教育王國

標題: LH vs SC [打印本頁]

作者: Pieparty 時間: 20-12-29 10:56 標題: LH vs SC

本帖最後由 Pieparty 於 20-12-29 11:05 編輯

小囡係凱帆LH PN現讀生，嚟緊可以直升英普K1，同時亦有SC 英粵K1 offer。

因為家姐讀緊SC K1，所以轉埋同一間可以方便好多照顧；另一方面因為小囡廣東話唔太好，直升LH英普會擔心廣東話會更差(嘗試過轉做LH英粵但抽唔到)

但係LH模擬係一間好好嘅學校，小囡亦讀得好開心(雖然實際只係返咗一個月學，其他時候zoom)學術方面確實比SC更深，但小朋友一樣係愉快學習。

作為用家其實兩間都好滿意，真係世紀難題，大家會點揀？

作者: fairycatcher 時間: 20-12-29 11:15

Pieparty 發表於 20-12-29 10:56
小囡係凱帆LH PN現讀生，嚟緊可以直升英普K1，同時亦有SC 英粵K1 offer。
因為家姐讀緊SC K1，所以轉埋同一 ...

係我會揀SC, 我大仔亦都係因為平時用英文溝通多，廣東話講得好麻麻。宜家都煩緊佢出年吾知點考小一，畢竟好多學校都係用廣東話面試。大仔今年K2，我地轉咗去Kv讀，雖然開學只係讀咗一個月多啲，但係佢嘅廣東話明顯有進步，但係我都想提下你，就算真係去SC可以接觸多啲廣東話，家長都要喺屋企努力，如果唔係，小朋友廣東話溝通能力係唔會進步嘅。

作者: HappyCheerBaby 時間: 20-12-29 12:36

LH及SC都好，講學術及配套的話，LH係好好好多及高D，SC就 happy D。兩間考小學都OK，不過，我會揀LH，英普班對小學都係好D。

作者: Mi32 時間: 20-12-29 13:16

Pieparty 發表於 20-12-29 10:56
小囡係凱帆LH PN現讀生，嚟緊可以直升英普K1，同時亦有SC 英粵K1 offer。
因為家姐讀緊SC K1，所以轉埋同一 ...

我岩岩同你相反，K1有LH凱帆英粵,SC有英普offer,真係世紀難題！唔知點揀好

作者: springchisham 時間: 20-12-29 16:30

其實小朋友學廣東話好容易，因為香港係講廣東話千祈唔好咁短視唔讀英普，呢個係我親戚嘅沉重教訓。

作者: snowiemama 時間: 20-12-29 17:47

Mi32 發表於 20-12-29 13:16
我岩岩同你相反，K1有LH凱帆英粵,SC有英普offer,真係世紀難題！唔知點揀好

請問當初點解sc會簡英普？家裡本身有pth語境？

作者: Pieparty 時間: 20-12-29 18:00

回覆 fairycatcher 的帖子

我哋都係擔心幾年後要考小學個關!! 自從係LH家長日俾老師提醒之後我同老公只係會用廣東話同細囡溝通

依家都進步咗少少嘅... 不過家姐都係習慣同佢講英文

因為嫌同妹妹講中文個時佢啲反應好遲鈍...

作者: Pieparty 時間: 20-12-29 18:01

回覆 HappyCheerBaby 的帖子

點解會對小學好啲嘅？我哋係擔心考小個關，因為大部分學校都係用廣東話interview

作者: Pieparty 時間: 20-12-29 18:09

回覆 Mi32 的帖子

英粵好呀我想要英粵haha~~ 你小朋友本身都係LH現讀生？

作者: Pieparty 時間: 20-12-29 18:11

回覆 springchisham 的帖子

可唔可以講多少少個沉重教訓係咩

作者: 快樂火雞 時間: 20-12-29 18:42

當然跟家姐，送兩間太辛苦

作者: HappyCheerBaby 時間: 20-12-29 19:31

回覆 Pieparty 的帖子

平日係屋企可以用廣東話講多D, 雖然小一面試大部份用廣東話，但面試內容有考普通話，再加上，好多小學都用普通話教中文。

作者: Mi32 時間: 20-12-29 21:32

Pieparty 發表於 20-12-29 18:09
回覆 Mi32 的帖子

英粵好呀我想要英粵haha~~ 你小朋友本身都係LH現讀生？

唔係現讀生呀，就係兩間各有各好，所以真係好難揀，超級苦惱

作者: Mi32 時間: 20-12-29 21:45

snowiemama 發表於 20-12-29 17:47
請問當初點解sc會簡英普？家裡本身有pth語境？

其實當初揀嘅時候心諗學校有埋普通話讀，無壞呀，仲可以慳返出去學普通話嘅$，都無諗咁多就揀左英普班。屋企又唔稱得上有良好普通話語境，母語係廣東話，不過我同老公都可以講普通話，同埋小朋友都唔抗拒講普通話。

作者: springchisham 時間: 20-12-29 22:18

Pieparty 發表於 20-12-29 18:11
回覆 springchisham 的帖子

可唔可以講多少少個沉重教訓係咩

interview嘅時候都有part用普通話，呢part interview 衰咗，入唔到理想學校，不過咁講可能除咗普通話有其他原因。父母唔識講普通話根本教唔到，結果普通話學得半桶水。之後小學亦都係普教中。發現自己同其他學生差好遠，之後要花好多時間補普通話，但其他同學仔就可以補其他科目同學興趣班。不過或者呢啲係人嘅問題，未必個個都係咁，每個人都有喜好。信唔信冇所謂，呢啲位實每個人都有自己意見，我自己就好堅信。

作者: happypapa11 時間: 20-12-29 23:22

如若小朋友廣東話唔太好，建議揀英粵班，因為大部分小學都係用廣東話interview ，普通話掌握基本生活問答即可。

作者: tsy550 時間: 20-12-30 07:35

咁如果相反平時屋企無人講普通話，係咪揀英普班好d呢？

作者: JN1999 時間: 20-12-30 23:06

Pieparty 發表於 20-12-29 18:01
回覆 HappyCheerBaby 的帖子

點解會對小學好啲嘅？我哋係擔心考小個關，因為大部分學校都係用廣東話interv ...

我女都係LH 英普，同樣英文比較好

經歷今年考小學，發現其實同揀返小朋友比較優勝的語言去面試會更好

我自己開頭冇留意，用廣東話去in, 後期報名用英文去in 結果幾好

注意：好多直資都會考三個語言讀字咭

歡迎光臨教育王國 (/)