教育王國
標題: 港同 vs 赤提 [打印本頁]
作者: Gaigaiho 時間: 21-3-17 11:53 標題: 港同 vs 赤提
本帖最後由 Gaigaiho 於 21-3-17 13:22 編輯
大家好
女兒兩間都收到Offer，女兒成績b1A，英文比較好，性格活潑好動，之前讀ib小學
本身住九龍區，知道小朋友返赤提起碼要一個半小時，返港堂可以慳返一半時間，如果撇除交通呢個因素，大家會點樣比較同埋點揀呢？
謝謝解答
作者: SLHongkonger 時間: 21-3-17 11:58
你係唔係指你女 收到港同 赤提的offer ?
作者: gw2014 時間: 21-3-17 12:10
請問港同係幾號2nd int 及收到offer?
作者: Gaigaiho 時間: 21-3-17 12:13
本帖最後由 Gaigaiho 於 21-3-17 12:14 編輯
三月頭收到赤提Offer，三月中收到港同Offer，上週六second in
作者: SLHongkonger 時間: 21-3-17 12:16
Gaigaiho 發表於 21-3-17 12:13 
三月頭收到赤提Offer，三月中收到港同Offer，上週六second in
Vote for 港同
因為交通問題
2間中學俾我感覺 成績唔會差好遠
英文語境都差唔多
咁睇交通 係比較重要的關鍵之一
赤提除非係會住宿 否則你住九龍 日日咁長途跋涉去返學好辛苦
作者: Poyau 時間: 21-3-17 12:37 標題: 回覆樓主:
港同DSE成績亮麗 地鐵可達
SSC有IB 成績幾好 另外有寄宿
如將來打算海外留學 亦可考慮
作者: gervase 時間: 21-3-17 14:15
其實想問一下, 係咪諗住出國讀書嘅學生先會選擇SSC呢?
作者: SLHongkonger 時間: 21-3-17 14:28
gervase 發表於 21-3-17 14:15
其實想問一下, 係咪諗住出國讀書嘅學生先會選擇SSC呢?
應該話SSC 考IB 方便出國讀書搵大學
同埋佢有得住宿舍 亦可以係出國前先訓練左小朋友獨立先
作者: Childhoodpapa 時間: 21-3-17 14:54
本帖最後由 Childhoodpapa 於 21-3-19 14:10 編輯
上星期我也面對這個問題，港同感覺高一線，但最後選SSC。IB、住宿舍係最大原因，亦沒有想出國讀書，只想給孩子體驗另一種生活/學習模式。
如果不住宿舍，不讀IB，我會選港同。
作者: Kiki_chan 時間: 21-3-17 14:56
SSC吸引好多
作者: b3410 時間: 21-3-17 15:34
唔知你哋將來打算讀IB還是DSE？
如果DSE，中文程度如何？
如果中文夠好，也打算讀DSE，可能港同適合一些。畢竟成績也不錯，交通節省時間。
作者: gracelam 時間: 21-3-17 15:35
Gaigaiho 發表於 21-3-17 11:53
大家好
女兒兩間都收到Offer，女兒成績b1A，英文比較好，性格活潑好動，之前讀ib小學
港同
作者: sonyumd 時間: 21-3-17 16:28
每年SSC都會寄申請表給港同小學一些成績好或有特殊技能畢業生的。學費可能全免。但結果。。。。自己諗。
作者: joycechanwy 時間: 21-3-17 16:51
港同收生要求高好多，DSE成績亦較住，一定選港同。不過如果想小朋友將來出國留學，就SCC啦。我朋友的兩個仔SCC讀到中三便去英國，佢哋好多同學都係讀讀下就走。至於宿舍，也不是個個小朋友也喜歡。佢哋SCCP小六住左一年，之後中學死都吾肯再住了。
作者: mcl203 時間: 21-3-17 17:31
SLHongkonger 發表於 21-3-17 12:16
Vote for 港同
因為交通問題
語境應該平均SSC高啲瓜，若只計考卷就可能差唔多～～～
作者: mikalaw 時間: 21-3-17 17:53
港同難入啲，學費又算平，交通又方便啲，除非你好想你個女住宿舍。你放棄港同應好多人多謝你。
作者: 0801 時間: 21-3-17 18:10
應該咁講，如果小朋友中文程度好，又打算一心讀DSE就揀港同好。SSC的學生英文水平較高，朋友女兒小三由救恩轉港同，心想有一條龍，所以更難考都考入港同插班小四，但其媽咪表示女兒英文這幾年退步了，但就很多projects要做。如果想多一個選擇IB,就SSC, 不過要視乎地點問題。
作者: Gaigaiho 時間: 21-3-17 18:14
十分感激咁多位意見，其實本人都係偏向港同，因為又唔捨得個女住宿舍，唔住宿舍交通又真係應付唔黎，其實大少少真係好大機會出國，但係唔諗得咁多，咁長遠，應該都係選擇港同，再次感謝咁多位嘅意見
作者: elbar 時間: 21-3-17 20:05
Gaigaiho 發表於 21-3-17 11:53
大家好
女兒兩間都收到Offer，女兒成績b1A，英文比較好，性格活潑好動，之前讀ib小學
港同 
作者: gervase 時間: 21-3-18 00:24
如果小朋友係女仔, 唔捨得咁細個比佢住宿舍, 點都應該畀佢去港同, 就算SSC有ib都係咁話
作者: JojoDad 時間: 21-3-18 10:27
回覆 gervase 的帖子
我係個傳統的daddy, 女仔我會prefer elegance 啲赤提，因為始終有歷史啲。而且有歷史的中學校友會脈絡好好多，將來會好有幫助，這點不說港同不好，但始終學校約30年光景，校友會人脈成就未夠赤提。所以如果撇除交通問題，我會選赤提。但交通的確係個問題。
作者: kwunpa 時間: 21-3-19 00:32
回覆 JojoDad 的帖子
港同應該 20年左右。赤提多富豪校友，校友籌款港同一定無得比。
作者: kwunpa 時間: 21-3-19 05:38
呢兩間我都中意，學術成績亦不相伯仲，確實難揀。
港同優勢
1 學費較平
2 交通方便
3 學生對學校好有歸屬感
4 英文語境好
赤提優勢
1 高中有IB（好重要）
2 有宿舍
3 校園無敵
4 有歷史，傳統名校，校友網絡好
5 有全職留學顧問協助學生海外升學（好多人忽略此點），港同係老師兼任
另外是一間有宗教，一間無宗教。
作者: poonseelai 時間: 21-3-19 06:42
kwunpa 發表於 21-3-19 05:38
呢兩間我都中意，學術成績亦不相伯仲，確實難揀。
港同優勢
1 學費較平
點解有ib係好重要？
作者: tpmon 時間: 21-3-19 08:48
Gaigaiho 發表於 21-3-17 18:14
十分感激咁多位意見，其實本人都係偏向港同，因為又唔捨得個女住宿舍，唔住宿舍交通又真係應付唔黎，其實大 ...
2間都是港島南區，你會否搬屋就囡囡返學?
作者: tpmon 時間: 21-3-19 08:52
poonseelai 發表於 21-3-19 06:42
點解有ib係好重要？
IB 不是間間直資中學有得讀，這是一項賣點。如家長想孩子讀IB，這點當然重要。
今年入讀港同書院，仍未有得讀lB。
作者: 靜靜媽 時間: 21-3-19 09:34
b3410 發表於 21-3-17 15:34
唔知你哋將來打算讀IB還是DSE？
如果DSE，中文程度如何？
之前讀IB小學，如果中文冇另外加強，讀DSE課程會好難。
比較DSE成績，港同明顯超越赤提。
作者: kwunpa 時間: 21-3-19 10:40
poonseelai 發表於 21-3-19 06:42
點解有ib係好重要？
作者: kwunpa 時間: 21-3-19 10:42
靜靜媽 發表於 21-3-19 09:34
講中關鍵問題：中文程度。
之前讀IB小學，如果中文冇另外加強，讀DSE課程會好難。
作者: Childhoodpapa 時間: 21-3-19 11:46
本帖最後由 Childhoodpapa 於 21-3-19 14:03 編輯
回覆 kwunpa 的帖子
從SSC 網頁睇， HKDSE - Core subjects at 3322 or better 係 95％，這絕對是一個卓越的成績。只是SSC 沒有太多資料公佈，所以一般也不太清楚
。
很多B1學校，也未必有這個成績
作者: phinarto 時間: 21-3-19 15:18
Gaigaiho 發表於 21-3-17 18:14
十分感激咁多位意見，其實本人都係偏向港同，因為又唔捨得個女住宿舍，唔住宿舍交通又真係應付唔黎，其實大 ...
作者: poonseelai 時間: 21-3-19 15:20
kwunpa 發表於 21-3-19 10:42
請問你有赤提 DSE 數據？
2019-20 school report
圖片附件: 16161384191748128160192548146474.jpg (21-3-19 15:20, 154.64 KB) / 下載次數 4
/forum.php?mod=attachment&aid=MzU4MDU5fDYxZjMwMWJmfDE3MTY5MzEwNDl8MA%3D%3D
作者: poonseelai 時間: 21-3-19 15:21
kwunpa 發表於 21-3-19 10:40
嗯……因為……DSE 本來就好好，尤其是中文科，而舊年開始改革得更好……你懂的 ...
唔懂呀
作者: poonseelai 時間: 21-3-19 15:22
tpmon 發表於 21-3-19 08:52
IB 不是間間直資中學有得讀，這是一項賣點。如家長想孩子讀IB，這點當然重要。
今年入讀港同書院，仍未有 ...
好奇什麼類型學生會考 ib Eng B SL
圖片附件: 16161385724967116443255880819527.jpg (21-3-19 15:22, 137.42 KB) / 下載次數 2
/forum.php?mod=attachment&aid=MzU4MDYwfGQwNTFlNTY5fDE3MTY5MzEwNDl8MA%3D%3D
作者: Childhoodpapa 時間: 21-3-19 17:27
本帖最後由 Childhoodpapa 於 21-3-19 22:05 編輯
回覆 poonseelai 的帖子
這只是DSE 2級或以上比率，核心科目平均有98.95％ ，已經非常之高！
但很多家長喜歡用4+ / 5+ 來比較，而SSC 沒有公怖，所以很難確實地比較！
以3322論，SSC 95% 港同 78.3%
作者: kwunpa 時間: 21-3-19 21:58
poonseelai 發表於 21-3-19 15:20
2019-20 school report
作者: mcl203 時間: 21-3-20 01:52
Childhoodpapa 發表於 21-3-19 17:27
回覆 poonseelai 的帖子
這只是DSE 2級或以上比率，核心科目平均有98.95％ ，已經非常之高！
都要留意一下，港同332233係71.3%，即係介乎3322和332233少咗7%～～～
作者: cafeva 時間: 21-3-20 08:07
原來港同3322咁低
作者: poonseelai 時間: 21-3-20 08:34
kwunpa 發表於 21-3-19 21:58
謝謝。不過對港同赤提呢類水平的學校， 2222率參考意義不大。最好睇5＋％及入大學情況。
...
赤提 school report 有列出入大學情況，有興趣去睇下
作者: bobbob 時間: 21-3-20 11:24
靜靜媽 發表於 21-3-19 09:34
講中關鍵問題：中文程度。
之前讀IB小學，如果中文冇另外加強，讀DSE課程會好難。
作者: bobbob 時間: 21-3-20 11:26
Childhoodpapa 發表於 21-3-19 17:27
回覆 poonseelai 的帖子
這只是DSE 2級或以上比率，核心科目平均有98.95％ ，已經非常之高！
作者: cafeva 時間: 21-3-20 11:26
kwunpa 發表於 21-3-19 05:38
呢兩間我都中意，學術成績亦不相伯仲，確實難揀。
港同優勢
1 學費較平
作者: Poyau 時間: 21-3-20 11:32
kwunpa 發表於 21-3-19 21:58
謝謝。不過對港同赤提呢類水平的學校， 2222率參考意義不大。最好睇5＋％及入大學情況。
...
赤提2020年88%升讀本地/海外學位
畢業生出路 (p.21)
本地學位 69 (56.6%)
海外學位 38 (31.1%)
本地其他課程 11 (9.0%)
海外其他課程 3 (2.5%)
重讀/自修 1 (0.8%)
總數: 122人 (100%)
Important Documents
https://www.ssc.edu.hk/en/site/view?name=Download+Area
School Report 2019-2020
https://www.ssc.edu.hk/uploads/files/Download%20Area/School%20Report%202019-20(v.2).pdf
作者: kwunpa 時間: 21-3-20 17:19
bobbob 發表於 21-3-20 11:26
再上一年ssc有話過所有subject level 5+ around 40%，以ek standard計已經接近1a
我所知過去幾年 英文5＋係＞40％，如果整體5＋都有40％，就唔止 1A, 應該係接近1AA(全港頭20位）水平。
作者: kwunpa 時間: 21-3-20 17:50
本帖最後由 kwunpa 於 21-3-20 17:54 編輯
cafeva 發表於 21-3-20 11:26
港同英文語境好嗎？
應該係 local school 中最好頭幾間之一。
佢比其他學校多 native speaker 老師，而且唔止教英文科，其他老師的英文口語水平都比較好，可能因為學校歷史短，唔似其他學校有一班英文講得較差的老油條老師。學生普遍口語水準亦十分高。
DSE 英文科成績男女校黎講係全港頭3位，SPCC 最好，之後就係港同同赤提（兩間差不多，5＋都係接近50％），其餘接近或超過50％都係純男校或女校。
作者: Poyau 時間: 21-3-20 17:59
kwunpa 發表於 21-3-20 17:19
我所知過去幾年 英文5＋係＞40％，如果整體5＋都有40％，就唔止 1A, 應該係接近1AA(全港頭20位）水平。
...
赤提2019年校務報告寫5+近40%
Important Documents
https://www.ssc.edu.hk/en/site/view?name=Download+Area
School Report 2018-2019 (p.9)
https://www.ssc.edu.hk/uploads/files/School%20Report%202018-19%20%28R1%29.pdf
"Among the 72 students who sat the HKDSE, 90% have received Bachelor degree offers with close to 40% of the subject entries awarded Level 5 or above."
作者: chanshadow 時間: 21-3-20 18:27
本帖最後由 chanshadow 於 21-3-20 19:07 編輯
【名校偷拍醜聞】聖士提反七人設四鏡頭偷拍 外洩雲端片段遭揭發
https://www.hk01.com/%E7%A4%BE%E ... D%E6%8F%AD%E7%99%BC
作者: chanshadow 時間: 21-3-20 18:38
我有朋友子女讀聖士提反, 近年成績下降, 開IB遮醜, 但IB 同DSE 成績都比預期差, 最後主要靠好多家長有錢送晒去外國讀D二三流大學. 而且學生D德行每下愈況, 上文偷拍事件係一例證, 如果你個係女, 仲比佢去寄宿, 你怕唔怕好快做亞婆
另外港同成績同赤聖比可見下榜, 可信度極高:
https://dse.bigexam.hk/zh-hk/ssp ... rder=band&asc=0
作者: joycechanwy 時間: 21-3-20 19:00
kwunpa 發表於 21-3-20 17:19
我所知過去幾年 英文5＋係＞40％，如果整體5＋都有40％，就唔止 1A, 應該係接近1AA(全港頭20位）水平。
...
作者: chanshadow 時間: 21-3-20 19:05
港同早已榮升南區成績No.1, 10幾年歷史咁短已經去到全港頭30名, 曾經仲上過頭20內, 好多傳統名校都被比下去. 佢地雖然未開國際課程, 但有不少畢業生用DSE都入到劍橋, 牛津, Imperial, 反觀赤聖就算有IB, 又唔覺入過d咩英美嘅 top U. 赤聖成績仲越嚟越差, 就嚟跌出全港頭100
作者: chanshadow 時間: 21-3-20 19:14
本帖最後由 chanshadow 於 21-3-20 19:15 編輯
回覆 joycechanwy 的帖子
港同最新一年成績, D 5+ %好勁:
https://www.hkugac.edu.hk/f/news/650/1820/HKDSE_2020_v2.pdf
而且出完狀元後成日有榜眼, 舊年又有兩名:
【DSE2020】港大同學會書院誕2名DSE榜眼 男榜眼看報章專欄學英文或棄讀醫
https://topick.hket.com/article/2703039/%E3%80%90DSE2020%E3%80%91%E6%B8%AF%E5%A4%A7%E5%90%8C%E5%AD%B8%E6%9C%83%E6%9B%B8%E9%99%A2%E8%AA%952%E5%90%8DDSE%E6%A6%9C%E7%9C%BC%E3%80%80%E7%94%B7%E6%A6%9C%E7%9C%BC%E7%9C%8B%E5%A0%B1%E7%AB%A0%E5%B0%88%E6%AC%84%E5%AD%B8%E8%8B%B1%E6%96%87%E6%88%96%E6%A3%84%E8%AE%80%E9%86%AB
作者: Babyarsene 時間: 21-3-20 20:06
chanshadow 發表於 21-3-20 18:38
我有朋友子女讀聖士提反, 近年成績下降, 開IB遮醜, 但IB 同DSE 成績都比預期差, 最後主要靠好多家長有錢送 ...
呢啲我有個朋友咩咩咩，好多時喺出offer時會出現，仲要冇得fc (emoji)
作者: kwunpa 時間: 21-3-20 20:07
本帖最後由 kwunpa 於 21-3-21 11:51 編輯
如果比學生成績，intake 肯定港同好，升中時考過兩間都知，港同收生成績要求高，絕大部分係 b1a, 聖提就大部分 b1a-b1b, 少部份 b1c-b2a。
至於公開試成績， SSC 有IB, 好難比。 DSE 方面，SSC 無公開 4+,5+%, 港同就好透明。我知過去幾年 SSC 英文科5＋ ＞40％， 同港同差不多，英文科應該打平手。有網友話 SSC 舊年整體 5＋都有 40％，如果係真，呢個係b1aa水平，全港頭20以內，跟港同差不多。
入大學率方面，SSC 過去兩年畢業生有 degree offer ~90%，包括香港及海外大學，呢個比率屬 b1a 級別。印象中，港同畢業生如果留學，絕大部分去英國，SSC 雖然都係大部分人去英國，但多d 人去美國及其他國家。
尖子方面，一般人以入醫科數量做指標。SSC 舊年有 5個人入醫科（3 HKU, 2CU）。曾肇添DSE成績公認係全港十大，但舊年入醫科都係得 4個（1 HKU, 3CU）。港同我唔知，有無網友供料？
作者: mcl203 時間: 21-3-20 20:33
SSC歷史都係放洋率高嘅學校，教學模式亦比較西化，收生取向亦有少許分別，不可能去直接比較HKUGA吧～～～
作者: Poyau 時間: 21-3-20 20:45
kwunpa 發表於 21-3-20 20:07
如果比學生成績，intake 肯定港同好，升中時考過兩間都知，港同收生成績要求高，絕大部分係 b1a, 聖提就大 ...
港同2020年港大醫科3個取錄 中大無
https://www.hkugac.edu.hk/f/news/651/1834/JUPAS_2020_v2.pdf
作者: kwunpa 時間: 21-3-20 22:51
回覆 chanshadow 的帖子
無所謂啦！Big exam 排喇沙，男拔仲後過迦密主恩，旅港開平；前年就話培正全港第三。😂
可信度極高喔！🤭
作者: Childhoodpapa 時間: 21-3-20 23:14
本帖最後由 Childhoodpapa 於 21-3-24 18:03 編輯
chanshadow 發表於 [url=tel:21-3-20 18]21-3-20 18[/url]:
其實這單醜聞已經發生在幾年前，學校沒有掩藏或私下處理而交比警方跟進，明顯是單一事件，也不是持續發生，怎可以説 “ 每下愈況 “ 呢？
另外，坊間的學校排名，我相信現今嘅家長也不會100%相信，大多以DSE成績評估出來，更何況一些中學沒有公佈出來!
港同透明度高，可以評估為1B-1A，但SSC 只公佈2級或以上嘅成績，就憑這個2級成績可以評為1B ？ 我覺得係B1A添！
可以信以為真？ (其實我也想知 SSC 4+ 5+ 成績!)
作者: kwunpa 時間: 21-3-20 23:37
本帖最後由 kwunpa 於 21-3-21 00:40 編輯
chanshadow 發表於 21-3-20 19:05
港同早已榮升南區成績No.1, 10幾年歷史咁短已經去到全港頭30名, 曾經仲上過頭20內, 好多傳統名校都被比下去 ...
我一直都話港同係好野，不過南區第一就唔好攞出黎講，中西區就話姐🤭
你質疑 SSC IB 有無入過牛劍？嗱！我話你知，2017年SSC 第一屆IB畢業生已經有人入劍橋。
至於DSE 及會考年代，都有唔止一個入牛劍。
好多香港人以為最勁係牛劍，其實二次大戰後美國大學已經全面超越英國大學，無計，英國無錢，牛劍講師薪金都唔夠香港一個大學助教多，叻的英國學者都走去美國大學教，尤其是理工科。
知唔知而家外國最熱門科目係邊科？係電腦，尤其是 AI 有關，只係香港家長個個要仔女入醫科。而電腦系尤其是AI 研究，知唔知全世界最有名係邊間大學？係 Stanford ! SSC 2018年就有一個 DSE 畢業生入 咗Stanford 電腦系。你問我，我就答咗啦！咁容許我問返你，請問過去5年，有幾多港同畢業生入美國 top tier 大學電腦系？幾多入 Stanford ?
順便話埋你知，就算係英國，AI 研究最犀利的都唔係牛劍，係蘇格蘭的愛丁堡大學。對眼唔好只係識得睇牛劍，睇唔起其他大學，更加唔好睇唔起其他中學。
作者: bobbob 時間: 21-3-21 00:32
joycechanwy 發表於 21-3-20 19:00
想請教SSC DSE 5+的成績可以係邊度睇到？如果係5+有40%，咁即係同神校同級，咁SSC其實都好勁喎。 ...
作者: joycechanwy 時間: 21-3-21 07:27
bobbob 發表於 21-3-21 00:32
神校5+點止40%呀
想問問，SSC有沒有叩門的？因我之前沒有報，不過如果係佢DSE成績出眾，又有IB選，也可以比小朋友寄宿，我覺得都幾值得。
作者: cindychow80 時間: 21-3-21 09:53
joycechanwy 發表於 21-3-21 07:27
因為我見除了SPCC,其他神校5+都好似係四十幾%，如果SSC有40%,咁都好好。
想問問，SSC有沒有叩門的？因我之 ...
SSC我Reject咗，都內心糾結過幾日，我查唔到過往詳細成績係因素之一
作者: 王家爸爸 時間: 21-3-21 10:56
Poyau 發表於 21-3-17 12:37
港同DSE成績亮麗 地鐵可達
SSC有IB 成績幾好 另外有寄宿
如將來打算海外留學 亦可考慮
作者: 王家爸爸 時間: 21-3-21 11:00
joycechanwy 發表於 21-3-21 07:27
因為我見除了SPCC,其他神校5+都好似係四十幾%，如果SSC有40%,咁都好好。
想問問，SSC有沒有叩門的？因我之 ...
作者: mcl203 時間: 21-3-21 11:06
王家爸爸 發表於 21-3-21 11:00
SSC出國率高，所以其實唔可以直接比較。情況同傳統名校一樣，唔少叻人走去 Cardiff 之類既頂級 Sixth Form ...
準確捕捉！所以，中學會否放洋，我估係其中一個重點，英語適應性理應比港同高～～～
作者: Poyau 時間: 21-3-21 13:07
王家爸爸 發表於 21-3-21 10:56
SSC既DSE成績無咁亮麗，可能只係唔少人無讀到畢業。
SSC 放洋比例高應對成績有影響
中一收5班約200人
中六畢業12X人 流失率差不多4成
作者: lililibb 時間: 21-3-21 15:23
我都放棄左SSC
作者: 王家爸爸 時間: 21-3-22 09:10
mcl203 發表於 21-3-21 11:06
準確捕捉！所以，中學會否放洋，我估係其中一個重點，英語適應性理應比港同高～～～
...
作者: mcl203 時間: 21-3-22 09:24
王家爸爸 發表於 21-3-22 09:10
對，如果諗住中學會放洋，SSC應該係最好既選擇；如果唔諗住放洋，港同更適合。 ...
所以，硬要取SSC和MSS呢啲傳統又流失率高嘅中學，又唔太會係市場補返貨，係不可能直接比較同級嘅中學，都係睇返家長為子女追求嘅升學路如何。又不過，一定存在某些家長嘅偏向認為，讀唔掂要走囉～～～
作者: kwunpa 時間: 21-3-22 11:07
joycechanwy 發表於 21-3-21 07:27
因為我見除了SPCC,其他神校5+都好似係四十幾%，如果SSC有40%,咁都好好。
想問問，SSC有沒有叩門的？因我之 ...
SSC 以往有叩門的，到時留心學校網頁啦！
作者: JojoDad 時間: 21-3-22 11:20
chanshadow 發表於 21-3-20 19:05
港同早已榮升南區成績No.1, 10幾年歷史咁短已經去到全港頭30名, 曾經仲上過頭20內, 好多傳統名校都被比下去 ...
作者: PTL_L 時間: 21-3-22 11:39
本帖最後由 PTL_L 於 21-3-22 12:08 編輯
mcl203 發表於 21-3-22 09:24
所以，硬要取SSC和MSS呢啲傳統又流失率高嘅中學，又唔太會係市場補返貨，係不可能直接比較同級嘅中學，都 ...
Mss keep住每年差不多走3成幾人，「走」大部分指升讀海外學校。
作者: Childhoodpapa 時間: 21-3-22 11:49
王家爸爸 發表於 21-3-22 09:10
對，如果諗住中學會放洋，SSC應該係最好既選擇；如果唔諗住放洋，港同更適合。 ...
作者: cafeva 時間: 21-3-22 11:50
本帖最後由 cafeva 於 21-3-22 11:52 編輯
mcl203 發表於 21-3-22 09:24
所以，硬要取SSC和MSS呢啲傳統又流失率高嘅中學，又唔太會係市場補返貨，係不可能直接比較同級嘅中學，都 ...
做乜又提MSS? 都唔關事
作者: cafeva 時間: 21-3-22 11:51
Childhoodpapa 發表於 21-3-22 11:49
其實我已註冊 SSC, 亦沒有諗住會放洋。畢業生有degree offer ~90%，本地學位亦有～57%。這個比率亦不錯吖! ...
作者: missmasl 時間: 21-3-22 12:05
回覆 cafeva 的帖子
其實主要都要問一下小朋友喜歡那一間,另外每間都有支持者.... 
作者: PTL_L 時間: 21-3-22 12:08
cafeva 發表於 21-3-22 11:51
比我都會揀SSC.
作者: mcl203 時間: 21-3-22 12:09
cafeva 發表於 21-3-22 11:50
做乜又提MSS? 都唔關事
如雨雷同，實屬巧合～～～
作者: cafeva 時間: 21-3-22 12:19
本帖最後由 cafeva 於 21-3-22 12:23 編輯
PTL_L 發表於 21-3-22 12:08
我以為你會揀港同tim
教育既野... 我都係鍾意有返D'歷史'既學校.
學習模式又係另一考慮.
所以我好鍾意妳果間
作者: Childhoodpapa 時間: 21-3-22 12:25
JojoDad 發表於 21-3-22 11:20
唔係話港同唔好，的確是好校。可大家想想，收好苗子，種植落好養料，就好大機會有好收成，不單學校要有心， ...
作者: 靜靜媽 時間: 21-3-22 13:22
bobbob 發表於 21-3-20 11:24
點明顯超前法？
作者: Homesze 時間: 21-3-22 13:55
Childhoodpapa 發表於 21-3-22 11:49
其實我已註冊 SSC, 亦沒有諗住會放洋。畢業生有degree offer ~90%，本地學位亦有～57%。這個比率亦不錯吖! ...
本港5個M,3個L.英國5G除劍牛外3間都有。
還有北上的青華，复旦
不是太靚麗，但都頂住先拉！
我都系锦念 
作者: mcl203 時間: 21-3-22 14:33
PTL_L 發表於 21-3-22 11:39
Mss keep住每年差不多走3成幾人，「走」大部分指升讀海外學校。
其實我直覺，SSC同M係小學和中學都係好類似，強英弱中嘅輕鬆學校，中途都係走好多學生。所以，我都係揀SSC，輕鬆啲唔錯～～～
作者: 王家爸爸 時間: 21-3-22 15:32
cafeva 發表於 21-3-22 11:50
做乜又提MSS? 都唔關事
作者: 王家爸爸 時間: 21-3-22 15:35
Childhoodpapa 發表於 21-3-22 11:49
其實我已註冊 SSC, 亦沒有諗住會放洋。畢業生有degree offer ~90%，本地學位亦有～57%。這個比率亦不錯吖! ...
作者: 王家爸爸 時間: 21-3-22 16:42
Homesze 發表於 21-3-22 13:55
本港5個M,3個L.英國5G除劍牛外3間都有。
還有北上的青華，复旦
不是太靚麗，但都頂住先拉！
作者: Homesze 時間: 21-3-22 17:10
王家爸爸 發表於 21-3-22 16:42
呢個係睇DSE成績既情況，係會低估咗SSC既實力。問題係SSC唔少叻既會早走，唔會考DSE，所以其實唔可能淨係睇 ...
井底家長愿聞其祥！
作者: Jean1769 時間: 21-3-22 18:59
住宿舍大學都可住，所以不用為此揀SSC。SSC感覺較自由開放，睇下你想女兒在那類型環境中成長。如打算到外國升學咁SSC好d
作者: Lindytiger 時間: 21-3-22 22:47
幾年前SSC 同港同曾經係港同到攪過一次聯校Christmas ball, 結果發生咗啲風波；果次2間學校嘅老師應對方法，令我深深覺得傳統名校嘅氣度、大體，唔係一朝一夕可以得到嘅。明嘅就明，唔明嘅就由他吧！不再作補充。
作者: 王家爸爸 時間: 21-3-23 09:29
Lindytiger 發表於 21-3-22 22:47
幾年前SSC 同港同曾經係港同到攪過一次聯校Christmas ball, 結果發生咗啲風波；果次2間學校嘅老師應對方法 ...
作者: Lindytiger 時間: 21-3-23 09:32
王家爸爸 發表於 21-3-23 09:29
所以只此一次，張飛又唔講明。
Hahaha....yes yes
作者: 王家爸爸 時間: 21-3-23 09:34
Lindytiger 發表於 21-3-23 09:32
Hahaha....yes yes
作者: Lindytiger 時間: 21-3-23 12:16
王家爸爸 發表於 21-3-23 09:34
如果有下次，女仔最好問印佣借套裙，一定俾入。
Wakakaka........我係班學生，再攪嘅都唔會揀係港同禮堂攪啦，呢啲嘢一次就夠
作者: Charlotte_mom 時間: 21-3-23 12:35
Lindytiger 發表於 21-3-22 22:47
幾年前SSC 同港同曾經係港同到攪過一次聯校Christmas ball, 結果發生咗啲風波；果次2間學校嘅老師應對方法 ...
未住先，果單嘢我都知，「傳統名校嘅氣度、大體」呢part我有疑問
爆晒粗在網上鬧嘅似乎係.....
作者: Lindytiger 時間: 21-3-23 12:38
Charlotte_mom 發表於 21-3-23 12:35
未住先，果單嘢我都知，「傳統名校嘅氣度、大體」呢part我有疑問
爆晒粗在網上鬧嘅似乎係.....
...
爆粗2邊學生都有，我清楚因為2邊學生都識。但老師嘅處事手法就⋯⋯
作者: Charlotte_mom 時間: 21-3-23 13:10
Lindytiger 發表於 21-3-23 12:38
爆粗2邊學生都有，我清楚因為2邊學生都識。但老師嘅處事手法就⋯⋯
果位老師，係唔抵幫
唔駛賣關子，攤開講啦廢事大家睇唔明（本來我都唔提，但既然你提起...）
成件事，我知嘅來源嚟自fb某中學生群組（現已摺埋），同我個女
果1001年聖誕ball，兩校聯校在港同禮堂攪
當赤聖學生去到，港同某老師唔俾佢哋入場，原因話衣著太暴露（我女在現場，佢話係有deep v，裙短到只遮pat pat嘅）
學生當然唔高興啦，又唔早講！點即場買絲襪呀果度四野無人。於是最後不歡而散。公道講句，我女形容當時果位港同老師態度係好差，差到趕人走果款，今日果位老師仲喺港同教
暴唔暴露，大家自己衡量。有人話聖誕ball就緊係咁著㗎啦，於是就有「印傭服、修女服」一說。事實上，在無dress code情況下，港同生係無人著低胸超短，某程度上亦反映兩校學生選擇
事後，受影響學校學生在fb爆粗勁鬧。港同生有出聲，話今次係自己老師rude（我實話實說真係無偏幫），雙方學生會應一早溝通好之類，甚至有道歉，整體係得體feel (我唔會話港同生不嬲唔講粗口，但今次有份在fb嘅赤提學生係車輪轉瘋狂地勁鬧）
所以我conclude: 港同係有無禮嘅老師。
但就我所見，「傳統名校嘅氣度、大體」今次我真係睇唔到。可能你在你認識嘅學生身上睇到，但我呢方面就有不同體驗
以上內容只針對呢一次經驗。並非對赤提有任何意見。
預咗呢段嘢會好大反應，陳年舊事，老人家唔講都無人提了
作者: kwunpa 時間: 21-3-23 13:33
Charlotte_mom 發表於 21-3-23 13:10
果位老師，係唔抵幫
唔駛賣關子，攤開講啦廢事大家睇唔明（本來我都唔提，但既然你提起...）
成 ...
估唔到港同都有老師咁保守，我認識的港同係好開明自由，類近國際學校。
還記得早兩年去港同簡介會，見一女老師小腿有紋身，面積不小，清晰可見。我好奇學校能接受老師有紋身（其實而家呢個時代已經好平常，不過始終係學校老師，很多家長接受唔到），我係完全無所謂，而且欣賞學校開明包容，增加我對港同的好感，即刻幫阿仔報名。
作者: lailaie 時間: 21-3-23 14:25
Charlotte_mom 發表於 21-3-23 13:10
果位老師，係唔抵幫
唔駛賣關子，攤開講啦廢事大家睇唔明（本來我都唔提，但既然你提起...）
成 ...
其實兩間學校都各有棒場客, 各有優點和缺點, 有咩唔好, 在討論區可以清清楚楚, 和和氣氣咁分享比大家聽, 最怕就係扮神秘, 單單打打, 踩底別校, 抬高自己.
作者: Charlotte_mom 時間: 21-3-23 14:27
kwunpa 發表於 21-3-23 13:33
估唔到港同都有老師咁保守，我認識的港同係好開明自由，類近國際學校。
還記得早兩年去港同簡介會，見 ...
港同包容性係比一般本地中學大，「接近國際學校」我就認為未至於
作者: Charlotte_mom 時間: 21-3-23 14:32
lailaie 發表於 21-3-23 14:25
多謝版主講晒成件事出嚟, 大家可以自評, 心中有數.
其實兩間學校都各有棒場客, 各有優點和缺點, 有咩唔好, ...
多謝理解
我之前唔想提，因為知講親就會引來好大反應，件事都過咗咁耐而家都係靠傳，點都有不公道（我相信樓上jm係講緊佢見到嘅一面，我都係講緊見到嘅一面）
同意你建議，自評啦！要講嘅講晒再「分析」落去唔公道了
作者: kwunpa 時間: 21-3-23 14:42
衣著其實反映不同學校價值觀，上面所講去 Ball 衣著係國際學校係碎料，係local school 就係罪大惡極。
唔好話學生 Christmas ball, 我知有官津名校連校友會係學校禮堂搞 ball 都唔准（參加者全部係已畢業校友）。小弟讀書時，學校好保守，好多規矩，例如學校水運會係規定男生唔可以著三角形泳褲，只可著四方形孖煙囪泳褲。中學時代我覺得好壓抑，所以而家幫仔女搵學校都係揀一d 自由開明的學校。
| 歡迎光臨 教育王國 (/) |
Powered by Discuz! X1.5 |