教育王國

標題: 萊茵vsSC [打印本頁]

作者: qq6a 時間: 21-6-30 23:23 標題: 萊茵vsSC

幫人問，如家住元朗，元朗萊茵及九龍塘SC都收了K1 am, 會點選擇？男仔大B活潑好動坐不定，記憶力超好，說話咬字較弱（例如：已懂唸誦很多首唐詩，但咬字不正) 將來希望入讀直資私小，如考不到都希望入讀地區名津校（大抽獎唔得都希望叩門得), 父母雙職，小朋友主要老人家工人湊，平日不能製造良好的英文語境，所以希望在學校可以補家庭的不足。

作者: enna_tm 時間: 21-7-2 09:40 標題: 回覆樓主:

我上年係萊恩pn zoom, 讀左一個月，收到sc call,  之後就quit左萊恩。
可以分享少少係兩間教學模式好唔同。sc係活動/thematic base,  去到pn 11/12月先教中文認單字。英文成年都係以故事形式學vocab... 你可以話佢唔systematic但小朋友又真係會學到記到。
萊恩pn 一開波就學phonics,  abc咁教。小朋友我覺得就吸收到5成啦。中文第一個月就會教筆順用手指寫字。
至于揀邊間，其實好睇你自己想升邊間小學，萊恩年年都有公佈自己p1 結果，如果已經係你心水，就唔需要跨區出去。畢竟小朋友每日跨區咁軟都好攰，重要安排時間上eca... 如果真係aim 外區名小，就肯定係sc啦

作者: enna_tm 時間: 21-7-2 09:50 標題: 回覆樓主：

本帖最後由 enna_tm 於 21-7-2 09:52 編輯

唔記得提，sc pn英文語景係無得彈。可能我小朋友本身英文唔錯，老師好早就同我地講要佢full sentence答問題。其它小朋友都catch up得好好，好快。如果我小朋友繼續讀sc,我會幫小朋友報英文drama,而唔係傳統個d英文補習班。
我只上過萊恩一個月comment 唔到小朋友英文會有幾好/唔好。不過我聽人講，萊恩d 小朋友都會外報英文，因為學校好谷，教得快 (要趕住考cambridge) ，小朋友一跟唔到，唯有外補。

作者: qq6a 時間: 21-7-3 22:24

enna_tm 發表於 21-7-2 09:50
唔記得提，sc pn英文語景係無得彈。可能我小朋友本身英文唔錯，老師好早就同我地講要佢full sentence答問題 ...

多謝你呀～你解說得好詳細

歡迎光臨教育王國 (/)