教育王國

標題: 幫小朋友準備物資 [打印本頁]

作者: emmaek 時間: 20-12-20 13:03 標題: 幫小朋友準備物資

本帖最後由 emmaek 於 20-12-20 13:15 編輯

小朋友出年九月去英國讀書，諗住趁香港冬天幫佢買定出年嘅禦寒衣物。因為有朋友話香港買，單以uniqlo為例，款式同價錢都好過英國好多。所以諗住幫佢入定啲貨。

香港人慣咗去到邊一凍就著羽絨，但見啲英國人落住雪都淨係著件大褸。想問吓係嗰邊著羽絨，係學校係咪會好「怪雞」？係咪要買防水風褸/雨褸？因為佢哋好似唔係下下都擔遮。咁啱睇咗個介紹fashion 嘅英國YouTuber，佢都推介人買雨褸，好似連大人都鍾意著雨褸；但香港雨褸其實冇乜款....

還是其實都唔使咁緊張，英國其實都有好多選擇，過到去買都未遲？另外有冇啲乜嘢大家建議最好喺香港幫佢買定？謝謝

作者: 大笨鐘 時間: 20-12-20 13:35

小朋友幾大？我覺得預備一件多功能嘅褸就可以，外面要防風防雨，裏面可以拆嗰 d。外國人好少見著羽絨，著羽絨多數係香港人。去南面定北面讀書？

作者: babadogcat 時間: 20-12-20 13:48

我反而想知床上用品，需要買珊瑚絨床墊(emoji)(emoji)

作者: 大笨鐘 時間: 20-12-20 13:51

babadogcat 發表於 20-12-20 13:48
我反而想知床上用品，需要買珊瑚絨床墊(emoji)(emoji)

我覺得唔使，室內有暖氣

作者: longlokma 時間: 20-12-20 13:56

emmaek 發表於 20-12-20 13:03
小朋友出年九月去英國讀書，諗住趁香港冬天幫佢買定出年嘅禦寒衣物。因為有朋友話香港買，單以uniqlo為例， ...

本帖最後由 longlokma 於 20-12-20 13:57 編輯

我嗰陣上網睇，啲人又係一味話英國人好少著羽絨同擔遮，但事實係，英國人根本好多會着羽絨同埋擔遮！
不過佢哋嘅羽絨外面一定會另有一層防水，你去north face睇下就會知我講乜。
仲有遮，除非係好大風嘅時候，否則英國人一樣會開遮。
仲有，一定要预備防水褲同鞋，大風大雨嘅時候對襪一定濕曬。

作者: cfs 時間: 20-12-20 14:05

孩子在中部，位置比較大風及涼，冇穿羽絨，防風防水外套內層可以係拆得嘅fleece料，今次回來都係想買中褸而非羽絨。 Uniqlo薄羽絨都可以有件，反正輕便秋涼可以穿。

雨傘在英國amazon 訂，因為長直傘入唔係喼，摺傘太大風冇用。

作者: emmaek 時間: 20-12-20 18:29

大笨鐘發表於 20-12-20 13:35
小朋友幾大？我覺得預備一件多功能嘅褸就可以，外面要防風防雨，裏面可以拆嗰 d。外國人好少見著羽絨，著羽 ...

小朋友出年去時11歲，近倫敦。

作者: emmaek 時間: 20-12-20 18:37

longlokma 發表於 20-12-20 13:56
本帖最後由 longlokma 於 20-12-20 13:57 編輯

我嗰陣上網睇，啲人又係一味話英國人好少著羽絨同擔遮， ...

防水褲係咪要買gore-tex呢？因為過千蚊一條，一年又唔啱著，有冇其他物料選擇？

作者: longlokma 時間: 20-12-20 18:43

emmaek 發表於 20-12-20 18:37
防水褲係咪要買gore-tex呢？因為過千蚊一條，一年又唔啱著，有冇其他物料選擇？
...

唔使咁貴，你可以去九龍灣展貿睇下，嗰度有好多運動及户外用品outlet, Columbia, North face等嗰啲都全部有折，防水褲，防水鞋，防風防雨褸全部都有

作者: emmaek 時間: 20-12-20 19:02

longlokma 發表於 20-12-20 18:43
唔使咁貴，你可以去九龍灣展貿睇下，嗰度有好多運動及户外用品outlet, Columbia, North face等嗰啲都全 ...

唔該晒

作者: wslam1 時間: 20-12-20 19:41

小朋友也是明年去讀year 7，請問床上用品枕頭被鋪係咪喺英國買就得？同埋啲被，係咪普通冷氣被咁就夠？
另外防水鞋，請問應買行山鞋還是水boots?
因為完全唔知應該點準備，唔該曬

作者: babadogcat 時間: 20-12-20 19:41

大笨鐘發表於 20-12-20 13:51
我覺得唔使，室內有暖氣

唔該

作者: 大笨鐘 時間: 20-12-20 19:58

emmaek 發表於 20-12-20 18:29
小朋友出年去時11歲，近倫敦。

Sorry，咁細小朋友我唔知要幫佢預備 d 咩，學校有無 advice? 或者等其他 jm 比意見你。倫敦唔算太凍，落雪亦唔多，所以類似 timberland 嘅深紋鞋底 boots，無論保暖定防水都夠，落雪亦防滑。褲唔需要去到雪地用咁厚，我自己都係著牛仔褲。

作者: 大笨鐘 時間: 20-12-20 20:03

emmaek 發表於 20-12-20 18:37
防水褲係咪要買gore-tex呢？因為過千蚊一條，一年又唔啱著，有冇其他物料選擇？
...

唔使去到 geox 咁勁，細雨比較多。廸卡儂有好多戶外運動服，價錢亦經濟，可以去睇吓啱唔啱。

作者: longlokma 時間: 20-12-20 21:22

wslam1 發表於 20-12-20 19:41
小朋友也是明年去讀year 7，請問床上用品枕頭被鋪係咪喺英國買就得？同埋啲被，係咪普通冷氣被咁就夠？
另 ...

床上用品要先問清楚學校供應什麼，有可能宿舍已有輕量羽絨被及枕頭提供，亦要问一问床褥尺寸，间间學校不同，由2尺半至4尺的床都會有，長度亦可能超過6尺。
防水鞋最好防水+防滑，不用水靴，運動型的便可，穿著容易又冇咁焗

作者: sp3014 時間: 20-12-20 21:47 標題: 回覆樓主:

Northface 做緊大減價，有隻防風防水透氣嘅parker，連可除嘅帽可當雨褸, 入面有內拉鍊可以套羽絨或抓毛外套，3件又可獨立各自著，你可以去睇睇。Aigle都好似有d類似嘅叫T-kit系列，不過減咗價都好貴，Northface抵d

作者: emmaek 時間: 20-12-20 23:48

唔該晒大家

作者: okmk 時間: 20-12-21 00:19

床上用品可以開學前在網上買，枕頭、床單、羽絨被、珊瑚氈這些在瑪莎網購揀開學前幾天送去學校宿舍正好，洗頭水沖涼沐浴露，消毒噴這些也可以用那邊的超市網購送去。就怕好似今年開學時那麼特殊，家長們都不能送開學，小朋友行李位不多，能在那邊網購的就盡量不要帶了，留著位帶小朋友喜歡的零食、衣物好些吧

歡迎光臨教育王國 (/)