教育王國
標題: 想聽下大家意見值唔值得因為班主任行為操守為小朋友轉校 [打印本頁]
作者: manionb 時間: 20-12-12 00:09 標題: 想聽下大家意見值唔值得因為班主任行為操守為小朋友轉校
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留難 上導修課抄手冊時 2次舉手話想去廁所都唔比佢去
跟據老師既講法 第一次舉手係因為未等老師叫名已經講咗出嚟所以唔比
女同我講過左一陣 女因為太急又舉第二次手 今次等到老師叫左佢名先答：我急想去廁所
但老師依然唔比佢去 仲無視左佢
事後我地向校長反映左件事 之後開始受到班主任針對
女平時比較活躍又容易分心 早會祈禱時分心周圍望 班主任責備左幾句女無出聲
班主任仲要補多句：今次駛唔駛又去同校長講？
近排停左面授課又開始番zoom 見到情況仲差左 早2日開左新一課書班主任問女問題
女：我唔識答
即比佢話：宜家咪教緊你囉....下刪一大堆説話
女平時成績幾好 宜家開始抗拒上佢堂 好似驚左班主任
呢間學校成績同派位唔差只係無乜愛心 而女係比較活躍唔係傳統老師鍾意類型
平時講野心直口快可能得罪左班主任 演變到宜家景況
有無過來人家長可以分享下比d意見 值唔值得因為班主任而轉校？
作者: giver 時間: 20-12-12 01:21
兩睇。驟眼睇，老師的言行未算太差，多數人會建議：趁機教導女兒，順便鞏固她的 AQ 抗逆能力。可是，父母也可以趁機反思：女兒只是與個別老師不咬弦？ 還是兩年多以來，一直抗拒這個校園？
請問可否先探討幾點？
1. 有關事發經過丶前因後果，有嘗試與在場的老師丶同學了解？（同一情景，每個人的描述都不盡相同。）
2. 什麼情況之下向校長反映？ 之前，已跟這位班主任討論過卻不果？
3. 之前兩年的校園經驗如何？「冇乜愛心」一直是該校的文化傳統？可以再描述多一些？
4. 除了這位班主任之外，女兒與其他老師相處融洽嗎？ 校內有些好朋友嗎？喜愛上學嗎？
作者: IloveJJ 時間: 20-12-12 11:39
提示: 作者被禁止或刪除 內容自動屏蔽
作者: manionb 時間: 20-12-12 12:24
本帖最後由 manionb 於 20-12-12 12:35 編輯
giver 發表於 20-12-12 01:21 
兩睇。驟眼睇，老師的言行未算太差，多數人會建議：趁機教導女兒，順便鞏固她的 AQ 抗逆能力。可是，父母也 ...
感謝你回覆
1）當時只有班主任一個老師在場 而其他同學未能問到
有向校方了解過事件 班主任回應指女第二次舉手後沒有理采老師 將責任歸咎小朋友
而家長不在現場 唯有以常理推斷 小朋友第一次想去廁所遭拒絕 因為覺得急而需要舉第二次手
按常理不會不回應老師 不想理采老師又何必舉手
2）事發後向校長反映的 因感覺老師不太願意跟家長溝通 班主任對女有不滿亦只在手冊蓋不守紀律印以便記缺點
家長每次見到手冊向老師了解事情才知道發生什麼事 再向女了解説法亦有出入 有向班主任表達希望可以告知女在校情況
唯班主任每次都推説忘記致電家長
3）一二年級都好鍾意返學 鍾意同同學玩 一年級時在學校發生過2次意外
一次係走廊遭上層衝落嚟男仔撞到爆咀 半小時後仍有流血去睇醫生 醫生說傷口頗深建議縫針 唯副校長覺得只是好少事 對方男仔撞到人都有機會受傷
反而副校長在意的是女生髪型 多次聯絡我都是説女沒有賓辮（學校傳統規矩要求賓辮 但見好多女生都是馬尾）
女平時由爸爸送返學而爸爸不懂賓辮所以只扎了馬尾
另一次係女喺學校跌倒 當時老師致電我只是說女有點頭暈沒有其他不適 只讓女伏在課室桌上休息 連休息都不願開放 到我接女放學時見到女有嘔吐 立即送院檢查 醫生要求留院觀察2天及需要做腦掃描
4）女同其他老師相處融洽 上星期回校交收功課遇到中文老師稱讚女上堂幾乖 停課前數學老師亦推薦女出去參加奧數比賽 音樂老師亦揀左女做學校司琴只係班主任向我表明女係全班最頑劣 要與校長商量女既操行評級
作者: manionb 時間: 20-12-12 12:42
本帖最後由 manionb 於 20-12-12 12:45 編輯
IloveJJ 發表於 20-12-12 11:39
我會乘機教個女如何面對不合理既上司？如何逆境求存？如何扭轉印象。
不過，首要係家長自谷心理準備，是 ...
你提議既都係一個方法 不過宜家女因為怕左班主任而抗拒上英文堂 英文係主科所以比較擔心
二年級由何老師教英文時女好鍾意英文的
作者: IloveJJ 時間: 20-12-12 13:12
提示: 作者被禁止或刪除 內容自動屏蔽
作者: Jane1983 時間: 20-12-12 13:33
同你女傾吓，睇吓佢想唔想轉，轉亦需要時間，亦唔係一定轉到心儀的。問吓當事人想法。
如果中文、數學和音樂老師都欣賞你女表現，佢應該唔係好頑劣的小朋友。如果係年年換班主任的話，捱一捱鍛鍊吓亦唔係好難。但一切睇當事人感受和抗逆能力，你覺得佢頂唔順就唔好勉強。
作者: Jane1983 時間: 20-12-12 13:48
老師有春風化雨，亦有敗類。我讀書的時候，亦親眼見過一個成績唔係差，個人唔係壞，只係唔識死駁老師嘴的同學，比老師整死 - - 個女仔轉去另一間band 1中學，個老師竟然同新學校講衰個女仔，搞到個女仔係新校受盡委屈，無法立足。
作者: sheepmeimei 時間: 20-12-12 14:40
好老師同好老闆一樣唔係咁易遇到，轉到新學校亦可能遇到同樣情況，教小朋友做好自己，唔好太在意別人眼光，對佢將來都有幫助。
英文方面，可否找個溫柔嘅補習姐姐令佢冇咁抗拒英文科？
作者: b3410 時間: 20-12-12 15:16
manionb 發表於 20-12-12 12:24
感謝你回覆
1）當時只有班主任一個老師在場 而其他同學未能問到
有向校方了解過事件 班主任回應指女第二 ...
既然已經有轉學的諗法，不如隨自己的心，開始物色更適合的學校。
不過也要顧及小朋友的諗法，如果佢自己其實唔介意，喜歡學校，唔肯轉，無謂勉強。如果佢也想走，就更加要轉。
還有就是對小朋友解釋的時候儘量小心處理，唔係話學校老師唔好，而係有一間更加適合的學校。千萬不要令佢覺得係自己唔乖，唔夠好，而要轉學，心理上會有陰影。
小朋友成績好，又比較活躍，其實應該都有更加適合的學校。
作者: hkmm888 時間: 20-12-12 19:49
其實女兒有冇講吾開心，似乎只係個別老師有問題，可以提出調班?
上youtube學下點綁鬢辮，我覺得爸爸吾識吾係藉口，吾識點解幾年都吾學。
作者: HappyCheerBaby 時間: 20-12-12 20:09
唔值得為咗班主任而轉校，依個班主任只教一年，下年又會再轉班主任，再加上宜家疫情而唔使返學住，未必需要面對面對住班主任，反而，教阿女如何處理班主任無理要求啦!
作者: manionb 時間: 20-12-12 20:46
Jane1983 發表於 20-12-12 13:33
同你女傾吓，睇吓佢想唔想轉，轉亦需要時間，亦唔係一定轉到心儀的。問吓當事人想法。
如果中文、數學和音 ...
同時亦想顧及小朋友感受 真係兩難
會搵機會同女傾下 睇吓佢頂唔頂到
作者: manionb 時間: 20-12-12 20:50
Jane1983 發表於 20-12-12 13:48
老師有春風化雨，亦有敗類。我讀書的時候，亦親眼見過一個成績唔係差，個人唔係壞，只係唔識死駁老師嘴的同 ...
仲要舊老師既影響力可以去到新校？
作者: manionb 時間: 20-12-12 20:58
sheepmeimei 發表於 20-12-12 14:40
好老師同好老闆一樣唔係咁易遇到，轉到新學校亦可能遇到同樣情況，教小朋友做好自己，唔好太在意別人眼光， ...
只求唔好再遇到咁伏既
多謝你意見 英文方面會盡力幫下女 首要係想辦法令佢唔好因為老師而產生抗拒
作者: manionb 時間: 20-12-12 21:06
b3410 發表於 20-12-12 15:16
如果只是你初初提到的一位老師，我可能會再觀察下，再教小朋友自己如何學識處理。不過見到你再舉多幾條例子 ...
你好細心 有啲細微位我都無諗到 感覺到你對小朋友好有愛
作者: manionb 時間: 20-12-12 21:25
hkmm888 發表於 20-12-12 19:49
其實女兒有冇講吾開心，似乎只係個別老師有問題，可以提出調班?
上youtube學下點綁鬢辮，我覺得爸爸吾識 ...
有同校長反映過想調班 初時校長認為要睇一段時間及同班主任傾
點知校長同班主任傾完令情況更差越發咬住小朋友
校長始終相信班主任 亦可能因為學校立場令老師更惡
亦有同社工傾過 以佢所知學校未有先例
可能轉班行政上比較麻煩？
況且感覺上學校向來不太關顧小朋友感受 只係看重成績
至於賓辮方面 學校留長頭髮女生中佔半數都沒有賓辮
不理解為何對不同學生尺度不同
作者: manionb 時間: 20-12-12 21:28
HappyCheerBaby 發表於 20-12-12 20:09
唔值得為咗班主任而轉校，依個班主任只教一年，下年又會再轉班主任，再加上宜家疫情而唔使返學住，未必需要 ...
作者: Jane1983 時間: 20-12-12 22:09
回覆 manionb 的帖子
我地聽果個女仔哭訴，話新校班主任同佢講，話佢係舊校點點點，對老師不敬，品行唔得，都係無得救。唔係有人講佢壞話，邊得咁詳細！？
我同果個唔算熟，但個女仔無大問題，只係縱壞，不知天高地厚頂老師嘴，罪不至此。
作者: hkmm888 時間: 20-12-12 22:27
回覆 manionb 的帖子
今個學期面授左兩個月，甘短時間都令到你地甘困擾，我覺得你對學校都不滿，既然你地都吾開心，不如的起心肝轉校啦，同級津校都難搵，吾介意就問下次一級津校插班，留意下附近出名關愛直資私校，不彷打電話問下再決定，轉校都好平常，吾使考慮太多野，你講到校長都針對你地甘，如果寫花左操行，就未必有學校收啦。轉班吾難，睇下學校肯吾肯搞。
都吾好諗咩吾同尺度啦，比人針對就做好自己先囉，頭髮而啲基本校規就做足啲。
同小朋友傾多啲，吾好比太多負能量比佢，留意多啲佢既感受。
作者: hkmm888 時間: 20-12-13 09:15
本帖最後由 hkmm888 於 20-12-13 09:36 編輯
今朝訓醒諗，會吾會你囡英文吾好，加上驚班主任，答問題時十問9吾應? 所以班主任先吾鐘意，正常吾鍾意一個人，應該點都會有原因，你果間小學好似教快一年，甘都幾深下?
不如積極啲搞好英文，搵個大學姐姐私補下，學好英文點都有得著，教小朋友逆境求存，好過消積轉校。
作者: 仔仔錫錫你 時間: 20-12-13 09:46
本帖最後由 仔仔錫錫你 於 20-12-13 09:52 編輯
投訴永遠用書面，亦要學校用書面回復，學校才留底大家有記錄將來有咩針對就易攪好多
現階段我會寫信比學校講返件事叫學校記錄在案，跟手再寫封話老師比說話小朋友聽，令小朋友學了有損其品德叫學校盡快處理
我過往經驗，你怕事想退，老師就會上前踩多步，夠狠寫信攪大老師就唔會再攪小朋友，什至付會比以前客氣
作者: manionb 時間: 20-12-13 11:06
Jane1983 發表於 20-12-12 22:09
回覆 manionb 的帖子
我地聽果個女仔哭訴，話新校班主任同佢講，話佢係舊校點點點，對老師不敬，品行唔得 ...
作者: manionb 時間: 20-12-13 11:11
hkmm888 發表於 20-12-12 22:27
回覆 manionb 的帖子
今個學期面授左兩個月，甘短時間都令到你地甘困擾，我覺得你對學校都不滿，既然你地 ...
作者: manionb 時間: 20-12-13 11:22
hkmm888 發表於 20-12-13 09:15
今朝訓醒諗，會吾會你囡英文吾好，加上驚班主任，答問題時十問9吾應? 所以班主任先吾鐘意，正常吾鍾意一個 ...
基灣係用番同級既書 我睇過佢學校d書都係一般程度唔算深
佢平時係屋企都會駁咀 唔係絕對順從嗰啲小朋友 可能係因為咁得罪左班主任
宜家受到針對而討厭佢教嗰科
作者: manionb 時間: 20-12-13 11:25
仔仔錫錫你 發表於 20-12-13 09:46
投訴永遠用書面，亦要學校用書面回復，學校才留底大家有記錄將來有咩針對就易攪好多
現階段我會寫信比學校 ...
作者: babyhazel106 時間: 20-12-13 16:01
書面投訴更加適得其反 ，更不智
一開始你應該同班主任「客氣」溝通，唔係直接揾校長，你話畀校長聽，係人都覺得你投訴佢啦
你畀人投訴完，你覺得你會唔會對個小朋友特別客氣？
定係無時無刻都記住個家長曾經投訴過你呀？
搞咁多小動作揀學校覺得你係麻煩家長， 除非你諗住直接走，否則無謂做衰自己令小朋友喺學校難受
作者: manionb 時間: 20-12-13 16:37
babyhazel106 發表於 20-12-13 16:01
書面投訴更加適得其反 ，更不智
一開始你應該同班主任「客氣」溝通，唔係直接揾校長，你話畀校長聽，係人 ...
由班主任只係手冊蓋不守紀律印而無任何註解開始
家長已經主動聯絡班主任了解事件並希望如果小朋友有咩做得唔好地方希望可以讓家長知道
唯班主任之後亦只繼續蓋印計次數而完全沒有知會家長對小朋友有什麼不滿
每次家長致電班主任了解 班主任只推説忘記通知了事
往後班主任更變本加厲 連去廁所都要留難小朋友
家長無辦法下才聯絡校長
作者: alsonl 時間: 20-12-13 16:43
manionb 發表於 20-12-13 11:22
女英文方面應該跟到 二年級何老師教時平均都有八九十分
基灣係用番同級既書 我睇過佢學校d書都係一般程度唔 ...
本帖最後由 alsonl 於 20-12-13 22:31 編輯
delete
作者: giver 時間: 20-12-13 22:16
manionb 發表於 20-12-13 11:22
女英文方面應該跟到 二年級何老師教時平均都有八九十分 ...
作者: giver 時間: 20-12-13 22:57
babyhazel106 發表於 20-12-13 16:01
書面投訴更加適得其反 ，更不智
一開始你應該同班主任「客氣」溝通，唔係直接揾校長，你話畀校長聽，係人 ...
作者: hkmm888 時間: 20-12-14 08:42
我都吾讚成書面投訴，除非小朋友真係轉校。如果放不下，要玩大啲就用幾千蚊出封律信嚇下佢先，精神科醫生報告+教育局投訴。
作者: Shellyxlk 時間: 20-12-15 11:52
manionb 發表於 20-12-12 12:24
感謝你回覆
1）當時只有班主任一個老師在場 而其他同學未能問到
有向校方了解過事件 班主任回應指女第二 ...
本帖最後由 Shellyxlk 於 20-12-21 15:50 編輯
我反而係接受唔到第三點，對小朋友受傷唔太上心，小朋友受傷可大可小，而你個班主任同個三年級嘅小朋友計較亦都好小氣，不過我知好多官校係咁，有啲覺佢哋老師唔知係咪壓力太大心理有啲唔平衡攞啲小朋友出氣，我有朋友個仔讀X官，聽佢講好似去咗惡人谷咁
作者: flones5 時間: 20-12-15 12:56
雖然話係今年班主任，但是學校好細，每年都會有不同科目比同一個老師教。
同意小朋友受傷學校處理手法好有問題，受傷當無事/好少事，其實幾恐怖！
作者: LittleCS 時間: 20-12-15 17:43 標題: 回覆樓主:
成績行先，好好利用喱段時間令個女成績排名前啲，好多嘢都會忽然包容晒。
我由幼稚園到小學都俾老師煩到想嘔。去到小一，個個星期都要聽班主任電話，都係啲雞毛蒜皮事。但小一出完成績就靜晒。唔係話名列前茅，只係全級20之內。
如果想插班走人，更加要努力搞好成績。
作者: yveoone 時間: 20-12-15 19:29
manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...
古老津校係咁，我仔直情比佢收咗作業，我搵唔到，我問佢，佢話冇，我去買過本，派返話你多咗，比多咗的一本另一個又唔見咗嘅同學。
我寫信比校長，校長即搵老師，協助學生的老師即打比我探口風。我知津校冇得郁佢，但我唔出信，氣難下。我會復課時再出信，如果不回覆，會去信辨學團體，同教育局。
其他老師冇玩我仔，仍然一樣，所以我建議你出信，亦都可以試下其他學校，12，14網也可試。當然你地升中真係派得好好，但冇必要比班主任玩多半年。
祝你快快擺平健事
作者: babejaiiiiii 時間: 20-12-15 21:33
我個人覺得唔太值得，班主任只教一年，下年又會再轉，除非你話成間學校既老師都針對你就話姐。（但如果成間學校既老師都針對自己的話，就一定係代表自身都有D問題，需要檢討一下。）
作者: kimlam953 時間: 20-12-16 15:20
本帖最後由 kimlam953 於 20-12-16 15:26 編輯
manionb 發表於 20-12-13 11:11
印象中同區關愛直資好似得港大同學會 好多人爭一個位 比同級津校更難入
開始多人移民會走, 好建議你試下
小兒係小一用家, 我聽佢上zoom真係個個老師都好有耐性及正向教育(小兒話平時老師都係咁), 有問題亦可在teams問老師(好似whatsapp咁), 好快覆. 有意見反映老師都會聽及一齊諗辦法, 你唔洗擔心會轉錯, 祝福你
作者: manionb 時間: 20-12-19 23:46
Shellyxlk 發表於 20-12-15 11:52
我反而係接受唔到第三點，對小朋友受傷唔太上心，小朋友受傷可大可小，而你個班主任同個三年級嘅小朋友計 ...
你朋友個仔讀緊幾年級？還算可以嗎？
作者: manionb 時間: 20-12-19 23:52
flones5 發表於 20-12-15 12:56
雖然話係今年班主任，但是學校好細，每年都會有不同科目比同一個老師教。
同意小朋友受傷學校處理手法好有 ...
作者: manionb 時間: 20-12-20 00:01
LittleCS 發表於 20-12-15 17:43
成績行先，好好利用喱段時間令個女成績排名前啲，好多嘢都會忽然包容晒。
我由幼稚園到小學都俾老師煩到想 ...
你小朋友個班主任肯聯絡你講下小朋友喺學校情況已經唔算太差，好過我女班主任只係蓋不守紀律印了事，同佢反映過小朋友有做得唔好既地方可以通知我，但一直只係推說唔記得
作者: manionb 時間: 20-12-20 00:07
yveoone 發表於 20-12-15 19:29
古老津校係咁，我仔直情比佢收咗作業，我搵唔到，我問佢，佢話冇，我去買過本，派返話你多咗，比多咗的一 ...
作者: manionb 時間: 20-12-20 00:10
babejaiiiiii 發表於 20-12-15 21:33
我個人覺得唔太值得，班主任只教一年，下年又會再轉，除非你話成間學校既老師都針對你就話姐。（但如果成間 ...
作者: manionb 時間: 20-12-20 00:14
kimlam953 發表於 20-12-16 15:20
開始多人移民會走, 好建議你試下
小兒係小一用家, 我聽佢上zoom真係個個老師都好有耐性及正向教育(小兒話 ...
作者: NNbaby 時間: 20-12-20 02:46
我接受唔到手冊蓋黑豬印但老師無主動講返咩事，打個電話都唔係咁難啫，樓主打返去問好合理！
為咗個女我唔會忍，如果聽到Zoom個老師無理話個女，我會扮唔小心unmute講嘢俾老師知家長在旁聽緊。如果繼續咁過分，幾千蚊去睇精神科拎張醫生紙俾學校，講明邊一科令個女stressful，直接交俾校長。
作者: yveoone 時間: 20-12-20 17:32
manionb 發表於 20-12-20 00:07
你哋學校幾好喎 校長真係有跟進唔係一味拖，介唔介意話我知係邊間？
跟完嗰一日冇咗下聞。古老津校一間。
作者: 小寶貝兒 時間: 20-12-20 18:50
manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...
我女小二時正正遇到一個班主任針對我女，已經影響到佢情緒同學習，我當晚就立即搵學校，即使要細女變大女讀多一年小一都照報，我都頂個班主任唔順，收到offer後同女講，佢明顯鬆一口氣，轉校後情緒好返好多，學習更好！
作者: swytca 時間: 20-12-20 19:28
提示: 作者被禁止或刪除 內容自動屏蔽
作者: Jane1983 時間: 20-12-20 21:04
回覆 小寶貝兒 的帖子
你女不是讀國際學校嗎？也有班主任玩針對？
作者: Shellyxlk 時間: 20-12-21 15:46
manionb 發表於 20-12-19 23:46
佢哋一向唔太在意小朋友感受同受傷，小朋友比人撞到受傷爆左咀，仲要話撞到人嗰個如果矮啲都有機會受傷，要 ...
讀緊小二，佢哋小一小二係同一個班主任所以要捱兩年，不過應該唔只班主任惡啃，最蜂刺係作文要寫我最愛的班主任，個細路直情話篇作文要佢講大話
作者: 小寶貝兒 時間: 20-12-21 22:14
Jane1983 發表於 20-12-20 21:04
回覆 小寶貝兒 的帖子
你女不是讀國際學校嗎？也有班主任玩針對？
小一小二時係私小，就係因為個班主任先轉校，先轉去IB school，再轉IS
作者: Jane1983 時間: 20-12-22 07:39
回覆 小寶貝兒 的帖子
明白了，IS老師真是很少有這個做法。
作者: 小寶貝兒 時間: 20-12-22 20:05
Jane1983 發表於 20-12-22 07:39
回覆 小寶貝兒 的帖子
明白了，IS老師真是很少有這個做法。
係呀！我見IS老師有唔同教學風格，但都係對事唔對人 
作者: little_yolky 時間: 20-12-22 22:35
Shellyxlk 發表於 20-12-21 15:46
讀緊小二，佢哋小一小二係同一個班主任所以要捱兩年，不過應該唔只班主任惡啃，最蜂刺係作文要寫我最愛的 ...
幼稚園都有班主任。
作者: islz 時間: 20-12-28 11:52
而家先攪清楚同知道原來老師愛心都係學校實力嘅一種？
選得依類只係得成績冇野好嘅學校就預左一定會咁架啦，學校又你選嘅，小朋友又受罪，早知今日何必當初呢。
其實係帶學校又有愛又有成績嘅。
作者: swytca 時間: 20-12-28 15:03
提示: 作者被禁止或刪除 內容自動屏蔽
作者: swytca 時間: 20-12-28 15:10
提示: 作者被禁止或刪除 內容自動屏蔽
作者: islz 時間: 20-12-28 22:07
swytca 發表於 20-12-28 15:03
又有愛心，又有成績，又無中學，尤其到高小，簡直是不可能的。不兇不多默測怎麼約束他們做功課，溫習。怎 ...
搵吓啦 有架
一條龍，不過考得入先算啦。
作者: swytca 時間: 20-12-28 22:11
提示: 作者被禁止或刪除 內容自動屏蔽
作者: manionb 時間: 20-12-30 22:14
NNbaby 發表於 20-12-20 02:46
我接受唔到手冊蓋黑豬印但老師無主動講返咩事，打個電話都唔係咁難啫，樓主打返去問好合理！
為咗個女我唔 ...
作者: manionb 時間: 20-12-30 22:17
小寶貝兒 發表於 20-12-20 18:50
我女小二時正正遇到一個班主任針對我女，已經影響到佢情緒同學習，我當晚就立即搵學校，即使要細女變大女 ...
我女係年中
作者: manionb 時間: 20-12-30 22:26
swytca 發表於 20-12-20 19:28
是不是舊基灣呀？要渣2個辮？好傳統學校，但系若轉校，其他學校學術肯定無這間好，是否甘心？還要時間適應 ...
正常津校就算無乜愛心都唔會刻意針對，無愛心同刻意針對心理變態係兩回事，應該都係個別班主任問題。
附近直資選擇唔多又好多人爭，都會嘗試問下。
作者: manionb 時間: 20-12-30 22:28
Shellyxlk 發表於 20-12-21 15:46
讀緊小二，佢哋小一小二係同一個班主任所以要捱兩年，不過應該唔只班主任惡啃，最蜂刺係作文要寫我最愛的 ...
作者: siuta 時間: 21-1-3 23:48
本帖最後由 siuta 於 21-5-12 12:46 編輯
manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...
deleted
作者: carinj 時間: 21-1-6 14:00
我反而覺得如果個小朋友日日返學好似行刑咁，其實都幾慘。
明年笑死可能又係同一個班主任。如果佢操行寫得差好影響升中或者出去搵學校。
會唔會利用另一個話題約老師面談？再同老師搞friend啲。
作者: 小寶貝兒 時間: 21-1-7 10:21
manionb 發表於 20-12-30 22:17
你女女係12月細b? 都係東區嗎？
我女係年中
我女係12月細B呀！所以當時對我哋來講讀小二同G1其實冇咩所謂。
你講我女小二間學校嗎？係元朗架
作者: busybeebee0713 時間: 21-1-8 00:50
提示: 作者被禁止或刪除 內容自動屏蔽
作者: bananaGi 時間: 21-1-29 01:00
manionb 發表於 20-12-12 20:58
遇到好老師當然好 不過真係唔太多 普普通通既老師都好滿足了
只求唔好再遇到咁伏既
直接話比個女聽個老師衰架！ 反正今年都下學期，捱埋佢！ 唔需要驚！你話阿媽支持你既！
作者: manionb 時間: 21-2-11 16:42
siuta 發表於 21-1-3 23:48
聽到都覺得心痛。三年班其實好細個，呢種俾大人針對嘅情況好難handle，中三都未必得啦。
我覺得首先係了解 ...
10月尾有喺電話同校長反映過希望可以轉班，但無耐教署就宣怖停課，校長亦以停課為由話跟進唔到。我唯有每隔一至兩星期問校長會點處理，追左幾次之後校長覆我 佢覺得係小朋友想同其他班玩所以先提出轉班。
無辦法之下我唯有寫信比校長希望可以正視問題及作出處理，幾日後收到劉副校長電話謂聖誕假期後會作出跟進，假期後副校有約我傾下，而學校社工就要求同小朋友單獨傾，似乎唔想家長在旁。而嗰次zoom會議兩位副校都只係重複一次我信內容話會跟進。
臨放新年假前見學校未有回覆再次致電副校查詢進度，原來早一個星期校長已經書面回覆左，可能郵遞服務延誤所以未收到。電話中副校向我表示就社工同小朋友傾偈時 小朋友覺得同老師關係已經緩和左亦唔再驚班主任同唔再抗拒。事後我問番女，佢好驚訝點解社工會咁同學校反映，明明佢哋傾偈嗰時佢有向社工表示想轉班唔想再比班主任針對。再諗番成件事，我一月嗰時都有收過社工電話問我如果無得轉班既話會有咩打算，佢話都擔心小朋友情緒。感覺上成件事好奇怪，如果小朋友向社工表示無事，社工又何需向我表示擔心？
最終今日終於收到學校書面回覆，謂不適宜轉班，更將所有問題轉嫁比小朋友。
作者: manionb 時間: 21-2-11 16:57
carinj 發表於 21-1-6 14:00
我反而覺得如果個小朋友日日返學好似行刑咁，其實都幾慘。
明年笑死可能又係同一個班主任。如果佢操行寫得 ...
作者: manionb 時間: 21-2-11 17:04
小寶貝兒 發表於 21-1-7 10:21
我女係12月細B呀！所以當時對我哋來講讀小二同G1其實冇咩所謂。
你講我女小二間學校嗎？係元朗架
...
作者: 964000 時間: 21-2-12 08:06
manionb 發表於 20-12-13 11:22
女英文方面應該跟到 二年級何老師教時平均都有八九十分
基灣係用番同級既書 我睇過佢學校d書都係一般程度唔 ...
本帖最後由 964000 於 21-2-14 21:09 編輯
你女聰明，多咀，不喜歡絕對服從，又敏感，strong willed, 不易忘記。好多傳統老師要求學生絕對服從，老師話一學生不敢話二，行路正一正，才是好學生。
這次遇到雖然是個別老師，將來也有機會再遇到，一係教佢改變自己，逆境求存。否則試吓轉港同那類，應該會更適合佢。
作者: 小寶貝兒 時間: 21-2-14 18:23
manionb 發表於 21-2-11 17:04
啱呀，小朋友讀得開心都重要。始終學校每日都要返，透明度同公道更加重要。
...
我女轉校後其實都有遇到嚴格既老師（唔好以為外國人就一定會寬鬆），但小朋友係睇得出個老師係針對佢個人定係針對件事！
所以我唔介意老師嚴，但我介意個老師意氣用事！
當時同老師同校長溝通過，佢哋都係覺得咁樣對小朋友冇問題既，咁唯有轉走，反正轉走最差都係遇到同樣既人，但唔轉就一定會係同一個老師（仲要捱埋下半年先知下年會唔會轉新班主任），一諗到咁樣就決定搏一搏啦！
作者: manionb 時間: 21-3-23 17:47
964000 發表於 21-2-12 08:06
本帖最後由 964000 於 21-2-14 21:09 編輯
你女聰明，多咀，不喜歡絕對服從，又敏感，strong willed, ...
爭扎左好耐我終於都幫女退左學，其一校長處事手法幾令人心寒，為左幫老師掩飾可以將所有問題歸咎曬喺小朋友度，老師完全無問題，學校都有搵社工扮同女傾偈了解下，但將小朋友講既說話倒轉黎講，另再加插女無講過既說話，好彩爸爸有錄音為証，唉.....開始明白點解呢間學校年年轉社工
其二，大家都提到一個關鍵，周老師長期針對，如果到時記左缺點/過，寫花左操作到時無其他學校願意收會仲煩
作者: manionb 時間: 21-3-23 18:03
小寶貝兒 發表於 21-2-14 18:23
我女轉校後其實都有遇到嚴格既老師（唔好以為外國人就一定會寬鬆），但小朋友係睇得出個老師係針對佢個人 ...
我都同意嚴唔係問題，但要有理據，唔係老師想點就點。有足夠理據既體罰都可以接受，我細個讀小學都好嚴，校長週會都會打學生，當住所有人面前打，處理得公開公正
你女轉左之校之後又遇到呢啲老師，你會教佢點處理？我都想取下經學下野
另外請問大家同區有冇啲比較關愛既學校？
作者: bananaGi 時間: 21-3-24 12:59
manionb 發表於 20-12-12 00:09
女女今年三年班 喺區內四小龍學校就讀
唔好彩今年遇到個班主任同女夾唔到 經常留難女女
甚至用生理需要留 ...
小學唔同幼稚園, 唔係隨時放你去toilet架.. 你轉校後都要調節下自己,
同埋可以直接搵左老師問下件事先.. 唔洗郁下就去校長到反映
作者: licpd 時間: 21-3-24 16:08
轉校都好，新的環境從新來過。經一事長一智。
我好似聼好多類似你女的故事 不過你無得反抗，唯有轉校。我覺得同大人轉工差吾多。
下次遇到尼的老師，傢長千其唔好投訴，因為無用兼有後圍症，同老師客氣講個女“難教‘辛苦你啦！幾句說話等距吳好針對個女就算。尼個世界真正好坏的人都係好少的，好多都係一時心情唔好揾學生出氣。
作者: manionb 時間: 21-3-24 18:35
本帖最後由 manionb 於 21-3-24 19:04 編輯
bananaGi 發表於 21-3-24 12:59
老師都有衰人.不過你一開始就去校長到講佢, 等於投訴佢... 佢小氣一定記仇,..
小學唔同幼稚園, 唔係隨時放 ...
當初同校長反映件事唔係純粹為左班主任唔比小朋友去廁所咁簡單。除咗呢件事，班主任仲會喺女手冊度蓋：不守紀律印第__次而完全無寫係咩事。家長接放學見到面老師都唔會提，返到屋企簽手冊先知道，每次要打比老師問發生咩事，同老師反映過如果再有相同情況可否比家長知道，老師表面答應但之後都係繼續蓋印計次數而無提因為咩事而要寫手冊。家長一頭霧水，感覺老師只係為數夠次數記小朋友缺點，對人而唔係對件事。
過後亦有同老師了解過件事點解連小朋友生理需要都遭到拒絕，所得既答案亦頗牽強不合邏輯，家長覺得咁樣都唔係辦法所以先至向校長反映。
明白老師返工都辛苦都有壓力，間唔中向小朋友發下脾氣都情有可原，但係咪真係有需要長期咁樣搵機會去捉住一個小朋友去記缺點寫花記錄呢。
作者: manionb 時間: 21-3-24 18:59
licpd 發表於 21-3-24 16:08
轉校都好，新的環境從新來過。經一事長一智。
我好似聼好多類似你女的故事 不過你無得反抗，唯有轉校。我覺 ...
學校亦每年搞家長也敬師活動驅使家長對老師都要必恭必敬以老師為尊。
作者: tigerdad 時間: 21-3-27 05:50 標題: 回覆樓主：
本帖最後由 tigerdad 於 21-4-20 08:29 編輯
Deleted
作者: bananaGi 時間: 21-3-30 17:04
tigerdad 發表於 21-3-27 05:50
樓主，我女今年小二，呢一年都好唔開心，剛剛都被老師一口咬定話佢帶頭寫反對紙，仲話佢冒簽同學不贊成新座 ...
你話啲學校係咪多魚！坐位表都要反不反對⋯ 反完就話人帶頭
作者: 小寶貝兒 時間: 21-4-3 16:19
manionb 發表於 21-3-23 18:03
小朋友心水好清，我女都係咁，有時都唔知係好定唔好，舊基灣都係行呢套，老師搞錯左鬧錯人都好，老師一定是 ...
我女轉校後遇到既嚴格老師係真係睇得出唔係針對人，亦唔會話自己錯左都死唔認數果啲，所以阿女好服佢架，仲話呢個老師係佢最喜愛既老師之一。
而家佢長大左，暫時都仲未再遇到類似小二時班主任果種“嚴格”既老師，不過佢既思辨能力高左好多，相信再遇到佢會識分辨，甚至據理力爭，因為佢對住我哋都係咁 
作者: 964000 時間: 21-4-3 19:28
小寶貝兒 發表於 21-4-3 16:19
我女轉校後遇到既嚴格老師係真係睇得出唔係針對人，亦唔會話自己錯左都死唔認數果啲，所以阿女好服佢架， ...
老師嚴格不是問題，有要求是好事，
但不要針對，錯又唔認，吹毛求疵。
作者: conniecheung 時間: 21-4-9 18:01
樓主 搵到學校未？
| 歡迎光臨 教育王國 (/) |
Powered by Discuz! X1.5 |