教育王國
標題: 今日培僑zoom2in，請問大家in完感覺點？ [打印本頁]
作者: xubin2008 時間: 21-1-30 12:33 標題: 今日培僑zoom2in，請問大家in完感覺點？
今日培僑zoom2in，請問大家in完感覺點？
作者: Yoyo.Yiiiu 時間: 21-1-30 14:18
我都想知
作者: 63_house 時間: 21-1-30 18:53
你地in左未？我仔聽朝一早in...
作者: JaniceTo 時間: 21-1-30 22:19
明天朝早，好緊張
作者: music555 時間: 21-1-30 22:25
好難呀
作者: infong2011 時間: 21-1-30 22:29
music555 發表於 21-1-30 22:25 
好難呀
今日好多人都話難～
作者: hoyingbaby 時間: 21-1-30 23:28
係唔係問好多學術問題呀？
作者: kikibebe 時間: 21-1-31 00:33
真係好難
作者: happygirl1284 時間: 21-1-31 01:19
好難，要學術好，反應快，有創意，表達能力好
作者: 63_house 時間: 21-1-31 07:55
家長坐隔離？定由得小朋友係房面？
作者: crazydog 時間: 21-1-31 08:56
可以唔用earphone 嗎？
作者: 63_house 時間: 21-1-31 09:37
阿仔岩岩面完如其他家長所講，確實係難
作者: xubin2008 時間: 21-1-31 09:51
回覆 happygirl1284 的帖子
我自己嘅諗法，呢一類型嘅小朋友應該大部分會楝陳守仁，英華，男拔女拔類型學校，佢地家長會留係培僑嗎？我很懷疑
作者: yeungmimi 時間: 21-1-31 10:07
xubin2008 發表於 21-1-31 09:51
回覆 happygirl1284 的帖子
我自己嘅諗法，呢一類型嘅小朋友應該大部分會楝陳守仁，英華，男拔女拔類型學 ...
我也應為是，那麼醒的小朋友家長不會留在培僑
只是多個機會選擇
作者: xubin2008 時間: 21-1-31 10:13
回覆 yeungmimi 的帖子
係啊！我自己都欣賞培僑嘅，但估唔到佢哋嘅取錄方式有D離地
作者: Sunday_June 時間: 21-1-31 10:14
題目好難,要反應好快和表達能力強,比港同難好多。
作者: xubin2008 時間: 21-1-31 10:22
回覆 Sunday_June 的帖子
咁如果培僑和港同都比offer你，你點揀？
作者: Sunday_June 時間: 21-1-31 10:28
xubin2008 發表於 21-1-31 10:22
回覆 Sunday_June 的帖子
咁如果培僑和港同都比offer你，你點揀？
作者: xubin2008 時間: 21-1-31 10:30
回覆 Sunday_June 的帖子
我都同你嘅䏲法一樣，所以，培僑今次好離地
作者: JaniceTo 時間: 21-1-31 11:05
亞女啱啱見完，好難，比往年難
作者: euniceyuyan 時間: 21-1-31 11:08
好奇一問，有小朋友全部題都答出來且正確嗎？我女有兩題未答出。
作者: tiffiany 時間: 21-1-31 11:28
本帖最後由 tiffiany 於 21-1-31 11:30 編輯
唔識讀中文。但英文答到9成。真系好講運氣。個人認為今次問既問題比港同更全面，更深。
作者: Wonderful-Baby 時間: 21-1-31 11:31
xubin2008 發表於 21-1-31 09:51
回覆 happygirl1284 的帖子
我自己嘅諗法，呢一類型嘅小朋友應該大部分會楝陳守仁，英華，男拔女拔類型學 ...
我in完亦有這樣感覺，outstanding既都揀神校。今日好難。參加佐就算。反正已經有其他offer，這樣安慰自己
作者: PJ媽咪 時間: 21-1-31 11:50
euniceyuyan 發表於 21-1-31 11:08
好奇一問，有小朋友全部題都答出來且正確嗎？我女有兩題未答出。
作者: xubin2008 時間: 21-1-31 12:07
回覆 Wonderful-Baby 的帖子
係啊，我都係咁安慰自己
作者: xubin2008 時間: 21-1-31 12:09
回覆 PJ媽咪 的帖子
好奇一問，如果培僑比offer你，你會take嗎？
作者: kimlamb 時間: 21-1-31 12:43
我最唔鍾意佢有個老師係度都仲要播錄音...因為個interview對學校個感覺差咗
作者: Galaxymommy 時間: 21-1-31 12:46
kimlamb 發表於 21-1-31 12:43
我最唔鍾意佢有個老師係度都仲要播錄音...因為個interview對學校個感覺差咗
...
強烈同感！
作者: xubin2008 時間: 21-1-31 12:48
回覆 kimlamb 的帖子
係嘅，好似好趕時間咁不停催小朋友，唉，我哋玩人哋嘅收生遊戲，只有接受
作者: renaya 時間: 21-1-31 12:50
kimlamb 發表於 21-1-31 12:43
我最唔鍾意佢有個老師係度都仲要播錄音...因為個interview對學校個感覺差咗
...
有同感！感覺小朋友嘅應對因為咁變得生硬，享受唔到個過程
作者: kimlamb 時間: 21-1-31 12:55
xubin2008 發表於 21-1-31 12:48
回覆 kimlamb 的帖子
係嘅，好似好趕時間咁不停催小朋友，唉，我哋玩人哋嘅收生遊戲，只有接受 ...
都唔係只有接受。一間學校收生時都無盡力顯示自己學校有幾好，而係播錄音，生硬問題叫小朋友比有創意答案。可想而知入到去老師係咪都會生硬教學但要小朋友交貨？
時間趕唔係理由，其他學校更多人報，港同zoom in仲趕但過程好開心生動，cky錄音拍片條錄音都生動好多。
作者: Funtoread 時間: 21-1-31 13:20
kimlamb 發表於 21-1-31 12:43
我最唔鍾意佢有個老師係度都仲要播錄音...因為個interview對學校個感覺差咗
...
本帖最後由 Funtoread 於 21-2-27 01:07 編輯
作者: fwstides 時間: 21-1-31 13:27
都好，有機會認識學校多啲
有offer都唔洗考慮咁多
作者: FuLuFuLu 時間: 21-1-31 13:42
其實其他學校interview都有播錄音。
DGJS 1st in連叫小朋友出嚟排隊都播錄音，都無家長有意見⋯
所以做家長只好接受學校評核方法，可能學校覺得小朋友們都係聽同一段錄音，會公平D。
作者: xubin2008 時間: 21-1-31 13:47
回覆 kimlamb 的帖子
唉，我哋家長又可以點？唉
作者: xubin2008 時間: 21-1-31 13:48
回覆 Funtoread 的帖子
係呀，都感覺不到學校嘅友善同親切
作者: xubin2008 時間: 21-1-31 13:56
回覆 Funtoread 的帖子
我哋個老師都係全程黑面，隔著口罩我都感到老師好心急咁
作者: renaya 時間: 21-1-31 14:03
FuLuFuLu 發表於 21-1-31 13:42
其實其他學校interview都有播錄音。
DGJS 1st in連叫小朋友出嚟排隊都播錄音，都無家長有意見⋯
所以做家長 ...
我哋冇考DGJS，但佢哋嘅做法，唔係成班考生一齊應考，聽錄音指示做tasks嗎？！但培僑今次係one to one interview，安排是否可以人性化啲？！又或者，正因為今次係zoom interview，家長可親身體驗到面試嘅過程，個人感覺不太feel comfortable ...
作者: PJ媽咪 時間: 21-1-31 14:05
xubin2008 發表於 21-1-31 12:09
回覆 PJ媽咪 的帖子
好奇一問，如果培僑比offer你，你會take嗎？
作者: PJ媽咪 時間: 21-1-31 14:09
FuLuFuLu 發表於 21-1-31 13:42
其實其他學校interview都有播錄音。
DGJS 1st in連叫小朋友出嚟排隊都播錄音，都無家長有意見⋯
所以做家長 ...
作者: JaniceTo 時間: 21-1-31 14:29
播錄音可能對接收一方較有利，因為聽得最清楚，同埋快慢比較一至，到free speaking 果部份，我聽到老師語氣都唔錯呀
作者: xubin2008 時間: 21-1-31 14:34
回覆 JaniceTo 的帖子
點講好呢？我只可以講，老師同老師嘅個性唔同，其實係唔係錄音都可以，有D家長講老師全程黑面，我覺得係真嘅
作者: meex2 時間: 21-1-31 14:45
JaniceTo 發表於 21-1-31 14:29
播錄音可能對接收一方較有利，因為聽得最清楚，同埋快慢比較一至，到free speaking 果部份，我聽到老師語氣 ...
你小朋友好彩遇到個好老師。 有小朋友過咗時先至答問題之後老師就話 "你答咗都冇用因為超時". 我覺得老師唔應該咁講。 小朋友超咗時間老師再問多次佢問題. 小朋友先至答. 如果你覺得超咗時答唔得你就唔好問小朋友.
作者: xubin2008 時間: 21-1-31 14:51
回覆 meex2 的帖子
你講得好啱，請睇下我上面嘅留言，我話有家長講遇到全程黑口黑臉嘅老師，我相信係真嘅同埋如果小朋友聽到你已超時答都冇用，心情一定唔舒服
作者: meex2 時間: 21-1-31 14:55
xubin2008 發表於 21-1-31 14:51
回覆 meex2 的帖子
你講得好啱，請睇下我上面嘅留言，我話有家長講遇到全程黑口黑臉嘅老師，我相信係真嘅: ...
一啲鼓勵都冇。 答咗都冇用咁你再問佢有乜嘢意思？
作者: kwokpigpig 時間: 21-1-31 14:59
兩天的題目好像是差不多，很容易通水。
作者: PJ媽咪 時間: 21-1-31 15:05
meex2 發表於 21-1-31 14:45
你小朋友好彩遇到個好老師。 有小朋友過咗時先至答問題之後老師就話 "你答咗都冇用因為超時". 我覺得老師 ...
作者: meex2 時間: 21-1-31 15:06
PJ媽咪 發表於 21-1-31 15:05
嗰老師咁樣講嘢，好唔啱，冇同理心。
直情啦。啲小朋友咁細個。 啲小朋友肯開聲答問題佢仲想點。 個老師咁講嘢好打擊小朋友自信心囉。
作者: phoenixshum 時間: 21-1-31 15:24 標題: 回覆樓主:
一定要帶headset嗎？
作者: Galaxymommy 時間: 21-1-31 15:26 標題: 回覆樓主：
本帖最後由 Galaxymommy 於 21-1-31 15:27 編輯
擇校係雙向選擇。學校揀表現好嘅學生，申請者揀都可因應自己對學校嘅感覺來選擇。今年冇得面見，唔可以親臨校舍，疫情底下小朋友都屈係屋企，等來一個當佢地係機械人嘅zoom面試，網上面見係學校唯一一個讓人去感受、了解嘅窗口，釋放出讓人冷冰冰嘅感覺：機械式播音+黑面冇表情冇互動嘅老師，希望得到小朋友創意式嘅答案。有人可以因為覺得一視同仁嘅公平而選擇，有人也可以因為學校單向式冇誠意嘅做法而不選擇。
作者: TONG0720 時間: 21-1-31 15:29
kwokpigpig 發表於 21-1-31 14:59
兩天的題目好像是差不多，很容易通水。
本帖最後由 TONG0720 於 21-1-31 15:31 編輯
我哋係琴日最早一批，後來聽其他朋友仔傾起，發現視頻內容係完全一樣，老師問日常問題都基本上一樣。分日interview，但用同一份interview內容,咁樣安排適合嗎？大家心中自有見解。
anyway,zoom都有好處，起碼可以睇到小朋友表現如何
作者: xubin2008 時間: 21-1-31 15:43
回覆 Galaxymommy 的帖子
我直情講出我內心嘅說話特別精準！我到依家都認為培僑係一間唔錯嘅學校，但今次面試令到我覺得學校似乎少D人文關懷，我認為學校完全可以按自己意思來，但我選擇不揀了，只係之前D朋友一路讚緊呢間學校，我真係唔知D形容我的想法
作者: xubin2008 時間: 21-1-31 15:48
回覆 Galaxymommy 的帖子
唔好意思，打錯字，係你講中咗我嘅想法
作者: Funtoread 時間: 21-1-31 16:02
PJ媽咪 發表於 21-1-31 14:09
平心而論，我都覺得係因為學校希望公平對待所有小朋友，所以統一播放錄音。始終有啲老師的語氣不似家長預期 ...
本帖最後由 Funtoread 於 21-2-27 01:02 編輯
作者: Funtoread 時間: 21-1-31 16:07
Galaxymommy 發表於 21-1-31 15:26
擇校係雙向選擇。學校揀表現好嘅學生，申請者揀都可因應自己對學校嘅感覺來選擇。今年冇得面見，唔可以親臨 ...
本帖最後由 Funtoread 於 21-2-27 01:01 編輯
作者: Kwokbeauty 時間: 21-1-31 16:17
xubin2008 發表於 21-1-30 12:33
今日培僑zoom2in，請問大家in完感覺點？
剛才in完，題目好難，就算我答1時3刻都答唔出
我女仲要未搞清楚狀況就夠鐘
作者: xubin2008 時間: 21-1-31 16:25
回覆 Kwokbeauty 的帖子
Hi，朋友，你不係唯一面對呢情況嘅家長
作者: xubin2008 時間: 21-1-31 16:27
回覆 Funtoread 的帖子
我都係咁！
作者: kwokpigpig 時間: 21-1-31 16:29
我小朋友都掌握唔到什麼是一分鐘
作者: kikibebe 時間: 21-1-31 16:32
Galaxymommy 發表於 21-1-31 15:26
擇校係雙向選擇。學校揀表現好嘅學生，申請者揀都可因應自己對學校嘅感覺來選擇。今年冇得面見，唔可以親臨 ...
作者: kwokpigpig 時間: 21-1-31 16:33
TONG0720 發表於 21-1-31 15:29
本帖最後由 TONG0720 於 21-1-31 15:31 編輯
我哋係琴日最早一批，後來聽其他朋友仔傾起，發現視頻內容 ...
我都是昨天面試，最後部分跟朋友今天見的是一樣題目。另一題問題一樣只是交通工具不一樣，其他都是差不多。
作者: Kwokbeauty 時間: 21-1-31 16:48
kwokpigpig 發表於 21-1-31 16:33
我都是昨天面試，最後部分跟朋友今天見的是一樣題目。另一題問題一樣只是交通工具不一樣，其他都是差不多 ...
英文係咪都係朗讀一大段野？
作者: xubin2008 時間: 21-1-31 16:52
回覆 Kwokbeauty 的帖子
總之，琴日英文係讀一大段，淨係問中文同英文，我都奇怪點解唔問數學？
作者: Wonderful-Baby 時間: 21-1-31 17:45
Kwokbeauty 發表於 21-1-31 16:17
剛才in完，題目好難，就算我答1時3刻都答唔出
我女仲要未搞清楚狀況就夠鐘
...
same
作者: Pixy 時間: 21-1-31 18:19 標題: 回覆樓主:
我女戴左耳機，我唔知題目，但聽我女回應，感覺問好多野，唔易，但我女幸運地，遇到個好親切既老師，free chat果部份傾得好開心。
作者: Nicole-hui88 時間: 21-1-31 18:23
我又覺得ok，中文同英文老師都好nice，仲讚我小朋友著得好型，我好鍾意培僑，希望有幸入到
作者: xubin2008 時間: 21-1-31 18:23
回覆 Pixy 的帖子
咁就好了
作者: WONGKACA 時間: 21-1-31 18:31
本帖最後由 WONGKACA 於 21-1-31 18:32 編輯
琴日in我仔D老師都好好...我仔卡住咗..Ｄ老師都好耐心引導我仔...自由傾過陣，仲引的我仔笑癲咗甘...最尾都話，希望我仔可以入到咁...
作者: meex2 時間: 21-1-31 18:40
WONGKACA 發表於 21-1-31 18:31
琴日in我仔D老師都好好...我仔卡住咗..Ｄ老師都好耐心引導我仔...自由傾過陣，仲引的我仔笑癲咗甘...最尾都 ...
真心恭喜你遇到好老師。
作者: Pixy 時間: 21-1-31 18:44 標題: 回覆樓主:
小朋友遇到咩類型老師，真係睇運氣。我女in港同時，就遇到位黑口黑面既老師。
作者: Galaxymommy 時間: 21-1-31 18:49
Nicole-hui88 發表於 21-1-31 18:23
我又覺得ok，中文同英文老師都好nice，仲讚我小朋友著得好型，我好鍾意培僑，希望有幸入到
...
你好幸運可以遇到中文同英文唔同老師，我相信好多人都只係遇到一個負責播片嘅老師
作者: renaya 時間: 21-1-31 19:21
雖然in我哋位老師冇乜表情，但態度友善，如果係佢由頭到尾帶住個interview，感覺會好好多... ....另外，我哋中途遇到小插曲，就係英文段錄音重複咗條問題，要老師介入，呢個位令我小朋友有點不知所措
作者: WONGKACA 時間: 21-1-31 19:25
係唔係已經全部in完了？
作者: harryporter1108 時間: 21-1-31 19:35 標題: 回覆樓主:
我個女in果時話聽吾到題目，個老師都無理我個女，仲喺度催
作者: xubin2008 時間: 21-1-31 19:41
回覆 harryporter1108 的帖子
Hi，朋友
作者: crazydog 時間: 21-1-31 20:40
見我小朋友的老師感覺都好友善，態度都好好，仲同我仔講，唔識唔緊要，佢地仲閒話家常，我仔仲同老公講埋今朝interview 前我地做緊過咩⋯雖然中英個part 完全唔得，但起碼我感覺都良好，雖然明知無咩可能會收，起碼我同小朋友都自我感覺良好
作者: kikibebe 時間: 21-1-31 20:47
Pixy 發表於 21-1-31 18:44
小朋友遇到咩類型老師，真係睇運氣。我女in港同時，就遇到位黑口黑面既老師。
...
作者: Kwokbeauty 時間: 21-1-31 20:50
Galaxymommy 發表於 21-1-31 18:49
你好幸運可以遇到中文同英文唔同老師，我相信好多人都只係遇到一個負責播片嘅老師
...
我女聽到錄音都好不在狀態，可能佢諗住真人老師會問一次題目，個錄音好唔人性化，可能老師lead住問會明白好多！
作者: WONGKACA 時間: 21-1-31 20:55
回覆 Kwokbeauty 的帖子
我仔仲好笑...聽錄音過陣可能發夢，有一句沒完全聽明白，然後我仔舉手問老師咩咩係咩意思🤣🤣，老師都解釋俾佢聽
作者: PJ媽咪 時間: 21-1-31 21:22
Funtoread 發表於 21-1-31 16:02
我唔認為咁樣叫公平。 如果夾硬話咁叫公平， 咁係濫用「公平」呢個字。
唔通， 第時返學， 又為咗每一班 ...
我所講嘅公平係學校採用數據化嘅方式去評核學生，而不納入任何人性化嘅因素導致分數落差。
數據化去評核，有時間限制，答啱就有分，答錯咪冇分。
人性化去評核，老師鍾意當刻既小朋友，認為小朋友順眼多啲，咪傾多兩句，引導多你兩句，加多你幾分。
講求公平，我個人認為數據化嘅評核比較公平，老師不帶任何感情或其他因素導致小朋友入圍與否。
考學校係一個緣份遊戲，你揀學校，學校又揀緊你，到最後係你再揀返學校。
有時候面試，就算小朋友答啱晒，又如何，老師睇你唔係好順眼，最後小朋友唔入圍，完全唔知衰係邊方面，呢個就係人性化嘅敗筆。因為老師會加入主觀情緒去選擇學生。
我明白大家所講嘅冰冷感，亦都明白大家嘅感受，面試期間亦都遇過一啲好差嘅老師。
我真係平心而論，人係好主觀，老師buy你嘅，就算面試唔出聲衰極都會有waiting。老師唔鍾意你嘅，就算答啱晒，最後就係收reject。呢個就係緣份嘅遊戲。
所以我自己寧願，1分就1分，啱就啱，錯就錯。
作者: xubin2008 時間: 21-1-31 21:35
Pixy 發表於 21-1-31 18:44
小朋友遇到咩類型老師，真係睇運氣。我女in港同時，就遇到位黑口黑面既老師。
...
作者: 63_house 時間: 21-1-31 21:47
整體黎講我覺得老師唔錯
只係題目有啲深
小朋友唔識gei地方
老師都話唔緊要
讚佢very good
我小朋友平時成日陏黎陏去
但今日面試居然可以坐定定
已經好安慰
一面完試即刻成個人鬆晒
雖然阿仔好多唔識
但可能我要求唔高
收貨
作者: Galaxymommy 時間: 21-1-31 22:37
PJ媽咪 發表於 21-1-31 21:22
我同意你所講，老師需要一視同仁去教導小孩，因材施教。但現在講緊嘅係面試，並唔係教導學生嘅方式。
我所 ...
對，老師面試可以很主觀，但怎樣將主觀感受對學生的得分影響降到最低，關乎學校評定標準和對老師的要求，而不需用冷漠、零互動的方式進行。數據化評核和人性關懷並不矛盾，播錄音也可以播得nice D。
作者: kfcnitsuj 時間: 21-2-1 00:30
In 完後，自問都唔會揀中我小朋友，因為佢九成都係唔識。學校遊戲規則係咁我地冇say. 只不過，今次後可慳番，遲下唔洗幫細仔報。一啲都唔識得專重啲小朋友。除錄音外，大把方法可以公平。你要錄音而令到公平，最好老師個樣都唔好show,正如有啲家長話有啲老師黑面，有啲又nice,咁都已經冇公平可言啦。播果把聲成個機械人咁，以k3靠聽果段咁既錄音，就要知點做條題目，根本將成件事簡單複雜化。識答都變唔識答，唔識既又會比黑口黑面，零語氣既老師搞到好失落。又廿秒，又一分鐘。其實根本就咁口述解釋題目，佢地答，反而佢地會識點應對，大部份其實反而係被段錄音帶到無遠弗屆咁遠，而唔理解究竟要做啲乜？
睇圖講故事，又要講到又廿秒又一分鐘，嘟聲完又唔比指引。簡單講句：睇完三幅圖後，你試下形容下。要計時老師咪自己計時，到夠鐘，個老師咪自己開口叫佢答囉，答到超時，你咪停佢囉。洗乜同佢講又廿秒，又一分鐘呢？你想佢知有時間限制，你不如show埋個倒數鐘喺度啦。
看圖揀句子，又話唔知要幾秒，又話只需講數字，我估學校make sure 佢地唔係撞中，所以又話要朗讀句子。
咁你咪好地地講番人話解釋： 隔離邊句句子係可以描述幅圖。小朋友答岩既，你再叫佢讀出黎。 格硬要一大段錄音，一次比哂兩個instructions.
某交通工具有咩其他用途，好地地照直問唔得架，又要格硬問有咩其他本領，扮生動有趣。架輪船有咩本領？本領係形容人架，定係佢覺得果段咁死板既錄音可以做到擬人法既效果。
答到晒小朋友一定好叻叻，神校都收哂，點揀都揀唔到培僑啦。
咁既形式如果係想公平的話，我個小朋友就慘子，個老師好審犯咁。不過都好好彩zoom in,等我了解到間學校係咁樣。
作者: 菩提子 時間: 21-2-1 01:30
PJ媽咪 發表於 21-1-31 14:09
平心而論，我都覺得係因為學校希望公平對待所有小朋友，所以統一播放錄音。始終有啲老師的語氣不似家長預期 ...
本帖最後由 菩提子 於 21-2-1 01:42 編輯
認你講法，但老實講，無論學校怎做總有人說不好的。
港同 有人說考5分鐘否定其小朋友就不公平。但其實，學校給每位面試者都是5分鐘的呢…
培僑俾15分鐘，題目深又話離地，播錄音又話機器人沒感性。但其實神校同樣是播錄音的，同樣限時作答，只是家長不在場不知道怎考就無意見。
反而，我覺培僑今次出題系有心思，有能力分到小朋友水準的，有學術，有創意，有生活自理傾計部分。內容有水準，相信能夠一次面試就分到小朋某些能力，這些能力都不是一時三刻可做到，真睇得出該小朋友平日的努力的，所以學校可以一試就出offer，不用拖拉太久。
我小朋友第一 日考，老師好nice完全無覺老師有任何不友善，反而好有耐心，每題都有讚賞朋友做得好。最後也很開心結束面試。
唯一做得不好是 等候時間長，途中還自動彈了出meeting room，要再登入返。
成個面試，個人感滿意。須知，學校今次好似2日in2千人，班老師每日in不少人，應該很辛苦了。
希望有心人到心儀學校啦…學校也選對適合的人，家校合作很重要的，大家互不認同，難以合作。
ps, 不喜勿插。
作者: Wonderful-Baby 時間: 21-2-1 02:48
kfcnitsuj 發表於 21-2-1 00:30
In 完後，自問都唔會揀中我小朋友，因為佢九成都係唔識。學校遊戲規則係咁我地冇say. 只不過，今次後可慳番 ...
讚同妳既分析。講中曬。總之問心未in前我會好欣賞學校，in完就大打折扣。唔係我地小朋友唔夠醒目，而係成件事非常唔合理化。anyway我地感恩有其他offer，本來爸爸唔讚成我再in培僑，但我話當多一個經驗，我亦喜歡培僑。可惜最後……志在參與。已經讚賞小朋友好努力完成件事。失落佐亦唔會覺得可惜今次。
作者: Kwokbeauty 時間: 21-2-1 04:48
kfcnitsuj 發表於 21-2-1 00:30
In 完後，自問都唔會揀中我小朋友，因為佢九成都係唔識。學校遊戲規則係咁我地冇say. 只不過，今次後可慳番 ...
十分認同！我覺得錄音非必要，如果
冇疫情下面對面見咪又係老師直接問問題，唔通以前就叫唔公平咩？
播完錄音嘟完我女都未知要講答案，老師又冇指引，到想講時又話夠鐘，其實老師講一句'小朋友請問邊一句係形容緊幅圖？' 成件事簡單化好多。
看圖講故事又要求元素，又比時間指令，聽完都覺得複雜。
英文交通工具認真難，一時三刻要諗加2個functions，大人都未必諗到。
講真幼稚園生應該都冇咩試過聽錄音做指令，唔講以為中小學考緊listening，可能我小朋友反應唔夠快，真係想知培僑收生標準去到邊。
作者: 63_house 時間: 21-2-1 08:44
我仔係普通政府學校學校本英文練習好淺
都有英文listening wo
而我仔平時好鐘意聽listening
雖然我估今次佢今次都應該唔識
但其他幼稚園真係無listening呢part咩？
（好奇一問）
好多間神校唔係又出d好離地gei題咩？
一樣有好評有差評
就算係差評，都大把人去面試
希望學位
真係會留返比有心讀gei小朋友
唔好有offer 間間都註晒册
到最後再揀
我地呢啲一個offer都無gei家長真係急壞
作者: Funtoread 時間: 21-2-1 08:48
WONGKACA 發表於 21-1-31 18:31
琴日in我仔D老師都好好...我仔卡住咗..Ｄ老師都好耐心引導我仔...自由傾過陣，仲引的我仔笑癲咗甘...最尾都 ...
本帖最後由 Funtoread 於 21-2-27 01:00 編輯
作者: Funtoread 時間: 21-2-1 08:50
PJ媽咪 發表於 21-1-31 21:22
我同意你所講，老師需要一視同仁去教導小孩，因材施教。但現在講緊嘅係面試，並唔係教導學生嘅方式。
我所 ...
本帖最後由 Funtoread 於 21-2-27 01:00 編輯
作者: happygirl1284 時間: 21-2-1 08:58
我仔入唔到神校2nd in亦都無經驗係面試時聽錄音作答，今次依個模式真係令我有d surprised，連大人都覺得很大壓力，尤其是嘟個下。但我地個老師好nice, 幾次我仔答完都有讚佢。講故事一分鐘過左我仔都未講完，中文配詞20秒完左我仔先答，俾建議我仔只講到一樣，英文有五六個字讀錯左但都有盡力讀。其實面試內容夠全面，係設計得不錯，只係覺得個錄音好冷冰冰，感覺真係唔太好，尤其是宜家講緊既係考一個5-6歲的小朋友。就算計時都可以由老師講或者提一提，感覺會好好多。cky都係錄音但好活潑生動可以令小朋友放鬆，可能今次培僑係想測試埋小朋友的應變能力掛。
不過我欣賞我小朋友雖然表現唔理想但都好努力完成個面試，所以考完都大大力攬下佢同獎佢食雪糕。我地控制唔到學校點考但正正因為面試好難更加需要讚賞小朋友。
作者: b3410 時間: 21-2-1 09:06
菩提子 發表於 21-2-1 01:30
本帖最後由 菩提子 於 21-2-1 01:42 編輯
認你講法，但老實講，無論學校怎做總有人說不好的。
唔知要面試幾多candidates? 以我所知，就算升中面試，也好少學校可以俾到15分鐘 one to one
唔計題目深淺，有冇耐心引導小朋友回答，只係每人15分鐘，已經比每人5分鐘，或者更短時間，要付出的更多了。
作者: WONGKACA 時間: 21-2-1 09:18
回覆 Funtoread 的帖子
我仔好活潑，超多嘢港，沒聽明白仲舉手問老師是咩意思添...既然我仔有問問題，冇理由老師睇到唔話我仔知啊...同埋，與其話老師引導，不如話我仔真係話多到逗到老師沒辦法唔同佢講嘢
作者: Galaxymommy 時間: 21-2-1 09:24
WONGKACA 發表於 21-2-1 09:18
回覆 Funtoread 的帖子
我仔好活潑，超多嘢港，沒聽明白仲舉手問老師是咩意思添...既然我仔有問問題，冇理 ...
小朋友一樣咁做，老師黑面唔出聲wor，小朋友再問多次，老師就話你回答啦！
作者: 菩提子 時間: 21-2-1 09:29
b3410 發表於 21-2-1 09:06
每個小朋友單獨有15分鐘時間？如果真係咁，已經算好有心了喎！
唔知要面試幾多candidates? 以我所知，就算 ...
本帖最後由 菩提子 於 21-2-1 09:33 編輯
系呀…in咁多間，呢間唔知系咪最深，始終無睇曬其它考乜。但間學校其實好想盡量做親身面見的，所以改了許多次期，最後zoom in..但學校第1 round是拍片入2nd in的，所以學校說 俾多d 機會小朋友，就選左2千人入2nd in(應該無乜邊間咁多人入2nd in的了，咁多人，其實系好花學校資源去做2nd in的，為乜呢？ )
2nd in好似得2日，即1日要in成1000人左右，而且每位小朋友 都花15分鐘去 in..考的內容也豐富的，中英不用說，且中英考的不是一般認讀，真系好考到小朋友平日是否有努力學習的，而且有創意題(似乎無乜學校有)，自理能力題...算有心思出題的，有一定能力可1round 分別到小朋友間的差距的。
好似因技術問題，仲有人要補考，但考題很多已流傳了，相信學校會公平處理吧…
但當然了，IT技術及 處理等候時間上(等太耐)，學校要改善一下的，但做家長的我，總體上是感謝學校安排的。相信學校已盡量做到 俾多d機會小朋友，俾多d時間小朋友去發揮，也 辛苦了學校的老師，希望無論 小朋友發揮得好/未如理想 的家長也好，多欣賞學校安排，疫情下相信每間學校也盡量按自己能力安排好面試給小朋友的，讓自己和小朋友 多點欣賞和感恩學校的付出會更開心。
作者: mercy2015 時間: 21-2-1 09:47
我小朋友帶headphone獨自面試，所以我完全唔知過程。面試完問返佢覺得點，佢扮返段機械人式講話俾我聽，相信就係大家所講嘅冷冰冰感覺⋯小朋友都有講個老師個樣好嚴，不過讀英文時有字唔識個老師都有話唔緊要，照讀識嗰d就ok。最後小朋友都有好開心咁同老師講byebye。
作者: b3410 時間: 21-2-1 09:47
Galaxymommy 發表於 21-2-1 09:24
小朋友一樣咁做，老師黑面唔出聲wor，小朋友再問多次，老師就話你回答啦！
...
作者: kfcnitsuj 時間: 21-2-1 09:52
63_house 發表於 21-2-1 08:44
我仔係普通政府學校學校本英文練習好淺
都有英文listening wo
而我仔平時好鐘意聽listening
有listening 做，但係係好正統既listening practice, 有老師用真人，lead 住做 “ listen the story and answer the question,” 然後段listening 錄音係好生動既故事，完左自己做。
我只可以講培僑呢啲唔係同level listening。只係比instruction 囉
或者，今年校方係好有心思既。但我比個冇表情得黎，就加黑黑地面既老師，係冇禮貌。就浪費哂啦。
我地都有in神校，都知形式 佢in 完係好開心。唔係好似今次咁。今次培僑明顯係想模仿某男神校，由round 1拍片個形式就係啦。
好彩已有今次再係打算拎多個interview 經驗， 因為本身已有offer.。
作者: mikkbb 時間: 21-2-1 10:06
除咗面試日期一改再改之外，我都滿意學校整體嘅面試安排⋯我小朋友都一定唔係答啱晒，但我覺得學校又唔係話一定要揀答啱晒嘅小朋友⋯喺面試問題同模式，我都覺得學校係有別出心裁用心設計過，好多問題都會問你why，比起5分鐘hea in，其實問嘅野都比較深入，應該可以較客觀地喺2千多人入面大約分類到小朋友程度水平⋯至於播錄音，我個人覺得可以接受，畢竟係standardize到個面試模式⋯至於老師黑唔黑面，呢樣野我無咩comment，好subjective...好難估嘅⋯笑晒口又唔代表有著數，黑面又代表佢唔滿意你小朋友⋯
純個人感受，咩都有人讚有人彈，overall 我就覺得ok
作者: PJ媽咪 時間: 21-2-1 10:29
唉，凡事都有兩睇。
我只係講出我觀點與角度，我明白家長嘅諗法，亦都明白學校嘅做法。
我係話數據化比較公平。如果要講求真正嘅公平，咁呢個世界上大致上冇公平可言。
Happy School，唔係揀happy學生，而係揀top top學生，公平咩？
見你生得靚啲，家底好啲，老師又對你好啲，公平咩？
全級頭30，學校資源俾晒個30，明明交同一樣學費，但所有資源都比晒佢哋，公平咩？
老師嗌其他學生名字後面嗰兩個字，淨係嗌你個小朋友全名，公平咩？
要個五歲嘅小朋友過五關斬六仗去面試，咁細個面對咁嘅制度，公平咩？
世界上有太多太多太多唔公平嘅情況出現。一係退出，一係調整心態。
每一間學校都有做得好，亦有唔好既方面。只希望每一間學校下次會做得更加好。
| 歡迎光臨 教育王國 (/) |
Powered by Discuz! X1.5 |