教育王國

標題: cac第一次評估（語言） [打印本頁]

作者: cokelemon 時間: 21-6-8 17:47 標題: cac第一次評估（語言）

本帖最後由 cokelemon 於 21-6-8 17:47 編輯

我仔2歲半了，一直有返n，老師覺得佢有自閉傾向，終於排到第一次去cac見語言治療師做評估。姑娘打黎話大約要2小時，請問過程大約係點？會即刻有報告講解嗎？有咩要準備問姑娘？
因為臨急臨忙我未必請到假，如果婆婆去攪唔攪得掂？（我心知政府做野係點，驚有野婆婆唔識問，之後想查詢就難）

多謝解答～🙏🏻

作者: hihi007 時間: 21-6-9 17:20

建議請假自己去，評估員會在兩小時入面通過觀察同問題去做報告，太詳細就唔講了，能自然地被評估係最好。

作者: opclk99 時間: 21-6-12 02:13

提示: 作者被禁止或刪除內容自動屏蔽

作者: cokelemon 時間: 21-6-12 20:41

或者我講清楚d，婆婆＝照顧者，佢比我更清楚個仔既日常。我只係想了解有冇報告講解呢一part，有冇d咩跟進需要即刻去決定。

我只可以講返工唔係重要過個仔，而係返工就係為左佢。唔理解只係因為你係幸福既一群，有頭髮邊個想做癩痢，唉。

本身婆婆就錫慣佢，連之前去健康院，姑娘都話唔係比佢食就得，要教。我講極佢都唔聽，人地話佢佢先識驚。我寧願佢去聽下，等佢知衰，知道再甘落去都唔係辦法。。。

cac我未去過，但之前對政府醫生好有陰影，詳細我就唔再提了。。。

作者: opclk99 時間: 21-6-13 01:54

提示: 作者被禁止或刪除內容自動屏蔽

作者: cokelemon 時間: 21-6-13 11:33

多謝你分享～你講得岩，我只係見過政府醫生同健康院，未去過cac，覺得佢地都係好似政府醫生甘太武斷。
家家有本難念的經，大家盡力～

作者: hihamham 時間: 21-6-14 22:13

cokelemon 發表於 21-6-8 17:47
我仔2歲半了，一直有返n，老師覺得佢有自閉傾向，終於排到第一次去cac見語言治療師做評估。姑娘打黎話大約 ...

最好係親密照顧者去, 會叫你填幾頁小朋友狀況的評估,現在疫情下一位大人帶一位小朋友做測試,其他成人係外面等,聽報告時醫生或心理學家可能會邀請埋門外等候的成人入去傾

請唔到假都要請, 或者你同CAC講下約一個星期, 最好你寫低要問的問題,即場問
CAC呢一份report非常重要,之後政府服務及其它資助基構服務都要有呢一份result先俾你排服務, 就算你好有錢有能力出去做私人訓練,都唔係屋企附近有,私人有許多質素沒有保証

做完評估後有需要的小朋友會assign個P number排服務,社工會解釋有什麼位,經濟有需要的家庭有資助

希望幫到你

作者: fasola 時間: 21-6-16 02:45

你或者婆婆會唔會隱惡揚善?
係評估時講得小朋友太理想?
好多媽媽或者老人家都會

排政府都係為公家資源, 雖然對方會推薦, 但你地亦都可以唔要. 有決定係要即時做或者爭取.

例如我有親友只係言語遲緩一樣, 其他樣都ok. 佢唔想同小朋友轉校, 唔申請兼收位, 只係申請到校服務.

婆婆係咪可以代你決定到?

歡迎光臨教育王國 (/)