教育王國
標題: 邊間學校圍棋/奧數校隊勁或重視圍棋？ [打印本頁]
作者: mermaidmama 時間: 20-12-5 13:25 標題: 邊間學校圍棋/奧數校隊勁或重視圍棋？
請問除咗LS, TSL, 仲有邊間小學有圍棋/奧數校隊， DBS, YW或St Paul's Boy有冇？或者邊間學校重視圍棋/奧數？Thanks a lot!
作者: 兔兔子 時間: 20-12-5 14:27
mermaidmama 發表於 20-12-5 13:25 
請問除咗LS, TSL, 仲有邊間小學有圍棋/奧數校隊， DBS, YW或St Paul's Boy有冇？或者邊間學校重視圍棋/奧數 ...
St. Jo?
作者: fixedstar99 時間: 20-12-5 15:34
回覆 兔兔子 的帖子
只知YW, DB重視奧數/數學，圍棋唔知
作者: ABC-DAD 時間: 20-12-5 18:01
有玩開公開比賽應該會有風收到格。
樓主小朋友應該有一定實力啦，去到那個水平？
作者: mermaidmama 時間: 20-12-5 21:27
回覆 ABC-DAD 的帖子
冇啊，小朋友只是5歲，發現數理邏輯能力好，棋類遊戲一點即通，所以想知邊D學校對佢培養呢方面能力有幫助，thanks！
作者: ABC-DAD 時間: 20-12-6 00:02
ABC-DAD 發表於 20-12-5 18:01
有玩開公開比賽應該會有風收到格。
樓主小朋友應該有一定實力啦，去到那個水平？ ...
作者: 為食仔 時間: 20-12-6 09:23 標題: 回覆樓主：
本帖最後由 為食仔 於 20-12-6 09:28 編輯
小學強奧數主要係幾間：
YW, LSC, 同聖公會個幾間：SPCC, DBS, SPB, 仁立，青衣主恩，嘉福榮真，李兆強
作者: Vana 時間: 20-12-7 12:27
mermaidmama 發表於 20-12-5 13:25
請問除咗LS, TSL, 仲有邊間小學有圍棋/奧數校隊， DBS, YW或St Paul's Boy有冇？或者邊間學校重視圍棋/奧數 ...
DB 有 math team, 即係奧數，入左會提供training....
開學既時候會俾份卷全部人一齊做，每班揀幾個入
阿仔本身完全冇接觸過奧數，不過做完份卷就有幸入咗.... 佢班入左3個，另外兩個同學都係未玩過奧數.... 所以佢都唔一定揀本身有經驗....
我又唔知算唔算重視，但係每逢有奧數/ 數學比賽都會出eclass 通知全部人
另外朋友讀spb同yw 本身都有玩奧數， 感覺都好重視
作者: manmonster 時間: 20-12-7 12:34
路人甲行過，其實我覺得所有學校最著重的，最終還是學生成績。
學校無論有多重視體藝活動（說得白一點是重視體藝活動的獎項），有甚麼奧數隊和圍棋隊，一般都交由家長和學生自己私下操練，你自己出色便留在隊中，唔掂就出局。不要對學校栽培學生的奧數和棋藝方面有過高期望。
作者: mermaidmama 時間: 20-12-7 16:59
Vana 發表於 20-12-7 12:27
DB 有 math team, 即係奧數，入左會提供training....
開學既時候會俾份卷全部人一齊做，每班揀幾個入
請問小朋友讀緊幾年班？學校training係幾密呢？
作者: ABC-DAD 時間: 20-12-7 21:20
到底家想通過圍棋/數學教育為小朋友帶來什麼得着？
這個意味着小朋友能在怎樣的支持下發展興趣，日後能走多遠，其他容後再計教。
作者: mermaidmama 時間: 20-12-7 22:25
ABC-DAD 發表於 20-12-7 21:20
到底家想通過圍棋/數學教育為小朋友帶來什麼得着？
這個意味着小朋友能在怎樣的支持下發展興趣，日後能走多 ...
其實我唔係想通過圍棋/數學教育為小朋友帶來什麼得著，而係想搵一間同小朋友興趣特長match，可以令佢愉快學習又發揮所長嘅學校~
作者: mermaidmama 時間: 20-12-8 00:06
ABC-DAD 發表於 20-12-6 00:02
可以搜尋下「香港校際圍棋大賽」，會有唔少學校名。
多謝資訊！
另外，請問你知道香港兒童棋院 同香港棋院，邊間學圍棋更好嗎？Thanks！
作者: Azzurro 時間: 20-12-8 08:36
ABC-DAD 發表於 20-12-7 21:20
到底家想通過圍棋/數學教育為小朋友帶來什麼得着？
這個意味着小朋友能在怎樣的支持下發展興趣，日後能走多 ...
我都有興趣知道長遠圍棋/ 數學有咩長遠具體得著
比小朋友去興趣班也不能不考慮以後如何維持技能，有些興趣班一停下來，很快就會忘記掉
不論以後小朋友專注那種興趣，我相信都會堅持小朋友要保持以下興趣班，低強度（每個星期一個小時）學到讀大學為止：
鋼琴（樂感）
繪畫（以後工作很多方面都要繪畫）
跳舞（節奏感）
不過當然不知道實行有何種困難
作者: ABC-DAD 時間: 20-12-8 08:43
本帖最後由 ABC-DAD 於 20-12-8 08:43 編輯
mermaidmama 發表於 20-12-8 00:06
多謝資訊！
另外，請問你知道香港兒童棋院 同香港棋院，邊間學圍棋更好嗎？Thanks！
...
https://www.childgo.com/自己去睇下，我自己小朋友十多年前在香港兒童棋院起步。
我自己的感受是親自去睇下老師如何教學。
自行決定。
作者: ABC-DAD 時間: 20-12-8 08:56
Azzurro 發表於 20-12-8 08:36
我都有興趣知道長遠圍棋/ 數學有咩長遠具體得著
待續...
作者: ABC-DAD 時間: 20-12-8 12:22
本帖最後由 ABC-DAD 於 20-12-8 15:30 編輯
Azzurro 發表於 20-12-8 08:36
我都有興趣知道長遠圍棋/ 數學有咩長遠具體得著
猜 小朋友會是女孩子吧
「圍棋教育」跟思維方法，跟數學基礎發展很有關係。
看你出文的結構，想必是有一定要求，又有一定行政管理能力的家長。
作者: ABC-DAD 時間: 20-12-8 12:29
單看「興趣班」三個字，就反映左定位，會否「維持技能」，我想不必在這裏深入交流下去了。
作者: ABC-DAD 時間: 20-12-8 15:23
本帖最後由 ABC-DAD 於 20-12-8 15:23 編輯
，講圍棋，機構立意同老師嘅個人修養會好大程度影響到小朋友。
表面去睇，目標為本的話，勝負心，升級鬆緊都係考慮。
。
能力為本的話，專注力，推理能力，抽象思維，取捨嘅邏輯考慮等等。
當然，講到底能否持續發展，小朋友本身嘅個性係主軸嚟，好嘅圍棋教育會錦上添花，退一步想，圍棋係相當國際化同高階嘅腦力運動，有心有力的話會發展到一定嘅社交平台亦未可知。
作者: mermaidmama 時間: 20-12-8 16:00
ABC-DAD 發表於 20-12-8 08:43
https://www.childgo.com/自己去睇下，我自己小朋友十多年前在香港兒童棋院起步。
我自己的感受是親自去睇 ...
Thanks for your informantion!
Check佐d過往比賽結果，發現男校來講，LS最好，DBS/SPB都有一定水平，男女校就SPCC，HKUGA, 民生，SFA都經常攞獎! 所以如果小朋友圍棋學得好，入讀以上學校應該有機會發揮得到，right？
作者: mermaidmama 時間: 20-12-8 16:04
ABC-DAD 發表於 20-12-8 15:23
，講圍棋，機構立意同老師嘅個人修養會好大程度影響到小朋友。
表面去睇，目標為本的話，勝負心，升 ...
請問你小朋友幾歲開始學? 進步速度如何？ 是否要小班（1-3人）教學會比較理想?
作者: Azzurro 時間: 20-12-8 16:05
ABC-DAD 發表於 20-12-8 12:22
猜 小朋友會是女孩子吧「圍棋教育」跟思維方法，跟數學基礎發展得有關係。
看你出文的結構，想必是 ...
我是小文員來的
由於孩子時間和我的金錢都有限
課外班我會考慮
1. 有多大界外效益（收穫）
好像溜冰/ 游水，好像只有有限度界外效益，只對活動本身有用：所以學基礎就算
但是繪畫/ 跳舞（男孩子也一樣）/ 鋼琴 (或其他樂器) 好像有明顯界外效益：有益於五感的視覺/ 觸覺/ 聽覺（籠統劃分啦）
2. 保持所需強度 （付出）
粗略估計一個小學生大概一個星期極限有二十個課外班時間段
星期一到五，每天下課後兩個小時（希望功課佔用時間少一點）
星期六，五個時間段：9am, 11am, 1pm, 3pm, 5pm
星期日：休息
一般來說課外班小朋友都很喜歡（課外班不會趕客。。），安排再多的估計都不會抗拒（之前一個星期六個時間段都沒特別問題）
如果小朋友沒有特別喜歡，就低強度，每個星期一節課就算
如果小朋友喜歡或者有特長，加強強度到每天一節課，甚至多節課都並無不可（例如一個星期七節課）
比較圍棋和奧數的話，如果兩個同樣發展腦筋的話，我覺得圍棋比較實際，因為甚至長大後也可以繼續玩
長大後估計很難繼續玩奧數
但是圍棋和奧數，估計要比繪畫/ 跳舞/ 鋼琴（肌肉記憶），付出多很多：每個星期多幾節課才有平穩進步
所以我在了解圍棋到底有多大好處。。
作者: ABC-DAD 時間: 20-12-8 18:32
mermaidmama 發表於 20-12-8 16:00
Thanks for your informantion!
Check佐d過往比賽結果，發現男校來講，LS最好，DBS/SPB都有一定水平，男女 ...
入咩學校同有無發展真係2回事，好似小一前揸住杯至上段唔係無人，重點真係學校係讀書嘅地方，學棋係有專業棋會/手嘅大方向喎。
作者: ABC-DAD 時間: 20-12-8 18:36
mermaidmama 發表於 20-12-8 16:04
請問你小朋友幾歲開始學? 進步速度如何？ 是否要小班（1-3人）教學會比較理想?
...
作者: kisani 時間: 20-12-8 18:44
本帖最後由 kisani 於 20-12-8 18:47 編輯
mermaidmama 發表於 20-12-8 16:00
Thanks for your informantion!
Check佐d過往比賽結果，發現男校來講，LS最好，DBS/SPB都有一定水平，男女 ...
其實唔少學校都有開設圍棋興趣班同校隊，但個人覺得棋力提升主要睇小朋友興趣濃度同悟性，喺棋院學習比較有系統。至於入校隊主要令小朋友接觸到一班志同道合嘅同學一齊捉棋、組隊比賽都幾開心，除左聯誼作用，校隊訓練同加操不大分別。另外我唔太buy 量化興趣班嘅效能，學咩體藝都最好以小朋友興趣行先，有心學就自然會練習事半功倍。補充多點，疫情下無論棋院上堂定校隊訓練都轉晒網上形式進行，兩者之間嘅分別就更少了...(利申: 全家每日都會捉棋&小朋友小一已進圍棋校隊)
作者: ABC-DAD 時間: 20-12-8 18:55
我自己培養小朋友能力同興趣，係可以同入校隊或比賽分開嘅。
真係有部分人係唔會抽到時間去跟校隊訓練嘅。
作者: mermaidmama 時間: 20-12-8 19:37
ABC-DAD 發表於 20-12-8 18:32
你指嘅「發揮」係咩呢？又，小朋友開始學未？
入咩學校同有無發展真係2回事，好似小一前揸住杯至上段唔係無 ...
我小朋友自幼對棋牌類展現出濃烈興趣。三歲玩飛行棋，蘋果棋（四子棋）、五子棋，四歲玩跳棋（唔知你地知唔知係咩棋），五歲開始玩圍棋（阿媽覺悟太遲，加上疫情無法外出學習），暫時只俾佢睇youtube教學片段。最近聯繫佐一個棋院老師（5段），佢贊我仔好有潛質，所以我想佢認真跟老師去學，爭取入到小學圍棋校隊。因啱好考緊小一，而咁好彩暫時幾間一線男校都晉級，所以我想提前瞭解下，邊間學校圍棋隊較好。若果第日阿仔有幸入讀，又入到圍棋隊，都可以令佢讀得有信心同開心D。
我明白學棋需要由專門導師去教，就好似學樂器一樣，所以我地一定會咁做。但同時，如果小朋友去到一間重視圍棋嘅學校，而令佢有機會同其他同學一齊切磋，相信佢會更開心。
作者: mermaidmama 時間: 20-12-8 19:41
kisani 發表於 20-12-8 18:44
其實唔少學校都有開設圍棋興趣班同校隊，但個人覺得棋力提升主要睇小朋友興趣濃度同悟性，喺棋院學習比較 ...
本帖最後由 mermaidmama 於 20-12-8 19:42 編輯
非常同意啊！我都係見小朋友專注力好，邏輯推理思維較強，又對捉棋有興趣，所以先想培養佢圍棋。絕對唔係人云亦云，人地話圍棋好，我就俾個仔去學咁嘅心態。
作者: ABC-DAD 時間: 20-12-8 19:45
mermaidmama 發表於 20-12-8 19:37
我小朋友自幼對棋牌類展現出濃烈興趣。三歲玩飛行棋，蘋果棋（四子棋）、五子棋，四歲玩跳棋（唔知你地知 ...
作者: mermaidmama 時間: 20-12-8 19:56
ABC-DAD 發表於 20-12-8 19:45
有天份的話，真係唔好局限係小學校隊中間，建議你帶出去棋院學下，跟其他小朋友過下手，因為唔同性格有唔同 ...
多謝意見！已經兩日內快速揀定一位香港棋院老師，會跟佢學 
作者: mermaidmama 時間: 20-12-8 19:58
ABC-DAD 發表於 20-12-8 18:36
哥4歲，妹妹3歲開始。最初唔使少班教，除非天份奇高加家人係專業棋手。
好早啊！請問至今學佐幾多年啦？去到咩級數/段數呢？
作者: ABC-DAD 時間: 20-12-8 22:33
mermaidmama 發表於 20-12-8 19:58
好早啊！請問至今學佐幾多年啦？去到咩級數/段數呢？
作者: ABC-DAD 時間: 20-12-8 22:34
mermaidmama 發表於 20-12-8 19:56
多謝意見！已經兩日內快速揀定一位香港棋院老師，會跟佢學
作者: mermaidmama 時間: 20-12-8 22:49
ABC-DAD 發表於 20-12-8 22:33
小二二後無再學喎
哈？點解呢？
作者: ABC-DAD 時間: 20-12-8 22:53
轉載，以供參考 弊端？
兒童學圍棋有什麼弊端
俗話說：棋如人生。每一局圍棋都像是人生的一部分，隨著每一顆棋子的落下，都預示著人生中一次次重要的選擇。很多家長都讓自己的孩子在很小的時候就開始學習圍棋，認為學習圍棋有很多的好處。但學圍棋也存在一些不好的弊端。那麼，兒童學圍棋有什麼弊端?
兒童學圍棋有什麼弊端
@視覺中國
兒童學圍棋的弊端有：花費的時間和金錢比較多，在短時間之內無法看出成效。所以，部分孩子沒有辦法很好地堅持下去。當然，也可能因為經濟的原因，導致孩子沒有辦法有更深層次的學習。有的孩子學習圍棋的時間比較久一些，就會對很多事件過於謹慎，思考問題時也只權衡利弊，全然沒有感情因素，而只是過度的關注這個選擇是否對自己有用。
圍棋的一個最大缺點就是太耗時間，一盤棋最少半小時，多則長達幾小時。這樣的時間投入可能會擠掉孩子發展其他業餘愛好的時間，對一個未成年的孩子來說，這個社會還有很多豐富多彩的見聞，如果在一件事情上花費太多時間，可能會影響孩子全面發展的機會。
下圍棋時，大多數人都是正襟危坐，而且全神貫注。人除了大腦高速運轉以外，身體的其它肌體皆紋絲不動。時間久了人體缺乏運動鍛煉，可能就會影響身體健康。
圍棋的道路如果想要走到高處，這是一件非常難的一條路，頂尖棋手低齡化，大多從小輟學，文化水平並不高。孩子學習圍棋只是一種課余愛好，如果想要通過圍棋改變人生，或者去謀生的話，需要面臨的困境有很多。
作者: ABC-DAD 時間: 20-12-8 22:59
本帖最後由 ABC-DAD 於 20-12-8 23:01 編輯
看完反方，也來看看正方
「 「贏」的智慧——提升大局觀，總比別人多看幾步
有話說，格局決定結局。
格局之所以重要，是因為它對一個人的行為，乃至人生走向都有著深刻而長遠的影響。同樣做一件事，有的憑藉智慧、勤奮、資源等先發優勢領先，可是越往後，越發現格局才是最終的競爭力。這也是為什麼眾多有所成的人，都熱衷於下棋的原因。
下圍棋時，棋手不但要考慮到單個棋子的得失，還需要謀篇布局，把盤面上所有棋子聯繫起來思考問題。全局的協調配合、輕重緩急、舍小就大等其他方面。 」
作者: ABC-DAD 時間: 20-12-8 23:04
mermaidmama 發表於 20-12-8 22:49
哈？點解呢？
作者: RunningPig 時間: 20-12-8 23:06 標題: 回覆樓主:
喇沙的圍棋隊成績最穩定。你講的是香港棋院或是中國香港棋院?
作者: mermaidmama 時間: 20-12-8 23:12
ABC-DAD 發表於 20-12-8 23:04
留時間發展其他能力囉。
完全明白！亦多謝上面圍棋利弊嘅分享！如此睇黎，可能發展奧數更好? 我仔都有學奧數並攞獎~
作者: mermaidmama 時間: 20-12-8 23:14
RunningPig 發表於 20-12-8 23:06
喇沙的圍棋隊成績最穩定。你講的是香港棋院或是中國香港棋院?
我兩間都有問過。你覺得香港棋院vs中國香港棋院，邊間好呢？
作者: ABC-DAD 時間: 20-12-8 23:15
本帖最後由 ABC-DAD 於 20-12-9 00:11 編輯
mermaidmama 發表於 20-12-8 23:12
完全明白！亦多謝上面圍棋利弊嘅分享！如此睇黎，可能發展奧數更好? 我仔都有學奧數並攞獎~
...
我重點想講，學咩都得，留意咁細個唔好偏食啫。
作者: RunningPig 時間: 20-12-8 23:19 標題: 回覆樓主:
中國香港棋院試過火炭分校，老師不太認真。香港棋院應該是新校？認識不少經常拿獎的，冇聽過在這兩間學的。
作者: mermaidmama 時間: 20-12-8 23:22
ABC-DAD 發表於 20-12-8 23:15
我重點想講，學咩都得，留意咁細個唔好偏食啫。
但人嘅時間精力有限，好難真的唔偏食 
我仔原本有畫畫音樂，我仲想如果加圍棋奧數就cut前面兩樣 
作者: mermaidmama 時間: 20-12-8 23:24
RunningPig 發表於 20-12-8 23:19
中國香港棋院試過火炭分校，老師不太認真。香港棋院應該是新校？認識不少經常拿獎的，冇聽過在這兩間學的。 ...
據我自己所知，發現中國香港棋院主要大班教學，香港棋院就方式靈活，而且老師熱情有責任心~ 我見香港棋院個老師好勁，帶過好多名校校隊攞獎喎！
作者: RunningPig 時間: 20-12-8 23:31 標題: 回覆樓主:
你是說這間嗎？https://m.facebook.com/hkcga/
它帶過邊間名校？
作者: mermaidmama 時間: 20-12-8 23:38
RunningPig 發表於 20-12-8 23:31
你是說這間嗎？https://m.facebook.com/hkcga/
它帶過邊間名校？
新加坡國際，聖保羅書院
作者: ABC-DAD 時間: 20-12-9 00:13
mermaidmama 發表於 20-12-8 23:22
但人嘅時間精力有限，好難真的唔偏食 我仔原本有畫畫音樂，我仲想如果加圍棋奧數就cut前面兩樣 ...
作者: kc64 時間: 20-12-9 11:26
RunningPig 發表於 20-12-8 23:06
喇沙的圍棋隊成績最穩定。你講的是香港棋院或是中國香港棋院?
YW 不重視圍棋, 只提供興趣班, 星期六上堂, 聊備一格.
YW 重視奧數, 有校隊. 校隊每星期兩日課後培訓班, 由專門老師教授, 費用全免.
作者: mermaidmama 時間: 20-12-9 13:54
ABC-DAD 發表於 20-12-9 00:13
可以 cut架，堅係無問題。
請問你仔去到小六升中一時，keep住幾多項興趣班？ 對升中入SPCC作用幾大? Thanks！
作者: ABC-DAD 時間: 20-12-9 14:43
本帖最後由 ABC-DAD 於 20-12-9 14:49 編輯
mermaidmama 發表於 20-12-9 13:54
請問你仔去到小六升中一時，keep住幾多項興趣班？ 對升中入SPCC作用幾大? Thanks！
...
踢足球卦，無時間啦，有無用？應該唔關事。升中後社交就幾有用，容易交朋友。
＃加返個英語畫劇（畢業表演）
作者: Azzurro 時間: 20-12-10 14:16
反既定性別有一點不方便，但是好處多得多
得到大多數特別關照，同性競爭少很多：親身體會。。
簡單來說就是不應該隨波逐流而已
女孩子：足球，籃球（相對），棋類，數學，科學
男孩子：跳舞，語言
作者: ABC-DAD 時間: 20-12-10 16:34
把圍棋教育看成一種思考/智慧的培訓還是相當正確的選擇，要不要上段位，就要自己思量取捨一下得失，要投入時間在棋坪博奕尋找趣味，還是把所學到的轉用在學業生涯中實踐，講機緣啦。
作者: Azzurro 時間: 20-12-29 01:47
最近孩子開始奧數
我也開始看孩子初小奧數的書，一直想不明白為什麼數學和奧數是分開的
兩者同為數學，本為一體
如果沒有學奧數，好似好蝕底
唔覺得要數學好的人才應該學奧數
作者: 柯士甸爸爸 時間: 20-12-29 18:08 標題: 回覆樓主:
如果你問香港邊間小學重視圍棋，我認為係一間都冇。只可以講名校多叻仔叻囡，邏輯數理方面較强，故圍棋比賽成績亦較好。另香港棋院院長係小囡恩師，係個很有心同耐性教小朋友圍棋既老師。
作者: zaba 時間: 20-12-30 09:01
回覆 mermaidmama 的帖子
沙胡所有小一生要學圍棋, 好似仲有資優培訓
作者: 小曳人 時間: 20-12-30 09:16
本帖最後由 小曳人 於 20-12-30 14:11 編輯
全香港最重視圍棋嘅學校：沙胡，小一全級要學，學校有個圍棋角，小息可以捉棋
近年，DB多咗人玩圍棋，穿團體衫比賽，但唔知學校重視程度 (但唔多見攞團體獎)
以往CKY，SFA、港同係家長自組出賽，學校唔多理，但團體成績唔錯
St Paul 成績都OK，TSL我唔清楚，印象中會攞個人獎，好似好少攞團體獎
GT 有強人(已升中學)，係校際冠軍常客
LS 都係班家長積極，前任校長有收團棋人插班，但現任校長就.... 唔多覺
通常圍棋叻，數都應該唔錯，加油呀！
呢兩年無咗校際.... 其實無乜獎見到，如果樓主孩子係升小一嘅，可能要等過一兩年先突出到
至於奧數，YW應該係最積極嗰間，成績亦好，但如果去到高小嘅非奧數數學比賽，YW並無稱霸，呢類比賽，SJ/LS/DB/SPCC 都係領獎常客
我唔清楚其他學校會點，但LS係會响校隊習訓時段做一次past paper，睇下邊個高分，然後組隊出賽，有時間的話，會多做一兩次past paper，無的話，就咁出去比賽，試過有同學仔家長會俾佢做past paper 嘅，所以到screening 時，佢滿分出到隊。但另一方面，老師亦會因為學生簽通告話去唔到，致電叫家長放人參賽，所以，亦唔係唔緊張攞獎
作者: 小曳人 時間: 20-12-30 09:54
本帖最後由 小曳人 於 20-12-30 10:09 編輯
或者，講少少我呢幾年所接觸過嘅"棋院"
沙胡係妙手棋院教嘅，院長兩個仔女都係沙胡畢業，細嘅都應該高中喇，妙手教過唔少勁人，聽過d case係跟過好多老師/棋院，最終去妙手學，院長棋力唔係好高，但佢睇到缺點，幫到手，另外以往鍾意請韓國高人教
喇沙，上面講過係弘德(九龍)教 ("香港" 係曾sir 首肯借個多出嚟開嘅，同曾sir無直接關係)，曾sir 係高人，60+，依家佢仔會幫手教，不過老人家比較長氣，我仔就受唔到，其實曾sir 都頂唔住我仔，話佢成日行嚟行去....
SFA，我仔讀時係香港兒童圍棋學院，上網望過，SPCC/DB/GT/DG/SPB 都係跟佢，我對呢間野有保留，因為聽過妙手院長一番說話 (佢兩個當年網上罵戰，事源妙手院長指蕭院長教學生報低棋力，參加國際賽，而其他國家賽員都對該賽員棋力之高，有異議，但蕭院長話學生報名時的確係該棋力，但進步神速) ，我個人同意妙手教學方針: 教品德 (棋品) 比棋力重要，而我同岑院長相處幾年嘅感覺之下，我相信佢言行一致，所以，家長們如果純為學棋，妙手師資上要研究一下 (仔離開好幾年喇)，但我絕對相信蕭院長帶領下，香港兒童圍棋學院係教到高手嘅！
另一位高手我想講係楊士海，身邊幾位高手跟佢，仔响佢仲响中國棋院時，去過試堂，無奈仔唔多鍾意老人家 (楊老師應該都60+)
最後講嘅係韓國老師，朴老師係七段，近年積極參與公開比賽，好多時都係香港冠軍 (班上咗年紀嘅，無乜人出嚟比賽)，離開妙手後自己開棋院，主要用英語溝通，會講少少廣東話，我仔鍾意佢，响妙手時已上佢私人班
另外，仲有兩三位廿幾歲嘅香港後生仔，經常响公開賽見到嘅，都有兼職教學，但個人覺得教學技巧有待改善 (香港圍棋協會)
其實我一路好少講我仔係咩專長插班嘅，不過咁啱樓主情況相近... 講少少，我仔當年手上有幾個圍棋賽冠軍，奧數比較 top tier 6-7% 嗰d 一等/金獎，唔係大獎，佢第一個圍棋冠軍係K3 5-6月攞嘅，無助叩門
作者: fixedstar99 時間: 20-12-30 18:44
小曳人 發表於 20-12-30 09:54
或者，講少少我呢幾年所接觸過嘅"棋院"
沙胡係妙手棋院教嘅，院長兩個仔女都係沙胡畢業，細嘅都應該高中喇 ...
你好勁，識咁多老師，睇到我暈~ 
作者: mermaidmama 時間: 20-12-30 19:08
小曳人 發表於 20-12-30 09:54
或者，講少少我呢幾年所接觸過嘅"棋院"
沙胡係妙手棋院教嘅，院長兩個仔女都係沙胡畢業，細嘅都應該高中喇 ...
好多謝前輩無私分享！我已經mark晒你提到嘅所有圍棋大師 我仔初學，暫時大班學住先，上完一兩期再跟資深老師1:1~~我問過老師，佢話我仔上一兩個月就可以參加比賽，不過都系棋院自己組織嘅比賽，唔知會唔會認受性太低
你提到LS新校長唔會專收圍棋特長生，咁會收咩特長呢？定係只睇學術總成績？我仔奧數都係金獎呢d，唔係冠亞季，反而朗誦有兩三個冠軍，不過朗誦好似唔算特長
作者: kisani 時間: 20-12-30 19:58
本帖最後由 kisani 於 20-12-30 20:00 編輯
小曳人 發表於 20-12-30 09:16
全香港最重視圍棋嘅學校：沙胡，小一全級要學，學校有個圍棋角，小息可以捉棋
近年，DB多咗人玩圍棋，穿團 ...
如果提沙胡咁都應該提埋一胡? 不過唔太清楚兩間嘅圍棋隊實力之差
你提及對市面上幾間棋院同師資嘅評價我都大致同意..不過感覺上如果小朋友只係新苗/初級組，跟邊間都唔差得遠，有興趣下勤力d同家長/上網對奕，打多d譜記下定式小心數氣諗多幾步，久而久之就會進步...再升上去或者就要小班或私人教授先能再提升層次，話說我小朋友第一個圍棋冠軍都好似係k3, 剛好係參加妙手嘅比賽
作者: 小曳人 時間: 20-12-30 20:19
fixedstar99 發表於 20-12-30 18:44
你好勁，識咁多老師，睇到我暈~
作者: 小曳人 時間: 20-12-30 20:23
mermaidmama 發表於 20-12-30 19:08
好多謝前輩無私分享！我已經mark晒你提到嘅所有圍棋大師 我仔初學，暫時大班學住先，上完一兩期再 ...
加油呀！
作者: 小曳人 時間: 20-12-30 20:27
kisani 發表於 20-12-30 19:58
如果提沙胡咁都應該提埋一胡? 不過唔太清楚兩間嘅圍棋隊實力之差你提及對市面上幾間棋院同師資 ...
但呢個應該唔係樓主嘅concern
我仔第一個非自家棋院嘅冠軍係沙胡嘅比賽，我所知沙胡嘅情況，來自妙手嘅家長同院長本人，我唔清楚一胡情況，一胡都要學圍棋？佢地辦學圍體好buy 圍棋
作者: RunningPig 時間: 21-1-7 17:55
小曳人 發表於 20-12-30 09:16
全香港最重視圍棋嘅學校：沙胡，小一全級要學，學校有個圍棋角，小息可以捉棋
近年，DB多咗人玩圍棋，穿團 ...
Re: DB 圍棋，於香港校際圍棋大賽近兩年某些級別都攞到團體頭三。
作者: kisani 時間: 21-1-7 17:59
RunningPig 發表於 21-1-7 17:55
Re: DB 圍棋，於香港校際圍棋大賽近兩年某些級別都攞到團體頭三。
作者: RunningPig 時間: 21-1-7 18:14
kisani 發表於 21-1-7 17:59
校際團體賽有時係睇多唔多同一學校生去參賽再計總分，所以參賽嘅學生數目越多都有影響，未能反映學校實力。 ...
我講嘅比賽不計參賽分，係分初中高三人團體賽。
作者: 已刪除用戶 時間: 21-1-9 15:49
mermaidmama 發表於 20-12-8 19:56
多謝意見！已經兩日內快速揀定一位香港棋院老師，會跟佢學
係上門教嗎？
| 歡迎光臨 教育王國 (/) |
Powered by Discuz! X1.5 |