教育王國

標題: 基崇註冊後感覺正面～ [打印本頁]

作者: Kwokirene 時間: 21-6-21 00:23 標題: 基崇註冊後感覺正面～

尋日去基崇註冊，小朋友直資共有三間，自行亦收到offer, 但小朋友中意基崇十二門徒計劃，佢係好易受人影響嘅人。我哋宗旨要佢唔好學壞，講真，讀書嘅嘢，成世都有得讀，到我而家仔都十二歲嘞，仲成日比老細迫讀書，但如果比佢中學學壞咗，應該好差改返好。所以一家人討論過後逐間排除，最終落實基崇。早排討論區有一位家長經常發表佢唔支持基崇嘅言論，例如學校會勸退、學生亂搞男女關係等等。坦白講，作為巳投基崇一票嘅家長泥講，心係有爭扎同忐忑嘅。都會担心放棄咗更高banding嘅學校係咪正確。所以好變態咁有幾日由港島坐車去學校附近，睇吓學生會唔會放學之後四圍流連、吸煙、粗口、打機，唔係無，但只見過一兩次高年班細聲咁講粗口，個心巳定返少少。尋日去埋註冊，好多學生、校友、家教會、教會都喺度幫手，順便問吓啲校友、家教會及學生，大家對學校都有讚無彈，感覺全部人都好齊心，好正面，想學校好亦真係覺得學校好好，心頭大石終於落下。

作者: gracelam 時間: 21-6-21 18:07

Kwokirene 發表於 21-6-21 00:23
尋日去基崇註冊，小朋友直資共有三間，自行亦收到offer, 但小朋友中意基崇十二門徒計劃，佢係好易受人影響 ...

基崇係一間好學校，我識幾個朋友仔/女讀緊，有啲已畢業，個個都好乖好正面。

曳曳學生間間中學都有，就算傳統名校都有枯枝，偶然新聞或網絡上有所聞，最重要係學校點處理及與家長有冇跟進。

作者: paulalover 時間: 21-6-21 22:11

間間學校都有曳曳學生，基崇學生大部分係純樸，在校外都會守規矩，最多係幾個同學仔圍埋打下機，但學校話放學後會有老師去商場巡視學生有冇幾個圍埋喺度打機唔返屋企，如有會罰。
唔洗擔心，我亦覺得基崇係一間好的學校
利申：用家

作者: SuLuLu 時間: 21-6-22 09:47

就算神校都有人鍾意或唔鍾意啦。亦有啲好學生或者唔好的學生。自己鍾意就可以了。我都有朋友喺裏面讀，幾好。

作者: 0030 時間: 21-6-23 09:30

每個學校都有形形色色的家長對學校進行評論，有好的，有不好的，但個別家長的評論不能代表所有家長，所有還是自己親身去感受，而且要對自己的選擇有信心

歡迎光臨教育王國 (/)