教育王國

標題: 小一拍片... [打印本頁]

作者: muimui125 時間: 21-7-12 00:57 標題: 小一拍片...

有無同路家長可以互相扶持下？或者上年有經驗既家長，可否分享下心得或感受...好想有同路人傾下呀

作者: WONGKACA 時間: 21-7-12 11:14

拍片簡直是雞飛狗跳，不能母慈子孝的操作

作者: pingu_julie 時間: 21-7-12 11:31

WONGKACA 發表於 21-7-12 11:14
拍片簡直是雞飛狗跳，不能母慈子孝的操作

我仔超討厭拍片，最後所有（係所有）拍片嘅學校都入唔到 second in / 直接收reject

作者: muimui125 時間: 21-7-12 12:21

WONGKACA 發表於 21-7-12 11:14
拍片簡直是雞飛狗跳，不能母慈子孝的操作

我仔拍得唔順暢想拍多過一次已表示唔願意，好似逼佢咁，又唔忍心
睇訪問，要求拍片的學校校長都話不希望見到要操練小朋友，但如何做到不操練但可以表現自然流暢又自信呀？真係參透唔到...

作者: muimui125 時間: 21-7-12 12:22

pingu_julie 發表於 21-7-12 11:31
我仔超討厭拍片，最後所有（係所有）拍片嘅學校都入唔到 second in / 直接收reject
...

我想知唔知有無小朋友會喜歡拍片？

作者: WONGKACA 時間: 21-7-12 12:33

回覆 muimui125 的帖子

不好操練真係一個偽命題….因為最尾學校收的都係操練過嘅小朋友

作者: sandra1004 時間: 21-7-12 13:27 標題: 回覆樓主:

最憎拍片，我同阿女都怕怕

作者: aprilng1979 時間: 21-7-12 13:30

WONGKACA 發表於 21-7-12 12:33
回覆 muimui125 的帖子

不好操練真係一個偽命題….因為最尾學校收的都係操練過嘅小朋友 ...

操練一定要操,但係有啲操練得很自然,本人已經經歷過,直情係拍到個仔喊,喊完抹乾眼淚又拍,最終都入到second in,有的又有offer,一分付出一分收穫

作者: jennifertam20 時間: 21-7-12 15:00

回覆 aprilng1979 的帖子

same here…拍片簡直傷害母子感情😂
離不開自我介紹，講故事呀等等⋯⋯

作者: Babyfungmama 時間: 21-7-12 15:03

諗起拍片我都覺得想喊，又累，呀仔拍得唔好我又勞氣，幸好未影響親子關係，但拍到我自己都驚，拍片只有一半入到第二輪面試，但最後係第二輪報名而入到心儀學校，所以之前拍片係白費心機

作者: lovelovebabe 時間: 21-7-12 15:47

muimui125 發表於 21-7-12 12:21
我仔拍得唔順暢想拍多過一次已表示唔願意，好似逼佢咁，又唔忍心
睇訪問，要求拍片的學校校長都話不希望見 ...

這些校長，想收的是不經操練而又表現卓越的學生，否則，又不見得他們只看申請表和學校評估就去收。

作者: lovelovebabe 時間: 21-7-12 15:49 標題: 回覆樓主:

不要再節磨家長小朋友了，不如直接zoom來面見吧。我和很多家長上年已經很辛苦了，真的不要未來都要這樣，變成恒常化，太慘了。

作者: lovelovebabe 時間: 21-7-12 15:54 標題: 回覆樓主:

上年因為疫情冇辦法，今年都要人拍片，實在太冇良心了。

作者: boyboobee 時間: 21-7-12 17:19 標題: 回覆樓主:

拍片根本係招藝員，學校自欺欺人的方式。我個女拍到喊，喊完又再拍，但最後所有拍片的都冇面試機會，除咗SFA去到6月周圍call先搵翻我哋，當時我哋已經有直資又有成功叩門學校在手，玩到攰哂，冇動力再去啦。

作者: 企鵝鵝媽媽 時間: 21-7-12 18:22

我哋當時要交3分鐘短片，用咗3日嚟拍。我唸冇咩小朋友鍾意拍片，因為過程一啲都唔enjoyable。如果小朋友NG都拍唔到，可以嘗試整啲道具當提示俾佢，同埋分段拍再剪接。

作者: muimui125 時間: 21-7-12 18:26

多謝各位分享，想問下你地如何平衡小朋友在片中既表現（如流暢度、聲線、自信度等）又唔會重覆拍到要令小朋友好反感？即係拍到去某一個位便好停同收貨，定係想力求完善？你們當時想法係點樣？

作者: fairycatcher 時間: 21-7-12 19:01

muimui125 發表於 21-7-12 18:26
多謝各位分享，想問下你地如何平衡小朋友在片中既表現（如流暢度、聲線、自信度等）又唔會重覆拍到要令小 ...

千祈唔好力求完美，今年我自己小朋友拍片，我係要求佢講嘢夠流暢自然，就算食少少螺絲，我都收貨。
同埋一日唔好拍太多次，每日最多拍兩次，如果重複係咁拍，小朋友表情會好呆滯架。

作者: laigillian 時間: 21-7-12 19:09

每個小朋友拍片style都唔同，我個仔唔鍾意背左稿先拍，要一路拍一路背，所以每段要拍好多次，好辛苦，大家都難受。

最後入左一間唔洗拍片既學校 (emoji)

作者: dustybabe 時間: 21-7-12 19:33

回覆 muimui125 的帖子

我係今年升P.1既學生家長，對上年拍片留有好大陰影，諗起都驚。小朋友拍到喊，我自己都拍到就黎癲。拍片過到first in 到2nd in 係zoom小朋友普遍都in得好差。係到今年六月玩叩門同私校2nd round先有offer。

拍片黎講，宣道算易拍，因為係叫你跟書讀同自我介紹十五秒。

KTS我覺得拍得好好好好但無下文，唔知準則響邊..

作者: hermionexxxx 時間: 21-7-12 20:16

痛苦指數100！絕對傷害母女感情

作者: lovelovebabe 時間: 21-7-12 22:26 標題: 回覆樓主:

今年再有學校要求拍片，會覺得呢啲學校好冇人性。

作者: chantelle321 時間: 21-7-12 22:39

lovelovebabe 發表於 21-7-12 22:26
今年再有學校要求拍片，會覺得呢啲學校好冇人性。

同意，今年仲有邊間係拍片？

作者: waiwaileung1 時間: 21-7-12 22:42

lovelovebabe 發表於 21-7-12 22:26
今年再有學校要求拍片，會覺得呢啲學校好冇人性。

超級認同！

作者: waiwaileung1 時間: 21-7-12 22:44

chantelle321 發表於 21-7-12 22:39
同意，今年仲有邊間係拍片？

王錦輝，又中又英又才藝表演！

作者: 吹水媽媽 時間: 21-7-12 23:54

muimui125 發表於 21-7-12 12:22
我想知唔知有無小朋友會喜歡拍片？

好感恩我個仔拍片都算合作。佢自己話「唔得，再嚟過」

作者: DS2015 時間: 21-7-13 00:13

拍片真係好痛苦，一間學校要拍兩至三個主題，例如自我介紹、講故事和才藝表演。當你同時報幾間學姣，間間都要拍片，而內容要求又間間都有d唔同，全部由頭拍起，真係拍片拍到大人細路都怕怕！

作者: Orhome 時間: 21-7-13 01:30

請教有無過來人分享下，拍片如果修剪會唔會影響印象分？一條片限死兩三分鐘，小朋友有時er都er咗半分鐘，唔修剪好難拍得晒。

作者: hkcsty 時間: 21-7-13 04:14

回覆 Orhome 的帖子

好多學校要求一鏡到底不可以剪片的

作者: Orhome 時間: 21-7-13 04:50

hkcsty 發表於 21-7-13 04:14
回覆 Orhome 的帖子

好多學校要求一鏡到底不可以剪片的

如果無寫明有呢個要求呢？

作者: fairycatcher 時間: 21-7-13 06:30

Orhome 發表於 21-7-13 04:50
如果無寫明有呢個要求呢？

就算學校冇要求，我覺得都唔好講一個故事，剪接幾次。你諗下，有好多小朋友都可以一take過講1分鐘故事，如果你小朋友要剪接嘅話，你覺得做老師，你會揀邊個？

作者: 糯米米糍 時間: 21-7-13 08:10

Orhome 發表於 21-7-13 04:50
如果無寫明有呢個要求呢？

其實好易明，老師係想睇小朋友表現，唔係家長剪片技術，除非係剪埋課外活動或比賽片段，如果唔係，要剪已經話緊俾學校知，小朋友做唔到一take過。我小朋友今年升小，上年拍片拍咗9間，6間係入到2nd in，我全部除剪輯課外活動外一刀不剪，有啲3-4分鐘講故事過場到才藝表演中間都唔剪

作者: chantelle321 時間: 21-7-13 08:40

waiwaileung1 發表於 21-7-12 22:44
王錦輝，又中又英又才藝表演！

同意上面所講，而家疫情已穩定，仲要拍片嘅學校好無人性，大部分學校都已經可以面見，即刻擔心都可以用zoom interview ，拍片真心唔理想。學校也唔體諒。

作者: Orhome 時間: 21-7-13 09:33

糯米米糍發表於 21-7-13 08:10
其實好易明，老師係想睇小朋友表現，唔係家長剪片技術，除非係剪埋課外活動或比賽片段，如果唔係，要剪已經 ...

媽媽同小朋友都好厲害！唉，真係人都癲，王錦輝得3分鐘兩個故事一個才藝，小朋友又唔肯講簡單啲嘅故事，拍到躁底，唯有當拎經驗算。

作者: waiwaileung1 時間: 21-7-13 10:09

本帖最後由 waiwaileung1 於 21-7-13 10:13 編輯

chantelle321 發表於 21-7-13 08:40
同意上面所講，而家疫情已穩定，仲要拍片嘅學校好無人性，大部分學校都已經可以面見，即刻擔心都可以用zoo ...

其實而家疫情穩定，做足預防措施，做番面見好過。Zoom interview我其實都麻麻，好似我小朋友咁，有父母在場，老師又隔住過Mon, 小朋友得過幾歲人仔，以為玩，又話要攬住，又挨身挨勢又學父母説话，加上電腦又突然間有問題，真係有点炆憎。聽舊年啲家長説有啲學校仲要In 完父母後，就請家長出去，閂埋度房門，要小朋友自己獨自面見，成熟啲嘅小朋友可能無問題，但我驚自己嗰個in in下會走咗出嚟唔in，始終在家裏自己熟悉嘅環境，唔同喺學校面見大把小朋友陪，小朋友見個個都係咁做，反而可能合作d。

作者: waiwaileung1 時間: 21-7-13 10:12

Orhome 發表於 21-7-13 09:33
媽媽同小朋友都好厲害！唉，真係人都癲，王錦輝得3分鐘兩個故事一個才藝，小朋友又唔肯講簡單啲嘅故事，拍 ...

身同感受，我過個好簡單嘅故仔都講唔掂，真心佩服呢度啲小朋友咁叻，有諗過跳船唔拍，但又想攞經驗。

作者: Wendy_tang 時間: 21-7-13 10:31

有同路人真好....拍片真係大人小朋友都心身疲累.雙職家長要番工, 好難平日有機會同佢拍..都係星期六日...對於一些慢熱既孩子特別有挑戰性..
要一take 過真係好辛苦..不過大家盡力吧..都係一個成長既過程...

作者: KumamonJ 時間: 21-7-15 17:43

fairycatcher 發表於 21-7-12 19:01
千祈唔好力求完美，今年我自己小朋友拍片，我係要求佢講嘢夠流暢自然，就算食少少螺絲，我都收貨。
同埋一 ...

如果拍時有一兩下眼神無望鏡頭，會唔會拍過？

作者: TingTing0001 時間: 21-7-15 19:11

請問講故事係咁就咁講定要拎住本書一路講一路揭頁？

作者: honeybibibibi 時間: 21-7-15 20:09

muimui125 發表於 21-7-12 00:57
有無同路家長可以互相扶持下？或者上年有經驗既家長，可否分享下心得或感受...好想有同路人傾下呀:laugh2 ...

我囡考果年都未洗拍片，只係叩門階段先要拍。
今年我見好多學校都要拍片，我覺得拍片好煩好困擾

（原本有打算報三私其中兩私＋德望），所以我家妹妹咩都唔考，決定直接跟家姐上。
咁我諗可能都有d人好似我咁，細佬妹會放棄再考其他學校，變相都希望你地多d機會入到啦。

Goodluck!

作者: TingTing0001 時間: 21-7-15 20:50

我將訓練背稿部分外判左比姐姐..
今日寫左份英文故事稿.. 叫姐姐同阿女背..
姐姐好有心機耐性.. 用左一個上午同阿女背熟份稿.. 我完全唔駛勞氣..

作者: Reitsal 時間: 21-7-18 23:44

小朋友果part係面見公平啲，但in家長果part就贊成拍片...

作者: Mmxsrus 時間: 21-7-19 00:12

本帖最後由 Mmxsrus 於 23-9-10 02:00 編輯

delete

作者: muimui125 時間: 21-7-28 08:31

請問點解而家少左咁多家長係ek 討論升小？

作者: kikitea 時間: 21-7-28 09:29

muimui125 發表於 21-7-28 08:31
請問點解而家少左咁多家長係ek 討論升小？

我都覺呀

作者: hkcsty 時間: 21-7-28 13:28

回覆 Mmxsrus 的帖子

我拍了六間，只有一間有2nd in, 最後都入了呢間唯一拍片入圍的學校。

作者: yancb 時間: 21-7-28 17:26

lovelovebabe 發表於 21-7-12 22:26
今年再有學校要求拍片，會覺得呢啲學校好冇人性。

十分同意！
當間間學校都已經正常番學，
我真係唔覺得有咩原因唔可以面見囉
純粹學校覺得慳水慳力
但就真係唔為學生著想的學校囉

作者: lovelovebabe 時間: 21-7-29 07:30 標題: 回覆樓主:

如果穩定情況下，今年都仍要拍片，呢啲學校真係好冇heart。

作者: TingTing0001 時間: 21-7-29 09:52

Orhome 發表於 21-7-13 01:30
請教有無過來人分享下，拍片如果修剪會唔會影響印象分？一條片限死兩三分鐘，小朋友有時er都er咗半分鐘，唔 ...

其實可唔可以同小朋友練熟個故事先？

早2個星期拍片.. 我首先同小朋友練熟左一段普通話自我介紹同英文故事..

拍片時一 take 過.. 只拍左一次..
我想要拍多次小朋友都唔肯.. 佢話佢覺得剛剛已經講得好好..

咁我就交左了..

作者: yeeling0101 時間: 21-7-29 10:51

拍片雖然好很煩，但又正面啲睇，其實幫左啲小朋友。如果本身表達唔係咁叻同內向，的確可以透過重覆練習拍片入圍。我小朋友表達唔叻，叫佢現場講一個故事仲要才藝表演，個表現一定無拍片咁好。所以我練左好耐，練到熟先拍。

作者: c27cheun 時間: 21-7-29 12:33

見到培橋今年又係要拍片,仲要得兩日時間.....
不過正面D諗,速戰速決,唔洗練成一兩個月,大人小朋友都辛苦

作者: VinJacHay 時間: 21-7-29 16:54

上年報左7間,
有間收PROFO 之後REJECT(優才),

有一間只係面見一次收左(九龍灣ST.JOE),

一間面見冇2ND IN(福附),

一間面見冇左下文(SMC WAITING)

一間拍片入2ND IN面見之後收左(嶺小),

一間ZOOM IN 最後備取收左(啟基),

一間拍片(1ST IN 2ND IN 都係拍片)過哂關收左(KTS),

應覺拍片係辛苦O既, 但比較O岩怕醜內向學術唔係好SHAPR 醒o既小朋友,

因為可以不斷改善條片(如果閣下仔女唔討厭的話),

本人比較喜歡面見, 特別係小朋友自己入去IN 果D,

冇眼睇。

作者: b1018 時間: 21-8-1 01:57

過來人感受：拍片有助幫慢熱或細B warm up.換取多些時間準備面見。
今年雖然少左家長分享，
但是可以參考上年之分享。

另外，疫情期間若言面見，留意帶住口罩，
又隔咗厚厚的膠板，對細聲的小朋友不利。
提醒小朋友留意老師有冇聽清楚回應。

拍片之前放開心情充練習，當作一次show and tell
功課，到ready 才開機拍，可以減少抗拒感。

最重要爭取入到 final round waiting,便成功在望。
Offer 會集中在同一批top tier 小朋友手上，
之後first batch waiting 的，多數会有offer.

若要取得正選，可能冇想像中易。
若要取得waiting轉offer, 又冇想像中難。

歡迎光臨教育王國 (/)