教育王國
標題: 為何直私就係喜歡外向, 對答如流既小朋友? [打印本頁]
作者: lmb_lcm 時間: 20-12-31 19:36 標題: 為何直私就係喜歡外向, 對答如流既小朋友?
同大仔今年第一次玩直私遊戲, 新手年頭時咩都唔識, 成日上EK爬文, 衣家玩到尾聲, 心裡有些疑問, 希望有經驗的父母們解答一下
見到有人入到好多final round/有offer, 亦有人咩都無 (大前提係大家都係名幼生, 大部份家長都有追求學術) 有感比較出名既直私都係偏好(非100%選生標準, 但經觀察都大部份) 比較外向唔怕醜, 談吐得體, 對答如流既小朋友. 有時睇返大家D面試video, 都會讚嘆多2nd in/有offer既小朋友都係屬於淡定談吐流暢, 舉止成熟既
其實點解出名直私偏好呢類小朋友呢? 係咪呢類小朋友真係未來容易會有成就? 又有人同我講, 其實最後高小至到DSE都要鬥讀書 (咁當然都有性格同soft skills), 又有數據話dse成績其實名津仲亮麗. 又有人話根本唔關事, 只係出名直私唔想湊未成熟既小朋友, 同埋都鐘意叻講野既人幫佢宣傳校威.
咁我又唔明, 大家最後想成績好又唔係搵學術強, 定學術強既都係靠父母谷既, 講野叻反而先test到小朋友真係聰明? 又有人話識人成手強校offer, 最後入左神校又平平無奇, 媽呀我好混亂
其實我反而怕係自己小朋友比較內外, 未夠成熟, 談吐又未夠好, 係咪第日會輸蝕呢?
我自己都唔係好理解, 要幾千人爭百幾個位, 對於學校黎講, 真係唔易揀, 我都知呢個問題無標準答案, 但又真係疑惑左好耐, 真心請教
作者: QLCM 時間: 20-12-31 19:50
回覆 lmb_lcm 的帖子
我都想知點解小一揀人就多數唔係想睇學術，但係小二考插班就做卷純學術，何解呢？
作者: Babyfungmama 時間: 20-12-31 20:32
本帖最後由 Babyfungmama 於 20-12-31 20:33 編輯
考小一基本上每間都睇學術，學術無返咁上下根本考唔到直資，二線私校可能容易少少，一線直資或私校想入到又要學術好，又要唔怕羞，除非運氣好好，個樣超可愛，老師一見到就超鐘意
作者: Charlotte_mom 時間: 20-12-31 21:13
本帖最後由 Charlotte_mom 於 25-6-10 15:34 編輯
Delete
作者: HappyCheerBaby 時間: 20-12-31 21:27
考直資、私小係一個matching game, 外向、對答如流既小朋友在面試中容易表現到自己及吸引老師注意，但唔代表一定有offer, 有D文靜學生或觀察型學生一樣可以考入神校，最終有無offer, 都要夾埋天時地利人和因素。
作者: DengCK 時間: 20-12-31 23:13 標題: 回覆樓主：
本帖最後由 DengCK 於 20-12-31 23:14 編輯
其實同speed dating無乜分別，短短時間問你幾句，好傾、感覺開朗願意分享自己的事，會比較令你想更深入了解。
問你每次答得兩個字、緊緊張張自然next one
作者: DengCK 時間: 20-12-31 23:26
QLCM 發表於 20-12-31 19:50 
回覆 lmb_lcm 的帖子
我都想知點解小一揀人就多數唔係想睇學術，但係小二考插班就做卷純學術，何解呢？
本帖最後由 DengCK 於 20-12-31 23:26 編輯
點會唔係睇學術？
小一面試好多時第一round就係考學術（例如男女神校以往的第一round,女神校的做工作紙、全港最多人報的TSL等）。到第二round就睇性格對答合群眼緣。
所以學術不好，好多時first round已被out。但當然，K3學術勁極有個譜，到插小二時，讀了一年小學，應該學到好多野，就當然更重學術了。不過以我所知小學插班考學術都只是first screening
作者: Yuenfamily 時間: 21-1-1 00:36
其實絕大部份直私小一面試時都很重視學術，但感覺名小神校同時會看重小孩的潛力
良好學術除了反映小孩有良好學習能力，亦可推斷其家長有心培育子女，這是家庭潛力。而不難發現外向、擅於溝通的孩子有主動學習的優勢，他們會問、會反駁、不怕面曚，較勇於面對失敗，這些都是很強的學習戰鬥力
作者: bird06 時間: 21-1-1 01:12
學術係直私first round已揀左，外向、活潑、主動，無疑較易吸引注意，可能較易有正選offer.
但小朋友只有一個pat pat, 內向小朋友最後都可以有好多offers, 亦可以有神校offers
加油(emoji)(emoji)
作者: yiqiyihui 時間: 21-1-1 09:26
表達能力好某程度表現領悟能力高，語文好。呢啲都係有利學習因素。太內向表現唔到出嚟, 喺有限時間之下就冇辦法了
作者: 小曳人 時間: 21-1-1 09:41
學校都會想客觀評分，响呢個量表上面，一定係評一d表現，唔會對無表現評上分數
一個內向、慢熱、觀察型，甚至愛因斯坦，都唔會容易得分
學術，只係部分評分，但小一又唔可以筆試....
作者: JojoDad 時間: 21-1-1 13:06
本帖最後由 JojoDad 於 21-1-1 13:09 編輯
HappyCheerBaby 發表於 20-12-31 21:27
考直資、私小係一個matching game, 外向、對答如流既小朋友在面試中容易表現到自己及吸引老師注意，但唔代 ...
係，坊間流傳一名校，就係困住一大班考生在一個班房內，裡面有玩具丶樂器丶中英圖書等，然後睇佢地做D乜，有無爭執，自動攞玩具玩定靜靜睇書，然後心裡有數了。 其實考中學也如是，我個女舊年考其中一間女神校(中學)，早上8點全部8∞人入哂去，十二點半先放人，中間分開唔同班房等，等4個鐘啊！其中睇下你等嘅時候做乜？玩手機？睇書？畫畫？做功課溫習？校方全看在眼裡。去到尾，又乖丶又文靜，讀書型梗著數D。
作者: DengCK 時間: 21-1-1 13:21
JojoDad 發表於 21-1-1 13:06
係，坊間流傳一名校，就係困住一大班考生在一個班房內，裡面有玩具丶樂器丶中英圖書等，然後睇佢地做D乜， ...
女神校小學我識至少兩個朋友女都係純玩玩具無睇書都入到。呢間學校第一round考既野已經test到小朋友有無睇開書。
作者: sunnymama2 時間: 21-1-1 14:27
好簡單，學術可以操，唔需要太叻（大前提係有基本學術就足夠），性格就難操。
作者: karenaleung 時間: 21-1-1 17:26
lmb_lcm 發表於 20-12-31 19:36
同大仔今年第一次玩直私遊戲, 新手年頭時咩都唔識, 成日上EK爬文, 衣家玩到尾聲, 心裡有些疑問, 希望有經驗 ...
內向（觀察型）唔緊要，不用好多野講，但也不能不出聲，要有反應的。小朋友性格天生，不需要去改，反而發掘優點，加以培養，會有驚喜。
我同意樓上講，神校揀能力及性格，並不是要學術點樣超前。
作者: fadgare 時間: 21-1-1 22:28
sunnymama2 發表於 21-1-1 14:27
好簡單，學術可以操，唔需要太叻（大前提係有基本學術就足夠），性格就難操。 ...
agree
成熟/健談/自理良好=少社交/行為問題
揀這些學生，可以減少學校/老師麻煩+負擔
假若真係讀唔掂，有些自己都會走
收插班生咪再收啲學術勁嘅填補
學校真係無咩損失，反正大把人排隊補上
作者: deco99 時間: 21-1-1 22:33 標題: 回覆樓主
因為有太多人可以揀，小朋友講野叻都係種能力。內向嘅小朋友係蝕底，你唔講學校又點知你識。
考小一一定有錯配，無理由小一定終身，唔使好介意結果。
作者: NNbaby 時間: 21-1-2 01:13
DengCK 發表於 21-1-1 13:21
女神校小學我識至少兩個朋友女都係純玩玩具無睇書都入到。呢間學校第一round考既野已經test到小朋友有無睇 ...
女神小唔係想搵淨睇書既學生，舊生聚會上現任校長講既
作者: happypapa11 時間: 21-1-2 04:22
NNbaby 發表於 21-1-2 01:13
女神小唔係想搵淨睇書既學生，舊生聚會上現任校長講既
女神小搵什麼類型既學生？好奇
進取自信型？
作者: DengCK 時間: 21-1-2 11:54
happypapa11 發表於 21-1-2 04:22
女神小搵什麼類型既學生？好奇
進取自信型？
自信、淡定大方、開朗活潑、學術好、表達力強
作者: bird06 時間: 21-1-2 15:15 標題: 回覆樓主：
本帖最後由 bird06 於 21-1-2 15:46 編輯
自信、表達力強、耐力/克服困難/逆境能力強,性格好重要
作者: lambeanmama 時間: 21-1-2 22:21
幾歲人仔，你想佢超人咁勁咩？不要想得太複雜。
有聽過工蜂論嗎？有科研指出，所有團隊內，均有1/3 out performers, 1/3 average performers 和 1/3 underperformers, 你以為把不同群體嘅所有out performers 放在一起，便會做到更高效的結果嗎？其實不然。最後，呢個超強群組也最終會出現1/3 under performers 的。
所以，結論是，不要想太多。也不用太在意「成功者」所說的特質。我從不認為學校只收一類人。其實不論內向外向，也可有offer；但前提是你如何讓學校在幾分鐘見到你的能力和所謂潛能。如果明知小朋友不是5分鐘內能讓人一見鐘情個類，便好好裝備學術，準備叩門。同時，調整自己期望吧。
呢刻有潛能入神小，難度人人便成龍成鳳？世事哪有這麼簡單呢？讀官津直私神咩學校都好，諗諗如何讓小朋友做到top 1/3, 或至少別做bottom 1/3, 連自信都輸埋，便悔之晚矣。
作者: Soundervolt 時間: 21-1-3 19:59 標題: 回覆樓主：
本帖最後由 Soundervolt 於 21-1-3 20:33 編輯
唔出聲，莫非只係睇樣楝人？當你CV好嘅時候，其他人CV一樣星光熠熠，就算任何傳唔傳統教學嘅學校都會揀個CV好又表達能力高嘅學生。
作者: legolas625 時間: 21-1-3 20:22
小朋友in時唔願表達，或講野1999，直私又唔可以筆試，只可以靠口問，你叫學校點揀?
即使官津叩門小學插班，都要面試，升中都要，因為人人都想自己學生大方得體。
蝕底係事實，家長只好係屋企訓練好D表達能力，表達能力都係生活能力。
作者: legolas625 時間: 21-1-3 20:31
考小一，當然會考學術，遊戲中都可以考到。
考睇書，已經考緊語文能力，肯睇書的小朋友，語文通常唔差。
我見過有直資考認中英文字，考D虛字、連接詞，例如中文的"就"、"著"，一試就知你有無睇開書。
作者: happypapa11 時間: 21-1-3 23:08
DengCK 發表於 21-1-2 11:54
自信、淡定大方、開朗活潑、學術好、表達力強
本帖最後由 happypapa11 於 21-1-4 04:20 編輯
同意；我識幾個女神校小朋友，上述優點都有，尤其表達能力強、學術也強；共同點都是乖巧型(性格開朗)、而非進取型小朋友
作者: infong2011 時間: 21-1-4 00:03
lmb_lcm 發表於 20-12-31 19:36
同大仔今年第一次玩直私遊戲, 新手年頭時咩都唔識, 成日上EK爬文, 衣家玩到尾聲, 心裡有些疑問, 希望有經驗 ...
我仔仔今年也是考小一～同樓主仔仔一樣，性格慢熱，係屋企好多野講～但一面試就好細聲，好輸蝕～加上今年好多都轉交 profolio 同拍片，所以我地都係無offer係手～鬧又鬧過，喊又喊過，我都認命，唯有調節心態～繼續努力！將來叩門又好，插班又好，總會成功的！加油！
作者: happygirl1284 時間: 21-1-4 08:59
我仔仔又係係屋企勁多野講，出到去一句起兩句止，疫情影響面試變左拍片或者一對一面見已經好彩。如果係group in好多間2nd in都唔會入到。佢性格係都要接受，因為我自己都係性格慢熱，就算罵都唔會有用亦好傷害親子關係。我相信總有一間學校會欣賞到佢的優點。加油(emoji)仲有時間準備叩門！
作者: wg_ann 時間: 21-1-4 13:00 標題: 回覆樓主:
樓主將考小一結果引伸至將來容易有成就未免有點想得太遠...
表達能力較佳不是單純講野較叻咁簡單，背後包含一個人的理解能力，組織能力及思考過程，樓主似乎係低估了表達能力的重要性。
另外，直私結果一定有miss out或收到不達標，不要將考小結果放大至DSE成績以至一個小朋友成年後的成就。
作者: hello_go 時間: 21-1-5 10:05
都理解學校不能考筆試，只能憑小朋友表逹而認識佢，所以對答得體的確一定有優勢，不過都要配合天時地利人和，所以唔得唔代表小朋友唔叻。同埋直私學校只係小學其中一個選擇，唔好覺得 考唔到/插班唔到 就等於無前途，咁樣大人小朋友都好大壓力。
作者: fwstides 時間: 21-1-5 10:22
hello_go 發表於 21-1-5 10:05
都理解學校不能考筆試，只能憑小朋友表逹而認識佢，所以對答得體的確一定有優勢，不過都要配合天時地利人和 ...
同意
部分家長太執意要小朋友入某某直私or入直私先代表小朋友有能力
坦白講，而家社會上有成就的人，你會否知佢讀邊間小學
作者: 964000 時間: 21-1-7 08:25
infong2011 發表於 21-1-4 00:03
我仔仔今年也是考小一～同樓主仔仔一樣，性格慢熱，係屋企好多野講～但一面試就好細聲，好輸蝕～加上今年 ...
千祈唔好再鬧佢，其實除了性格，也是信心的表現，有D小朋友本身性格內歛，如果仲比人日日話，例如在學校太多規矩，就會變得更加「小心」唔敢出聲，這個習慣好細個就形成。
我小朋友性格本身都內歛，in N時一句都唔敢出聲，佢後來分別入了愛心nursery和freestyle的K1,見到很大轉變，因為老師好encouraging從來不會話佢地傾偈駁咀，直呈係奉旨番學傾偈，我女習慣後大D再考學校時就好肯講野了，當然現在番小學上堂就不可以再隨便傾偈了。
| 歡迎光臨 教育王國 (/) |
Powered by Discuz! X1.5 |