教育王國
標題: 成績差 [打印本頁]
作者: Cherryroy 時間: 21-6-16 10:05 標題: 成績差
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真，我做父母沒跟她溫習，我甘心。但我用盡心機溫習，成績差，真的好心痛。
作者: Raccch 時間: 21-6-16 10:18
第三學期是否指小學二年級上學期？如果係二年級仲有機會追呀，暑假的時候睇下點解會咁差。阿女有啲同學係英文人，學校中數常都係中文卷所以一般佢地都考得不太好。另外會不會是教淺考深？導致只複習平時的教學內容不足以應付考試。
作者: conniecheung 時間: 21-6-16 10:21 標題: 回覆樓主：
本帖最後由 conniecheung 於 21-6-16 10:22 編輯
初小 仲有時間，唔好咁快認輸！
補習加自己教，雙管齊下。
作者: Cherryroy 時間: 21-6-16 10:33
回覆 conniecheung 的帖子
其實她已經有補習。補習老師聽到佢全部都唔合格，都好驚訝。佢幫好溫習完，我再回家再溫都這樣。我好擔心嚟緊新學年。
作者: Cherryroy 時間: 21-6-16 10:34
回覆 Raccch 的帖子
一年級最後一學期
作者: 仔仔錫錫你 時間: 21-6-16 10:35
有無學習障礙、發展遲緩、 過度活躍、專注等問題？問下老師，學校社工，有錢就直接搵專業人士睇睇
作者: Cherryroy 時間: 21-6-16 10:38
回覆 Raccch 的帖子
其實我都未知道她學校是否教淺考深。英文就真係深，中數就唔知。略略同我先生睇過佢啲考卷，佢好多無睇題目。
作者: Cherryroy 時間: 21-6-16 10:38
回覆 Raccch 的帖子
其實我都未知道她學校是否教淺考深。英文就真係深，中數就唔知。略略同我先生睇過佢啲考卷，佢好多無睇題目。
作者: Cherryroy 時間: 21-6-16 10:39
回覆 仔仔錫錫你 的帖子
無，她家姐有小許專注力不足，但都未去到全部唔合格
作者: Raccch 時間: 21-6-16 10:44
回覆 Cherryroy 的帖子
咁可能都係比較粗心，仲未習慣考試模式。幼稚園有冇考試做過試卷？係咪剛剛開始做試卷唔適應呢？初小大多數小朋友都比較粗心大意的。但係都如樓上其他回覆所講，都要了解下佢有冇乜特別的學習障礙。如果係嚴重的話有時老師都會提下家長的。
作者: Raccch 時間: 21-6-16 10:47
回覆 Cherryroy 的帖子
我大個個都係專注力不足的，但係考試學習冇問題。
作者: Cherryroy 時間: 21-6-16 11:00
回覆 Raccch 的帖子
幼稚園咩都無，K2疫情，之後到K3,K3都差不多無番學咁滯，番得2個月到，最後一個星期話小一適應，但佢間幼稚園係Happyy School.
作者: hugub 時間: 21-6-16 12:20
有温書同温得中範圍係2件事，我建議你揾專科專補
我囡以前補英文$400/hr , 呢科個個月洗$5000, 但又真係上到8x90分
作者: Raccch 時間: 21-6-16 12:50
回覆 Cherryroy 的帖子
咁可能稍微都係比較難適應，冇返學咁耐。唔需要小一考唔好就咁down，再努力搵下辦法幫佢。可以考慮搵專補你地學校既老師。
作者: hugub 時間: 21-6-16 12:54
Cherryroy 發表於 21-6-16 10:05 
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
作者: jli008 時間: 21-6-16 12:57
提示: 作者被禁止或刪除 內容自動屏蔽
作者: qpalzm 時間: 21-6-16 13:17
第一步分析下分卷錯D乜先, 唔識？大意？唔夠時間？咁先可以對症下藥。
轉唔轉校成績只係其中一個考慮因素, 最主要你覺得教學方式係咪適合你小朋友呢？不過如果無法改善而成績長期處於下游, 我都讚成轉校, 一來成績顯示學校可能不適合小朋友, 二來長期成績差會打擊小朋友自信心的。
作者: Baymax 時間: 21-6-16 13:18
英文要靠浸看英文書
英文utube
英文game
英文課外活動
盡做一定有回報
作者: Baymax 時間: 21-6-16 13:20
玩咗英文game好快會識到外地朋友
用英文交談
作者: Baymax 時間: 21-6-16 13:33
有時的細路受壓力下會甩轆. 我個仔數學分數－次九十幾, 下—次又五十幾唔小心呢家野對男仔來講好難搞
惟有叫佢孝試前做下限時模擬試卷
都未必有用
但係上到五年班又會漸漸自己解決
作者: hellolulululu 時間: 21-6-16 13:34
有什麼英文game? Youtube 有沒有效什麼channel 建議？
作者: Cherryroy 時間: 21-6-16 13:38
回覆 qpalzm 的帖子
唔該哂!即日爸爸都同我分析個囡點解會錯，大部份都係無睇題目，直抄答案。數學又係似唔睇清楚題目，就寫落去。英文就唔夠時間，一係睇漏。我同個佢講，不如轉校，佢喊哂話唔想轉，所以我好煩惱。
作者: Cherryroy 時間: 21-6-16 13:41
其實普偏小學英文卷會係多一段段填空格多定，一句句填空格多?我諗緊佢啲卷係咪深
作者: hugub 時間: 21-6-16 13:51
Cherryroy 發表於 21-6-16 13:41
其實普偏小學英文卷會係多一段段填空格多定，一句句填空格多?我諗緊佢啲卷係咪深 ...
cloze passage？ 普通校冇，名校有
作者: Cherryroy 時間: 21-6-16 18:43
多謝大家解答，講真睇到個囡成績咁，真的好心痛。自己好大壓力。
作者: Cherry7443 時間: 21-6-16 19:15
Cherryroy 發表於 21-6-16 13:41
其實普偏小學英文卷會係多一段段填空格多定，一句句填空格多?我諗緊佢啲卷係咪深 ...
本帖最後由 Cherry7443 於 21-6-16 19:16 編輯
淺嘅學校係一句句，深嘅學校係一段一段，而且要睇上文下理，上面提示下面！我女學校一年班英文，preposition and tense 已經係一段段做
作者: danielcc 時間: 21-6-16 20:13 標題: 回覆樓主:
我覺得小朋友只是小一，可能未適應小學的考試模式。家長可睇睇考試卷小朋友主要錯咩，再對症下藥。另又可同老師傾傾小朋友平日上堂情況，了解下佢上堂是專心or成日發夢。再諗諗方法暑假再同小朋友補一補底，睇睇新學年時有無進步。
or 學校有無提及留班?
我覺得又唔洗咁快諗轉校。始終今年和上年情況較特別，小朋友好多時間無得返學。
作者: pollywcw 時間: 21-6-16 23:30
我間學校同你小朋友近似. 教深一年, 仲要係一大段一大段英文. 15分鐘要做4版紙.陪讀一年, 得出嘅方法係要操. 要揾近似練習做得多, 等佢熟習考試模式.
讀得呢類學校唔可以完全放手俾補習, 父母先係最清楚子女弱點, 希望可以幫到你
作者: Cherryroy 時間: 21-6-16 23:39
回覆 pollywcw 的帖子
多謝哂你解答，!但我想知邊度可以搵到佢哋學校類似練習?
作者: pollywcw 時間: 21-6-17 00:39
本帖最後由 pollywcw 於 21-6-17 00:45 編輯
開頭我都冇方向求其買咗堆練習. 後來過咗上學期, 我就留意到評估部份範圍係跟據書本教過topic . 佢學校用longman ，我發現long man 出版社練習揾到相關.
另外, 我會係join FB 試卷谷，有好多人share 試卷, 有d 都啱用
Tense , preposition 呢d 大路一般練習都有, 我會建議買mock 卷形式, 同埋要買深d
去到某d gramma , 我揾唔到練習, 就會自己出題目. 佢最差proofreading, 我咪自己出題俾佢揾錯處.
每晚抽五分鐘要佢做, 做咗2星期, 臨考英文前一日, 佢proofreading 已經可以做啱哂
同理對付一大段英文又要做得快, 我覺得需要閲卷快理解能力高, 唯一可以幫到佢係要睇海量英文書
利用呢個暑假睇多d 書, review 小一課程之餘再教下佢小二課程, 我相信keep 住做exercise 唔多唔少都有進步
同埋我小朋友幼稚園都係happy school 架, 佢都可以係呢類咁谷學校生存到.
我覺得父母揾啱方法就可以，加油!
作者: Cherryroy 時間: 21-6-17 01:17
回覆 pollywcw 的帖子
感激哂！我都要嘗試你嘅方法。
作者: Luckystars 時間: 21-6-17 07:05
回覆 pollywcw 的帖子
我都係用同樣方法幫小朋友。一定要家長幫手操卷。一定要計時，要有少少壓力。因為平時做exercises 幾叻，考試一緊張，就咩都唔睇。又比D獎勵佢啦，初小，小朋友好细個咋，有動力會落力D。我囡學校勁多quiz, 我平時放D靚文具，stickers之類響櫃桶引佢囉90，100分。成件事就開心咗。有朋友讀天神，小一全科唔合格，媽媽要番工，個女出去補習，公公婆婆睇功課咋。到小三開始成績正常番，今年SMC S1, 成績追到喎。我想講，如果唔係好憎間學校，又或者真係會轉國際。比多兩年小朋友適應下。加油
作者: tobebee 時間: 21-6-17 07:30
Cherryroy 發表於 21-6-16 10:33
回覆 conniecheung 的帖子
其實她已經有補習。補習老師聽到佢全部都唔合格，都好驚訝。佢幫好溫習完，我再 ...
作者: pollywcw 時間: 21-6-17 07:35
係呀, 認同要計時, 習慣下d 節奏. 講真有測驗考試嘅學校, 都離唔開操卷，尤其係一線學校
做得多自然就會熟
我自己覺得靠睇書唔做練習係唔多夠
不過我想話如果私人補習唔理想, 可以睇下學校附近有冇專補自己學校補習社
我見我學校附近都有間, 好多學生補, 所以佢地有齊我學校以前嘅試卷, 俾佢地操
作者: LittleCS 時間: 21-6-17 10:08
Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
第一年不建議做逃兵，尤其呢兩年無咩點正常學習。
如果中文唔好,認字差，導致唔識睇題目，就先搞呢部份。
如果學校唔多功課（平均2-4份），平日就要加練習俾佢當溫書，你自己睇吓佢邊啲特別唔識，叫補習老師再教過。
雖然全部唔合格，但都唔好一次推太多科要佢改善。做好一科，加強自信，再搞另一科。
作者: vanielle 時間: 21-6-17 11:06
回覆 hugub 的帖子
你好, 請問專科補有平台介紹嗎?我想幫我女搵,謝謝
作者: Cherryroy 時間: 21-6-17 13:45
回覆 Luckystars 的帖子
我都想我囡可以追到學校課程
作者: qpalzm 時間: 21-6-17 13:48
pollywcw 發表於 21-6-17 00:39
開頭我都冇方向求其買咗堆練習. 後來過咗上學期, 我就留意到評估部份範圍係跟據書本教過topic . 佢學校用lo ...
作者: 964000 時間: 21-6-17 14:21
Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
本帖最後由 964000 於 21-6-17 16:42 編輯
Sorry我唔識有咩方法可以教你，不過當你因巳盡了力同佢溫習成績都全部唔及格，而覺得心痛時，其實佢也不好受，也一樣巳付出了很多努力，聽落都係答題技巧的問題，做得唔夠快一舊雲等，才六七歲人仔
希望你地加油及千其唔好鬧佢，繼續鼓勵佢。
作者: 964000 時間: 21-6-17 16:47
qpalzm 發表於 21-6-17 13:48
可惜有D小朋友唔係你叫佢做佢就做, 我個小3, 叫佢自己睇書一定hea睇, 睇完無乜得着, 兒家harry potter我都 ...
Harry Potter要一句句咁讀又要人解釋真係好難enjoy, 不如睇吓短一D嘅書先。
作者: qpalzm 時間: 21-6-17 19:26
964000 發表於 21-6-17 16:47
Harry Potter要一句句咁讀又要人解釋真係好難enjoy, 不如睇吓短一D嘅書先。
原本係magic tree house同geranimo stilton夾住睇, 但我覺得magic tree house太重複太悶, geranimo stilton用字唔係好深但個humour太深。跟住睇左本roald dahl又覺得唔係太好睇, 最後反正屋企有幾本harry potter咪試下睇囉, 點知佢又唔抗拒喎（但不等如佢會鐘意到自己睇), 咁睇下睇下又睇左200幾頁, 可能因為每睇完一個chapter我都會比佢睇返電影個段, 佢覺得得意呱。
兒家我叫佢自己睇的只係P.6的閱讀理解練習, hp仍然都係佢讀比我聽, 順便練埋speaking。唯一煩腦係唔知幾時先可以放手…
作者: 964000 時間: 21-6-17 22:13
qpalzm 發表於 21-6-17 19:26
問題係無乜書會令佢提起興趣, 所以咩書都好, 長短深淺都係叫佢一句句讀。
原本係magic tree house同geranim ...
試吓branch series dragon masters
Secret agent Jack Stalwart
A to Z Mystery 呢D
男仔應該鐘意
唔好嫌唔夠深
做到Independent reading先
作者: Cherryroy 時間: 21-6-17 23:18
聽到好多嘅意見，感激哂各位！今日佢老師都有打比我，跟我睇番呢次成績。如何從新準備嚟緊新學年，同你們所講一樣，老師都講哋呢類學校嘅考卷，普通嘅練習真係用唔著佢哋學校，老師反而叫我溫番自己學校考卷，其次叫我留意小朋友有無讀寫障礙。
作者: qpalzm 時間: 21-6-18 20:23
964000 發表於 21-6-17 22:13
試吓branch series dragon masters
Secret agent Jack Stalwart
A to Z Mystery 呢D
老實佢太hea平時太多野都唔會自己做好, 更何況睇書呢？
作者: Bunnygirl 時間: 21-6-19 21:19
其實多做自己學校卷就ok. 可能只係小一未慣。同埋你哋係咪上學期有讀卷下学期冇讀?搵番間專補自己學校既補習社通常有大量近似練習題目做，不過咁即係操卷。
作者: littlewoman444 時間: 21-6-19 23:31
特登登入來回應，因為想鼓勵媽媽小女今年小二，在彼知名及出名谷的小學返學
小一老師已經講，主科多過一科唔合格係一定會留級，我女只有英文合格所以⋯老師其實都唔係好客氣，但小一有疫情，整個學期冇辨法考哂試才可以全校升班，係個女好彩，咁樣就去到小二
但小二仍然只有英文及常識合格，數學有時合格，班主任在期終考前的家長日又提醒再唔合格會留班
小一嘅時候我發覺佢係完全唔知道自己做乜，同埋唔知道老師做乜，係完全唔開竅，同佢講乜都冇用，令到佢成日俾人鬧，有時覺得小朋友都好慘。
小二年頭開始有一啲啲開竅，開始知道要做乜嘢，平時都覺得佢係識的，題目係識做的，但考試時又唔合格，後來我發現我女問題是唔識認中文字，又因為佢老師考試會讀一次題目，令佢更無辨法諗到條題目(集中唔到聽老師講乜)，一亂就錯，就一片空白，第一題諗唔到，就去唔到第二題，結果第二題又冇留心聽到，骨牌效應就全部都做唔到同做唔切。一題唔識，題題唔識。
去到大概就嚟考期終試前，我開始要佢計時做卷，唔提佢，睇吓佢究竟唔識啲乜，發現如果佢自己睇題目，係有機會唔知道啲字，一係就靠估，見到三個數就加埋晒，所以考試之前，同佢計時和佢自己做咗好多份卷，要教佢考試技巧，就係唔識邊一隻字，就覆下一隻字，如果唔知老師講乜，直頭就唔好聽，小心睇d字，唔可以唔睇題目就亂計，中文求其寫。最後其中試佢都仲有中文唔合格，但就其他科目合格。
其實我講咁耐，主要都係想講，香港嘅傳統教育，只可以係不停咁樣做，做到認得條題目，如果係細B，未開竅，係冇乜辦法，唔係小朋友問題，佢大啲就會識，可能係幾個月，可能係一年，唔係小朋友問題，唔好因為咁磨滅左小朋友嘅自尊心
係好正常，好多小朋友小一都係渾渾噩噩
媽媽加油
作者: GreenMaDad 時間: 21-6-20 09:45
不好意思，我會提議要快轉校，不是轉去二線學校，而係去非傳統學校或國際學校。初小全部科目吾合格係好誇張，已證明小孩吾適合現在小學既教法。
再講，非傳統或國際學校都有級數之分，成績吾夠其實都難轉，趁這一年多人離開香港，今年轉可能會比較易。
作者: C9Ma 時間: 21-6-20 11:06
Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
小朋友自己讀卷有冇問題？拎番學校考卷叫小朋友解多次。
作者: Cherryroy 時間: 21-6-20 19:11
回覆 littlewoman444 的帖子
我有同佢回顧番啲考試題目，之後再比佢做番1年級嘅練習(差不多題形),我發覺佢有選擇性睇題，好似中文，會比例子，叫你擴張句子，佢就直寫句句子落去，一係加兩個指定要寫嘅字落去。考卷寫明要12個字，佢就9個字就完句。數學，有啲題目好普通，例如要寫個數比某個數大嘅單數，佢就做錯，但啲特別嘅題目，例如3打有幾多，佢就做啱。
英文原來溫熟哂嘅字，到考試時話唔記得哂，點知之後佢串哂出嚟。我超煩惱。
我有想佢留級，只要學校可以，當然轉校我都諗過。
作者: Cherryroy 時間: 21-6-20 19:18
回覆 Bunnygirl 的帖子
佢考左兩次試，第1學校無考，考大左2，3學期，第2學期有讀卷，第3學期就無讀。
作者: qpalzm 時間: 21-6-20 23:04
GreenMaDad 發表於 21-6-20 09:45
不好意思，我會提議要快轉校，不是轉去二線學校，而係去非傳統學校或國際學校。初小全部科目吾合格係好誇張 ...
1) 預見努力後情況都不會改善
2) 不合格之餘, 讀得唔開心, 自信心低落
3) 持續兩年(即升小三)仍未達要求
另外我想講, 轉去非本地課程並非仙丹, 最重要小朋友適合咩教學方法。
作者: qpalzm 時間: 21-6-20 23:09
Cherryroy 發表於 21-6-20 19:11
回覆 littlewoman444 的帖子
我有同佢回顧番啲考試題目，之後再比佢做番1年級嘅練習(差不多題形),我發覺佢 ...
如果比我, 留級不如轉校。
作者: chanti 時間: 21-6-21 00:26
Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
本帖最後由 chanti 於 21-6-21 00:27 編輯
找專科專補啦、我仔找左專補英及數的、呈分試由B上A。中文搵鄰居囡囡補、因知佢中文DSE 5**, 我仔中文底子差由D上B 我已好感恩。有方法真是有方法、方法+操比只係到操更重要。
作者: Dybala 時間: 21-6-21 10:49
qpalzm 發表於 21-6-18 20:23
會唔會自己睇書我覺得同性格有關, 多過同睇咩書有關。
老實佢太hea平時太多野都唔會自己做好, 更何況睇書呢 ...
係去到好大個搵到自己興趣, 先會主動搵返果個範疇嘅書黎大量閱讀
作者: rayeu160 時間: 21-6-22 12:25
其實不如自己試下比多d時間去教下佢先. 我覺得補習社好難去跟進小朋友個人既問題. 只有父母最上心. (咁細就補, 幾時補到大wo)
我記得我女女小一時, 要默書串字都有點難(第一次默書我記得係fail既). 當時同佢一齊分拆d字去串, 再教佢自己拆. 好快已經上手. 考試睇題目又係, 教佢點睇&應該點答. 當父母同佢一齊學習時, 其實會睇到佢o係邊度發生問題既. 跟住就可以對正下藥. 我
最緊要係不斷用唔同方法比小朋友試, 無話一本通書睇到老既.
作者: rayeu160 時間: 21-6-22 12:27
回覆 Cherryroy 的帖子
其實好多一線小學, 都叫d家長唔好同小朋友去補習社. 費事學壞番黎.
作者: Cherryroy 時間: 21-6-22 13:31
回覆 rayeu160 的帖子
我有諗過停功課班，但爸爸就話佢唔自動做功課唔得。我想响做功課時知道佢咩唔識，可惜我要番工。
作者: jli008 時間: 21-6-22 14:40
提示: 作者被禁止或刪除 內容自動屏蔽
作者: hugub 時間: 21-6-22 15:13
Cherryroy 發表於 21-6-22 13:31
回覆 rayeu160 的帖子
我有諗過停功課班，但爸爸就話佢唔自動做功課唔得。我想响做功課時知道佢咩唔識，可 ...
作者: Dybala 時間: 21-6-22 15:50
hugub 發表於 21-6-22 15:13
其實功課班未必一定教到識，有時會比答案
作者: hugub 時間: 21-6-22 16:06
其實功課等於温習，識玩一定揾私補，我女小二我安排左上門私補英文，一星期2日，放學一返屋企佢會食d野之後即刻做英文功課先，一般1.5小時可以完成功課，真係比功課班更實際
作者: rayeu160 時間: 21-6-23 10:35
回覆 Cherryroy 的帖子
要試下比多D鼓勵小朋友. 坊間好多功課班為求完成, 參至會比ANS小朋友抄. 跟本不能治本. 我也是雙職媽, 而且仲要一次過照顧2個小朋友. 只要打好個"開頭", 其實之後既路就會好走好多. 去到小2, 根本連理都唔駛理, 佢地已經自動自覺. 全個小學階段都無補習.
作者: william5575 時間: 21-6-23 13:37
Cherryroy 發表於 21-6-16 10:05
小朋友讀某一線小學。第3學期成績派彩，全部唔合格，想請教大家我應如何做?同小朋友轉校是否最佳方法?講真 ...
現在的補習社是針對她所讀的學校？
作者: Cherryroy 時間: 21-6-23 23:22
回覆 william5575 的帖子
都有啲啲啦！因為老師個囝囝都讀1線學校
作者: Cherryroy 時間: 21-6-23 23:24
回覆 rayeu160 的帖子
我有同爸爸探討過，唔去功課班，但爸爸話佢哋唔自覺囉，99又攪唔掂佢功課
作者: Raccch 時間: 21-6-24 11:42
前幾日安慰完你，依家輪到我自己阿女成績唔太好
今次期末考有兩科好似未訓醒咁考到失水準。今次我都要開始“的”住佢日日睇佢做功課了。
作者: Cherryroy 時間: 21-6-24 14:56
回覆 Raccch 的帖子
我囡唔止兩科，大家努力!由佢派卷知哂成績嗰日開始，我又聽哂大家嘅意見，真係日日幫佢重溫。當然比番星期六，日佢休息。
| 歡迎光臨 教育王國 (/) |
Powered by Discuz! X1.5 |