教育王國

標題: 黃宣/ 太協 / 基華 / 聖家(九龍城) [打印本頁]

作者: BowieShyam 時間: 21-7-1 14:55 標題: 黃宣/ 太協 / 基華 / 聖家(九龍城)

註冊在即, 要作最終決定
女, 活潑聰明好動, 是有能力上望, 受谷但不要太多抄寫, 大家痛苦

基華/聖家近, 但傳統教學及谷, 後者可能啱乖一D小朋友?

感覺黃宣較鍾意, 活動多元一點, 也能維持一定成績, 但遠些要搭車去

太協也傳統及谷嗎? 成績好似比基華及黃宣好? 但油尖旺網, 不利女生

求各位指點!

作者: Poyau 時間: 21-7-1 15:20 標題: 回覆樓主:

聖家有直中升中保障佳
黃宣/太協升B1皆過4成前者較高
升中九龍城B1/B2較油尖旺多選擇

作者: hugub 時間: 21-7-1 18:45

如果唔想多功課就唔好揀基華，因為出名多功課

作者: yanyanb0401 時間: 21-7-1 22:25

hugub 發表於 21-7-1 18:45
如果唔想多功課就唔好揀基華，因為出名多功課

基華好多功課？應該唔夠聖家多掛？

作者: boyboobee 時間: 21-7-1 23:34 標題: 回覆樓主:

聖家在家長面見時，副校長己經提出會有好多功課，問家長是否認同及接受，相信功課量有一定份量。

作者: BowieShyam 時間: 21-7-1 23:48

多謝各位的意見

係, 聖家功課多在EK出哂名, 面試時我都感受到要我地做家長要ready, 我覺得小女深d唔怕, 只怕多及繁瑣...

作者: lishan 時間: 21-7-2 00:17

黃宣好似最輕鬆

作者: GloriaCharles 時間: 21-7-2 08:48

我個囡今年讀緊九龍城聖家小一，功課量我覺得唔係話太多。可能因為今年返學日子唔太多。
有時多功課係因為功課要改正, 我覺得聖家唔算係太谷

上年選擇只有係錦泰同聖家, 選擇咗後者, 主要因為中學校網九龍城好似吸引啲

作者: boyboobee 時間: 21-7-2 12:12 標題: 回覆樓主:

今早收到九龍城聖家通知叩門成功，同阿女商討咗一個上午，最後決定㨂陳守仁，放棄聖家了。

作者: maggie-tmK 時間: 21-7-2 13:12

lishan 發表於 21-7-2 00:17
黃宣好似最輕鬆

功課輕鬆，是否代表小朋友保B1位更困難？請過來人分享下～

作者: hugub 時間: 21-7-2 15:32

yanyanb0401 發表於 21-7-1 22:25
基華好多功課？應該唔夠聖家多掛？

聖家我冇硏究過有幾多，但基華絕對係多功課既，黃宣就正常功課量

作者: hugub 時間: 21-7-2 15:47

maggie-tmK 發表於 21-7-2 13:12
功課輕鬆，是否代表小朋友保B1位更困難？請過來人分享下～

我又唔覺，功課質量才是關鍵，抄寫功課可能為配合默書而設，普通小學抄詞語係5次，有d名校只抄3次，我女習慣抄果d詞語係第一次起字頭，第二次抄寫並記住個字，第三次就默出來，咁就可以慳返温默書既時間，而功課往往包埋改正，如果功課質素好，少左改正等於小左功課...我覺得花最多時間既功課係預習，因為要查字典

作者: BowieShyam 時間: 21-7-2 18:06

多謝大家的意見, hugub的說法正正是說中我所想, 功課質量是重點, 對於一些看來不斷重覆的功課, 唔知小女受唔受到….不過論級數好似聖家最高, 又近, 有點難以捨棄

作者: Carmenwong1230 時間: 21-7-2 18:11

回覆 BowieShyam 的帖子

聖家好

作者: BowieShyam 時間: 21-7-2 18:19

boyboobee 發表於 21-7-2 12:12
今早收到九龍城聖家通知叩門成功，同阿女商討咗一個上午，最後決定㨂陳守仁，放棄聖家了。
...

有留意到你的經歷, 同我差不多, 很恭喜你等到陳守仁咁好的學校call waiting.小女是細女, 去年底近乎全軍覆沒, 有點懷疑人生,
N無人士, 又抽天地網, 預咗落地獄, 最後如所料食全餐, 由放榜前一個月準備定叩門名單及資料玩到依家, 總算有學校認同, 亦相信自己小朋友是得的

作者: boyboobee 時間: 21-7-2 19:19

BowieShyam 發表於 21-7-2 18:19
有留意到你的經歷, 同我差不多, 很恭喜你等到陳守仁咁好的學校call waiting.小女是細女, 去年底近乎全軍覆 ...

你的小朋友有咁多選擇都好叻，我哋當初除咗係只有一間私校，其他全無，派位又係天地網，乙三已經不治

,叩門起步已經跌低,間間waiting,幸好小朋友漸漸熟練面試，後來的都有second in以致於有offer, 亦是幸運地越好的學校越在後面才面試，所以其實都有點運氣好的成份，在此也恭喜你最終為孩子選擇到最合適的學校。

作者: BowieShyam 時間: 21-7-2 23:44

boyboobee 發表於 21-7-2 19:19
你的小朋友有咁多選擇都好叻，我哋當初除咗係只有一間私校，其他全無，派位又係天地網，乙三已經不治 :wah ...

你小朋友考到陳守仁也很叻, 入到心儀學校. 小女1st in止步, 想wait下都無
我地當初都係得一間私校, 一直很感恩這間私校嘗識小女, 否則這大半年來會更不踏實

恭喜你給小朋友搵到合適學校

歡迎光臨教育王國 (/)