 21-7-18 13:11 編輯
ar_mak 發表於 21-7-18 11:16
其實易地而處咁去睇野，全世界既老公都係有比家用架啦，都稱得上算係有照顧頭家架喎，但係你，或者各位太太 ...
爸爸唔會明㗎嘞，正如爸爸會同媽媽講，你唔明我係出面有幾多野煩一樣。我唔會對樓主作出輕易批判佢有幾多時間俾仔。以我自己係ftm, 無工人，自己一手湊大兩個計，大概可以想像佢既情況。Been there, done that. 我亦曾幾何時放個女係廳個他下叫佢自己玩，自己係廚房一邊煮飯，一邊睇住佢，亦有叫個大女自己去睇書，因為我要餵細女奶，更從來唔會陪做功課對功課，因為我自己亦有野忙。我唔認為自己係失職ftm, 兩個女大哂，關係亦好。樓主亦無做錯乜野，以佢對仔既關心，可以係短時問發現態度有變，可見佢對仔既關注（高興佢及早留意到問題）。每個人生活都有好多大小struggles, 見到有問題，適時作出調整改善就好了，不必太judgemental.
Ps. 想同樓主講，我大女自小亦係內歛成熟獨立型，的確乜野都唔洗擔心佢，但就乜都收埋收埋，唔多表達內心想點。可能你大仔亦凉咁性格，但而家仲細，你可以俾多尐時間佢，我果時要凑細女，真係無時間，亦好似你一樣，覺得女好獨立就開心。你比我叻，及早注意到問題。加油吧～FTM要做到面面俱圓不易。
作者: ar_mak 時間: 21-7-18 13:51
提示: 作者被禁止或刪除 內容自動屏蔽
作者: ar_mak 時間: 21-7-18 13:55
提示: 作者被禁止或刪除 內容自動屏蔽
作者: Yanamami 時間: 21-7-18 14:27
本帖最後由 Yanamami 於 21-7-18 14:54 編輯
ar_mak 發表於 21-7-18 13:55
回覆 Yanamami 的帖子
考你一條ＩＱ題：兩父子下晝去食麥當勞，你覺得佢地係食左飯未？ ...
應該食左。我女好為食，食完正餐，行過亦會買杯麥旋風食，無乜所謂。我本身都好求其凑，孩子拉扯就長大。佢話好攰唔沖涼就瞓，冬天著定校服瞓，等第二朝唔洗凍冰冰換校服，亦可。泥鴨小事一樁，朋友老公凑完個仔玩完番黎跌斷左隻手男仔嘛，要play rough.
作者: Yanamami 時間: 21-7-18 14:48
我又係度諗，如果樓主調轉，唔係話媽咪陪你玩、陪你傾偈，而系向仔可唔可以陪媽咪……幫媽咪手……（例如摺衫）咁邊做邊可以傾偈，唔一定要坐定定你眼望我眼傾啫。我最失敗係無從小訓練佢地做家務，呢樣從小做起先得，大左唔so你。
作者: ar_mak 時間: 21-7-18 14:57
提示: 作者被禁止或刪除 內容自動屏蔽
作者: Yanamami 時間: 21-7-18 15:05
ar_mak 發表於 21-7-18 14:57
恭喜你，你係智力正常既！
作者: ar_mak 時間: 21-7-18 15:09
提示: 作者被禁止或刪除 內容自動屏蔽
作者: ar_mak 時間: 21-7-18 15:12
提示: 作者被禁止或刪除 內容自動屏蔽
作者: haharachel 時間: 21-7-18 16:05
ar_mak 發表於 21-7-18 11:16
其實易地而處咁去睇野，全世界既老公都係有比家用架啦，都稱得上算係有照顧頭家架喎，但係你，或者各位太太 ...
佢唔舒服實會痴住我，我有叫佢幫手係洗衣機攞衫岀黎。都要叫好耐先做，叫佢做家務，又變左另一樣勞氣既事。
作者: Yanamami 時間: 21-7-18 16:15
haharachel 發表於 21-7-18 16:05
佢唔舒服實會痴住我，我有叫佢幫手係洗衣機攞衫岀黎。都要叫好耐先做，叫佢做家務，又變左另一樣勞氣既事 ...
作者: haharachel 時間: 21-7-18 17:47
Yanamami 發表於 21-7-18 12:59
爸爸唔會明㗎嘞，正如爸爸會同媽媽講，你唔明我係出面有幾多野煩一樣。我唔會對樓主作出輕易批判佢有幾多 ...
多謝你既丫，好開心聽到你既分享。你覺得我應該點做好。就係同佢玩多啲？佢同你大女都似，衣家佢開始表達自己既意見，但慢慢態度越來越差，小小事就發脾氣走左去。
當然我都有教佢表達自己意見唔係甘，爸爸媽媽會就你，唔代表老師同朋友會。我地可以有禮貌講。無諗過甘快就要諗衣啲問題，我以為7，8歲先開始。
作者: haharachel 時間: 21-7-18 17:56
ar_mak 發表於 21-7-18 13:51
你誤會哂喇。無可否認，我真係唔係一個識得安慰人既人，我只係專注從自己既角度去睇左個問題先，其他既只係 ...
多謝你既回覆，爸爸係經濟支柱，花係小朋友身上既時間係少。講真做丫媽既真係唔係好明男仔應點教。
本身我都嚴，嚴佢又變到無自信，怕左我。輕又無晒秩序，係地鐵，商場走。唔影響到人，我都盡量由佢。但之前係唔俾，只係太嚴，佢好多野都唔敢做。所以我都唔識應幾輕幾嚴。
題外話，正因為甘，如果有得簡我想簡男校，但12年男校，有好有壞。請你哋俾啲意見。
作者: haharachel 時間: 21-7-18 18:03
Yanamami 發表於 21-7-18 14:48
我又係度諗，如果樓主調轉，唔係話媽咪陪你玩、陪你傾偈，而系向仔可唔可以陪媽咪……幫媽咪手……（例如摺 ...
試過既，其實太多野做，每次岀門都好趕時間，我都有叫佢幫手既，但就傾唔到計。
有試過叫佢摺衫，同係洗衣機攞衫。頭幾次係好玩既，但之後佢會叫你自己做，佢要玩咩咩咩，或睇緊書。佢睇書沉迷到行路都睇緊。
以前係地鐵見到小朋友攞住本字典甘厚既英文書睇既時候，覺得佢好叻，好乖。但衣家到自己個係甘時，我係勁無奈(emoji)
作者: haharachel 時間: 21-7-18 18:07
ar_mak 發表於 21-7-18 15:09
拿，咁樣諗你話係幾好呢！
ＰＳ：我地成日講咩活在當下，我自己覺得呢部份係最難，一方面既受過去影 ...
你甘講又岩，我好怕人活在當下。咩到時先算，我覺得做人唔可以係甘，點都要有目標，唔一定要做到，但唔可以無。我都想教仔定目標，幾大開始教？
作者: haharachel 時間: 21-7-18 18:10
Yanamami 發表於 21-7-18 16:15
唔……用唔同方法“叫”啦，諗下另一個方式“叫”，因為同一個唔凑效既方法拖拉，衹會信佢將家務同負面感覺 ...
我唔叫佢做，又點係佢做完之後稱讚佢呢？
有時佢叫我陪，叫我玩時，我又真係唔得閒。因為我想考直私，你地都知有好多野要準備啦
作者: Yanamami 時間: 21-7-18 21:35
本帖最後由 Yanamami 於 21-7-18 21:40 編輯
都話我呢方面係失敗，你會明白有幾忙，你湊一個，我凑兩個，有時叫得黎，自己拿拿淋做左佢仲快手，所以培養做家務我係失敗既。
麥兄講得啱，仔女教法唔同，我兩個係女，思想會早熟尐。我都係嚴媽，好細已開始教自理力同責任心、同理心……會同佢地解釋點解要咁做，又點解唔可以咁做……麥兄見到又
其實你都好細心，知道太嚴呢樣唔得果樣唔俾，又真係會影響自信，條線好難畫。我以前都係摸住石頭過河，好似你咁，邊養邊教，邊觀察邊改善。而家覺得，有尐野底線不能過，如價值觀人生觀，但有尐野衹要唔影響人身安全、健康同唔影響到其他人，唔洗太緊，甚至有時放縱一下亦可。
幾大都可以教定目標。目標有遠有近，有大有小，有難有易。小朋友定目標，可以簡單如每日食完飯自己執碗筷入廚房，或首set鬧鐘自己起床……
作者: haharachel 時間: 21-7-18 22:34
Yanamami 發表於 21-7-18 21:35
都話我呢方面係失敗，你會明白有幾忙，你湊一個，我凑兩個，有時叫得黎，自己拿拿淋做左佢仲快手，所以培養 ...
我就係成日說教，解釋一大堆原因。但原來有男女教法有分別？甘男仔做錯野，應該點教？
你岩既真係邊養邊教，唔同年齡都有唔同情況。希望可以早知早覺早避免。
關於定目標，我發覺好多時佢地既目標都係大人定。而且仲要有利誘佢先完成。佢哋既目標，係唔係唔應該放係學術同做功課呢？
作者: Yanamami 時間: 21-7-18 22:55
本帖最後由 Yanamami 於 21-7-18 23:14 編輯
haharachel 發表於 21-7-18 22:34
我就係成日說教，解釋一大堆原因。但原來有男女教法有分別？甘男仔做錯野，應該點教？
你岩既真係邊養邊 ...
唔會衹係學術。我女小二時我要佢試自己紥馬尾，一開始梗係唔得，我話先由低馬尾（頸後紥）開始，定個目標，一日紥高少少，咁就紥到高馬尾。小三學校有自理營，佢係營房中唯一自己識紥馬尾既，就覺得自己好叻。好細已教佢地每個人都有自己責任同本份，所以佢地明盡力讀好書係佢身為學生既責任，唔係為同父母交代，好成績，有乜獎，都係寫佢個名，唔係我個名，所以佢係為自己努力。好似運動員落場，點都係佢自己面對，媽咪衹係啦啦隊，係旁邊打氣，傾茶遞水，有時說教，可以睇故事時順水推舟輕鬆帶過，太嚴蕭正經會悶，聽唔入耳。佢地明白為自己努力，從來唔洗利誘。
十隻手指有長短，人總有尐野叻尐，有尐野渣尐，叻果方面你去加强，渣既去改善（無乜可能完全除去），就靠你平日觀察。我大女小時反應慢又唔醒，但勝在耐力夠又肯搏肯捱，但我後生時無耐性，你知啦，又忙，真係拍爛唔知幾多把間尺，得出結論係，再發癲都唔會令佢變快，衹會令關係變差，叮一聲醒左，接受佢係佢，佢係點都係我生成，本牲難移，唯有可做衹有改善，不能改變。我做阿媽，亦係邊做邊學。大女問過我做乜唔打阿妹，咁偏心。我話唔係偏心，而係我做阿媽，都係不斷學習，發覺打唔可以達到我目的之餘仲破壞感情，錯了，所以唔再做。大女話咁佢咪好唔抵，我話好不幸，都係，但我有真心同佢道歉，自己做錯了。大家心結都打開了。
話時話，我未教過男仔，真係唔知點話你知。
作者: ANChan59 時間: 21-7-19 09:33
Yanamami 發表於 21-7-18 22:55
唔會衹係學術。我女小二時我要佢試自己紥馬尾，一開始梗係唔得，我話先由低馬尾（頸後紥）開始，定個目標 ...
我觉得教男生教女生本质上，大原则上是一致的。不过男女之间心智发育速度不同，喜好不同，社会期望不同，係要调整心态及方式。
讲到道歉係好有意思的，到一定程度上，父母子女互相懂得尊重及道歉，可以化解不少积怨及误解，可能我向太太道歉，他在旁边也是在学习。补充多一点，男仔可能在某些事情或技能上特别优秀，向他请教係非常有效果㗎。
作者: Radiomama 時間: 21-7-19 11:59
我家男生，若正專注做一件事：
媽媽：讓他繼續，完成後才吩咐幫忙的事情。
爸爸：先吩咐他要幫忙的事情。
以上沒有對錯，只是男女大不同，阿仔自己會適應。
孩子小時候也不會主動講好多學校的事情，是冷淡派。所以媽媽會主動去了解他的同學、老師、學校。
爸爸哩，聽完就忘記，下次再聊，同學的名字都會亂了。
以上也沒應不應該，現在孩子興之所致，仍會講學校的情況，明就明、唔明就黎明。
男仔喜歡郁手郁腳，爸爸也喜歡；兩個會打成一片。我會慳番啖氣，唔理佢哋，除非打倒我。我會好惡駡人。
作者: Radiomama 時間: 21-7-19 12:02
人生，不只有學業；也不是只有名校。
作者: ANChan59 時間: 21-7-19 12:11
Radiomama 發表於 21-7-19 11:59
我家男生，若正專注做一件事：
媽媽：讓他繼續，完成後才吩咐幫忙的事情。
爸爸：先吩咐他要幫忙的事情。
真的因人因家庭而异，我们家有些是跟你家相反，也有一致的，我们两人也有很好的默契！
作者: Yanamami 時間: 21-7-19 18:45
本帖最後由 Yanamami 於 21-7-19 18:45 編輯
好野！引到有優秀兒子既爸媽搭咀！呢兩位先
作者: ar_mak 時間: 21-7-19 21:09
提示: 作者被禁止或刪除 內容自動屏蔽
作者: ar_mak 時間: 21-7-19 21:12
提示: 作者被禁止或刪除 內容自動屏蔽
作者: ar_mak 時間: 21-7-19 21:17
提示: 作者被禁止或刪除 內容自動屏蔽
作者: babachau 時間: 21-9-3 16:26
或者你可以試下靜靜咁陪係仔仔身邊閱讀!! 到佢想同佢傾計既時候你stand by就ok嫁喇~~
作者: busybeebee0713 時間: 21-9-6 16:37
提示: 作者被禁止或刪除 內容自動屏蔽
作者: gba168 時間: 21-10-3 11:24
他說他想看書
| 歡迎光臨 教育王國 (/) |
Powered by Discuz! X1.5 |