教育王國
標題: 想請教一下，哪些學校會適合IQ155兒子 [打印本頁]
作者: hkhill 時間: 21-1-10 15:40 標題: 想請教一下，哪些學校會適合IQ155兒子
兒子 IQ score 155VCI 130
PRI 153
WMI 163
PSI 117
報告有指出學習環境會影響他的學習，不適合過於重複的學習模式，會令他學習動機下降。心理學家亦建議轉校。
小兒今年10歲，就讀於一般二線津貼小學五年級。學校課程算是輕鬆淺易。
他否定自我價值，不喜歡學習學校的課程，極度討厭做功課(但很少欠交)。沒有特別技能，只喜歡看YouTube ,打遊戲機，不喜歡戶外活動🙈
兒子學習能力強，英語能力高，從小到大只喜歡看英語節目，閱讀力也強，小一時學校評估閱讀能力已達level 24 ，等同中學程度。沒有社交問題。曾經參加過中大資優課程－科學，但覺得簡單無聊不肯再返。
成績中上，英文一直考全級一丶二，數學一般都A，中文比較弱，因為討厭寫字，從不溫習，四年級遇上一個極傳統老師(會罰抄)，令中文跌至C！慶幸今年遇到個有愛心的老師，中文可以回升至A。但常識仍然C🙈
問題是，因為現在小學沒有任何資優提拔兒子，而且校長亦稱不懂得處理。小三及小四老師評兒子上課不專心，導致操行只有B及B-，小五老師稱他有進步，評B+。
小五呈分將至，十分擔心呈分未如理想，未能升上合適的中學😔（學校大約只有二丶三十個B1位）
請問應否轉校？或是努力鼓勵佢考好呈分試？
如轉校，有哪些學校會比較適合小兒？
求賜教🙏🏻🙏🏻🙏🏻
一個十分無助的媽媽😔
作者: 王家爸爸 時間: 21-1-10 19:08
hkhill 發表於 21-1-10 15:40 
兒子 IQ score 155VCI 130
PRI 153
WMI 163
作者: hkhill 時間: 21-1-10 19:46
回覆 王家爸爸 的帖子
感謝回覆！兒子小三時曾參加ICAS 英文、Writing 及數學。
英文－Distinction
數學－High Distinction
Writing－Merit (原因，兒子高興地表示因為不限字數，所以寫得好少)
小四因疫情關係取消了ICAS,今年亦沒有…
數學老師曾叫小兒參加奧數比賽，但兒子對老師說他不喜歡計數…
動力低，對任何事都不大感興趣，實在令人懊惱不已..。
功課之中最討厭就是作文，已經不斷鼓勵，但仍抗拒！
對科學算是較感興趣，但拒絕上中大資優課程，實在感到無奈才在此發帖，尋求解決辦法。
作者: 王家爸爸 時間: 21-1-11 10:24
hkhill 發表於 21-1-10 19:46
回覆 王家爸爸 的帖子
感謝回覆！兒子小三時曾參加ICAS 英文、Writing 及數學。
作者: 王家爸爸 時間: 21-1-11 10:28
hkhill 發表於 21-1-10 19:46
回覆 王家爸爸 的帖子
感謝回覆！兒子小三時曾參加ICAS 英文、Writing 及數學。
資優課程其實無太大作用，所以參唔參加，就由得小朋友自己決定。喺YOUTUBE揾啲佢有興趣既野學，學得咁上下就參加下啲外國學術討論區，得益可能更多。
作者: stillgood20 時間: 21-1-11 12:58
hkhill 發表於 21-1-10 15:40
兒子 IQ score 155VCI 130
PRI 153
WMI 163
不過, 我細囝小學普遍成績還好, 可以入到地區Band 1 中學.
在地區Band 1中學, 卻消耗了時間 (其實大部份學生如是),
DSE考試, 中英未達level 3,未能直接入大學, 讀副學仕, 較合適的課程, 很容易入返8 大.
今年year 3, 剛出成績, 很好.
話說, 我細囝沒有做什么評估. 也不想別人知道他的想法.
在讀書的過程, 沒有向任何人講佢資優.
佢對語文無興趣, 通識是全級包尾幾個.
佢數學有天賦, 但也不是大興趣.
中學有參加校隊, 後期也不願比賽.
數學比賽, 應該是校區前一兩名. (我家的校區數量能力比較差).
雖是一二名, 但, 從來不溫習數學. 考天才嗰隻.
但, 也不願花時間去做高深數題.
比較喜歡youtube.
目前, 已進入自己有優勢的學科. 算是找到出路.
自己經驗, 我和細囝從來無睇得資優那麼重要. 按正常學習.
當然, 某一些短板, 我十分支持和接受.
所以, 細囝無咩失敗壓力.
DSE失敗, 我也沒說一句.
找另一個途徑便可.
當然, 可能, 讀地區中學, 不能善用, 會有浪費.
隨遇而安!
也希望你囝囝找到合適中學.
作者: stillgood20 時間: 21-1-11 13:29
hkhill 發表於 21-1-10 15:40
兒子 IQ score 155VCI 130
PRI 153
WMI 163
政府的系統, 好難去tailor made.個別學生．
作者: planetearth 時間: 21-1-11 14:16
你仔同我仔性格相似, 小學時不是勤力安靜的學生, 太過活躍且專注力不足. 成積不太標青, 但到了初中(一條龍私校), 我終於明白咩叫開竅. 突然間好自律,好鍾意讀書. 對自己要求好高.
小學時,盡量啟發他興趣, 我比佢假期上下science及coding興趣班, 要自己動手做下實驗的, 他自己建立了興趣, 大個左自己學得更深, 自己識網上報course 自學. 也因為興趣對相關學術知識有強烈的追求.
我仔學校有資優選拔, 不過我覺得支援不算多, 不會谷佢學術或跳級. 對資優生都好低調.
我仔小一至小六我就收盡所有老師投訴信, 成日比老師罰出班房企是平常事. 我仔而家大個了, 我講返佢以前D “威水史”佢笑到卡卡聲.
可以考慮轉去一線學校, 不過所有學校都難以滿足所有學生的需要. 所以家長其實也要按孩子的特性用心裁培, 但無必要拔苗助長
Keep住閱讀習慣. 其他媒體也可以是學習的好工具. 如果經濟許可, 報下下資優課程例如CTY的online.
如果唔轉校,就要自己比多Dchallenge佢, 經濟許可以報D不同資優課程.
小學階段, 我不喜歡機械式操練的補習班. 興趣班要真正能啟發孩子興趣, 到了初中,他們基本上都懂自學, 我感覺到父母比都D機會他們接觸不同的興趣, 大個左,他們就專注某些興趣自己發展.
你孩子還小, 不必太擔心他比較活躍或專注力不足問題, 所為專注力不足, 可能只是那些課堂太沉悶而已, 他對有興趣的事物應該極度專注的.現階段,最緊要有良好的親子關係, 青春期繼續有良溝通. 他有興趣的事情, 你要多鼓勵,不喜歡的科目而又重要的, 可以慢慢向他解釋重要性, 佢很聰明, 過兩,三年成熟了他會很清楚自己的目標, 他一發力你會有驚喜.
作者: planetearth 時間: 21-1-11 14:20
stillgood20 發表於 21-1-11 12:58
你囝囝情況, 跟我細囝好似.
不過, 我細囝小學普遍成績還好, 可以入到地區Band 1 中學.
在地區Band 1中學, ...
你兒子的故事 is very encouraging.我有個遠親個女, 讀副學士入8大, 最後第一名畢業
作者: 王家爸爸 時間: 21-1-11 16:29
stillgood20 發表於 21-1-11 12:58
你囝囝情況, 跟我細囝好似.
不過, 我細囝小學普遍成績還好, 可以入到地區Band 1 中學.
在地區Band 1中學, ...
另外，語言同數學呢兩科目好容易轉換成為學校成績，而且係對小朋友有持續影響既，直到DSE都受用（起碼有兩、三科係肯定有星既），擔心少好多。
作者: stillgood20 時間: 21-1-11 16:45
planetearth 發表於 21-1-11 14:20
你兒子的故事 is very encouraging.我有個遠親個女, 讀副學士入8大, 最後第一名畢業
...
謝謝!
細囝正努力中. 希望能夠以較優成績畢業, 再進修.
作者: deco99 時間: 21-1-11 22:32
stillgood20 發表於 21-1-11 13:29
如果,英文好,數學好．去揾一d好ge直資中學讀．
政府的系統, 好難去tailor made.個別學生．
同意，如果經濟允許都可以試下插is，小五插is中學剛剛好
如果仲想讀本地可試下新派直資優才真道王錦輝之類，對資優兒有較多支持
作者: 小曳人 時間: 21-1-12 20:22
本帖最後由 小曳人 於 21-1-13 07:01 編輯
如果我話，香港無咩學校啱，咁你會點？
我仔情況同你仔近似，score無咁高 ，小4已經响學校出事，唔願返學，唔願做功課，升中之後因為平時分唔得，拖到名次只係中間，甚至中下
我做緊嘅係向外發展，仔讀緊第4年科大DP喇，初初讀數，之後轉chem，今年讀phy
仔會自己睇唔同書，佢初小已經食咗成套十萬個為什麼，之後食埋觀念系列，所以底子上~應付到DP課程，加上佢會自己睇khan academy / youtube... 識嘅野比我多！
建議樓主俾多d機會阿仔接觸唔同嘅學科，鍾意打機好多時都樂意學coding，總之要夠忙，我主張發展多方面知識/興趣，唔好限住以為IQ高就學數快，佢有能力唔等於佢有興趣，以興趣行先好緊要
我唔知你仲可唔可以推動到佢學習動機 (因為字裡行間，覺得佢精力無乜點放响學野上面)，我係自少餵佢興趣嘅，佢自學已去到A Level 課程，可以自修考IAL，當然，有d人話超前所以學校會出現問題，但我覺得如果佢地好學嘅腦袋餵唔飽，問題仲更加多！
anyways，我差唔多捱過喇，感恩呢一年嘅zoom課程，唔駛返學，負能量少好多！(仲有，星期六唔駛趕場，am 中大、pm科大！)
加油呀！
作者: 小曳人 時間: 21-1-13 07:07
btw 呢排係轉校良機，但好多學校下學期插班已過...
我當年有試插cky，但因為想跳班，最終唔成功，仔應該衰中文，cky中英要求都高，除cky 之外，我相信真道都應該較適合 (假設唔考慮國際學校)
另外，聽人講wkf中學都多gifted，早兩年好似有個跳級入oxibridge
作者: akys 時間: 21-1-13 13:44
hkhill 發表於 21-1-10 15:40
兒子 IQ score 155VCI 130
PRI 153
WMI 163
冇動力呢樣嘢好難搞，平常心對待吧，千祈唔好有而家唔努力會浪費咗呢個想法！不過，如網友所說，學多啲唔同嘅嘢，睇多啲書／資訊性youtube，充實好兩科語言（這點非常重要），待一天覺醒就自然會突飛猛進。PRI WMI好高，學習其實唔會有大問題，反而在領導，人際關係，運動音樂等多元智能範疇增進一下，對將來發展影響更大。
我覺得同輩影響作用十分大，尤其對於一些冇動力的孩子。還有，怪人在名校相對算多，比較容易搵到同類人做朋友。
作者: cafeva 時間: 21-1-13 13:54
不如試下鼓勵佢做youtuber?
作者: 小曳人 時間: 21-1-13 17:06
akys 發表於 21-1-13 13:44
怪人在名校相對算多，比較容易搵到同類人做朋友。
我都以為係，但原來同我仔差唔多怪嘅人唔多，佢响學校未必撞到個差唔多怪嘅怪人，反而响DP就開始見到有火花！
btw, 我當年check 過，仔嘅score 大約係1 in 3-4千左右，以2007年出生人口係6萬幾計，即係同年約有20個人同佢差唔多怪，而就算名校點強，都要預有d怪人唔係積優，其實相遇好講緣份
如果樓主嗰件係WISC IV 155，遇見其他火星人嘅機會率更微
我成日覺得，佢地成長好孤獨，無人明白佢地，仲要被指責，所以好多時關於學校嘅野，我盡可能都唔話佢，嘗試了解佢，俾佢覺得屋企都有個人會明白佢多dd，從佢角度出發，佢會樂意聽呢d意見，會比較正面
作者: stillgood20 時間: 21-1-13 17:36
小曳人 發表於 21-1-13 17:06
我都以為係，但原來同我仔差唔多怪嘅人唔多，佢响學校未必撞到個差唔多怪嘅怪人，反而响DP就開始 ...
比如中五,學校數學比賽,係group形式,
老師一提出,亞囝即舉手退出．
佢話, 其他同學唔明佢點計數,又費時解釋．
e個孤單情況,我都解釋過,
世界仍有不少跟他一樣的,只是未遇到．
可能,用伯牙,子期比喻．
當佢往上讀上去,又或工作圈子越專業,
就有機會遇到朋友．
好彩, 一．佢有爸爸我, 我很少說話,也不給他壓力去改變佢為"普通人",二．有大五歲哥哥, 所以有傾訴對象．
細囝外表唔怪, 佢隱藏自己, 少表達自己,
也少參與課程以外交流．
不過, 近年, 開始面對現實, 讀書也好, 將來工作也好．
基本社交一定要慢慢適應．
隨遇而安!
作者: akys 時間: 21-1-13 17:36
本帖最後由 akys 於 21-1-13 17:41 編輯
小曳人 發表於 21-1-13 17:06
我都以為係，但原來同我仔差唔多怪嘅人唔多，佢响學校未必撞到個差唔多怪嘅怪人，反而响DP就開始 ...
哈哈！去到一個台階，IQ相差多少已經冇乜關係，主要係性格，喜好是否相同。阿仔以前best Friend 思想超齡成熟，有好多玩得埋嘅同學仔，但佢同媽媽講BF只有阿仔，其他只不過應酬而已（8／9歲人仔有呢種想法）。
你仔學校唔夠名牌，所以要去到DP搵， 嘿嘿！
『我成日覺得，佢地成長好孤獨，無人明白佢地』其他人唔會明，所以阿仔朋友好少，絕對係君子之交淡如水。
作者: hkhill 時間: 21-1-21 11:31
回覆 stillgood20 的帖子
謝謝你的建議。我本來都係打算插班一條龍直資學校，較早前已致電WKF了解，大約農曆新年後才有插班資訊。
我同爸爸並不是着眼成績的家長，只是小兒喜歡學習，恐怕程度淺的學校他會更不適合...
作者: hkhill 時間: 21-1-21 11:50
回覆 akys 的帖子
對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳、網球、跆拳、足球、籃球…，冇一樣肯學多過一年！
近兩年試吓叫仔上coding course，佢又係唔肯，於是爸爸買咗Mbot 俾佢，玩到其中一度過唔到就唔玩，鼓勵極佢都唔想再試…
佢只係想一直睇YouTube，睇人打機同一啲資訊性嘅channel，全部外國人，所以英文好強，而且識嘅嘢都好多，會令人意想不到。
仔亦都不斷重複睇漫畫大英百科，基本上睇過都記得，可以突然間同你講遺傳基因，又會突然間講靜電、閃電點樣形成。
所以爸爸話唔擔心佢學習能力，只係唔知可唔可以搵到間適合佢嘅學校…。
加上家姐今年要升中選校，我已經冇乜精神同時間，心力交瘁…
學校英文科老師話香港學校唔適合仔讀，但經濟上未能送佢出國讀書，唯有努力搵直資學校試吓。
作者: akys 時間: 21-1-21 13:15
本帖最後由 akys 於 21-1-21 13:21 編輯
hkhill 發表於 21-1-21 11:50
回覆 akys 的帖子
對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...
每個孩子都是獨特的，而最清楚他們的就是父母。 呢度好多前輩分享過他們的經驗，可以參考但不能照抄。不過，總括而言，都有幾點共通點。1） IQ高不是入場券，成績才是王道（非常現實）。
2）不要偏向一面，文理平衡就最好。
3）外國（我唔清楚）》IS》直資私校》官津。
4）成績重要但不是一切，性格行為，態度，觀念要留意。
5）多學習，多嘗試。
所有煩惱來自自己，按你的描述，如果父母無慾無求，除非有情緒，自我放棄等行為，我覺得將來3大8大一般科目不用擔心，但如果target神科，牛劍哈耶等就要痛苦一下了，呢個亦都係父母怕晒咗嘅諗法。
我孩子由細到依家最叻係靚較，唔理係乜嘢或放喺邊度，都係中上，亦總有一兩科前列，可以認屎認屁，所以我對揀學校十分小心，會針對一線學校，一線嘅中上與2 ，3線嘅中上好唔同。因為唔知將來會如何，就按多元智能理念栽培，安排多閱讀（語文），運動，音樂，童軍（生活技能，記律，領導），STEM等項目。有得有唔得，有冇動力都唔重要，盡人事就算了。不過，我覺得所做的一切唔會浪費，待一朝覺醒就會發覺工具齊全，想點都得。我嗰個冇乜朋友，但搞事能力一流，仲係大大鑊果啲，小學時最驚係收到某些字頭來電，上到中學以為好啲，中二時又衰一單，雖然打得甩，不過仍然被記錄在案。所以，平常心才是王道。
作者: stillgood20 時間: 21-1-22 12:19
本帖最後由 stillgood20 於 21-1-22 12:33 編輯
hkhill 發表於 21-1-21 11:50
回覆 akys 的帖子
對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...
有一個資優孩子, 對家長確是一個壓力.有苦自己知.
如果, 只是普通較高IQ, 而且, 是綜合能力.
那讀書真係唔使煩. 普通學校, 最叻是"較"資優+積優學生.
我自己屋企,
老婆教大囝已經係煩到不得了.
到細囝, 老婆話由我教. 佢完全唔理.
如果, 真的細囝, 老婆去教.
肯定遇上很大問題.
老婆睇成績, 講平衡, 做事有要求.
由細囝讀小學, 以至中學, 考試測驗, 老婆都催細囝溫習.
細囝可以用不同方法化解, 最終, 行返自己個套. 即係少理, 唔溫習.
老婆也好, 只向我投訴, 要我負責.
我自己很理解細囝, 中間拖拖拉拉, 事情便過去了.
問題在於, 如果細囝真係IQ很高, 普通人係唔理解.
鈿囝最經典一句,
每當數學考試前一天, 等於放假, 唔使做野.
相反, 媽咪話, 快d溫習.
亞囝, 會答, 溫咗書, 反而會低分了.
另外, 我可能有不同觀點,
去勉強IQ很高的, 去做綜合能力, 究竟, 效益有幾大?
還是, 集中發揮專長?
當然, 去找那個entrance & platform, 要多留意孩子行為了.
作者: 王家爸爸 時間: 21-1-22 13:50
hkhill 發表於 21-1-21 11:50
回覆 akys 的帖子
對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...
作者: akys 時間: 21-1-22 16:48
王家爸爸 發表於 21-1-22 13:50
恕我直言，由細到大上唔同興趣班，可能就係冇一樣學得好既原因。我既建議係，首次，每個人都會對有啲野有興 ...
test 後CP嘅忠告和上網睇下外國過來人嘅自我分析都不約而同指出一個普遍問題『容易放棄』或『自我放棄』，將來結果係可以好參差，有些最後從事體力勞動，有些在油站打工。寫code為例，心頭高但遇到難題或Bug後停下來，最後開好多頭，但一件完成品都做唔出來。 我孩子都有呢個傾向，哦咗幾年，要他適當manage expectation，最近一兩年好咗好多。
作者: 王家爸爸 時間: 21-1-22 18:07
akys 發表於 21-1-22 16:48
test 後CP嘅忠告和上網睇下外國過來人嘅自我分析都不約而同指出一個普遍問題『容易放棄』或『自我放棄』， ...
現在寫程式比我哋當年容易（現在似切LEGO），而且唔需要太考慮資源效率（當年洗衣機咁大既硬碟得既MB，現在SIM卡咁大已經有近TB）。現在寫程式，基本上係call現成既libraries；除非寫整個系統，否則對轉數快，IQ高，又有興趣既人，唔會有難度。
所以最重要反而係知道自己小朋友既興趣同能力；家長最需要既係引導小朋友，令佢哋既興趣 align with 佢哋既能力，而唔係挑戰佢哋唔精既範疇（除非你肯定小朋友IQ高，EQ/AQ都高），原因係IQ高既人係比普通既人脆弱。簡單啲講，就係知道佢係魚定係馬騮，如果係魚就令佢鍾意游水，而唔係去學爬樹。好多魚就係因為想學爬樹（家長又鼓勵佢哋學爬樹），最終一事無成；明明小朋友係大文豪，將來可以係出名小說家，但係家長見IT搵到錢，想佢哋學寫程式。
作者: mandy_ng207 時間: 21-1-23 12:16
stillgood20 發表於 21-1-22 12:19
有一個資優孩子, 對家長確是一個壓力.有苦自己知.
如果, 只是普通較高IQ, 而且, 是綜合能力.
數學考試前可以放一日假-》又幾啱喎，我記得考英文試前就係可以放一日假，因為都唔知温咩好
數學都係中六七先至有嘢溫，中一至中五考數學前一日都係幾輕鬆㗎
作者: picture 時間: 21-3-2 20:59
hkhill 發表於 21-1-10 19:46
回覆 王家爸爸 的帖子
感謝回覆！兒子小三時曾參加ICAS 英文、Writing 及數學。
點解不試下男拔？
作者: sloba123456 時間: 21-3-2 22:08 標題: 回覆樓主:
其實阿仔小一，學校已經選佢係優先做iq test, 高分。我還記得考頭過我小朋友嗰幾個全部唔係資優，啲阿媽好失望，當然就講啲test唔準啦。
其實iq高咁又掂呢？高iq, 點解一定係數理叻呢？可以其他方面叻喎。
另外，叻iq跟成績好，係未必正比的。仔係成績好嗰批，都係讀番來，背番來。
我每次都講培養毅力和恒心才是成功的重要關鍵。
作者: 王家爸爸 時間: 21-3-3 09:07
mandy_ng207 發表於 21-1-23 12:16
數學考試前可以放一日假-》又幾啱喎，我記得考英文試前就係可以放一日假，因為都唔知温咩好
數 ...
作者: 王家爸爸 時間: 21-3-3 09:16
sloba123456 發表於 21-3-2 22:08
其實阿仔小一，學校已經選佢係優先做iq test, 高分。我還記得考頭過我小朋友嗰幾個全部唔係資優，啲阿媽好 ...
作者: 小曳人 時間: 21-3-3 09:24
sloba123456 發表於 21-3-2 22:08
其實iq高咁又掂呢？高iq, 點解一定係數理叻呢？可以其他方面叻喎。
至於其他能力高，我有見唔少話語言資優嘅，都會响WISC 度有13x，佢地有d同時係其他方面能力都突出，e.g. 音樂
作者: sloba123456 時間: 21-3-3 11:20
王家爸爸 發表於 21-3-3 09:16
點解會覺得考頭過我小朋友嗰幾個全部唔係資優？我教書時都研究過下，發現考得好既，部分係測試咗係資優，覺 ...
梗係唔係我覺得啦。。係測試結果証明唔係。
作者: sloba123456 時間: 21-3-3 11:23
小曳人 發表於 21-3-3 09:24
首先你要明白，唔係所以能力，都能夠用客觀量表去計分，而現時嘅WISC 所用嘅方法或所測試嘅能力，就係剛剛 ...
香港嘅資優測試，係無測到音樂和體育，主要係無有資格測試人。
當然理解能力，短暫記憶等各方面都對學習音樂有好大幫助。
作者: ANChan59 時間: 21-3-27 15:48
王家爸爸 發表於 21-1-11 10:24
如果係我，我會鼓勵佢多啲寫野，長短唔係問題，多寫自然越寫越多。
我儿子有两个经验，一个在Current Affairs Writing，另一个在 Pre-IB。
两个老师都係俾一个题目佢任佢写，然后跟佢讨论他的观点，挑战他的想法，让他提出新的观点，新的表达方式。过几天再交作业，再讨论，他们的目标不是数量，而是质量及思考。
到一定程度才给另一个题目，重复类似的流程，最后结果是让他了解一篇好的文章是要有不同原素，慢慢写一篇文章之前，脑海已经有一定想法，结构及表达方式。
当时学的是英文写作，老师亦提醒佢可以用在中文及其他理科报告上！
作者: ANChan59 時間: 21-3-27 15:53
planetearth 發表於 21-1-11 14:16
你仔同我仔性格相似, 小學時不是勤力安靜的學生, 太過活躍且專注力不足. 成積不太標青, 但到了初中(一條 ...
你最后一段，我好有共鸣！
我当年曾经考虑及替他报其他小学，最后还是留在原校，但我有跟校长讲他的情况，校长有幇他，让他改善人际关系。
作者: ANChan59 時間: 21-3-27 15:56
王家爸爸 發表於 21-1-11 16:29
細個既小朋友，語言同數學學習能力強，而呢兩科係其他科目既基礎。如果小朋友仲細，個人認為重點應該係打好 ...
本帖最後由 ANChan59 於 21-4-6 12:10 編輯
这个如意算盘最好，如果小朋友的多元智能强項不在这两方面，就家长辛苦好多！
作者: ANChan59 時間: 21-3-27 16:03
小曳人 發表於 21-1-13 17:06
我都以為係，但原來同我仔差唔多怪嘅人唔多，佢响學校未必撞到個差唔多怪嘅怪人，反而响DP就開始 ...
我的观察他们找寻的 soul mates 不一定是跟自己相似的，反而有机会是跟他性格，想法相反的朋友。如果套入多元智能，几个加起来，都几完整，同时学识欣赏其他的的优点，互补长短，到职场，就在侍人处事十分有利。
作者: ANChan59 時間: 21-3-27 16:05
hkhill 發表於 21-1-21 11:50
回覆 akys 的帖子
對！冇動力先係最大問題！唉…由細到大已經俾仔上唔同嘅興趣班，鋼琴、圍棋、畫畫、游泳 ...
你哋点样选那些兴趣班？同时上几多个？为什么选这些兴趣班？
作者: ANChan59 時間: 21-3-27 16:06
akys 發表於 21-1-21 13:15
每個孩子都是獨特的，而最清楚他們的就是父母。 呢度好多前輩分享過他們的經驗，可以參考但不能照抄。不過 ...
认同！
作者: ANChan59 時間: 21-3-27 16:08
akys 發表於 21-1-22 16:48
test 後CP嘅忠告和上網睇下外國過來人嘅自我分析都不約而同指出一個普遍問題『容易放棄』或『自我放棄』， ...
Expectation Management 要父母及孩子同时都要觉醒。
作者: ANChan59 時間: 21-3-27 16:16
王家爸爸 發表於 21-1-22 18:07
容易放棄、自我放棄，主要係因為無滿足感；而無滿足感，主要係因為做啲自己唔鍾意，或者無能力做好既野。我 ...
同意你说编程的两个重点，我一直以为儿子缺乏耐性及毅力。但到了大学，开始看到他在一些非常有兴趣的事情上，会出现耐性及毅力。
他在大一开始写第一个程式，到现在已经差不多八年，不同階段有不同修正增加程式複杂性，近期尝试加入Al，令我有些跌眼镜！
他的理想是有第二、非工作入息，就不用日日睇老细面色，追求财务经济自由！
作者: 王家爸爸 時間: 21-3-27 18:30
ANChan59 發表於 21-3-27 16:16
同意你说编程的两个重点，我一直以为儿子缺乏耐性及毅力。但到了大学，开始看到他在一些非常有兴趣的事情 ...
作者: ANChan59 時間: 21-3-27 18:33
王家爸爸 發表於 21-3-27 18:30
我兩個小朋友都係一樣，睇落缺乏耐性同毅力，但係一到辯論比賽、演講比賽之類，就完全唔同，所以興趣係最重 ...
你就好啦，两个都咁出色。我一件都令我口晕！
| 歡迎光臨 教育王國 (/) |
Powered by Discuz! X1.5 |