教育王國
標題: 小一叩門經歷及須知 [長文] [打印本頁]
作者: YANHK01 時間: 21-6-6 14:49 標題: 小一叩門經歷及須知 [長文]
本帖最後由 YANHK01 於 21-6-7 19:54 編輯
本帖最後由 YANHK01 於 21-6-6 16:47 編輯
本帖最後由 YANHK01 於 21-6-6 15:36 編輯
小一派位如果派不到心儀小學，很多家長都會盡最後努力去叩門。以下是一些個人經驗分享，希望幫到叩門的朋友。
升小這場遊戲，基本上就是饑餓遊戲，你不想子女讀那些區內家長稱為「寶校」的學校的話，你就要玩這場饑餓遊戲。
升小家長，如果有能力送去國際學校的，不在這討論之列。
升小的饑餓遊戲，如果玩到要等派位，即是：
~直資、私小沒 offer。
~自行收生沒有世襲加宗教分數優勢。
那就要接受現實，去玩派位。
派位呢，由 12 月到 6 月，半年時間都在忐忑。你不禁會問，為什麼我不是什麼名校的畢業生？
去到 5 月，準備好萬一派位不理想，叩門用的東西放入一個個公文袋。
6 月收到放榜結果，結果不理想的話就連哭的時間也沒有，要立即發動所有家人去叩門學校交表。
叩門的名單，一早要計劃好，你的叩門目標可以是直、私、官、津，在派位後因為出現音樂椅效應，每間學校都會有少數人走，於是有位可以收叩門。
【叩多少間學校才夠？】
沒有既定答案的。一般來說，你報自行和派位的「1-1-1」，你一定會去叩門。其餘的按你的喜好，放膽一試無妨，很多人申請叩門，都會報十間八間學校。畢竟不是每間都有回音，有回音的，取錄機會很小，所以多報幾間安全點。不過，也要考慮你的孩子是否能吃得消。
【叩門要交什麼？】
最基本的有：
~學校表格 — 現在大多數學校都是網上下載。少數要親身去取表，要預早去排隊，這點要注意。
~求位信 — 你當是求職信去寫就差不多了。寫中文還是英文？我個人覺得寫英文安全一點，起碼你顯示到你作為家長識英文。有些人會手寫表現誠意，不過我覺得不是必須。不過，起碼要每間學校按照該校特色去寫，不要令校方感覺你是一式十份。如果你找到一些有名有姓的朋友或長輩（例如該校的家長、校友，教育界人士、宗教界人士）願意做諮詢人，不妨在信內寫明。
~Portfolio — 你大半年前報直私小學時已經做過，update 一下內容吧。
~幼稚園校長信
~其他推薦信
~學校要求的文件
【Portfolio 有用嗎？】
這問題跟求位信有用嗎一樣。因為大部分小一收候補生不考筆試(我去過的學校都是面試。網上資料說某幾間會有筆試。大家有沒有資訊可分享?)，所以學校考慮是否給你面試機會，就是靠你交去的資訊。那麼，求位信、Portfolio、校長信都不會完全沒有用，尤其是當你沒有特別的背景優勢（例如你識校長、牧師、神父、校董）。
【叩門要有什麼心理準備？】
須知道，每間熱門學校只有幾個叩門位，申請者可以數以百計，還有無數人是同教會、校友、請托牧師神父老師，又或者本身是社會賢達，所以學校收誰，真的不是完全看 portfolio 和面試，也不是完全不看。
你要有心理準備，跟你同時叩門的，可能有無數關係和背景比你強的人。不要覺得你的孩子聰明伶俐，人家便一定要收你，要記住，這是一場饑餓遊戲。
【面試問什麼？】
很多學校會安排 group interview，來者不拒，先來一轉篩選。
Group interview 可以的話，就會有家長加小朋友面試，有些學校是直接見校長、副校和主任，有的學校會兩輪，先見老師，再晉級才會見到校長。畢竟校長是很忙碌的。
Group interview 很多時由等候時間已經有老師觀察你們，然後一班小朋友入到課室，可能會叫你做一些 tasks，例如用積木去考你基本運算能力、看圖講故事考你說話能力，老師問一些接近小一基礎程度的中英數題目、問小朋友們平時喜歡做的活動／家庭生活／喜歡的東西等，看你基本對答。
到了見老師或校長時，問的問題可以是：
~為什麼報這間學校？
不要答那些行貨到爆的答案。「你們校風好／口碑好／老師好／派位好／有直屬中學」這些行貨答案，不會 impress 到校長，而且沒有誠意。要有誠意的話，起碼要做些研究，知道學校重視什麼活動、有什麼特色。如果能夠找到這學校的家長問多些詳情更好，有些詳細內容，人家起碼聽到時會覺得你真的有做功課。
~你報「1-1-1」的只有一間，其餘的學校就會問：「你不是選我們學校做第一志願，你為什麼會申請我們學校？如果你的第一志願收你，你會怎選擇？」
這問題很現實，也有點尷尬，但不能迴避。而所有學校都明白你不可能只叩一間學校，你只能誠實而有技巧地回應。沒錯，你是報了另一間做 1-1-1，但教練我真係好想打籃球……即是你去到 6 月這個時候，你認清情況了，你雖然叩門不只一間學校，但你其實十分渴望人家收你（雖然你保證什麼對方也知道你是官樣說話）。
~平時家庭活動會做什麼？（問家長或問小朋友）
~問小朋友興趣／課外活動／喜好的東西
~叫小朋友即興講故事
~問家長平時如何跟進小朋友學習
~問一些處境問題，例如在學校常會遇到的問題，問學生也會問家長
其實都是問那些東西，你們兩夫婦最好事前有默契，不要只由一方答所有問題，也不要爸爸媽媽小朋友三方的說法矛盾，更重要的是，你們在 portfolio 表現的東西，校方很可能會問及，所以不論父母還是小朋友，也要熟悉 portfolio 內容。
【小朋友太緊張怎麼辦？】
大家要記住，你的小朋友只有 6 歲，去到面試，一定會緊張，所以事前有些準備是需要的，有些人會自己跟小朋友練習，有些會去面試班，個人認為，面試班是在現時教育制度下其中一樣很不正常的東西，但如果去了安心一些的話，也無可無不可。
去到面試的時候，小朋友已經很緊張，所以你們不要令他更緊張，進場前盡量表現得輕鬆一點，在小朋友真的想不到如何答的時候，不要黑面或搶白。表現得不夠完美，也不要怪責他，他已經很辛苦了。
【學校以什麼條件收生？】
正如上面所講，有背景、有關係、同一教會、校友、認識校長、有社會地位的人多的是，這些因素都重要，但不是絕對。每年仍然有欠缺這些條件的小朋友成功叩門。
如果你沒有特殊條件，其實有一點是有一些影響的，就是你的小朋友的幼稚園。一些小學對於一些出名辦得好的幼稚園的學生會有偏好。
有很多家長會替小朋友報那些英文試，這些英文試的成績，放在 portfolio 裡面，也算是一個賣點，因為在面試之前，學校大約會想知道你的小朋友英文程度。
學樂器或者專門技藝是否重要？其實到了今時今日，會去玩叩門的家長絕大部份都是在教育方面投入比較多的那批，所以你可以想像，跟你一樣去叩門的小朋友，大都有一兩樣比較專精的興趣。可是，那是否必須？我從教小學的朋友口中聽到的版本是，其實真的不是必須，只是錦上添花。當然，作為家長，大家都是覺得錦上添花就是好。
很老套的一句，全都是錦上添花的話，量力而為就好，而且小朋友真正喜歡的才好，不要強求，迫得太緊，贏在起跑線，輸在終點線又有什麼意義？
【還有什麼要注意的地方？】
你必須提醒自己：莫道你在選擇人，人亦能選擇你，每間學校要在一千幾百小朋友之中選幾個，你能夠去面試已經很好。有可能最後你的叩門沒有成功，即使要讀派位那學校，雖然你內心有千般的不忿，但千萬不要令孩子覺得讀那間學校是恥辱，否則他的學校生活不會快樂，也打擊了他的學習。
如果想保險一點的話，叩門學校裡面，最好有一些是次熱而比你派的學校好的。
最後去哪間小學都好，除非是真的很極端的情況，否則沒有絕對適合或不適合的學校，小朋友本身的性格、心態、品格才是最重要。在中下游的小學，也有好學生好老師。
【沒有 offer，怎麼辦？】
理論上學校空位的音樂椅效應，去到 9 月開學時還有機會。
去過面試，代表你至少在那學校的考慮範圍，面試後沒有回音，不妨寄封信去感謝校長給予面試機會，也說明你現在還是 available，仍然期望學校考慮。
萬一學校有學生轉校或移民，他們還是有機會收你的小朋友。
即使沒有，你讓校長知道你的誠意，到了小二報考插班，可能有幫助。
最後，也是最重要的：
升小一的遊戲是一場不公平的饑餓遊戲。小一叩門涉及的背景、關係、階級因素太多，而且面試過程也有太多不確定性。叩門成功與否，不是你的問題，更不是你的孩子的問題。
由派位放榜到整個暑假等消息的過程，那種不安、難過和患得患失，不足為外人道。
小一叩門不成功，不是終點，而是起點。在現有的學校好好培養孩子小一的學習，如果他的小一成績理想，代表你有條件報小二插班，如果不太理想，代表當初給你去到那些所謂名校，他會學習得更辛苦，也說明了不用再為入不到那些學校而不開心。
很多學校的小二插班只考慮校內名次前列的學生，如果你的孩子成績理想，代表可以一戰。小二插班跟小一叩門的分別是，你已經有校內試成績，而且有機會考插班筆試，那對於學校來說，是比關係或背景更客觀的標準，很多時候他們會考慮成績多於背景關係，這次你不用再怪自己沒有背景沒有關係了，你的孩子可以靠實力考進去。
以下是我們的真實經歷：
我們的小朋友不是大仔大女、沒有背景關係和社會地位、沒有心儀學校舊生分數。在直私收生、自行收生沒有 offer。到了派位，也沒有運氣，只派到第二志願的安全網學校（即是吳彥祖派位比喻的蕭正楠）。
我們叩門報了 10 間官津小學，有 6 間能面試，最後只有不是最心儀的一間學校取錄。最心儀的一官一津都在 final round 後沒有結果。心情當然是極之失落的。
最後我們小一的時候再加緊努力，小二插班才正式考入最初心儀的津小。
我形容是如果升小是打 RPG 的話，我們算是所有主線任務和支線任務連 DLC 都做齊，連插班試都考了。
那過程真的很漫長而辛苦。但是，這場饑餓遊戲，你知道不能放棄。
祝叩門的朋友都順順利利，得到理想結果。共勉之。
作者: jennylady 時間: 21-6-6 15:16
唔比做筆試但比做multiple choice. 叫你揀答案。🙄
津校唔考學術考什麼?
這只津校收叻人的唯一方法。
作者: YANHK01 時間: 21-6-6 15:39
jennylady 發表於 21-6-6 15:16 
唔比做筆試但比做multiple choice. 叫你揀答案。🙄
津校唔考學術考什麼?
我經驗中去嗰啲都係第一round的時候口問啲基本中英數問題。
有邊啲學校要學生填答案?
作者: Poyau 時間: 21-6-6 16:11
YANHK01 發表於 21-6-6 15:39
我經驗中去嗰啲都係第一round的時候口問啲基本中英數問題。
有邊啲學校要學生填答案?
天神上星期六(29/5)小一叩門試
http://www.edu-kingdom.com/forum.php?mod=viewthread&tid=3855395
作者: Fraser 時間: 21-6-6 17:35
謝謝分享，的確，小一派位呢個遊戲一啲都唔好玩
補充一句，寫信的話，千其唔好寫錯人哋學校和校長個名，另外唔好有錯字白字、文法要啱，因為封信多多少少就係反映咗家長嘅質素……
收生其實都未必淨係睇學生，仲要睇家長…
作者: Poyau 時間: 21-6-6 19:49
Fraser 發表於 21-6-6 17:35
謝謝分享，的確，小一派位呢個遊戲一啲都唔好玩
補充一句，寫信的話，千其唔好寫錯人哋學校和校長個名，另 ...
學校名要留意例如 衞理 vs 衛理
作者: sandra1004 時間: 21-6-7 00:04
YANHK01 發表於 21-6-6 14:49
本帖最後由 YANHK01 於 21-6-6 15:36 編輯
小一派位如果派不到心儀小學，很多家長都會盡最後努力去叩門。 ...
本帖最後由 sandra1004 於 21-6-7 00:06 編輯
我也派了第二志願安全線，直私完全無offers,津happy幼稚園，12月細b,除了學畫畫，完全沒有其他興趣班，也沒外補，七八點放工後堅持每日和女兒講半個鐘故事書，其他時間都要照顧嚴重濕疹兒子，直到陳守仁二面止步…現在又派唔到一線校，才覺得考小的可怕，準備扣12間，希望不要食完全餐，仲要玩插班小二，我會笑唔出，後悔沒有讓小女做大b，但現在她說不會想重讀K3,希望入到一間一線學校都已可鬆一口氣
作者: jennylady 時間: 21-6-7 00:27
sandra1004 發表於 21-6-7 00:04
本帖最後由 sandra1004 於 21-6-7 00:06 編輯
我也派了第二志願安全線，直私完全無offers,津happy幼稚 ...
讀開happy school ,就算讓你入到一線學校，會適應嗎？一線背後一定是付出了很多努力才得到，唔會唔谷就可以大比數入到band 1中學。咁咪同你happy school 理念背道而馳囉。
作者: Genaho 時間: 21-6-7 03:19
本帖最後由 Genaho 於 21-6-7 03:28 編輯
Deleted
作者: sandra1004 時間: 21-6-7 08:11
jennylady 發表於 21-6-7 00:27
當初選了happy school ,想必已經為了女兒安排了讀什麼小學。要happy 為甚麼會考tsl? 3私一直出名谷。唔谷點 ...
我選幼稚園的時候沒有想到選小學那麼遠，曾經想過repeat,但女唔願意，不過先看一下能不能扣到二線頭的小學或一線小學，我除了和她講故事書還會星期六帶佢去踩單車，踩輪滑，還會每星期去做義工和整蛋糕，星期日陪她下棋，打牌砌lego砌拼圖，我希望她多學習社交技巧
每天堅持講故事書是非常之好的親子活動，也會讓佢對看書有濃厚興趣，佢每天都花很多時間看故事書
作者: Azzurro 時間: 21-6-7 08:49
總結身邊人，有幾種心情：
玩過很多直私的人，再去玩叩門
1. 已經洩氣，唔想再玩，好累！
2. 覺得好輕鬆，玩埋叩門之嘛！
玩好少直私 / 沒玩過直私的人，宜家玩叩門
3. 我嘅機會來了！
4. 壓力山大！
作者: YANHK01 時間: 21-6-7 08:54
Azzurro 發表於 21-6-7 08:49
總結身邊人，有幾種心情：
玩過很多直私的人，再去玩叩門
本帖最後由 YANHK01 於 21-6-7 08:58 編輯
我係2.5。唔輕鬆，但不甘心，一直搏鬥到最後，即係小二。
作者: hkpapa852 時間: 21-6-7 09:05
sandra1004 發表於 21-6-7 08:11
我選幼稚園的時候沒有想到選小學那麼遠，曾經想過repeat,但女唔願意，不過先看一下能不能扣到二線頭的小學 ...
事已至此, 不論叩門結果如可, 盡力提升女兒學術能力才有用
小朋友肯睇書係好事, 但記仲要中英並重
重英輕中, 上到中學可能要為中文一科擔驚受怕6年
作者: Raccch 時間: 21-6-7 09:13
回覆 YANHK01 的帖子
寫的好詳細
對第一次玩升小遊戲的家長應該幫助好大。升小都係一個心理遊戲，保持好的心態對自己對小朋友都好有幫助。
作者: i_love_leibb 時間: 21-6-7 09:57
YANHK01 發表於 21-6-6 14:49
本帖最後由 YANHK01 於 21-6-6 15:36 編輯
小一派位如果派不到心儀小學，很多家長都會盡最後努力去叩門。 ...
本帖最後由 i_love_leibb 於 21-6-7 10:00 編輯
本帖最後由 i_love_leibb 於 21-6-7 09:59 編輯
非常感謝你詳細嘅分享！
我上年忙完k1面試，而家努力為升小做功課，因為係n無人士，所以特別緊張
樓主好叻，想像到心理上真係要承擔好多！
我而家有幫阿女報啲興趣班，但係唔係學術嗰啲，全部都係根據佢興趣去報讀，例如芭蕾舞，畫班，英語音樂劇，佢都上得得好開心，其實係咪一定要考好多cert？我朋友話Cambridge 最值得學，就算唔係考試，英文都會有進步，仲有冇其他係重要呢？
作者: sandra1004 時間: 21-6-7 09:57
hkpapa852 發表於 21-6-7 09:05
沒有人一開始會懂得長遠規劃
事已至此, 不論叩門結果如可, 盡力提升女兒學術能力才有用
多謝你提點，我家庭以中文為主，主要想入中小，我會努力，我明白魚和熊掌不可同時得到，取個平衡就好
作者: sandra1004 時間: 21-6-7 09:59
Azzurro 發表於 21-6-7 08:49
總結身邊人，有幾種心情：
玩過很多直私的人，再去玩叩門
4,為何我要食全餐？但又要頂硬上
作者: Azzurro 時間: 21-6-7 11:08
YANHK01 發表於 21-6-7 08:54
本帖最後由 YANHK01 於 21-6-7 08:58 編輯
我係2.5。唔輕鬆，但不甘心，一直搏鬥到最後，即係小二。
到了小一就順其自然了，我不會為了插班小二而大加鞭策
到時候有實力才考插班小二
自問能耐不足
所以說，考幼稚園考小學，其實睇家長的認知，耐力，戰鬥力
作者: 已刪除用戶 時間: 21-6-7 11:16
Azzurro 發表於 21-6-7 08:49
總結身邊人，有幾種心情：
玩過很多直私的人，再去玩叩門
放榜之後多咗好多無考直私並且happy足三年嘅人上黎EK搵支援。
作者: ipki 時間: 21-6-7 11:20
我係2. 覺得好輕鬆，玩埋叩門之嘛！
上年經驗.....參加直私......最後二線私小BACKUP
然後抽........直下十八層....
叩門......
一線私小,第二次筆試考到及幾間津小叩門OFFER
七月尾收到好的津小叩門位OFFER
所以唔好放棄
作者: 藴藴 時間: 21-6-7 11:35
感謝分享，考完直資，大抽獎中保險線，再玩叩門，吸收左考直資的經驗，叩門報左十一間，拍片亦好快好順利，今日開始面試，今個星期有三間小學面試，不過其中兩間都係交左表等通知，未必有得面試。
心得係直私多人報，間間都幾千，睇住址幼稚園已經可以篩走一半人，另一半睇小朋友表現。
叩門又唔同玩法。
作者: i_love_leibb 時間: 21-6-7 11:58
藴藴 發表於 21-6-7 11:35
感謝分享，考完直資，大抽獎中保險線，再玩叩門，吸收左考直資的經驗，叩門報左十一間，拍片亦好快好順利， ...
想請問睇住址意思係咩？
即係睇埋邊個地區？
作者: Poyau 時間: 21-6-7 12:13
i_love_leibb 發表於 21-6-7 11:58
想請問睇住址意思係咩？即係睇埋邊個地區？
有學校面試問住得遠如何返學
作者: Azzurro 時間: 21-6-7 12:56
balls 發表於 21-6-7 11:16
放榜之後多咗好多無考直私並且happy足三年嘅人上黎EK搵支援。
這些沒有準備的家長的孩子有點可憐。。
作者: 已刪除用戶 時間: 21-6-7 13:04
Azzurro 發表於 21-6-7 12:56
這些沒有準備的家長的孩子有點可憐。。
但過去三年佢地可能覺得不停為直私努力的小朋友好可憐。
作者: i_love_leibb 時間: 21-6-7 14:41
Poyau 發表於 21-6-7 12:13
有學校面試問住得遠如何返學
原來係咁！我以為要睇住得好唔好，嚇死
作者: ipki 時間: 21-6-7 14:43
回覆 i_love_leibb 的帖子
唔排除係咁的用意不過一般我會答,如果學校收我,我會積極考慮搬學校附近
作者: YANHK01 時間: 21-6-7 19:36
Fraser 發表於 21-6-6 17:35
謝謝分享，的確，小一派位呢個遊戲一啲都唔好玩
補充一句，寫信的話，千其唔好寫錯人哋學校和校長個名，另 ...
如果冇背景冇關係唔識人，就更加要令人留個好印象。
作者: YANHK01 時間: 21-6-7 19:45
藴藴 發表於 21-6-7 11:35
感謝分享，考完直資，大抽獎中保險線，再玩叩門，吸收左考直資的經驗，叩門報左十一間，拍片亦好快好順利， ...
我自己都類似。我地因為係偏細B，K3考直資去到都矮人成個頭，完全蝕章，即使係算出名嘅幼稚園都冇offer。
唔只睇幼稚園，父母職業，屋企地址，都係重點。好多學校最鍾意係爸爸職業好勁，媽媽係FTM.
作者: YANHK01 時間: 21-6-7 19:46
i_love_leibb 發表於 21-6-7 11:58
想請問睇住址意思係咩？即係睇埋邊個地區？
簡單嚟講係從住址睇你背景。
作者: YANHK01 時間: 21-6-7 19:53
sandra1004 發表於 21-6-7 00:04
本帖最後由 sandra1004 於 21-6-7 00:06 編輯
我也派了第二志願安全線，直私完全無offers,津happy幼稚 ...
我好體會到你嘅痛苦。去到678月那種徬徨，真係心力交瘁。
我嗰個未到12月但都係偏細，我地已經考完英文試，考埋琴，幼稚園ok，小朋友對住老師對答如流，但真係要有心理準備，叩門競爭大到癡線。
希望你唔駛好似我地咁食全餐，順順利利啦。
作者: sandra1004 時間: 21-6-7 22:49
YANHK01 發表於 21-6-7 19:53
我好體會到你嘅痛苦。去到678月那種徬徨，真係心力交瘁。
我嗰個未到12月但都係偏細，我地已經考完英文試 ...
考小真係比預期難，但我成日見bk都有唔少人扣到心儀，我也有扣二線頭和一線尾，應該也有點收穫吧，不過你心態很好，我要調節自己的期望，也會讓女兒自己嘗試和選擇，當係成長一部分
作者: sandra1004 時間: 21-6-7 22:51
YANHK01 發表於 21-6-7 19:53
我好體會到你嘅痛苦。去到678月那種徬徨，真係心力交瘁。
我嗰個未到12月但都係偏細，我地已經考完英文試 ...
多謝你的祝福
作者: sandra1004 時間: 21-6-7 22:57
YANHK01 發表於 21-6-7 19:45
我自己都類似。我地因為係偏細B，K3考直資去到都矮人成個頭，完全蝕章，即使係算出名嘅幼稚園都冇offer。
...
我和你想法近似，我住公屋，無錢讀私幼，在家附近讀津幼，又細B，考小相對蝕底，盡力就好
作者: jennylady 時間: 21-6-8 00:09
回覆 i_love_leibb 的帖子
我都覺得Cambridge 練習幾好，要扣門就需要cert 否則連面試機會也沒有
喇沙扣門要提供5 activities and 5 Wards (要有 supporting )
我自己無打算考mover ，但但練習做真係好好。
作者: jennylady 時間: 21-6-8 00:16
本帖最後由 jennylady 於 21-6-8 00:42 編輯
回覆 YANHK01 的帖子
我覺得又未必係睇地址睇職業大把有offer 都係working parents
唔係咩特別職業
咁掂就讀國際學校啦。
其實要認清楚人地唔收的原因係邊
我仔都唔係考得好好，得幾個offers
整體我知到失敗原因係邊。
最緊要知道弱點係邊，從而改善
唔好一味話人地睇地址睇職業
唔揀你一定係有弱點。
作者: jennylady 時間: 21-6-8 00:26
Azzurro 發表於 21-6-7 12:56
這些沒有準備的家長的孩子有點可憐。。
我一早已經明白我不能只靠運氣
凡事都要靠自己。
就好似螞蟻同埋草蜢的兒童故事
草蜢夏天只掛著玩唔去儲糧食
螞蟻就趁夏天努力搵食物準備過冬
仲要比草蜢話點解唔去玩（話人地無童年一樣）
到冬天來到，草蜢要挨餓，又怨得邊個。
其實呢班小朋友已經很幸福
還有抽獎的機會
其實唔係好明白點解讀happy school 的家長會覺得一定抽得好？
作者: jennylady 時間: 21-6-8 00:38
sandra1004 發表於 21-6-7 08:11
我選幼稚園的時候沒有想到選小學那麼遠，曾經想過repeat,但女唔願意，不過先看一下能不能扣到二線頭的小學 ...
其實我好好奇點解揀happy school 的父母咁有信心一定會抽得好？
我細女pn 都報了happy school ，好多人都話呢間好
但睇見課程真係慢
令我好不安
我睇到四年後一定係無競爭力
如果屋企有back up,可以比小朋友讀國際學校，出國讀書
我都好認同happy school的理念 ..因為將來可以會追返進度
但大前提係要有能力為小朋友安排適合的學校
作者: jennylady 時間: 21-6-8 00:41
其實今屆出生率低，無雙非，多人移民和轉讀國際學校，扣門相對容易。抽籤頭三志願已經亦係九年新高
已經好左好多
作者: YANHK01 時間: 21-6-8 08:03
jennylady 發表於 21-6-7 00:27
當初選了happy school ,想必已經為了女兒安排了讀什麼小學。要happy 為甚麼會考tsl? 3私一直出名谷。唔谷點 ...
的確好無奈，基本上要玩這場飢餓遊戲，就冇得唔加強某啲訓練。我小朋友都係happy幼稚園，算係熱門嗰種。學校集中做多元智能發展，少中文數學操練，寫字唔多。我覺得呢個安排幾好，因為多元智能嘢尤其是社交發展，屋企做唔到。中英數就我FTM地自己響屋企同佢做，去考MOVERS都係自己教。其他雙職家長就小朋友下晝放學日日上外面啲班。不過我唔算谷，我心目中谷嘅意思係好似極限訓練咁操練。
作者: YANHK01 時間: 21-6-8 08:42
jennylady 發表於 21-6-8 00:41
其實今屆出生率低，無雙非，多人移民和轉讀國際學校，扣門相對容易。抽籤頭三志願已經亦係九年新高
已經好 ...
同意，尤其係移民多咗
作者: 已刪除用戶 時間: 21-6-8 09:11
jennylady 發表於 21-6-8 00:38
咩小學好遠咩？我覺得眨吓眼就到報幼稚園就係為了心儀小學
其實我好好奇點解揀happy school 的父母咁有信心 ...
我同意你的講法。
如果一心想入直私真係要PN開始鋪路。好多手持神津25分或者必收生又或者已經安排好小一就出國嘅人係唔會明白N無人士的心情。無奈身邊呢種人都喜歡對努力拼直私嘅人指指點點，話人地怪獸。
作者: 藴藴 時間: 21-6-8 09:11
jennylady 發表於 21-6-8 00:16
回覆 YANHK01 的帖子
我覺得又未必係睇地址睇職業大把有offer 都係working parents
假設一間學校有4500人報，第二次面試500人，收150人，其中1500人讀私幼住私樓，1000人讀津幼住私樓，1000人讀私幼住居/公屋，1000人讀津幼住居/公屋，你們認為，哪部分人最大機會有第二次面試？
假設你係第二次面試的500人，唔揀你當然有原因，但如果你係4000人的其中一個，一段幾分鐘的視頻，或小組面試的10、20、30分鐘，你認為你的弱點係邊？
純討論，好多人好多offer，亦好多人食全餐（即係直私0offer，大抽獎碌到最底，叩門失敗，之後再插班先成功），你又認為後者弱點係邊？
小學有運氣成份，中學見真章，點都好，努力不會白費，金子點都會發光，大家加油。
作者: YANHK01 時間: 21-6-8 10:06
藴藴 發表於 21-6-8 09:11
假設一間學校有4500人報，第二次面試500人，收150人，其中1500人讀私幼住私樓，1000人讀津幼住私樓，1000 ...
同意。
大家都係理性的家長，會唔會覺得收唔收一個學生，淨係睇或者完全唔睇背景和關係? 當然唔會，如果唔係，啲報名表點解要填父母職業學歴?
冇人會覺得自己個小朋友冇弱點，但當你做得夠多資料搜集，你會知道有幾多人係個關係網直接搵得到個校長副校傾計，你知道自己冇呢啲優勢，就只能更努力。
作者: Azzurro 時間: 21-6-8 11:20
jennylady 發表於 21-6-8 00:26
點解可憐？機會係留給有準備，有努力，有付出的人。努力不一定有收穫，唔努力就注定靠幸運。
我一早已經明 ...
我其實係想講小朋友可憐，而不是沒準備的父母可憐。
朋友的小朋友很生性讀書，也讀得好，獲得幼稚園一些獎（不是每個人都有那些）。
但是偏偏父母處理直私和抽獎策略處理的不好，直接影響到小朋友。
作者: 藴藴 時間: 21-6-8 11:23
YANHK01 發表於 21-6-8 10:06
同意。
大家都係理性的家長，會唔會覺得收唔收一個學生，淨係睇或者完全唔睇背景和關係? 當然唔會，如果 ...
Yes.理性討論，學生面試表現重要，但家庭背景都重要，仲有部分天時地利人和，家長有壓力，小朋友都會有自己感受。
作者: jennylady 時間: 21-6-8 21:48
YANHK01 發表於 21-6-8 08:03
的確好無奈，基本上要玩這場飢餓遊戲，就冇得唔加強某啲訓練。我小朋友都係happy幼稚園，算係熱門嗰種。學 ...
週末我會教下寫週記
我地呢d 唔係叫谷，只係配合升小做準備
作者: jennylady 時間: 21-6-8 22:08
藴藴 發表於 21-6-8 09:11
假設一間學校有4500人報，第二次面試500人，收150人，其中1500人讀私幼住私樓，1000人讀津幼住私樓，1000 ...
而且唔好低估見個幾分鐘，老師校長閱人無數，短短幾分鐘拍片已經睇到好多野
而且唔知道你有無發現，收的話好多間都收，唔收的話就間間唔收，問題係邊？真係地址咩
好多間神校都係第一round 睇片，而呢d人不約而同入到不同神校final ..證明學校好識揀，間間都揀中同一個小朋友。
而插班成功唔代表之前人地因為地址唔揀你。我自己覺得考直私比較這重表達能力，插班比較著重成績。好多名校插班根本連人都唔見，只做卷。要清楚遊戲規則先會成功。
我自己知道我自己個仔弱點係邊，就係說話唔夠叻，表達能力唔夠好，我仔係名幼全班第一，每星期默書，每個學期做卷都係全對，而且唔係死溫，係吸收快學得快記性好，咁我仔都只得幾個offer 。係真係interview 講野唔夠叻。要承認自己的缺點，去改善，唔係怪人揀地址囉。我夠名幼➕私樓。唔見得考得特別好。如果keep 到成績，咁插班一定得架，現在唔得唔係因為地址。
作者: jennylady 時間: 21-6-8 22:12
本帖最後由 jennylady 於 21-6-8 22:20 編輯
回覆 YANHK01 的帖子
咁呢個唔係地址問題係識人好過識字問題
填父母職業學歷係好brief 咁填
我只填行業，大學畢業咁樣
應該會係最後，兩個小朋友都差不多，好難揀先會考慮
我相信一般而言係睇表現多於一切（識人無得好講）
唔會係一開始睇地址而reject 人
每間學校最終目標都係想揀叻的小朋友
無得考筆試唯有考soft skills
考直資私校已經比派位計分公平得多。派位計分就真係睇地址，睇舊生喇
作者: jennylady 時間: 21-6-8 22:31
回覆 Azzurro 的帖子
只怪父母唔了解遊戲規則小朋友的路，當然直接受父母影響
要揀happy school ，但又唔安排之後升小的路
考不到又怨天怨地
我真係好好奇點解會有人覺得一定會派位派得好
作者: jennylady 時間: 21-6-8 22:42
balls 發表於 21-6-8 09:11
我同意你的講法。
如果一心想入直私真係要PN開始鋪路。好多手持神津25分或者必收生又或者已經安排好小一就 ...
但必收你都要讀得掂先得
所以都會揀學術好的名幼
必收生，世襲生，校區靚係唔會明白
就係自知自己n 無
又唔敢靠運氣
所以先要努力
作者: 已刪除用戶 時間: 21-6-8 23:22
jennylady 發表於 21-6-8 22:31
回覆 Azzurro 的帖子
只怪父母唔了解遊戲規則小朋友的路，當然直接受父母影響
今日聽到樓下公園路過超級happy學校嘅N無媽媽話派位唔好，要叩門，叩「女拔」，我真係覺得無語。聽對白就知道佢地完全唔了解點考直私、小一點樣派位。真係好想勸佢地：與其道聽途說，不然認真查下資料，睇下屋企附近有咩津校仲收叩門申請啦。
作者: Fraser 時間: 21-6-9 09:28
jennylady 發表於 21-6-8 22:31
回覆 Azzurro 的帖子
只怪父母唔了解遊戲規則小朋友的路，當然直接受父母影響
其實揀Happy School 亦無不可， 起碼在校內壓力少，可以享受愉快校園生活。 我地亦係揀Happy Kindergarten， 因睇中佢地過萬尺校園
但係， 父母就預咗要自己放工同weekend加把勁，同小朋友增值。自問都俾咗唔少努力，最難應該係點樣令佢不感壓力快樂學習而又catch-up 到個standard.... 感恩最後都有三私一直其中一間同其他offer.
大家加油
作者: jennylady 時間: 21-6-9 20:09
Fraser 發表於 21-6-9 09:28
其實揀Happy School 亦無不可， 起碼在校內壓力少，可以享受愉快校園生活。 我地亦係揀Happy Kindergarten ...
我都認為讀happy school 無問題
但父母唔可以一心打算抽獎
抽唔到又怨天怨地
如果我有本事我都揀happy school
讀國際學校
作者: jennylady 時間: 21-6-9 20:16
balls 發表於 21-6-8 23:22
今日聽到樓下公園路過超級happy學校嘅N無媽媽話派位唔好，要叩門，叩「女拔」，我真係覺得無語。聽對白就 ...
作者: Poyau 時間: 21-6-9 20:31
jennylady 發表於 21-6-9 20:16
連女拔無得叩都未知🤣
《天真問題，女拔有無得叩門？》
https://www.edu-kingdom.com/forum.php?mod=viewthread&tid=3454660
作者: 已刪除用戶 時間: 21-6-9 20:59
Poyau 發表於 21-6-9 20:31
《天真問題，女拔有無得叩門？》
https://www.edu-kingdom.com/forum.php?mod=viewthread&tid=3454660
...
如果係有超強勁背景加非常厲害嘅特異功能，可能真係會叩得到嘅～
作者: YANHK01 時間: 21-6-10 08:22
jennylady 發表於 21-6-8 22:12
回覆 YANHK01 的帖子
咁呢個唔係地址問題係識人好過識字問題
我認同撇除識人，表現好重要，而絕大部份直私第一輪面試都似乎係來者不拒。我估我地分歧只係表現 vs 背景哪樣學校更重視。呢個我諗間間學校唔同，比重嘅嘢，總會有人前者超好面冇後者考到。
至於一般嚟講中產或以上的父母教育投入較多，呢點我同意。所以究竟地址係因果關係定correlation, 真係難講，等於有研究話母乳bb將來學習表現好啲，究竟係因為母乳好啲，定係因為家境容許母親餵母乳，母親多時間教所以好啲嘅爭議咁。
作者: YANHK01 時間: 21-6-10 08:23
Poyau 發表於 21-6-9 20:31
《天真問題，女拔有無得叩門？》
https://www.edu-kingdom.com/forum.php?mod=viewthread&tid=3454660
...
咁佢起碼知道個問題天真 
作者: hkpapa852 時間: 21-6-10 08:31
YANHK01 發表於 21-6-10 08:23
咁佢起碼知道個問題天真
其實除非派到學術表現好差既小學（如升中派位入B1中學比例20%都無），或升中網極差（如離島和南區手），否則不要盲目叩門/考插班。
叩門/插班目標應係集中有B1中學既龍小或直小，或至少係有B1聯中，又或升中網極佳既地區一/二線學校，否則係嘥心機。
作者: jennylady 時間: 21-6-10 08:50
回覆 YANHK01 的帖子
對
我自己就唔信母乳令人聰明啲健康d
父母付出，栽培和資源重要d
我相信地址因素佔好少
間間學校都想提升自己學校
會揀叻和有潛力的學生
(識人靠關係就例外啦）
作者: 已刪除用戶 時間: 21-6-10 10:20
jennylady 發表於 21-6-9 20:16
連女拔無得叩都未知🤣
其實係有個九龍塘名幼小朋友嘅Grandpa同佢地講佢個孫女叩緊女拔，然後呢兩位開心媽媽真係信，仲問佢點樣叩。
所以話呢，有時都要輔導一下屋企嘅長老唔好一知半解就喺公園同人地分享，會鬧出笑話呀。
作者: YANHK01 時間: 21-6-11 16:01
hkpapa852 發表於 21-6-10 08:31
其實除非派到學術表現好差既小學（如升中派位入B1中學比例20%都無），或升中網極差（如離島和南區手），否 ...
認同。雖然我自己都搏殺到小二，插班嘅係有B1直屬中學的小學，我真的怕了派位。
作者: tummypooh 時間: 21-6-11 16:52
回覆 sandra1004 的帖子
其實你唔使灰心，12月細b係直私遊戲入面係蝕底的。當然每次講呢樣就會有人話唔係，不作討論。
每個人有唔同追求，同happy幼冇問題，讀happy幼都可以入神校，同神幼都可以冇offer。有啲小朋友係天生註定不適合interview遊戲。咁唯有努力插班，用學術取勝。
如真想入直私，細b你仲有一年機會，其實你讀住小一再玩多一年，會發現有大不同，問題係小朋友接唔接受啫。我個小朋友就係咁，一開始我就plan係第一年試驗，讀住小一再報多年直私。如你而家間小一可以有三至四成升band one中學的成績，你都可以係入面努力做精英，反正去邊都係有壓力，除左某些直龍好少少。
作者: sandra1004 時間: 21-6-11 17:26
tummypooh 發表於 21-6-11 16:52
回覆 sandra1004 的帖子
其實你唔使灰心，12月細b係直私遊戲入面係蝕底的。當然每次講呢樣就會有人話唔係 ...
謝謝你鼓勵
作者: heamom 時間: 21-6-12 16:36
藴藴 發表於 21-6-8 11:23
Yes.理性討論，學生面試表現重要，但家庭背景都重要，仲有部分天時地利人和，家長有壓力，小朋友都會有自 ...
同意要配合天時地利人和。
如準備充足又好運入到Top tier，家長 又要開始準備下一關（默書、測驗考試等）
家庭support 也十分重要，好多在職家長未必可以付出咁多時間，間接亦會影嚮小朋友家長關係。
看情況和條件選擇適合的學校都很重要。
作者: olympiad_m 時間: 21-6-12 23:40
提示: 作者被禁止或刪除 內容自動屏蔽
作者: Damon1913 時間: 21-6-13 06:52
jennylady 發表於 21-6-9 20:09
無錯
我都認為讀happy school 無問題
但父母唔可以一心打算抽獎
本帖最後由 Damon1913 於 21-6-13 10:10 編輯
我都係一安排得唔好嘅家長！
當初揀幼稚園係因為方便照顧我係雙職家庭，搵咗間類似托兒所放工可以接佢放學，可以話係冇學術程度。
我自己沒受過高等嘅教育（初中已經冇讀）由育兒到升學都係邊睇邊學靠雜誌睇返嚟嘅資訊，係冇谷同培訓底下參加直私考試，諗住靠集郵識嘅證書去突出小朋友，當然大家都知道個結果(emoji)
到參加大抽獎又咁唔好彩抽咗一間三線接近寶校，仲好天真報叩門淨係報咗五間得兩間有得面試，我仲好記得上年七月二日之後到註冊日死線都收唔到電話，嗰一晚我反思自己係咪我嘅安排令到自己小朋友接受一啲好啲嘅教育機會都冇？
我絕對冇埋怨怪就怪自己冇為自己小朋友好好安排，當其時我心目中有兩個選擇，repeat直私小一，小二插班，我選擇後者就咬緊牙關檢討小朋友能力上面嘅不足就用一年培訓小朋友學術上面嘅成績。
因為小朋友之前讀緊幼稚園太過happy疫情又停咗一段時間我諗中文字識字量係100以下(emoji)，我相信大家睇到呢度都覺得你插小二嘅可能性係極低，但我想講小朋友係有能力做得到㗎只要唔好放棄，有準備個機會就係你。
五月去考兩間地區一線都可以通過筆試其中一間面試後第二日就有電話收我小朋友仲要係最心儀最近屋企嗰間，好感恩！成個升小過程我真係玩左兩年幾。
happy得滯定係要還，經過呢次經驗之後我同小朋友都會繼續努力
作者: 已刪除用戶 時間: 21-6-13 08:03
Damon1913 發表於 21-6-13 06:52
我都係一安排得唔好嘅家長！
當初揀幼稚園係因為方便照顧我係雙職家庭，搵咗間類似托兒所放工可以接佢放 ...
有心唔怕遲，好彩你識幫小朋友補救。
作者: kc33 時間: 21-6-13 09:02
幼稚園睇家長背景 地址 呢個我信，大把老師朋友講到明 佢地要睇你有無$有無心同學校一齊谷
但去到考小
地址：係同一個offer group, 公屋 / 私樓 遠近 乜都有。
大細B : 10-12月b 又有，9月超大B 又有, 可能比例上大B 到3-4月最多，但細b都唔係小
Happy Sch : 直私有權簡叻既學生，名幼唔係大哂，大把人以為讀到就入硬名小 最後乜offer 都無。卷幼入名校都有好多，發功一定係父母，直私睇面試表現 學術對答解難 差一樣都無offer。疫情更見真章！
所以好努力裝備自己去考直私 要比人話過份催谷又係虎媽，不如諗下萬一考直私0 offer, 抽獎到寶校 先上黎EK 救求 一切都太遲
作者: kc33 時間: 21-6-13 09:05
我自己頂唔順做比人抽獎，我選擇左主動出擊考直私 買個安心 如未能有一線直私offer 拎住個二線玩抽獎 或叩門 成個心態都好唔同
機會永遠留比有準備既人 共勉之
作者: YANHK01 時間: 21-6-13 12:10
kc33 發表於 21-6-13 09:02
幼稚園睇家長背景 地址 呢個我信，大把老師朋友講到明 佢地要睇你有無$有無心同學校一齊谷
但去到考小
所以面試班產業有生意，因為那些面試加做task 模式，不是小朋友聰明就做到，是要長時間訓練。 學校其實都係想收啲教育資源投入最多加上個小朋友精叻嘅家庭。
作者: jennylady 時間: 21-6-16 23:30
回覆 Damon1913 的帖子
我覺得小朋友一年的差別真係可以好大我仔k2 和k3 的分別都好大
所以小朋友要追，只要肯努力一定可以
我都想有本事比小朋友讀happy school 幼稚園
但知道香港的教育制度和遊戲規則
睇埋自己想入的學校，就知道條路點行
我接受唔到靠抽獎
而且我小朋友讀重學術的學校 ，一樣有愉快童年
返學好開心
我細個就係屋企有資源，但父母唔識幫我考好學校
為了自己工作，搬家轉校
由一間好小學轉去差小學
父母覺得讀到書去邊間都一樣
呢個係大錯特錯
所以我一定盡力幫仔女考好學校
作者: YANHK01 時間: 21-6-17 08:33
jennylady 發表於 21-6-16 23:30
回覆 Damon1913 的帖子
我覺得小朋友一年的差別真係可以好大我仔k2 和k3 的分別都好大
好可以係
1. 收生好
2. 學校做得好
做家長的，最想係1,2都好。如果要二選一，我覺得1更重要，收生好唔好好多時唔係老師嘅問題，而係睇歷史因素同埋有冇好嘅直屬中學。
收生好嘅學校，學生學習差異較小，課室管理比較容易，老師教學都順暢好多，而且可以學術上再教得深入啲。而收生好嘅學校，同學之間嘅良性競爭，或曰學習氣氛，同一般嘅學校可以差好遠。
不過係咪一定要最好，都未必，中游學校去到高小，按成績分班，其實都有呢個效果。
至於2.學校做得好唔好，我都想為好多寶校講句公道話，好多收生唔太好嘅學校，老師都好有心，學校收生不佳好多歷史因素同地區因素。真正做得唔好嘅，上一輪殺校潮已經冇咗。
作者: jennylady 時間: 21-6-18 01:22
回覆 YANHK01 的帖子
所以我偏向揀直私，學生差距無咁大家庭教育理念差不多
作者: Azzurro 時間: 21-6-18 08:06
jennylady 發表於 21-6-16 23:30
回覆 Damon1913 的帖子
我覺得小朋友一年的差別真係可以好大我仔k2 和k3 的分別都好大
我小時候父母也是有一點錢，但是但求方便送去隨便幼稚園，小學（都倒閉了）。。
所以自覺小時候過得比較悲劇。。
現在當然希望自己小朋友過得好一點
父母能為小朋友創造的其實就是教育而已，大學之後想幫忙都能力有限
所以父母要係幼稚園小學盡力提供條件，否則以後沒機會了
隨便也有朋友條件好得多，不過也是隨便安排他們子女讀書
替他們孩子可惜。。
作者: hkpapa852 時間: 21-6-18 08:07
jennylady 發表於 21-6-18 01:22
回覆 YANHK01 的帖子
所以我偏向揀直私，學生差距無咁大家庭教育理念差不多
官津小學要突圍，普遍只需同3/4成人去競爭B1位置，係重成績既直私，競爭對手係全級同學。
作者: jennylady 時間: 21-6-18 20:45
回覆 Azzurro 的帖子
我父母當年話讀到書間間學校一樣
好彩我地最後移民去外國讀書
作者: jennylady 時間: 21-6-18 23:20
hkpapa852 發表於 21-6-18 08:07
另一方面睇，其實即係競爭大咗
官津小學要突圍，普遍只需同3/4成人去競爭B1位置，係重成績既直私，競爭對手 ...
因為d 人只係好彩抽到
起碼叻過一半人先。
作者: hkpapa852 時間: 21-6-18 23:38
jennylady 發表於 21-6-18 23:20
我老公都咁講話讀名津會容易d 考到高名次
因為d 人只係好彩抽到
起碼叻過一半人先。
不過升中限制好似未有打算修改/取消, 呢點要留意
作者: jennylady 時間: 21-6-19 17:46
hkpapa852 發表於 21-6-18 23:38
令朗間小學, 好似近年取消咗公佈學生全科既全級排名, 咁對學生同家長嚟講係好事, 起碼壓力會細咗
不過升中 ...
會提供平均分
咁自己比較到
因為聽講0.5分會差幾個名次出來
所以五十名之後唔排
作者: Azzurro 時間: 21-6-21 08:03
jennylady 發表於 21-6-18 20:45
回覆 Azzurro 的帖子
我父母當年話讀到書間間學校一樣
其實當時候八十年代/ 九十年代嘅考幼稚園/ 小學制度和現在完全一樣
我見唔到任何區別
好的幼稚園/小學/中學也是兵家必爭呢
當然2000年左右直資制度變得更強勢令到強校更強了，但是只是加強而已
| 歡迎光臨 教育王國 (/) |
Powered by Discuz! X1.5 |