教育王國
標題: 打機已經變成人生一切 [打印本頁]
作者: gunsix 時間: 21-5-10 14:11 標題: 打機已經變成人生一切
有冇家長面對相同問題? 由中一開學至今, 唔係網課就係返半日, 課外時間全部被打機佔據, 逐漸功課冇心機做/唔想做, 或者只用嚟交換耐啲打機時間, 返學只為應酬我地, 打機先係目標
試過 block desktop network, 佢打手機 game, block wifi, 佢用 mobile data 打, 打去電訊公司, 佢地話冇得 suspend mobile data, 仲 sell 我多幾 G 數據 plan 
其實我唔係要完全禁止打機, 只想適可而止, 而且佢一邊打一邊同網友傾計, 竟然練到普通話/國語, 加上成班同學都打機, 唔打機會冇晒話題...
同佢傾過/分柝過, 打機只係娛樂, 花太多時間精力冇意思亦幫唔到自己, 佢話打機好開心, 好開心就夠, 呢個可能係重點, 佢成積麻麻地, 體育又唔善長 (加上球場長期唔開), 根本冇野提供到成就感, 唯有打機...
唔知點算 
作者: Yanamami 時間: 21-5-10 14:25
https://www.edu-kingdom.com/foru ... ead&tid=2905186
有版你睇……
作者: gracelam 時間: 21-5-10 16:41
gunsix 發表於 21-5-10 14:11 
有冇家長面對相同問題? 由中一開學至今, 唔係網課就係返半日, 課外時間全部被打機佔據, 逐漸功課冇心機做/ ...
中幾？
收手機，出部傻仔手機(只可打出打入)，學校whatsapp group改你個電話号碼 ，屋企cut wifi。
如果學習態度一日唔變，都唔會恢復原狀。
初中仲有得救! 
作者: ren 時間: 21-5-10 17:34 標題: 回覆樓主:
可否協議set個時限，當係為眼睛健康着想
或者同佢講今日限制佢打機，就係想佢將來可以有多些時間打機，我成日叫我仔睇下老豆今日之可以日打夜打就係因為讀書時打得少，讀到書，搵到份舒服工有閒錢買機買game. (我成日擺個憂心樣講，死啦死啦，宜家日打夜打，20歲後就要打份辛苦工冇錢冇力再打了。。。）
作者: jli008 時間: 21-5-10 22:01
提示: 作者被禁止或刪除 內容自動屏蔽
作者: bobbob 時間: 21-5-11 10:15
gunsix 發表於 21-5-10 14:11
有冇家長面對相同問題? 由中一開學至今, 唔係網課就係返半日, 課外時間全部被打機佔據, 逐漸功課冇心機做/ ...
作者: Jane1983 時間: 21-5-11 11:43
你最了解你仔，用佢最能夠領會的方法教曉佢 —— 未來5年，係好寶貴的5年。你用來打機好開心，之後呢？中六升唔到大學，出來打工，搵到咩工？前景係點，收入係點？5年的好開心，分分鐘係透支以後50年的。
有人會在盛夏，帶少年人去地盤附近，比佢地感受吓，搵錢幾辛苦。唔好以為唔讀書，以後幾十年都係屋企繼續無微不至咁照料。
作者: Azzurro 時間: 21-5-11 12:04
老人家：年輕人不關心的話，騙子們會幫你關心老人家
老公/ 老婆：另外一半不關心的話，其他女人/ 男人會幫你關心
在學年輕人：父母不關心的話，遊戲機/ 網絡/ 酒精/ 黑社會會幫你關心
年輕人在家無所事事，沒有其他愛好的話，確實也只能被遊戲機/ 網絡關心
說宏大的目標，遙遠的未來是沒用的吧
讓年輕人多參加各種興趣班，興趣是培養出來的，需要引導的
學籃球也不是有個籃球就可以，學費是省不了的
學畫畫也不是買紙買筆就可以，學費是省不了的
作者: gunsix 時間: 21-5-11 12:31
160 幾版? thanks, 慢慢睇
作者: gunsix 時間: 21-5-11 12:34
bobbob 發表於 21-5-11 10:15
多口問句，你以前有無沉迷咩玩意荒廢學業？
作者: gunsix 時間: 21-5-11 12:35
Thanks all
媽咪要求完成功課前收手機, desktop internet 要全 block, 佢求其交差, 媽咪點會睇唔出, 於是要佢重做/改正, 佢就發老脾, 鬧媽咪反口冇信用
我又試過同佢協議, 嚮佢學校假期攞咗佢部手機返工, 但留低我自己部手機嚮屋企 (佢開唔到) 以示公平, 佢反應平靜, 不過照樣唔溫書, 一係瞓覺, 一係打 desktop game (single mode, 冇 online)
我地由佢小五開始已經成日同佢講中學階段係人生最重要, 不過佢對將來 (無論長期短期) 好似冇要求咁, 眼前開心就得喇, 其他話之
嚮 youtube 搵到以前港台定無線講隱蔽青年啲節目畀佢睇, 同佢講你再打落去只會咁, 佢話唔想, 但轉頭又打機!
嚇又嚇過, 鬧又鬧過, 氹又氹過, 都冇咩用
感覺到佢根本連返學為乜都唔知 (或者冇興趣知)
唉...
作者: bobbob 時間: 21-5-11 12:50
gunsix 發表於 21-5-11 12:34
以前呢... 蒙面超人玩具, pokemon 卡, 爆旋陀螺, 四驅車, pokemon go 手機 game 等, 當時都好迷, 不過未至 ...
作者: gunsix 時間: 21-5-11 12:58
本帖最後由 gunsix 於 21-5-11 13:26 編輯
bobbob 發表於 21-5-11 12:50
咁你點令自己冇咁沉迷？
Sorry, 我睇錯咗, 以為你問阿仔以前沉迷咩...
我以前打街機多
戒打機係因為自覺唔可以繼續落去, 於是主動群一班鍾意打波嘅同學 (佢地亦讀書), 自自然然就打波唔打機了
我亦同阿仔分享過經驗, 佢只係"哦"
作者: Jane1983 時間: 21-5-11 13:11
回覆 gunsix 的帖子
留 desktop game，無一刀切唔准玩都係好事，畢竟而家d小朋友唔知佢點反應。無online的遊戲，係好過online好多。online game和同學一齊玩，好似賭仔的朋友晚晚三缺一拉你開枱，咁你點戒賭啦。
講道理，你要反覆用唔同角度去同佢講。唔係嘮叨、唔係鬧，係大家溝通，慢慢佢會明白。
另外，既然你以前都行過呢條路，咁你幫佢報籃球班，星期六日同佢一齊打藍球，幫佢搵打機之外的樂趣。由於佢起步較遲，打得唔好唔會鍾意，你開頭一定要陪佢練習，起碼上堂唔會差過人地好多先。
作者: bobbob 時間: 21-5-11 13:13
本帖最後由 bobbob 於 21-5-11 13:13 編輯
gunsix 發表於 21-5-11 12:58
Sorry, 我睇錯咗, 以為你問阿仔以前沉迷咩...
我以前打街機多
所以要戒係要靠自我推動，一日佢搵唔到理由戒一日都唔會戒，你只可在旁輔導
作者: gunsix 時間: 21-5-11 13:24
本帖最後由 gunsix 於 21-5-11 13:31 編輯
Jane1983 發表於 21-5-11 13:11
回覆 gunsix 的帖子
留 desktop game，無一刀切唔准玩都係好事，畢竟而家d小朋友唔知佢點反應。無online的 ...
係呀, 我明白道理講一次唔夠, 根本佢有冇聽都成問題, 所以成日重覆又重覆...
體育媽咪最近同佢報咗跆拳道班, 上咗兩堂, 暫時只可話未抗拒, 不過一星期只有個半鐘, 擔心成效
我都好想同阿仔打籃球, 不過佢怕熱 (冷氣兒童), 而且最大問題係籃球場成日人山人海, 要朝六七點先冇人, 莫講佢起唔到身, 我都頂唔順
作者: Jane1983 時間: 21-5-11 14:14
gunsix 發表於 21-5-11 13:24
係呀, 我明白道理講一次唔夠, 根本佢有冇聽都成問題, 所以成日重覆又重覆...
體育媽咪最近同佢報咗跆拳道 ...
體育活動一定要玩得ok好，起碼唔會被人話差，先會有樂趣繼續玩，亦要咁先聚到朋友。靠一星期一兩次的班，肯定唔夠，你想幫佢就要搵時間。
跆拳道唔係唔好，但初學比較難自己練，亦難聚到朋友。
作者: Yanamami 時間: 21-5-11 18:07
gunsix 發表於 21-5-11 12:31
160 幾版? thanks, 慢慢睇
作者: cafeva 時間: 21-5-11 18:23
比我會完全禁止打機! 好似幫佢戒毒咁幫.
其實點解會開始打機?
作者: ckmammy 時間: 21-5-11 18:23
本帖最後由 ckmammy 於 21-5-11 18:29 編輯
gunsix 發表於 21-5-10 14:11
有冇家長面對相同問題? 由中一開學至今, 唔係網課就係返半日, 課外時間全部被打機佔據, 逐漸功課冇心機做/ ...
由而家開始製定每日打機時間， 例如最多個半鐘。 成績唔好扣時間，成績好可以加多少少時間。 雖然我知好多家長唔贊成用增加打機時間作為獎勵，但既然小朋友最鍾意係打機，呢個亦都係一個可試既方法。 起碼我個仔用呢個方法成績不單冇差，仲好過以前 。
而家疫情好轉， 小朋友最鍾意乜嘢運動，叫佢選一樣作為定期做嘅運動。 如果真係唔鍾意運動， 可以學下编程，音樂， 畀佢試下唔同嘅嘢。 相信總有一樣佢會有興趣。 我個仔中一， 同樣打機都係佢最鍾意嘅活動。 但我同佢講每日只可以打限定時間， 而且成績一定要保持級頭。佢有學琴， 也選咗一樣佢鍾意做嘅運動 ，亦都畀佢學緊編程，嚟緊仲參加比賽。 總之喺課餘嘅時間畀多啲其他嘢佢做。 當佢多咗其他嘢做 就自然唔會成日得閒打機。
仲有，得閒同佢講下將來想住大屋定劏房，想食高級壽司定 去麥記整包畀人食。 想喺冷氣房做老細點人做嘢定係喺出邊日曬雨淋做地盤...... 要享受就要讀書。
作者: Jane1983 時間: 21-5-11 18:26
gunsix 發表於 21-5-11 13:24
係呀, 我明白道理講一次唔夠, 根本佢有冇聽都成問題, 所以成日重覆又重覆...
體育媽咪最近同佢報咗跆拳道 ...
過程一定係辛苦，早起身、遲d訓，無私人時間，日曬雨淋...但如果幫到佢，呢d 都係好小事，好值得。
你想吓，佢已經中一下學期，家長仲可以做主導幫佢，頂多都係仲有2年。到中三四，佢唔會咁聽父母，同埋到時學術個底散晒，亦唔係咁容易改正。
作者: Yanamami 時間: 21-5-11 18:37
本帖最後由 Yanamami 於 21-5-11 18:39 編輯
cafeva 發表於 21-5-11 18:23
比我會完全禁止打機! 好似幫佢戒毒咁幫.
其實點解會開始打機?
不外乎幾個原因，覺得：
*仔既朋友都打，唔打無話題
*打少少好平常
*越禁越反叛越想打
*以為同佢約法三章就可以
*打機訓練腦袋同反應？
作者: dingyan 時間: 21-5-11 20:16
gunsix 發表於 21-5-10 14:11
有冇家長面對相同問題? 由中一開學至今, 唔係網課就係返半日, 課外時間全部被打機佔據, 逐漸功課冇心機做/ ...
我覺得呢度提到嘅「成就感」幾緊要，不如大家諗下點樣先可以要小朋友持續有啲遊戲以外嘅成就感？
佢咁鐘意打機，會唔會有興趣試吓編程式呢？譬如python for kids果類，佢會唔會覺得好悶？
作者: NKpa 時間: 21-5-11 20:38
Yanamami 發表於 21-5-11 18:37
不外乎幾個原因，覺得：
*仔既朋友都打，唔打無話題
*打少少好平常
// 越禁越反叛越想打//
真係要迫。反面都要禁絕。等佢自己開竅會太遲。
作者: 02413124 時間: 21-5-11 20:45
dingyan 發表於 21-5-11 20:16
我覺得呢度提到嘅「成就感」幾緊要，不如大家諗下點樣先可以要小朋友持續有啲遊戲以外嘅成就感？
佢咁鐘意 ...
發展其他興趣，例如運動
作者: dingyan 時間: 21-5-11 20:53
02413124 發表於 21-5-11 20:45
發展其他興趣，例如運動
我都覺得情願小朋友對運動上癮。。可惜疫情之下，運動特別群體運動變得好奢侈。。我哋都成年幾冇打過波。。
作者: Yanamami 時間: 21-5-11 21:04
dingyan 發表於 21-5-11 20:53
我都覺得情願小朋友對運動上癮。。可惜疫情之下，運動特別群體運動變得好奢侈。。我哋都成年幾冇打過波。 ...
作者: 02413124 時間: 21-5-11 21:10
dingyan 發表於 21-5-11 20:53
我都覺得情願小朋友對運動上癮。。可惜疫情之下，運動特別群體運動變得好奢侈。。我哋都成年幾冇打過波。 ...
其實同爸爸/媽媽2個人去打下羽毛球網球，一樣有成就感
作者: dingyan 時間: 21-5-11 21:15
Yanamami 發表於 21-5-11 21:04
我朋友同個仔，日日係屋企操肌，兩父子鬥sit up, push up,舉啞鈴，跳果尐乜野幾分鐘帶氧運動，似乎幾有效。 ...
勁！好羨慕堅持到
我同阿女初時有跟youtube roberta‘s gym同blogilates，新年停咗到而家，越肥越懶。。都係時候要篤起心肝再開始。。
作者: dingyan 時間: 21-5-11 21:25
02413124 發表於 21-5-11 21:10
其實同爸爸/媽媽2個人去打下羽毛球網球，一樣有成就感
係喎，一家人一起做運動
不過戴唔戴口罩呢？隻手唔為意掂到塊面眼耳口鼻會唔會擔心呢？雖然我都覺得自己啲擔心好好笑，但都係覺得好有可能會擔心。。同埋好耐唔郁，我覺得我都係慢慢來好啲，或者克服下心理障礙，慢慢地踩下單車先。。
作者: 02413124 時間: 21-5-11 21:27
dingyan 發表於 21-5-11 21:25
係喎，一家人一起做運動
不過戴唔戴口罩呢？隻手唔為意掂到塊面眼耳口鼻會唔會擔心呢？:happy ...
如果book場得自己一家，我覺得可以除，係街打就唔好啦
作者: dingyan 時間: 21-5-11 21:38
02413124 發表於 21-5-11 21:27
如果book場得自己一家，我覺得可以除，係街打就唔好啦
難度高咗啲。。
作者: 02413124 時間: 21-5-11 21:40
dingyan 發表於 21-5-11 21:38
難度高咗啲。。
一家人一齊踩單車都好開心架
作者: dingyan 時間: 21-5-11 21:42
02413124 發表於 21-5-11 21:40
一家人一齊踩單車都好開心架
作者: chickchick 時間: 21-5-12 11:15
呢個160幾版的打機POST簡直係EK警世之POST。我有得閒去睇下，真係感到『幾番知味』！我家兩位孩子也由當初打30分鐘laptop，進化到玩手機game，直到而家日日玩足2－3個鐘競電級desktop+手機game，未計netflix+無限youtube！
作者: chickchick 時間: 21-5-12 11:22
dingyan 發表於 21-5-11 20:53
我都覺得情願小朋友對運動上癮。。可惜疫情之下，運動特別群體運動變得好奢侈。。我哋都成年幾冇打過波。 ...
去運動係方法，我家也每星期踏單車打波游水行山，但一星期由一至五無大人『監督』下，放學後就滿腦子諗三樣嘢： 打機，youtube，netflix。 雖然成績絕對見得人，但人生嘅意義呢？ 除了返學就係電子嘢，咁嘅人生真係好鬼嬲。
作者: chickchick 時間: 21-5-12 11:41
Yanamami 發表於 21-5-11 18:37
不外乎幾個原因，覺得：
*仔既朋友都打，唔打無話題
*打少少好平常
*仔既朋友都打，唔打無話題 －－－》係！所以我有比佢哋打，仲越打越提升佢哋嘅器材，例如game mouse／desktop，如果唔係真係唔洗同人玩，太渣無人同佢玩
*打少少好平常 －－－》打我都覺得係平常，不過我總係覺得返學只係5小時，但拎3－4小時去打機／youtube／睇quora，比例上真係好難過自己嘅心理關口
*越禁越反叛越想打－－－》我無禁喇～青少年面皮薄，收機／裝app block佢，小學就ok，中學真係唔敢，我試過講過下，佢哋已經好大反應。
*以為同佢約法三章就可以－－－》有嘅，獎勵嘅多。有嘢做佢哋係會做嘅，亦都唔敢求其做（要成功感，想做最好果位），但無嘢做嗰排就真係只諗呢D電子嘢。
*打機訓練腦袋同反應？ －－－》呢樣我係信，亦都係真嘅。所以我係有限佢玩乜嘢game。如minecraft，OSU, 用腦嘅/對spatial和logic有幫助嘅先比裝. 所以fortnite/射擊呢D我就好堅持no way.
有時係後悔,打咗機就好難再似當年日日拎書睇,要叫要迫先比面睇一兩本.
作者: chickchick 時間: 21-5-12 11:58
Azzurro 發表於 21-5-11 12:04
老人家：年輕人不關心的話，騙子們會幫你關心老人家
老公/ 老婆：另外一半不關心的話，其他女人/ 男人會幫 ...
閒日安排學外語消磨幾小時, 報運動課又幾小時
月月訂購幾盒海外STEM subscription box，務求閒時用下腦用下手整D嘢玩，消磨一兩小時
幾份magazines subscriptions，放眼下世界，又乘機制造閱讀機會
都好多關心又傾計又盛~ 佢哋都好多嘢跟我倆分享, 但心中"打機"一樣重要
有時諗~ 舊時自己細個初中一樣咁頹,放學早功課溫習,餘下時間都多, 傾電話+睇電視... 點解今日又覺得佢哋頹呢? 都好矛盾呢!
作者: jli008 時間: 21-5-12 12:38
提示: 作者被禁止或刪除 內容自動屏蔽
作者: gunsix 時間: 21-5-12 12:52
Thanks all above
我同意 shift 阿仔嗜好去其他地方係出路, 不過跆拳又好, 打波又好, 單車又好 (佢未識), 每星期最多只用到幾個鐘, 同其他閒留在家時間比只係九牛一毛
媽咪要睇住細果個, 我放工返嚟亦冇可能晚晚拖佢出去跑幾個鐘, 我有諗過你咁想打機, 我買部月光寶盒返嚟你晚晚陪我打, 不過媽咪一定先打爆我
作者: gunsix 時間: 21-5-12 12:56
chickchick 發表於 21-5-12 11:41
大家分享下:
*仔既朋友都打，唔打無話題 －－－》係！所以我有比佢哋打，仲越打越提升佢哋嘅器材，例如gam ...
作者: gunsix 時間: 21-5-12 14:33
dingyan 發表於 21-5-11 20:16
我覺得呢度提到嘅「成就感」幾緊要，不如大家諗下點樣先可以要小朋友持續有啲遊戲以外嘅成就感？
佢咁鐘意 ...
原來佢只係將人地啲外掛 pack 埋再 compile, 完全唔知啲 code 講乜, 但自己摸下摸下又問下網友之下真係畀佢搞到, 都興奮咗一陣, 我地當然好鼓勵
不過好短暫, 後來佢成日用寫外掛或者測試外掛做籍口, 實際係打機...
作者: jli008 時間: 21-5-12 14:39
提示: 作者被禁止或刪除 內容自動屏蔽
作者: Azzurro 時間: 21-5-12 14:42
每年文憑試狀元都會接受媒體採訪
我有時候都會幻想以後能不能托孩子的福，上報紙虛榮一下
然後很久以前我專門看看每一年狀元們說了什麼讀書心得，如何作息等等
其實同其他學生都一模一樣：聽音樂，打遊戲機，睇漫畫動畫
所以只能和其他活動平衡，沒有事情能斷絕的
關於遊戲機，網絡問題
其實幼稚園小朋友，小學生，大人都一樣面對，心態也一樣
k3 小朋友要考小學
家長：唔好睇 youtube 啦，考好小學，以後賺多啲錢生活會好一點
小朋友：咁點解你又睇電視？
家長：睇多啲書啦，識多啲字，考小學會表現好啲
小朋友：你幾時睇過書啊？
家長：係老師校長面前盡量多講野啊
小朋友：你經常同我講野咩？
作者: chickchick 時間: 21-5-12 15:02
gunsix 發表於 21-5-12 12:56
我地初初都以為 minecraft 健康啲, 容許阿仔玩, 原來 minecraft 有個 mode 好似 RPG 咁, 啲玩家互相打打打, ...
另一好處，係學識競價，而唔係一見想要嘅就狂bid唔諗抵唔抵。某程度上minecraft也是社會縮影。
呢刻我可以遇上你們這些同樣遭遇和感受的家長,我也釋懷不少!
作者: chickchick 時間: 21-5-12 15:07
jli008 發表於 21-5-12 14:39
冇記錯我女兒小三開始玩這個GAME,不過衹係鐘意起野,與同學分享及一起走走玩玩,但亦可能因此更確認喜歡現在 ...
我會比D意見，借D二教下佢諗嘢和道理。
所以兩難，玩我想keep，但太耐我又唔想。但唔耐，又無滿足感。
作者: Azzurro 時間: 21-5-13 08:10
宏觀抽離一點看事情可能有幫助
宜家一年級的同學總數大約 50000人
50000人每個人多多少少都玩遊戲機，上網，睇片
為什麼有些人去了 b1a 中學，有些人去了 b3 中學？
我一直會假設每個人同樣聰明，大家之間最大區別就是時間管理
大家都係一個星期七天，一天二十四小時
大家都係上課天空餘三四個小時，週末七八個小時
成績好的同學係空餘時間玩遊戲機之餘也多元化發展
成績差的同學就獨沽一味，只有玩遊戲機
假設每個人同樣聰明的意義在於
目前的局面總是可以依靠好的計劃去扭轉
一個星期七天，一天二十四小時
其實很多人不知道自己的時間花在哪裡
你可以把自己的行程做一個圖表
我以我大孩子為例
上學天，星期一到五
0600-0700 洗漱，早餐
0700-0900 和爸/媽：學習，看書
0900-1200 獨處/ 和工人/麻麻/婆婆：自由時間
1200-1300 午飯，穿衣服
1300-1600 上課
1600-1800 遊樂場，做功課，洗澡，晚飯
1800-2100 和爸/媽：學習，看書，或興趣班
2100-0600 睡覺
和父母一起的時間大約五個小時
和其他人的時間大約三個小時，我不會指令小孩照顧著需要做什麼，或者一定要做什麼
因為我知道照顧小朋友已經很累了
但是我不會擔心這三個小時會亂做什麼
因為在跟著父母的五個小時已經被灌輸各種興趣愛好
作者: KIMLIFEINUK 時間: 21-5-14 08:42
有D國家己經有 gaming addiction 既 treatment center, 其實係一種 addition.
Gaming disorder is defined by the World Health Organization as a pattern of persistent or recurrent gaming behaviour so severe that it takes “precedence over other life interests”.
Symptoms include impaired control over gaming, increased priority to gaming and continuation or escalation of gaming despite negative consequences – such as the impact on relationships, social life, studying and work life or spiralling financial costs.
作者: KIMLIFEINUK 時間: 21-5-14 08:53
本帖最後由 KIMLIFEINUK 於 21-5-14 08:58 編輯
英國己經開左小孩子既gaming addition treatment center, 同賭錢addiction相似，真係要想下辨法，你不如search 下其他國家既資料，比較成熟和詳細。
Gaming addiction classified as disorder by WHO
以下呢個十分詳細，連個 stage 都有，仲講解如何影響大腦，行為及情緒，篇文真係好詳盡，hope it helps, good luck and 努力！
https://www.uk-rehab.com/behavioural-addictions/gaming/
希望你小孩可以快脫離打機！
作者: ANChan59 時間: 21-5-19 18:04
Yanamami 發表於 21-5-11 18:07
160幾版，家長各出奇謀，為時六年，真係出盡八寶都搞唔掂，越大就越無可能搞。而家唯有家長盡量唔好俾佢係 ...
阿仔都有打 online game，但冇咁沈迷！
到現在大個咗都有同同學同事打，間中打比賽。
我都算幸運啦！
作者: ANChan59 時間: 21-5-19 18:10
cafeva 發表於 21-5-11 18:23
比我會完全禁止打機! 好似幫佢戒毒咁幫.
其實點解會開始打機?
好多係同學，朋輩嘅影響。
阿仔在中學，大學，間中同學在假期，週末來我們家打機，我大開方便之門，請埋食 Pizza ，他們都吐好多苦水，講父母的專制！
我哋听完，间中讲一些作为父母的难处，他们都会听，谅解，改唔改就唔知啦。
作者: ANChan59 時間: 21-5-19 18:16
Yanamami 發表於 21-5-11 18:37
不外乎幾個原因，覺得：
*仔既朋友都打，唔打無話題
*打少少好平常
你最後一點，阿仔到現在都好認同！
他說打機過程中接受不同資訊，只有好少時間判斷及作出反應。他特別喜歡FIFA嘅足球Game，還要預測對手的下一步，然後超前步署，有d似捉象棋及圍棋。
作者: MrBeast 時間: 21-5-29 07:08
本帖最後由 MrBeast 於 21-5-29 07:10 編輯
ANChan59 發表於 21-5-19 18:16
你最後一點，阿仔到現在都好認同！
他說打機過程中接受不同資訊，只有好少時間判斷及作出反應。他特別喜 ...
我有和孩子討論過打機（platform game) 和數學的共通點：有不同的方法過關，打倒big boss 會好開心和滿足，之不過佢暫時唔係好認同呢個看法
作者: 洋蔥頭媽咪 時間: 21-5-29 10:26
本帖最後由 洋蔥頭媽咪 於 21-5-29 10:43 編輯
樓主冇辦法㗎啦，如果自控力弱，初中唯一方法就係收機，捱過呢個年纪先再講。有朋友仔今年中一，由於性格反叛唔太受教，為免沉迷打機而家都係只比打出打入電話佢，佢打機只可以假日用父母機玩。
我大仔性格都易受人影響，初中當年我都係只比打出打入電話佢，whatapp 谷全部用我，平穩捱過初中，中三果年佢突然對電腦有濃烈興趣，又有同學本身玩開電腦，於是暑假同佢一齊砌機，S4果年曾經一度失控，打機上網情況嚴重引致成績倒退，亦長期欠交功課，我同老師都不斷响背後引導佢，好彩佢大個開始識諗，S5知衰自動抽身。
有了大仔經驗，细仔由高小起已不停洗佢腦比佢知沉迷打機嘅害處，高小已經比佢玩機，係爸爸同佢一齊玩 Minecraft .佢好鍾意砌但唔會同外人打，亦唔會課金，慢慢灌輸比佢知邊啲值得花心機同時間。我仔鍾意 Minecraft，我就刻意買好多書比佢睇( minecraft 英文版)，帶佢去書展比佢揀，由初初多圖小字書，到全文字小説，我仔亦因為咁英語能力突飛猛進，英文比中文還好。S1果年佢話班入面至少有半班同學有打機，佢少打的確同同學搭唔到咀，好在初中佢成績好，唔少老師都會叫佢幫手同攪活動，時間充實令佢更加唔會花時間响打機度。而家高中佢間中都會打，但佔時間相對亦少。
其實比孩子打機，家長都可以適量引導，教青春期孩子要多一點耐性，互相溝通，有問題就攞出嚟頃共同找出可行嘅方法。
作者: 200904 時間: 21-5-31 09:57
回覆 洋蔥頭媽咪 的帖子
係呀！現在打機是普遍現象，初初我都好憎我的豬隊友給我女買機，搞到她們現在閑雜時間就是看游戲攻略（youtube and ref book），但好在她們現在尚且願意只在周末及假期真的打機，且願意托住我一起玩。且在和她們一起玩，我知道有些游戲不容易玩的，也要會合理分配，團體活動的，也發現我女的領導力，EQ不俗。所以，也有益處的。
游戲不是洪水猛獸，最重要的是小孩子要明白，自己將來的目標是什麽。如果不是電競選手，就要明白打機只是平時娛樂的其中一種，用來減壓，但千萬不要令游戲成爲家庭的共同壓力來源。
作者: Azzurro 時間: 21-6-3 09:19
香港大學心理學系：打機成癮預防計劃
https://www.psychology.hku.hk/qefgop/about.php
香港基督教服務處 - 網絡沉溺輔導中心
https://www.hkcs.org/tc/services/online
東華三院成癮輔導服務
https://addiction.tungwahcsd.org/contactus.php
正如這個圖所表達
小孩子生活崩潰不是因為打機
打機只是家庭生活崩潰的症狀而已
父母要先對自己對症下藥才能幫助小孩子
去治療中心其實都係治標不治本
父母一天唔正視自己的問題，一天小朋友唔會得救
作者: Azzurro 時間: 21-6-3 10:08
https://www.manhuagui.com/comic/647/
大东京玩具箱（描述遊戲行業）
https://www.books.com.tw/products/0010719522?sloc=main
遊戲設計的有趣理論（圖書館有得借）
https://www.theguardian.com/game ... -player-should-read
電子遊戲書單
https://en.wikipedia.org/wiki/History_of_video_games
電子遊戲歷史（倒背如流。。）
休克療法，讓小朋友成為電子遊戲行內人，通過看書了解：
電子遊戲行業
電子遊戲設計
電子遊戲理論
電子遊戲歷史
稍微了解這個行業，就會同意其實遊戲生產商類似於老鼠圈的設計者
遊戲玩家就好像老鼠。。。
作者: jli008 時間: 21-6-3 12:42
提示: 作者被禁止或刪除 內容自動屏蔽
作者: skywalker167 時間: 21-6-3 17:25
本帖最後由 skywalker167 於 21-6-3 18:40 編輯
遲D再回覆，想打得好D
作者: annielui 時間: 21-6-4 10:42
讓孩子放下手機, 積極學習 - 余德淳博士 (家長講座) - YouTube
各位, 每次我聽完余生既演講都有所領會.....希望幫到大家......
作者: Azzurro 時間: 21-6-8 15:52
我又在想為什麼很多家庭沒法應對打機問題
儘管網友們已經都提出各式各樣的解決方案
我覺得可能係解決方案太離地
EK 家長背景各式各樣，強行一分為二的話就是：
認知文化條件，經濟條件好一點的（中產）
認知文化和經濟條件沒那麼好的（基層）
中產提出的解決方案，基層家庭根本沒認知文化和經濟條件採用
找醫生治療，音樂興趣，體育，睇書，這些統統係認知文化條件高，或經濟條件高，或兩者要求都高的解決方案，或者是達致家庭和諧的手段
好似去圖書館睇書，一個完全免費的活動，但係很多基層都唔會去做
因為去圖書館/ 睇書需要一定文化條件先可以做到
玩運動，請教練好貴（經濟條件），日日去練習（認知條件），都是要求比較高
從定義上來說，基層家庭經濟條件難以一時三刻難以改變
但是認知可以短期（行為習慣）內改變
比較實際的方案我覺得還是讓小朋友和家長同步率高一點，讓小朋友知道父母在做什麼
例如：讓小朋友去買菜，炒菜，清潔家居，去父母公司睇父母工作的樣子
小朋友天天和父母在同一屋簷下，由於沒做過，其實根本唔知道父母係度做咩野
小朋友負擔更多日常責任可以更了解父母的心情
反過來，父母都要做小朋友做的事情，才能拉近和小朋友的距離
只要同步一齊做同一樣事情（咩都可以），唔需要更多口頭解析，心情自然會同步
小朋友鍾意洗澡時玩水。。。我跟著玩，原來真係好好玩 
作者: jli008 時間: 21-6-8 16:49
提示: 作者被禁止或刪除 內容自動屏蔽
作者: Azzurro 時間: 21-6-9 11:41
希望沒有越來越離題，我嘗試繼續理解打機問題
一個人有空餘時間，總要有事情做
如果其他活動高成本，只能訴諸於成本低（財政成本，文化成本）的上網和打機
收費（財政成本）活動固然排擠了基層
但是免費活動也很大程度上因為文化成本高排擠了基層
註：布赫迪厄的「文化資本」
https://opinion.cw.com.tw/blog/profile/390/article/6333
https://en.wikipedia.org/wiki/Cultural_capital
從第七頁的教育程度和經濟活動身份對照圖書館使用量可見
文化資本越高的人使用高級圖書館越多
https://www.hkpl.gov.hk/tc/common/attachments/about-us/intro/HKPL_ES_tc.pdf
回歸到沉迷打機/上網問題，打機/上網崛起，被排擠的是什麼？
https://www.legco.gov.hk/research-publications/chinese/1516rb02-challenges-of-public-libraries-in-hong-kong-20160229-c.pdf
2014 年的平均上網時間達至每星期 30.5 小時(即每日 4.4 小時)。7 具體而言，87% 的本地網民表示，他們使用互聯網的主要目的是為了上網搜尋資訊；其次分別是網上閱讀報章雜誌 (71%)、網上觀看錄像和音樂節目 (54%)，以及網上閱讀書籍、小說及漫畫 (18%)。由於大部分該等活動都屬於圖書館的傳統功能，因此，互聯網取代圖書館服務的情況，從上述數字可見一斑。
因為我也沒咩錢，我也多關注免費活動，免費活動主要提供者當然係政府
政府裡面和打機網上最相關的部門固然係康樂及文化事務署
因為提供了各種免費和收費文化活動（和打機網上相競爭）
https://www.lcsd.gov.hk/tc/facilities/facilitieslist.html
在各種打機上網的免費替代品裡面
我認為最有效還是圖書館（去過中央圖書館和幾個主要圖書館了嗎？和小型及地區圖書館完全不一樣）
其次是博物館（去過所有的博物館了嗎？各種主題總有一個感興趣的）
https://www.lcsd.gov.hk/tc/facilities/facilitieslist/museums.html
某些政府場地有免費的藝術表演
https://www.lcsd.gov.hk/tc/hkcc/programmes/audbuilding.html
我認為上網睇好的電影也是一個不錯替代品，不少人爭取看全部 250個最佳電影
https://www.imdb.com/chart/top/
打機的問題係太重複，只是電腦程序在長時間內不停重複導出幾乎一模一樣的事情
其他活動（睇電影，睇書），再好的作品都唔會睇/做一百次
作者: boyboobee 時間: 21-6-13 06:12 標題: 回覆樓主:
我個女五年級，已經由三年級開始為呢個問題作戰，任何協議，制訂時間係冇用嘅，小朋友最後唔守信用的。到時又會用做功課做藉口攞電腦，電腦到手一樣打game上Youtube。Cut wifi呢啲都冇用，幾十蚊買到上網咭。沒收電話都冇用，識得搵辦法開櫃桶鎖攞電話。仲有好多你想像唔到的鬥法方式，多到我都記唔晒。。。
| 歡迎光臨 教育王國 (/) |
Powered by Discuz! X1.5 |