教育王國

標題: 聖保祿天主教小學vs港大同學會小學 [打印本頁]

---

作者: alicelam881    時間: 21-7-2 23:29     標題: 聖保祿天主教小學vs港大同學會小學

無妹妹弟弟跟尾，應選邊間？

---

作者: CXW    時間: 21-7-3 00:02



2間學校不同style , 我毫無縣念放st. Paul cat 揀一間活動教學嘅學校
Ps . 也是獨女

---

作者: 2013skc    時間: 21-7-3 09:05

無弟妹更無懸念揀港同
港同活動教學，開心，一條龍，學仔talk 得成績又好

---

作者: Poyau    時間: 21-7-3 13:20

alicelam881 發表於 21-7-2 23:29
無妹妹弟弟跟尾，應選邊間？

看看那間適合小朋友

---

作者: littlechen    時間: 21-7-3 17:42

兩間差距甚大，港同優勝

---

作者: Poyau    時間: 21-7-3 19:52     標題: 回覆樓主:

港同一條龍
SPPCS有直中 直屬位應夠收B1/B2生
兩間中學2020年主科4+差不多

2020年 SPSS | 港同
中文4+ ~55% | 52.2%
英文4+ ~85% | 82.6%
數學4+ ~71% | 71.1%
------------------------------------
CEM4+ ~70% | 68.6%
通識4+ ~61% | 69.6%
------------------------------------
主科4+ ~68% | 68.9%

---

作者: amemama    時間: 21-7-3 19:56

兩間都係好學校，可以從宗教/單性別或混合性別/有冇弟妹跟尾作考慮

---

作者: mcl203    時間: 21-7-3 20:19

littlechen 發表於 21-7-3 17:42
兩間差距甚大，港同優勝

真係如是？～～～

---

作者: gigiyyc    時間: 21-7-3 20:40

littlechen 發表於 21-7-3 17:42
兩間差距甚大，港同優勝

請問邊度顯示?

---

作者: littlechen    時間: 21-7-3 20:48

差距大指兩個教學方法，師資都完全不同
不是指成績
一個活動教學，一個本身就是傳統教法
一個初小沒有考試，一個比較著重成績
插班港同中比較難
所以如果以少考試方式，達到band1A/B，港同明顯比較好

---

作者: mcl203    時間: 21-7-3 21:13

littlechen 發表於 21-7-3 20:48
差距大指兩個教學方法，師資都完全不同
不是指成績
一個活動教學，一個本身就是傳統教法

去到高中階段，不少學生都會頗出力吧，用中學DSE成績論小學，似乎，已經係兩回事。況且，似乎，大學入場卷3322，SPSS亦略佳～～～

小學階段，SPPCS亦公佈有95%全港B2生率，應該係全港小學前列吧～～～

當然，兩間學校風格有別～～～

---

作者: PTL_L    時間: 21-7-3 21:23

littlechen 發表於 21-7-3 20:48
差距大指兩個教學方法，師資都完全不同
不是指成績
一個活動教學，一個本身就是傳統教法

除此以外，港同揀入，3次interview,12年學費；sppcs搞珠入，仲要12網女校中受歡迎程度只係排第二，12年零學費，直資 vs 津校， 生源對成績既提升都有啲啟示。

---

作者: lskstephen    時間: 21-7-4 07:57

alicelam881 發表於 21-7-2 23:29
無妹妹弟弟跟尾，應選邊間？

你想囡囡係乜嘢環境下成長先係關鍵。

---

作者: DengCK    時間: 21-7-4 10:32

lskstephen 發表於 21-7-4 07:57
你想囡囡係乜嘢環境下成長先係關鍵。

agree.

港同仲有不少好處：男女校、100%龍
修女學校多數好嚴（或者規矩多多）

---

作者: 雲牛    時間: 21-7-5 11:04

回覆 DengCK 的帖子

其實修女學校有多些 甚麼規矩? 直資學校又有 甚麼是無咁嚴的?

---

作者: PTL_L    時間: 21-7-5 11:19

DengCK 發表於 21-7-4 10:32
agree.

港同仲有不少好處：男女校、100%龍

其實修女學校有多些 甚麼規矩? 直資學校又有 甚麼是無咁嚴的?x2

---

作者: mimi1102    時間: 21-7-5 11:58

其實兩間係好唔同嘅學校, 有冇細老妹跟尾, 唔係考慮因素, 你先知小朋友需要什麼.

---

作者: littlechen    時間: 21-7-5 12:02

PTL_L 發表於 21-7-5 11:19

其實港同和天主教學校在規距上有好大分別。
津校在髪飾，儀容，坐姿，日常作息行為都有規定
大多數官校，津校，天主教學校則有以上規距

港同是以鼓勵學生，正向教育為主，學生在特定時間可以走動，本身已經係不太一樣（之前家長有分享）

---

作者: PTL_L    時間: 21-7-5 12:33

littlechen 發表於 21-7-5 12:02
其實港同和天主教學校在規距上有好大分別。
津校在髪飾，儀容，坐姿，日常作息行為都有規定
大多數官校， ...

但問題是，髮飾，儀容，坐姿有要求有咩問題？會影響到小朋友好定壞？而日常作息，你所指是在家定學校內？如在家，學校唔會得閒理你，呢啲係家教問題，在校內，守規矩，又唔覺有咩問題？

---

作者: littlechen    時間: 21-7-5 12:45

PTL_L 發表於 21-7-5 12:33
但問題是，髮飾，儀容，坐姿有要求有咩問題？會影響到小朋友好定壞？而日常作息，你所指是在家定學校內？如 ...

其實只是指出規距的要求和方法不同。
學校規距嚴和鬆不會影響到小朋友好興壞，有規距的學校對某些小朋友係好，可以令某些小朋友變乖巧，看小朋友性格而定

港同是沒有既定啲規則，有些科目沒有範圍，某程度上要小朋友自律。所以有部份家長覺得有規則，有溫習範圍比較好的話，港同可能未必適合

---

作者: PTL_L    時間: 21-7-5 13:04

littlechen 發表於 21-7-5 12:45
其實只是指出規距的要求和方法不同。
學校規距嚴和鬆不是影響到小朋友好興壞，只係教的方法不同，興家教和 ...

即你意思係有規矩要守或守規矩唔係壞事？嚴可能都是好事？鬆或沒有既定的規矩要守亦有可能係壞事？最緊要睇小朋友及家庭需要，希望其他網友都明白呢點。

---

作者: littlechen    時間: 21-7-5 13:14

PTL_L 發表於 21-7-5 13:04
即你意思係有規矩要守或守規矩唔係壞事？嚴可能都是好事？鬆或沒有既定的規矩要守亦有可能係壞事？最緊要睇 ...

係。
守規距對於某些小朋友係好，沒有規距反而我讓小朋友試家長的底缐。
但有些小朋友能夠自律，所以小朋友性格才是重點。

---

作者: mcl203    時間: 21-7-5 13:20

littlechen 發表於 21-7-5 12:45
本帖最後由 littlechen 於 21-7-5 13:00 編輯

其實只是指出規距的要求和方法不同。

港同無既定規則，有啲科目無範圍，你意思係任老師依佢自己嘅方法去自由式教導和範圍，位位老師教嘅內容都可能唔同？咁方法係香港又幾新頴噃。但又想知多啲，小朋友就算自律，都似乎未必知道老師心意，老師想教佢哋甚麼內容，自律去溫習都無乜用噃～～～

---

作者: littlechen    時間: 21-7-5 13:27

mcl203 發表於 21-7-5 13:20
港同無既定規則，有啲科目無範圍，你意思係任老師依佢自己嘅方法去自由式教導和範圍，位位老師教嘅內容都 ...

以前家長講起，港同英文科自己有特定題目，要小朋友找資料，老師有主要題目，但係要小朋友思考。不知道中文數學是否這樣，小一小二沒有測考只有評核
所以對於以往有範圍溫習考試的小朋友和家長，可能會不同
學校有自己的範圍，但每年是否一樣就唔知

---

作者: mcl203    時間: 21-7-5 13:36

littlechen 發表於 21-7-5 13:27
以前家長講起，港同英文科自己有特定題目，要小朋友找資料，老師有主要題目，但係要小朋友思考。不知道中 ...

咁又幾新頴喎，考試前俾個題目啲學生，老師出題任意發揮，要靠同學自己一早去搵資料，雖然都叫做有範圍，都唔算係無，但同學自律可以去理解要去搵乜資料？考試喎，會唔會仲大壓力，考試結果又如何？會否唔少學生炒到好甘？初小學生都可以應付？～～～

---

作者: kitkit89    時間: 21-7-5 13:37

mcl203 發表於 21-7-5 13:20
港同無既定規則，有啲科目無範圍，你意思係任老師依佢自己嘅方法去自由式教導和範圍，位位老師教嘅內容都 ...

科目不是沒有範圍，校本課程，project base, 老師俾的notes足夠，但每一單元學校再提供另外教材，如書丶網上資料，要小朋友學習自己搵資料增加知識，疫情前好多活動，圍圈坐，堂上多討論，不是沒有規矩，課室規則是老師同學一齊訂，有商有量，鼓勵發問，可以傾偈但當然同學習有關。大部份學生都活潑健談外向

港小用家

---

作者: kitkit89    時間: 21-7-5 13:43

中英每一單元都係「聽丶說丶讀丶寫」考試有範圍，不是冇得溫，個人覺得中英文寫作教得好好，雙班主任，小女四年都是中文英文老師做班主任，所以語境不錯（但不一定是net）

---

作者: mcl203    時間: 21-7-5 13:43

kitkit89 發表於 21-7-5 13:37
科目不是沒有範圍，校本課程，project base, 老師俾的notes足夠，但每一單元學校再提供另外教材，如書丶網 ...

咁又唔算太新頴噃，我小朋友以前讀間津小都差唔多係咁，不過，佢哋初小已經上網搵資料～～～

我哋真係讀過如此嘅小學，無課程無範圍無書，甚至無預備好嘅教才，任老師認為適合就教，不過，非在香港，亦不設考試～～～

---

作者: kitkit89    時間: 21-7-5 13:49

mcl203 發表於 21-7-5 13:43
咁又唔算太新頴噃，我小朋友以前讀間津小都差唔多係咁，不過，佢哋初小已經上網搵資料～～～

我哋真係讀 ...

那種類似華德福？香港難做到

港小活動教學，正向品德教育做得好，中英數有小班補底，直升一條龍，書院計劃開IB., 好少有人走除非神校

---

作者: kimlam953    時間: 21-7-5 13:50

mcl203 發表於 21-7-5 13:43
本帖最後由 mcl203 於 21-7-5 13:49 編輯

咁又唔算太新頴噃，我小朋友以前讀間津小都差唔多係咁，不過 ...

港同有類似

我試過就一些可能會發生意外嘅事在teams向老師提出，佢第日即刻用左成堂班主任堂和同學討論，同學之間有好多提議可能連大人如我都未必想到。然後放學時問返自己個仔，佢主動同我下次遇呢件事要可點樣點樣做，仲話要返屋企google下啲新聞；更重要係所有提議出自佢把口，而唔係我日哦夜哦要點做。

老師真係隨意發揮，而班小朋友又真係好多idea. 仲有好多呢類好spontaneous 嘅事係港同發生，以上只係其中一件。 其他津校有無，唔清楚。

---

作者: kitkit89    時間: 21-7-5 13:53

kimlam953 發表於 21-7-5 13:50
本帖最後由 kimlam953 於 21-7-5 13:53 編輯

港同有類似

的確好注重討論，就算比較靜小朋友也有很多機會發言。

唯一唔好，細佬妹不是必收

---

作者: mcl203    時間: 21-7-5 13:53

kitkit89 發表於 21-7-5 13:49
那種類似華德福？香港難做到

港小活動教學，正向品德教育做得好，中英數有小班補底，直升一條龍，書院計 ...

E，樓上網友話港同規範小，咁唔使太講紀律，又有乜方法可以教導學生正向品德教育咁呢？可能，我理解係自由波式，無設定紀律性式校規，我估，我理解錯誤～～～

---

作者: mimi1102    時間: 21-7-5 14:03



港小係直資學校, 收左政府錢, 唔會冇範圍任由老師點教都得. 雖然我女已經離開左港小多年, 不過我諗大方向仍然冇變. 同級嘅老師會經常開會, 傾唔同班嘅進度, 唔係冇枉管咁任教.

至於做project, 依家香港好多學校都鍾意做project, 但我女讀港小時, 除左小一學期初我有跟過好少部份, 之後佢已經可以自動波, 因為老師係會循序漸進慢慢帶佢地, 而唔係一嚟就掉個題目比佢地, 然後就等家長教/幫佢地做.

---

作者: mimi1102    時間: 21-7-5 14:11

mcl203 發表於 21-7-5 13:53
E，樓上網友話港同規範小，咁唔使太講紀律，又有乜方法可以教導學生正向品德教育咁呢？可能，我理解係自由 ...

活動教學, 唔係指唔講紀律, 可以周圍走影响別人上學, 上課時仍然要專心,
唔交功課, 都要罰, 就係冇得放小息, 要去205室(唔知有冇變課室號碼)做番齊啲功課 .

要學懂尊重別人, 愛護同學.

---

作者: kimlam953    時間: 21-7-5 14:12

kitkit89 發表於 21-7-5 13:53
的確好注重討論，就算比較靜小朋友也有很多機會發言。

唯一唔好，細佬妹不是必收

你個細嘅入到嗎？

---

作者: mcl203    時間: 21-7-5 14:26     標題: 回覆樓主：



可能，有啲網友只知自己間小學嘅教學模式，以為津校係不可能存在。係非常非常多年前，自己果位當年仲係初小嘅小朋友身上，小一已經有project做，去認識你嘅社區，當然有父母參與，始終要周街去，拍照留紀錄。去認識香港嘅歷史建築物，又當然要父母指導啦，或者叫幫佢做埋。始終香港都有18區，ppt/word report當時唔少得。以上，都會隨機式堂上搵學生present，學生樂於參與。網上學習，少功課，周末日更少啲功課，已經唔記得做呢啲project 係邊科了，我一向少參與。小1/2/3無正統式考試，只有評估，連佢哋中學部中1/2都無正統式考試，無規範式坐位，鼓勵閱讀，重表達。呢類教學方法已經並非近年出現嘅事，已存在多年歷史～～～

教會學校有修女參與管理，似乎，認知亦都無更新多年了。認知中，只有少部份學校係有修女參與日常管理～～～

津校教才當然有規範啦，買書係必然，用唔用又唔係必然噃。又係果句，自己少參與其中，某年，自己揭下佢啲中/數習作，只劃花咗10頁8頁，一問之下，原來好少用。英文本書，直情話無乜用過。所以，津校視乎你讀緊邊間津校，非一概而論～～～

---

作者: mcl203    時間: 21-7-5 14:39

mimi1102 發表於 21-7-5 14:11
活動教學, 唔係指唔講紀律, 可以周圍走影响別人上學, 上課時仍然要專心,
唔交功課, 都要罰, 就係冇得放小 ...

當年自己果位嘅津校仲手鬆啲，唔交功課只係寫手冊通知家長，印象中未聽過會罰冇得放小息，佢哋，小息一定要出課室，不會留班房～～～

勿誤會，我係見到有網友，應該係港同家長，話津校重紀律，我好奇以為無又如何可以令我學生守紀律而已，自己攪錯咗～～～

---

作者: kitkit89    時間: 21-7-5 14:45

kimlam953 發表於 21-7-5 14:12
你個細嘅入到嗎？

入唔到

---

作者: 雲牛    時間: 21-7-5 14:47

今時今日的教校模式, 已不是我們當年的硬梆梆, 只有單向規矩學生要服從的年代. 就算官校津校, 已引入活動教學模式, 鼓勵學生發問. 做 project, 自己搵資料, 參觀社區, 做 presentation 非常尋常.

至於尊重別人, 尊重生命, 更是各校都要推行的項目, 教育大學同不少中小學校都有籌劃生命教育的課程和活動.

---

作者: PTL_L    時間: 21-7-5 14:49

kitkit89 發表於 21-7-5 14:45
入唔到

嘩，咁咪好頭痛？諗住一個一讀12年，另一個都係12年㗎喎，仲要細既咩分都冇辛苦家長喇。

---

作者: kitkit89    時間: 21-7-5 14:50

PTL_L 發表於 21-7-5 14:49
嘩，咁咪好頭痛？諗住一個一讀12年，另一個都係12年㗎喎，仲要細既咩分都冇辛苦家長喇。 ...

會試插小二

---

作者: 雲牛    時間: 21-7-5 14:51

題外話, 講下校規, 我們家人兩代都係讀教會學校, 我們讀的學校從來無規範過底褲著咩色, 反而朋友讀九龍熱門私小, 規定要著白色底褲

---

作者: kimlam953    時間: 21-7-5 14:51

kitkit89 發表於 21-7-5 14:45
入唔到

呀....到八月尾前仲有希望，希望你小朋友wait到！

---

作者: kitkit89    時間: 21-7-5 14:56

kimlam953 發表於 21-7-5 14:51
呀....到八月尾前仲有希望，希望你小朋友wait到！

會試小二插班

---

作者: Charlotte_mom    時間: 21-7-5 15:07

mcl203 發表於 21-7-5 13:53
E，樓上網友話港同規範小，咁唔使太講紀律，又有乜方法可以教導學生正向品德教育咁呢？可能，我理解係自由 ...

Delete

---

作者: PTL_L    時間: 21-7-5 15:08

kitkit89 發表於 21-7-5 14:50
本帖最後由 kitkit89 於 21-7-5 14:51 編輯

會試插小二

聽聞好難考插班，希望大既讀緊，學校會體諒下啦。

---

作者: Charlotte_mom    時間: 21-7-5 16:07

PTL_L 發表於 21-7-5 15:08
聽聞好難考插班，希望大既讀緊，學校會體諒下啦。

Delete

---

作者: PTL_L    時間: 21-7-5 16:15

Charlotte_mom 發表於 21-7-5 16:07
識人（不止一個）係考兩次小一，同時試插小二，睇最後結果決定

頭都暈佩服佢父母既恒心。

---

作者: dreamdream081    時間: 21-7-5 17:33

PTL_L 發表於 21-7-5 12:33
但問題是，髮飾，儀容，坐姿有要求有咩問題？會影響到小朋友好定壞？而日常作息，你所指是在家定學校內？如 ...

Agree with u

---

作者: dreamdream081    時間: 21-7-5 17:36

DengCK 發表於 21-7-4 10:32
agree.

港同仲有不少好處：男女校、100%龍

男女校都當為好處，只是家長各有所好。亦有不少家長會選女校

---

作者: bj1315    時間: 21-7-5 17:43

如果樓主係有港同offer 去叩SPPCS 就去SPPCS 咁做得都係較喜歡傳統學校。

如果係港同收call waiting ，經濟無concern 可以試下港同 ，揀3 round 入 的學生 的教學方式 和 五湖四海派位入 各人學習有差異的津校 必定有分別

---

作者: DengCK    時間: 21-7-5 18:00

雲牛 發表於 21-7-5 11:04
回覆 DengCK 的帖子

其實修女學校有多些 甚麼規矩? 直資學校又有 甚麼是無咁嚴的? ...

例如唔準係街食野、唔準係果區地標等人、用把間尺度你條裙長度、上完家政整野食唔可以食要留返返屋企食（下刪N個無聊校規）

我唔知非修女學校係咪咁。

---

作者: PTL_L    時間: 21-7-5 18:17

DengCK 發表於 21-7-5 18:00
例如唔準係街食野、唔準係果區地標等人、用把間尺度你條裙長度、上完家政整野食唔可以食要留返返屋企食（ ...

你係咪經歷過？定聽人講？

---

作者: DengCK    時間: 21-7-5 18:17

PTL_L 發表於 21-7-5 18:17
你係咪經歷過？定聽人講？

親身經歷

---

作者: PTL_L    時間: 21-7-5 18:18

DengCK 發表於 21-7-5 18:17
親身經歷

即好多年前？sppcs?
你有冇細路讀sppcs 或 spss?

---

作者: DengCK    時間: 21-7-5 18:19

PTL_L 發表於 21-7-5 18:18
即好多年前？sppcs?
你有冇細路讀sppcs 或 spss?

係好多年前，B1A修女學校

識人讀sppcs，日日鬧功課。

---

作者: PTL_L    時間: 21-7-5 18:21

DengCK 發表於 21-7-5 18:19
係好多年前，B1A修女學校

咁可能你被嚇怕了，我小朋友剛畢業，完全冇經歷過你所講，當然，你應講中學階段，但而家呢個post講小學噃，係咪唔係咁適合用落嚟呢？

---

作者: DengCK    時間: 21-7-5 18:22

dreamdream081 發表於 21-7-5 17:36
男女校都當為好處，只是家長各有所好。亦有不少家長會選女校

家長選女校：唔想女拍拖專心讀書（私心）
家長選男女校：想小朋友平衡發展

僅本人看法

---

作者: PTL_L    時間: 21-7-5 18:23

DengCK 發表於 21-7-5 18:19
本帖最後由 DengCK 於 21-7-5 18:21 編輯

我都識，同班同學tim,佢成日唔交，欠做，提一次，提兩次都唔交，咁作為老師應該點？搵埋家長都係咁，做老師應該攞份人工算？當睇唔到？

---

作者: bj1315    時間: 21-7-5 18:25

DengCK 發表於 21-7-5 18:00
例如唔準係街食野、唔準係果區地標等人、用把間尺度你條裙長度、上完家政整野食唔可以食要留返返屋企食（ ...

本帖最後由 bj1315 於 21-7-5 18:32 編輯


我細個時間女校係 （非Sppcs)
Sppcs無咁嚴(中學部唔知），其實好多修女學校都有與時並進嘅 好多女校校長都係後生 5年前 10年前 已經有分別

一成不變係唔理想
問下用家了解吓 仲係覺得嚴 咪唔好揀 又何必用以前把尺去定型了一堆學校呢

---

作者: DengCK    時間: 21-7-5 18:34

雲牛 發表於 21-7-5 14:51
題外話, 講下校規, 我們家人兩代都係讀教會學校, 我們讀的學校從來無規範過底褲著咩色, 反而朋友讀九龍熱門 ...

我果間規定不得超過$500、不能多過三隻色。諗返起都ridiculous, 所以本人對讀修女學校比較抗拒

同學都是乖乖女你講乜就乜果種，又可以稱為薯

---

作者: pizza121    時間: 21-7-5 18:44

回覆 DengCK 的帖子

不得超過$500的是什麼?

---

作者: DengCK    時間: 21-7-5 18:47

pizza121 發表於 21-7-5 18:44
回覆 DengCK 的帖子

不得超過$500的是什麼?

書包價錢

---

作者: PTL_L    時間: 21-7-5 18:52

DengCK 發表於 21-7-5 18:34
本帖最後由 DengCK 於 21-7-5 18:48 編輯

我果間規定不得超過$500、不能多過三隻色。諗返起都ridiculou ...

Let it go la.學校、人、時代都會進步的，唔好再活在過去喇，可能會令自己損失好多。

---

作者: DengCK    時間: 21-7-5 18:56

PTL_L 發表於 21-7-5 18:52
Let it go la.學校、人、時代都會進步的，唔好再活在過去喇，可能會令自己損失好多。 ...

我就當然let go好耐，只是講起呢個話題就回想好多ridiculous校規

---

作者: PTL_L    時間: 21-7-5 19:00

DengCK 發表於 21-7-5 18:56
我就當然let go好耐，只是講起呢個話題就回想好多ridiculous校規
...

但好多網友真係以為而家都係咁㗎，作為前用家既我，都諗緊幾時發生過呢啲事原來係你好久遠前既經歷，加上仲要唔係講緊sppcs或spss嚟評論而家學校，欠公道。

---

作者: DengCK    時間: 21-7-5 19:03

PTL_L 發表於 21-7-5 19:00
但好多網友真係以為而家都係咁㗎，作為前用家既我，都諗緊幾時發生過呢啲事原來係你好久遠前既經 ...

咁我駛唔駛delete comments?我一直都係評論緊修女學校。

你既然係用家咁請你講多d俾大家聽。不過我朋友日日同個女為功課搏鬥係現在式sppcs

---

作者: pizza121    時間: 21-7-5 19:05

回覆 PTL_L 的帖子

最緊要是攪清潔是那所學校,吾好混亂左.另外就是家長最了解自己小朋友適合什麼類型的學校.

---

作者: PTL_L    時間: 21-7-5 19:10

DengCK 發表於 21-7-5 19:03
咁我駛唔駛delete comments?我一直都係評論緊修女學校。

你既然係用家咁請你講多d俾大家聽。不過我朋友日 ...

咁ek係公開既分享平台，唔需要delete,但建議表達前，請清楚及全面講返整體情況好啲，因為唔係個個都係資深會員，知道前文後理。至於你想我再分享sppcs,其實當作為用家時，我分享都頗多了，有興趣可以搵返之前既post睇一睇,而家要師妹們家長接力喇，不在當中，唔想將outdate 資訊說出誤導網友。

---

作者: creambun    時間: 21-7-5 20:29

DengCK 發表於 21-7-5 18:34
本帖最後由 DengCK 於 21-7-5 18:48 編輯

我果間規定不得超過$500、不能多過三隻色。諗返起都ridiculou ...

我以前不是讀修女學校，不過部分考規都大同小異。以前的中學確實比現在多規矩。 我覺得書包規定不過$500 都是好事，以前都不少同學用過千的書包，地圖袋，M. Duck，bold 袋，日本書包等好常見。不過我覺得學生返學還是簡簡單單比較好。

---

作者: Lailo    時間: 21-7-5 20:54

DengCK 發表於 21-7-5 18:19
本帖最後由 DengCK 於 21-7-5 18:21 編輯

每日只有2-3樣功課，weekend最多4-5樣。按咁嘅功課量，如果咁都要日日鬧功課，咁可能未必適合呢間學校。

---

作者: kc33    時間: 21-7-6 00:06

Charlotte_mom 發表於 21-7-5 15:07
其實都分享過好多次，港同「教仔」係靠化，唔係靠管。我仔係sen仔，訓輔組常客，訓輔老師同我講，訓輔係一 ...

很impressive ! 老師是用心教導 說到做到！

非常欣賞這種處理手法

---

作者: mcl203    時間: 21-7-6 03:31

Charlotte_mom 發表於 21-7-5 15:07
其實都分享過好多次，港同「教仔」係靠化，唔係靠管。我仔係sen仔，訓輔組常客，訓輔老師同我講，訓輔係一 ...

呢樣我就只可以睇你分享，自己完全唔知當年小學若係相同情況下嘅處理手法，佢係一向操行果啲項目係近乎完美嘅～～～

6年來只係俾老師省過兩獲金嘅。一次係唔知頭唔知路嘅老師，係知啲唔知啲嘅情況下省咗佢一堂，不過，被班主任用咗兩堂時間為佢平反咗，仲鬧其他同學點解唔出聲去指正位老師。另一次係校內有位老師可能心情唔好，被人用嚟出氣，又係省咗佢一堂，又係被副校長目睹過程，根本無做過，第二日為佢平反咗。罰，都好似唔覺係佢哋身邊出現過，或者，佢無參與過被罰，所以唔知～～～

---

作者: 964000    時間: 21-7-6 07:41

mcl203 發表於 21-7-6 03:31
本帖最後由 mcl203 於 21-7-6 03:39 編輯

呢樣我就只可以睇你分享，自己完全唔知當年小學若係相同情況 ...

你個女咁乖讀女校當然没有問題，但「百厭」個D女仔，讀男校好好多，會有D男仔幫手「墊下底」女仔相對個個都操行A.

---

作者: Charlotte_mom    時間: 21-7-6 08:44

mcl203 發表於 21-7-6 03:31
本帖最後由 mcl203 於 21-7-6 03:39 編輯

呢樣我就只可以睇你分享，自己完全唔知當年小學若係相同情況 ...

Delete

---

作者: chick1stbb    時間: 21-7-7 03:25

感謝樓主出呢個帖，令我深思好幾年面對同樣選擇。
我囡係前者最近三年嘅畢業生，當年同樣有港同呢個OFFER。
囡在前者讀左六年，學業成績一直不錯，唔駛點谷，拎足六年學業獎（唔係想曬，因為我驚大家以為我囡讀得唔開心而踩母校）。

當年，我問幼稚園老師，我囡比較適合活動教學定係傳統學校，老師有少少行貨（我覺得啫），話我囡兩者都適合。註：我囡係幼稚園期間無任何能力顯示鍾意讀書，係幼稚園從未拎任何獎。

當年我選前者，都係個啲大路原因，唔駛錢，有歷史嘅名校，有直屬中學，期望阿囡做一個獨立、有主見嘅女生。

六年過後，阿囡成績叫做不錯，唯性格、soft skills 乃至眼界走唔出呢間學校從五十年前已經存在嘅特質。

係大約4年級左右，我發現囡做嘢好怕錯，怕老師鬧，怕同"其他叻人"唔同，開始墨守成規。睇埋佢友好嘅同學仔，特質相似。坦白講，我心中有點不安。當然，一間學校培養不同人，但大抵有啲特質文化係會一直傳承。

我唔知如果阿囡去港同讀會唔會同樣咁開心，但係現今呢個大環境，過分保守嘅小學教育對小孩性格構造、成長都並不理想。睇返不少師姐們，對原中又好、對小學又好，幾十年嚟都係歸屬感一般。我諗呢啲某程度反映左保守環境造成對學校有距離感，不是不喜歡，但是不會像男校咁，建立度sisterhood。有sister，但沒有sisterhood，感覺係可惜嘅。

我囡係學校六年係開心嘅，唔知點解，又係對小學歸屬感一般。

我唔知大家明唔明我嘅感覺。

不過，如果俾我重新選擇一次，我會選後者 - 港同。 因為我希望小學教育係俾小朋友在成長、生活、知識上啟發、嘗試，而不是單向式的教育。

---

作者: 964000    時間: 21-7-7 06:40

chick1stbb 發表於 21-7-7 03:25
感謝樓主出呢個帖，令我深思好幾年面對同樣選擇。
我囡係前者最近三年嘅畢業生，當年同樣有港同呢個OFFER。 ...

其實女校一般都難有男校那種歸屬感。
不過很同意你所講，小學（其實幼稚園也是）對小朋友性格很大影響，不是只看成績。

---

作者: ctammy    時間: 21-7-7 07:04

chick1stbb 發表於 21-7-7 03:25
感謝樓主出呢個帖，令我深思好幾年面對同樣選擇。
我囡係前者最近三年嘅畢業生，當年同樣有港同呢個OFFER。 ...

本帖最後由 ctammy 於 21-7-7 07:05 編輯

我又講吓我經歷，我囡囡是一間天主教幼稚園升上這間女校小學。當年的課程可能冇現在那麼輕鬆，常識一開始是背四頁密麻麻的字，中英文默書都有考試每一次考8課。幼稚園沒有好好裝備我個女跟不上。最重點是有個教數及教體育的老師是不停喝駡。亦試過當住全班要他在黑板罰企20分鐘，經常會說一些侮辱的說話，如：「說普通話的那個都聽得懂你咁都聽唔明你個腦去咗邊？」
有次平日我交文件到校務處，亦聽到小朋友排隊老師很大聲駡：「人必自侮然後人侮之，你哋排隊排成咁知唔知醜。」。

到小二學期中我就主動轉走了。轉了不過一間沒有人想讀的寶校，但女兒的信心全部回來了，默書考試都不用我跟，今年升中了。
重點是沒有最好的學校，只有最適合。

---

作者: zaba    時間: 21-7-7 08:59

chick1stbb 發表於 21-7-7 03:25
感謝樓主出呢個帖，令我深思好幾年面對同樣選擇。
我囡係前者最近三年嘅畢業生，當年同樣有港同呢個OFFER。 ...

路過, 多謝你坦白無私分享.你解開咗我一直諗要唔要為小女揀天主教修女學校既疑惑 (我哋有宗教分)
你既形容同我預計既好相近.
再次感謝你

---

作者: NatalieBaby    時間: 21-7-7 13:11     標題: 回覆樓主:

可能人人的際遇不同。

小女是近幾年 sppcs 的畢業生。

小女小一時，是一個欠缺自信心的小女孩。

經過6年學校的愛心栽培，有系统的訓練，學校比不同機會小女發揮，加上同學間的友愛，小六畢業時，老師的評語是：自信，淡定，有領導能力。

最後，小女考入 Band 1A 直資女校


我們一家對小學很滿意，亦很感恩。

---

作者: alicelam881    時間: 21-7-7 13:14     標題: 回覆樓主:

因為這間有直屬中學，考直資中學，是否小學支援較小，想請教你是怎樣準備

---

作者: chick1stbb    時間: 21-7-7 13:22



回覆 ctammy 的帖子

很明白亦同情你囡囡，同時很高興你囡囡找到更好嘅學習生活。有信心、有安全感嘅學習生活先至係人生快樂嘅起點。那個老師出名偏心，對人不對事。
我囡成績上叫做好彩幸運嘅一個，冇咩機會被人因學業成績而鬧，但小朋友耳濡目染，見到同學仔做錯少少嘢、學業唔係佢地眼中標準就鬧鬧鬧，呢啲嘢都係會影響小朋友嘅性格同價值觀。呢個亦係點解我選後者嘅原因。


至於brotherhood 與sisterhood點解咁難睇齊，好大原因係學校文化。

男校brotherhood 係至少努力做到互相扶持，修女女校根本冇出力互相扶持，佢地只係叫大家囡囡做一個品學兼優嘅女生，聽聽話話就得啦。呢個唔係錯、呢個唔係
不著，只係唔係我對小學教育嘅唯一/重點期望。

作為家長，我覺得當年我低估咗學校嘅學習環境對佢性格同soft skills構成嘅影響。而對我，性格同soft skills係遠比成績重要得多。我知不少家長自己囡囡成績好，無視學校係其他方面嘅不足，其實呢個做法正正影響後來者、影響歸屬感、影響學校嘅健康發展。

平心而論，前者係一間好學校，無論師資、學業、歷史和中學支援。

百貨應百客，選咩學校，一定有得必有失。做家長嘅，不妨清醒一點。好嘅讚，唔好嘅都同人講下、討論下，咁樣先係教育。

---

作者: PTL_L    時間: 21-7-7 13:24

alicelam881 發表於 21-7-7 13:14
因為這間有直屬中學，考直資中學，是否小學支援較小，想請教你是怎樣準備
...

呢間學校入銅鑼灣姐妹校係有優勢，另一間佐敦女直資不嬲都係一個起一個止又或零。

---

作者: mcl203    時間: 21-7-7 13:32

chick1stbb 發表於 21-7-7 13:22
回覆 ctammy 的帖子

很明白亦同情你囡囡，同時很高興你囡囡找到更好嘅學習生活。有信心、有安全感嘅學習生 ...

其實一個學生係好難對以前嘅小學，長期保持歸屬感，尤其是已經離校生，始終人大左思維會有改變，亦時間可沖淡記憶～～～

---

作者: chick1stbb    時間: 21-7-7 13:44

回覆 NatalieBaby 的帖子

很高興你囡囡得到學校嘅重點培育。

其實呢個亦係學校長久問題之一 - 對學業成績好嘅太偏心啦。至於點解，相信不用討論。


我囡同樣係升中時去左
BAND 1A直資，同樣，佢有不少友好同學成績非常一般（學校眼中），對於佢地嘅遭遇我就感到非常可惜。我明白呢個世界冇絕對公平，但都可唔可以盡量公平一點對不同學習能力嘅學生？


欣賞與包容係一種人生教育，而呢種教育方式，係香港家長身上見到嘅唔多，係香港嘅學校搵到更加鳳毛麟角。


我唔係想踩任何一間學校，而係愛之深，為香港教育一時有感而發。

---

作者: PTL_L    時間: 21-7-7 13:54

chick1stbb 發表於 21-7-7 13:22
回覆 ctammy 的帖子

很明白亦同情你囡囡，同時很高興你囡囡找到更好嘅學習生活。有信心、有安全感嘅學習生 ...

我唔知你所講既老師係咪我女女學習生涯中遇到既一位最令人難忘嘅老師。當年的經歷，我心痛到「眼淚在心裏流亦在眼眶流」，但幸好，只是惟一，所以我相信「明天會更好」。我女女算是成績不錯既一群，都有呢啲經歷，我相信人問題大於制度問題，亦於當年激發到女女成績更上一層樓，所以，視乎點樣灌輸觀點與角度俾小朋友。呢個世界冇人會永遠寵你或被寵，人要靠自己。

---

作者: renaya    時間: 21-7-7 14:02

chick1stbb 發表於 21-7-7 13:22
回覆 ctammy 的帖子

很明白亦同情你囡囡，同時很高興你囡囡找到更好嘅學習生活。有信心、有安全感嘅學習生 ...

請問你會知道嗰位老師仲喺學校入面任教嗎？咁其他老師又會否偏心到出晒面呢？

---

作者: chick1stbb    時間: 21-7-7 14:05

回覆 PTL_L 的帖子

個位老師教數學、又教PE，應該同上面分享嘅都係同一位啦。
教主科，又負責課外活動，權力大、可以被人嘅機會很多。呢啲機會我囡有得到，咁係咪冇問題呢？

如果有人長久以來都係以唔公平見稱，又鍾意鬧人，而學校長期無視問題，咁樣代表咩呢？
只要老師交到數（學生數學成績好）？只要老師交到數（出外拎獎多？）

歸屬感最基本係一種感覺，呢啲就係不少old girls （包括我）對學校嘅感覺。

---

作者: PTL_L    時間: 21-7-7 14:08

chick1stbb 發表於 21-7-7 14:05
回覆 PTL_L 的帖子

個位老師教數學、又教PE，應該同上面分享嘅都係同一位啦。

我知係邊個了，但唔係同一人，不過你既心情我明白，敢怒不敢言，我覺得自己做左壞榜樣俾女女。

---

作者: chick1stbb    時間: 21-7-7 14:16

回覆 PTL_L 的帖子

又唔係同一人⋯⋯咁係咪學校有一種文化呢？

"敢怒不敢言"：呢種文化係 in our blood。
幸運地，我囡係學校冇咩刻骨銘心嘅體驗。
如果有，我諗我會拆天啦。我係晌修女教導之下，可能因為基因出錯，絕對敢怒敢言。

---

作者: ctammy    時間: 21-7-7 14:20

7歲女當時真係無諗過教她這個道理，所以選擇離場。找到快樂、自信的學習方向對我們家庭比較重要。同意亦有老師很好，尤其一位中文老師，是這所學校唯一值得留戀的

---

作者: PTL_L    時間: 21-7-7 14:22

chick1stbb 發表於 21-7-7 14:16
回覆 PTL_L 的帖子

又唔係同一人⋯⋯咁係咪學校有一種文化呢？

應該係有「人」既地方，就會有呢種文化。
慶幸，多年來只遇到一個，連校內另一老師都話點解唔向學校投訴，等校方知道並正視處理，所以，我都係會講係「人」問題大於「制度」問題。

---

作者: chick1stbb    時間: 21-7-7 14:22

回覆 ctammy 的帖子

學校有不少好老師，對學生關愛、教學上有能力（有料）、盡責，非常同意有幾位中文老師很好。

---

作者: ctammy    時間: 21-7-7 14:25

PTL_L 發表於 21-7-7 14:22
應該係有「人」既地方，就會有呢種文化。
慶幸，多年來只遇到一個，連校內另一老師都話點解唔向學校投訴， ...

我試過直接找校長投訴，但只會包庇

---

作者: chick1stbb    時間: 21-7-7 14:26

回覆 PTL_L 的帖子

當你睇返同一系列中小學，你便明白學校文化。 究竟sisters 係人，定係制度？

---

作者: chick1stbb    時間: 21-7-7 14:27

回覆 ctammy 的帖子

哈哈～我笑而不語。

---

作者: PTL_L    時間: 21-7-7 14:32

ctammy 發表於 21-7-7 14:25
我試過直接找校長投訴，但只會包庇

你當年既校長應該非而家既校長。另外，點算唔包庇行為？即刻炒老師？要老師當面向師生道歉？

---

作者: PTL_L    時間: 21-7-7 14:36

chick1stbb 發表於 21-7-7 14:26
回覆 PTL_L 的帖子

當你睇返同一系列中小學，你便明白學校文化。 究竟sisters 係人，定係制度？

我當然明白，我唔會要求人哋，所以要裝備好自己，俾自己有得揀，而唔係被人揀。

---

作者: chick1stbb    時間: 21-7-7 14:39

回覆 PTL_L 的帖子

呢啲句式似曾相識，都係唔講落去啦，唔係敢怒不敢言，而係笑而不語。
ctammy: 我明白你呀！

---

作者: ctammy    時間: 21-7-7 14:42

chick1stbb 發表於 21-7-7 14:39
回覆 PTL_L 的帖子

呢啲句式似曾相識，都係唔講落去啦，唔係敢怒不敢言，而係笑而不語。

謝謝(emoji)(emoji)只是咁岩路過抒發一下,這個討論完畢了☺️

---

歡迎光臨 教育王國 (/)

Powered by Discuz! X1.5