教育王國

標題: 想預備定入year 7 [打印本頁]

作者: sunlong2011 時間: 21-1-24 08:10 標題: 想預備定入year 7

仔仔現時小四，我想佢升中去新西蘭，有無小朋友一升中就去紐西蘭？見好多中三先去。。。有無著重音樂的校？或間間差不多？
我預早2年預備定資料是否過早？
面試入學易收嗎？
希望大家幫忙解答

作者: mlee016 時間: 21-1-24 22:09

本帖最後由 mlee016 於 21-1-24 22:10 編輯

呢個問題有點覆雜. 我小女在香港讀到 6 年級上學期轉去 nz 讀 year 7. 又有同學仔係五年級轉去讀 year 7. 視乎年紀而定. 盡早準備總比趕住出發好. 我之前就帶埋細路實地考察和去了一些升學講坐. 等佢聽多 d 唔駛咁驚慌. 我覺 Year 7 和 year 9 入學較佳良機. 各路同學一齊入學總比插班好. 始終人生路不熟. 而家我女升year 10. 十分喜愛那邊生活.

至於那裡音樂好我就唔知. 那邊較注重平衡發展. 好少注重某些科目. 開心和健康為首要. 我女有學音樂, 沒有那些年年升一級嗰 d. 佢哋話要享受音樂. 係每一級享受每一級的快樂. 想操佢哋都唔比.

留意吓將來條路, 例如我想個女讀 IB. 將來大學去其他國家接軌或回港讀大學都得. 到時佢哋接受唔同文化嘅生活. 心胸都廣 d.

作者: anitawong21 時間: 21-1-24 23:40

sunlong2011 發表於 21-1-24 08:10
仔仔現時小四，我想佢升中去新西蘭，有無小朋友一升中就去紐西蘭？見好多中三先去。。。有無著重音樂的校？ ...

可以的話year 7去好D，因為高中NCEA評核方法同香港好唔同，科目內容都深過香港，好著重寫嘢，就算話數學淺，但都只係題目內計算嗰部份淺，後面都要寫一堆嘢解釋。同埋NCEA好多科目評核內容都圍繞住或關係到紐西蘭社會及歷史，如果初中去，可以早D適應當地學習模式及社會環境。如果中三先去，你仲要考慮埋同當地人融合問題，話哂你半途插入去，仲要係外國人。

至於邊D學校音樂或活動表演比較好，其實你可以去學校fb或IG睇吓，亦可以用學校名上網搵吓新聞，有機會見到校際比賽成績，亦可以八吓學校以前有冇咩負面嘢。

作者: sunlong2011 時間: 21-1-25 10:31

謝謝你們回覆那麼我放心早點要預備，另外你們是否找 Agent代辦一切？網上有幾間Agent都不知去那間好呢

作者: anitawong21 時間: 21-1-25 15:56

sunlong2011 發表於 21-1-25 10:31
謝謝你們回覆那麼我放心早點要預備，另外你們是否找 Agent代辦一切？網上有幾間Agent都不知去那間好呢:q ...

我哋有找agent，亦有人自己一腳搞掂，agent邊個好邊個唔好就唔講啦，不過你可以搵返舊post參考咗先。

搵NZ學校可以好快，有D睇完成績表即日通知取錄。其實你仲有好多時間，自己慢慢睇咗學校先，時候到了再決定用唔用agent，好過到時agent俾兩間你二選一。

作者: sunlong2011 時間: 21-1-26 09:42

anitawong21 發表於 21-1-25 15:56
我哋有找agent，亦有人自己一腳搞掂，agent邊個好邊個唔好就唔講啦，不過你可以搵返舊post參考咗先。

搵N ...

好的唔該哂

作者: fre124124 時間: 21-2-17 16:54

sunlong2011 發表於 21-1-24 08:10
仔仔現時小四，我想佢升中去新西蘭，有無小朋友一升中就去紐西蘭？見好多中三先去。。。有無著重音樂的校？ ...

我囡係香港讀左幾個月中一，今年係新西蘭讀year 8

作者: angela411 時間: 21-2-22 19:24

回覆 fre124124 的帖子

你好我想問你多少少資料你囡囡係住寄宿家庭還是宿舍？可否透露你囡囡讀那一間學校作為參考

歡迎光臨教育王國 (/)