教育王國

標題: 不打針回英國危險嗎? [打印本頁]

作者: wanmummy    時間: 21-7-1 13:31     標題: 不打針回英國危險嗎?

我女身體有事,醫生不建議打針。我哋想同學校申請網上上堂,但係唔批准。

我本來想九月陪佢返去開學,但而家又要隔離21日,甚至乎唔准返嚟香港。攪到我煩上加煩,大家好可以俾啲意見我嗎?

1. 同佢申請停學一年?
2. 定係照俾佢返英國倫敦開學?
3. 仲有其他意見嗎?

作者: summerhotel1    時間: 21-7-1 15:28

wanmummy 發表於 21-7-1 13:31
我女身體有事,醫生不建議打針。我哋想同學校申請網上上堂,但係唔批准。

我本來想九月陪佢返去開學,但而 ...

1. 除非呢一年有好有建設性/實際/ 或是對將來畢業後有用嘅嘢做, 如果唔係我唔建議申請停學一年。
2. 到九月開學, 我相信你阿女身邊所有同學都打咗針, 其實風險應該唔大。
3. 現在, 學校當然期望九月可以開始面授課程, 但呢個機會應該唔大, 點都要有網課畀一啲嚟唔到英國的學生例如印度巴西

作者: BB.Mummy    時間: 21-7-1 15:49     標題: 回覆樓主:

1 畀我一定唔會
2 我會照返去開學,唯有自己小心啲

作者: foxli    時間: 21-7-1 16:00

其實家長如果咁多顧慮,就不如直接返香港讀國際學校啦,停學一年又浪費咗一年嘅時間,下一年疫情繼續咁又點呢?比學費上zoom又好似唔值得,小朋友過到去大人左擔心右擔心咁又何苦呢。
作者: LLLT    時間: 21-7-1 16:03

同意。我也有朋友回港讀IS。家長話online基本上沒有校園生活。
作者: wloi    時間: 21-7-1 20:51

帖主女兒係大學生?咁就比較煩,想轉讀香港的大學,好似已過左 deadline. 照返英國都可以,戴口罩勤洗手,同埋唔好去酒吧,少去聚餐。
作者: yuyueng    時間: 21-7-1 21:05

照去,自己小心D,帶定几包蓮花清瘟素過去,英國人都係當流感,你有葯傍身加上自己小心D應該OK!
作者: SarsMum    時間: 21-7-2 09:26

我小朋友也不能打針,會返英國開學。疫情無可能會消失,唯有萬事小心。

作者: wloi    時間: 21-7-2 10:53

本帖最後由 wloi 於 21-7-2 10:54 編輯

有無打針,都要戴口罩都同洗手。英國昨日又創新高,27K..
我睇BBC news話 Scotland有近2000磪診的人都18Jun去過倫敦睇波。而英國最新解決方法,係秋天打第3針。只靠不停打針來防疫,我覺得唔係好work.


作者: 3b    時間: 21-7-2 13:47

wloi 發表於 21-7-2 10:53
有無打針,都要戴口罩都同洗手。英國昨日又創新高,27K..
我睇BBC news話 Scotland有近2000磪診的人都18Jun ...

BJ認為打咗疫苗唔會變重症就無問題, 唔會拖累NHS, 經濟又可以復甦, 加上國民要求自由......

作者: manman333    時間: 21-7-2 14:45     標題: 回覆樓主:

其實,我話其實啫
睇番香港變種染病的幾個人,個傳播層面都好似無去到第二,三層,幾次圍封驗晒成個屋苑,都無個陽性,也沒有死亡個案。 上星期學生趕回來,但同時,亦大量香港家庭過去,仲有老有嫩,佢哋其中好多都係第一次到英國吧,佢地都唔驚,那麼,巳經在英讀書一段時間的學生,其實也不用太驚吧?我剛和在英的朋友聯絡,他因為工作留下了5個月了,他說市面是沒什麼的,也睇下確診雖然多番,但重症入院和死亡個案就沒去年的多,是在低位。
利申,我兒子暑期留英,改不到機位酒店回來。

作者: canterlau    時間: 21-7-2 16:19

3b 發表於 21-7-2 13:47
BJ認為打咗疫苗唔會變重症就無問題, 唔會拖累NHS, 經濟又可以復甦, 加上國民要求自由......
...
佢可以咁做,因為英國好多人唔介意打疫苗。反而介意戴口罩。




歡迎光臨 教育王國 (/) Powered by Discuz! X1.5