教育王國
標題: 性別與教育系統 [打印本頁]
作者: Azzurro 時間: 21-2-8 13:24 標題: 性別與教育系統
https://www.youtube.com/watch?v=PQ6SdzDiFT0&t=1916s
五夜講場 - 學人串社科2019：自由女
（一些節錄）
以香港大學來說，十個教授，有八個是男性
全世界大學，不只是香港大學
但副教授則有四成是女性
再低一級的助理教授則是六比四
越低級的職位，女性佔比越多
十一間院校的校長，全是男性
https://www.youtube.com/watch?v=43gH8b7ih1s
五夜講場 - 哲學有偈傾 2019：點止講女人
（一些節錄）
已婚的職業女性要做的家務勞動
都比已婚的職業男性多
*****
一個人的人生歷程一般有三大方面
教育生活，個人生活，職業生活
我一直認為性別議題一直係其中最大因素制約這三方面社會發展
就擇優而言，不論性別，都造成巨大埋沒或者浪費
上面兩個片段比較好說明我的不安
我的大孩子還在幼稚園讀書
我看看幼稚園教師名單，全部都是女性
不單單自己孩子的幼稚園，其他都是
男性去了哪裡？
去市場買菜，去接小朋友下課，大部分係女性
男性去了哪裡？
和以上家務（買菜和接送小朋友）高度相關的下一個項目
家庭教育問題貌似大部分家庭都係媽媽負責
男性去了哪裡？
（可能有史以來香港教育制度最最大的性別議題係：中學學位分配辦法
這個只是眾多教育制度性別議題的冰山一角）
https://www.info.gov.hk/gia/general/200004/19/0419221.htm
到了中學大學
科目選擇開始出現明顯性別分流
女性讀文科，男性讀理科
到了職場
某些職位變成某性別為主
高階職位變成某性別為主
我相信生理上性別差異本身極其有限
基於社會對性別的期望，或自身對性別理解，不論主動選擇，還是被選擇
最後導致偏差，其實對兩個性別而言都是兩敗俱傷
畢竟社會是主要由兩個性別組成（當然還有第三性別及其他性別存在）
一個男人的另外一半很可能是女性
一個女人的另外一半很可能是男性
孩子是男孩女孩的可能性是一半一半
我認為，如果
1. 幼稚園多一點男性教師
2. 男性負責多一點家務
3. 男性負責多一點孩子教育責任
4. 文科多一點男性，理科多一點女性
5. 性別失衡職業多一點另外一個性別，高階職位多一點另外一個性別
男性，女性及小朋友都會獲益不少
作者: Jane1983 時間: 21-2-8 15:58
1. 幼稚園多一點男性教師 - 呢個係個人選擇。男人唔喜歡這種工種，並非僱主性別歧視唔請。
2. 男性負責多一點家務 - 男方肯做，女人求之不得。但男人多數討厭做家務。香港在職女性，如果唔請家傭，根本係打緊兩份工，好辛苦。
3. 男性負責多一點孩子教育責任 - 同上。
4. 文科多一點男性，理科多一點女性 - 呢種涉及興趣和能力，均分反而不均。
你提出的想法，2和3點，係男性觀念的問題，佢地唔鑽「男主外，女主外」的空子，根本就應該共同負擔家務和照顧仔女的責任。1和4點類近計劃經濟，國家assign人做幼稚園教師，有點強人所難。
作者: akys 時間: 21-2-8 17:31
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽媽會比爸爸著緊成績，是否名校等等。好多爸爸會話『唔駛咁早，慢慢來吧』，『遲啲發力都得』，『唔駛咁緊張啦，孩子大了，由他決定吧』。所以好多時都係媽媽鬧爸爸唔主動幫手，但真心講，要求唔同，好難主動參與。
多年前都試過因為準備升小家長面試時唔夠主動，俾太太大鬧一頓。
作者: ANChan59 時間: 21-2-8 18:59
回覆 Jane1983 的帖子
My 2 cents
1. 幼稚園多一點男性教師 - 呢個係個人選擇。男人唔喜歡這種工種，並非僱主性別歧視唔請。Agree.
2. 男性負責多一點家務 - 男方肯做，女人求之不得。但男人多數討厭做家務。香港在職女性，如果唔請家傭，根本係打緊兩份工，好辛苦。Shared in my family on top of the maid. During weekend and public holidays, I am the chef. It's my personal hobby.
3. 男性負責多一點孩子教育責任 - 同上。I did it for years from day 1.
4. 文科多一點男性，理科多一點女性 - 呢種涉及興趣和能力，均分反而不均。I did both 
你提出的想法，2和3點，係男性觀念的問題，佢地唔鑽「男主外，女主外」的空子，根本就應該共同負擔家務和照顧仔女的責任。1和4點類近計劃經濟，國家assign人做幼稚園教師，有點強人所難。Agree, same for #5, just like Planned Economy ans Socialism.
作者: Yanamami 時間: 21-2-8 19:30
akys 發表於 21-2-8 17:31 
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽 ...
我懷疑幼稚園傾向請女老師可能因為：
* 如前述，無乜男性有興趣呢份工
* 女性比男性有耐性同細心从事呢个職位？
* 幼童階段傾向喜歡親近女性？(大左到三四年班反而鍾意近阿sir.
* 減少性侵可能性？
以上意見太stereotype同主观，亦可能晤正確！
至於做家務……save it! 好多太太表示就算老公肯做，但……－係永遠not up to the standard, 老公做完要自己補做，－係比唔做更衰，搞乱檔……係咁discouraging既情況下，男士更無motivation做｡
作者: Jane1983 時間: 21-2-8 20:18
回覆 ANChan59 的帖子
很久不見你來EK
看你在另一個帖的分享，很有感受。教到一個小朋友成績好，唔難。教佢上乘的soft skills，唔容易。
作者: Jane1983 時間: 21-2-8 20:21
回覆 Yanamami 的帖子
有段時間，偶然會經過某間有net的幼稚園。有個外籍男老師上午班放學和下午班返學，佢會出來打點。佢個樣厭世到呢！印象超深刻。
作者: October. 時間: 21-2-8 20:40
akys 發表於 21-2-8 17:31
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽 ...
阿爸一般對仔女學業冇睇得咁緊，佢地比較寬容，好似我老公，仔女考得好佢會開心，考得唔好佢又冇咩所謂，從來未責備過一句，仲話我唔好成日去煩個仔。我朋友老公出差途中，突然打電話俾老婆，問個女報左中學未? 其實佢女已經讀緊中學了。
其實我都唔明男人點解咁冇所謂。
作者: Yanamami 時間: 21-2-8 21:20
本帖最後由 Yanamami 於 21-2-8 21:21 編輯
October. 發表於 21-2-8 20:40
女人不知不覺將仔女既學業當成自己既事業來奮鬥，阿仔阿女成績佳即係阿媽既業績好，成績唔理想阿媽會好沮喪 ...
我有－中学同学，个仔中－留班，然後再留－次(逢二進－)，但凡見老師就系佢去，因為阿媽已“激死左”，唔可以再插手理个仔，否則一係爆血管，－係会世界大战，老豆唯有夾係佢地中间……其实个仔無乜野，亦有玩saxophone同打波，不过就係反叛期同老師作對，後尾轉校之後有尐好轉，再上年出埋国，见佢同阿媽关係好番｡所以都晤可以話老豆無用既……我同学笑言，自己中学都留过班啦，家下咪一样有份穩定工，養妻活兒到俾到个仔出国？吹佢唔漲，老豆就係take it easy.
作者: ANChan59 時間: 21-2-8 21:25
Jane1983 發表於 21-2-8 20:18
回覆 ANChan59 的帖子
很久不見你來EK
他的soft skills 比我及CEO同年高好多，这是我家 CEO 的功劳最高！
因为家事及回国内工厂一段时间，好少上嚟蒲，应该引退了！
作者: ANChan59 時間: 21-2-8 21:37
akys 發表於 21-2-8 17:31
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽 ...
我的看法，因为我哋男人细个时较迟开竅，但最后还是谷得起，较冇乜所谓。阿妈是女人，细个比同龄男生成熟，成日赶头赶命，事事想做120%。个女可能睬吓佢，但个仔唔反枱好难！
而且个小朋友被阿妈催谷得咁行，个老豆又係咁上下，个小朋友一系离家出走，一係抑郁，再想唔开就表现空中飞人。做老豆就要“我不入地狱 谁入地狱”的精神，做夹心人！
作者: October. 時間: 21-2-8 21:42
本帖最後由 October. 於 21-2-8 21:48 編輯
Yanamami 發表於 21-2-8 21:20
我有－中学同学，个仔中－留班，然後再留－次(逢二進－)，但凡見老師就系佢去，因為阿媽已“激死左”，唔 ...
出國....距離產生美感，阿爸係中間起磨合作用，阿媽有阿爸勸幾句，神經鬆馳返啲。
男人可能真係咁諗，當年自己讀書都唔爹唔調，依家咪又生活得幾滋味。
有啲人真係唔重視學歷，諗起有個識既人，有幾層樓收租，很有經濟實力，仔女成績麻麻，但都係留港讀副學士算數。
作者: notcool 時間: 21-2-8 21:44
回覆 Yanamami 的帖子
2. 男性負責多一點家務絕對應該分擔工作負擔，尤其是雙收入父母. 父母還應該教育並要求兒子和女兒做家務。這樣，"將來丈夫"會做家務. 如在上海
作者: akys 時間: 21-2-8 21:47
October. 發表於 21-2-8 20:40
女人不知不覺將仔女既學業當成自己既事業來奮鬥，阿仔阿女成績佳即係阿媽既業績好，成績唔理想阿媽會好沮喪 ...
我自己參與度都好高㗎，主要係教育理念，學業，運動，音樂，課外活動都有定下目標，叫孩子盡力完成，有努力就收貨，冇乜所謂。成績方面有貨交我可以容認打機手機和讀書82或91開，我諗好多媽媽頂唔住，哈哈。
當年孩子升中，淨係報咗一間直資，收就轉，唔收就直昇。太太放榜前去旅行，回來後突然話要扣另一間中學，咪又係由我寫portfolio, 她修改潤色。攪咗我兩三個鐘。
孩子小五出大事，太太收電話收到差啲患depression，最後我接哂所有電話。
作者: ANChan59 時間: 21-2-8 21:56
notcool 發表於 21-2-8 21:44
回覆 Yanamami 的帖子
有独立思考的男孩会咁样答你：
你有没有想过可以请女佣㗎，鈡点㗎，一个唔夠请夠两个！
因为上海女人唔係人咁品，都係DQ咗佢啦，等“上海仔”欣赏领受！
*****
如有类同，纯熟不幸。
作者: ANChan59 時間: 21-2-8 21:59
October. 發表於 21-2-8 20:40
女人不知不覺將仔女既學業當成自己既事業來奮鬥，阿仔阿女成績佳即係阿媽既業績好，成績唔理想阿媽會好沮喪 ...
我在11楼讲咗。
作者: October. 時間: 21-2-8 22:02
akys 發表於 21-2-8 21:47
我自己參與度都好高㗎，主要係教育理念，學業，運動，音樂，課外活動都有定下目標，叫孩子盡力完成，有努 ...
我都俾我仔打機玩電話架，但去到82或91就梗係接受唔到啦。
作者: akys 時間: 21-2-9 00:08
October. 發表於 21-2-8 22:02
你參與度好高，你咁樣係打造 Best all round student! 不過，你見好就收，手段高明！
我都俾我仔打 ...
用哦功和靠嚇去糾正。有幸升中四後覺醒，自行調整畤間，而家12點幾喺度溫chem。夜晚唔願瞓，日頭唔願起身，爸爸又可容忍。
作者: ANChan59 時間: 21-2-9 07:53
akys 發表於 21-2-9 00:08
用哦功和靠嚇去糾正。有幸升中四後覺醒，自行調整畤間，而家12點幾喺度溫chem。夜晚唔願瞓，日頭唔願起身 ...
阿媽多數唔接受男生夜晚開夜車的習慣，經常講讀書梗要日光日白，夜晚讀書不合理，唔知睜乜嘢！
我到現在還是貓頭鷹的習慣，阿仔一樣。阿仔考任何試，下午份卷比上午好些。
作者: Azzurro 時間: 21-2-9 09:12
Jane1983 發表於 21-2-8 15:58
1. 幼稚園多一點男性教師 - 呢個係個人選擇。男人唔喜歡這種工種，並非僱主性別歧視唔請。
2. 男性負責多 ...
退一步看，幼稚園大部分係女性和家務女性負擔，其實係同一個道理
係性別研究的角度看，由於社會強加給女性男性性別特質和角色
所以導向女性選擇照顧型工作：幼稚園教師，秘書，助手，接待員，護士，空中服務員，傭工）
男性偏向主導型工作，和以上對比，就是：小學或以上學府教師，老闆，經理，醫生，飛機師等等
由於兩性權力失衡，家務分配大部分情況只能由弱方負責，也就是女性
久而久之，很多人默認家務是女性的天職
在職場，男性同樣壓制女性，所以女性只能被迫主動，自願喜歡幼稚園類型工作
強迫工作分配當然有問題
現在可能少於百分之五的幼稚園教師是男性，嚴重失衡
小朋友在幼稚園和老師學習，只見到女教師，但是社會是由男女組成
這個過程中小朋友肯定錯失一些東西
為什麼我主張多一點男性，這個很大程度和成績有關
作為家長，當然在乎成績（具體一點是考到什麼小學）
我一直觀察各種變量（兩性照顧小朋友參與度，有否家傭照顧，有否長輩照顧，財富，家長學歷，背景，相處模式）
所導致的結果
當然我的觀察在於少數身邊例子及王國網友例子
我發現，男性參與度高，比其他因素都要重要
如果社會學家研究一下，我挺有信心會發現，這個因素高度相關
在於幼稚園而言，按以上推移，多了男性教師的話，有可能明顯提高學校的整體成績
當然你可以說小學中學性別平衡，因為已經消化了平衡的好處
但是去到大學，性別又失衡，教授和研究人員男性明顯比較多
所以我認為，幼稚園級別和大學級別的水平因為性別原因，沒達到應有的水平
作者: Azzurro 時間: 21-2-9 09:15
akys 發表於 21-2-8 17:31
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽 ...
大部分家庭係媽媽比爸爸緊張學業很多
一部分係媽媽爸爸平衡
小部分係爸爸比媽媽緊張學業，也是失衡
我觀察底下，成績好的學生一般係來自媽媽爸爸平衡
你覺得呢？
作者: Azzurro 時間: 21-2-9 09:23
ANChan59 發表於 21-2-8 18:59
回覆 Jane1983 的帖子
My 2 cents
不論爸爸媽媽，一天都是只有二十四小時
如果媽媽負擔了大部分家務，同時負責大部分教育，教育質量肯定被拖低
最理想狀態當然係，爸爸媽媽同時負責家務，同時負責教育
次一點的是：媽媽負責家務，爸爸媽媽同時負責教育，這一個組合也比較常見
在教育王國，我見到很多男用戶高度參與家庭教育，隨之而來的是：小朋友成績比較好
貌似很多家庭教育奔潰的例子都是只有媽媽負責家務及教育
所以我想，這個邏輯關係說明白的話，更多男性會參與教育，因為是一個直接因果關係
作者: Azzurro 時間: 21-2-9 09:30
October. 發表於 21-2-8 20:40
女人不知不覺將仔女既學業當成自己既事業來奮鬥，阿仔阿女成績佳即係阿媽既業績好，成績唔理想阿媽會好沮喪 ...
我家裡是爸爸比媽媽更看重孩子教育
在教育王國，其實也見到不少男用戶很著緊
很簡單邏輯，多一個腦袋去研究教育問題，事情就會有更好結果
但是反過來，和其他興趣愛好（汽車，遊戲機，事業等等）不同
孩子教育奔潰會導致嚴重家庭問題。。
就算對教育不感興趣，從避免將來問題角度看，還是很應該投入教育多一點。。
作者: Azzurro 時間: 21-2-9 10:06
女孩子男孩子明顯受到內化社會導向的影響
（當然我大力鼓勵孩子以後讀理科）
到了職場，就輪到玻璃天花板
孩子是男孩可能不覺得有什麼影響，因為是既得利益者
孩子是女孩的話，可能就會很介意（影響到我的利益啊嘛。。）
雖然我看到很多父母看不到玻璃天花板的問題。。
作者: Jane1983 時間: 21-2-9 10:38
回覆 Azzurro 的帖子
男性形像在兒童成長中當然重要，這個是毋庸置疑。
但你講到如果幼稚園多些男教師，會提高成績，呢個就難講。不過都無數據論証，討論亦係清談，無咩意義。
作者: October. 時間: 21-2-9 12:15
akys 發表於 21-2-9 00:08
用哦功和靠嚇去糾正。有幸升中四後覺醒，自行調整畤間，而家12點幾喺度溫chem。夜晚唔願瞓，日頭唔願起身 ...
夜晚唔願瞓係後生仔習慣來,我仔都係半夜三更先瞓, 我地由佢費事勞氣, 有時係EK睇到網友中學仔女夜晚幾點幾點就瞓覺, 我都一額汗, 差別太大.
我仔打機夜瞓我都接受, 坦白講,如果佢成績唔OK既話, 可能我都冇咁"開明", 發癲都唔定.
作者: Jane1983 時間: 21-2-9 12:31
回覆 Azzurro 的帖子
因為你個小朋友係女，你在意glass ceiling係好正常。
但因為你係男人，你唔明白有時候限制女性事業發展的，是女性天生回歸家庭的心，遠多過職場上對女性的壓抑。30幾歲，女人生理時鐘開始tick tock。生兒育女後，即使有工人，女性多少會想多花時間陪伴和照料嬰孩，心思並非一門勇往直前要向上爬。
作者: October. 時間: 21-2-9 12:39
Azzurro 發表於 21-2-9 09:30
我家裡是爸爸比媽媽更看重孩子教育
在教育王國，其實也見到不少男用戶很著緊
阿媽緊張成績會更加具體, 細緻到每一次默寫都唔放過; 阿爸就可能睇整體.
作者: ANChan59 時間: 21-2-9 12:56
Azzurro 發表於 21-2-9 09:23
不論爸爸媽媽，一天都是只有二十四小時
如果媽媽負擔了大部分家務，同時負責大部分教育，教育質量肯定被拖 ...
你講的因果關係我覺得過份簡單化整件事，忽略很多重要因素！
我試舉例：
1。父母的學歷及專業資格
2。父母的職業
3。父母是否需要經常出差
4。家中是否有傭工及或鈡點傭工
5。家中長輩有否參與孫兒女的教育方向
6。父母的教育理念是否一致，你是假設一致的，但現實大部份不同調，兩人積極參與之下，衝突無可避免
7。家庭資源是否配合父母的教育理念及方向
8。在子女教育方面，父母如何分工，
9。⋯⋯
為什麼不少母親主導的失敗機會較高呢？
我識得的朋友是太太過份重視子女的考試成績，特別是沒有工作，在家主要照顧家庭及兒女學業，兒女的成績是她的成績表及成就。過份聽三姑六婆的意見信以為真，催谷丈夫及女兒配合，結果非常明顯，不用說出來。
通常處理這些問題是先解決夫妻關係的問題，丈夫對太太的關愛跟成績表沒有關係。大家弄清楚 ultimate objectives of education and the best scenario for kids。太太放棄一些不切實際的烏托邦，慢慢放手，丈夫才可以參與其中。
作者: akys 時間: 21-2-9 13:46
Azzurro 發表於 21-2-9 09:15
大部分家庭係媽媽比爸爸緊張學業很多
一部分係媽媽爸爸平衡
小部分係爸爸比媽媽緊張學業，也是失衡
有時候要明白父母嘅思維會有不同。有時會擦出不好的火花。
普遍而言， 大部份男人有以下想法：
1）結果為上，過程唔重要
2）接受last minute溫書，成績交到就算
3）預習？ 做note? 每日溫書？ 做又得，唔做又得，同樣，成績交到就算，理鬼你點讀。（自己從來冇做notes 習慣，多數抄或影印會做的同學）。
4）補習？ 可以唔補就唔好補。
5）除非要PG，平時成績唔好落後就算，留待公開試一試定輸贏。
呢個情況下如果太太認為爸爸要幫手叫孩子預習，做notes，每日溫習，通常敷衍了事。
作者: ok_ko 時間: 21-2-9 13:51
Azzurro 發表於 21-2-9 09:23
不論爸爸媽媽，一天都是只有二十四小時
如果媽媽負擔了大部分家務，同時負責大部分教育，教育質量肯定被拖 ...
有些人真的不懂教小孩，但又特別上心。這又做成另一個問題。問題可以比放任更差。後者都起碼家庭和睦，前者可以日日家嘈屋閉。
男人願意主動的話，教仔可以是樂趣。但如要勉强，就多數無幸福。不能一概而論吧。
作者: akys 時間: 21-2-9 13:56
October. 發表於 21-2-9 12:15
哦功和靠嚇我都慣用好彩,男仔真係如陳SIR所言, 越大越開竅, 我仔由小一唔合格,到中學成績不俗,所以 ...
我嘅靠嚇好犀利，身體力行，明話驚佢唔死，舊機未壞就幫佢用積分換咗部SE，大啲Mon， 64G storage, 快CPU適合打機用。哈哈！ 有問佢要唔要開個Steam Account俾佢玩我多年儲藏的遊戲，啲浪費生命嘅Strategy, Simulation games 好好玩架， 嚇到佢耍手擰頭。
作者: Yanamami 時間: 21-2-9 14:37
akys 發表於 21-2-9 13:46
有時候要明白父母嘅思維會有不同。有時會擦出不好的火花。
普遍而言， 大部份男人有以下想法：
作者: October. 時間: 21-2-9 16:31
akys 發表於 21-2-9 13:46
有時候要明白父母嘅思維會有不同。有時會擦出不好的火花。
普遍而言， 大部份男人有以下想法：
作者: ANChan59 時間: 21-2-9 20:02
其實教仔女最忌諱的是一本通書讀到老，孩子不斷改變中，進步，倒退中，要了解原因，才可以對症下藥，彈性處理。
如果take notes, pre-reading，drill 可以保證成績，世界會更美好。每個小朋友都獨特的，冇一個方法適合大部分人。我只能夠保持良好溝通關係，讓他感受無條件的愛，不會推年輕人出門口，時辰到就會開竅。
執阿仔教科書最著數，九成新，冇 highlight，冇筆記，冇 pre-read ，中三前讓賽，平時分拉零，中三操咗6個星期六理科及數學卷，跟著就慢慢發力。
他幼稚園老師冇一個男人，我太太員識煲水及碌公仔麵，蛋都唔識煎，家務全靠服務了23年的菲傭姐姐，CEO的指引，家務不重要，反而出入安全，衛生最重要。阿仔的活動，邊個有時間邊個去，唔得爺爺代表。
中二開始，根本不理他的默書，測驗，考試。如果要補習就開聲，不過補習會影響打機的機會，所以佢做最少的準備去考試，成績讓我們不會限制他的打機時間，By the way 佢打機時間佔三成。
我去陪個仔成長，因為佢識陪我玩，因為我喜歡踢足球，睇波，睇經濟新聞，周圍逛，我們是朋友，負責 entertainment, chef 。到現在，我大膽咁講，將來結婚都好，他會返屋企食飯，因為我煮飯他好滿意，而且我們經常交流。相反地，他教我冲飲咖啡，試威士忌及清酒。
我的目標不是成績，是感情，互相投其所好。
作者: b3410 時間: 21-2-9 21:29
akys 發表於 21-2-8 17:31
對第三點有一些體會。除咗個別極端乜都唔理嘅爸爸外，從認識的朋友和其他同學仔家長身上感覺到一般來說，媽 ...
作者: Yanamami 時間: 21-2-9 21:40
本帖最後由 Yanamami 於 21-2-9 21:45 編輯
ANChan59 發表於 21-2-9 20:02
其實教仔女最忌諱的是一本通書讀到老，孩子不斷改變中，進步，倒退中，要了解原因，才可以對症下藥，彈性處 ...
Hi5啊陳sir.~~我都系咁实踐，證实係work. 不过正如你所言，無－本通書，大家要睇人而靈活变通，就算同－个阿媽生，同一个环境，兄弟姊妹都可能要用唔同方式相处｡
作者: b3410 時間: 21-2-9 21:43
Jane1983 發表於 21-2-9 12:31
回覆 Azzurro 的帖子
因為你個小朋友係女，你在意glass ceiling係好正常。
作者: Jane1983 時間: 21-2-9 21:59
回覆 b3410 的帖子
無辦法，可以說是母性，亦可說是大自然的呼喚。好多年前，我舊老板講起一個電話，星期日就要出差，有幾多已為人母的女人，忍心拋下年幼子女而去？
Glass ceiling係有，但香港相對是Merit based的。結咗婚、生埋小朋友，做做吓唔想做的多。
作者: ANChan59 時間: 21-2-9 22:56
b3410 發表於 21-2-9 21:43
身邊同事，太多女仔一旦結婚生bb，就轉part time , 甚至唔做了，在家湊小朋友。就算有長老，有工人，也不放 ...
我都見不少人都係咁樣，放唔低子女及家庭。
我家的CEO好錫個仔，但同時亦喜歡個人事業發展，她在前四後六的時候，后四個星期已經想返工。但係我們有默契，不會其中一個長駐外地，為咗咁，我們是損失不只一次的升遷機會。
CEO為佢假期跟個仔同步，毅然放棄跨國企業的高層，不上去國內做老總，反而大幅減薪去教育機構做高層。頭一兩年可以放暑假，但之後，越升職之後，暑假都要昄實好多嘢。
有失也有得，當兒子反叛期開始的時候，在機構她主管「全人發展」，她下面好多社工，教育及臨床心理學家，他們教識我們如何與兒子同行。
三個原則：
1。任何時候保持良好的溝通關係；
2。無條件的愛及付出；
3。不要迫年輕人出門口。
每個都係如何維持相互關係，不是男女平等，不是學業成績。關係好，自然水到渠成，夫妻關係也是一樣！
作者: ANChan59 時間: 21-2-9 23:08
Jane1983 發表於 21-2-9 21:59
回覆 b3410 的帖子
無辦法，可以說是母性，亦可說是大自然的呼喚。好多年前，我舊老板講起一個電話，星期 ...
Glass ceiling 全世界都有嘅，香港唔算差太遠，有些行業係女性較難突圍，同時這二三十年，某些行業的領袖也是女性較多。CEO成日都講，香港的GDP有幾個百分點來自外籍傭工，我們要好好珍惜及利用。
其實男性的地位及角色都係改變中，我個人覺得很多是取捨的問題，大部分決定都係有得自然有失，我自己會問自己，條數啱唔啱先，唔啱數，自己選擇咗，將來冇得怨！
作者: Jane1983 時間: 21-2-10 09:43
回覆 ANChan59 的帖子
為家庭放棄事業；愛工作，兼顧家庭和事業；甚至為口奔馳，家庭工作兩邊struggle，呢d係個人選擇。揀咗就好好做，唔好後悔唔好怨。
在香港，我覺得做女人好
作者: Yanamami 時間: 21-2-10 09:54
Jane1983 發表於 21-2-10 09:43
回覆 ANChan59 的帖子
為家庭放棄事業；愛工作，兼顧家庭和事業；甚至為口奔馳，家庭工作兩邊struggle，呢 ...
作者: b3410 時間: 21-2-10 09:56
Jane1983 發表於 21-2-10 09:43
回覆 ANChan59 的帖子
為家庭放棄事業；愛工作，兼顧家庭和事業；甚至為口奔馳，家庭工作兩邊struggle，呢 ...
可能正是因為這樣，男人只可以去打拼事業。
作者: Jane1983 時間: 21-2-10 10:10
回覆 b3410 的帖子
係，都係free will。女人可以選擇做女強人，打拼事業，即使唔結婚生仔，無人歧視你。可以做少奶奶，相夫教子。亦可以愛工作，家庭事業兩兼顧。就算為口奔馳，日頭返工晚上睇功課，都係個人選擇。各自各精彩。
作者: ANChan59 時間: 21-2-10 10:21
b3410 發表於 21-2-10 09:56
對，女人選擇多，如果有壓力，也很多時候來自於自己。反而男人就算非常唔想工作，喜歡住家煮飯湊仔，也好難 ...
你講中要害，男人也有掙扎及無奈。兩性關係是需要相互了解，共同努力營造及決定，單單埋怨另一半唔做乜，唔做物，結果都係負面嘅多。
作者: ANChan59 時間: 21-2-10 10:24
Jane1983 發表於 21-2-10 10:10
回覆 b3410 的帖子
係，都係free will。女人可以選擇做女強人，打拼事業，即使唔結婚生仔，無人歧視你。可 ...
非常同意，是一個選擇及面對現實的實況！
作者: Azzurro 時間: 21-2-10 12:33
Jane1983 發表於 21-2-9 10:38
回覆 Azzurro 的帖子
男性形像在兒童成長中當然重要，這個是毋庸置疑。
幼稚園小朋友一般除了父母親人，同學，老師，補習老師，相對小接觸其他人
幼稚園時間上佔比比較多
所以我認為這個試驗值得進行（有校長願意的話）
但是我估計歐美的幼稚園會教師性別平衡很多
也有相關『教師性別對幼稚園小朋友影響』研究
作者: Azzurro 時間: 21-2-10 13:55
ANChan59 發表於 21-2-9 12:56
你講的因果關係我覺得過份簡單化整件事，忽略很多重要因素！
我試舉例：
因為現實過於複雜，你提到的我知道對事情有影響力
我主要希望簡化到最核心的一點，就是爸爸要提高很多參與度（性別平衡），就會令事情變好
我覺得家庭主婦或家庭主夫，本來係條件好一點家庭才有的安排
但是反而令到事情嚴重失衡
我家都有討論過
結論是，就算有條件，雙方都反對其中一個全職照顧家庭
因為全職照顧家庭壓力很大，反過來對全職工作的也會構成壓力很大
兩敗俱傷的比例貌似不低
在黃埔的日本人社區，我見非常高比例家庭主婦，就覺得很有問題了。。
作者: stillgood20 時間: 21-2-10 14:04
ANChan59 發表於 21-2-10 10:21
你講中要害，男人也有掙扎及無奈。兩性關係是需要相互了解，共同努力營造及決定，單單埋怨另一半唔做乜， ...
如果男女双方,其中有一個是藝術愛好者
那肯定是Good Couple.
作者: ANChan59 時間: 21-2-10 14:04
Azzurro 發表於 21-2-10 13:55
因為現實過於複雜，你提到的我知道對事情有影響力
我主要希望簡化到最核心的一點，就是爸爸要提高很多參與 ...
你太過杞人憂天，先做好自己的本分，就係好事。
你多了解日本文化，職場文化，然後才批評別人有冇問題。可能日本太太們不知幾開心，老公人工全部交給太太，太太給零用錢老公⋯⋯ 可能香港不少婦女羡慕！
作者: ANChan59 時間: 21-2-10 14:07
stillgood20 發表於 21-2-10 14:04
管控分歧．係一種藝術
如果男女双方,其中有一個是藝術愛好者
哲學愛好者也可以！
作者: Jane1983 時間: 21-2-10 15:09
回覆 Azzurro 的帖子
就算有條件，雙方都反對其中一個全職照顧家庭。
@@@
一個親生的家長全職照顧唔好，難道找個心不在焉，關佢咩事的傭人仲好？會不會是鑽了牛角尖？
作者: annie40 時間: 21-2-10 21:07
回覆 ANChan59 的帖子
見解清晰。希望更多家長及早閱讀你的分享。
作者: Azzurro 時間: 21-2-11 09:07
Jane1983 發表於 21-2-10 15:09
回覆 Azzurro 的帖子
就算有條件，雙方都反對其中一個全職照顧家庭。
回應自由意志，自我選擇
我認為自由意志，自我選擇的誤導性，正正係性別研究裡面的社會施予的性別定型觀點所反對
https://corrupttheyouth.net/2018/07/08/5609/
西蒙波娃的第二性裡面一句名言：[color=rgba(0, 0, 0, 0.87)]女人不是生成的，而是形成的
[color=rgba(0, 0, 0, 0.87)]（本人對性別的理解，是十幾年前從這本書開始的，現在兩個女兒令我覺得事情客觀上
迫在眉睫[color=rgba(0, 0, 0, 0.87)]）
應該說不少女性依然採取父權思想
女性擁有父權思想比例不比男性低多少
不認為宏觀上是吹毛求疵
性別問題係方方面面都涉及
不單單顯性題目例如：投票權，同工同酬，教育，家庭（本帖我希望關注的兩個重點），職場
香港相對其他地方先進，但是依然有太多問題需要正視
如果其中一個人不犧牲去照顧小朋友，難道找一個傭人去照顧？
這個矛盾確實我也沒法提供解決方案，但是不掩當中特別是對女性的壓迫
事實上，大部分傭人也是女人。。
回看香港對家傭的法例，當中很多地方不太合理，當然，在享受的家庭（覺得配合的話），也從來不發聲
前幾天有一個新聞可以看看：菲傭申司法覆核挑戰與僱主同住規定 擇日頒書面判詞
作者: Jane1983 時間: 21-2-11 11:25
回覆 Azzurro 的帖子
你對女性的待遇咁悲天憫人，令我有d唔好意思，我地活得好好的
作者: Azzurro 時間: 21-2-11 12:20
ANChan59 發表於 21-2-9 12:56
你講的因果關係我覺得過份簡單化整件事，忽略很多重要因素！
我試舉例：1。父母的學歷及專業資格
2。父母的職業
3。父母是否需要經常出差
4。家中是否有傭工及或鈡點傭工
5。家中長輩有否參與孫兒女的教育方向
6。父母的教育理念是否一致，你是假設一致的，但現實大部份不同調，兩人積極參與之下，衝突無可避免
7。家庭資源是否配合父母的教育理念及方向
8。在子女教育方面，父母如何分工，
9。⋯⋯
這系列問題，幼稚園一年級一開始我都問過自己
因為想知道哪種組合搭配能得到好一點效果，不能完全不介意效果嘛
有和親人朋友學習，看書，和看大家在王國的分享
但是進入有客觀評價體系的幼稚園，可能不具體知道學校裡面發生什麼事情，依然戰戰兢兢
一年級觀察其他身邊家長每天具體在做什麼，開始打賭之後哪一個孩子會好一點或者沒那麼好
一年級末老師居然評價自己孩子（校內）比較順利一點，特別是我家背景平平無奇
後來二年級和三年級到現在，一直觀察調整這些眾多變量
我發現最關鍵的變量應該還是父母雙方平衡投入孩子教育
所以想看看大家的看法了
作者: ANChan59 時間: 21-2-11 13:04
Jane1983 發表於 21-2-11 11:25
回覆 Azzurro 的帖子
你對女性的待遇咁悲天憫人，令我有d唔好意思，我地活得好好的
我估可能帖主不是香港出生，来到香港特区之后才有这些看法！
认识两三个国内移居香港的新女性，多少有些这种感觉，救赎香港女姓为己任，很多论点论据令人觉得莫名其妙！我试过问过一个女生为什么不在国内鼓吹这些论述，她就不再跟我发表这些观点！朋友都冇得做。
作者: ANChan59 時間: 21-2-11 13:06
Azzurro 發表於 21-2-11 12:20
這系列問題，幼稚園一年級一開始我都問過自己
因為想知道哪種組合搭配能得到好一點效果，不能完全不介意效 ...
嗯，已阅！
作者: akys 時間: 21-2-11 13:15
Azzurro 發表於 21-2-11 12:20
這系列問題，幼稚園一年級一開始我都問過自己
因為想知道哪種組合搭配能得到好一點效果，不能完全不介意效 ...
個人感覺或從一兩個身邊親友得來的感受唔會全面，要了解父母平衡參與對孩子的影響可以參考學者的論文， Google一下會有大量閱讀材料，部份是橫跨多年的研究。
作者: Jane1983 時間: 21-2-11 13:15
ANChan59 發表於 21-2-11 13:04
我估可能帖主不是香港出生，来到香港特区之后才有这些看法！
认识两三个国内移居香港的新女性，多 ...
朋友都無得做咁激
作者: ANChan59 時間: 21-2-11 13:31
Jane1983 發表於 21-2-11 13:15
朋友都無得做咁激
她太主观反应，以为我不了解香港女性，事实上我可能比她更了解，一句话正中她的死穴！
作者: Yanamami 時間: 21-2-11 16:14
Jane1983 發表於 21-2-11 11:25
回覆 Azzurro 的帖子
你對女性的待遇咁悲天憫人，令我有d唔好意思，我地活得好好的
作者: Yanamami 時間: 21-2-11 16:39
akys 發表於 21-2-11 13:15
個人感覺或從一兩個身邊親友得來的感受唔會全面，要了解父母平衡參與對孩子的影響可以參考學者的論文， Go ...
作者: Jane1983 時間: 21-2-11 18:34
回覆 Yanamami 的帖子
望遠d，而家大學收生，女生的比例係越來越高。文科唔使講，商科亦已經失衡，各科都被半邊天攻佔。
香港黃金剩女越來越多，呢樣令人擔心過女士被歧視和欺凌。
作者: Jane1983 時間: 21-2-11 18:38
回覆 Yanamami 的帖子
樓主重視成績，但其實講咩都假，讀書第一樣係睇天聰，即係基因。再講就係個人努力。
家庭環境、父母關懷、良師益友呢d對一個人心理健康成長，會成為一個點樣的人，是否快樂的關係更大。
作者: Yanamami 時間: 21-2-11 22:35
Jane1983 發表於 21-2-11 18:34
回覆 Yanamami 的帖子
望遠d，而家大學收生，女生的比例係越來越高。文科唔使講，商科亦已經失衡，各科都 ...
作者: Azzurro 時間: 21-2-12 04:25
ANChan59 發表於 21-2-11 13:04
我估可能帖主不是香港出生，来到香港特区之后才有这些看法！
认识两三个国内移居香港的新女性，多 ...
本人有舊款的香港出生紙。。
https://www.weforum.org/reports/gender-gap-2020-report-100-years-pay-equality
這個議題不獨香港大陸，大陸很多人關心這個議題當然
即便走得最遠的北歐，還是需要很多跟進
關於幼稚園男老師，原來都頗多文章有討論
香港
https://www.thenewslens.com/feature/2017menjobs/54280
http://varsity.com.cuhk.edu.hk/varsity/9905/teacher.htm
https://www.thinkhk.com/article/2018-11/01/30610.html
https://www.edb.gov.hk/tc/about-edb/press/legco/replies-written/2012/20040129118691.html
外國
https://global.chinadaily.com.cn/a/202005/13/WS5ebb59f5a310a8b241155506.html
https://slate.com/human-interest/2017/10/a-male-preschool-teacher-reflects-on-the-stigma-keeping-men-out-of-pre-k-classrooms.html
性別平衡對行業本身有什麼好處
婦科就是一個好例子，長久以來婦科醫生絕大部分都是男性
https://en.wikipedia.org/wiki/Women_in_medicine#Women's_health_movement,_1970s
自從多了一點女性醫生，婦科終於開始有重大變革
之前跟著家人去看婦科醫生，婦科男醫生說，你要相信醫生
但是綜合語氣，臉部表情和肢體語言，我明白這句話的意思是：關於女性身體，你要相信男性
作者: Yanamami 時間: 21-2-12 08:36
如果係女醫生同你講同一番話呢？如果你個心－直有男女不平等條刺，听者可能会有唔同会意？你会唔会專登去揾个女婦科医生睇症？竟然而家多左咁多，可能你感覺会好尐？你係病人，有選擇將自己身体交俾邊個医生呢~
作者: Jane1983 時間: 21-2-12 10:15
回覆 Yanamami 的帖子
立志單身或唔生小朋友，呢d係個人選擇。想settle down，無人追，搵唔到伴侶，呢d係被逼接受。而家似乎後者居多。
作者: Jane1983 時間: 21-2-12 10:21
回覆 Azzurro 的帖子
自從多了一點女性醫生，婦科終於開始有重大變革@@@
呢d唔算咩重大變革吧！
之前跟著家人去看婦科醫生，婦科男醫生說，你要相信醫生
但是綜合語氣，臉部表情和肢體語言，我明白這句話的意思是：關於女性身體，你要相信男性
@@@
醫生幫你治療，叫你唔使擔心，要相信醫生。這個你演繹為男女唔平等，變成女性身體，要相信男性，真是有點走火入魔。
作者: Yanamami 時間: 21-2-12 11:21
本帖最後由 Yanamami 於 21-2-12 13:04 編輯
Jane1983 發表於 21-2-12 10:15
回覆 Yanamami 的帖子
立志單身或唔生小朋友，呢d係個人選擇。想settle down，無人追，搵唔到伴侶，呢d係 ...
轉個念吖~碰唔上啱既夾既，亦唔係好事，别為settle而settle. 又唔係話立志独身定点，而感情事係要两个人，你－个人無論想点都無用，正如揀工揀学校咁，人揀你你揀人｡隨緣~係呢个情况下觉得“被逼”接受現实就越發觉得無奈、好慘｡如果話生BB係上天既禮物，咁良缘又何嘗唔係？缘呢家野不礙就係啱時间地点机遇，有旧同学同事表示(都各有家室)，呀~其实你係我理想型，果时好想追你不过怕被拒無胆追，哦！我除左可以咁反应仲何以点？
作者: Jane1983 時間: 21-2-12 12:23
Yanamami 發表於 21-2-12 11:21
轉個念吖~碰唔上啱既夾既，亦唔係好事，别為settle而settle. 又唔係話立志独身定点，而感情事係要两个人， ...
哈哈，乜你舊同學咁搞鬼。人到中年，好食好住，有老公有仔女，幸福家庭，最大吉利是係遇到愛情。
得閒飲茶算啦
作者: ANChan59 時間: 21-2-13 16:49
Azzurro 發表於 21-2-12 04:25
本人有舊款的香港出生紙。。
https://www.weforum.org/reports/gender-gap-2020-report-100-years-pay-equ ...
估唔到你係香港出世，你的想法又真係另類嘅！
點都好，祝你
身體健康
心想事成
萬事如意
百無禁忌
作者: rainbowcov 時間: 21-2-15 16:40
本帖最後由 rainbowcov 於 21-2-15 16:42 編輯
del
作者: Azzurro 時間: 21-2-16 08:32
Yanamami 發表於 21-2-12 08:36
如果係女醫生同你講同一番話呢？如果你個心－直有男女不平等條刺，听者可能会有唔同会意？你会唔会專登去揾 ...
因為要查看身體，當事人看婦科的時候自己希望選擇男醫生
很久之前也看過女醫生，我也去了陪診
但是這次由於家附近的私家醫院只有男醫生
由於情況有點緊急，沒時間去堅持找一個女醫生
作為親人，我不介意男女，因為按道理醫生是專業的，不分男女
但是就診的時候，和上次看女醫生比較，我發現男女因素還是有的
作者: Azzurro 時間: 21-2-16 08:58
Jane1983 發表於 21-2-11 18:38
回覆 Yanamami 的帖子
樓主重視成績，但其實講咩都假，讀書第一樣係睇天聰，即係基因。再講就係個人努力。 ...
為什麼我說幼稚園的時候會說成績，因為說可以量化的結果才更容易理解影響有多大
雖然現在幼稚園只有女老師，但是不是說所有女老師都性別定型
目前社會不管男女都比較大比例的人有性別定型
有一定比例男老師（希望不是性別定型的）在幼稚園裡面作用應該是明顯的
長遠來說，如果社會上大部分人都打破性別定型，自然在幼稚園裡面都不會性別傾斜
一個幼稚園如果提高男老師比例到百分之二十，可能容易發現這個幼稚園的派小學成績有進步
如果全部幼稚園同一時間都提高男老師比例到百分之二十，這個進步就難以在短期發現
因為小學和幼稚園是固定比例，中學和小學也是固定比例
反而在更之後的（並非拉 curve）文憑試就能體現出來，不過到時候就會說文憑試成績和幼稚園老師性別有什麼關係！
（雖然我認為有關）
作者: Jane1983 時間: 21-2-16 09:27
回覆 Azzurro 的帖子
一個幼稚園如果提高男老師比例到百分之二十，可能容易發現這個幼稚園的派小學成績有進步。
@@@
幼稚園升小學的派位，自行講父或母係咪舊生，兄姊是否在讀，有埋第一名子女和同宗教，25分，差不多必收。咪話同幼稚園有無男老師無關，基本上小朋友讀唔讀幼稚園都一樣收。
到大抽獎，根本係運氣，更唔使講。
考直資私校，多少講實力，但結果靠家長和學校誠實公佈，當中幾分真幾分假，難說。
作者: Azzurro 時間: 21-2-16 09:46
Jane1983 發表於 21-2-11 18:34
回覆 Yanamami 的帖子
望遠d，而家大學收生，女生的比例係越來越高。文科唔使講，商科亦已經失衡，各科都 ...
大學學生性別失衡，我覺得和小學呈分試有一定關係
呈分試各科比重為中文、英文、數學各佔9；常識佔6；視藝佔3；音樂佔2
如果說女生利於語文，男生利於數學，常識算是性別中立（雖然也是寫字為主）
很明顯中文和英文是重複計算。。。偏袒女生
就如很多人文憑試在中文滑鐵盧，影響升學
香港係要學好中文英文，但是在升中學，升大學等等評核環節，不應該有相同比重
不論讀書或就業，大部分都是一個語言主導
按我理解，其他各大地區，雖然也學英語或其他語言，但是都係單語言為主
香港更多人（例如我自己。。）係兩頭唔到岸，中文沒大陸人好，英文沒英國人好。。
作者: stillgood20 時間: 21-2-16 10:11
Azzurro 發表於 21-2-16 08:58
為什麼我說幼稚園的時候會說成績，因為說可以量化的結果才更容易理解影響有多大
雖然現在幼稚園只有女老師 ...
閣下努力推動的男女平等理念．
或者教育理念．
三言兩言,
或者,長篇大論對教育系統,甚至一般家長,老師,學生,
有幾大的影響？
說實的, 什麼是好的教育系統？
你說的平等主義,
別的家長是利己主義．
兩者．能夠融合嗎？
要改變一個系統/觀念/歧視,…, 需要什麼？
時間和力量．
所以, 如果要發揮你所想,
首要,教導自己孩子為上．
這是一個殘酷的現實．
雖然學校未至於在社會上一般現實．
但學校真是社會縮影．
很多社會元素,特質, 在學校中已經存在．
先不講什麼貴族學校,傳統學府,…
就普通一間地區小學,中年班已經開始分精英班,
去區分學生, 資源和教育重點, 分配可有偏重？
而精英班學生有什麼態度？家長們有什麼態度？
以上種種, 能否用自己意願和理念,去改變？？？
現實, 人家只會反問一句: 你是誰？為何聽你的？
所以, 如果要說話有力．可從實力開始．
教導好自己小朋友, 先自求多福．
才分享寶貴經驗．
另外, 你說的幼兒教育,男女幼師問題．
應該先去理解幼兒心理學．
好一些事, 是事出必有因．
作者: Jane1983 時間: 21-2-16 10:49
回覆 Azzurro 的帖子
而家d中英文並重係由因應從前的弊病而改革的，當時一樣有千萬種理由，有業界和其他持份者的支持才成事。
香港人的中英文問題，就更唔使講..
作者: October. 時間: 21-2-16 12:26
本帖最後由 October. 於 21-2-16 16:05 編輯
Azzurro 發表於 21-2-16 09:46
大學學生性別失衡，我覺得和小學呈分試有一定關係
呈分試各科比重為中文、英文、數學各佔9；常識佔6；視藝 ...
1）小學階段，33% B1生，只要家長加把勁，跟貼小朋友學習進度，不論男女性別，要進入頭33% 唔難，如果小朋友係普通資質（其實大多數人係普通資質），但又唔谷得、唔操得，要愉快學習，係有競爭既情況下，唔夠人爭，其實冇得怨。
2）依家大學大多數睇BEST 5/6, 如果中英文唔達標，而其它副科很出色，唔會冇大學讀，DSE有幾粒星，大學照收你，我覺得已經考慮得較周全。 如果你中英文弱，其它科又麻麻地，咁憑咩人地大學要比學位你呢？
作者: b3410 時間: 21-2-16 15:42
Azzurro 發表於 21-2-16 08:58
為什麼我說幼稚園的時候會說成績，因為說可以量化的結果才更容易理解影響有多大
雖然現在幼稚園只有女老師 ...
其實，我覺得，越是強調男女平等，注重女權，可能內心深處，思想根源，正正在於，認為男女是不平等的。其實沒有平等不平等，如同人和人之間的差異，自然界就是存在的。刻意去糾正到沒有差異，不如接受差異，再考慮如何揚長避短。
男人女人本身各有特點，在遠古社會，需要狩獵保護家園，男人身體結構強壯過女性，自然充當了保護者的角色。女人生兒育女，耕種，持家。可以均衡的分配角色和工作。
而現代社會，男人的強壯，勇敢，探險精神等等，全部都不再重要，要乖，聽話，斯文有理，坐的定，讀書叻。而女性，更加適合當今社會模式。
所以，我覺得當今社會，我更加擔心男孩子的成長。細個時培養的符合社會要求，長大之後可能越來越似女孩子。
如果堅持保持男孩子的特點，可能小學階段會經常收到學校老師投訴，家長要有強大的毅力，才可以不放棄。
至於幼稚園男老師比例低，可能要問問小朋友自己喜歡男老師還是女老師。
作者: Azzurro 時間: 21-2-19 08:59
stillgood20 發表於 21-2-16 10:11
新年快樂!
閣下努力推動的男女平等理念．
或者教育理念．
新年快樂！
我看更多 youtube 和 google 關於 “幼稚園 男教師” 後發現各個行內人都說重點係
男孩子有男老師作為參考對象，知道長大男孩子的行為，這樣對男孩幫助很大，對女孩也有利
基本上沒人否認小孩子需要參考男性
可是說到百分之一幼稚園男老師卻又不覺得是問題（我認為是明顯且巨大的問題）
這是不是很矛盾呢？
現在幼稚園冇穿冇爛就是好，那麼有了更多男老師會更好（毫無疑問），為什麼不追求更好呢？
很多家庭裡面，從一開始就缺了爸爸（通常）或者媽媽角色，幼稚園小朋友如果在學校得到這方面補充
我覺得很好，相等於學校（專業）幫忙解決了家庭裡面（非專業）一部分問題
作者: Azzurro 時間: 21-2-19 09:20
October. 發表於 21-2-16 12:26
1）小學階段，33% B1生，只要家長加把勁，跟貼小朋友學習進度，不論男女性別，要進入頭33% 唔難，如果小朋 ...
我並沒有說要調低語文要求
而是我覺得問題係升學的時候重複計算
我覺得既然數學是一個單位，作為對稱，語言都是一個單位，而不是中文一個單位，英文一個單位
計算的時候可以考慮中文 x0.5, 英文x0.5
其他科目繼續作為一個單位
香港的英語科目一般學校老師不是面向母語人英語的科目（例如英國的英語科）
中文當母語來教，理想地說，英語都應該當母語來教才合理
事實上香港的文學作品基本上只有中文，因為英語未達到中文水平的高度
雖然香港人英語在大學研究和職場水平已經比較高
作者: Azzurro 時間: 21-2-19 10:20
b3410 發表於 21-2-16 15:42
還以為你是女權主義者
其實，我覺得，越是強調男女平等，注重女權，可能內心深處，思想根源，正正在 ...
每個人關注事情不一樣，我覺得性別影響比較受忽略，而且個人感受比較大。。
所以希望了解多一點女權主義，也比較認同一些流派的說法
希望身體力行在這方面做到不影響別人（男或女）
也自我緩解別人對我的影響
如果說小時候女孩子成績一般比較好。。說不定其中一個原因是幼稚園性別失衡
女老師一般更了解女孩子需要，有利於女孩發展，這樣對男孩子明顯不利
一個性別待遇更好，明顯對另外一個性別也有很多好處
小朋友喜歡男老師還是女老師，我覺得首先要有得對比，現在連對比都缺乏。。
讓小朋友如何回答呢
作者: stillgood20 時間: 21-2-19 11:02
本帖最後由 stillgood20 於 21-2-19 11:03 編輯
Azzurro 發表於 21-2-19 08:59
新年快樂！
我看更多 youtube 和 google 關於 “幼稚園 男教師” 後發現各個行內人都說重點係
年假時, 看了一韓劇"Start Up".偶然出現了一句: Bill Gates說過
ife (Life) is not fair. Get used to it!
人生本就是不公平的, 習慣去接受它吧!
公平是什麼定義?
自己有一個切身体驗.
我有兩個囝.
大囝只吃橙,
細囝愛吃蘋果.
(好一些食物都有相異)
最終, 我買一天橙, 買一天蘋果, 一天香蕉, 一天雜果杯.
要有公平, 必須理清楚需要!
作者: stillgood20 時間: 21-2-19 11:33
Azzurro 發表於 21-2-19 09:20
我並沒有說要調低語文要求
而是我覺得問題係升學的時候重複計算
我覺得既然數學是一個單位，作為對稱，語 ...
英文科, 佔用時間不少,
中文科佔中時間也不少.
數學科一樣.
如果, 中+ 英 共花數學的兩倍時間精神.
只佔半科, 合理嗎?
又或是, 把數學科內容, 升級.
我睇目前, DSE數學內容, 水平不高.
提升深度.
可行嗎?
是不可行, 香港學生數學水平雖然不差,
但大部份同學只可應付合理水平.
作者: October. 時間: 21-2-19 11:39
Azzurro 發表於 21-2-19 09:20
我並沒有說要調低語文要求
而是我覺得問題係升學的時候重複計算
我覺得既然數學是一個單位，作為對稱，語 ...
作者: Azzurro 時間: 21-2-19 12:06
https://www.youtube.com/watch?v=nWu44AqF0iI
Girl toys vs boy toys: The experiment - BBC Stories
這個實驗嘗試說明性別係後天形成的。。。邏輯其實都好明顯
作者: stillgood20 時間: 21-2-19 14:42
Azzurro 發表於 21-2-19 10:20
每個人關注事情不一樣，我覺得性別影響比較受忽略，而且個人感受比較大。。
所以希望了解多一點女權主義， ...
現實中, 自己都親身体會不少不公平,
肯定比你多. 而且, 影響不小.
但是, 作為教育論點.
究竟: 心有不甘 vs 心有筆金 (知識和才能)
那一樣對小朋友, 有幫助.
人的心理是很奧妙.
缺憾和弱點, 也可以是一種能力.
作者: annie40 時間: 21-2-19 20:49
回覆 stillgood20 的帖子
人的心理是很奧妙.
缺憾和弱點, 也可以是一種能力.
Xxxxxxxxx
金句
作者: annie40 時間: 21-2-21 15:40
回覆 Azzurro 的帖子
樓主肯定是位勤力的媽媽，值得敬重。
我是個絆絆磕磕二十多年的媽媽，因為懶惰，育兒心得大多來自實踐，與其花大量時間研究養育孩子的理論（如果不是打算做硏究型學者），不如返璞歸真，用有限精力時間去揣摸自己的孩子，去觀察別人的孩子，用媽媽的神奇觸角（可稱為超能力？）去感應孩子的需要，跟孩子一起去感受大自然，不少答案就在天地規律中。
在家庭內矛盾愈少，孩子必然愈幸福，這些就必然是孩子一生的底氣。管他夫妻各自付出比例多寡，這條數是永遠都是算不清，計得嚟，孩子已經長大了，欣然給爸媽說拜拜。
作者: stillgood20 時間: 21-2-24 16:46
annie40 發表於 21-2-19 20:49
回覆 stillgood20 的帖子
人的心理是很奧妙.
老同學個囝係英國留學,
囝囝社交能力差,只會留係大學上堂,或宿舍温習．
所以, 雖然身在英國新冠高危地方．
免疫能力．就唔使擔心．
最近見報導,話意大利做了一些研究．
对新冠病情已經康復男士做驗測．
居然出現20%無精症,25%精子減少症狀．
如此．英國未來人口結構,有咩影響？
希望,這報導,這驗測不正確． 或者, 身體會調節康復．
| 歡迎光臨 教育王國 (/) |
Powered by Discuz! X1.5 |