教育王國
標題: 想訪問一下畢業左既小朋友家長，KV , LH , SC , York [打印本頁]
作者: soha2018 時間: 21-1-4 16:32 標題: 想訪問一下畢業左既小朋友家長，KV , LH , SC , York
本帖最後由 soha2018 於 21-1-6 00:35 編輯
想訪問一下畢業左既小朋友家長，
KV , LH , SC , York 畢業後，孩子的改變多嗎？
有冇咩特質係學校培養到出來既？
此類特質有冇對升小 或 銜接有正/負幫助？
本人沒有任何前設，只想聽聽真實用家經驗... 客觀體驗很難求(emoji)(emoji)(emoji)(emoji)(emoji)(emoji)
謝謝指教(emoji)(emoji)(emoji)(emoji)(emoji)(emoji)
作者: happypapa11 時間: 21-1-4 22:33
家庭教育影響最大
作者: mimi222shi 時間: 21-1-4 23:08
揀KV因為重學術及紀律,小學同一類型.
考測,做功課及温習,合作！
孩子雖然比較活潑,但經過學校訓練後,已算乖巧（特別係考小學),入到心儀學校.
作者: apple1990 時間: 21-1-5 00:23
當然揀 KV for sure.....第一間飛 York
作者: soha2018 時間: 21-1-5 02:11
mimi222shi 發表於 21-1-4 23:08 
揀KV因為重學術及紀律,小學同一類型.
考測,做功課及温習,合作！
首先我并沒前設，真心只求分享
我正在了解就讀幼稚園與小學類型的好、壞處... 謝謝你先
孩子個性與學校風格比較有衝突時如何平衡？
孩子快樂嗎？ 學習上會出現反抗問題嗎？
現在幾年班了？升上小學後有反彈的現像嗎？
謝謝你分享
作者: mimi222shi 時間: 21-1-5 09:46
我的選小方針
1.一定要認同學校理念
2.學術強
3.重品德
4.不過海
5.男女校(用家堅持世界上有男有女,小學一定唔讀齋校,中學再議)
6.唔一定要神校,用家受唔到大壓力,怕反效果.
幼稚園及小學有收老師電話,最重要家校合作！
以上2個階段都快樂,因為用家最怕悶,所以家長特意選課程深學校,有挑戰性.
另外,我選校有考慮：
幼稚園係小學大戶；書院(除小學部外)喜歡收小學畢業生.
作者: mimi222shi 時間: 21-1-5 09:47
KV係要求高同嚴格,但真係好學校！
作者: DengCK 時間: 21-1-5 10:20
KV連畢業禮都無，樓主接唔接受到？
作者: karkarsam 時間: 21-1-5 10:55
回覆 apple1990 的帖子
如果唔係York用家，請不要那麼主觀說第一間飛起York。當然KV, LH, SC係名幼，升小有保證。但York係一間很好的學校，每個老師都很有爱。我囡由K1至今年K3，無論學術同性格都有很大進步。呢三年，我冇聽過一個家長覺得學校差，有問題同學校提出，學校都會跟進，再改善。而囡囡由K1十分內外，唔敢講野，變成宜家好活潑。而且，學校嘅小朋友嘅英文程度都好好，尤其係oral。
作者: soha2018 時間: 21-1-5 11:19
mimi222shi 發表於 21-1-5 09:46
我的選小方針
1.一定要認同學校理念
2.學術強
謝謝回覆。
都聽聞KV 好嚴格，請教一下有冇咩例子可分享。
Again , 我無前設，只想知道用家情況。 謝
作者: soha2018 時間: 21-1-5 11:24
karkarsam 發表於 21-1-5 10:55
回覆 apple1990 的帖子
如果唔係York用家，請不要那麼主觀說第一間飛起York。當然KV, LH, SC係名幼，升小 ...
謝謝回覆。
首先我沒有前設，只求用家真實分享情況。
我把York 一起討論原因是學校英語語鏡好，活動吸引，學生聽聞都活潑有自信.....
但佢既有教無類收生唔知點解不是每個人能接受(emoji) 所以我更想知道真用家畢業後情況...
請問你們小學的取向是什麼？
有offer 嗎？
謝謝回覆
作者: DengCK 時間: 21-1-5 11:55
soha2018 發表於 21-1-5 11:24
謝謝回覆。
首先我沒有前設，只求用家真實分享情況。
York 都會有神校offer, 當然是個別例子。但英文語境不是間間俾到。睇你想要咩。
於我來說，英文語境最重要，如無Lh我會take york
作者: soha2018 時間: 21-1-5 12:04
DengCK 發表於 21-1-5 11:55
York 都會有神校offer, 當然是個別例子。但英文語境不是間間俾到。睇你想要咩。
於我來說，英文語境最重 ...
謝謝回覆。
是的York 語鏡很吸引。
請問可以分享下LH 的情況嗎？
作者: 小曳人 時間: 21-1-5 12:26
建議家長必需講出要求，e.g. 語境要好的話，KV可能係相對差嘅選擇
我估，應該無家長嘅小朋友讀得哂4間，頂多2-3間，所以好難咁樣比較
唔好覺得學校可以改變孩子，家庭影響响呢個年紀一定最大，家長要考慮嘅應該係：你想選擇邊間學校做你教育partner，你鍾意邊個模式多d，當中包括距離/交通安排問題，am/pm offer，當然，我知唔少家長唔考慮呢d日常野，但作為過來人，仲要兩件，我嘅前設係生活安排，所以我兩個都有KV/SC offer，但無讀，LH當年無校車去沙田區，超想讀但無報到
而我都會先out york (得罪哂，我係直頭無報過，只係當我知細仔入唔返KM N班，print咗york張form出嚟，考慮報) 唔係佢唔好，主因係佢貴，又好似相對易入
作者: mimi222shi 時間: 21-1-5 12:34
本帖最後由 mimi222shi 於 21-1-5 12:39 編輯
soha2018 發表於 21-1-5 11:19
謝謝回覆。
都聽聞KV 好嚴格，請教一下有冇咩例子可分享。
印象中
1.對字體有要求2.有默書及評估
3.有功課
4.轉堂要安靜及伏在桌上休息
5.小息活動要較靜態(要注意聲量)
6.KV校車是老師跟車
7.主任及校長會觀課,留意較活潑的學生
現校家長應該會有更多補充.
以前有評價,KV係小學模式.
作者: soha2018 時間: 21-1-5 12:41
mimi222shi 發表於 21-1-5 12:34
印象中
1.對字體有要求2.有默書及評估
3.有功課
係，我都有聽聞因KV 教學模式比較接近傳統小學而受 小學選生歡迎...
會唔會覺得小朋友過早太守規矩... 會影响到佢欠缺活力（因學校唔主張，可能會比老師話？！）
同埋欠創意？ （因咩都跟學校做？！）
Again, 我無前設。 無對、錯。
作者: mimi222shi 時間: 21-1-5 12:49
本帖最後由 mimi222shi 於 21-1-5 12:52 編輯
soha2018 發表於 21-1-5 12:41
係，我都有聽聞因KV 教學模式比較接近傳統小學而受 小學選生歡迎...
會唔會覺得小朋友過早太守規矩... ...
我小朋友從小已不易教！
家長係專登放佢入出名嚴既幼稚園同小學,等佢貪玩都知要守秩序.
升小沒有參加任何面試班,有心儀直私收.
升中主要睇成績,呢點從幼稚園開始鋪路...
性格不能靠學校改變！係要佢知適當場合做適當事.
作者: gracelam 時間: 21-1-5 13:07
soha2018 發表於 21-1-4 16:32
想訪問一下畢業左既小朋友家長，
KV , LH , SC , York 畢業後，孩子的改變多嗎？ 有冇咩特質係學校培養到出 ...
無關係，家庭教育及孩子本身資質最重要。
識人KV, SC, York畢業，各有唔同，其中個DSE Best 6得幾分，但好乖仔。
作者: mimi222shi 時間: 21-1-5 13:22
絕對認同家教及孩子資質係最重要.
但學校及同學對小孩發展及成長均有重要影响！
幼稚園影响考小一(除非抽津校),小學影响考中學...
作者: creambun 時間: 21-1-5 13:39
幼稚園其實對學生心智影響不大。小學學校，老師同朋輩的影響力大得多。不過入讀哪間幼稚園多多少少會影響將來入讀哪些小學。
作者: Darklady 時間: 21-1-5 14:08
soha2018 發表於 21-1-5 12:41
係，我都有聽聞因KV 教學模式比較接近傳統小學而受 小學選生歡迎...
會唔會覺得小朋友過早太守規矩... ...
守常規同禮貌與小朋友有無創意是無關的...
例如去廁所要排隊，見到老師要打招乎，所謂的靜態係不要胡亂尖叫，教小朋友上堂留心聽老師講野等等，
說它嚴，不如說kv係好有耐性一而再再而三執正規矩禮貌，
我小朋友有時放學會唔記得講bye bye，老師會好有耐性多次糾正
kv係嚴而有愛，小朋友番學非常開心，我小朋友係外向活力型，
學校無改變左佢性格，無變左文靜坐定定型
學樓上講，kv係教小朋友知適當場合做適當事
作者: soha2018 時間: 21-1-5 14:47
mimi222shi 發表於 21-1-5 12:49
我小朋友從小已不易教！
家長係專登放佢入出名嚴既幼稚園同小學,等佢貪玩都知要守秩序.
謝謝你的回覆。
最後個句好有point .
Again , 我沒有前設，也不是找好與不好，只想了解用家的情況分享。
作者: soha2018 時間: 21-1-5 14:52
Darklady 發表於 21-1-5 14:08
KV係教小朋友要守常規同有禮貌
守常規同禮貌與小朋友有無創意是無關的...
謝謝你的詳細回答。
就是想知道這類用家真實情況。謝謝。
大家都說嚴，嚴字很負面，學習於特定規矩內自由活動、學習就變得比較正面(emoji)....
D人一味話嚴，咩叫嚴？點為嚴？真心知個個人介定不同，謝謝你的具體說明。
作者: mimi222shi 時間: 21-1-5 14:53
本帖最後由 mimi222shi 於 21-1-5 14:59 編輯
考直私小好多時要耐心等候和排隊
當有其他小朋友作比較時,原來我眼中既活潑又貪玩的小孩,可以企定定聽老師指示,絕無周身郁...估計係幼稚園功勞.
KV係中文及數學強
我小朋友對英文極有興趣,不靠KV
選校最重要係適合！
作者: fadgare 時間: 21-1-5 14:56 標題: 回覆樓主:
York主要英文語景，phonics教得好，多活動，教學有趣。小學擔心英文少一科，同讀英常，文學也很輕鬆。但中文要額外加強。小兒當年都考到心儀私小，之後插咗間直資。我覺得York培養到佢英文好，同埋由內向變得主動開朗。之後slibing冇報你講果3間，都係讀York。是否容易入對我嚟講無咩考慮性，最緊要比到我想要嘅嘢。另外我覺得補中平過同易過補英文，同埋幼兒的語景很重要。所以揀邊間，看自己需要吧。
作者: soha2018 時間: 21-1-5 15:08
fadgare 發表於 21-1-5 14:56
York主要英文語景，phonics教得好，多活動，教學有趣。小學擔心英文少一科，同讀英常，文學也很輕鬆。但中 ...
謝謝回覆。
我本人對「有教無類」沒有太多想法，本該正面的事情...
但又聽人講考小學時，學校會偏向某些名幼的教學模式比較接近傳統小學，請問你有這方面的分享嗎？ York 教學方法比較free 嗎？ 大部份用家評價孩子活潑醒目
作者: soha2018 時間: 21-1-5 15:12
mimi222shi 發表於 21-1-5 14:53
考直私小好多時要耐心等候和排隊
當有其他小朋友作比較時,原來我眼中既活潑又貪玩的小孩,可以企定定聽老師 ...
謝回覆。
係呀，適合最重要。
呢樣我有前設了，是適合我和我小朋友，而不是某某和某某小朋友...
所以我很煩地問比較詳細，我唔想聽一句「好」就了事，我的好不代表某某都覺得好...
客觀的找適合自已就是。
謝謝回覆，我再消化下(emoji)(emoji)
作者: fadgare 時間: 21-1-5 15:41
soha2018 發表於 21-1-5 15:08
謝謝回覆。
我本人對「有教無類」沒有太多想法，本該正面的事情...
我小朋友當年考到的是比較傳統的私小。之後插班的是比較活動的學校。我覺得佢兩邊都適應得幾好。邊種學校比較適合我諗主要看小朋友的性格吧。York都著重守規矩，排隊舉手禮貌等基本規矩都係要守的。但老師都包容，如小朋友上課期間突然站起來或發問等，老師都會友善提醒。小朋友返學是好開心的。
作者: DengCK 時間: 21-1-5 15:52
fadgare 發表於 21-1-5 15:41
我小朋友當年考到的是比較傳統的私小。之後插班的是比較活動的學校。我覺得佢兩邊都適應得幾好。邊種學校 ...
我相信每間幼稚園都會教守規矩，只是嚴肅地教定寬容地教。
作者: fadgare 時間: 21-1-5 15:59
DengCK 發表於 21-1-5 15:52
我相信每間幼稚園都會教守規矩，只是嚴肅地教定寬容地教。
咁York不是嚴肅果類。老師都是溫柔提醒而已。
作者: 993rs 時間: 21-1-5 16:29
KV 好穩陣，父母接受傳統津校果套死板就ok。我唔得。單係升小，勇於表達既小朋友已相對較有優勢。KV 太 old school、仍然係7、80年代果套。對大部份小朋友來講，老師要佢地唔出聲好簡單；但教曉佢地有勇於表達係更難。而且透明度不足，好難了解到小朋友系學校真實果一面。
四間當中我對 LH 印象最好。非用家、只係有 close friends用緊，一直有 update 住。升小係咁多間一直最 supportive，而經歷疫情LH係其中較能 adapt to 網上學習既一間。
至於什麼特質，家庭既影響大於幼稚園
作者: islz 時間: 21-1-5 16:30
學第一位回覆：第一間飛KV
不需要有原因，因為佢入左KV，大家知道KV家長修養了，多謝你丫。
作者: soha2018 時間: 21-1-5 17:35
fadgare 發表於 21-1-5 15:41
我小朋友當年考到的是比較傳統的私小。之後插班的是比較活動的學校。我覺得佢兩邊都適應得幾好。邊種學校 ...
謝謝分享。
作者: EugeneS 時間: 21-1-5 18:53
993rs 發表於 21-1-5 16:29
KV 好穩陣，父母接受傳統津校果套死板就ok。我唔得。單係升小，勇於表達既小朋友已相對較有優勢。KV 太 ol ...
同感，現今世代小朋友更需要多角度思考 、溝通能力及解難能力。小息轉堂我會想小朋友學下社交或者睇下書，而吾係伏係枱面扮乖俾老師睇
至於多人講KV幼小銜接做得好好，但又無聽過另外3間有銜接吾到的情況出現，不理解KV有咩銜接優勢
學術方面，KV 放輕了英文然後話中數強，如果另外3間都將投放在英文的資源轉到中數上，中數應該吾難做到 KV 程度
坊間有傳某部份直私已經減少收 KV學生，雖不知真假，但要4揀1的話實在令人卻步
作者: creambun 時間: 21-1-5 19:24
EugeneS 發表於 21-1-5 18:53
同感，現今世代小朋友更需要多角度思考 、溝通能力及解難能力。小息轉堂我會想小朋友學下社交或者睇下書， ...
其實另外3間的中，數唔一定比KV 弱。在EK , KV 中數強，英文弱, 呢句說話已流傳多年，現在是否仍然如此就要靠現時的家長update 一下。
作者: 熊寶寶樂園 時間: 21-1-5 22:08
soha2018 發表於 21-1-4 16:32
想訪問一下畢業左既小朋友家長，
KV , LH , SC , York 畢業後，孩子的改變多嗎？ 有冇咩特質係學校培養到出 ...
如果講追得上時代嘅變遷、應付考直私等升學嘅需求，又想有名牌效應，中間嗰兩間似乎睇高一線。
作者: JojoDad 時間: 21-1-6 09:24
Darklady 發表於 21-1-5 14:08
KV係教小朋友要守常規同有禮貌
守常規同禮貌與小朋友有無創意是無關的...
作者: wg_ann 時間: 21-1-6 09:42
JojoDad 發表於 21-1-6 09:24
乜呢D禮貌同守規唔係間間都會教咩？家長認同這方面是必然的啦，可怎麼大家都說成這是這間或那間的理念，好 ...
無錯，其實間間幼稚園都有教禮貌同守規，呢d係基本野，但一個小朋友的品德家庭教育佔好重要一環，小朋友的行為及待人接物某程度上反影了父母的家教。
近年見不少家長希望連“家教”都完全外判俾學校，只依靠每日番左幾個鐘幼稚園的品德教育，父母連基本家庭教育都唔教。
作者: Darklady 時間: 21-1-6 11:26
JojoDad 發表於 21-1-6 09:24
乜呢D禮貌同守規唔係間間都會教咩？家長認同這方面是必然的啦，可怎麼大家都說成這是這間或那間的理念，好 ...
而你說的沒錯，每間幼稚園都會教小朋友規矩和禮貌，但KV一般會被坊間說很嚴，
如樓主所說，嚴對幼稚園來說可以說是一個較負面的字眼，
所以我在這方面說多一點所謂的嚴具體程況，所謂的嚴，並非如坊間想說的嚇人，
更加不會令小朋友缺乏創意，因為有禮貌和守規矩與創意是無關的
另外在這方面我有多一點的體會，我小朋友除KV外讀過其他幼稚園，
是區內非常有愛心有口碑的幼稚園，當然也有教禮貌規矩，
我不常接小朋友放學，所以小朋友見到我會因為太開心而衝出來沒有跟老師說BYE BYE，
KV老師是會馬上快追幾步烏低身友善地提醒小朋友，另一間的確沒有那麼執著
作者: lovelovebabe 時間: 21-1-6 20:13 標題: 回覆樓主:
坦白講，到你冇sc, kv, lh offer嘅時候，你就好需要York, 小朋友讀就完， 改變好大， 考直私result滿意（可能能冇神校咁強）， 英文非常好。
作者: fwstides 時間: 21-1-7 00:40
Kv sc好似近年跌緊，有錯請指正
York就一向都唔錯，只是太貴令不少家長卻步
作者: soha2018 時間: 21-1-7 11:54
Darklady 發表於 21-1-6 11:26
因為樓主有疑問，說KV是否如坊間很嚴，會否過份守規矩，
而你說的沒錯，每間幼稚園都會教小朋友規矩和禮貌 ...
謝謝回覆。
我相信呢個世界無絕對對、錯，只因大家會用自已把尺量度所有事情、量度所見所聞... 謝謝真實分享。
作者: soha2018 時間: 21-1-7 11:58
lovelovebabe 發表於 21-1-6 20:13
坦白講，到你冇sc, kv, lh offer嘅時候，你就好需要York, 小朋友讀就完， 改變好大， 考直私result滿意（可 ...
謝謝回覆。
我覺得我想知道是學校的真實一面，
不是直接作比較，因每間學校方向不同...
我比較想知道適合不適合我自己小朋友和我個人期許而已...
不是某某人的喜好...
作者: Raccch 時間: 21-1-7 14:52
回覆 soha2018 的帖子
大女幾年前York畢業，細B考幼稚園的時候只有2-3個offer。當時睇咗雞精書廣告選擇咗York。阿女英文聽，說，讀，寫能力都不錯，依家都仲維持到優勢。中文認字能力都比同齡小朋友好一啲，好中意睇書。阿女幼稚園的時候都有啲時期好難搞，要老師好俾心機引導先肯認真。好好彩3年大部分時間遇到的老師都好有愛心，令阿女中意返學。我自知阿女性格，唔可以去太嚴格的學校，好彩幼稚園同小學都非常適合阿女性格。另，上到一小發現阿女自理能力不足，在校可能多數時間學學術相關項目？同埋中文英文的字體寫得好差。York係有抄寫作業，但數量都很少而已老師要求不太嚴格的。家長有要求應該自己另外跟進。
作者: soha2018 時間: 21-1-7 14:58
Raccch 發表於 21-1-7 14:52
回覆 soha2018 的帖子
大女幾年前York畢業，細B考幼稚園的時候只有2-3個offer。當時睇咗雞精書廣告選擇咗Y ...
謝謝用家分享。
想請教york 幾大開始用筆炒寫？ 我唔想小朋友過早炒寫其實... 睇好多文章都話訓練好小手肌先寫字比較好咁...
作者: monchhichikpy 時間: 21-1-7 15:05
我個囡由PN讀到而家, 下年上小一, YORK不是係人都收, 你可睇BK一樣有人考唔到.英文係教得好好佢地90%學生可以流利英語同外籍老師溝通, 中文及普通話要靠家長再加強了, 數學OK. 學費,雜費, 茶點,校服係貴的是事實.
阿囡PN入學時係孤獨精一路一路睇住佢成長, 而家不怕羞同小朋友, 老師相處, 玩...好有自信了.
作者: Raccch 時間: 21-1-7 15:06
回覆 soha2018 的帖子
幾時開始抄寫真係唔記得了，阿女K1 K2的時候我自己跟的並不是太足夠的。但係我肯定抄寫功課係算少的。我諗私幼普遍都早開始揸筆的，券幼先跟足教育署指引會遲啲（個人認知非百分百准）。另，York需要家長參與度並不算非常高，適合我當時working mum的節奏。另三間中我聽講過其中一間係要家長參與設計學校壁報的，都係聽講而已。
作者: soha2018 時間: 21-1-7 15:13
monchhichikpy 發表於 21-1-7 15:05
我個囡由PN讀到而家, 下年上小一, YORK不是係人都收, 你可睇BK一樣有人考唔到.英文係教得好好佢地90%學生可 ...
謝謝回覆。
聽親York 用家分享，大部份用家家長都係有呢個體驗，小朋友內向變活潑、表達能力高...
可能真係有部份小朋友怕生，年紀輕輕時去考KG 會有困難，但不代表孩子本身有重大問題咁吧？！
謝分享
作者: 993rs 時間: 21-1-7 16:02
creambun 發表於 21-1-5 19:24
其實另外3間的中，數唔一定比KV 弱。在EK , KV 中數強，英文弱, 呢句說話已流傳多年，現在是否仍然如此就 ...
段估....
KV net teacher 唔多，當年LH未hit、主要比較對像係 SC，相對資源集中系中數，所以比人中數強既印像。
今日既 LH 應該比 KV 更 all-rounded、更貼近社會既改變，係較為突出既一間。細校如KM 都中英數普兼備，除左名氣，見唔到KV 有咩獨特優勢，甚至想考international school，KV 反而會係英文最弱既一間。
如果我今日要再揀，除左LH、SC 會係特別想入之外，另外兩間冇乜所謂，學術實力其實差唔遠，kindergarten 既學術，冇野係家庭彌補唔到。就算我話KV英文弱，外補又得、返屋企全英對話又得、bed time story又得。反而最介意都係太封閉既學習模式。
作者: Mimimilk 時間: 21-1-7 18:57
我係LH 用家
當年有in LH , KV 兩間都有offer
但無簡KV 原因係 我接受唔到幼稚園無乜家長活動 ， 中數強但英文要外補 所以簡左LH.
LH 需要家長大量參與
疫情間 佢日日有zoom 30 -60 mins , 有小一面試mock , 有拍片教功課 你都要拍片交功課。
我女好中意番學 好開心。
感覺課本比較深 家長係要用好多時間去教去一齊讀。否則無用。
KV LH 唔同教學方法 睇你中意邊種相信你自己先知邊種岩自己仔女 。
無論如何 其實都係靠家長發功
作者: lovelovebabe 時間: 21-1-7 22:55 標題: 回覆樓主:
見身邊例子， LH 同 YORK 好似較全面， 語境好好， 只要跟著學校嘅節奏就小朋友發展得好好(當然入LH嘅小朋友資質較高) ， 其他幼園嘅家長在此比較之下， 需要四出找資源外補..... 有錯請更正.
作者: bbhappyhappy 時間: 21-1-7 23:35
993rs 發表於 21-1-7 16:02
段估....
KV net teacher 唔多，當年LH未hit、主要比較對像係 SC，相對資源集中系中數，所以比人中數強既 ...
KM你是用家嗎？
作者: lovelovebabe 時間: 21-1-8 00:08 標題: 回覆樓主：
本帖最後由 lovelovebabe 於 21-1-8 00:59 編輯
本帖最後由 lovelovebabe 於 21-1-8 00:09 編輯
我也想知KM的英普教學是否出色？
作者: hoiki_hk 時間: 21-1-8 00:35
creambun 發表於 21-1-5 19:24
其實另外3間的中，數唔一定比KV 弱。在EK , KV 中數強，英文弱, 呢句說話已流傳多年，現在是否仍然如此就 ...
中數唔知係咪仲比其他學校強，但英文一定弱
作者: EEMKK 時間: 21-1-8 00:42
我係KV同LH的現役用家，兩校各有長短。睇你想小朋友走一條乜嘢的路，就會揀到邊間學校比較適合。二選一我揀LH。
作者: hoiki_hk 時間: 21-1-8 00:48
lovelovebabe 發表於 21-1-8 00:08
我也想知KM的英普教學是否出現色？
KM K2開始英普班，其實由n開始已有中文認字，英文phonics ，show and tell。課程係偏深，上到小二都夠用，活動教學，如:校園野餐，燒烤，家長參與度高小朋友好鍾意返學。
始終細校，用家少，相對有幾百人既大校，坊間流傳既評價就少好多，但絕對係一間出色既幼稚園。
作者: lovelovebabe 時間: 21-1-8 00:49
JojoDad 發表於 21-1-6 09:24
乜呢D禮貌同守規唔係間間都會教咩？家長認同這方面是必然的啦，可怎麼大家都說成這是這間或那間的理念，好 ...
是呀，其實守規矩學禮貌呢啲，真是很基本， 間間學校都會教，小朋友有錯處會作出指導，真心覺得無需特別拿出來作賣點。
作者: bbhappyhappy 時間: 21-1-8 09:17
hoiki_hk 發表於 21-1-8 00:48
KM K2開始英普班，其實由n開始已有中文認字，英文phonics ，show and tell。課程係偏深，上到小二都夠用， ...
本帖最後由 bbhappyhappy 於 21-1-8 09:17 編輯
我正正有KV 同 KM k1 AM offer，仲未諗掂如何選擇
有以下諗法，唔知岩唔岩，請賜教：
KV 傳統教學 主攻中數 日日有英文本地老師教 一星期兩堂net 一星期2堂普通話 名氣大 校舍大 k2全部返pm
學費$46000
KM 活動教學 k1英粵 k2 k3 英普 蒙特梭利教學 日日有net
聽聞turnover高 名氣無咁大
學費$53000
作者: lovelovebabe 時間: 21-1-8 09:46
bbhappyhappy 發表於 21-1-8 09:17
本帖最後由 bbhappyhappy 於 21-1-8 09:17 編輯
我正正有KV 同 KM k1 AM offer，仲未諗掂如何選擇:sick ...
你似乎傾向KV多啲喎，都冇所謂嘅，適合就好。
作者: bbhappyhappy 時間: 21-1-8 10:09
我唔係啊 因為我對兩間嘅認識都唔多 屋企人都叫我揀KM 始終語景比較好
作者: 993rs 時間: 21-1-8 10:54
bbhappyhappy 發表於 21-1-8 09:17
本帖最後由 bbhappyhappy 於 21-1-8 09:17 編輯
我正正有KV 同 KM k1 AM offer，仲未諗掂如何選擇:sick ...
前KM、KV用家。
你講既都係正確，唯對於KV所謂「主攻中數」，我仍然會理解為KV英文弱做成既假像。事實 KM 中數唔會弱過KV（甚至更深）。turnover rate 高，係。當年我中晒，印象n-k3都中。
阿大讀完KV，覺得風格同傳統地區一線津小咁：古板、守舊；唯根基穩固，唔好其望咩突破、但唔會點錯。所以阿二就冇take offer。
KM 英粵-英普，中文當時深過阿大讀KV，但後來聽聞KV加深左。對我來講邊間深d冇乜意義，因為都過深，有人中意有人唔中意。英文 net 視乎家長追求，有南亞定中東口音的老師。所謂語景，一定高過KV（我甚至認為KV談不上語景）。另外家長參與度高、有好多義工家長event，呢個係代表家長有參與既機會，唔一定要參加；但呢個機會可以讓家長睇到小朋友系學校既另一個樣，更了解小朋友，對成長、升小都起到正面作用。
名氣，一定KV，贏太多（雖然我唔明KV好系邊）。每年KM n 班都會走一大班人升去KV讀 k1。經歷兩次升小，我都有懷疑過阿二如果讀KV會否有更多 offer。不過已成過去，對我來講，KM為阿二既成長提供既正面作用大過當年讀KV既阿大。
坊間有個謬誤，就係KV家長可以唔駛參與。我估可能小朋友未上到k3。KV expect 家長改好晒每日既功課先交，有錯既話老師會有說話比小朋友聽，但又唔會同家長講。呢件事係阿大畢業後話我知，亦成為其中一個直接原因我唔比阿二讀KV。
兩間k對升小支援都好 limited。KM既家長分享會安排得太遲，分享會本身亦冇大幫助；甚至現役用家都不滿。印像中KV好似冇支援，當年我地係要自己摸索、朋友提點。
overall KM、KV都係d乖乖學術型既k，中數唔差太遠。KV 名氣贏一條街、語景輸返大半條街，而實際升小結果應該KV靚少少。家長要按小朋友需要自己考慮。
作者: canadababy93 時間: 21-1-8 11:38 標題: 回覆樓主：
本帖最後由 canadababy93 於 21-1-8 11:39 編輯
讀書叻唔叻，靠資質，性格，再加家庭教育，其實唔関幼稚園。得罪講句，就算讀以上名幼，唔努力的話用曬老本，去到小一下學期好多都冇著數了，甚至見過一個KV畢業都變下游。
作者: soha2018 時間: 21-1-8 11:54
993rs 發表於 21-1-8 10:54
前KM、KV用家。
你講既都係正確，唯對於KV所謂「主攻中數」，我仍然會理解為KV英文弱做成既假像。事實 KM ...
謝謝用家客觀分享...
我都好想知要幾深先夠深？ 大家都不停追求夠深... 小朋友係米真係應付到？定打擊自信心？ 我無答案，純問...
作者: soha2018 時間: 21-1-8 11:58
hoiki_hk 發表於 21-1-8 00:48
KM K2開始英普班，其實由n開始已有中文認字，英文phonics ，show and tell。課程係偏深，上到小二都夠用， ...
無前設，唔好誤會...
但我覺得KM 同明慧情況好似， PN 個個爭住入，但都諗住K 就轉走... 好古怪... 即係間學校好定唔好...
作者: hoiki_hk 時間: 21-1-8 14:25
bbhappyhappy 發表於 21-1-8 09:17
本帖最後由 bbhappyhappy 於 21-1-8 09:17 編輯
我正正有KV 同 KM k1 AM offer，仲未諗掂如何選擇:sick ...
KV 學費平，但預左英文一定要外補，咁計就一啲都唔平。我朋友每月俾緊4k去ABC 上英文。
KM turnover 已經唔高(自己可以揾揾係幾多年前既舊聞話高）
我個人就非常注重對小朋友既關注度，特別鍾意小班教學，2老師對20學生vs2老師對30學生，分別應該好大下。
加上我有2個小朋友，真係兼顧唔到一個am 一個pm
無話邊間一定好，揀適合你同係小朋友既學校啦
睇你ta
作者: hoiki_hk 時間: 21-1-8 14:33
soha2018 發表於 21-1-8 11:58
無前設，唔好誤會...
但我覺得KM 同明慧情況好似， PN 個個爭住入，但都諗住K 就轉走... 好古怪... 即係 ...
KM n 係多人走去龍校，我諗哩個情況，非龍校都會面對，加上km 細校，全級學生先一百人，走40個，成40%, 咁聽係咪好誇
作者: amazinggrace13 時間: 21-1-9 02:31 標題: 回覆樓主：
本帖最後由 amazinggrace13 於 21-1-9 09:13 編輯
我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、紀律、德育是強項。課程中、數學術程度高，上到一、二年級仲夠用。事實上英文則好一般，但我發現街外很多好的英文learning centre，容易過找好中文的learning centre,所以KV英文一般對我們來説反而不是重點。考小學其實中文都好重要，但又往往很容易被忽略，我見在考小一時KV學生在這部份有點優勢。我們那屆有不少名小（尤其男校）都有大比例KV的學生，識得的同學仔都考到或扣門扣到很好的小學。
最重要是我是working mum,KV可以培養到小朋友能回家自動自覺做功課，寫出不錯的字體，又不太需要家長做好多親子勞作，出席很多旅行、家長活動，對工作繁忙的我是我的一大喜訊。
其實每個人看重的部份不一樣，只是純個人分享。(emoji)
作者: 964000 時間: 21-1-9 09:45
soha2018 發表於 21-1-8 11:54
謝謝用家客觀分享...
我都好想知要幾深先夠深？ 大家都不停追求夠深... 小朋友係米真係應付到？定打擊自 ...
本帖最後由 964000 於 21-1-9 13:46 編輯
我見大家選幼稚園主要看學術，我反而覺得塑造小朋友的性格更重要，學術容易外補。
如果小朋友本身已經內歛和敏感，小時候我不會選學校多規矩和比較嚴的，因為會形成小朋友太怕犯錯及「敬畏」老師，係會好似好乖咁操行A, 但對將來的學習未必好，例如會不夠自信，上課不敢答問題和提出問題等，反而到大個一點建立了信心和習慣了發言，先嚴番少少好D
，始終老師有要求學生才有動力進步。
如果小朋友比較大膽或百厭，就可能一開始入注重规矩的學校訓練好些。
這是我小朋友N和K分別讀過愛心，freestyle,及嚴少少學校的經驗，的確對小朋友會有不同影響，不致於改變性格，但行為會受影響。
作者: soha2018 時間: 21-1-9 10:08
amazinggrace13 發表於 21-1-9 02:31
我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、 ...
謝謝回覆。
是的，的確如家長比較沒時間，有某些參予性高的KG 不太合適...
作者: soha2018 時間: 21-1-9 10:13
964000 發表於 21-1-9 09:45
本帖最後由 964000 於 21-1-9 09:47 編輯
我見大家選幼稚園主要看學術，我反而覺得塑造小朋友的性格更 ...
所以我只請教客觀敘述情況，
結論部份我沒注意(emoji)
每個孩子、每個家庭有屬於自己的「好」，我的「好」不代表你的「好」。
做家長要學會自我抽離有時(emoji)
作者: 993rs 時間: 21-1-9 11:31
soha2018 發表於 21-1-8 11:54
謝謝用家客觀分享...
我都好想知要幾深先夠深？ 大家都不停追求夠深... 小朋友係米真係應付到？定打擊自 ...
正如「幾深先夠深」呢個話題，係論文級別。
作為家長，我認為改變唔到大潮流下，你不如講下你追求啲咩？in general 我留意到就算去到美國，有高小學嘅野都可以好「深」，始終時代進步中。香港local curriculum 由K到小學（我未有中學）好多都越教越快、越教越深。
揀一間幾「深」或者幾「happy」既K，其實睇你揀咩中學、咩學制、留港定海外大學，全部都係家庭主觀嘅追求
作者: 964000 時間: 21-1-9 11:39
soha2018 發表於 21-1-9 10:13
所以我只請教客觀敘述情況，
結論部份我沒注意(emoji)
所以你個post問得好
否則全部答案變成xxx for sure
作者: MrBeast 時間: 21-1-9 11:56
十年人事幾番新，st cat 以前好hit, e+冇乜人講。除非你sure 小朋友資質高，kg 太深只是拔苖助長，st cats phonics, reading 若家長能配合是一間balanced 的好 kg
作者: soha2018 時間: 21-1-9 15:05
993rs 發表於 21-1-9 11:31
見到你成個post 都強調冇前設，客觀係好事，但完全唔表達你對升學嘅要求有時好難幫到你。
正如「幾深先夠深 ...
謝謝你回覆。
我唔需要人幫呀，我只需要用家經驗作參考(emoji)(emoji)
自己再分析適合自己嘅嘢
作者: soha2018 時間: 21-1-9 15:08
964000 發表於 21-1-9 11:39
所以你個post問得好
否則全部答案變成xxx for sure
Err... 其實大家交流經驗，真係無需要太多結論... 如果我想睇結論如你所說真係唔需要開post (emoji)
作者: soha2018 時間: 21-1-9 15:39
993rs 發表於 21-1-9 11:31
見到你成個post 都強調冇前設，客觀係好事，但完全唔表達你對升學嘅要求有時好難幫到你。
正如「幾深先夠深 ...
真心，想保持客觀唔容易，正如你quote 反我既問題出來，我自己都唔小心又跌反入某某既「好」同「唔好」既問題同層次個度(emoji)(emoji)(emoji)
做家長真係好深既學問(emoji)
謝謝你anyway
作者: 993rs 時間: 21-1-9 17:02
964000 發表於 21-1-9 09:45
本帖最後由 964000 於 21-1-9 13:46 編輯
我見大家選幼稚園主要看學術，我反而覺得塑造小朋友的性格更 ...
幾歲人仔係最易教既時候，睇唔到點解要用太多餘既規矩去限制佢地成長。
好似轉堂要伏系臺面，我覺得係一種失敗：學校係認為自己老師教唔好小朋友？定係對小朋友冇信心？
阿二小學係可以系上課途中，自主離開位去 teacher's desk 拿紙巾、去書櫃搵書，或者要求去廁所（提出就可以去）；轉堂係可以自主去廁所、傾計、睇書 etc。
咁多自由情況下，上堂時小朋友好專注、轉堂時保持到秩序。教得識小朋友認清自己責任、唔好 manipulate 被給予既自由，比施加規距更值得鼓勵。
作者: lambeanmama 時間: 21-1-10 12:24 標題: 回覆樓主：
本帖最後由 lambeanmama 於 21-1-10 12:27 編輯
我是SC 用家。當年選校（我指報名咋）的考慮主要是性格同學習態度的影響，以及我只考慮英粵班。
學術野，好老實，你讀邊間都可能會有「不夠感」而考慮外補/內補。因此學校程度深淺我覺得平平均均就夠。性格呢，我是信幼教老師存在深遠影響的家長。我本身是嚴厲的家長，入學前我的兒子已是審慎觀察慢熱型。所以基本上嚴厲少少的學校我根本沒有報考。好坦白，沒有學校不重紀律不要求德育的。在SC K1開學後兩個月，有小朋友入班房前作未做到「停低、敲門、講老師早晨同學早晨」，家長是會收電話的。作為家長，我覺得讀邊間都好，一兩星期做一次親自接送，見吓老師，了解吓小朋友在校表現，其實很重要。
SC曾經是不少人眼中的首選，但近年不是了。我眼中的SC, 其實「樣樣有，但又沒有過份Chur」；假如家長留心學校課程，多和小朋友傾偈，你會發現學校教很多生活知識。去年K3短暫復課期間，老師有同小朋友解釋除口罩注意事項，連點解要咁做，點解要向外/內放，都有解釋。不是「老師叫你做就做」，而是「事事都講清解楚」，我覺得呢點係我欣賞的。
SC當然有其「缺點」，例如貴。但老實，香港生活消費是一年比一年貴，我很難期望老師不加人工。要加人工，就不能避免加學。另外，要考小學，在K2尾時的學術能力，尤指中文和數學，確是比不上其他名幼。但K3課程的幼小接軌做得很好。下學期教的，對升小後適應有大幫助。我相信學校是在適當的時間教適當的野。小朋友K2時其實仲係好細。教咁深唔知為咩。
考慮讀邊間，我覺得：
1. 睇交通
2. 睇am pm
3’ 睇 英普定英粵
4. 睇自己銀包
呢個經濟環境，KV 學費是性價比很高。而讀邊間都可能會繼續補。我仔上過某熱門中文中心補中文課程，組內六名同學，有四位來自KV的。所以，其實家長讀邊間都可能因為「驚唔夠而繼續補」。都係睇自己啦。如果你以為讀xx就不用補xx...太天真了。
但俾我再揀多次，一粒仔，都係會俾錢讀SC。
作者: soha2018 時間: 21-1-10 16:46
lambeanmama 發表於 21-1-10 12:24
我是SC 用家。當年選校（我指報名咋）的考慮主要是性格同學習態度的影響，以及我只考慮英粵班。
學術野， ...
謝謝回覆。
請問SC具體教學模式是如何？謝
作者: lambeanmama 時間: 21-1-10 18:09
soha2018 發表於 21-1-10 16:46
謝謝回覆。
請問SC具體教學模式是如何？謝
其實你是家長嗎？小朋友多大？你對小朋友教育理念和方針是甚麼呢？
你問了很多。大家也分享了很多。大家反問你，你又話無前設。咁真係好難傾落去呀。
作者: soha2018 時間: 21-1-10 20:50
lambeanmama 發表於 21-1-10 18:09
其實你是家長嗎？小朋友多大？你對小朋友教育理念和方針是甚麼呢？
你問了很多。大家也分享了很多。大家 ...
謝謝回覆。
是否所有事情都有絕對答案？要分對、錯與黑、白？
就是太多post 都是家長用主觀角度回應一句「好」一句「我鐘意 ... 」一句「我建意你就...」之類，我要看個類回應既真係就唔使自己開post 啦... 一
坦白啲講，我唔係想知你鐘意邊間學校、邊類教育、你對育兒既理念... 我只想知你係讀個間學校既親身經驗而己， 然後我可以自己消化咩野合適吧...
（我唔係想無禮貌的，希望你地都諒解一下， 如果連先不定下前設，以自己孩子為考慮的出發點都不可的話，根本不用問人，直接搵間最谷的，死不到那裡，而我本人不想要這樣決定我孩子最重要的 頭6年 時光 ... ）
不好意思大家(emoji)(emoji) 謝謝大家給出的經驗。
作者: lambeanmama 時間: 21-1-10 21:26
soha2018 發表於 21-1-10 20:50
謝謝回覆。
是否所有事情都有絕對答案？要分對、錯與黑、白？
本帖最後由 lambeanmama 於 21-1-10 21:27 編輯
分享，從來是一件主觀的事。如果我不滿意自己的選校，我不會勉強自己。繼續交學費總有其價值吧。
SC 的教學模式，其實從佢website也可略知一二。我不認為上列學校會有太大差異。只是比例不一吧。正如我之前分享，讀KV不代表只谷中數，讀SC也不會沒有德育紀律。不過，比重上是有點分別。但實際大家也未必講得出實際分別有幾大。畢竟，我們都是經過小朋友才感受到嘅所謂「間接用家」。
我不認為你個問題需要/必要有黑白對錯。但討論區，是一個「有來有往」才讓人有繼續講落去的動力。
我是不想講完好多，然後某天發現只是一位教育版記者在做專題報告吧。所以才多口問句你到底是不是一位家長，小朋友多大。這些其實和你個問題係無conflict的。也不存在任何前設。
作者: apple1990 時間: 21-1-10 22:07
本帖最後由 apple1990 於 21-1-10 22:09 編輯
回覆 lambeanmama 的帖子
家長好嘢，可能真係記者攞料專題報導！這個貼真係有點怪，所以我都冇再回覆！回覆
作者: fadgare 時間: 21-1-10 22:11
lambeanmama 發表於 21-1-10 21:26
本帖最後由 lambeanmama 於 21-1-10 21:27 編輯
分享，從來是一件主觀的事。如果我不滿意自己的選校， ...
冇所謂啦，呢度都好多其他家長想知多啲嘅^^ 多謝你分享
作者: lambeanmama 時間: 21-1-10 22:28
fadgare 發表於 21-1-10 22:11
冇所謂啦，呢度都好多其他家長想知多啲嘅^^ 多謝你分享
我覺得在非常時期，如當前疫症，大家對幼稚園的期望和感受也會不同了。已升讀小學的和今年K3的家長對幼稚園的感受已可以很不同。學校理念再好，在非常時期能維持多少呢？SC一向重視啟發和自信，在網課下學校到底做到多少呢？這個「新常態」仍會維持幾耐呢？其實真的很難說。所以如果樓主是準備九月升K1, 我可能會建議佢問埋過去一年各大幼稚園的網課安排。所以我才多口問句佢孩子多大。
分享個人經驗好易，但其實一間幼稚園好與不好，最多也只佔孩多一半影響。家長角色一定最重要。SC,LH, York等也算大校，各位小朋友的成長及在學校的得著也不盡相同。家長如何演繹自己在幼教階段的指導角色，其實對小朋友影響最深遠。
作者: b3410 時間: 21-1-10 22:50
lambeanmama 發表於 21-1-10 22:28
我覺得在非常時期，如當前疫症，大家對幼稚園的期望和感受也會不同了。已升讀小學的和今年K3的家長對幼稚 ...
最近一年多，因為大環境的改變，幼稚園/小學/甚至中學的教學，應變都大不同。幼稚園影響尤其重大，而且幼稚園只係3年（唔明點解樓主話6年？），疫情可能就要持續幾年
另，撇開疫情影響，其實幾間幼稚園都唔錯，小朋友最後讀邊間，最後唔會有好大分別。幼稚園名氣可能對考直私小學，叩門官津有些幫助。不過學術方面，幼稚園教的再多再快，也不如普通小學教的，畢竟不同年齡的孩子，學習能力有差異。
作者: soha2018 時間: 21-1-10 23:10
lambeanmama 發表於 21-1-10 21:26
本帖最後由 lambeanmama 於 21-1-10 21:27 編輯
分享，從來是一件主觀的事。如果我不滿意自己的選校， ...
好有趣既結論(emoji)，
一個家長想客觀了解下用家經驗就比應為是記者玀料，真有想像力。
謝謝你的意見。我會檢討一下。
我也沒興趣與人在討論區「有來有往」， 你是SC 用家，但出幾次post 都要拉 KV 落水比較一下... 我真是不是這個type 的媽媽...
本來我是不回應有爭議的post , 是因我真的沒興趣，也不覺得有一間學校可以完勝而已...
作者: soha2018 時間: 21-1-10 23:13
我有看心理家/教育家 寫的育兒書...
我也沒興趣在討論區談育兒理論...
謝各位比既學校經驗，我心中大概有點想法了...
作者: lambeanmama 時間: 21-1-10 23:14
soha2018 發表於 21-1-10 23:10
好有趣既結論(emoji)，
一個家長想客觀了解下用家經驗就比應為是記者玀料，真有想像力。
嘩，你咁樣講野呀？我絕無拉人落水的意思呀。
咁大家真的不用再討論下去了。
作者: MrBeast 時間: 21-1-11 08:28
lambeanmama 發表於 21-1-10 23:14
嘩，你咁樣講野呀？我絕無拉人落水的意思呀。
咁大家真的不用再討論下去了。
作者: b3410 時間: 21-1-11 08:39
MrBeast 發表於 21-1-11 08:28
網路世界無需太認真呢，我自己有guideline, 魚蹄不回，先寫幾句或問一些相關問題，帖主回才再加資料，因為 ...
作者: MrBeast 時間: 21-1-11 08:45
b3410 發表於 21-1-11 08:39
當幫其他人都好。
作者: 993rs 時間: 21-1-11 10:27
lambeanmama 發表於 21-1-10 23:14
嘩，你咁樣講野呀？我絕無拉人落水的意思呀。
咁大家真的不用再討論下去了。
其實樓主個 post 已講左係「訪問」，加上一直覺得「冇前設」唔緊要，做家長點都會有對「教育方向」既目標。問緊人資料，但回我個post 時又話「唔需要人幫」。自己擺4間K系同一個 topic，但又要求獨立描述；需知客觀既比較先知道一間K可以系某地方做得好/唔好。
我老早唔當呢個係正常家長post，回應都只係為左幫下其他家長，我知有幾位收到KV、KM offer 諗緊讀邊間。
作者: lambeanmama 時間: 21-1-11 12:29
MrBeast 發表於 21-1-11 08:28
網路世界無需太認真呢，我自己有guideline, 魚蹄不回，先寫幾句或問一些相關問題，帖主回才再加資料，因為 ...
你是對的。我作為一位剛升小的家長，在EK一直得到不少經驗家長分享和指導，所以行少了不少冤枉路；所以也樂於分享自己所知的。不過，被扭曲我的分享，是會有點不開心的。
作者: DengCK 時間: 21-1-11 13:45
993rs 發表於 21-1-11 10:27
其實樓主個 post 已講左係「訪問」，加上一直覺得「冇前設」唔緊要，做家長點都會有對「教育方向」既目標 ...
本帖最後由 DengCK 於 21-1-11 14:02 編輯
擺四間出黎又無前設又要獨立評審，難到呢。無前設但都有preference卦？ 個細路長短處都會有卦？乜都無真係記者收料咁款唔怪得人有疑惑。又其實可能純粹想同大家分享有幸福的煩惱。
就算好多人讚York,我都唔信佢會揀york囉。
作者: MrBeast 時間: 21-1-11 16:55
lambeanmama 發表於 21-1-11 12:29
你是對的。我作為一位剛升小的家長，在EK一直得到不少經驗家長分享和指導，所以行少了不少冤枉路；所以也 ...
作者: Dybala 時間: 21-1-12 11:58
上討論區開post問嘢但又唔想同人有來有往咁討論, 不如問siri算啦
作者: Dybala 時間: 21-1-12 12:17
lambeanmama 發表於 21-1-10 22:28
我覺得在非常時期，如當前疫症，大家對幼稚園的期望和感受也會不同了。已升讀小學的和今年K3的家長對幼稚 ...
作者: MrBeast 時間: 21-1-12 13:12
lambeanmama 發表於 21-1-11 12:29
你是對的。我作為一位剛升小的家長，在EK一直得到不少經驗家長分享和指導，所以行少了不少冤枉路；所以也 ...
作者: lambeanmama 時間: 21-1-12 13:21
MrBeast 發表於 21-1-12 13:12
我小朋友kg 年代sc 必定是大部分人首選，倒想八下近年是否the same? 只是想keep up to date 行情，無意引發 ...
感覺上不是一面倒。事實上我也從不覺得是一面倒的選擇。好睇家長教育取態。有人會選擇就近入學，咁住在LH樓上屋苑，又真係唔覺有需要非坐校車返SC不可。在媽媽群內，似乎是SC KV LH各有捧場客。我不覺得有壓倒性選擇。起碼同期有齊 offer個班，點都會vs一輪。(emoji)(emoji)(emoji)
| 歡迎光臨 教育王國 (/) |
Powered by Discuz! X1.5 |