教育王國
標題: 教育之路何去何從 [打印本頁]
作者: 妞妞寶媽 時間: 21-3-13 13:09 標題: 教育之路何去何從
大女讀紅磡津貼校小四，上次考試年級前20。覺得學校是填鴨式教育，而且課外活動不多。妹妹讀K1雙語券幼，弟弟2歲。老公月收入10萬，房貸2萬。沒其他資產，全靠自己。其實對香港學校不太了解。但是不喜歡填鴨教育，希望孩子可以全面發展，多些soft skills。
想給弟弟妹妹將來選擇活動教學的直私小學，從幼稚園開始就要砸錢私幼，好像經濟壓力太大，但是似乎咬咬牙也能負擔的起。如果選擇一路公校，那真的輕鬆很多，但是又不太喜歡公校填鴨教育。喜歡國際學校，經濟不允許不會考慮。
都說教育是最好的投資，我該怎麼給孩子規劃教育路線？想孩子能讀雙語活動教學的學校，有什麼小學可以推薦？港同，真道？
希望有經驗人士指點迷津。真誠討教！謝謝！
作者: PTL_L 時間: 21-3-13 13:47
本帖最後由 PTL_L 於 21-3-13 16:04 編輯
妞妞寶媽 發表於 21-3-13 13:09 
大女讀紅磡津貼校小四，上次考試年級前20。覺得學校是填鴨式教育，而且課外活動不多。妹妹讀K1雙語券幼，弟 ...
小小意見，首先你已經比好多人需要少考慮既一點-「經濟問題」。我家並沒有月入10萬，亦有房貸，但仍afford 到小朋友讀直私加學課外活動，所以唔知點解係會計到要「咬緊牙關」才負擔到。
另外，填鴨教育及傳統教育的迷思，個人認為（好個人意見）近來年青父母普遍教學程度愈來愈高，而教學模式亦愈來愈多選擇，引發到「傳統教育」與「新派教育」之爭，每每一班年青父母會大叫傳統或填鴨引致阻礙小朋友創意思維發展，但又如何得知近年興起的新興教育可以有效地發展創意產業或思維呢？就讀新興既學童，現在很多是求學階段。只是，一般人都覺得未接觸過就是最好的，即隔離飯香。利申，絕對冇貶低「新派教育」之意。
又，現今「傳統」二字不只代表教學模式，亦代表「成功的教學經驗、學生可多機會全面發展」但這類學校是不多，但不代沒有。當然，亦有好多是填鴨到不得了的傳統學校，但亦有與時俱進的傳統學校，所以並沒有絕對的好及絕對的差，反而是小朋友適合那一種？建議你先觀察清楚自己小朋友的特性（3個都可以不同），從而選擇合適的學校，並不是要迎合學校的模式，如小朋友就是需要填鴨去規範，難道你格硬要讓他讀新派學校，但又未能高度自律自主地學習？
作者: PTL_L 時間: 21-3-13 13:52
本帖最後由 PTL_L 於 21-3-13 14:31 編輯
妞妞寶媽 發表於 21-3-13 13:09
大女讀紅磡津貼校小四，上次考試年級前20。覺得學校是填鴨式教育，而且課外活動不多。妹妹讀K1雙語券幼，弟 ...
補充多少少，從來教育小朋友的主要責任是在父母身上，既然改變不了教育制度，那可選擇在家庭中給予「補給」如嫌學校傳統，那可外出參加一些可訓練小朋友思維的小組。
作者: lovebb2 時間: 21-3-13 14:00
妞妞寶媽 發表於 21-3-13 13:09
大女讀紅磡津貼校小四，上次考試年級前20。覺得學校是填鴨式教育，而且課外活動不多。妹妹讀K1雙語券幼，弟 ...
收入有10萬，我覺得足夠兩位小朋友讀國際學校。
作者: feifei_baby 時間: 21-3-13 14:00
PTL_L 發表於 21-3-13 13:52
補充多少少，從來教育的責任是在父母身上，既然改變不了教育制度，那可選擇在家庭中給予「補給」如嫌學校傳 ...
家庭教育責任在父母，唔同意教育全在父母，如果係咁，要間學校來做咩？返學只為同人social？只係而家教育太扭曲，家長被迫負上全責，但不代表是合理的。
作者: PTL_L 時間: 21-3-13 14:03
feifei_baby 發表於 21-3-13 14:00
家庭教育責任在父母，唔同意教育全在父母，如果係咁，要間學校來做咩？返學只為同人social？只係而家教育 ...
作者: 妞妞寶媽 時間: 21-3-13 14:06
PTL_L 發表於 21-3-13 13:52
補充多少少，從來教育的責任是在父母身上，既然改變不了教育制度，那可選擇在家庭中給予「補給」如嫌學校傳 ...
首先真是非常感謝您的長篇意見。我老公一路學霸，但是他說真正讓他受益終身的是在香港讀博這6年，training到他解決問題的思維能力，大學學的知識都忘啦。我也很認同思維的重要性。所以不希望孩子被教育成考試機器。可能自己從小就是考試沒任何特長和其他能力，所以很排斥這樣的體制。來香港定居也是為了香港國際化的教育，但是大女兒的政府學校有些讓我失望。請問，有哪些學校是兼顧學術和全面發展的？
作者: feifei_baby 時間: 21-3-13 14:09
PTL_L 發表於 21-3-13 14:03
亦引申另一情況，現今父母太喜歡將責任推向社會、學校。總之，自己不用負全責，小朋友是自己帶來世上，為何 ...
唔同意你講法，家長覺得學校有責任唔代表家長想不負責任，教育界咁鍾意吹「家校合作」，即係家校都有責任，唔係是但一方負全責。不過我都明白所謂「家校合作」實質係指「家長對學校合作」
作者: 妞妞寶媽 時間: 21-3-13 14:13
lovebb2 發表於 21-3-13 14:00
收入有10萬，我覺得足夠兩位小朋友讀國際學校。
老公金融行業，也不是鐵飯碗，我現在家庭主婦，我們自己在香港白手起家。三個孩子想著至少要四套房，當然可以去內地買，但是也是壓力好大啊。國際學校的話，那基本上就存不到錢買磚頭和投資啦。沒資產沒安全感啊！
作者: feifei_baby 時間: 21-3-13 14:14
妞妞寶媽 發表於 21-3-13 14:06
首先真是非常感謝您的長篇意見。我老公一路學霸，但是他說真正讓他受益終身的是在香港讀博這6年，training ...
我大女兒也是津校小四，學校也是填鴨，但其實家長自己教小朋友是可以「活」啲嘅，例如常識科，我也會就住課題，帶佢去唔到嘅香港古蹟、同佢做下實驗、講啲相關嘅有趣嘅故事，教佢將知識與生活結合，都係好嘅親子活動
作者: 妞妞寶媽 時間: 21-3-13 14:23
PTL_L 發表於 21-3-13 13:47
小小意見，首先你已經比好多人需要少考慮既一點-「經濟問題」。我家並沒有月入10萬，亦有房貸，但仍afford ...
小女兒性格古靈精怪，膽大social能力強，不怕生，應該不適合坐定定谷學術的學校。大女兒其實也是活潑外向，但是現在順從弱呆板，敏感臉皮薄，我現在覺得是不是傳統學校讓她變成這樣。我更欣賞靈活自信的孩子。
作者: 妞妞寶媽 時間: 21-3-13 14:25
feifei_baby 發表於 21-3-13 14:14
我大女兒也是津校小四，學校也是填鴨，但其實家長自己教小朋友是可以「活」啲嘅，例如常識科，我也會就住 ...
但是我更依賴於學校的教育，畢竟孩子長時間在學校學習，而且除了谷學術，其他我都不會教。
作者: PTL_L 時間: 21-3-13 14:28
本帖最後由 PTL_L 於 21-3-13 15:16 編輯
feifei_baby 發表於 21-3-13 14:09
唔同意你講法，家長覺得學校有責任唔代表家長想不負責任，教育界咁鍾意吹「家校合作」，即係家校都有責任 ...
只可以說，香港就是這樣，我們一是接受，一是離開，又想問，世界上各地，有那一個地方可以充分展現「家校合作」？另外，想再申明，可能剛才寫得比較不仔細，我的意思是「個人認為，唔可以只期望學校給予幾多？反而係家長給予幾多？」
作者: Charlotte_mom 時間: 21-3-13 14:58
姪女讀緊津校，佢媽有問我功課，我發現課程設計都幾有趣。事實上，無學校係100%傳統或100%活動。就算出晒名叫活動嘅港同，咪一樣要操數、默書、測考？這是係可避免的。樓上亦有jm分享常識科有出外活動，我姪女嘅學校英文科會用reader、續寫改寫故事、小組project 做present。
如果你唔鍾意現有津校教法，或想揀另一款俾細嘅仔女，其實可多留意其他官津教學法，然後試插班/考小一。始終一間學校，一級就得幾十人百幾人，有時入唔入到都要講緣份。官津vs直資亦唔係一刀切，每一間學校都係unique，要俾心機去留意至會發現佢嘅長處短處呀
作者: b3410 時間: 21-3-13 15:22
感覺你的情況可能比較適合揀輕松些的一條龍直資，學費比較相宜的幾間。
教學方法也比較靈活一些，沒有呈分壓力，小朋友成長發展空間，自由度也大一些。
其實官津校也有教學靈活，成績不錯的。不過，考插班好難，為了考插班，可能要大量填鴨操卷，有違你的本意。
三個小朋友畢竟負擔還是頗大，全部讀國際學校可能真係搞唔掂。
至於將來買幾層樓，可能諗的太早太多了。授人魚不如授人以漁，栽培好小朋友，更加適應未來社會，先係重點。
作者: PTL_L 時間: 21-3-13 15:39
妞妞寶媽 發表於 21-3-13 14:25
但是我更依賴於學校的教育，畢竟孩子長時間在學校學習，而且除了谷學術，其他我都不會教。
...
作者: 964000 時間: 21-3-13 15:49
妞妞寶媽 發表於 21-3-13 13:09
大女讀紅磡津貼校小四，上次考試年級前20。覺得學校是填鴨式教育，而且課外活動不多。妹妹讀K1雙語券幼，弟 ...
介紹你
培僑（大圍）
福建中學附屬小學
唔好被個名騙到，是直資一條龍英文小學加中學，資源豐富，活動教學，學費相宜，成績不錯，例如培僑學費才$2000+@月，會比港同易考一點。
津校，始終受政府制度限制，高小要呈分，升中又搞一次，你仲要搞三次。
作者: b3410 時間: 21-3-13 15:56
964000 發表於 21-3-13 15:49
介紹你
培僑（大圍）
福建中學附屬小學
作者: PTL_L 時間: 21-3-13 16:07
本帖最後由 PTL_L 於 21-3-13 20:03 編輯
妞妞寶媽 發表於 21-3-13 14:06
首先真是非常感謝您的長篇意見。我老公一路學霸，但是他說真正讓他受益終身的是在香港讀博這6年，training ...
如津校的話，有mcs,ls,mps,st joe,sppcs，其他諗唔到喇
請其他網友補充。
作者: lovebb2 時間: 21-3-13 16:22
妞妞寶媽 發表於 21-3-13 14:13
老公金融行業，也不是鐵飯碗，我現在家庭主婦，我們自己在香港白手起家。三個孩子想著至少要四套房，當然 ...
四套房，好貴，要1000萬以上 
作者: 964000 時間: 21-3-13 16:35
lovebb2 發表於 21-3-13 16:22
四套房，好貴，要1000萬以上
點止呀係首期都不夠
作者: b3410 時間: 21-3-13 16:39
PTL_L 發表於 21-3-13 16:07
如津校的話，有mcs,ls,mps,st joe,sppcs，其他諗唔到喇講網友補充。
我覺得通常如果官津校符合樓主要求，升中/DSE成績就未必太好，畢竟考試模式只適合填鴨，谷。
作者: 小曳人 時間: 21-3-13 16:41
呢個情況絕對常見於中產家庭，個人睇法係：家家重要，但學校亦有重要地位，就係學校行嘅方向，係咪家長想要嘅野，只有大家信念一樣，先可以學得開心
其實津校有比較活、比較少功課嘅，唔一定要讀老字號
直私一樣，只要家庭資源許可，多發展個人潛能同興趣，一樣條條大路通羅馬
作者: lovebb2 時間: 21-3-13 16:50
964000 發表於 21-3-13 16:35
點止呀係首期都不夠
那由教育問題 變了 置業問題 
作者: PTL_L 時間: 21-3-13 16:54
本帖最後由 PTL_L 於 21-3-13 16:55 編輯
b3410 發表於 21-3-13 16:39
都係名校而且大部分其實都好傳統喎。
我覺得通常如果官津校符合樓主要求，升中/DSE成績就未必太好，畢竟考 ...
呢個亦係我樓上提到，「傳統」唔代表全部都唔著重創意思維；「新派」亦要迎合考試模式。只是呢類傳統名校唔需要太著重業績，因為根基厚，所以起津校來說，比較多空間俾小朋友全面發展。
作者: 大波大 時間: 21-3-13 19:03
如果我家庭收入咁鬆動，我寧願唔買四套房磚頭，都要花多點錢比小朋友讀間好啲嘅學校。凡事都有取捨
作者: euniceyuyan 時間: 21-3-13 19:59
如果現在就想著買多三套房留給子女，那以月入十萬來看，確實壓力很大。那麼，免費的政府學校是最好的選擇。
作者: b3410 時間: 21-3-13 20:49
PTL_L 發表於 21-3-13 16:54
呢個亦係我樓上提到，「傳統」唔代表全部都唔著重創意思維；「新派」亦要迎合考試模式。只是呢類傳統名校 ...
作者: 妞妞寶媽 時間: 21-3-13 21:13
euniceyuyan 發表於 21-3-13 19:59
如果現在就想著買多三套房留給子女，那以月入十萬來看，確實壓力很大。那麼，免費的政府學校是最好的選擇。 ...
不一定在香港買，太貴啦。是想著有生之年給孩子留點資產。老公現在才工作6年，應該可以慢慢存錢，是有壓力，但是教育投資又等不及，所以選學校左搖右擺。
作者: 妞妞寶媽 時間: 21-3-13 21:20
大波大 發表於 21-3-13 19:03
如果我家庭收入咁鬆動，我寧願唔買四套房磚頭，都要花多點錢比小朋友讀間好啲嘅學校。凡事都有取捨
...
佩服你的魄力！嘗過沒錢的滋味所以更需要經濟上的安全感，去年才上車，捨得花錢需要一個過程
。我就覺得香港生活壓力大，花錢流水，雖然我已經很節約。
作者: 妞妞寶媽 時間: 21-3-13 21:24
Charlotte_mom 發表於 21-3-13 14:58
姪女讀緊津校，佢媽有問我功課，我發現課程設計都幾有趣。事實上，無學校係100%傳統或100%活動。就算出晒名 ...
所以我想給孩子找一個學術和全面發展兼顧的學校，一半一半吧。
作者: 妞妞寶媽 時間: 21-3-13 21:30
Charlotte_mom 發表於 21-3-13 14:58
姪女讀緊津校，佢媽有問我功課，我發現課程設計都幾有趣。事實上，無學校係100%傳統或100%活動。就算出晒名 ...
我在理工讀的master，我真的很欣賞present和小組研討，和我在內地受的教育不一樣。你姪女學校比我女兒學校要好，我就是嫌棄我女兒學校教育太過於死板。我需要一個有思維能力的孩子，而不是被動接受知識。
作者: 妞妞寶媽 時間: 21-3-13 21:35
Charlotte_mom 發表於 21-3-13 14:58
姪女讀緊津校，佢媽有問我功課，我發現課程設計都幾有趣。事實上，無學校係100%傳統或100%活動。就算出晒名 ...
你姪女學校比我女兒學校好。我就是嫌棄我女兒學校太過死板，常識考試都必須要按書上標準答案來，我懂，但我會答錯。希望孩子同時有思考能力，有social和present的能力。
作者: 妞妞寶媽 時間: 21-3-13 21:38
PTL_L 發表於 21-3-13 13:47
小小意見，首先你已經比好多人需要少考慮既一點-「經濟問題」。我家並沒有月入10萬，亦有房貸，但仍afford ...
因為有三個孩子，還想存錢買磚頭，所以覺得壓力大。
作者: 妞妞寶媽 時間: 21-3-13 21:49
964000 發表於 21-3-13 15:49
介紹你
培僑（大圍）
福建中學附屬小學
是啊，到時候大女兒升中，小女兒升小，想想我都覺得累。後面還跟著一個弟弟，生無可戀啦。如果一條龍直資那就很好啦。學費不貴，可以給多點錢培養孩子各方面興趣，在學術方面我是不傾向外補的。
作者: deco99 時間: 21-3-13 21:52
妞妞寶媽 發表於 21-3-13 21:30
我在理工讀的master，我真的很欣賞present和小組研討，和我在內地受的教育不一樣。你姪女學校比我女兒學校 ...
你需要自己研究一下香港的學校，本地學校間差別都好大。如果只鍾意present呢啲，只能讀國際學校。但適合大學生的教學方法都唔一定適合小學生，好多家長入到國際學校又覺得學術唔夠要補習，我就覺得咁搞好怪。你自己諗清楚，前面都有人講，津校都有活動型，但成績可能普通，你又接受嗎？新派直資相對比較平衡，但要考到都要裝備小朋友，你接受嗎？真係要自己諗清楚。我識朋友過去一年搬入大灣區讀國際學校，因為唔鍾意香港本地學校谷，又唔鍾意香港國際學校中文同理科淺，更唔鍾意成日停課無得返學，佢而家好開心。所以你要找到自己的目標，再去努力實現。
作者: areyouangry 時間: 21-3-13 22:35
睇完覺得都係新派活動教學一條龍直資學校比較符合你要求（如：培僑，王錦輝，聖瑪加利，港同⋯⋯），但要考入這些學校都係要經歷「填鴨式」操練過才有機會呀。是很矛盾，但是係事實⋯⋯
作者: 妞妞寶媽 時間: 21-3-13 23:20
areyouangry 發表於 21-3-13 22:35
睇完覺得都係新派活動教學一條龍直資學校比較符合你要求（如：培僑，王錦輝，聖瑪加利，港同⋯⋯），但要考 ...
其实我是需要選一個折中的教育路線，純填鴨不行，不填鴨也沒辦法玩這種升學遊戲。學術和全面發展都一半兼顧。謝謝推薦這些學校，先有目標才有戰略部署。
作者: tongyuen001 時間: 21-3-13 23:24
areyouangry 發表於 21-3-13 22:35
睇完覺得都係新派活動教學一條龍直資學校比較符合你要求（如：培僑，王錦輝，聖瑪加利，港同⋯⋯），但要考 ...
仲要唔一定收返細嘅, 播道第三個不用學費可以考慮下減輕經濟負擔。唔知其他學校係咪都係讀幾個第三個免學費。
其實我喺香港土生土長都要自己研究學校，我只係熟悉細個自己屋企附近嘅學校其他學校我根本一曉不通，樓主可蒐集下以上學校嘅資料睇吓啱唔啱你心水
作者: 妞妞寶媽 時間: 21-3-13 23:27
deco99 發表於 21-3-13 21:52
你需要自己研究一下香港的學校，本地學校間差別都好大。如果只鍾意present呢啲，只能讀國際學校。但適合大 ...
謝謝真誠的意見。確實我對學校不夠了解，只聽過名氣沒什麼實質性了解，所以才迷茫。國際讀不起，一般般公立也覺得對不起孩子，你們說的新派直資應該合適心中預期。所以選擇一個適合的學校，目標清晰，就可以砸錢努力啦。最怕的就是一頭霧水盲目焦慮。
作者: 妞妞寶媽 時間: 21-3-13 23:32
tongyuen001 發表於 21-3-13 23:24
仲要唔一定收返細嘅, 播道第三個不用學費可以考慮下減輕經濟負擔。唔知其他學校係咪都係讀幾個第三個免學 ...
研究學校真的第一步！本身來香港定居主要是為了孩子教育，不能稀裡糊塗的讀。
作者: 妞妞寶媽 時間: 21-3-13 23:34
areyouangry 發表於 21-3-13 22:35
睇完覺得都係新派活動教學一條龍直資學校比較符合你要求（如：培僑，王錦輝，聖瑪加利，港同⋯⋯），但要考 ...
請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零碎。
作者: areyouangry 時間: 21-3-14 00:23
妞妞寶媽 發表於 21-3-13 23:34
請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零 ...
沒有懶人包呀⋯⋯都是要靠自己從多方面渠道去了解，再將零散雜碎的信息進行歸納、分析總結⋯⋯這裏便是一個很好的渠道！
媽媽不要心急，放鬆心態才能理清思路。
作者: Vanadium 時間: 21-3-14 00:53
首先應沒有哪一種教育才絕對叫好，任何教育模式都有佢好處同唔好處，就算傳統模式都有佢優勢，否則西方教育家都不會反思為何亞洲學生在各國際測考中都有好成績，而香港現中上層成功既一班，又大多黎自傳統中小學，真係難以否定傳統係咪一定唔好。莫講打工高收入，好多富豪都仍讓子女留在傳統學校中讀書，所以傳統與否應只係一個個人選擇，傳統教育仍有市場。
其次應無學校絕對係傳統還是啟發性，只係傾向邊邊多啲。再講子女性格特質較適合邊一種教育都好重要。
部份人以大學教育既經歷去判斷中小學應如何，其實係有啲危險，大學甚至研究院既模式，就算點成功，套入去中小學都可能係毒藥，始終係人生不同階段，就如叫個BB以探索模式去學習家居電器有咩危險，可能BB連長也長不大就意外死了。
若樓主相信較活動、啟發既教學模式對自己子女較有好處，又不想太花錢，可留意有非DSE課程之一條龍直資，如真道、王錦輝等，如果純考DSE，應好難跳出填鴨和操練既結果，本身DSE就係一個頗填鴨既課程。
但若無選擇，其實唔太覺得傳統課程一定差，只要平時家庭教育及活動，彌補學校之不足就可以了。
作者: 糯米米糍 時間: 21-3-14 00:54
要搵到真正適合小朋友嘅學校無捷徑，選校亦要取捨，無一間學校係完美。土生土長家長，我哋一樣花幾年時間做資料搜集，自己就由小朋友N班開始，K1時就陸續聽升小講座，小一簡介會等等，前前後後聽咗廿幾間，將每間學校特色做筆記。網上嘅資料固然零碎，要靠自己整合，有心了解嘅學校我會細睇學校網頁，多少都會包含有用資訊。
作者: b3410 時間: 21-3-14 09:00
妞妞寶媽 發表於 21-3-13 23:34
請問一般在哪些渠道可以了解各種學校的教學理念？是否需要買一本書系統全面了解？因為網上信息多爾雜，零 ...
第一步，了解個間學校中英文名，簡稱。其實大家日日講的學校，多人關注，通常都有自己的特色和過人之處。大概整理出一個清單，google一下地址交通學費，看看適不適合自己。
第二步，有了清單之後，就每一間仔細做功課。看看是不是自己想要的。還可以去每一間學校附近走走，看看，環境，出來的學生，是不是你喜歡的。順便帶小朋友一起，也問一問他們自己的喜好。也可以在學校門口影相，幫自己recall 學校大致如何，也可以將來放入申請表簡歷中
最後，明確了目標，就是最辛苦的部分，努力裝備小朋友，考入去。
作者: Soundervolt 時間: 21-3-14 10:00
PTL_L 發表於 21-3-13 15:39
我哋要教自己小朋友懂得「搵食」而唔係習慣被「餵食」。
正確
作者: b3410 時間: 21-3-14 10:17
續，既然你的大女兒已經在讀小學，轉學的話就要考插班，現在差不多是個間學校開始可以報名睇時候，可以去試試。
官津校我也不是很熟悉，不過直資來講，培僑，福建，王錦輝都可以考慮。私校，如果大女學術很強，也有不少特長，可以考慮去考女拔小，課程設計十分出色，一定符合你的需要。不過學費貴一些，當然相對國際學校，還是很相宜。
國際學校或者IB學校的話，其實也有不少選擇。例如很多中產家庭喜歡去考的蔡繼友，比較好的平衡了中文和IB。
另外YMCA港青那間學校，也不算貴，也是IB課程。還有宣道國際，也是多本地家庭，注重中文，又喜歡國際學校教法的一個選擇。
國際學校也不是貴的不可以考慮。
不過，選校是第一步，之後為了目標而努力，才是最重要的。你本人也屬於高學歷，全職媽媽，考學校有著數
作者: mooie 時間: 21-3-14 10:32
發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗........，個個都話想搵間Happy School，返學好似玩咁樣，冇乜功課，唔洗成日默書測驗，但係學生成績又好，又入到好中學好大學，世界上有呢啲學校嗎？我自己覺得，從來想成功，都係要靠自己努力，傳統學校填鴨式教學又好，新派活動教學又好，都係要睇學生本身自己，每個人都有自己學習方式，冇話邊一種教學方法係絕對地好或唔好的，只可以講係適合同唔適合，但任何學校任何教學方法，都要學生自己努力，先會有好成績。
作者: 妞妞寶媽 時間: 21-3-14 11:10
糯米米糍 發表於 21-3-14 00:54
要搵到真正適合小朋友嘅學校無捷徑，選校亦要取捨，無一間學校係完美。土生土長家長，我哋一樣花幾年時間做 ...
我一直以為學校都應該差不多，所以都沒去了解。真是佩服你們，如此用心，我也要學習學習！
作者: 妞妞寶媽 時間: 21-3-14 11:14
b3410 發表於 21-3-14 10:17
續，既然你的大女兒已經在讀小學，轉學的話就要考插班，現在差不多是個間學校開始可以報名睇時候，可以去試 ...
謝謝建議
，我好好考慮一下。
作者: bugmum 時間: 21-3-14 11:15 標題: 回覆樓主:
也可以考慮找些功課輕鬆但升中成績還好的學校，自己外出參加興趣班。坊間大把培養創意思維，邏輯思維的興趣班，做得比中小學校更專業，又不受返學時數限制。
作者: 妞妞寶媽 時間: 21-3-14 11:18
mooie 發表於 21-3-14 10:32
發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗..... ...
這確實是一個矛盾之處啊！傳統和活動教學相結合就比較平衡啦。
作者: bugmum 時間: 21-3-14 11:23 標題: 回覆樓主:
返學時數咁有限，活動教學係好花時間的。而家半日學咪最好，下午可以去培養興趣和其他技能
作者: 妞妞寶媽 時間: 21-3-14 11:28
b3410 發表於 21-3-14 09:00
EK已經算是最全面，不過要有些耐心慢慢找需要的資料。善用search 功能。
第一步，了解個間學校中英文名，簡 ...
謝謝，
這幾天都在看EK呢。裝備第一步就得找一個名幼，真是開始瑟瑟發抖啦
。
作者: b3410 時間: 21-3-14 11:38
mooie 發表於 21-3-14 10:32
發現而家好多家長一聽到官/津校，即刻耍手零頭，話呢啲傳統學校教學模式死板，多功課多抄寫多默書測驗..... ...
作者: PTL_L 時間: 21-3-14 11:48
b3410 發表於 21-3-14 11:38
我個人唔buy happy school, 玩的太開心，之後點？不過學習也要講究效率，我唔怕辛苦，也喜歡學習，不過唔想 ...
作者: b3410 時間: 21-3-14 11:57
PTL_L 發表於 21-3-14 11:48
感覺又引申另一問題，究竟是裝備好入學校還是靠學校裝備？
作者: PTL_L 時間: 21-3-14 12:10
b3410 發表於 21-3-14 11:57
不矛盾。裝備好，其實裝備過程中，小朋友和家長的得著都唔少。考到，學校符合自己程度，教學方法，如虎添翼 ...
作者: lambeanmama 時間: 21-3-14 12:27
認同網友嘅分享，我覺得有三點很重要：
1. 學校不是二元分化咁簡單。多默測考不代表無創意；Happy School也不等於只玩而沒有學術根基。愉快學習絕對不是「玩得好開心」咁簡單的。考小個陣，千萬別在見家長個時講「希望小朋友輕鬆成長」；因為那代表你對活動教學/學校認知不足。學嘅野從來無少過慢過傳統學校；不過學習的方式/評估的方法不一樣罷了。
2. 多認識學校，不要只靠網絡評論分享。最理想是認識不同學校的家長；了解他們的學習模式和生活，第一身真人分享最好。
3. 天下沒有免費午餐；讀DSE, 讀IB, 讀ALevel; 不努力也不會成功。清楚了解自己想行的教育路，努力陪伴小朋友堅持下去便是了。
作者: 糯米米糍 時間: 21-3-14 12:41
lambeanmama 發表於 21-3-14 12:27
認同網友嘅分享，我覺得有三點很重要：
1. 學校不是二元分化咁簡單。多默測考不代表無創意；Happy School也 ...
作者: sillything 時間: 21-3-14 13:05
b3410 發表於 21-3-14 10:17
續，既然你的大女兒已經在讀小學，轉學的話就要考插班，現在差不多是個間學校開始可以報名睇時候，可以去試 ...
YMCA唔係IB架
作者: Cliokohonda 時間: 21-3-14 13:16
樓主係咪福建人？
作者: b3410 時間: 21-3-14 13:59
sillything 發表於 21-3-14 13:05
YMCA唔係IB架
應該屬於IGCSE and DSE, 對嗎？
作者: sillything 時間: 21-3-14 14:01
b3410 發表於 21-3-14 13:59
多謝提醒，我自己搞錯，一直以為係。
應該屬於IGCSE and DSE, 對嗎？
YMCA of Hong Kong Christian College 係,但SWCS YMCA of Hong Kong Christian School 唔係
作者: 妞妞寶媽 時間: 21-3-14 15:17
Cliokohonda 發表於 21-3-14 13:16
樓主係咪福建人？
不是啊，湖北人啊。
作者: 妞妞寶媽 時間: 21-3-14 15:18
糯米米糍 發表於 21-3-14 12:41
認同，尤其第一點，好多家長label咗所謂happy school就等於只玩唔學，甚至學術太淺云云，其實只係學習方式 ...
哪些學校是這樣的？好想知啊。
作者: licpd 時間: 21-3-14 18:23
妞妞寶媽 發表於 21-3-13 21:24
所以我想給孩子找一個學術和全面發展兼顧的學校，一半一半吧。
作者: Ericci 時間: 21-3-14 18:55
我個人就好BUY活動教學..活動教學唔係只玩唔學..而係從中得到興趣再學習..一個小朋友中意返學係好重要..學起野上黎都事半功倍....如果你個小朋友好靜..受谷..家長高度配合..傳統學校很適合
作者: deco99 時間: 21-3-14 19:21
妞妞寶媽 發表於 21-3-14 15:18
哪些學校是這樣的？好想知啊。
置頂就有post那間直資私立係真正活動教學，你爬下文啦。我都係揀呢啲學校，首選龍校，蔡繼有培僑王錦輝真道優才港同福小st Margaret播道英華等等，但好多人都想入，邊間都唔係好易。無龍嘅小學都有，但始終有升中壓力，好難平衡。
作者: mrs.3845 時間: 21-3-15 10:43
妞妞寶媽 發表於 21-3-13 14:06
首先真是非常感謝您的長篇意見。我老公一路學霸，但是他說真正讓他受益終身的是在香港讀博這6年，training ...
我小朋友讀traditional嘅私立幼稚園，細細個就有評估（考試），要寫字，要讀書，但學校教得好好，回家自己做功課，我下班回家也會和他互動，例如課本教甚麼，我就和他實地考察甚麼！如果去不到的地方我也會在YouTube搜尋釀他有所體會！ 學校多是學術但你也可以協調學習方式！加油！將來我也打算釀小朋友讀traditional學校打好底子
作者: jli008 時間: 21-3-15 10:55
提示: 作者被禁止或刪除 內容自動屏蔽
作者: 妞妞寶媽 時間: 21-3-15 14:11
香港快節奏競爭大，周圍朋友在努力雞娃，我也很焦慮。即使月收入好像很高，但是還是覺得沒安全感，窮人一個。學校選擇很多，所以才挑花了眼。三個孩子不說錢，就是精力也跟不上，輔導作業真是太辛苦。我還是期望學校為我多分擔些。
好的學校競爭太大，需要付出努力和金錢。我不是怪獸家長但也不是佛系家長，自己能力所及範圍給孩子最好的。你的心態真的好好！我就是那種睡不安穩覺的媽媽。
作者: Soundervolt 時間: 21-3-15 16:03
妞妞寶媽 發表於 21-3-15 14:11
香港快節奏競爭大，周圍朋友在努力雞娃，我也很焦慮。即使月收入好像很高，但是還是覺得沒安全感，窮人一個 ...
本帖最後由 Soundervolt 於 21-3-15 16:05 編輯
不少父母對兒女在教育上除了資源、找一間好學校、輔導功課溫習等等之外，更重要是如何令子女擁有面對學習多方面能力，正確態度、價值觀等特質，始終學習是靠子女本身，擁有這些條件、無論任何學校，任何學制，對子女往後學業路途上都變得得心應手。
作者: titma 時間: 21-3-15 17:11
回覆 妞妞寶媽 的帖子
樓主，我冇睇太多其他jm留言，認真講，你又要馬兒好又要馬兒不吃草，香港似乎未能滿足你。有冇考慮過上大灣區生活，3個小朋友讀國際學校，未尚不可。
作者: b3410 時間: 21-3-15 17:29
妞妞寶媽 發表於 21-3-15 14:11
香港快節奏競爭大，周圍朋友在努力雞娃，我也很焦慮。即使月收入好像很高，但是還是覺得沒安全感，窮人一個 ...
所以和先生要有分工，而且大家一起商量，釐清家庭priority list, 資金方面如何分配，孩子教育何去何從，家庭分工，短期目標，中期，長期目標等等。有時兩個人一起商量過，互相補充意見，會清晰好多。有時爸爸大安旨意，其實有佢的道理，可以解除你的焦慮。
小朋友大一些，也可以參加意見。
熱心網友會給出很多建議，方法，不過，最了解你自己家庭環境的，小朋友資質天份，價值取向的，都是你們自己。
教育小朋友，心急焦慮只有反效果，有大方向，再平時慢慢積累，基本不會出大問題。
選校方面，其實條條大路通羅馬。同內地朋友子女相比，香港的傳統學校再填鴨，填的力度和壓力程度，也好過內地大部分學校。
作者: areyouangry 時間: 21-3-15 17:53
睇睇吓覺得樓主你只係一味lash out你的不安和焦慮⋯⋯你讀到master，相信你有呢種理性嘅思維能力，不如冷靜下來，一點一點一步一步著力解決你面對嘅困境（雖然我不覺得是什麼困境）吧！
祝你早日為小孩找到合適的學校！
作者: deco99 時間: 21-3-15 18:20
titma 發表於 21-3-15 17:11
回覆 妞妞寶媽 的帖子
樓主，我冇睇太多其他jm留言，認真講，你又要馬兒好又要馬兒不吃草，香港似乎未能滿 ...
冇講笑啦，大灣區國際學校分分鐘貴過香港
作者: 993rs 時間: 21-3-15 19:04
deco99 發表於 21-3-15 18:20
冇講笑啦，大灣區國際學校分分鐘貴過香港
係貴好好好好好多 
作者: ar_mak 時間: 21-3-16 00:57
提示: 作者被禁止或刪除 內容自動屏蔽
作者: Fraser 時間: 21-3-16 09:10
回覆 妞妞寶媽 的帖子
路過......唔好諗住只係靠學校家長有更大角色去訓練小朋友D judgement 同思維的
作者: bugmum 時間: 21-3-16 09:25
Fraser 發表於 21-3-16 09:10
回覆 妞妞寶媽 的帖子
路過......唔好諗住只係靠學校家長有更大角色去訓練小朋友D judgement 同思維的
我都咁認為
作者: jli008 時間: 21-3-16 10:26
提示: 作者被禁止或刪除 內容自動屏蔽
作者: wg_ann 時間: 21-3-16 10:28 標題: 回覆樓主:
認同樓主所想，不要考慮國際學校，因為學費至少1萬一個月，3個小朋友至少3萬一個月，樓主現在已覺經濟壓力太大，再讀國際只會大大增加自己的經濟壓力。
新派的直資小學好多都係3千左右一個月，3個讀約一萬多，較合乎樓主的經濟狀況。
建議樓主先幫大女申請插班，假若成功亦會增加細果2個入讀的機會。
至於細果2個是否入讀名幼，名幼自有其過人之處，否則唔會咁多家長趨之若騖，比咁貴學費去讀，但要視乎自己的經濟能力及和學校的緣份。
作者: bugmum 時間: 21-3-16 12:06 標題: 回覆樓主：
本帖最後由 bugmum 於 21-3-16 12:54 編輯
升小五，除非是考一條龍，否則應該係谷定考中學？ 中學咁多直資，好好研究下應該揾到心水。
紅磡津小，冇級頭都唔洗唸插龍
作者: Cavebaby 時間: 21-3-16 13:27
香港majority都係填鴨式，如真心好討厭的話，就只有國際學校，那就好易揀。
錢不是大問題的話，都不用理會津校、直資、定私校，最重要係問下自己，「我家小朋友適合讀邊款學校」，因才施教才能發揮佢地的潛能，那用說是用甚麼模式去教，因為個個人都唔同，有人谷得、有人要活動、有人跳級，也有人逢二進一，最要邊個模式啱自己個小朋友。
我兩個小朋友由幼稚園起到小學，都在不同學校上課，一個九龍塘全傳統名校，一個新派學校，講廿一世紀要點裝備個小朋友。我自己都要學兩套。
作者: ddtt347 時間: 21-3-17 10:10
本帖最後由 ddtt347 於 21-3-17 10:12 編輯
月入十萬，自住樓外無其他資產，只有一個人賺錢，而且有三個小朋友，仲要為將來可能的留學、結婚、買樓儲首期……樓主都系從長計議為好。你老公有宜家的成就，當年傳統填鴨教育都功不可沒啦。
作者: Cliokohonda 時間: 21-3-17 13:35 標題: 回覆樓主:
樓主：究竟誰在鼓吹填鴨風氣？
作者: Cliokohonda 時間: 21-3-17 13:42 標題: 回覆樓主:
幼稚園補習
圖片附件: 16159597402638530816708017766109.jpg (21-3-17 13:42, 134.73 KB) / 下載次數 4
/forum.php?mod=attachment&aid=MzU4MDIzfGQ2NmU1MThifDE3MjczMDM0NTR8MA%3D%3D
作者: 妞妞寶媽 時間: 21-3-17 18:04
ddtt347 發表於 21-3-17 10:10
月入十萬，自住樓外無其他資產，只有一個人賺錢，而且有三個小朋友，仲要為將來可能的留學、結婚、買樓儲首 ...
是啊，三个孩子壓力大，所以不知道是否乾脆一路公立省錢省心，還是弟弟妹妹上直私路線培養。
作者: 妞妞寶媽 時間: 21-3-17 18:12
Cliokohonda 發表於 21-3-17 13:42
幼稚園補習
老母親有點走火入魔啊
作者: 993rs 時間: 21-3-17 19:00
Cliokohonda 發表於 21-3-17 13:42
幼稚園補習
其實又冇咩咁異類，反而幾坦白。
香港K升小，考cambridge、GAPSK、上面試班、上phonics/PTH... 有幾多唔「補習」？
作者: Cliokohonda 時間: 21-3-17 19:10
993rs 發表於 21-3-17 19:00
其實又冇咩咁異類，反而幾坦白。
香港K升小，考cambridge、GAPSK、上面試班、上phonics/PTH... 有幾多唔 ...
可能我比較下流，接觸不到幼稚園補習呢個主流。
作者: 993rs 時間: 21-3-17 19:28
Cliokohonda 發表於 21-3-17 19:10
可能我比較下流，接觸不到幼稚園補習呢個主流。
作者: Cliokohonda 時間: 21-3-17 19:36
993rs 發表於 21-3-17 19:28
主流定係非主流，都係個人自由選擇。人人條路都唔同行法， 最緊要互相尊重啫 ...
認真去思考樓主兩個post內容吧。
作者: Cliokohonda 時間: 21-3-17 19:40
Cliokohonda 發表於 21-3-17 19:36
認真去思考樓主兩個post內容吧。
樓主究竟徧向IS 定主流填鴨？ 報兩幼或是私幼加補習？
圖片附件: 16159812080274071376105787997471.jpg (21-3-17 19:40, 181.9 KB) / 下載次數 16
/forum.php?mod=attachment&aid=MzU4MDI0fDhlMGZmNzVhfDE3MjczMDM0NTR8MA%3D%3D
作者: b3410 時間: 21-3-17 20:19
Cliokohonda 發表於 21-3-17 19:40
樓主究竟徧向IS 定主流填鴨？ 報兩幼或是私幼加補習？
其實從樓主的教育心態，小朋友資質來講，可能讀主流傳統學校更加適合。如果讀輕松龍校或者國際學校，可能過幾年會更加焦慮。所謂填鴨，可能是對現在的小學的觀感，不過小朋友已經高小，插班會比較麻煩。不如專注如何搞好升中，揀返一間注重全人發展的中學。中學生活豐富好多，填鴨都填唔到幾多。
其實你小朋友多，也用了很多心血研究學校，升中經驗都好豐富。不如分享一下，如何分配時間，如何安排幾個子女的教育。
作者: 993rs 時間: 21-3-17 20:27
Cliokohonda 發表於 21-3-17 19:36
認真去思考樓主兩個post內容吧。
識就唔使喺度問。其實enquiry-based learning，就會有人問得刁鑽。
作者: Cliokohonda 時間: 21-3-17 21:09
b3410 發表於 21-3-17 20:19
樓主很坦白，也的確有些迷失。追求成績/名校，又擔心填鴨。覺得國際學校可能是解決方法，不過學費方面又難 ...
我發現七八十年代比較小學童自殺，所以努力回想自己童年不快遭遇，整合後套用在自己小孩身上，當年小學時期娘親只在乎成績表，9字頭就問有冇人滿分，8字頭就燶起塊面，7字頭就打鬧，6字趕出家門乞食。不過，娘親都唔係完全等收割，考試出得好深？功課唔識做？記住圈起聽日返學問先生！
小時没有一刻想過自殺，只係立志先要賺好多錢，然後做低班主任，再燒學校，最後隱姓埋名消遥法外享受餘下人生，當年三五知己山盟海誓計劃將來逃離家園復仇大計，長大後竟然開個whatsapp group 相约返小學探老師。。
CE , AL 係咪易過DSE , GCEAL , IB ?現今有一批仔女資優選校，一批Sen 揾關愛，我冇乜大期望，只求仔女雷劈都唔死，放學肯自動做功課，唔識要開口問人，只要態度正確，就算讀B3C學校也會老懷安慰。
作者: b3410 時間: 21-3-17 22:16
Cliokohonda 發表於 21-3-17 21:09
我發現七八十年代比較小學童自殺，所以努力回想自己童年不快遭遇，整合後套用在自己小孩身上，當年小學時 ...
心態超級好！難怪你幾個小朋友都發展的好好！
| 歡迎光臨 教育王國 (/) |
Powered by Discuz! X1.5 |