教育王國

標題: SFA vs 禮賢 vs 聖三一 vs 九聖天 [打印本頁]

作者: hoada 時間: 20-12-11 07:04 標題: SFA vs 禮賢 vs 聖三一 vs 九聖天

升小求意見
雙職父母，小朋友係男仔，文靜乖巧，正就讀Happy school 幼稚園。小朋友記性好。
如果以上學校收左，大家會點揀?

巳知SFA 升中好出色，但我擔心今年吾係考卷入，怕仔仔讀吾上，仲要zoom 教，怕會影響親子關係同仔仔自信。平日放工吾太多時間温習.

禮賢係我最心儀，但係佢吾一定收細佬，又係深水埗net, 考真資冇SFA 咁出色。但真係好有愛。

考慮九聖天因為佢係46網龍頭學校，但奇怪佢全港排名好，但升中吾特別出色。有細佬跟住，而家又經濟吾好，所以都考慮下。

作者: islz 時間: 20-12-11 12:53

回覆 hoada 的帖子

幼稚園同學仔讀緊, SFA唔使擔心, 係一定會谷, 邊有升中成績好嘅唔辛苦?如果有我諗大家都想入. (龍就有)

冇話好唔好

作者: AngelaWan_FB 時間: 20-12-11 20:41

SFA感覺OK

作者: PTL_L 時間: 20-12-11 21:41

我覺得要量力而為，如果已知或預計到經濟壓力會大，就考慮九聖天，其實讀到書既小朋友，去到邊到都會讀到。

以上學校，講升中、課程應是SFA最理想，但一分耕耘一分收穫，要有好成績係一定要付出時間、金錢、耐性等。

所以，問題在於你願唔願意放棄三私一直中的其中一私。

作者: hoada 時間: 20-12-12 09:42 標題: 回覆樓主:

短期內又未有好嚴重經濟考慮，最難揀係SFA 同禮賢好吾同，吾知點幫佢揀

作者: Poyau 時間: 21-1-10 13:39

hoada 發表於 20-12-12 09:42
短期內又未有好嚴重經濟考慮，最難揀係SFA 同禮賢好吾同，吾知點幫佢揀

考慮小朋友性格適合那間
SFA學術較強禮賢亦幾好

作者: hoada 時間: 21-1-14 07:00

Poyau 發表於 21-1-10 13:39
考慮小朋友性格適合那間
SFA學術較強禮賢亦幾好

小朋友未算資優級，但願意做練習及期望自己做對。

只係怕要好多外補先追得上課程。

又擔心細佬未能讀同一學校。

作者: mokimui 時間: 21-1-14 08:41

老實說，你有冇心理準備先，SFA六年你同你小朋友吾係易過，如果吾係資優兒，你要比人加倍努力，金錢、時間吾少得，但得到既野，你會好感恩，一分耕耘一分收穫！我小孩P5已經可以同中學學生一齊上英文課程，完全handle 到

作者: csbaik 時間: 21-1-22 22:14

hoada 發表於 20-12-12 09:42
短期內又未有好嚴重經濟考慮，最難揀係SFA 同禮賢好吾同，吾知點幫佢揀

驚乜鬼，真係要试過先整知。sfa搞唔惦先整轉返出黎都問題唔大。說實話在sfa讀6年，父母同子女都要有犧性和附出。其實學習過程中都都享受的地方。個人認為好好分配時間，認真上課，讀sfa唔係咁難。一谂起佢地第時會得到的收獲是值得的。

作者: hkhk002 時間: 21-3-4 23:31

都可以留意有沒有宗教信仰，禮賢每日早上都有學生祈禱會。SFA就唔知有無，教徒家庭都需要考慮。

作者: flones5 時間: 21-3-5 00:26

禮賢是基督教學校，sfa屬香港天主教區學校。

作者: boyboobee 時間: 21-3-5 00:48 標題: 回覆樓主:

5年前我個女有SFA＆禮賢offer，最後我選禮賢，結果我都覺得正確，因為我個女唔受谷，怕做功課，更加考試前都唔係點溫習的，入SFA就麻煩大了。現在成績雖然中等，但響禮賢依然可以在五年級閱讀原版Sherlock Holmes，覺得其英文水平不下於英文小學的。其他科目都可以，以一個不愛溫習的學生來說，我可以接受的了，而且老師真係好有耐性同愛心去教導學生。不論停課或復課期間，老師都不介意加班額外幫助成績較弱的學生輔導，甚至周末也利用私人時間幫助。(emoji)

作者: chantelle321 時間: 21-3-5 09:43

boyboobee 發表於 21-3-5 00:48
5年前我個女有SFA＆禮賢offer，最後我選禮賢，結果我都覺得正確，因為我個女唔受谷，怕做功課，更加考試前 ...

想問下禮賢的學生英語水平係如何？我都欣賞禮賢愛心辦學，禮賢的學生一定返得好開心，真正做到愉快學習。但唯一擔心嘅係中小好少機會接觸英文。

作者: boyboobee 時間: 21-3-5 14:45

chantelle321 發表於 21-3-5 09:43
想問下禮賢的學生英語水平係如何？我都欣賞禮賢愛心辦學，禮賢的學生一定返得好開心，真正做到愉快學習。 ...

禮賢除了英文科，數學科、常識科、科學，都是中、英雙語課本、作業、測、考的呢！

歡迎光臨教育王國 (/)