教育王國
標題: DEL [打印本頁]
作者: eveningmama 時間: 21-2-28 00:03 標題: DEL
本帖最後由 eveningmama 於 23-11-7 02:37 編輯
DEL post
作者: Babyfungmama 時間: 21-2-28 01:35
本帖最後由 Babyfungmama 於 21-2-28 01:36 編輯
全部直私學校都鐘意小朋友愛閱讀，你要陪養佢閱讀習慣，唔好俾咁多YouTube 佢睇，依家先k1，慢慢來，唔洗覺得大壓力，考小一只需要基本學術中英數就足夠，當然考到會話劍橋證書會更好，反而我覺得要提升小朋友自信心，多d鼓勵佢讚佢叻，帶佢認識多d朋友，出街買野叫佢幫手俾錢，或者可以報面試班，都會有幫助
作者: b3410 時間: 21-2-28 08:52
媽媽，你自己太焦慮了。每一個小朋友成長有自己的規律，順勢而為，好過催谷。幼稚園嘔心瀝血教出來的學術，無論小朋友資質如何，其實大部分去到小學，幾個月，甚至幾日已經掌握。
K1只不過3歲左右，玩為主，學習自理能力的階段。人哋媽咪鐘意如何如何plan佢自己事，勿忘初衷，相信自己。
另，感覺到其實你哋對於小朋友睇YouTube，意見相左，是否應該解決咗兩公婆之間的分歧先？
睇video, 一定吸引過睇書，不過，也不等於完全唔可以睇。適當的時間, 選擇適合的節目，寓教于樂，都幾好喎。
陪讀屬於親子時間，唔使有壓力，也不要太功利（例如希望通過陪讀識多幾個字），目的係在全家建立一個正面的信息 ： 一起睇書 = 快樂。
出面學各種興趣班，目的？ 如果目的係為了考直私，第一步就行錯，可能得不償失。興趣班其實是為了豐富小朋友生活和眼界，所以真係興趣為主，至於有冇用，幫唔幫到考小學，都係如果時間/金錢上有衝突，如何取捨的時候再考慮。
可能因為依家我自己小朋友都已經高小或者中學。睇返之前，小朋友幼稚園階段的焦慮，真係自己嚇自己。
作者: MrBeast 時間: 21-2-28 10:05
本帖最後由 MrBeast 於 21-2-28 10:09 編輯
回覆 eveningmama 的帖子
除非佢係音樂g優，k1 學樂器基本上是浪費時間和金錢。既然阻止唔到另一半比youtube, 咁不如順手推舟看英文cartoon, 不過我強烈建議在電視睇（冇咁傷眼）和限時。冇小朋友唔中意聽故事的，唔睇書你一樣可以講/讀佢聽，你在小朋友面前睇書佢自然會學佢（希望）
作者: tracer 時間: 21-2-28 10:20
我個人覺得，家長（或者我自己）有頗大部分嘅壓力係由「好想考直私」的思想而黎。
直私競爭大，變左要好早預備作戰。但要諗返，其實直私係咪唯一的路？考唔到又等唔等於小朋友將來讀唔成書，會失敗？
曾經有個媽媽在fb哭訴，佢囡囡入左津校小一，本身無咩，但佢出嚟同媽媽朋友傾計，先知朋友們的仔女都讀直私，佢就好後悔，覺得自己害左個女，無努力報直私。
我覺得直私有佢可取嘅地方，但考唔到都唔等於世界末日。唔洗搞到好似以上媽媽咁大壓力。官津一樣可以讀好書。
如果你話怕大抽獎碌去山旮旯學校，考個backup 來安心大抽獎，咁考二線尾或三線私，其實都達到目的（呢啲私唔難考，無需琴棋書畫/英文lock lock聲/講嘢成個KOL咁叻）。
考直私唔係一個終點，諗通左，放下，就自在。
例如小朋友怕羞，比佢出去玩下活動吧；玩完都仲係怕羞？咪由佢囉。有啲野試過了，努力過就好，唔好因為怕「怕羞好難考直私」而形成壓力，對全家都唔好過。
另外，壓力影響家庭關係同親子關係，而呢啲係反過來影響考直私，因為直私有啲in 家長，不良好的家庭關係在面試會顯露出黎，成為絆腳石，呢點要留意。
作者: Charlotte_mom 時間: 21-2-28 11:48
MrBeast 發表於 21-2-28 10:05 
回覆 eveningmama 的帖子
除非佢係音樂g優，k1 學樂器基本上是浪費時間和金錢。既然阻止唔到另一半比youtu ...
應該咁講，除非家長破釜沉舟式要k3時考到級+認受比賽有獎，否則「學樂器」在學校層面叩門作用不大
學語言重要好多，成日話伴讀伴讀伴讀。家長英文唔好不是藉口，土生土長英文點差都識睇幼稚園程度英文書呀。學好語言，無論熊唔為考小一，受益嘅都係自己
作者: PTL_L 時間: 21-2-28 11:48
本帖最後由 PTL_L 於 21-2-28 12:59 編輯
eveningmama 發表於 21-2-28 00:03
曾經我自己都係一個佛系媽媽 唔想做虎媽想小朋友開心童年
但慢慢身邊朋友 分享得多
今年K1媽媽 原來已經要t ...
認同網友所講，先要同另一半取共識，就是培育小朋友的方向及態度。訂立一啲睇電子產品既時間及規則，及培養恒常既親子閱讀時間（幼稚園階段最重要係培養「態度」，唔需要為達目標而達目標）一定要清晰俾另一半知道你既想法及憂慮，（即唔想好似你哋兩個咁讀唔成書），養育小朋友要有「拍檔」拍住，先可以事半功倍。
我自己當年同豬隊友約法三章，我晚上進修不在家期間，由隊友化身為「閱讀大使」或「伴讀小天使」，晚上在家小朋友未上床休息時，不會開電視，只會於規定時間睇卡通節目（全英節目）。假日到書局或圖書館打書釘，要堅持呀，一開始係悶，大人同小朋友都會立刻想離開，但久而久之，小朋友就會慢慢搵書睇，同時大人要繼續伴讀。係辛苦既，因為大人都係喜歡用電子產品多，但為咗小朋友將來，我覺得係值得。
作者: mcl203 時間: 21-2-28 11:54
MrBeast 發表於 21-2-28 10:05
回覆 eveningmama 的帖子
除非佢係音樂g優，k1 學樂器基本上是浪費時間和金錢。既然阻止唔到另一半比youtu ...
唔使一定要資優嘅，K1學樂器無問題吖，至於時間和價值觀，各家長可以有唔同嘅取向嘅～～～
作者: lambeanmama 時間: 21-2-28 12:44
其實一切壓力只源於「想讀直私」。有時，剔除呢個諗法，專注於教養方針便是了。讀咩學校，小朋友的閱讀能力和習慣都是重要的。加油。
作者: b3410 時間: 21-2-28 12:59
lambeanmama 發表於 21-2-28 12:44
其實一切壓力只源於「想讀直私」。有時，剔除呢個諗法，專注於教養方針便是了。讀咩學校，小朋友的閱讀能力 ...
作者: Kenji0105 時間: 21-2-28 15:05
考直私其實最難個間都係中英文讀五六行簡單句子，問下故事做緊乜，有睇開書唔難。
但我認同閱讀唔係重點放係考小，閱讀習慣係從小播下種子，靜待開花結果的過程。最重要嘅係：你相唔相信恆常閱讀習慣先係王道？
作者: cy372818 時間: 21-2-28 20:35
如果一心大抽獎，其實真係可以好佛系
作者: flones5 時間: 21-3-1 08:17
呢兩年因疫情差不多無返過學，在家時間真係多左，要認真考慮下點過呢d原本系學校度過的時間
無論讀什麼學校，如果沒有上學時間比上學時間多
個人覺得都要想辦法打好學習基礎
贊成可以看英語卡通之類，但是真的要控制時間
特別是太小的孩子，好可能長時間觀看會影響他們日後社交，也真的會變成不看書！
上興趣班如果可以寓學習於娛樂，似乎比看電視看you tube強。
作者: fibe0313 時間: 21-3-1 08:36 標題: 回覆樓主：
本帖最後由 fibe0313 於 21-3-1 08:40 編輯
我女k1下學期開始學Phonics, 鋼琴。K2上學期學埋英文，K2下學期學埋跳舞。但只係諗住報屋企樓下小學。
彈琴同跳舞佢自己想學。Phonics 同英文係我另外幫佢報，因為唔想佢小學跟得咁辛苦。同埋想佢可以同爸爸溝通多d. 爸爸唔識中文。
另外，中文我都有自己教佢認讀漢字500。
另外，疫情前係禁YouTube 的。現在沒法子。但我只放英文卡通/兒歌。時間定在晚飯後至睡覺前。日間她就玩玩具/閱讀/畫畫。
作者: wg_ann 時間: 21-3-1 09:19
lambeanmama 發表於 21-2-28 12:44
其實一切壓力只源於「想讀直私」。有時，剔除呢個諗法，專注於教養方針便是了。讀咩學校，小朋友的閱讀能力 ...
係，壓力一部分係家長自己俾自己，有d家長甚至覺得考不到直私就好似無書讀一樣...
作者: fwstides 時間: 21-3-1 10:16
wg_ann 發表於 21-3-1 09:19
係，壓力一部分係家長自己俾自己，有d家長甚至覺得考不到直私就好似無書讀一樣...
...
香港教育的壓力
正是家長參與太多
大家被迫一齊上戰場
作者: zaba 時間: 21-3-1 10:27
本帖最後由 zaba 於 21-3-1 10:29 編輯
回覆 eveningmama 的帖子
好明白你, 我囡都係K1
其實我哋最心儀既不是神校, 亦不是直私...
但我都好担心抽唔到要叩門既話唔知有冇能力.
呢年疫情, 我諗住喺屋企同佢每星期認少少字啦
每星期3-5個, 希望長遠落來可以"水滴石穿"
但過咗幾個月, 太耐冇返學, 佢拒絕再認... 我做媽媽超無奈 
好担心, 壓力好大.
我哋唯一壓力細啲既係, 佢好鍾意睇書
我哋由未夠 1 歲起就開始晚晚同佢睇書, 從不間斷
佢係會冇得睇書就爆喊嗰種人仔或者你可以試下台灣啲繪本, 佢哋插圖好靚, 故事性強, 拎咗佢既興趣返來先
學術既嘢, 稍後再算, 或者耳濡目染之下會自然學到好多呢.
大家都加油啊~ 
作者: 993rs 時間: 21-3-1 10:30
eveningmama 發表於 21-2-28 00:03
曾經我自己都係一個佛系媽媽 唔想做虎媽想小朋友開心童年
但慢慢身邊朋友 分享得多
今年K1媽媽 原來已經要t ...
首先要自己放鬆，K 已經係最輕鬆既階段，小學只會更嘔血，升中、入U 又另一個層次。
其次係接收訊息方面，最好過慮晒朋友、EK 那些 「XXX for sure 」、「XXX 根本不入流」既 message。你要知既應該係一d informative、學校既風格、校風之類既資料。
你 post 個 message，只有外界對小朋友升小要求d咩、小朋友有咩缺點。但你小朋友鐘意d先係最重要。個人認同 every child is good at something。不管小朋友學術能力如何，只要搵到佢興趣，佢總會系某d位做得好、做得叻。咁先搵到佢適合讀咩學校。
可以試下比 daddy 預備部份升小 applications。以前我都問我老婆駛唔駛報咁多，但參與部份applications後，我 handle 細仔升小報左2X間。當年d小學校長仍叫人唔好為小朋友報咁多間，我驚比人話怪獸都唔敢同人講。唔好將重點放系我報幾多間、有幾大壓力，而係親身玩過就知，原來身邊既都只係塘邊鶴。唔係話其他人唔夠 knowledgeable，而係一家唔知一家事。了解自己小朋友能力、興趣，家長了解什麼學校可以 cater 到佢需要先係最重要。
好似樂器，可以係你想小朋友學、更可以係小朋友自己想學，但唔好係因為其他人去學而學。
作者: lambeanmama 時間: 21-3-1 11:09
993rs 發表於 21-3-1 10:30
首先要自己放鬆，K 已經係最輕鬆既階段，小學只會更嘔血，升中、入U 又另一個層次。
其次係接收訊息方面 ...
作者: MrBeast 時間: 21-3-1 12:17
樂器可以唔學但phonics 必定要學，但但學唔一定要去興趣班亦唔須要太早學，k2/3都未遲
作者: jli008 時間: 21-3-1 17:00
提示: 作者被禁止或刪除 內容自動屏蔽
作者: b3410 時間: 21-3-1 17:30
MrBeast 發表於 21-3-1 12:17
樂器可以唔學但phonics 必定要學，但但學唔一定要去興趣班亦唔須要太早學，k2/3都未遲 ...
，我果d一係冇學，一係hea學
從來未真正掌握過。不過，佢哋英文都冇問題，唔覺得小學學習過程有困難，或者話，同其他學過的小朋友有分別。
作者: MrBeast 時間: 21-3-1 18:23
本帖最後由 MrBeast 於 21-3-1 18:53 編輯
b3410 發表於 21-3-1 17:30
phonics 都唔系必學，我果d一係冇學，一係hea學
從來未真正掌握過。不過，佢哋英文都冇問題，唔覺得 ...
英國本土學生都學，i rest my case.
ps 其實大部分人唔明個process, 以為上完速成班就運用到⋯，亦見過有些case, 練習做到但水過鴨背
pps 雖則冇話邊樣一定要學，若phonics 樂器只可二揀一，必定是前者
作者: peter1 時間: 21-3-1 23:00
MrBeast 發表於 21-3-1 18:23
英國本土學生都學，i rest my case.
ps 其實大部分人唔明個process, 以為上完速成班就運用到⋯，亦見過有 ...
如果唔係母語，識讀字都未必明白意思？
作者: MrBeast 時間: 21-3-2 07:11
peter1 發表於 21-3-1 23:00
會唔會正正係因為英文係母語至係必學？因為學完就識讀字以至明白意思。
如果唔係母語，識讀字都未必明白意 ...
作者: Wistaria 時間: 21-3-2 15:11 標題: 回覆樓主:
考直私和官津叩門不多不少，也注重學術。
但家長真的不用過多壓力，每個小朋友都有佢自己開花結果的時間表，不用拔苗助長，無需過份催谷。
個人認為幼兒階段，家長多陪伴，一起唱下歌跳下舞，閲讀，做下小手工，不一定要專業和學歷高，可上網/到圖書館揾下教材。
作者: Wistaria 時間: 21-3-2 15:24
eveningmama 發表於 21-2-28 00:03
曾經我自己都係一個佛系媽媽 唔想做虎媽想小朋友開心童年
但慢慢身邊朋友 分享得多
今年K1媽媽 原來已經要t ...
本帖最後由 Wistaria 於 21-3-2 15:24 編輯
如果youtube戒唔甩，唯有盡量叫其他人比有質素的佢睇，及限下時間。 上癮和壞了對眼睛，就麻煩。
我識有個家長女兒幼稚園已深近視，原來工人比佢任睇手機幾年。又識一位小一男孩，睇youtube成癮，不比佢睇，會發顛打人，大吵大鬧。
所以都係習慣小朋友有大人時陪睇好了，不要比部手機/I Pad任用。不過依家真係好多BB要睇住I Pad才肯擘大口及坐定定食飯，費解 
作者: Tang23 時間: 21-3-3 18:55
回覆 Wistaria 的帖子
我今年考小一，完全沒有學樂器，所謂嘅課外活動只是圍棋和畫畫，cheap 雞嘢也沒有學phonics but has Cambridge exam only
有幸有不少offer和final In, 其中也有比較神的
所以以我自己嘅經驗，課外活動樂器不是必要，但我們帶他去很多地方explore, 每天也有很多親子閲讀，相信也些幫助.
不過今天拍片學樂器可能有多少少題材去拍專長個part，而當我咩都無學，就諗唔到拍咩好
作者: lovelovebabe 時間: 21-3-3 21:48 標題: 回覆樓主:
我覺得小朋友返幼稚園，正常應該間間都係咁開心，不論谷定happy, 因為有一大班小朋友一齊學習，一齊玩，個人感覺，其實谷校都不是這麼可怕。
作者: 钧熹 時間: 21-3-3 22:37
一，教育一定要有共識！兩公婆傾下先得。
二，6歲以下不應睇電視，研究係會影響腦部智力發育。
三，你太緊張了，媽媽。放鬆心情，你焦慮，細路仔會感受到。
四，閱讀興趣係要培養，有時間多些高質量的親子陪伴。
作者: jennylady 時間: 21-3-4 08:48
回覆 MrBeast 的帖子
學習音樂可以鍛鍊毅力，習中力有興趣可以開始 學
我個仔都係k1開始學琴，今年k3
應該可以係幼稚園畢業前考到鋼琴三級 （四五月考）
他一定不是音樂資優
不過考琴對考小學係無幫助
作者: MrBeast 時間: 21-3-4 09:23
jennylady 發表於 21-3-4 08:48
回覆 MrBeast 的帖子
學習音樂可以鍛鍊毅力，習中力有興趣可以開始 學
作者: MrBeast 時間: 21-3-4 09:29
钧熹 發表於 21-3-3 22:37
一，教育一定要有共識！兩公婆傾下
二，6歲以下不應睇電視，研究係會影響腦部智力發育。
三，你太緊 ...
作者: MrBeast 時間: 21-3-4 09:34
ps, 我的意思是時間和金錢不是無限，父母要distinguish :
must have
should have
nice to have
作者: lambeanmama 時間: 21-3-4 09:49
MrBeast 發表於 21-3-4 09:34
ps, 我的意思是時間和金錢不是無限，父母要distinguish :
must have
作者: 8000 時間: 21-3-4 11:23
eveningmama 發表於 21-2-28 00:03
曾經我自己都係一個佛系媽媽 唔想做虎媽想小朋友開心童年
但慢慢身邊朋友 分享得多
今年K1媽媽 原來已經要t ...
不要擔心，只是K1，仲有時間，當年我的女兒也是K2下半年才開始部署，最後好幸運地入了神校。
作者: Wistaria 時間: 21-3-4 13:19
MrBeast 發表於 21-3-4 09:23
我不是against 樂器，子女有興趣talent 父母support 是好事，但好多時野都只是父母一相情願，和很多eca去到 ...
多年前曾認識一位上海老師(精通鋼琴，小提琴，大提琴)，她説六/七歲學，用心快上手，兩至四歲人仔學樂器有保留，但為賺你錢例外
作者: babejaiiiiii 時間: 21-3-4 15:26
佢本身性格好怕羞
應該點樣訓練呢方面好<- 多D同小朋友傾計，陪佢出去個陣都主動同下其他細路仔+媽媽交談，咁佢多數都會有樣學樣
作者: i_love_leibb 時間: 21-3-4 17:40
回覆 eveningmama 的帖子
好明白你既感受，我係今年考K1既媽媽
我老公對幼稚園、教養都唔太理
個女一話要睇電視就會心軟比佢睇
但我會不停同佢講睇得太多有咩唔好地方
我都會比呀女睇，但真係要限時間
同老公、姐姐講得清楚D
呀女一歲前因為請唔到姐姐我要靠我奶奶幫手湊
佢係唔會比我女睇書仔
(我買左都唔會比呀女睇，佢覺得咁細個點會識睇)
寧願睇電視或帶佢出街
結果到我地湊番呀女時佢係完全無興趣睇書
我都花左好多好多時間去改變佢
由完全唔望一眼到慢慢肯望下
由一頁到兩頁到成個故事....
雖然到而家佢都唔可以話鐘意睇書
但我相信努力伴讀係有用架~!
就算佢唔睇，我都係隔離讀下，希望佢點都有少少印象
我努力唔放棄，因為我覺得閱讀太重要喇
重要唔係因為考小，而係呢樣野係影響佢一生
我自己好鐘意睇書，因為書既世界好大
會令一個人既價值觀好唔同架!
每次聽到其他人點樣為小朋友安排補習、興趣班
我都會好怕係咪唔報咁多就唔得呢?
但最最最重要係要睇番自己小朋友性格去決定
我都有報畫畫班比呀女上
因為佢本身好坐唔定，我係屋企同佢試過玩好多唔同既野
發現佢最鐘意畫畫、做手工，只有畫畫時會坐定定
所以我試下報畫班比佢，訓練佢專注力
對學習好有幫助，而且重點係佢好開心好享受!
而家佢成日話想學芭蕾舞
我之後都會比佢試下
小朋友得幾歲人仔，唔知咩係有無用
我覺得比佢地由興趣開始學習建立自信、專注力係最好~~
大家一齊加油呀~!!!
作者: chriskaan 時間: 21-3-4 18:15
本帖最後由 chriskaan 於 21-3-4 18:19 編輯
不要太緊張 , 我以前由K1 開始已經安排晒不同的課外活動同延伸學習俾小朋友 , 但疫情期間停晒後 , 小朋友都將學過的都俾返晒老師 , 同無學過一樣
不過 , 可以俾小小建議你 , 興趣班唔一定要貴 , 你可以睇下屋企附近有無 YMCA 會所 , 興趣班d課程唔貴 , 可以俾小朋友咩都試下 , 例如 游泳 , 單車 , 足球 , 小演員 , 歷奇 , 畫畫....等等
(我講以上6樣我仔玩過5樣)
英文拼音係必學 , 但有平有貴 , 效果亦不一樣(我個人覺得 ABC 唔錯 , 但學費比較貴)
K1 黎講小朋友仲細 , 除非係天才 , 否則手肌未發展我好好 , 暫時亦唔多樂器可以學 , 可以返住 YIP'S d基礎班等小朋友對音樂有個認知先
作者: lovelovebabe 時間: 21-3-4 18:22 標題: 回覆樓主：
本帖最後由 lovelovebabe 於 21-3-4 18:24 編輯
其實真係唔駛將谷校呢件放到咁大，學校有佢嘅方法和系統去教小朋友的，當然家長也有責任去跟進，好好把握孩子學習的黃金期。就算揀唔谷嘅學校也冇所謂，最緊選擇適合小朋友和自己家庭嘅方向就好。
我只把其分類谷和不谷，覺得同happy school 與否沒有關係。谷也是可以happy的。
作者: 钧熹 時間: 21-3-4 20:21
回覆 MrBeast 的帖子
係啊，所以話要高質量的親子陪伴。都要放低電子產品，好好享受和細路仔在一起的時光。
作者: MrBeast 時間: 21-3-5 08:31
Wistaria 發表於 21-3-4 13:19
多年前曾認識一位上海老師(精通鋼琴，小提琴，大提琴)，她説六/七歲學，用心快上手，兩至四歲人仔學樂器有 ...
作者: b3410 時間: 21-3-5 08:58
MrBeast 發表於 21-3-5 08:31
又分享下個人經驗，唔知點解小朋友出世就好驚會浸死，兩歲多便捉小朋友去學游泳，一路都學唔到直至升小一前 ...
細女學游水快，三歲已經可以泳池距離自己游。心諗快d趁機去比賽拎個獎。結果好難得去到比賽，佢唔識聼指令，等好耐先開始游，只有第三名。
之後練習的少，而其他同學更加專注游水，就連比賽都入唔到圍了。
佢反而細個時朗誦咬字不清，比賽冇獎。不過大個之後，朗誦方面反而叻過家姐
所以每個小朋友資質唔同，都會有自己擅長的地方，而且隨著時間和興趣的轉變，所擅長的也會轉變。
家長順勢而為，去嘗試發現小朋友的特質加以栽培。
作者: MrBeast 時間: 21-3-5 09:13
b3410 發表於 21-3-5 08:58
都係嘅，每個小朋友成長有自己時間表，可能某一個範疇早過人。例如大女就係好快識講嘢，3歲去朗誦比賽，佢 ...
作者: Tang23 時間: 21-3-5 14:06
非常認同小朋友有皮長時間表好似學講嘢唔，唔係要個個月識多一個字先叫ok，到咗時間可以突然由零跳去1
所以我都無咩學過課外活動，運動4至5歲人仔好多都未玩到，樂器也是
幼兒教育，最重要都係建立良好習慣，正確態度，多探索世界
某程度上都可以反應係面試，特別係去到final 同老師對活部份
作者: Wistaria 時間: 21-3-7 14:20
MrBeast 發表於 21-3-5 08:31
又分享下個人經驗，唔知點解小朋友出世就好驚會浸死，兩歲多便捉小朋友去學游泳，一路都學唔到直至升小一前 ...
水魚
只是家長們愛比較/怕輸了在起跑線...
每個小朋友特質/性格/才能不一樣呢
作者: libra2018 時間: 21-3-23 01:52
993rs 發表於 21-3-1 10:30
首先要自己放鬆，K 已經係最輕鬆既階段，小學只會更嘔血，升中、入U 又另一個層次。
其次係接收訊息方面 ...
(emoji) 真係要過濾下人地既所謂「評價」「意見」是否適合自己既情況...
好多人真係唔知那裏的自信幫人決定人生...
作者: tummypooh 時間: 21-3-23 23:07
回覆 eveningmama 的帖子
首先，請別忘初心。你小朋友出世時你最想佢係點成長？
第二，小朋友鍾唔鍾意睇書同睇YOUTUBE冇必然關係，請勿過份將所有電子產品、網上娛樂妖魔化。細過你可以控制佢，唔俾佢做。咁再大啲呢？相反你應該係要教佢約束同自律。個啲嘢只係物品同工具，用工具的係人。
我知好多家長好反對小朋友睇youtube玩電話（我之前都講過個經歷，讓座俾個抱bb媽咪，因為我女睇更手機佢就起身唔坐了，但佢要企半小時）。我女讀本地學校，我地係屋企講普通話、廣東話，玩的時候會講下英文，但我小朋友從小都係只睇外國頻道，佢而家啲英文口語係ok的。如果從細就禁佢唔俾睇youtube，咁應該冇而家咁OK了。
另外，小朋友睇書，最首要係咩？就係家長陪佢。其次係揀啲佢有興趣的內容去打開書本世界。我個女而家都會同我一齊睇書。
小朋友怕醜，難搞少少，我女對住大人都唔講嘢。
作者: Jean1769 時間: 21-3-23 23:46
如果小朋友係book lover，考直私應該都會有不錯成績
| 歡迎光臨 教育王國 (/) |
Powered by Discuz! X1.5 |