教育王國
標題: 根德園 [打印本頁]
作者: momo2017 時間: 21-5-22 15:34 標題: 根德園
本帖最後由 momo2017 於 21-5-22 17:38 編輯
請問平日上課嘅時間安排係點？
多唔多時間可以玩？
作者: JacobWL 時間: 21-5-28 15:18
疫情前, 有體育堂, 有茶點時間.疫情後, 無體育堂, 無茶點時間, 飲水時間同廁所時間不能說話.
作者: 已刪除用戶 時間: 21-5-28 15:50
回覆 JacobWL 的帖子
我知仲有體育堂呀，有出去花園玩，仲話有小運動會
作者: Darklady 時間: 21-5-28 16:06
MS10 發表於 21-5-28 15:50 
回覆 JacobWL 的帖子
我知仲有體育堂呀，有出去花園玩，仲話有小運動會
茶點是取消了，不過生日會亦有舉行(唔同班唔同日子)，會派包裝蛋糕番屋企食
6月如無意外會有音樂會
作者: snoppy888 時間: 21-5-28 16:55
係law, 學校6月大搞奧運主題，會有小運動會
作者: darkgard 時間: 21-6-1 08:08 標題: 回覆樓主
好多人話kv 好谷。但係放心，小朋友平時有無時間玩，係主宰係父母度，學校無咁變態。亦都無外間咁講，咁多功課。
我兩個女都係嗰度讀，雖然不至於好似村校咁開心，無測驗無考試，但係佢地知道，讀書係乜。唔會小學先醒覺。
作者: JacobWL 時間: 21-6-1 18:04
我女讀緊，每星期兩日既體育堂，我每次放學問佢，佢都話無。（只有一至兩次聽佢講有：跳圈圈）有生日會，但照教書，只係比你著自己衫返學同比一大袋零食蛋糕你自己返屋企食， 都會比多小小時間家長係課室同小朋友影下相。
我個女個班，班主任每日鬧小朋友（鬧其他唔合作既小朋友），再犯就要去第二間房。
我唔知格離班係點，但以上資料係我個女每日返屋企同我講。
作者: Jean1769 時間: 21-6-1 18:14
聽講無畢業典禮，當真？
作者: chan123123 時間: 21-6-8 21:37
JacobWL 發表於 21-6-1 18:04
我女讀緊，每星期兩日既體育堂，我每次放學問佢，佢都話無。（只有一至兩次聽佢講有：跳圈圈）有生日會，但 ...
每日鬧小朋友？？！！！
作者: mrs.3845 時間: 21-6-8 22:51
JacobWL 發表於 21-6-1 18:04
我女讀緊，每星期兩日既體育堂，我每次放學問佢，佢都話無。（只有一至兩次聽佢講有：跳圈圈）有生日會，但 ...
哇 咁似我年代d老師嘅方法嘅
仲會罰人去第二度！
作者: pwhr 時間: 21-6-9 08:51
大仔現k2, 二仔9月k1, 老師嚴中有愛, 喺大 whatsapp group從未聽過"鬧"字, 亦無"每日"的情況聽聞過, 期待2位兒子一同在KV上學
作者: Darklady 時間: 21-6-9 09:09
回應上面很多資料有錯誤/誤導性的家長，疫情前，生日會放4點當天全天不用上堂，疫情後，停課多時，為了不影響進度，改成不縮短番學時間放5點，頭一個鐘上堂，
之後時間是生日會，通告解釋得清清楚楚，這個安排大家都覺得很合理
各位睇晒成條討論，自己消化所有資料再判斷準確性吧
我小朋友番學日日開心到不得了，開心到話唔想放學
作者: mrs.3845 時間: 21-6-9 12:55
Darklady 發表於 21-6-9 09:09
回應上面很多資料有錯誤/誤導性的家長，疫情前，生日會放4點當天全天不用上堂，疫情後，停課多時，為了不影 ...
真係家長先知！我作為傍人覺得如果真的鬧就好誇張，畢竟而家已經好少再咁惡對小朋友了！
作者: 文英妮妮 時間: 21-7-10 00:02
呢間敎得好但防疫意識極差，今年因群組感染被教育局停咗幾次
作者: celinechan117 時間: 21-7-10 22:56 標題: 回覆樓主:
其實另外一間名幼也停課幾次，只要人多校大就容易中%。學生很多時自己外出染傷風感冒，唔係關學校防疫意識差！以我所知，呢間復課後已冇茶點時間。另一間仲有！
作者: pwhr 時間: 21-7-11 00:15
回覆 celinechan117 的帖子
同意樓主所講, 並非學校防疲做得差, 自己大仔喺嗰度讀, 其他家長亦讚學校防範於未然, 嗰位文英應係局外人, 實宜非胡亂指責, 不尊重自己之餘亦完全忽視學校的妥善安排, 對學校老師同欠公平, 此絕非讀書人所為
作者: Darklady 時間: 21-7-11 12:15
文英妮妮 發表於 21-7-10 00:02
呢間敎得好但防疫意識極差，今年因群組感染被教育局停咗幾次
學校係因為上呼吸道而停課兩次，第一次停課係兩校舍各有5宗上呼吸道
大校舍有5宗有幾難?
KV復課係已停晒茶點/課室有分隔版/全部教職員每14日定期檢測/全部課室有光觸媒空氣淨化機等等
學校防疫不知做得幾足
作者: jennylady 時間: 21-7-14 21:32
我仔今年kv 畢業
學校防護好好，一復課已經有晒透明分隔板
依舊有活動，體育，有出去玩
去toilet 或飲水比唔比講野唔清楚，個仔無咁樣講
但肯定小朋友就返學開開心心
學生對老師亦依依不捨
試問學校無愛，學生又點會咁
個仔考直私不錯
亦親身體現到KV叩門的威力
作者: jennylady 時間: 21-7-14 22:12
JacobWL 發表於 21-6-1 18:04
我女讀緊，每星期兩日既體育堂，我每次放學問佢，佢都話無。（只有一至兩次聽佢講有：跳圈圈）有生日會，但 ...
因為生日會班班日子不同防止家長聚集
生日會依舊係有玩遊戲
做家長都好應該留意下通告
罰小朋友過另外一班
我仔話旁邊個班有小朋友打人
比老師叫回來他個班
咁我仔班主任就教她唔可以打人
之後就返過去。
其實讀了三年都係見過一次
係k3 見過
作者: libra2018 時間: 21-7-17 21:00
非KV 用家， 只是同區九龍塘幼稚園家長，
大半年來接送小朋友反放學，唯獨未見過KV 生亂跑、大叫… 我見係最好規矩嘅小朋友，最緊要係學校形响到連家長都合作先得… 所以我對這所學校真係另眼相看～
作者: mc07012618 時間: 21-7-25 21:34
提示: 該帖被管理員或版主屏蔽
作者: 菩提子 時間: 21-7-28 01:44 標題: 回覆樓主：
本帖最後由 菩提子 於 21-7-31 01:12 編輯
我系kv生家長，小朋友剛畢業。作為3年kv家長，絕對肯定學校的努力。
可以說，幸運地，在kv這3年幼稚園生活裏，孩子得到了老師的悉心教育。你可說，kv的老師是實實在在的教育小朋友，有責任心，有愛心（但不會寵壞小朋友，他們k1起已要求小朋友學習做能所能及的自理，自己負責交功課，收拾書包，放水壺）。所以若家長要求專訓練升小一面試技巧的，要求小班教學，如保母般照顧小朋友的，不捨得放手讓孩子學習自理的，就未必適合了，因為kv不是這種，所以平日照顧得太好的小朋友在初入kv是有點難適應。
kv沒很多花巧的東西，也沒要求家長參與太多學校活動，但不缺小朋友應有的活動，未疫情前，有小息，茶點時間，有去操場玩，疫情間在保障學生健康下有生日會，小小運動會，音樂表演，show and tell, 奧運專題研習，親子手工進行。校長對畢業生也很關心，不時到課室跟孩子拍照留念..
可能我是簡單d，無咁多 升小一面試要求，只是做家長應做的，配合學校踏實培養孩子良好品德，學術基礎。
若家長追求升小學面試技巧培訓的，有好多親子活動，畢業活動的，就不應該選kv了, 因kv 培養的是孩子長遠的學習態度和責任心，無train你點去面試升小一，無校方辦的畢業活動，無大型親子活動，但有為畢業拍畢業照，也有精美的畢業證書。
kv培養了我孩子懂禮守矩，對學習有責任心，自覺完成功課，温習，對校有歸屬感，更在學術上打好了基礎，順利、滿意地完成升小的“任務”,入到心儀小學..真心感謝kv對我小朋友的教導，更希望接着弟妹能入kv學習。
為孩子選校，先要了解清楚該校辦學理念，家校理念要一至，家校合作好，才是適合的學校。
ps,我小朋友讀左3年，無見過，也沒被老師罰過去隔離班，家長群中也沒聽過有咁的事。若小朋友太調皮，我也不介意 及信任老師會合理地去獎罰佢地。但事實上，我見 老師系獎就多，罰真無乜，最多系k1時，小朋友坐唔定，叫小朋友企一陣，再坐返，但作為家長 我認同做法。
作者: pwhr 時間: 21-7-28 08:31
Well said^^
作者: sugar1redbean 時間: 21-7-30 16:18
請教各位依家KV K1係咪唔需要再寫字？同埋如果小朋友本身上堂文靜少出聲，會唔會唔太適合kv，讀完變得更靜？唔夠presentable
作者: jennylady 時間: 21-8-2 23:05
sugar1redbean 發表於 21-7-30 16:18
請教各位依家KV K1係咪唔需要再寫字？同埋如果小朋友本身上堂文靜少出聲，會唔會唔太適合kv，讀完變得更靜 ...
我上zoom 見到同學非常勇於發表，讀根德唔會令小朋友越來越靜，老師會要求學生先舉手，或者老師叫名才可以分享。
show n tell 比較小但唔代表學生無出聲和靜。
作者: darkgard 時間: 21-8-4 16:47 標題: 回覆樓主
我兩個女都係讀KV.
大部分，上面家長已經講左。揀唔揀KV, 睇下你想要乜。
缺點：老師唔會好關愛（唔會成日哄住小朋友），唔多親子活動（只有親子勞作），只有有限嘅面試技巧教導，普通話好普通
優點：小朋友好易適應小一生活，乖巧，KV好適合好忙嘅家長，小朋友學術有返咁上下，小朋友好discipline, 小朋友頗受傳統小學歡迎
整體黎講，我好滿意KV. 好多人話佢谷，我想講，好多村校為左爭一席位，谷過KV. KV一直都跟教署指引，K1 唔寫字。谷，係家長；唔關學校事。
作者: imkathyy 時間: 21-8-5 21:22
回覆 JacobWL 的帖子
我唔贊成呢d老師嘅做法但想知道小朋友返到屋企會唔會都有啲唔開心架？
幫緊囡囡睇緊邊間好
作者: MrsPerthLiu 時間: 21-8-5 23:19
imkathyy 發表於 21-8-5 21:22
回覆 JacobWL 的帖子
我唔贊成呢d老師嘅做法但想知道小朋友返到屋企會唔會都有啲唔開心架？
我小朋友是KV 現讀生，放完暑假升K3
我小朋友嗰班冇發生過上面嗰位家長講話鬧小朋友嘅事。
我每日接放學都會問我小朋友返學嘅野，我小朋友成日話好鍾意班主任，話唔想放暑假，想快啲返學，我諗如果學校返得唔開心，我小朋友唔會咁想返學。
作者: staedtler22 時間: 21-8-6 16:24
本帖最後由 staedtler22 於 21-10-15 09:59 編輯
沒有意見
作者: sugar1redbean 時間: 21-8-9 07:49
回覆 staedtler22 的帖子
我想請問兩間校舍有咩唔同？只知kent road 係for K1 and dorset for K1-3，有無話邊間好啲？
作者: JacobWL 時間: 21-8-9 14:22
回覆 文英妮妮 的帖子
對於預防疫情, 其實唔錯, 因為小朋友同小朋友之間既座位係有板格開. 飲水時唔比講野. 出入學校有基本量體溫同噴手. 接放學亦都只放一位家長.
作者: staedtler22 時間: 21-8-9 15:16
sugar1redbean 發表於 21-8-9 07:49
回覆 staedtler22 的帖子
我想請問兩間校舍有咩唔同？只知kent road 係for K1 and dorset for K1-3，有無 ...
kent road: 學校會新D, 全部K1
dorset: 可容納多D學生, 但有K1嗎? 我以為kent road才有K1, 如果有, 我都想知道有什麼分別
作者: JacobWL 時間: 21-8-9 15:43
回覆 jennylady 的帖子
我講個位小朋友無打過人, 佢只係係課堂常常唔合作, 佢係一個唔太識控制自己說話既小朋友, 我上ZOOM見過佢. 但老師近乎每日都鬧佢(面授課時). 我女亦因為咁, INTERVIEW時見到其他學校既老師,都驚亂說話會被鬧. 最後我用左好多時間去解釋同鼓勵我既小朋友, 佢INTERVIEW先有改善, 敢答問題.
你可以分享你小朋友學校返學有幾咁開心, 老師對佢幾咁有愛, 但我既經歷唔需要你既澄清, 因為這是我和我小朋友既呢三年黎既經歷.
作者: JacobWL 時間: 21-8-9 16:10
本帖最後由 JacobWL 於 21-8-9 16:27 編輯
家長都留意返, 當你對這所名校有些少既個人微言, 就會有一大堆擁護學校既家長出黎否定你既說法, 唔好以為容易, 因為當你遇到時, 正值煩惱去解決, 你還要擁有強大既EQ, 去面對這班控訴你誤導既家長.
作者: jennylady 時間: 21-8-11 00:20
本帖最後由 jennylady 於 21-8-11 00:35 編輯
JacobWL 發表於 21-8-9 15:43
回覆 jennylady 的帖子
我講個位小朋友無打過人, 佢只係係課堂常常唔合作, 佢係一個唔太識控制自己說話既 ...
其實真係要了解成件事先可以評論到呢個咁罕見既例子
係kv 大group, 真係無聽過有咁既請況
咁你有無同學校反應有件咁既事？學校點回應？
作者: Darklady 時間: 21-8-11 11:20
jennylady 發表於 21-8-11 00:20
其實真係要了解成件事先可以評論到呢個咁罕見既例子
係kv 大group, 真係無聽過有咁既請況
錯誤資訊 : 佢女話佢聽疫情後無體育堂 > 咁大家讀緊都知道實情係有啦! 運動會都舉行埋
誤導資訊
「有生日會，但照教書，只係比你著自己衫返學同比一大袋零食蛋糕你自己返屋企食， 都會比多小小時間家長係課室同小朋友影下相。」
實情係，疫情前，生日會放4點當天全天不用上堂，疫情後，停課多時，為了不影響進度，改成不縮短番學時間放5點，頭一個鐘上堂，之後時間是生日會
所以該位講D野有幾多成係準確真係各位自己判斷
作者: chuchanchan001 時間: 21-8-17 14:51
JacobWL 發表於 21-8-9 15:43
回覆 jennylady 的帖子
我講個位小朋友無打過人, 佢只係係課堂常常唔合作, 佢係一個唔太識控制自己說話既 ...
可能老師唔識處理, 淨係識罵
| 歡迎光臨 教育王國 (/) |
Powered by Discuz! X1.5 |