教育王國
標題: 請問有冇朋友可以俾俾意見或方向我? [打印本頁]
作者: IvanS 時間: 21-6-1 17:06 標題: 請問有冇朋友可以俾俾意見或方向我?
我仔仔而家2歲10個月大
語言發展遲緩
平日只有爸爸媽媽音、見到雪糕或我地邀請佢食雪糕時，佢會講Ice cream（有意義的，雖然發音未必全中）
平日會講一堆BB 話，但未必想溝通，當然佢會用非言語表達需求(如騎膊馬會企係我前面舉高手，我話攰，講兩次佢會接受，之後自己落地行)，例如指水樽或拎水樽俾我哋尋求協助，亦會表達不喜歡嘅事，會擰頭或用身體語言表達no，講BB話時有些時候亦會夾雜"no"或其他學校學到嘅音如nice
興奮或反抗時會尖叫，呢個問題學校亦有反映
另外老師幫佢換口罩，如果佢心情唔好會抓人(呢個問題之前係屋企都有，話咗幾次之後少咗好多(近乎冇))
平日無聊時會有自我刺激行為>>>於眼前玩手，呢排會望一啲有pattern嘅野(包裝上方啲字)，不過叫一叫佢就會走開或停止玩手
平日與主要照顧者有眼神接觸，跟外人或老師都會有，不過比較弱 (最近睇醫生都有望醫生眼睛)
罵佢佢會知，有時會用手遮面
懂得聽同做基本生活指令
如上床、去沖涼、掉尿片
自己食飯（視乎心情）、用杯飲水都ok
很喜歡喜歡跳、跑
可以在學校坐定定一段時間
(我見過語言治療可以坐足40 mins)
同大人互動ok，不抗拒同唔常見嘅人接觸同玩(包括拖手，有時kiss 都得)
同小朋友互動無從判斷(好少接觸，之前試過同小朋友玩，會想抱抱對方同Kiss小朋友)
平日冇固執行為，排玩具(或其他物件)類似行為都唔會有
細個有段時間鍾意開關燈同門，玩一排之後就冇再玩
不過學校都叫我地做全面評估，所以排緊CAC同協康
心急人上
作者: opclk99 時間: 21-6-2 03:41
提示: 作者被禁止或刪除 內容自動屏蔽
作者: IvanS 時間: 21-6-2 09:20
回覆 opclk99 的帖子
多謝你的回覆!
始終上咗一段時間言語治療但效用不大!
最近覺得仔仔好似唔玩玩具，書又冇乜耐性睇
係鍾意玩攀爬架同韆鞦
作者: chun719 時間: 21-6-2 17:52
本帖最後由 chun719 於 21-6-2 17:53 編輯
2歲10個月 我覺得唔洗擔心
佢又無咩病徵 , 單純言語慢少少
佢又識表達自己 , 係唔想用言語
言語表達最開頭係由儲字開始
佢要識得多既字先慢慢會運用
語言你可以試下要求佢講出口先滿足佢
簡單由日常生活起
例如最簡單 講「水」 , 做到要即刻比佢
做到10次8次 , 可以教佢講「比」字
比水、比橙、比蘋果、比香蕉
日常生活 , 每事都講下，佢會好快講野
由身體表達到言語表達係成長既一個過程。
每晚講下故事書 , 有用的
協康應該好快，2-3個星期應該安排到啦?
作者: IvanS 時間: 21-6-2 18:32
回覆 chun719 的帖子
好多謝你嘅回覆🙏🏻🙏🏻🙏🏻我而家已經好似錄音機咁不停講🙏🏻
不過仲有擔心，仔仔係學校好少同同學交流
會自己做學校嘅task
作者: opclk99 時間: 21-6-2 20:15
提示: 作者被禁止或刪除 內容自動屏蔽
作者: IvanS 時間: 21-6-2 20:31
回覆 opclk99 的帖子
聽到你小朋友嘅發展都覺得幾安慰
祝福你嘅小朋友都健康快樂，生活愉快
作者: IvanS 時間: 21-6-3 12:45
回覆 chun719 的帖子
協康仲要等多1.5 month...
作者: Creativesummons 時間: 21-6-8 16:31
回覆 IvanS 的帖子
或者自己出去私人做評估會快好多,協康都係要等
作者: IvanS 時間: 21-9-30 11:04
仔仔已經做完評估。
認知發展只有20個月多d(現在3Y2M)，言語發展都是冇乜進步
由於評估時有充足眼神接觸，叫佢名會望住你，俾簡單指令都會做，以及同心理學家有互動，所以冇寫實自閉幾嚴重。不過都係排S位。
我地上緊專注班，PST 一星期一次，返緊K1，排緊高津。
仔都好鍾意跳都爬高爬低，同埋食手。
請問有冇意見俾我仲可以點幫小朋友?
作者: Damon1913 時間: 21-10-5 09:32 標題: 回覆樓主：
本帖最後由 Damon1913 於 21-10-5 09:44 編輯
本帖最後由 Damon1913 於 21-10-5 09:44 編輯
我以前小朋友都係咁上下，除咗冇突然間尖叫之外大部份相似，我都有懷疑小朋友有冇自閉症，但我見佢喺幼稚園都有同其他小朋友玩但一個係唔願意去表達，我相信佢只不過係語言遲緩，冇做過任何評估。五歲都冇講過完整句子，
選擇小學大抽獎抽咗一間三線小學環境差升中唔理想，佢咁嘅情形叩門都失敗，唯有照讀果一間等二年班插班，每日加強操練，每朝六點起身叫佢認字加朗讀圖書，頭半年佢嘅語言能力都未有特別進步用咗咁多時間連我自己都開始懷疑自己
但係奇蹟嘅事發生堅持左一年之後學期中同學期尾嘅成績全A今年亦順利插班轉到同區一線學校。
我發覺原來朗讀圖書對呢啲小朋友係有幫助今年佢轉到新校願意運用其他詞彙表達自己，語言能力亦開始逐步正常，大致上係新學校默書同小測都係優良嗰條線上邊。
其實諗返轉頭可能係抽間咁嘅學校令到我哋決心去改變一個學習模式，先至得到咁大嘅轉變，如果一開始抽間好嘅學校可能我哋都仲繼續懶緊，唔去認真面對個問題，學業成績我自己都不敢想像。
語言遲緩我相信遲啲都會正常返喺呢個階段要佢認識多啲詞彙，等佢大個少少佢有足夠信心就願意講，語文係要長時間浸擺多啲時間落去堅持一定會見到成果
作者: IvanS 時間: 21-10-5 13:28
回覆 Damon1913 的帖子
多謝你嘅回覆呀!!!! 你的分享好令人鼓舞!!
我仔而家都少咗好多尖叫。
不過我個仔專注真係唔太理想......
暫時未可以同佢一齊讀書，因為佢冇心機...
希望你嘅小朋友都愈來愈進步!!!更上一層樓!!
作者: Damon1913 時間: 21-10-5 14:25
我個仔都唔專注，覺得佢可能係認知能力同埋語言能力比較遲，影響咗佢根本唔知你講乜，我覺得家長一定要落場教一對一捉住佢你先會知究竟佢嘅缺點喺邊度。
帶佢買啲佢有興趣嘅圖書簡單啲要佢同你一齊去讀，唔好俾佢玩咁多電子產品，我小朋友依家語言能力改善咗連專注力我覺得都好咗。當然你可以搵一啲佢有興趣又可以訓練專注力嘅課外活動俾佢，我小朋友好鍾意畫畫，我就幫佢報咗一啲畫畫班我發覺佢真係可以好專注坐定定畫。
作者: terrenandtania 時間: 21-10-5 14:38
IvanS 發表於 21-9-30 11:04 
仔仔已經做完評估。
認知發展只有20個月多d(現在3Y2M)，言語發展都是冇乜進步
高津好快會有，一個月會有6小時訓練安排俾你，在家跟足啲家居訓練，會見到進步的
作者: IvanS 時間: 21-10-6 09:35
回覆 Damon1913 的帖子
再次多謝你!!!!
希望不久將來我仔仔都可以有咁大嘅進步!!
作者: IvanS 時間: 21-10-6 09:37
回覆 terrenandtania 的帖子
好多謝你嘅分享!!!
我都希望快啲有方向訓練小朋友!
作者: crystal媽咪 時間: 21-10-8 10:27
上言語治療師度玩玩具其實冇問題
可以透過玩玩具去學坐定同埋簡單表達/聆聽指示
學下技巧，同小朋友做家居訓練，搵佢鍾意嘅引佢講野……
作者: IvanS 時間: 21-10-11 10:55
回覆 crystal媽咪 的帖子
多謝你的回覆!!!
遲啲都會再安排ST.....
希望可以學到多啲技巧幫仔仔.....
作者: au1111 時間: 21-10-15 15:32
越早找一個有經驗的BCBA 行為治療師評估及治療越好
作者: kidspapa 時間: 21-11-19 17:06
本帖最後由 kidspapa 於 21-11-19 17:06 編輯
報下d社交小組玩下，環境好影響小朋友發展。
作者: IvanS 時間: 21-12-12 23:38
回覆 kidspapa 的帖子
我哋有報啊最近有進步但言語都係進展比較慢
作者: Caramelbox 時間: 21-12-30 09:05
IvanS 發表於 21-9-30 11:04
仔仔已經做完評估。
認知發展只有20個月多d(現在3Y2M)，言語發展都是冇乜進步
作者: nicetomeetu2 時間: 22-1-3 11:53
小朋友同你情況一樣，最後醫生評估為輕度自閉，O位，上緊一星期五堂集集訓練，未夠2個月已有好大進步。唔好唔理，一定要安排訓練比佢
作者: IvanS 時間: 22-1-4 13:38
本帖最後由 IvanS 於 22-1-4 13:39 編輯
回覆 Caramelbox 的帖子
因為我仔眼神接觸好,所以暫時冇寫自閉/傾向
但始終言語同認知落後比較多,所以都建議S位
作者: IvanS 時間: 22-1-4 13:41
回覆 nicetomeetu2 的帖子
聽到都覺得開心!加油呀!!
我地安排唔到密集班,不過都盡量安排多訓練俾仔仔!
| 歡迎光臨 教育王國 (/) |
Powered by Discuz! X1.5 |