教育王國

標題: 循規蹈矩的小孩 [打印本頁]

作者: KWLW 時間: 21-4-21 10:23 標題: 循規蹈矩的小孩

小女現在K2，要開始諗定升小
小朋友十分循規蹈矩，有時候會向媽媽投訴某同學出位，某同學晌校車大聲說話

感覺上循規蹈矩好像適合傳統小學

但媽媽希望活動教學，想她懂得變通，做人不要太死板

究竟呢個係性格，還是可以改變的呢？

家長日問過班主任，傳統小學或活動教學都無問題可以一試。

希望能得到各前輩指引，謝謝！

作者: lambeanmama 時間: 21-4-21 12:28

小兒也是這一類；但也無損他考取非傳統小學呀。
其實，所有學校，活動也好傳統也罷，都是要循規蹈矩坐得定的小孩子。所謂活動教學，也不過是學習模式不同。

作者: minichong28 時間: 21-4-21 12:31

同埋大部份幼稚園和初小既小朋友都很喜歡投訴的, 大大吓會改變, 所以唔駛太擔心, 選自己目標和喜歡小學便可以

作者: KWLW 時間: 21-4-21 13:38

lambeanmama 發表於 21-4-21 12:28
小兒也是這一類；但也無損他考取非傳統小學呀。
其實，所有學校，活動也好傳統也罷，都是要循規蹈矩坐得定 ...

坐得定同專心上堂應該無問題。

我都希望活動教學的模式可能令佢不用死記死背去學習。

作者: PTL_L 時間: 21-4-21 14:24

KWLW 發表於 21-4-21 13:38
坐得定同專心上堂應該無問題。

我都希望活動教學的模式可能令佢不用死記死背去學習。

咁你可能要失望喇，無論直私官津都好，讀local school就離不開背寫，只係量有差異，IS就可能可以唔使硬記死背，另一方面，幼稚園階段就適合從遊戲中學習，上到小學就要回歸現實。

作者: lambeanmama 時間: 21-4-21 18:01

KWLW 發表於 21-4-21 13:38
坐得定同專心上堂應該無問題。

我都希望活動教學的模式可能令佢不用死記死背去學習。

我諗首先你不要過份美化「活動教學」這四個字。「死記」在學習情況下也有一定用處；你想想如何叫小朋友認讀中文，串英文sight word? 如何活動教學，到尾也是要小朋友自己牢牢記住。其實並無其他方法。

或者你可以把活動教學和傳統教學當成一個spectrum咁睇。Extremely 傳統或extremely 活動其實未必合所有人；你可以在spectrum上找一個你比較comfortable嘅位置去選校。

當然，你揀人時人揀你，每類學校也揀一些來考；邊考邊加深了解，最後才再算吧。

加油。

作者: chingchub 時間: 21-4-21 20:00

KWLW 發表於 21-4-21 10:23
小女現在K2，要開始諗定升小
小朋友十分循規蹈矩，有時候會向媽媽投訴某同學出位，某同學晌校車大聲說話

感覺性格好天生，會否變通甚至好有創意，好睇佢自己個性同能力。從前我地都係傳統學校長大，但亦有人比較有創意，有人比較因循。世界咁大，總會容納到不用類型既人，各自有生存空間，每種不同性格的人都各有長短。不必太美化活動教學，亦無需太矮化傳統教學。

作者: 糯米米糍 時間: 21-4-21 22:20

參考呢度好多過來人曾分享，加埋我自己小朋友剛過去一年考小經驗，唔好太早俾個框框自己同小朋友，可以多啲了解唔同學校，報多啲不同類型嘅學校，畢竟你揀人人揀你，喺整個考小一過程，你會慢慢睇到小朋友適合咩學校，同時通過不同學校不同形式嘅面試，多少亦會了解到學校嘅風格同方向，到小朋友考到再考慮亦未遲。

作者: 964000 時間: 21-4-22 07:46

KWLW 發表於 21-4-21 13:38
坐得定同專心上堂應該無問題。

我都希望活動教學的模式可能令佢不用死記死背去學習。

就算平時幾活動，到測驗考試默書都係要背誦死記的，因為始終要評分排名，呈分有標準，本地小學課程主要是測試你「記」咗幾多野，答到model answer才有分，唔係想知你有咩稔法，「依偱」是必須的，除非非傳統課程，否則都係換湯不換藥。

作者: KWLW 時間: 21-4-22 09:20

多謝大家的提點
可能我真係過份美化了活動教學四個字

暫時都會target學術型津小

亦會諗大家有提過的活動教學型私小/直小

雖然都會準備, 不過都想由小朋友本身的特質去諗諗邊類型的學校適合佢, 以免錯配

作者: Azzurro 時間: 21-4-22 11:24

理解小學（和中學，因為和小學高度相關）是動態過程
報名小學直私一定要大包圍，各種可能性（抽籤，叩門）都不能排除
一邊考直私過程，你了解會大幅增加

以前我家完全不考慮貴學費小學/ 死讀書學校，宜家都要考慮，因為還沒得到理想學校
但是起碼要先報名過，宜家先可以繼續考慮

作者: bj1315 時間: 21-4-22 11:36 標題: 回覆樓主：

本帖最後由 bj1315 於 21-4-22 11:44 編輯

本帖最後由 bj1315 於 21-4-22 11:37 編輯

我囡都係聽話乖女型，佢都有非傳統型學校收，但係大部分offer都係傳統型。
你又唔好覺得傳統型就代表無思想，係有個框有啲guide 個框唔係窄到無思想空間。
我囡最終讀傳統女校，好處睇係有都係乖乖女物以類聚 peer group

睇餸食飯 - 有選擇時才配對

作者: KWLW 時間: 21-4-22 15:22

回覆 bj1315 的帖子

係... 我囡宜家都係有instruction就會跟住做, 只怕佢做人太死板不懂變通

歡迎光臨教育王國 (/)