教育王國
標題: 為何陳守仁過往升中如此理想？ [打印本頁]
作者: pickybaby 時間: 21-2-27 08:43 標題: 為何陳守仁過往升中如此理想？
如題，希望有用家可以分享學校情況，感謝。
作者: boboapril 時間: 21-3-15 09:20
會越嚟越理想。排名更高及多咗小朋友入傳統（例如港島區名校）/成績好嘅津校。唔覺得比KTS, APS差好遠，反而升中學校名單多樣化。入咗各區d好學校後，學生口碑好，可以名列前茅，變相帶比之後嘅師弟師妹更有利去考呢啲津校。所以之後都一定唔會唔理想，升中只會更理想。(emoji)無乜學生等派位㗎，個個自己好叻考番嚟。
作者: keechoi 時間: 21-3-15 10:51
因為超谷，汰弱留強，
作者: mcl203 時間: 21-3-15 12:53
TSL嘅優勢係英小，銜接英中有優勢，比較全人，適合相同路向嘅直資中學，直小有家庭背景略佳嘅優勢，支援較好～～～
作者: Jean1769 時間: 21-3-15 14:36
入得tsl都係為左升中時更上一層樓，你話d家長呢六年會點過
作者: boboapril 時間: 21-3-15 15:42
Jean1769 發表於 21-3-15 14:36 
入得tsl都係為左升中時更上一層樓，你話d家長呢六年會點過
讀邊間學校，家長呢六年都係陪伴住佢哋㗎啦。TSL家長到第六年會好感恩，見到自己小朋友面試表現好，英文流利，識presentation ，group discussion 時最有自信，從答不迫答面試老師追問的問題。升中結果如何唔緊要，但學懂嘅skills 升中後一定受用。
作者: pickybaby 時間: 21-3-16 11:23
多謝大家既分享。想請教各位用家，學校(或者到左小四)谷唔谷？是否家長也要谷埋一份？
作者: boboapril 時間: 21-3-16 16:48
pickybaby 發表於 21-3-16 11:23
多謝大家既分享。想請教各位用家，學校(或者到左小四)谷唔谷？是否家長也要谷埋一份？
...
功課唔多，學校唔谷，教學程度我覺得算適中，係小朋友自己應付到嘅。不過大家會各自修行，進補，因為有時份考試卷會令到家長唔幫手催谷唔得。
作者: MuiTang 時間: 21-3-16 20:04
boboapril 發表於 21-3-16 16:48
功課唔多，學校唔谷，教學程度我覺得算適中，係小朋友自己應付到嘅。不過大家會各自修行，進補，因為有時 ...
入面啲同學仔係咪大部份都好醒，競爭咪好大？
作者: jennylady 時間: 21-3-16 23:13
回覆 boboapril 的帖子
tsl 升中好一般得間顏寶靈
好似同sfa 個d差好遠
作者: boboapril 時間: 21-3-17 08:04
jennylady 發表於 21-3-16 23:13
回覆 boboapril 的帖子
tsl 升中好一般得間顏寶靈
咁SFA 學生類型同心態與TSL的都差好遠添。
NPL逐漸升band, 都係因為收生越嚟越好啫。
TSL 每年升中結果，學校名單長達4x間，睇多幾年年會搵到6，70間唔同中學，又點會得一間咁搞笑。
作者: fixedstar99 時間: 21-3-17 20:26
boboapril 發表於 21-3-15 15:42
讀邊間學校，家長呢六年都係陪伴住佢哋㗎啦。TSL家長到第六年會好感恩，見到自己小朋友面試表現好，英文流 ...
請問陳守仁對比港同呢？
作者: Jean1769 時間: 21-3-17 20:34
fixedstar99 發表於 21-3-17 20:26
請問陳守仁對比港同呢？
港同B1A中學喎。
作者: 1998Ruby1998 時間: 21-3-17 20:49
回覆 jennylady 的帖子
你真係有睇 TSL 升中表？
作者: jennylady 時間: 21-3-17 23:54
回覆 1998Ruby1998 的帖子
係啊就係睇左，唔明白有咩咁好。sfa 升中靚好多，尤其係男仔。
作者: Poyau 時間: 21-3-18 00:39 標題: 回覆樓主:
陳守仁2020年升中派位保持水準
2020年
Band* 直資+官津
B1 53+40=93 (65.0%)
B2A-1C 17+3=20 (14.0%)
------------------------------------------------
B1/近B1 70+43=113 (79.0%)
B2 14+0=14 (9.8%)
NR 1+2=2 (2.1%)
其他 13 (9.1%)
------------------------------------------------
總數: 143 (100%)
B1* 93 (男女40 | 男24 | 女29)
顏寶鈴 16 SPCC 5 港同 3 赤提 3
優才 1 滙基KE 1 /
遁道 3 迦密 2 銀禧 2 旅港 1
黃棣珊 1 元朗信義 1 沙崇 1 |
DBS 4 SPC 3 英華 2 /
喇沙 5 SFXC 3 皇仁 2 SJC 2 九華 2
長天 1 |
協恩 7 SPCS 4 德望 3 DGS 1 /
MSS 7 坑真 2 上智 1 MCS 1
SMCC 1 SPSS 1 SSGC 1
B2A-1C* 20 (男女20 | 男0 | 女0)
李國寶 7 培基 4 SMC 3 王錦輝 2
羅氏基金 1 /
銘基 1 可立 1 郭得勝 1
B2* 14 (男女11 | 男3 | 女0)
基崇 4 基信 4 啟思 3 | 德信 3
NR* 3 (男女3 | 男0 | 女0)
林大輝 1 /
唐乃勤 2
* 據hkpapa《全港B1中學名單》
SSPA Result
https://www.plkctslps.edu.hk/students-student_sspa.php
作者: 1998Ruby1998 時間: 21-3-18 18:22
回覆 jennylady 的帖子
65% 入讀 Band 1 學校都唔一般喇！啲冇任何聯繫直屬嘅名校官津頂多 50%。將考級 10 嗰個同考級 1 比，當然顯得一般，但對於其他直私同官津，佢真係非常好了。佢係冇 SFA 同 APS 咁幸運有男校友好關係 （St Jo 同 DBS 年年都有預留位置畀佢哋小學）。TSL 都有 5 位入到 SPCC、7 位入 Marymount、5 個 La Salle 都唔一般。
作者: button822 時間: 21-3-18 19:36
1998Ruby1998 發表於 21-3-18 18:22
回覆 jennylady 的帖子
65% 入讀 Band 1 學校都唔一般喇！啲冇任何聯繫直屬嘅名校官津頂多 50%。將考級 10 ...
TSL 每年都有DBS, SPCC預留學位，係提早面試及收生的。
作者: 1998Ruby1998 時間: 21-3-18 21:07
回覆 button822 的帖子
我意思係比例上冇咁人地十幾個位咁多。
作者: wilsonso0301 時間: 21-3-19 16:11
直資年年4000 任揀，TSL仲要7000
收生是頂級，輸出也一樣好正常
直資沒有抽獎中的，哥哥姐姐讀緊都未必收，直資成續將來一定更利害
作者: bettyay 時間: 21-3-19 16:30
本帖最後由 bettyay 於 21-3-19 16:32 編輯
wilsonso0301 發表於 21-3-19 16:11
直資年年4000 任揀，TSL仲要7000
收生是頂級，輸出也一樣好正常
直資沒有抽獎中的，哥哥姐姐讀緊都未必收 ...
純路過！雖然係年年幾千人面試！但頂級的正路應該係去晒男女拔coed, 然後又走一批叩門去勁官津校，剩返都係認同學校理念，以及質素也不俗的係真，所以升中可以保持良好，但不一定可以更厲害！除非你話學校係可以幫同學增值及發揮潛能，將來升中成績可更厲害，咁先啱數
作者: lawbaby 時間: 21-3-22 22:41 標題: 回覆樓主：
本帖最後由 lawbaby 於 21-3-22 22:42 編輯
只睇面試情況就知點解升中成績好， 入到嘅小朋友都係有虎爸媽， 幼稚園已經自己谷子女， 入到後個個鬥叻， 大家講英文， 學校唔駛點做都已經俾父母攪到半精英， 學校出一點力再谷一谷， 乜都攪掂。
作者: bbroy 時間: 22-3-20 01:59
曾經有家長插班入來TSL，讀左一段時間，開始向其他一路讀緊的家長表示。。。點解呢度咁hea...然後問人在哪裡補習。。。。習，我話無補習，亦知道有老師向某D給子女安排勁補習的家長表示，請不要再安排咁多補習比小朋友。仲有，TSL1個月才默一次中默，這六年就係咁過。。。可能會有家長覺得好唔安樂，所以安排補習比仔女，都唔出奇o既！請問有邊間無呢類型的家長？ 我有時都向朋友呻下，覺得學校真係hea得濟。。。佢地普遍唔信我，覺得我講大話🙄🙄🙄🙄唉！真係無話可說了。😅😅😅😅
作者: bbroy 時間: 22-3-20 02:02
但我也感受到materials的質素係勝過量的。
作者: bbroy 時間: 22-3-20 02:05
TSL同其他學校一樣，有虎有佛。做虎做佛都係自己揀，學校從來無干涉。因為學校有時比佛係父母更佛！🙏
作者: chanti 時間: 22-3-20 10:19
1998Ruby1998 發表於 21-3-18 18:22
回覆 jennylady 的帖子
65% 入讀 Band 1 學校都唔一般喇！啲冇任何聯繫直屬嘅名校官津頂多 50%。將考級 10 ...
將考級 10 嗰個同考級 1 比當然顯得一般。入得TSL的係家庭栽培下學生已經有返咁上下程度, 尤其英文、所以亦不能同冇任何冇聯繫直屬嘅名校官津比。
作者: chanti 時間: 22-3-20 10:29
lawbaby 發表於 21-3-22 22:41
只睇面試情況就知點解升中成績好， 入到嘅小朋友都係有虎爸媽， 幼稚園已經自己谷子女， 入到後個個鬥叻， ...
係, 不過網上世界話讀得輕鬆, 幼稚園階段邊有谷、冇補習、冇谷…我信冇谷、係栽培姐
作者: Janww 時間: 22-3-20 11:24
boboapril 發表於 21-3-16 16:48
功課唔多，學校唔谷，教學程度我覺得算適中，係小朋友自己應付到嘅。不過大家會各自修行，進補，因為有時 ...
最後一句意思係教淺考深？
作者: melle 時間: 22-3-20 21:14
bettyay 發表於 21-3-19 16:30
純路過！雖然係年年幾千人面試！但頂級的正路應該係去晒男女拔coed, 然後又走一批叩門去勁官津校，剩返都 ...
作者: Azzurro 時間: 22-3-20 21:14
bbroy 發表於 22-3-20 01:59
曾經有家長插班入來TSL，讀左一段時間，開始向其他一路讀緊的家長表示。。。點解呢度咁hea...然後問人在哪 ...
完全唔覺得功課或活動 hea
除了每天有限功課，我所見不少人每天都要玩/ 練：體育，樂器，三外（認真玩），睇中文英文書，奧數
玩齊呢幾個項目的人不在少數
學校提供高質而量少的功課，加上家裡按自我需求進補，我認為是最好組合
如果家裡不自行進補，其實也難利用上學校資源
跟唔上學校節奏的同學也有。。
作者: Azzurro 時間: 22-3-20 21:32
題目本身有點偽命題，因為本身成績就不如這一堆直私學校 （中學部為b1a）：
spccps dbspd hkugaps spc yw cky dgjs PuiChing spcs stclares gh
根本唔會用呢啲學校同 tsl 去比較
作者: kpc2015 時間: 22-3-20 21:38
始終要考升中,人虎自己hea, 咁名次比人後, 升中點算？
作者: bbroy 時間: 22-3-21 00:20
Azzurro 發表於 22-3-20 21:14
完全唔覺得功課或活動 hea
除了每天有限功課，我所見不少人每天都要玩/ 練：體育，樂器，三外（認真玩） ...
我理解你的看法了！你是不是從少除了上學讀書，沒有好快樂輕鬆咁學過課外活動？音樂/體育？我自少有玩音樂和少量運動，到現在，音樂體育一直伴著我的人生。身邊有人從少齋讀書，對於任何課外興趣班都視為洪水猛獸，會話學樂器好辛苦，無可能快樂，會話學運動係折磨，做乜逼迫小朋友去做（去到某一個階段其實係要調節訓練的力度去追求成功感）。好簡單，因為玩得快樂，學得滿足，笑得燦爛果個小朋友唔係佢個小朋友，佢無見過自然唔知道，又或者佢自己個小朋友常常苦瓜乾，就以為全天下的小朋友一學習音樂和運動就會係苦瓜乾，超級慘。
如果你沒有玩過音樂/體育，你唔會明白在我們眼裡，玩係可以點玩，點樣透過玩課外活動得到快樂和滿足感。又或者可能你有玩，但玩得唔快樂？
我明白總有人覺得學校hea or harsh。我接受你的講法「完全唔覺得功課或活動hea」，因為人人感受不同。如果你子女係讀陳守仁，以我在這裡咁多年，頗肯定學校老師係唔會比學術上的壓力給家長或小朋友。但行為上我就唔咁講。其實我覺得你唔係用家，因為全城用家都知陳守仁尤其在課外活動上真係hea到一個點！ 你會唔會交功課太認真？ 
明明老師無特別要求，係你對仔女有更好的要求呢？純想幫手睇下點樣讓你的仔女過得輕鬆D
作者: bbroy 時間: 22-3-21 00:22
Azzurro 發表於 22-3-20 21:32
題目本身有點偽命題，因為本身成績就不如這一堆直私學校 （中學部為b1a）：
spccps dbspd hkugaps spc yw c ...
又係Bor!
作者: Azzurro 時間: 22-3-21 09:40
bbroy 發表於 22-3-21 00:20
我理解你的看法了！你是不是從少除了上學讀書，沒有好快樂輕鬆咁學過課外活動？音樂/體育？我自少有玩音樂 ...
先感謝你幫忙拯救水深火熱嘅我同我孩子！
按我理解係前面 50名嘅同學應該唔會話學校 hea，因為都忙於爭取更好位置。。
同我講過 hea 嘅三個高年級人：兩個因為中文問題轉去了國際學校，一個係 50名以外。。
係陳守仁呢類型學校嘅主車群嘅人根本話學校 hea，因為生活本身比較充實，亦因為充實先可能係主車群裡面
hea 嘅家庭看來難以進入主車群
作者: bbroy 時間: 22-3-21 10:13
Azzurro 發表於 22-3-21 09:40
先感謝你幫忙拯救水深火熱嘅我同我孩子！
咁老實講，apply for全港九新界的家長和學生，我提議完全相信學校老師的教導，不要插手。家長/補習一旦插手就不能自拔，一插手就覺得學生一定要考到某個成績的期望，從而比家長自己和學生壓力。如果學校有勸退或常常拿成績低的人找肺，咁我就覺得好谷。我確實見到有好多學生離開學校轉投IS，佢地都係因為中文科無太大信心而走，又或者一開始入陳守仁浸幾年中文才走。要想想，TSL從來沒有因學生成績低落而叫人走/比壓力之類。考唔到50之內走唔等於學校好谷呀！
考唔到前面果浸有好多原因，有無從自己小朋友身上找答案？例如時間管理？時間管理得好，真係事半功倍。
1.唔好再浪費時間去補呢科補果科。 2.了解返個老師咩教法,唔識就問老師！3. 依家係自學年代，培養小朋友自理和自學精神。4. 欣賞小朋友的成就（自學的小成果）好快你就明白考得前的學生和家長都可以好hea. 賺回來的時間佢地中意玩咩學咩就讓他去。大前提是他們想。。。不是父母想。不過以上所說，都係無乜人會信 
PS. 我係有插手中文科，常常介紹佢睇呢本果本，介紹10本才對1本有些少興趣。無計，如果介紹中文書比個女看都係谷，咁我無話可說啦。都係果句，一間小學，一個月才默一次中文，究竟有幾谷呢？ 
好啦！多謝你收看，收到就收到啦。收唔到就只能說家家有本難念的經之類。祝生活快樂
作者: bbroy 時間: 22-3-21 10:18
bbroy 發表於 22-3-21 10:13
咁老實講，apply for全港九新界的家長和學生，我提議完全相信學校老師的教導，不要插手。家長/補習一旦插 ...
本帖最後由 bbroy 於 22-3-21 10:18 編輯
自律自理從小就學，唔做多都做少。我估我又要講一次，記住教自律唔係叫佢自己日日攞本補充練習做呀！係叫小朋友對家庭負責任，掃下地，洗下碗，摺下衫果D呀！呢種家教就會在學校發揮作用。
作者: happyschooling 時間: 22-3-21 14:13
bbroy 發表於 22-3-21 00:20
我理解你的看法了！你是不是從少除了上學讀書，沒有好快樂輕鬆咁學過課外活動？音樂/體育？我自少有玩音樂 ...
揀TSL 都係鍾意佢無乜功課，谷嘅家長去邊一間也是谷，TSL top 果批根本就係band1a, 資貭和家庭背景不下於其他band1a龍小吧
作者: Mirror123 時間: 22-3-22 12:42
長文，唔知呢度發言的有幾多是真正用家，作為用家，希望為各位分享一下
很久沒有上來這裏，對上一次應該都係六年前升小學的時候，我連之前的acc也忘記了! 因為考完中學, 好奇心驅使去升中版面睇吓, 再過嚟呢邊回望過去, 看到這個post，很想分享一下。
我小朋友今年TSL畢業啦! 當初選擇這間學校, 都係希望小朋友自信快樂成長, 童年唔好淨係比學業佔據! 六年過去了, 我覺得自己真係冇揀錯, 有人話呢間學校好谷, 教學程度深，真係睇吓你用咩心態。調返轉，英文冇計分默書，中文默書個半月才一次，有人又覺得太hea!
好老實，入TSL 的家庭, 父母一定有心栽培, 幼稚園時期會谷嗎？我自己小朋友就係讀英文幼稚園，咁英文佢真係唔錯, 幼稚園不同時期學過畫畫，跆拳道，跑步，學術上K2 學普通話，半年珠心算後來唔鍾意都冇讀啦！我都唔肯定呢啲叫唔叫谷。因為陳守仁唔收證書，所以我哋都係無證兒童。入TSL這班小朋友有一定能力，特別係英文，我曾經都有問過老師點解啲英文考試卷出得咁刁鑽，佢都有講過，因為大家普遍英文也好，如果問得太直接，就全部人100分，好難分到高低，思考過都明白嘅，但有啲家長就視為咁就叫催谷，咁係因為佢自己想要為小朋友爭取到98 100。其實真係自己心態。以我為例子和身邊相熟嘅家長, 都唔係催谷類型, 有人某些科目追趕不上搵外補習也是人之常情! 也有一些本身家庭不善中文的中途轉走或移民的這幾年也多。
分享吓我自己, 小朋友一至四年級都沒有補習，都係跟學校功課要求做，教佢認真讀書，父母多些關懷陪伴，我覺得這些無論去到咩學校，學習態度都係最重要，同谷和Hea沒有關係，無論功課做成點，考試咩成績，老師都會正面讚賞或鼓勵。一年級嘅時候有一張試卷得60分，班主任都同我講其實真係好好喇，第一次考試咋。
去到五年班因為疫情停課大半年，心底裏確實有些害怕呈分，我們有出外補中文，但後來發覺幫助不大都冇再繼續了！補習唔好造成依賴，我認為是正確的態度，否則好難返到轉頭，都知道有家長長年補習的，始終要考中學，我完全明白，一定有競爭，見到成績追唔上, 會有壓力，想為小朋友爭取更好名次，但真係要取決自己心態或者實際一點，才會快樂。經過兩次呈分再考埋中學，小朋友一直保持中上位置，亦都有一間非常心儀中學取錄了。過程中我唔敢講我完全冇壓力，我都有掙扎嘅時候，係會俾人影響的，但都已經過去，而家都係好感恩，小朋友開始不捨得TSL
音體藝方面，我哋音樂雖然有學，但只係娛樂，連寫入portfolio 也沒有，運動也有參加校隊，但都只係參加而已。陳守仁嘅家長都知道，學校在獎項方面真係唔追求，有些同學音體藝非常出色，學界港隊世界賽什麼也有，但這些也是自己個人取向，學校冇逼學生，有能力就自己走更前，我睇到確實某些人對於升中發展係有幫助，但這些人真係唔多，而我認為單純為了考中學不停催谷音體藝是本末倒置，所以純粹真係為了興趣同埋個人修為才學音樂。
TSL帶俾學生的唔係升中亮麗嘅成績，其實我身邊無論成績好或不好的小朋友，也是充滿自信，溝通能力presentation 一流，出去考中學就真係知道，面試對答是我們強項，呢啲唔係靠讀一年半載面試班就能訓練出來。見到有些同學就算學術上未必是最好，最頭的，都有很多知名甚至神校青睞，一定有佢個人之處。
課程教學方面，我好欣賞學校，用好多心機去設計不同有趣嘅課程，特別係網課嘅日子，都可以令到學生這麼投入上課
我睇到好多人都話呢間學校出嚟升上中學中文跟唔到，反而讀中文小學，上中學英文好容易追。可能都啱嘅，我又講吓我自己做法，未必啱但可作參考。確實我小朋友用咩都係英文，與同學溝通都用英文，中文只係中文堂和屋企人溝通先會用。但揀得入呢間學校家長都知道這裏優點就是英文，冇可能讀完嚟投訴話自己小朋友中文差吧！或者真係有啲學校中英文都係高人一班的，可惜我小朋友入唔到！哈哈！
我自己很早發現中文這個問題，其實學校中文課程都唔係淺，只係小朋友普遍冇咁鍾意中文，同學之間講都係用英文，中文唯有靠自己。在初小階段，不停培養他看中文書的興趣，還好他很喜歡看書，按他的興趣，由最初的漫畫到小說，現在按興趣看任何類型的中文書，衛斯理原著、金庸這些也會看，我覺得這些中文閱讀能力就算唔係用於考試，起碼佢唔抗拒，總有一天用得着，其實無論學咩科目，保持學習興趣先係最重。但近來他說不喜歡文言文，做父母的也是摸着石頭過河，我也在找對策呢！冇咩孩子天生就會讀書，都係要靠父母循循善誘，任何科目亦一樣。
不過帶個頭盔先，始終小朋友未升中學，或者過幾年我再分享一下佢上中學中文追唔追到。但作為父母，我對孩子有信心。
講到呢度有人會話呢間學校EK 唔話得, 我唔係話呢間學校沒有缺點，但無謂將缺點放大，小朋友感受到都唔會讀得開心。有家長讀到中途發覺唔合適轉走，以前有NCS同學中文跟唔到, 學校仲幫佢寫信轉校，仲要轉一間有外語作第二語言的名校，學校真心希望學生有更好嘅發展，學校從來沒有勸退能力差的，當然能力更高的學生也會插去一些神校，到升中仍然有亮麗成績我覺得都幾好呀！
經常有人比較三私一直，其實我覺得冇咩好比較，本身每間學校教學都有唔同，只要合適自己的學校就是好學校，各有優點，都唔係單單睇升中成績表。當年三私我們都有Offer，但最後家庭考慮及孩子性格只有自己最清楚。
而我只係用自己用家身份分享一下，每個父母都因應自己能力和小朋友能力給他最好的，希望大家都搵到一間啱自己同家庭嘅學校，保持愉快學習興趣, 家長有優質嘅正面心態，合理嘅期望, 去到邊間學校都重要，共勉之。
希望大家唔好怪我長氣，我係想分享比有心了解的家長知。當然只係我個人睇法，唔同人都有唔同想法
作者: bbroy 時間: 22-3-22 13:57
Mirror123 發表於 22-3-22 12:42
長文，唔知呢度發言的有幾多是真正用家，作為用家，希望為各位分享一下
很久沒有上來這裏，對上一次應該 ...
本帖最後由 bbroy 於 22-3-22 13:57 編輯
我個小朋友都係今年畢業。我都是自己小朋友有頭讀到尾才敢寫下自己的所見所聞咋！經歷埋升中，我才親眼見證外面的中學對TSL的認同感。
可能我地係認識架(emoji) btw, 中默唔係一個月一次咩？ 
另，你講開比賽呀！證書呀各樣，學校唔單止唔在意，連學生自己在外面獲得證實都唔收添！ 
作者: Mirror123 時間: 22-3-22 14:07
bbroy 發表於 22-3-22 13:57
本帖最後由 bbroy 於 22-3-22 13:57 編輯
我個小朋友都係今年畢業。我都是自己小朋友有頭讀到尾才敢寫 ...
本帖最後由 Mirror123 於 22-3-22 14:17 編輯
Hello, 同屆家長，講多兩講大家知道我係邊個。呢兩年咁艱難嘅日子真係有深感受。
中文默書上學期9-12月得兩次咋，可能係兩個月一次添
外面啲比賽，我知啊，有一年小朋友攞咗一個含金量好高嘅比賽獎項，人哋學校係上台頒獎，我小朋友係上堂老師就咁俾佢，好大個獎杯獎牌
作者: bbroy 時間: 22-3-22 14:23
Mirror123 發表於 22-3-22 14:07
本帖最後由 Mirror123 於 22-3-22 14:17 編輯
Hello, 同屆家長，講多兩講大家知道我係邊個。呢 ...
我地有個含金量唔高o既獎盃。。。。個機構send左letter and 獎盃通知學校，學校收到叫阿女落去校務處攞。。。。。 
我無叫機構send比學校
等我估下你係邊個先
作者: yeeling0101 時間: 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同埋有個細嘅，雖然2間都唔包收細，但問題係我細個位考小一時，如果大個位揀TSL就係小五要努力考呈分試，我怕未必兼顧到2邊，所以想問下2位剛剛升中用家，TSL係升中方面有乜支援，同埋有無啲拔尖補底班？🙏
作者: hkhk8888 時間: 22-3-22 15:52
yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...
港同已經係band 1A, 你揀TSL 升中搞一輪擔心一大餐, 咪又係升番同級既中學, 諗唔到有咩原因唔要港同個半龍保障
作者: maggie196 時間: 22-3-22 15:58
hkhk8888 發表於 22-3-22 15:52
咁梗係揀港同啦, 仲有咩懸念, 除非你本身有咩原因唔鍾意港大同學會書院
港同已經係band 1A, 你揀TSL 升中搞 ...
本帖最後由 maggie196 於 22-3-22 15:58 編輯
有B1A 直升無理由返轉頭讀TSL 係公海游，TSL 都係50% 升B1A，無理由放棄100% 升B1A 一條龍學校，特登兜一大個圈去行更辛苦嘅路？仲要玩呈分試升中。
作者: Mirror123 時間: 22-3-22 16:46
yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...
恭喜你有幸福嘅煩惱，小朋友一定很優秀
睇吓我少少意見啱唔啱用
雖然我地小學同中學都冇考過港同，但好多家長講港同真係一間好好嘅學校，好多陳守仁嘅學生都鍾意，港同都鍾意收陳守仁嘅學生。根據上年數字最後7人入讀，收生應該多過呢個數字。如果唔想同小朋友拼搏升中呢個遊戲，地點又唔係問題
（地點真係有啲遠）我會考慮港同。龍校仲要band 1, 真係吸引
但其實陳守仁揀港同嘅學生一定唔係最
頭嗰浸，可能係中上至中間位置，即係話如果你有信心的話，其實中學可以更上一層樓，或者第時升中學揀返港同都未嘗不可。不過如果你冇信心嘅都係龍校穩陣。我本人當年不是港同，只是其他1B龍校，我係揀TSL 呢個選擇。我都有個細的，但係兩個小朋友發展我係分開兩件事睇，亦都唔係話一定同一間學校，而且去到高小都係自己讀書，好與壞到好難插手了。
作者: Mirror123 時間: 22-3-22 16:58
唔記得答家長關於升中支援方面，真係好遺憾，呢幾年都係疫情，唔好話支援，連返學嘅日子也少，我相信支援同以前相比，我哋呢一屆肯定係少。學校有搞關於升中講座，其實主要都係一啲大事情提醒家長，班主任都會根據小朋友成績分析下過往師兄師姐去過咩學校再同家長商討一下，聽講以前冇啲中學會來開升中講座，但都係疫情之前嘅事。學校也會有面試訓練，個人和小組都有，小朋友自由參與。另外會有舊生回校分享當年升中歷程同埋而家入讀的中學資訊，疫情關係變咗拍片比家長睇。
補底方面，中文同數學有split class, 小班教學, 係咪補底我都唔肯定。學術上的拔尖就應該冇啦，有啲小朋友老師會推薦佢參加一啲課程，都可以話係拔尖，其實我又覺得冇咩特別
作者: yeeling0101 時間: 22-3-22 17:29
感謝大家嘅意見🙏🙏我對TSL了解更清楚了🙏🙏我小朋友不特別優秀，緣份而已，希望大家無論升小定升中都有緣入到心儀學校🙏🙏
作者: jbbmom 時間: 22-3-22 17:42
回覆 yeeling0101 的帖子
vote for 港同!
作者: bbroy 時間: 22-3-22 19:49
yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...
有選擇係開心事，恭喜你啊！
我無意見啊！因為當年我小朋友考小一時，手上拿著一間中西區女龍校，我當時對TSL一無所知，不是情有獨鍾。但去完Open day+資料蒐集+阿女表態，我們才下定決心來TSL的。
你有勇氣走出comfort zone嗎？我係抱住出去見識見識和睇下TSL可以帶到我個小朋友去邊個位置的心態而來的。 
眨眼6年啦！總結係：驚險刺激、物超所值、風光無限！
作者: yeeling0101 時間: 22-3-22 23:09
回覆 bbroy 的帖子
感謝你嘅分享:)我暫時都未有勇氣，所以想睇下用家，特別係經歷完升中嘅TSL家長嘅分享,睇下事實上係TSL升中會經歷啲乜,再諗下自己有無能力同小朋友一齊做到。畢竟係小朋友有緣考到，我想考慮清楚，揾一條適合佢嘅路，再盡快放位俾其他小朋友：）
各位用家意見好有用，再次感謝大家
作者: bbroy 時間: 22-3-23 11:16
yeeling0101 發表於 22-3-22 23:09
回覆 bbroy 的帖子
感謝你嘅分享:)我暫時都未有勇氣，所以想睇下用家，特別係經歷完升中嘅TSL家長嘅分享, ...
只有父母最了解自己和小孩的需要。無論哪間小學，都支持你啊！做好自身hardware，去到邊都無有怕啊！
作者: www 時間: 22-5-8 18:52
jennylady 發表於 21-3-16 23:13
回覆 boboapril 的帖子
tsl 升中好一般得間顏寶靈
作者: Charlotte_mom 時間: 22-5-9 14:48
本帖最後由 Charlotte_mom 於 25-6-8 00:02 編輯
Delete
作者: yeeling0101 時間: 22-5-9 22:06
本帖最後由 yeeling0101 於 22-5-9 22:13 編輯
Deleted
作者: yeeling0101 時間: 22-5-9 22:10
回覆 Charlotte_mom 的帖子
明白🙏我同家人傾完，都係決定係港小安安穩穩算🙏兩間都係好學校，只係港小比較適合我地家庭packageXD實在無可能同時兼顧好升小同呈分，亦希望係小學階段可以放手培養小朋友自律自學
作者: Charlotte_mom 時間: 22-5-9 22:51
本帖最後由 Charlotte_mom 於 25-6-8 00:02 編輯
yeeling0101 發表於 22-5-9 22:10
回覆 Charlotte_mom 的帖子
明白🙏我同家人傾完，都係決定係港小安安穩穩算🙏兩間都係好學 ...
Delete
作者: DengCK 時間: 22-5-10 00:00
yeeling0101 發表於 22-5-9 22:10
回覆 Charlotte_mom 的帖子
明白🙏我同家人傾完，都係決定係港小安安穩穩算🙏兩間都係好學 ...
無追post, 但如你的vs係港小 vs TSL， 我估唔駛諗嘛？唔通真係要三大神校先over 陳守仁咩…. 講真，呢間學校有點被過分追捧。六年搏哂命喎，你估入唔到神校果d無搏命咩？唔會咯
作者: yeeling0101 時間: 22-5-10 09:36
Charlotte_mom 發表於 22-5-9 22:51
自律自學係港中港小一直培養（或是話希望培養到）
經常有人問，點解港同唔高壓但教到學生，大概就 ...
我回想自己個時係讀女龍，幼小中的，學校只專注學術同要求乖乖女。16年後，我夠分入u，但無論我對住jupas個system真係見到科科都無大興趣，唔知自己想點，好多事都係，是旦啦，無乜所謂，後尾只揀一科比較有信心同工作有保證嘅。叫做平平穩穩，但始終人生好似少個方向。
明白，呢啲家長都要同小朋友傾，教小朋友，唔能只靠學校，但都想了解下港同係呢方面嘅做法🙏
作者: yeeling0101 時間: 22-5-10 09:51
回覆 DengCK 的帖子
感謝回覆🙏明白你嘅意思，但始終係小朋友有緣份，所以想了解清楚邊一間比較適合小朋友同我地家庭，畢竟每個人package唔同，都想了解清楚，無xx for sure ，只有根據package去揀，確實係港同比較適合我地Package
作者: bubblebear 時間: 22-5-10 10:14
咁如果喇小vs 港同又點揀？
作者: boyboobee 時間: 22-5-10 10:47 標題: 回覆樓主:
我冇了解過港同，不過阿女當時叩門叩到聖家而又有TSL，自己都掙扎咗好耐，甚至拒絕咗聖家之後嘅第二日，學校仲打嚟問我哋會唔會再考慮下，但最終我都係選擇TSL，一嚟阿女自己都鍾意，二嚟係都想阿女努力去挑戰一下自己，三來係我比較hea，怕啲好多功課、測考嘅學校（6年前大女有三私之一都係同樣理由冇要 ，入讀另一私小），事實係兩個入讀之後，學校都冇壓力畀家長，係家長自己決定谷唔谷上去嘅啫，而我就係hea家長
作者: mcl203 時間: 22-5-10 12:33
bubblebear 發表於 22-5-10 10:14
咁如果喇小vs 港同又點揀？
喇小啦，起碼嬴晒個名。又不如自己去評估下，邊間有而另一間係缺嘅。除咗，學費～～～
作者: bubblebear 時間: 22-5-10 12:51
喇小有TSL 的優點（可谷可hea），又同時有埋港同的一條龍，書院仲要勁過港同，個名又威，仲要唔駛交學費，我咁樣分析係咪冇得輸。
作者: Charlotte_mom 時間: 22-5-10 13:56
本帖最後由 Charlotte_mom 於 25-6-8 00:02 編輯
bubblebear 發表於 22-5-10 10:14
咁如果喇小vs 港同又點揀？
Delete
作者: www 時間: 22-5-10 14:21
bubblebear 發表於 22-5-10 10:14
咁如果喇小vs 港同又點揀？
作者: cxyu841216 時間: 22-5-11 11:15
港同對學生學習都好有要求，今個星期二同三都全校統一評估四門主科。學校擔心網課影響學習效果，通過評估看下網課期間學習成效。雖然小一小二無考試，但是主科每個單元學習完都會有評估小測，所以絕對不可以hea讀，每次學完一個單元一定要溫書，教學進度都算快。並不如坊間話happy school，很多非用家話港同不需要溫書，都係誤導。只係因為龍校，心裡壓力小，不需要科科比如音樂體育都拿A。
作者: haharachel 時間: 22-5-13 16:18
Azzurro 發表於 22-3-20 21:32
題目本身有點偽命題，因為本身成績就不如這一堆直私學校 （中學部為b1a）：
spccps dbspd hkugaps spc yw c ...
唔好意思，我唔明點解唔可以比較。可否麻煩你講多少少
作者: Azzurro 時間: 22-5-16 12:42
haharachel 發表於 22-5-13 16:18
唔好意思，我唔明點解唔可以比較。可否麻煩你講多少少
我估計有研究嘅家長都會如下分類直私小學：
一：b1a 中學部龍校的小學 spccps dbspd hkugaps spc yw cky dgjs PuiChing spcs stclares gh
二：三私一直
三：其他龍校小學
四：其他非龍小學
一和二可比性不高（我認為）
二和三可比性比較高（對進取家長來說，其實可比性也不高。。）
當然如何分類取決於家長對事情嘅認知和分析！
作者: haharachel 時間: 22-5-18 09:11
Azzurro 發表於 22-5-16 12:42
每年大約一萬多人競爭考 8000 個直私位置考到這些 b1a 中學部龍校小學的話而同時有三私一直，絕大部分人都 ...
唔該你丫，分析得好清晰丫。解答又詳細，唔該晒丫。
作者: melle 時間: 22-5-18 10:27
jennylady 發表於 21-3-16 23:13
回覆 boboapril 的帖子
tsl 升中好一般得間顏寶靈
作者: melle 時間: 22-5-18 10:31
yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...
作者: Jean1769 時間: 22-5-18 11:09
melle 發表於 22-5-18 10:31
正路一定pick港同
無錯，無乜幾多中學好得過港同，除非真係對子女好有信心做到最top果堆又對自己好有信心可以谷足六年
作者: happyschooling 時間: 22-5-28 09:30
melle 發表於 22-5-18 10:27
我覺得太神化了TSL, 看數據同區中學入的比例少(看看依利沙伯呢啲），同人fight top teir 其實一條龍band 1A ...
因為全部人去考直資，就算考吾到，都可跨區派band 1A津校（唔係好明點解可以咁）；另外NpL有IB ，好似有Band 1B？
作者: fwstides 時間: 22-5-30 17:07
bubblebear 發表於 22-5-10 12:51
喇小有TSL 的優點（可谷可hea），又同時有埋港同的一條龍，書院仲要勁過港同，個名又威，仲要唔駛交學費， ...
正解 haha
作者: 多多宝 時間: 23-3-26 18:33
boboapril 發表於 21-3-15 15:42
讀邊間學校，家長呢六年都係陪伴住佢哋㗎啦。TSL家長到第六年會好感恩，見到自己小朋友面試表現好，英文流 ...
我女對住老師比較內向怕醜 唔知tsl呢類學生多唔多 升中的結果也會理想嗎？
作者: boboapril 時間: 23-3-26 19:10
多多宝 發表於 23-3-26 18:33
我女對住老師比較內向怕醜 唔知tsl呢類學生多唔多 升中的結果也會理想嗎？
...
其實TSL真係普通學校嚟㗎咋，要升中理想，－樣係中、英、數, GS成績好，再加美術同music 好。我哋都要讀好同考好中文㗎，唔識中文唔好嚟讀。總之好普通，乜人都有，內向怕醜－定有，好動活潑又一定有，有體藝專長又有，淨係讀書又有。不過，硬係總體升中理想，有付出有回報咁lor。整體學生成績好，d好嘅中學又喜歡收TSL d 學生，就有咁嘅結果。
作者: boboapril 時間: 23-3-26 19:21
melle 發表於 22-5-18 10:27
我覺得太神化了TSL, 看數據同區中學入的比例少(看看依利沙伯呢啲），同人fight top teir 其實一條龍band 1A ...
同區？TSL 小朋友放眼全港㗎wor，真係比較少等派位入QE呢啲中學。唔同人top tier fight, 點自行入到其他區d band 1A中學呢？
作者: Jean1769 時間: 23-3-26 20:12
boboapril 發表於 23-3-26 19:21
同區？TSL 小朋友放眼全港㗎wor，真係比較少等派位入QE呢啲中學。唔同人top tier fight, 點自行入 ...
其實就唔駛咁串既，講到尾都係考小時入唔到神校先去左陳守仁讀
作者: 多多宝 時間: 23-3-27 00:06
boboapril 發表於 23-3-26 19:10
其實TSL真係普通學校嚟㗎咋，要升中理想，－樣係中、英、數, GS成績好，再加美術同music 好。我哋都要讀好 ...
請教tsl上堂是傳統（單向）教學為主定係活動為主？紀律如何？
如貪玩，講嘢唔叻，記性好，吸收力同做卷OK，上堂唔喜歡參與討論（思考）淨係鐘意睇熱鬧，唔知會不會啱讀傳統津校（需叩門）多d？
作者: boboapril 時間: 23-3-27 00:19
Jean1769 發表於 23-3-26 20:12
其實就唔駛咁串既，講到尾都係考小時入唔到神校先去左陳守仁讀
各人嘅起點同終點唔同，冇乜好討論。TSL 普通學校一間，係收到一啲聰明嘅小朋友，不過宜家d小朋友細細個就咁聰明，大個係咪做到有良好邏輯思考、定虎頭蛇尾，就睇自己啦⋯⋯
作者: boboapril 時間: 23-3-27 01:04
多多宝 發表於 23-3-27 00:06
請教tsl上堂是傳統（單向）教學為主定係活動為主？紀律如何？
如貪玩，講嘢唔叻，記性好，吸收力同做卷OK ...
絕對是傳統課室教學、非活動教學，唔係無紀律，上課隨便出位、講嘢係會罸嘅。TSL 係有多啲主題、探討式嘅互動，教學內容比較深入，挖潛d難嘅知識點，目標係開闊佢哋思路。課程係同津校一樣，執行上有唔同，了主要係教學理念唔同，唔關同學是否參與討論事，但當然絕大部份同學仔講嘢好叻，凸顯佢哋嘅主動性同條理清晰。
作者: 多多宝 時間: 23-3-27 13:18
boboapril 發表於 23-3-27 01:04
絕對是傳統課室教學、非活動教學，唔係無紀律，上課隨便出位、講嘢係會罸嘅。TSL 係有多啲主題、探討式嘅 ...
多謝回復 使我對tsl有了更多的了解！我應該可以放心放左龍校了
作者: totobb0723 時間: 23-4-2 10:24
其實如果唔講佢嘅升中表現，學生英文能力高，深得嚟家長唔需要理佢地嘅英文，其他科正常深，唔太谷只係競爭大 （因為個個都叻），學校好多活動，小朋友都好鍾意學校生活，最重要佢令到個小朋友唔係一味操卷，訓練到佢地自信同創意。小朋友畢業後去邊一間讀都會突出。
| 歡迎光臨 教育王國 (/) |
Powered by Discuz! X1.5 |