教育王國
標題: /////// [打印本頁]
作者: littlecat123 時間: 21-4-24 00:45 標題: ///////
本帖最後由 littlecat123 於 23-3-23 20:41 編輯
最近積極準備緊 yle 試同考琴, 過程中感受良多, 想搵同路人 分享.我認自己係一個虎媽, 如果你係主張”愉快” 學習即非催谷型 呢個post 應該唔岩你
只想為小朋友增取最好, 試過唔得叫曾經嘗試過
我係準備過程中 體會到 考cert 比賽 其實對考小除portfolio多樣野寫外無咩實際幫助, 但過程見到小朋友不斷進步 為個試練習操卷串字 磨練心智, 為一個目標付出努力,
身邊朋友大多以happy 準備為主, 上下興趣班學下phonics 普通話。
但好多考過小一就知, 其實學對學術有一定要求, 上年疫情好多學校無左group in第一輪已經考純學術.
我有朋友考完小一comment話係哀中文認字唔夠多, 講故仔無咁動聽無人地咁有條理對答，
就越覺得機會係俾有準備geh人
準備
考cert: 1a)starter 1b) G2 piano
比賽: 2a) 鋼琴
2b) 朗誦
2c) 畫畫
學術/ 閱讀: 自己跟返
中英讀完會問問題或叫佢試下retell story
除自己朗讀, 每晚訓前會再伴讀2-5本
繪本書
數學:每日一份練習 (20以內加減/時鐘/錢幣)
表達能力: 平日積極參與學校voluntary presentation hw, 練朗誦增加自信/咬字, 得閒同傾計睇書
會俾機會佢講自己有咩諗法
一星期五日, 學術(連學校功課) 每日大概1hr 睇書45min 練琴30 min/考琴or比賽 45min -1.5hr
我係要返工(近屋企), 部分功課姐姐跟 放工後自己跟其他.
weekend 多數係家庭日
出街玩或者係屋企親子活動
有上面試班
主要了解考小模式
同小朋友有咩不足, 但如果上完堂無自己跟進
我諗效果未必好
1 同 2b) 最花時間準備
1a) starter 我覺得
張cert唔係重點
重要係準備過程
學下答題技巧
串下生字
對考小學
聆聽指令可能有少少幫助. 快geh其實3個月可以密習式凖備到. 一般半年到9個月準備都充足
1b) 琴要有進步真係要持續練琴,
陪練會有效d .不過考琴對考小學無咩用, 如走音樂路
一般要考小一時有五級(琴老師話識人係小提琴五級考入神校, 2歲開始學
家長每日陪練加上小朋友鐘意
先fast track到, 神童未必話無但99%係後天努力)
2b) 朗誦純想佢練膽,不過疫情比賽變拍片
少左臨場發揮,但都練到
講野有多少少自信. 無target拎奬
但過程見到慢慢有進步我同小朋友都有成功感
其他只係上堂就可以準備到無extra 係屋企practice
以上只係為第一輪學術同拍面試片準備, 考完cert 後會轉移更多時間係 第二輪 面試 應付常識同對答
如家庭生活 待人接物 禮儀。其實呢啲好講家長平時身教 同有無用心擺時間同小朋友有優質親子時間。 老土d講句, 人去海x公園 你又去, 你係去打卡影相 只注重玩機動遊戲 定係會 花時間同小朋友聲音導航講解保育, “增加” 唔同動物認識 ? 呢部分係小一遊戲最重要一環, 學校想搵個肯擺心機 去小朋友成長geh 家庭, 但無奈 要先過到學術果關 先有呢個機會....如果家長本身已經從小已係 有好身教 咁其實又如d 校長話唔需要點準備面試
準備過程係無論精神同心都好累 唯一欣慰係見到小朋友不停進步同成長, 將來諗返希望係一個好geh 回憶
仲有超過大半年時間, 唔知大家又準備成點呢?
作者: Jean1769 時間: 21-4-24 00:57
剛玩完這個遊戲
只能夠講
無準備都好大機會失敗
但有準備都唔等於會成功
幾千人考百幾個位，來來去去都係果班人
父母有努力過，結果係點都無悔
作者: Babyfungmama 時間: 21-4-24 01:04
本帖最後由 Babyfungmama 於 21-4-24 01:06 編輯
睇完你個post突然好感觸，我都好明白家長都係為小朋友好，係香港考間學校要學術叻，又要主動，一個幾歲小朋友要經歷咁多，咁努力，我諗返起呢一年幫仔仔報學校，拍片，已經覺得佢好叻仔，最後希望你入到心儀學校
作者: chujojo 時間: 21-4-24 07:22 標題: 回覆樓主：
本帖最後由 chujojo 於 21-4-24 07:23 編輯
難得你無私分享
我覺得有閲讀習慣加phonics ，基本上starter係唔洗點串字。
每日練45分鐘至1.5小時練琴已經唔可以講話係興趣。如果你自己識琴咁陪練，都要花咁多時間去考grade 2，我覺得不如多花心思準備面試。
以前我都好緊張，宜家我都稍微明白。有d野盡哂力未必得，尤其宜家好多小朋友好優秀。我有朋友表面上都好happy, 但我發現佢咩secrete group都入哂，根本個底係好緊張，不過未必會好似你咁誠實。
加油，欣賞你的分享。我都係k2家長。希望你今年考到心儀小學!
作者: xubin2008 時間: 21-4-24 09:24
回覆 littlecat123 的帖子
呢位媽媽絕對係無私分享，我覺得對今年K2嘅同路人都有啟發，希望你入到心儀學校
作者: littlecat123 時間: 21-4-24 09:56
回覆 Babyfungmama 的帖子
我諗我一年後睇返呢個post 都會好感動 考唔考到 /入邊間 已經唔係重點
共勉之~~
作者: littlecat123 時間: 21-4-24 10:08
本帖最後由 littlecat123 於 22-2-4 15:39 編輯
回覆 chujojo 的帖子
非常認同 有phonics 底會幫到手 串字。我都覺得練琴時間 有d 長, 但琴老師唔想佢只彈考試歌 所以有keep住教 其他歌仔。如果唔係為才藝表演/cert 一定唔考琴。好期待考完試 只彈歌仔 唔洗練咁奈琴 去睇返多啲書
作者: littlecat123 時間: 21-4-24 10:27
本帖最後由 littlecat123 於 22-2-4 15:38 編輯
回覆 chujojo 的帖子
我身邊都有呢啲朋友..又係話成日happy learning, 但又有好多外補 又報好多比賽(好似唔需要練習就拎獎?) 可能佢個仔真係好enjoy 好有精力 ...
我前排個人都好緊張, 覺得個女考唔到學校 一定係我嘅責任
而家慢慢睇化左, 準備左 未必考到, 但點都好過唔準備
最後結果點 叫對我對個女有個交代 我地曾經努力過
加油呀！都希望你考到心儀小學!
作者: lambeanmama 時間: 21-4-24 10:59
過來人分享；不要想太多太複雜；我仔已小一；讀名幼；有讀面試班無外補學術；零cert 兩個豬肉畫畫獎已而；有心儀offer的。我當時無串字，計數也未能做到快穩準；不過，理解力、表達力、及閱讀習慣是穩固而理想的。
當然，如若心儀神校，安排可能會加重少少力度。但記住「謀事在人、成事在天」；不要把考小這關放到太大。眼見身邊不少同學朋友仔最後也未必一定如願。盡力、無悔便是了。
祝福你。(emoji)(emoji)
作者: lambeanmama 時間: 21-4-24 11:02
補充一點；教導小朋友在任何時候也必須專心聆聽指令；能夠聽從老師三至五個指令後一次過做好；其實是重要的。
你做老師，也會想自己班學生聽教聽話又乖又叻，對嗎？除了學術，很多軟實力也是重要的。
作者: chujojo 時間: 21-4-24 11:57
lambeanmama 發表於 21-4-24 11:02 
補充一點；教導小朋友在任何時候也必須專心聆聽指令；能夠聽從老師三至五個指令後一次過做好；其實是重要的 ...
本帖最後由 chujojo 於 21-4-24 12:19 編輯
清楚準確聆聽指令真係好重要。好多時有媽媽話邊個唔sharp醒，但入到咩咩咩。但好多時依d小朋友夠細心，同定到下來聽清楚指示，已經係成功一半。
作者: kikibebe 時間: 21-4-24 12:14
回覆 littlecat123 的帖子
很欣賞你。。坦白，直接，目標為本。。我地今年剛經歷完考小，明白機會係留給有準備的人。小朋友有好嘅考小表現唔會係一朝一夕嘅事，最後結果係點，盡左力至少無悔。。但我不鼓勵過份催谷，一切都會睇番自己小朋友可接受程度去調節。。加油！
作者: littlecat123 時間: 21-4-24 12:33
回覆 lambeanmama 的帖子
聆聽好講小朋友專心 程度, 好認同呢個skills 好重要。 好多謝你呢個提點~~
作者: Kenji0105 時間: 21-4-24 14:36
除了基本學術，考小一遊戲其實應該叫「開口講野遊戲」，有樣野講完再講：談吐有禮，對答如流。即使滿腹經綸，但唔肯有自信詳盡地咁答問題，過到first in都過唔到second in, 過到second in都去唔到third in。
作者: 譚何蓉頣 時間: 21-4-24 17:02
多謝樓主分享
我家幼女現正K1，我們都好想聽K2 家長們如何預備，希望有機會考上比附屬更好的小學，大家一起加油
作者: wannabefa 時間: 21-4-25 00:14
今年9月準備讀K1
K1已經塵埃落定，我就開始準備考小
謝謝樓主無私的分享
特別講海x公園嗰一段，啟發很大
每次外出，都係小朋友學習的機會
現在我做緊，將來都一直努力
就算最後考小失敗
小朋友都會獲益良多
大家加油
作者: kc33 時間: 21-4-25 05:21
我都係今年考完小一，你既準備好充足 好欣賞你咁坦白 目標為本。
今年考小明顯著重中文多左 無圖片認字都算深 英文眼見多間都算basic.
Cert 對考直私真係唔重要
考到最後幾間 最大得著係 要夠主動同埋識對答 佢問一句要答多過一句
通常去到final 呢個係致勝關鍵
做到多反應真係可以關關難過關關過
祝你成功(emoji)(emoji)
作者: littlecat123 時間: 21-4-25 09:47
回覆 Kenji0105 的帖子
尤其呢年疫情少左好多機會同其他人接觸, 小朋友能夠做到 問一句答三句已經好叻!我個女 係呢個環境下比較怕生, 黎緊疫情緩和d 會準備多啲 同陌生人接觸機會 增加自信心
作者: littlecat123 時間: 21-4-25 10:21
本帖最後由 littlecat123 於 22-2-4 15:42 編輯
回覆 譚何蓉頣 的帖子
你 K1已經開始準備 可以安排更好! 我上年個女K1 係zoom 上堂 同停課 用左唔少時間適應
當時停課大半年 我只係一味 幫小朋友 報英文 phonics /普通話 拼音(學校K2/K3 會普教中) 私補, 但我完全無任何課後follow up, 後來發現 雖然教左好多野 但小朋友原來未吸收曬, 先知道原來所謂外補 都係要家長自己 課後跟進學習內容小朋友先會進步得快。跟住用左幾個星期 溫返曬phonics d 發音同簡單blending, 每日以遊戲 形式同小朋友玩字卡, 玩到我由唔識phonics 變咗個小老師 haha....
之後 發現佢睇英文書認字好有難度,, 於是轉去玩sight word card, 學左百幾隻常用字, 再用認字書
中文我亦用類似方法, 先認字再到橋梁書, 而家已經可以睇簡單中文書
其實本身我由佢n 班開始已經日日 睇書, 但全部係繪本而佢亦 focus多係圖畫, 如果每日睇幾個鐘繪本 我覺得亦可達到認識vocab 效果
以上係我對外補同睇書見解, 希望幫到你K1準備!
加油!
作者: littlecat123 時間: 21-4-25 10:31
回覆 wannabefa 的帖子
日常生活常識一定要 經常教! 我都係上左面試班 先知原來好多我以為係 必然geh 野 , 係要開聲同小朋友不停重複講...好似 搭的士, 我平時就會話 我哋去搭的士去xxx, 原來可以再講 的士係咩色， 咩地方的士係唔同色, 淨交通工具一項有排講,...小朋友專注力有限, 平時出街 見咩講咩有效過你坐係度同佢上一個鐘堂... 例如想佢知電車係點, 最好親身帶佢去搭, 過程再講電車只係港島行, 落車先俾錢(同巴士唔同), 俾幾多錢etc
好多時我就咁帶小朋友撘交通工具, 但就無為意加”description”, 導致佢認知弱(其實只差個聲音導航jar...)
加油! K1有多一年時間準備認知常識~~
作者: littlecat123 時間: 21-4-25 10:33
回覆 kc33 的帖子
好認同arr! 你可以分享點樣鼓勵小朋友唔怕老師問問題 講多啲野ar?能去到final in 已經好叻!!
作者: Chicmama 時間: 21-4-25 12:15
今年剛經歷過升小遊戲，尤其今年疫情關係有新玩法，覺得除左中英數等預備外，親子關係都好重要，例如拍片都玩殘唔少人！
我都好認同其他媽媽講，盡力過就無悔，我地都係幸運地有好offer！但最重要要同小朋友有個並肩作戰既心同好好鼓勵佢，一關過完又一關，之後就hope for the best！加油(emoji)(emoji)
作者: wannabefa 時間: 21-4-25 14:53
littlecat123 發表於 21-4-25 10:21
回覆 譚何蓉頣 的帖子
你 K1已經開始準備 可以安排更好! 我上年個女K1 係zoom 上堂 同停課 用左唔少時間適 ...
好感謝前輩教路，大家加油
作者: rickdom6 時間: 21-4-25 15:19
回覆 littlecat123 的帖子
我覺得TRAINING方面你已經掌握大部份重點.
音樂我都聽過6歲考到5級, 入神校 (不過個小朋友學術同表達能力都唔錯).
我自己當年就盡了最大努力自己TRAIN 個小朋友, 有上面試班, 都有龍校私直OFFER (不是神校). 小朋友係中B (其實入了小一後才發現7月出世差不多係全班最細)... 好多同學都係超大B, 又係九龍塘名幼.....
加油!
作者: chujojo 時間: 21-4-25 15:56 標題: 回覆樓主：
本帖最後由 chujojo 於 21-4-25 16:00 編輯
考小學真係平常心
宜家叻的小朋友真係太多
學術好的小朋友更加係多！ 因為大家都好用心去栽培小朋友，而好多家長亦好早去預備。
我女中細B， 英文睇到chapter book, 中文可以睇到簡單橋梁書。 但原來身邊好多小朋友一樣得。 我算好彩，從來唔洗用字卡，真係多睇多讀陪養到小朋友語文能力。 音樂亦都今年年頭考左grade 2, 但身邊一樣好多小朋友係考左，亦唔止學一樣。
軟實力亦係 ，眼見好多小朋友玩得開心，一上堂即刻入哂狀態。外加對答流利， 主動，反應快。
我自己對面試結果唔敢諗d咩，兩年前我會覺得自己小朋友好叻，但原來叻的小朋友同用心的家長係好多。
所以平常心面對。神校我自知無緣， 叫做參與過，小一並不是小朋友的全部。加油！
作者: littlecat123 時間: 21-4-25 17:37
回覆 Chicmama 的帖子
恭喜你arr~~ 而家可以同小朋友慶祝 輕鬆下, 把握升小前 最後”少學業壓力” 時間玩盡佢~~
作者: littlecat123 時間: 21-4-25 17:41
回覆 rickdom6 的帖子
你小朋友適應成點呀? 年齡差距 geh 影響應該會慢慢fade out, 我讀大學見有好幾個都係超細b (12月非大b) 讀書好叻 出到黎工作都係fast track 有能力
作者: littlecat123 時間: 21-4-25 17:58
回覆 chujojo 的帖子
你小朋友好叻arr, 睇得出你亦係花好多心思哉培 , 我覺得而家已經睇chapter books 可以眼光高d target 神校。據聞dgjs 新校長喜愛 乖巧女仔, 如果表達能力 好 應該有chance! 祝你考到心儀學校~~
作者: DengCK 時間: 21-4-25 18:57
littlecat123 發表於 21-4-25 17:58
回覆 chujojo 的帖子
你小朋友好叻arr, 睇得出你亦係花好多心思哉培 , 我覺得而家已經睇chapter books 可 ...
新校長應該係鍾意多咀自信女仔多點。
作者: chujojo 時間: 21-4-25 21:47
littlecat123 發表於 21-4-25 17:58
回覆 chujojo 的帖子
你小朋友好叻arr, 睇得出你亦係花好多心思哉培 , 我覺得而家已經睇chapter books 可 ...
太多家長將個target 放响神校到。好似考唔到神校，小朋友就唔係最叻，或者唔夠叻。其實小一面試，唔可以完全反映小朋友能力。我覺得目標應該係找一間適合小朋友同家庭的學校。 當然有神校offer係好，但唔係唯有。 我覺得小一面試唔會考到咁深，所以就算睇到chapter book都無用武之地，真係純為興趣。
作者: kc33 時間: 21-4-25 23:21
littlecat123 發表於 21-4-25 10:33
回覆 kc33 的帖子
好認同arr! 你可以分享點樣鼓勵小朋友唔怕老師問問題 講多啲野ar?能去到final in 已經好 ...
我係出親街都見乜講乜 勁主動同所有人打招呼（巴士司機/ 清潔姐姐/侍應一個都唔放過），佢慣左媽媽係咁 佢自己都係咁。之後我晚晚同佢講故仔 個故仔係今日發生過既事 但有個虛擬既人物，講兩三星期比佢試吓講 中間可以反問佢 呢個等如學校show and tell. 可以練到幾樣野 ： 連續詞/ 完整句子/ 故事表達，你再加問題 佢答下，就可以令佢更多野講，因為呢個係佢發生過既事 佢會表達得好有自信
作者: Chicmama 時間: 21-4-25 23:26
littlecat123 發表於 21-4-25 17:37
回覆 Chicmama 的帖子
恭喜你arr~~ 而家可以同小朋友慶祝 輕鬆下, 把握升小前 最後”少學業壓力” 時間玩 ...
都係呀，收到心儀offer之後覺得阿仔超額完成，想佢好好享受最後半年幼稚園生活大人都終於可以將堆物資轉送他人，爽哂！
作者: pwhr 時間: 21-4-26 08:52
同為現K2家長, 樓主所做的, 我亦有做, 甚至更多, 但靜低落來想, 小一只係人生一個中途站, 迫得孩子太緊未必係好事, 盡力便可, 加油
作者: KWLW 時間: 21-4-26 09:30
多謝你的分享, 小女都一樣今年K2, 一樣準備緊升小, 之前停課期間都有同佢做下練習, 宜家有得返學, 放慢了腳步, 同時都諗一諗邊D學校適合佢
睇完你的分享, 似乎又要加把勁了
作者: littlecat123 時間: 21-4-26 10:10
回覆 kc33 的帖子
你呢個方法 好好ar! 活學活用, 多謝分享~~ 真係要向你多多學習~ 我同先生 本身性格都比較內斂 平時對陌生人最多say 個hi 微笑 ,
所以小朋友 對陌生人 唔多講野亦係家庭教育所致, 深深體會到 身教 重要, 亦指我地幾有決心改變自己陋習去俾個最好環境佢。
作者: littlecat123 時間: 21-4-26 10:19
回覆 pwhr 的帖子
好同意呀！如果小朋友唔受谷再谷都係無意思, 我諗我無能力同佢溫到入大學
小一只是開始, 之後tsa/呈分試/升中面試/選科/dse/升大學/搵工/結婚/生仔/又一循環, 唔放手真係可以憂多幾十年 甚至到老 haha
我好想做到可以盡早放手 俾佢適應 自己承擔學學生呢個責任
我都係一路做一路學緊 點樣為之最合適個女
你係準備過程有無咩其他心得 一齊交流下?
作者: littlecat123 時間: 21-4-26 10:29
回覆 KWLW 的帖子
你準備報幾多間學校ar?我初時淨係諗住報6-7間 我覺得合適佢geh 學校, 後來同朋友講起就轉返大包圍 (18間)
一來最報早幾間可以有熱身機會, 二來 可能從面試過程中 再了解到有一d之前認為唔合適小朋友geh學校其實有可能合適, 或者係間學校反而覺得佢合適 但唔報唔會知
最後, 報左之後可以唔去in
作者: littlecat123 時間: 21-4-26 10:43
本帖最後由 littlecat123 於 21-7-31 11:54 編輯
回覆 chujojo 的帖子
係arr~~ 同意 入唔到神校唔洗 世界末日, 有好多其他options , 一間合適geh學校好重要, 話曬要讀六年 (除非諗住再戰插班 轉校)我都諗如果個女 無合適offer 去讀返津校 亦可。
chapter books 自然係為咗興趣
小一面試 未必有用
但認為閱讀長遠黎講 可以奠下良好語文能力基礎
作者: KWLW 時間: 21-4-26 10:50
本帖最後由 KWLW 於 21-4-26 10:50 編輯
回覆 littlecat123 的帖子
我同你相反, 本身諗住全港九都試下揀左13~14間, 但諗返轉頭, 覺得讀書好講"天資", 本身自己唔係好讀得書的人, 當然會希望子女青出於藍, 但亦唔想做虎爸虎媽去谷小朋友
所以減完大約集中6~7間, 如果真係與學校無緣, 就唯有讀津校啦~
作者: xubin2008 時間: 21-4-26 11:12
回覆 KWLW 的帖子
你嘅諗法好啱，對仔女嘅期望亦非常合理，天資好重要，但係作為上年考小一的媽媽，我話比你知6～7間真係報得太少，因為我真係只報六間真私，太少了，其實報多D為咗津校叩門都係好嘅，無惡意，你可以參考下意見
作者: KWLW 時間: 21-4-26 12:14
本帖最後由 KWLW 於 21-4-26 12:14 編輯
回覆 xubin2008 的帖子
其實我都在浮游中, 報太多, 怕自己小朋友辛苦, 報太少, 怕無得揀....
以考幼稚園過程, 自己小朋友唔算要warm up的, 表現都係差不多
(當然過左幾年可能唔同左)
作者: xubin2008 時間: 21-4-26 12:18
回覆 KWLW 的帖子
聽我一句勸，唔駛超多20幾間太誇張，但十幾間比較穩妥D，我自己嘅經驗6～7間太少啦
作者: pwhr 時間: 21-4-26 12:45
回覆 littlecat123 的帖子
平常心說, 我冇特別留意虎媽群(本身是爸爸, 入唔到群)及進取群組的信息, 實際上佢地說要做, 已做, 計劃做的事, 考的試, 比的賽, 上的課, 我相信我已做齊, 甚至做多一倍, 阿仔都一一完成, 但我唔太認為咁係叻或者優秀, 只不過在香港的學習環境下, 為安排而安排而已, 所以媽媽們見到其他媽媽說仔女考到咩15盾, 卓越一級, distinction等, 真係唔需要羨慕, 自己的孩子係獨特的
我同太太係雙職家長, 有3名孩子, K2呢位係大仔, 雖然考小一重要, 但我地又唔可以忽略其他兩個, 所以一切做得的只能盡做了
作者: fwstides 時間: 21-4-26 12:56
pwhr 發表於 21-4-26 12:45
回覆 littlecat123 的帖子
平常心說, 我冇特別留意虎媽群(本身是爸爸, 入唔到群)及進取群組的信息, 實際上 ...
給讚
無惡意，但通常爸爸可抽離d, 客觀d睇成件事。相信對孩子的影響是正面的
作者: pwhr 時間: 21-4-26 13:06
回覆 fwstides 的帖子
Sure, i am always positive and confident on my kids.
作者: twinkle00 時間: 21-4-26 13:08
回覆 littlecat123 的帖子
多謝樓主無私的分享!!!
你真係一個好用心的媽媽!
祝你的小朋友考到心儀的offer!
作者: twinkle00 時間: 21-4-26 13:12
pwhr 發表於 21-4-26 12:45
回覆 littlecat123 的帖子
平常心說, 我冇特別留意虎媽群(本身是爸爸, 入唔到群)及進取群組的信息, 實際上 ...
好認同爸爸所講. 每個小朋友都係獨特的...
真係天外有天, 人外有人.. 真係唔需要比較太多.
平衡家庭的需要, 盡力就OK 啦. 
作者: KWLW 時間: 21-4-26 13:18
回覆 xubin2008 的帖子
多謝你的提點
作者: KWLW 時間: 21-4-26 13:23
回覆 pwhr 的帖子
呢位爸爸真好, 有三個小朋友真不容易, 加油!
作者: Tang23 時間: 21-4-26 13:42
Jean1769 發表於 21-4-24 00:57
剛玩完這個遊戲
只能夠講
無準備都好大機會失敗
以我自己的經驗（有神校同幾間大熱offer), 我們完全沒有任何課外活動，所以我覺得這一部分佔分應該唔算好多（不過今年拍片，如果有活動便應該有優勢）
個人認為最重要還是回歸基本，培養閱讀（由出世開始），從中自然加強到語文能力和故事/溝通等，另一方面是親子活動，又係自然幫助係好多2nd/ final in 同學校對答方面的內容。
之後就要靠小朋友性格，如果咁啱比較主動活潑便優勢大d，這方面面試班要train 都唔係一定train 到
作者: tummypooh 時間: 21-4-26 14:11
回覆 chujojo 的帖子
你說出重點，哈哈，入唔到神就好似成個人冇左神一樣。
小一入唔到，仲要小二至小六俾你入。
小學入唔到，升中又可以玩過。
俾你小一入到，當中有幾多人頂唔主要走？
我真係隨意。可能男人的思維真係唔係咁一樣，難聽啲講冇咁上心。
過來人分享下。
谷唔谷？點谷？面試班有冇用？呢啲就我就唔討論了。因為每個家長把尺都唔同，不過我就覺得為左拎要啲咩證書就要專登去花時間報班考試，可能大家覺得要寫係個PROFILE好睇，但除非間學校要睇PROFILE選人見啦，否則真係作用不大，除非你個張證書或獎狀係好有代表性，遠超同齡人應有水平。相反，我好認同上面有家長咁講，日常生活中的知識其實係好重要，好多時老師閒談間問左，小朋友都未必知。
至於同小朋友睇書，當然重要，因為可以學到字同唔同知識。但你認付學校面試，可能又會有好多其他問題？例如你睇咩書？本書講咩架？你最鍾意本書邊個人物呀？點解呀？
準備做左，還要看運氣。心儀學校齊齊撞期；小朋友個日扭計；面試個老師同小朋友互相合唔合眼緣；同組小朋友互動的影響，好多好多大家控制唔到的因素~~~所以都係平常心吧。
作者: xubin2008 時間: 21-4-26 14:30
回覆 tummypooh 的帖子
重點比你講曬，天時地利人和，唔單止睇學術
作者: CXW 時間: 21-4-26 15:00
我都係今年考完小一之過來人，我會送你一句「計劃不上變化」。只要做左自己認為對小朋友好嘅安排，最後結果如何都無悔。從小要和小朋友一起伴讀，這一還對考小是非常重要，什麼certificate 及獎項（國際性認可比賽除外）根本就不重要，正如大家成日都講大把叻嘅小朋友，天外有天，人外有人，千萬不要比小朋友壓力，（其實平時家長們談論一d 學校，小朋友其實有聽到入耳的，當佢知道去呢d 學校就會不其然就會好緊張，有可能影響面試表現），小朋友表現你永遠控制不到，多鼓勵同讚賞他們。係考小過程中，家長們承受著很大壓力，尤其剛呢一年大部分改為拍片過第一關，家長嘅壓力不比小朋友小，口講可以放鬆冇事，考不到小學仍有其他backup , 但身體卻很誠實（我身邊有家長要食情緒藥物，大量脫髮，皮膚敏感etc....) 父母之間亦要互相支持，有需要要跟另一半舒發情緒。有個小小發現，父母關係良好，會互相分擔及教育小朋友的，多數都會考到心儀offer , 所以家庭教育從小就會影響小朋友成長及待人處事。幸運地我地考到最心儀offer , 希望呢個小小分享幫到大家。
作者: 譚何蓉頣 時間: 21-4-26 17:50
回覆 littlecat123 的帖子
真的十分謝謝你教我如何引導女兒閲讀，令方向更清晰
希望她的閲讀進度能更上一層樓啦
作者: Dybala 時間: 21-4-26 18:40
KWLW 發表於 21-4-26 12:14
回覆 xubin2008 的帖子
其實我都在浮游中, 報太多, 怕自己小朋友辛苦, 報太少, 怕無得揀....
作者: littlecat123 時間: 21-4-26 19:26
回覆 CXW 的帖子
所以家庭教育係小一面試係最重要~身教 環境 好影響小朋友成長, 搵一間合適小朋友geh 學校真唔容易ar!
作者: littlecat123 時間: 21-4-26 19:28
回覆 譚何蓉頣 的帖子
好開心可以幫到你! 希望你小朋友都會愛上閱讀!
作者: littlecat123 時間: 21-4-26 19:34
回覆 Dybala 的帖子
我身邊都有朋友報左真道交曬portfolio 但無得in, 話唔知係咪關portfolio寫得唔好事, 好自責不過我見上年都有好幾間 1st round 以portfolio 揀人in
搞到我都開始準備portfolio 內容 ...一路整好似成長片段 咁回憶返小朋友成長左好多好感動
作者: CXW 時間: 21-4-26 20:41
本帖最後由 CXW 於 21-4-26 20:46 編輯
littlecat123 發表於 21-4-26 19:34
回覆 Dybala 的帖子
我身邊都有朋友報左真道交曬portfolio 但無得in, 話唔知係咪關portfolio寫得唔好事, ...
我覺得 profolio 並不是咁重要，我報真道 profolio 唔過關，我哋都冇得in , 其他學校如果可選擇交同唔交，我全部都冇交，但都入到2nd in / final , 考小真係某程度靠運氣。不要給自己太大壓力。
作者: xubin2008 時間: 21-4-26 21:36
回覆 littlecat123 的帖子
呢位朋友交咗小朋友履歷冇人得in，”不要自責”，因為呢個係緣份問題，放鬆D
作者: jennylady 時間: 21-4-26 22:57
我都剛剛考完小一
考直資私校唔太需要有cert
表現最重要
學術只需要基本，最重要係溝通能力
扣門可能需要cert 才有面試機會
作者: littlecat123 時間: 21-4-27 00:18
回覆 CXW 的帖子
多謝分享你嘅經驗ar~~ 會擺更多時間係親子活動 放鬆下
作者: rickdom6 時間: 21-4-27 07:18
littlecat123 發表於 21-4-25 17:41
回覆 rickdom6 的帖子
你小朋友適應成點呀? 年齡差距 geh 影響應該會慢慢fade out, 我讀大學見有好幾個都 ...
今年小二，成績都係一般。希望高小階段時，個差距收窄...
作者: Lilianyu500 時間: 21-4-27 08:38
fwstides 發表於 21-4-26 12:56
給讚
無惡意，但通常爸爸可抽離d, 客觀d睇成件事。相信對孩子的影響是正面的
...
agree, 男人係冷靜啲，回答校長問題會比我有sense.
作者: KWLW 時間: 21-4-27 09:19
回覆 Dybala 的帖子
多謝提點
作者: Dybala 時間: 21-4-27 10:08
jennylady 發表於 21-4-26 22:57
我都剛剛考完小一
考直資私校唔太需要有cert
表現最重要
有次去in某學校係兩個兩個咁入去in, 當時個"對手"一聽到老師叫佢名, 佢媽媽即刻比signal個小朋友, 個小朋友都好醒目即刻主動叫x老師早晨(勁到可以喺電光火石間連老師姓咩都睇到!), 而我個女就淨係一碌木咁企喺度等入課室, 喺果一刻interview都未正式開始我就知已經輸咗
作者: 已刪除用戶 時間: 21-4-27 10:40
Dybala 發表於 21-4-27 10:08
啱呀, 學術不外乎都係讀吓單字/句子, 計吓簡單加減數; 性格開朗, 健談, 有笑容, 主動更重要
有次去in某學校 ...
好搞笑啊！電光火石之間。
作者: 小菜豆 時間: 21-4-27 10:59
想問樓主報哪些學校?
女拔? 協恩?港同?
王錦輝?陳守仁?
利申, 小兒K2
作者: xubin2008 時間: 21-4-27 12:31
回覆 Dybala 的帖子
呢個場景你咁清楚記到現在，可見你嘅心情⋯唉，可憐天下父母心
作者: littlecat123 時間: 21-4-27 13:32
本帖最後由 littlecat123 於 21-7-31 11:55 編輯
回覆 Dybala 的帖子
好似其他 前輩分享, 一切都係睇緣份... 我明你果 刻感受, 見有其他人d片 講covid 19 要注意d咩 自己係停課期間 點樣繼續學習 提升自理能力, 我果刻都覺得已輸在起跑線
作者: littlecat123 時間: 21-4-27 13:38
本帖最後由 littlecat123 於 21-12-23 10:59 編輯
回覆 小菜豆 的帖子
都係d 大路野, 一線, 二線都會報, 傳統同活動教學都會試。
當然如果女校收都會 考慮 因為想佢 之後能專注學業
男女社交 可以係課外活動 其他埸合 學習
如果無合適學校offer, 讀返津校也可
作者: 已刪除用戶 時間: 21-4-27 13:58
小菜豆 發表於 21-4-27 10:59
想問樓主報哪些學校?
女拔? 協恩?港同?
王錦輝?陳守仁?
協恩好似係派位學校？
作者: 小菜豆 時間: 21-4-27 16:07
回覆 balls 的帖子
知道, 謝謝澄清。
作者: mrschannn 時間: 21-4-27 17:46
回覆 littlecat123 的帖子
請問你小朋友有沒有外補英文或普通話呢？另外，想請教下你點樣train 或維持小朋友嘅學習動機或習慣，因為我小朋友好動成日係想玩唔想讀書，一講讀書就no,no,no，想請教下你？謝謝
作者: littlecat123 時間: 21-4-27 18:13
本帖最後由 littlecat123 於 21-7-31 11:57 編輯
回覆 mrschannn 的帖子
有上 phonics同普通話 堂, 普通話平時主要學拼音 無特別準備報考普通話試, 只報 1/2個朗誦比賽 玩下
作者: gloryu2 時間: 21-4-27 18:46
我地都係準備緊，現在平常心，雖然都有少少緊張，但覺得準備左對小一都有幫助，其實都唔係一定要有offer。真係冇offer 一樣可以準備叩門同插班，讀書係一條好長的路，學術其實幾時都需要學。
作者: jennylady 時間: 21-4-27 19:33
回覆 Dybala 的帖子
我仔2nd in 某小學時5人一組
分一至五號
我仔係一號
我仔同我講，他講 x 校長你好，我叫xxx 🥲
我好心儀呢間學校
成日睇學校派的書
他認到校長...
最終我地入到3rd in
跟住有埋offer
🥲🥲🥲
作者: littlecat123 時間: 21-4-27 21:15
回覆 gloryu2 的帖子
認同ar, 讀書亦唔係唯一出路不過香港地 讀書叫 容易d 平穩打份工 搵餐飯食
同埋學左geh知識係跟一世
作者: littlecat123 時間: 21-4-27 21:16
回覆 jennylady 的帖子
好叻仔! 好識做 
作者: 菩提子 時間: 21-4-27 23:06
lambeanmama 發表於 21-4-24 10:59
過來人分享；不要想太多太複雜；我仔已小一；讀名幼；有讀面試班無外補學術；零cert 兩個豬肉畫畫獎已而； ...
本帖最後由 菩提子 於 21-4-27 23:12 編輯
本帖最後由 菩提子 於 21-4-27 23:11 編輯
睇左樓主的post,欣賞佢咁有計劃地在小朋友身上，但另一面睇到其小朋友應好忙 有點辛苦。
睇埋Lambeanmam 的post，作為今年 剛考完小一的家長，也認同他所講，升马別搞得太複雜。
總結 我小朋友算得到上天眷顧的孩子入到心儀名小。我小朋友無樓主講咁 學咁多野，零cert,得學校幾個豬肉獎，無 考咩starter更無movers之類，無興趣班，無面試班，無網課，零外補，最不幸是k2又遇上社會事件停課多時。但，這次的升小，經驗之一系父母與孩子間的教育 比任何cert, 任何外補更重要 ，有效。
作者: karenaleung 時間: 21-4-28 01:00
littlecat123 發表於 21-4-24 00:45
最近積極準備緊 yle 試同考琴, 過程中感受良多, 想搵同路人 分享.我認自己係一個虎媽, 如果你係主張”愉快 ...
欣賞你。
一直都講學術不用超前，cert也沒有大作用。小朋友每分鐘也是學習，家長放幾多心機在小朋友身上，也會在小朋友能力反映出來。面試還有很多因素未能控制，也有些因素是家長怎努力都唔大幫助。每個小朋友總有強弱，獨特之處。
祝福你。
作者: Genaho 時間: 21-4-28 01:19
對我地來說，點樣準備都冇用...最後一輪唔出聲...唉
所以我覺得溝通能力很重要。
作者: littlecat123 時間: 21-4-28 01:46
本帖最後由 littlecat123 於 22-2-3 20:54 編輯
回覆 菩提子 的帖子
恭喜考到心儀學校ar!無任何外力 靠家庭教育 可見你都擺好多心機係小朋友到
我都準備 之後會減返d 外補 同唔再報考cert,
將時間去 享受多啲親子時間. , 我都唔想佢之後只記得 係度準備考cert 上堂
你可以分享點樣提升小朋友 自信心同溝通能力ar?
作者: littlecat123 時間: 21-4-28 01:52
回覆 karenaleung 的帖子
係ar~~, 呢個考小過程亦加深對自己小朋友認識，更清楚佢強弱項, 再反思 應該俾個咩教育先適合佢亦令我諗遠啲 其實想佢將來成為一個點樣嘅人
其實都係性格主宰一切
作者: mastermama 時間: 21-4-28 13:41
剛完成小一遊戲，唔敢講致勝關鍵，純分享個人感受。同意學術能力跟私幼程度應可過關，cert / portfolio 只對部份學校作first in screening 有用，好多學校都唔收
重點我覺得係小朋友要主動、有反應又不失禮貌、講故事情景題要練好，日常對答有文有路
其實無人知學校想收邊類型小朋友，實在我對賽果都有點喜出望外，無神校offer但都有幾間不錯一線直龍，家長壓力真係好大，大家加油(emoji)(emoji)
作者: 菩提子 時間: 21-4-28 16:25
littlecat123 發表於 21-4-28 01:46
回覆 菩提子 的帖子
恭喜考到心儀學校ar!無任何外力 靠家庭教育 可見你都擺好多心機係小朋友到
坦白講，自信和溝通能力這方面 我睇好多考到神校的，都系天生的 性格所造。不是一時半刻到提升到。若要 有少許幫助，就是 由小起 與孩子的 溝通，多講，多分享，自然會令個小朋友表達好。
作者: littlecat123 時間: 21-4-29 14:08
本帖最後由 littlecat123 於 22-2-3 20:55 編輯
回覆 mastermama 的帖子
真心花多左好多時間係小朋友到, 小朋友成長得一次 都係值得嘅主動都好睇性格, 都係盡力教 隨緣
作者: hkcsty 時間: 21-4-29 14:15
本帖最後由 hkcsty 於 21-4-29 14:18 編輯
我最記得有次面試老師問平時爸爸媽媽帶你去邊度玩
十一月我地去了兩次迪迪尼，囝答無呀，都係行下商場買早餐果啲啦！！
作者: littlecat123 時間: 21-4-29 14:24
本帖最後由 littlecat123 於 21-12-26 21:07 編輯
回覆 菩提子 的帖子
神校只係 all rounded d, 音樂/體育/成績出眾, 但好多都係家長背後發功, 老師亦未必可以照顧到全部學生需要
我覺得好係 d學生背景(多有錢有勢力) 同 alumni network 好, 識人嘅話 將來對career 有d 幫助
如果跟大路 target local universities , 實在唔需要 入神校, 最終入大學只係睇dse 成績,好多其他學校都做到一樣效果
作者: littlecat123 時間: 21-4-29 14:26
回覆 hkcsty 的帖子
我覺得我個女會怕羞 唔答 或者講 打機 睇youtube肯開聲我覺得已經好叻!
作者: hkcsty 時間: 21-4-29 14:48
回覆 littlecat123 的帖子
小朋友不知道點答才對收生有利，所以隨心便答
家長只能事後調教，但機會就此流走 （淚）
作者: 菩提子 時間: 21-4-29 18:20
littlecat123 發表於 21-4-29 14:24
回覆 菩提子 的帖子
神校只係 all rounded d, 音樂/體育/成績出眾, 但其實 係一方面有卓越成績, 就係另外 ...
那你有沒有target入什麼學校？ 見你很用心計劃，準備考小一，若然想入讀普通local學校，其實不用咁緊張，普普通通的小朋友都可考到了，除非想考神校或1線直私才裝備好。不然小朋友咁辛苦會也用不上場，浪費了。
作者: Jean1769 時間: 21-4-29 18:28
littlecat123 發表於 21-4-29 14:24
回覆 菩提子 的帖子
神校只係 all rounded d, 音樂/體育/成績出眾, 但其實 係一方面有卓越成績, 就係另外 ...
如果只以終點計（入U),你的論點成立。
但如果以視野/氣場/presentable/peer influence等計，還是有所分別
作者: littlecat123 時間: 21-4-29 19:53
本帖最後由 littlecat123 於 21-12-26 21:08 編輯
回覆 菩提子 的帖子
我target 佢入一間以英文為主geh 小學, 將來升中可以去b1a-b1b 容易d入大學, 認為英文根基 好重要, 要從小培養, 如果間學校重視 閱讀 更理想
會報 IB( 將來走 non-jupas /overseas) /一線直私
亦會報二線為面試warm up
如果無心儀offer 就去津小, 英文再多啲外補 追返程度, 集中成績 target考好呈分試 望中學上到band 1
至於插班未必會考慮 始終小一 要考級頭幾名 可能需要我背後陪讀
但我會想花時間 去學早啲放手 俾佢自己跟返學業 而非 我”陪” 佢溫書而谷個好成績
作者: littlecat123 時間: 21-4-29 20:31
回覆 hkcsty 的帖子
係arr, 只當係學習機會
作者: littlecat123 時間: 21-4-29 20:34
本帖最後由 littlecat123 於 21-12-26 21:09 編輯
回覆 Jean1769 的帖子
係ar~~ 你小朋友幾大ar?
作者: Tang23 時間: 21-4-29 22:11
Jean1769 發表於 21-4-29 18:28
如果只以終點計（入U),你的論點成立。
但如果以視野/氣場/presentable/peer influence等計，還是有所分別 ...
當然同時間，，當我們家庭太廣東話，k1老師係有話過小朋友英文似乎落後，家長麻煩搞下，壓力便是由此以來吧！
作者: karenaleung 時間: 21-5-2 14:24
littlecat123 發表於 21-4-29 14:24
回覆 菩提子 的帖子
神校只係 all rounded d, 音樂/體育/成績出眾, 但其實 係一方面有卓越成績, 就係另外 ...
神校裡有很多同學有兩樣/三樣同樣出色，當然也有得一樣好。還有，同學仔學習能力高，學習氣氛好，課堂順暢，絕大部份（唔敢講100％，未有統計）也喜愛閱讀，閱讀氣氛濃厚。DSE/IB成績，也是很理想。
所以target local universities , 也可選讀神校啊。
作者: 2pigmama 時間: 21-5-3 01:07
littlecat123 發表於 21-4-24 00:45
最近積極準備緊 yle 試同考琴, 過程中感受良多, 想搵同路人 分享.我認自己係一個虎媽, 如果你係主張”愉快 ...
真心請教一下：
請問朗讀繪本，是用書面語讀一次，還是要他跟著讀，會不會讀完一頁，又用口語講解一次?
因為一本繪本可能2O版，要讀又解再跟讀，可能他覺得太耐而分心。
至於，英文是讀一段故事便當完成，還是把生字再用廣東話解釋一次？
希望勿介意，因我在這方面未諗通點教，謝謝。
作者: skytobb 時間: 21-5-3 15:11
littlecat123 發表於 21-4-25 10:21
回覆 譚何蓉頣 的帖子
你 K1已經開始準備 可以安排更好! 我上年個女K1 係zoom 上堂 同停課 用左唔少時間適 ...
閱讀係重要，見有家長話小朋友鍾意拎書睇，有閱讀興趣，小朋友只係睇緊圖畫，家長又唔會伴讀俾本書佢睇就算...上興趣班，唔知小朋友學左啲乜...
無論虎唔虎，至少要知道小朋友學習既進度吧，所以你有跟係好事
| 歡迎光臨 教育王國 (/) |
Powered by Discuz! X1.5 |