教育王國
標題: 終於上岸了......共勉之 , 內文長 [打印本頁]
作者: chriskaan 時間: 21-2-20 10:55 標題: 終於上岸了......共勉之 , 內文長
不喜勿插 , 謝謝 !!
作為家長 , 相信都希望自己小朋友學有所成 , 而我亦一直抱住同樣的想法 , 小朋友8月B正一唔上唔落 , 由K1 到 K2 , 小朋友日日返學之外 , 課餘時間星期一班五 , 每天安排不同的延伸學習 , 為的只想小朋友唔落後 , 而唔係做最叻果堆 , 亦多得疫情我更加看清楚小朋友的能力 , 到K3決定再轉到一間唔出名 , 而且課程比較輕鬆的國際幼稚園 , 當然或多或小亦為升小而鋪路。
回想K1到K2 , 媽媽每天放工回家 , 再陪小朋友做數頁功課 , 再加每學期測驗而每天溫習 , 幼稚園每晚已用2小時同小朋友搏鬥已經不容易 , 另自己反思 , 其實是我讀書還是小朋友自己讀書…?! 小朋友成績都是由家長逼出來 , 而小朋友對學習的興趣與動力又去了那裡呢…?! 是否一定要入到神校名津 , 升到上 band 1中才是人生的羸家…?!
K3轉校 , 剛開學時唔知決定是否正確 , 慢慢我發覺選擇是絕對正確 , 因為功課比較淺 , 小朋友能獨自完成 , 學校亦要求小朋友在課堂上自己完成功課 , 放學回家自然多出時間閱讀同玩 , 小朋友亦有時間做自己喜歡的事 , 探索新的事物 , 更有自信亦變得更開朗 , 會周街與唔相識的小朋友主動“say hello”, 我想.....可能就是一般幼稚園與國際學校的教學方法之別。
好開心 , 終於收到心儀私小OFFER , 雖然唔係什麼名校 , 但係我相信絕對適合自己小朋友 , 只要小朋友保持有學習的動力 , 建立自信已經足夠 , 希望大家勿忘初衷 , 為自己小朋友選擇一間合適的學校 , 快樂健康成長....!!
作者: wg_ann 時間: 21-2-20 11:11 標題: 回覆樓主:
請問點解疫情反而令你更清楚小朋友的能力？
作者: chriskaan 時間: 21-2-20 11:30
回覆 wg_ann 的帖子
在疫情期間 , 所有外補都停晒 , 只有學校 ZOOM , 小朋友對上 ZOOM 欠缺耐性 , 而我亦無安排小朋友上任何面試班 , 學術只靠家長催谷小朋友 , 明顯失去學習的動力 , 當家長一放手 , 就好似個汽球咁漏晒d氣。
作者: xubin2008 時間: 21-2-20 11:35
回覆 chriskaan 的帖子
你呢個媽媽已經做得好好了！付出多過好多家長，至少比我好太多，k1k2要同小朋友學2個小時，我2分鐘都未做過，所以你個小朋友入到心儀的私小同家長付出非常有關係，祝福你哋啊！同埋我都要反省下自己
作者: lambeanmama 時間: 21-2-20 15:05
xubin2008 發表於 21-2-20 11:35 
回覆 chriskaan 的帖子
你呢個媽媽已經做得好好了！付出多過好多家長，至少比我好太多，k1k2要同小朋友學2 ...
小朋友讀書路長漫漫，考小結果未如人意，也不過是當前此刻的一點失望。小一開學後，大家又再次洗牌再來。難道此刻入到所謂神校/名校就人人都滿分考第一嗎？如果家長覺得自己可做得更多更好，小學再努力過好了。(emoji)(emoji)(emoji)(emoji)(emoji)(emoji)
作者: xubin2008 時間: 21-2-20 15:40
回覆 lambeanmama 的帖子
你講得啱！一聽就知道係考完小一嘅過來人，你講得非常有道理，小朋友學習嘅路非常漫長，唔係一下就得嘅！
作者: KateC2012 時間: 21-2-20 23:14
提示: 作者被禁止或刪除 內容自動屏蔽
作者: giver 時間: 21-2-21 01:13
chriskaan 發表於 21-2-20 10:55
不喜勿插 , 謝謝 !!
作為家長 , 相信都希望自己小朋友學有所成 , 而我亦一直抱住同樣的想法 , 小朋友8月B ...
祝福 繼續享受愉快童年！有好媽媽教導，放心，一定都會擁有愉快成年！
作者: BurberryCool 時間: 21-2-21 13:02
我都好想小朋友會主動
作者: Soundervolt 時間: 21-2-21 13:29
升小只係剛剛起步，講上岸起碼係完成整個大中小學之後。
作者: magmum 時間: 21-2-21 14:36
樓主揀返本地小學會驚高小又行返要谷小朋友同失去學習興趣條舊路嗎
作者: TingTing0001 時間: 21-2-21 17:14
K1-k2.... 要日日2個鐘溫習做功課
邊間咁谷？
作者: lcmyk 時間: 21-2-22 02:13
恭喜媽媽同仔仔，你努力無白費
作者: flower9 時間: 21-2-22 08:43
提示: 作者被禁止或刪除 內容自動屏蔽
作者: wg_ann 時間: 21-2-22 09:13
KateC2012 發表於 21-2-20 23:14
K1-K2 已經有測驗
似係York, york每學期都有考試的
作者: chriskaan 時間: 21-2-22 10:08
回覆 wg_ann 的帖子
正確 , 每份成績表 , 都有血有汗 , 不容易得來的 
就係因為太谷 , K3 轉了一間國際學校的幼稚園 
作者: chriskaan 時間: 21-2-22 10:35
回覆 Soundervolt 的帖子
中學還好 , 現在間小學已有直屬中學 , 理論上升中亦已是必收生
作者: chriskaan 時間: 21-2-22 10:40
回覆 magmum 的帖子
如果選擇本地小學 , 小朋友應該會讀得仲辛苦 , 不論選擇1,2,3線小學都好 , 始終中文能力比較差 , 太多中文讀寫功課 , 仲要溫習同默書 , 相信初小開始 , 就要每星期六日留家溫習都似 
作者: wg_ann 時間: 21-2-22 10:50
chriskaan 發表於 21-2-22 10:08
回覆 wg_ann 的帖子
正確 , 每份成績表 , 都有血有汗 , 不容易得來的
點解唔繼續讀國際學校，反而轉番考私小？
作者: chriskaan 時間: 21-2-22 11:16
本帖最後由 chriskaan 於 21-2-22 11:16 編輯
回覆 wg_ann 的帖子
原因間小學註冊個牌照係私小而唔係國際 , 不過學校的教學方法與課程同國際學校是相近 , 所以 , 我只講係私小。
作者: 993rs 時間: 21-2-22 11:28
TingTing0001 發表於 21-2-21 17:14
K1-k2.... 要日日2個鐘溫習做功課
邊間咁谷？
唔出奇，每個小朋友 attribute 不同、發力時間不同。
我一個小朋友 k2、3做功課都要2個鐘，都唔好話溫習。另一個功課+溫習1個鐘內搞掂
作者: puiyima 時間: 21-2-22 12:33
本帖最後由 puiyima 於 21-2-22 12:33 編輯
樓主嗰間，私小但國際教法，我應該知邊間，但不是100% 上其直屬直資中學，其實小學學費又唔平，中文程度又一般，點解唔直接考真正國際學校
作者: chriskaan 時間: 21-2-22 13:08
本帖最後由 chriskaan 於 21-2-22 13:14 編輯
回覆 puiyima 的帖子
我對中文的要求唔高 , 另外 , 因為無外國 PASSPORT , CAIS waiting , ESF 抽唔中面試機會 , 小學想選擇間近屋企 , 唔想浪費太多時間係車程上 , 而且讀完六年小學 , 之後都可能送小朋友去外國讀書 , 所以就算佢有中學 , 都只係買個保險。
作者: wg_ann 時間: 21-2-22 13:20
chriskaan 發表於 21-2-22 13:08
回覆 puiyima 的帖子
我對中文的要求唔高 , 另外 , 因為無外國 PASSPORT , CAIS waiting , ESF 抽唔中面 ...
esf如果無買nomination rights, 面試機會好渺茫，CAIS近幾年都多左好多local families報，無foreign passport好大機會落入waiting pool
作者: wg_ann 時間: 21-2-22 13:23
chriskaan 發表於 21-2-22 13:08
回覆 puiyima 的帖子
我對中文的要求唔高 , 另外 , 因為無外國 PASSPORT , CAIS waiting , ESF 抽唔中面 ...
只要學校適合小朋友，不用拘泥於私校或國際學校這個term, 最重要係入到對的學校
作者: JojoDad 時間: 21-2-22 22:20
本帖最後由 JojoDad 於 21-2-22 22:25 編輯
chriskaan 發表於 21-2-20 10:55
不喜勿插 , 謝謝 !!
作為家長 , 相信都希望自己小朋友學有所成 , 而我亦一直抱住同樣的想法 , 小朋友8月B ...
很認同。其實唔單止幼兒園，小學亦如是，課程教深一年至年半，小朋友智力水平發展未及，夾硬來其實大部分由家長催谷，小孩好容易失去學習興趣，尤其初幼初小為甚。小女地區二線教會中文小學，教合適課程，令她小二開始非常喜歡上學，一直到小六，自己七點前完成功課，亦很接受每周六的專科英數補習，亳不抗拒(我真見到同社好多學員都不喜歡)。另她小四五六亦參與不少課外活動，更是校泳隊及合唱團成員。最後去年升了家B1英中，我幫她溫書時間比小學時還少，她亦能保持自我努力，考班2，級16，證明教得唔深，唔代表應付唔到升學課程。
作者: retriever 時間: 21-2-23 13:47
KateC2012 發表於 21-2-20 23:14
K1-K2 已經有測驗
其實就算同一間幼稚園, 不同家長理解也不同.
譬如, 有朋友孩子幾年後跟我小朋友讀同一幼稚園. 收同一類單張, 有認真媽媽會想很遠!
作者: ar_mak 時間: 21-2-23 14:28
提示: 作者被禁止或刪除 內容自動屏蔽
作者: jli008 時間: 21-2-23 17:32
提示: 作者被禁止或刪除 內容自動屏蔽
作者: Amychannn 時間: 21-2-23 18:49
作者: maylulu 時間: 21-2-24 12:37
我想講大部分升小入到神校的小朋友真的係「天賦異稟」呀（可能誇張小小
）佢地本身資質真係好好，五六歲真係可以鶴立雞群。學校老師見得多小朋友，好少揀錯。
作者: b3410 時間: 21-2-24 12:57
maylulu 發表於 21-2-24 12:37
我想講大部分升小入到神校的小朋友真的係「天賦異稟」呀（可能誇張小小）佢地本身資質真係好好，五 ...
作者: jli008 時間: 21-2-24 16:48
提示: 作者被禁止或刪除 內容自動屏蔽
作者: Soundervolt 時間: 21-2-25 01:05
maylulu 發表於 21-2-24 12:37
我想講大部分升小入到神校的小朋友真的係「天賦異稟」呀（可能誇張小小）佢地本身資質真係好好，五 ...
本帖最後由 Soundervolt 於 21-2-25 01:17 編輯
每個人都有不同資質嘅長短，不過五六歲人仔所謂「天賦異稟」，唔多唔少都係家庭資源同家長用心機砌出嚟。神校喺呢堆本身有家庭資源又肯花心機栽培，家長又緊張成績嘅小朋友當中隨意㨂人，多數教出嚟嘅效果都唔會太差，根本唔需要學校老師獨具慧眼。不過凡事都有例外，因為超前教育或其他因素而喺神校愈讀愈沉喺人都屢見不鮮。
作者: hkpapa852 時間: 21-2-25 08:48
chriskaan 發表於 21-2-22 13:08
回覆 puiyima 的帖子
我對中文的要求唔高 , 另外 , 因為無外國 PASSPORT , CAIS waiting , ESF 抽唔中面 ...
作者: cat20203 時間: 21-2-25 08:55
小朋友剛入讀津校，資質平庸但有耐性(可train)
例如老師近來教加減，醒嘅同學唔駛點教，甚至已有乘數底，當中不排除超前學習，但老師唔會教快教深，我小朋友都掌握到和有學習得來嘅成功感，明白自己唔識，但有得救
現在做完功課就看書，故中英文已不用擔心。
津校亦有不少優秀嘅同學，家長用心栽培讓同學學不同樂器，參加興趣班。
小學階段培養甚麼，大家花時間想想。
作者: chriskaan 時間: 21-2-25 09:05
回覆 hkpapa852 的帖子
小朋友將來唔會係香港升學 , 最遲初中會離開香港。
作者: 993rs 時間: 21-2-25 09:11
chriskaan 發表於 21-2-25 09:05
回覆 hkpapa852 的帖子
小朋友將來唔會係香港升學 , 最遲初中會離開香港。
呢個先係「上到岸」最重要因素 
作者: trcheung 時間: 21-2-25 13:06
wg_ann 發表於 21-2-22 09:13
似係York, york每學期都有考試的
你小朋友讀緊？York功課唔多,上到K2的話小朋友基本上可以自己完成.
作者: fwstides 時間: 21-2-25 23:53
你的孩子很幸福
香港多點像你的家長，相信大家都不會咁辛苦
作者: Soundervolt 時間: 21-2-26 00:36
chriskaan 發表於 21-2-25 09:05
回覆 hkpapa852 的帖子
小朋友將來唔會係香港升學 , 最遲初中會離開香港。
學習中文除咗係學懂一種語言，當中仲係學習中國文化同思維，太早離開中文將會缺少咗身為香港人兩文三語喺優勢。
作者: sunwoo1982 時間: 21-4-5 23:24
請問是否SMC？
作者: chriskaan 時間: 21-4-7 09:05
回覆 sunwoo1982 的帖子
不是 , SMC 對學術要求非常高
作者: Natalie1812_hk 時間: 21-4-12 12:00
但其實可唔可以話因為你既K1,2打好個底, 而得到呢間私小OFFER ?
作者: chriskaan 時間: 21-4-12 16:55
回覆 Natalie1812_hk 的帖子
一半半可能 , 因為考 K3 插班 , 最基本要求小朋友全英文對答 , 其次因為幼稚園同小學亦算龍校 , 就算插班生 , 小學亦會優先派 offer 俾左自己幼稚園的小朋友先。
作者: Natalie1812_hk 時間: 21-4-12 17:07
我每日就係行緊你條舊路...
好攰 好攰
作者: chriskaan 時間: 21-4-13 09:12
回覆 Natalie1812_hk 的帖子
其實 , 好睇家長想幫小朋友選擇邊類形的小學 , 當然 , 亦要考慮家庭的經濟能力 , 因為學費唔算平 , 但如果對本地的學校唔再留戀 , 不如早d換條舒服d的路俾自己同小朋友行
作者: bananaGi 時間: 21-4-13 21:20
chriskaan 發表於 21-2-20 10:55
不喜勿插 , 謝謝 !!
作為家長 , 相信都希望自己小朋友學有所成 , 而我亦一直抱住同樣的想法 , 小朋友8月B ...
係香港⋯ 我諗唔到有邊間私小係真happy..... 你既溫書路，而家先係開場。
作者: bananaGi 時間: 21-4-13 21:21
Natalie1812_hk 發表於 21-4-12 17:07
我每日就係行緊你條舊路...
好攰 好攰
幼稚園⋯ 其實唔洗日日兩小時溫書囉
作者: chriskaan 時間: 21-4-14 09:14
回覆 bananaGi 的帖子
小學小朋友選擇讀 基信 (SWCS) ,
至於 K1 , K2 , 小朋友讀 YORK , 小朋友鍾意返學的 , 但背後的功課同測驗前的溫習壓力 , 每天都要家長協助 , 可能每個小朋友資質有別 , 所以 K3 插班轉校入讀 ymca international kindergarten , 全日班中文課堂時間每周只有2小時 , 而功課程度只係 YORK K2 上學期的程度 , 但係英文時間多 , 大部份功課亦在學校內自己完成 , 回家只是閱讀同玩 , 的確比 YORK 輕鬆得多
作者: cwsmws 時間: 21-6-5 05:05
chriskaan 發表於 21-4-14 09:14
回覆 bananaGi 的帖子
小學小朋友選擇讀 基信 (SWCS) ,
(emoji) 我囡讀津幼 我吾留戀津小 所以一早考左基信，已比留位費，雖然仲1516 ，因為崇小、StMargaret都係Waiting ！
作者: elsa007 時間: 21-6-5 07:35
回覆 chriskaan 的帖子
應該個個小朋友唔同或者父母唔同，小朋友自己做功課也無幫佢溫習，功課做完也只是偶爾幫佢睇，除了學期尾要評估先溫。
作者: chriskaan 時間: 21-6-5 08:50
回覆 cwsmws 的帖子
崇小應該會好快 CALL WAITING , 因為我識有朋友崇小 offer , 剛剛派到心儀 , 佢地都會放崇小
作者: cwsmws 時間: 21-6-5 09:12
chriskaan 發表於 21-6-5 08:50
回覆 cwsmws 的帖子
崇小應該會好快 CALL WAITING , 因為我識有朋友崇小 offer , 剛剛派到心儀 , 佢地都會 ...
如崇小 同 基信 ；
想開心啲我諗基信；係咪
其實係擔心基信上中學問題
真的有8-9成上番書院就安心
由K1開始個心都揀定左基信
係K3先睇下直資
你係咪都揀定左基信啦(emoji)
作者: jason1978 時間: 21-6-5 11:13
bananaGi 發表於 21-4-13 21:20
係香港⋯ 我諗唔到有邊間私小係真happy..... 你既溫書路，而家先係開場。
...
初小happy，到小五就嚟料
作者: chriskaan 時間: 21-6-7 09:53
回覆 cwsmws 的帖子
同老公傾過 , 由於想順著小朋友的慣性語言條件去選擇學校 , 所以我地會揀基信
另外同位今年畢業的家長傾過 , 佢地今年好似都有8成學生上返書院 , 其他有的離開香港 , 有的考國際學校 等等
作者: cwsmws 時間: 21-6-8 18:13
chriskaan 發表於 21-6-7 09:53
回覆 cwsmws 的帖子
同老公傾過 , 由於想順著小朋友的慣性語言條件去選擇學校 , 所以我地會揀基信
好多謝你嘅分享呀！
既然係咁我都係唔好諗咁多啦(emoji)
| 歡迎光臨 教育王國 (/) |
Powered by Discuz! X1.5 |