教育王國
標題: 唔好報學之園little hab! [打印本頁]
作者: Sethfung 時間: 20-12-1 13:41 標題: 唔好報學之園little hab!
我報左佢12月baby step 3堂課，今朝收到email話會暫停上課，會有網上教材提供。我以為佢會reschedule d class，點知打去學之園問，佢話cancel左的兩堂課唔會有補堂，只有教材提供，另外最後一堂會用zoom上。離晒大普，我個仔得14個月大，佢點zoom ar ，勁無良。Total loss
作者: mgl 時間: 20-12-1 15:01
咁間機構真係過份.... 完成無諗過小朋友 (emoji)(emoji)
作者: Sethfung 時間: 20-12-1 15:10
本帖最後由 Sethfung 於 20-12-1 15:13 編輯
頂佢個肺，Baby Step 變左做Baby Zoom
又話對教學幾有熱誠又剩，竟然會安排14個月大的BB上zoom，回水啊
不如成間學之園改名，唔好叫Learning Habitat，叫Learning Zoom!
作者: HK-CR7 時間: 20-12-1 15:15
本帖最後由 HK-CR7 於 20-12-1 16:29 編輯
其實讀左佢既PG對升學之園N班完全無用, 點解仲要咁貴上佢堂呢? 成4百幾一堂, 之前上過一期之後都QUIT左
宜家仲要無得退, 好慘, 其實宜家非常時期, 出去報名前要諗清楚, 報咩都係
作者: mgl 時間: 20-12-1 15:21
HK-CR7 發表於 20-12-1 15:15 
其實讀左佢既PG對升N完全無用, 點解仲要咁貴上佢堂呢? 成4百幾一堂, 之前上過一期之後都QUIT左
宜家仲要無 ...
讚同.. 聽聞佢哋收PN/K1 都係要收有錢家庭.. 有錢家庭俾$500上zoom 無咩問題...
志在hold 住個位
作者: Sethfung 時間: 20-12-1 15:24
回覆 HK-CR7 的帖子
完全無諗過名幼學之園會咁伏
作者: Sethfung 時間: 20-12-1 15:27
回覆 mgl 的帖子
俾$500上 zoom冇問題，話曬學之園咁出名，人人口中的名幼，佢值ga，但我個仔得14個月，佢真係Zoom唔到。越講越嬲！
作者: car1029 時間: 20-12-1 15:29
我12月每星期報左超過一堂，停課居然話俾聖誕禮物包俾小朋友就算。無補堂無zoom 幾千蚊total loss換份禮物包？
完全明白而家疫情停課大家都無奈，但係咪學校就完全唔需要承擔風險，將風險全部直接轉嫁俾家長就等於解決左問題？
辦學團體管理層如果以呢個方向呢個形式管理一間培養小朋友成長嘅學校，咁除左谷成績小朋友仲學到咩嘢？呢個形式去管理一間公司都令人失望，完全係店大欺客。
作者: mgl 時間: 20-12-1 15:37
都係, 雖然教學團體有經濟壓力 但都唔應該無視學生學習利益，咁細個真係zoom 唔到 坊間都有啲有良心團體，之前我囡1歲時參加咗tutor time 返咗一堂就疫情 ，每星期免費zoom 20分鐘, 所有堂都後補 ， 老師都很用心zoom
作者: mgl 時間: 20-12-1 15:39
我囡zoom 十分鐘就走佬 但免費好過無，如果要俾錢 我都唔會上
作者: ClaireUU 時間: 20-12-1 15:44
car1029 發表於 20-12-1 15:29
我12月每星期報左超過一堂，停課居然話俾聖誕禮物包俾小朋友就算。無補堂無zoom 幾千蚊total loss換份禮物 ...
其實呢個係大部分幼稚園嘅做法 今次停課 啲幼稚園最多俾返二十分鐘左右zoom你，學費就照舊，其實zoom同面授點同啊？zoom對於3歲以下嘅小朋友黎講，同睇YouTube有咩分別...
作者: HK-CR7 時間: 20-12-1 16:28
mgl 發表於 20-12-1 15:21
讚同.. 聽聞佢哋收PN/K1 都係要收有錢家庭.. 有錢家庭俾$500上zoom 無咩問題... 志在hold 住個位 ...
作者: Vividada4472 時間: 20-12-1 17:15
播youtube好過啦, 500/zoom
作者: Chanelaholic 時間: 20-12-1 17:38
car1029 發表於 20-12-1 15:29
我12月每星期報左超過一堂，停課居然話俾聖誕禮物包俾小朋友就算。無補堂無zoom 幾千蚊total loss換份禮物 ...
我同你一樣，我報左一星期返兩堂，佢哋話停左課唔會補，學校會send網上學習包要啲家長自己教返啲小朋友，仲話T&C已經寫咗響任何情況下cancel嘅堂都唔會補返，講到自己理直氣壯咁，唔需要負任何責任，之後仲話最尾果兩堂無被suspend 既會用zoom代替，f2f pg 同zoom pg 係兩個唔同價錢，佢有乜理由用另外一個較平嘅價錢去單方面replace 冇被suspend 果兩堂f2f pg? 仲要明知一個咁細個既小朋友睇電子產品對佢對眼唔好都要咁做，呢間辦學團體完全冇社會責任，冇heart，仲要不斷同我講學校高層已經決定咗咁做，唔會改，T & C已經寫咗，真係離晒譜！
作者: Chanelaholic 時間: 20-12-1 17:46
Sethfung 發表於 20-12-1 13:41
我報左佢12月baby step 3堂課，今朝收到email話會暫停上課，會有網上教材提供。我以為佢會reschedule d cla ...
我打電話上去，佢仲不斷用T&C來達我，T&C已經講得好清楚無得補，而無被suspend既堂會改做zoom上堂，學校高層已經決定咗，無得改，真係一肚氣，佢地明呃錢
作者: QsonHK 時間: 20-12-1 19:09
佢total 係3堂？
停課果兩星期，無左兩堂？
作者: littleprinceb 時間: 20-12-1 19:13
本帖最後由 littleprinceb 於 20-12-1 23:11 編輯
依家個問題唔止淨係其中一堂轉zoom嘅問題，係LH食埋家長頭兩個禮拜比咗嘅學費，停課直接沒收14天學費，唔補堂 唔退錢。錢就白比。
叫家長上網print一個學習包包就當了事。 真係好無奈，衰過啲機構執笠，起碼打俾credit card 公司有得退款。
大佬，武漢肺炎一直都唔會消失，你一句T&C寫咗保障自己就當了事。
家長真金白銀俾咗嘅錢白白冇咗，報一個月堂，多過一半金額被forfeit. 請問有邊個會有信心繼續報佢嘅堂，武漢肺炎唔會咁快消失㗎喎。 咁大間機構咁出名真係令人好失望。
最火滾係打咗上去反映意見，admin 竟然可以答管理層已經考慮過，冇打算作出更改，真係多謝晒。作為一間教育機構完全冇考慮過家長嘅感受。
作者: malsuryc 時間: 20-12-1 19:24 標題: 回覆樓主:
當俾錢買定個K1位啦
作者: HK-CR7 時間: 20-12-1 20:36
malsuryc 發表於 20-12-1 19:24
當俾錢買定個K1位啦
佢地一早講左上playgroup唔代表入n班有優勢 更唔好講K1 係完全無關
唔知條款有無寫呢點 可以去check下
不過我諗佢唔會咁寫 否則有一半人走佬(emoji)
作者: Matlam 時間: 20-12-1 20:41 標題: 回覆樓主:
我都係苦主，我 12月共報 6 堂，都白白俾 Little Habs forfeit 4堂學費，好多媽媽投訴無門，只可找消費者委員會幫助，確實對 Little Habs 好失望，估唔到 Little Habs最 money making 同無社會責任的 , 作為辦學團體及現時疫情而寫出這樣的 T&C, 可想而知何其黑心。
反而，其實名幼 playgroup，如 SC, Vic處理得較合理。
作者: mgl 時間: 20-12-1 21:28
機構純粹為咗making money.... 
真係令家長好失望... 仲要咁多家長想入讀學子園
其實好多機構停playgroup 遲啲補堂， 或者俾家長揀想上zoom 或暫停
作者: wowtradeee 時間: 20-12-1 21:30
A+ has 2 options1) full zoom classes + 1/4 credit for make up classes
2) no zoom class but 1/2 credit for make up classes --> you get 1 class back for every 2 classes school closed
not as good as TT where you get all the make up classes but still better than little habs i guess
作者: enna_tm 時間: 20-12-1 21:39 標題: 回覆樓主：
本帖最後由 enna_tm 於 20-12-2 00:02 編輯
重申一下，讀little habs係唔會幫到入學之園架。我仔上年上過little habs半年，之後疫情上下停下，之後LH n個interview改拍片，諗住佢會優先收playgroup學生，只係一廂情願。k再報，都係無2nd in.
平心而論，我覺得little habs個面授課程係ok 嘅 ,但zoom就真係接受唔到。 同埋佢不停咁推d興趣班/ 面試班，令人覺得佢好cap水。。。。
如果真係為n供會，就去victoria或pebbles啦
作者: codyalbert 時間: 20-12-1 22:03
回覆 enna_tm 的帖子
朋友也是白供一年playgroup, 只有感謝支持四個字，sec in都無。
作者: Chanelaholic 時間: 20-12-1 22:25
enna_tm 發表於 20-12-1 21:39
重新一下，讀little habs係唔會幫到入學之園架。我仔上年上過little habs半年，之後疫情上下停下，之後LH n ...
其實當初報佢pg都知道對收PN無priority, 只係諗住佢響pg教啲野通常會響interview 出現返，而且屋企同LH距離只係walking distance, 所以才報，宜家横掂都係拍片，真係唔需要花時間花金錢每次好似餓狗搶屎咁報佢pg, 再加上今次佢身為辦學團體竟然用市井騙徒手段，下下話T&C已經spell out 無得補堂咁cheap既手段去騙取家長金錢和信任，真係可恥之極既行為，係教育界之恥
作者: babyjjj 時間: 20-12-1 23:39
我都由個仔1歲開始去上佢PG
上足一年，又係 second in 都冇
講番其實little habs 今年1月尾，2月開始停已經係咁，我哋又俾左3.4月學費，點知諗住補下補下，已經到暑假，N班都開學，佢先逼住退番3.4學費俾我哋，但補唔晒果d 1.2月堂就冇啦，不過我冇追學校呀，唔會理你㗎啦，不過想讀little habs 嘅家長可以慳番0幫助...課程就ok 咁囉，冇乜特別。
作者: enna_tm 時間: 20-12-2 00:08
babyjjj 發表於 20-12-1 23:39
我都由個仔1歲開始去上佢PG
上足一年，又係 second in 都冇
講番其實little habs 今年1月尾，2月開始停已經 ...
我地係同期，佢有補番1,2 月，3,4 月就係群眾壓力下回水。
我只係覺得，LH 寧願靠7分鐘嘅video, 都唔去實地review下自己playgroup嘅學生，好可笑。
所以，如果我再生報playgroup都唔會揀little habs
作者: 等待天使中 時間: 20-12-2 00:44
Sethfung 發表於 20-12-1 13:41
我報左佢12月baby step 3堂課，今朝收到email話會暫停上課，會有網上教材提供。我以為佢會reschedule d cla ...
用家（由十個月大至兩歲幾）
同意跟升學之園毫無幫助。
疫情期間不能體恤。
我也會比劣評。
作者: ashash123 時間: 20-12-2 01:10
回覆 Sethfung 的帖子
你報之前應該知道佢哋出晒通知說停課和8號風球是不會補堂的你唔係唔知呀你報之前應該了解咗先至報啦！不要怪人，我仔1 歲幾時也讀過人地講到明不會有補堂的
作者: ashash123 時間: 20-12-2 01:13
回覆 Sethfung 的帖子
不嬲唔buy 學之園，個playgroup 一個英文native speaker 都冇，d 英文先生d 發音又差，人哋York 好過佢多多聲
作者: Sethfung 時間: 20-12-2 01:55
本帖最後由 Sethfung 於 20-12-2 01:59 編輯
回覆 ashash123 的帖子
https://ibb.co/gJvgX4C
大家可以睇下條link
你講到York 好多多聲，點解唔俾你小朋友去讀？
同埋我真係睇唔到個T&C，你睇過？cap圖上來一齊研究下，唔好人講你又講。
作者: Sethfung 時間: 20-12-2 02:10
本帖最後由 Sethfung 於 20-12-2 02:11 編輯
回覆 ashash123 的帖子
https://ibb.co/THfNVyS
大家又click入去睇下
你自己都話咁細個唔應該常常看Video啦，今次呢單野另一個問題係佢安排俾啲得十幾個月大的BB上zoom，你似係上黎撩交嗌喎
作者: Ameliainlove 時間: 20-12-2 03:07
我見個T
作者: Dollys 時間: 20-12-2 03:59
Sethfung 發表於 20-12-1 15:24
回覆 HK-CR7 的帖子
完全無諗過名幼學之園會咁伏
作者: Dollys 時間: 20-12-2 04:01
Sethfung 發表於 20-12-1 15:10
頂佢個肺，Baby Step 變左做Baby Zoom
又話對教學幾有熱誠又剩，竟然會安排14個月大的BB上zoom，回水啊
不 ...
作者: Ameliainlove 時間: 20-12-2 04:54
我就係睇佢個報名資訊時，見個t
作者: babyjjj 時間: 20-12-2 06:49
enna_tm 發表於 20-12-2 00:08
我地係同期，佢有補番1,2 月，3,4 月就係群眾壓力下回水。
我只係覺得，LH 寧願靠7分鐘嘅video, 都唔去實 ...
我又係同我老公咁講，再生唔洗去呢度讀PG，肯回水未上過果d我覺得我哋已經執到。
作者: car1029 時間: 20-12-2 07:55
N班mark住學位，K依然有位，疫情下供會計硬食。pg係完全無承諾n位。
而且其他出名pg 點都俾返20分鐘zoom你，都叫有為補償你諗過下辦法，little Habs原本已有zoom堂，it技術上應該無問題，課程設計上亦係現有嘅嘢，原本zoom堂收費已經比實堂平一半，而家停課連現有嘅zoom都唔補，俾個學習包了事。實在係太過份，而家呢個環境大家都不容易，little habs要養人不易，但家長賺錢難道又容易？大家最嬲嘅係而家學校無share風險，完全100%轉嫁俾家長，錢就學校賺曬，風險就家長承擔曬，輸打贏要。
作者: littleprinceb 時間: 20-12-2 13:30
本帖最後由 littleprinceb 於 20-12-2 13:31 編輯
Dollys 發表於 20-12-2 03:59
St cat既pebbles一樣係咁，又係無錢退。你報個時無預計到會咁架？
有預計到有機會會停課，但係冇預計到佢可以咁衰完全連zoom 都唔provide 就咁收錢，話遲啲俾啲網上學習包家長喺屋企同小朋友玩就算數，仲要自己print. 咁樣仲係太過分啦嘛
作者: codyalbert 時間: 20-12-2 13:38
有趣一問
本來在酒家訂了一圍堂食. 現在不能了. 酒家都可退款.
唯教育界不能.
如酒家叫你回家睇 "呀爺廚房" 當食左. 收唔收貨
明白佢地好多皮費, 但相信維持一間酒家支出更大.
其實相方真係要互諒互讓
作者: HK-CR7 時間: 20-12-2 14:37
car1029 發表於 20-12-2 07:55
N班mark住學位，K依然有位，疫情下供會計硬食。pg係完全無承諾n位。
而且其他出名pg 點都俾返20分鐘zoom你 ...
作者: HK-CR7 時間: 20-12-2 14:41
codyalbert 發表於 20-12-2 13:38
有趣一問
本來在酒家訂了一圍堂食. 現在不能了. 酒家都可退款.
唯教育界不能.
作者: Chanelaholic 時間: 20-12-2 15:01
Matlam 發表於 20-12-1 20:41
我都係苦主，我 12月共報 6 堂，都白白俾 Little Habs forfeit 4堂學費，好多媽媽投訴無門，只可找消費者委 ...
我覺得搵消費者委員會都冇用，應該直接去搵東張西望，直擊採訪佢
作者: 等待天使中 時間: 20-12-2 15:50
HK-CR7 發表於 20-12-2 14:37
個學習包用完可以賣返出去, 幫補下, 據聞學之園D教材好值錢睇下學校可唔可以俾多幾個你
...
係呀，我小朋友係嗰度上咗咁耐little habs , 真心覺得痾篤屎都香D架！
作者: yinyingyin 時間: 20-12-2 15:57
嘩，聽到都覺得佢哋好過份！！
作者: Dollys 時間: 20-12-2 17:57
我的感覺是，
一個疫情，家長質素完美反映
作者: Sethfung 時間: 20-12-2 18:39
本帖最後由 Sethfung 於 20-12-2 18:40 編輯
請恕我離題，我的感覺是，一次疫情，多左啲自以為高質的家長，企係道德高地批判其他人，以刷存在感
作者: Godark 時間: 20-12-2 18:52
Dollys 發表於 20-12-2 17:57
我的感覺是，
一個疫情，家長質素完美反映
本帖最後由 Godark 於 20-12-2 18:54 編輯
Agree. One reason I will not join Little Habs anymore, mostly because of the great mixture of parents. But yes they should provide zoom at least even though not helpful.
作者: HK-CR7 時間: 20-12-2 19:04
Dollys 發表於 20-12-2 17:57
我的感覺是，
一個疫情，家長質素完美反映
一個疫情就睇到邊d真係為小朋友 邊d只為錢既學校 又睇到邊d安排得好邊d安排得差既學校 真係完美反映
作者: 水皮仔 時間: 20-12-2 21:49
本帖最後由 水皮仔 於 20-12-2 21:54 編輯
其實報名時已知道無得退款，所以報名以1個月為單位咁報，PG教學內容我本人好滿意，上左2個多月，跟左2位老師發音都係十分好，再加上有大既在LH3年經驗，老師質素一向滿意，今個月仲有2堂，原本打算不退拎教材都可以，岩岩收到Email,仲比家長選擇退款或Zoom加教材，感覺學校已盡最大努力滿足唔同既家長。
補充少少：大女上年K3，LH Zoom教學跟進得好好，小朋友仍然掌握到課程內容，每星期校車送教材，圖書，勞作。
當然PG Zoom我自己覺得太早可免則免。
作者: Chanelaholic 時間: 20-12-2 22:05
Sethfung 發表於 20-12-2 18:39
請恕我離題，我的感覺是，一次疫情，多左啲自以為高質的家長，企係道德高地批判其他人，以刷存在感 ...
樓主，感謝你出post令我地一班苦主可以有地方團結一齊呻下，而面對一啲自以為高質的家長既涼薄惡意抨擊，你還可以文質彬彬回應，我非常欣賞，依家L H可以比家長選擇退款定係繼續攞佢嘅學習包，呢件事都算可以完結，但係經一事長一智，我唔會再報佢playgroup
作者: mgl 時間: 20-12-2 23:01
Yes, Really appreciate the parents fighting for the best learning benefits for their kids. Whereas some parents would pay for their vanity from the school, but not all parents would do so.
作者: mgl 時間: 20-12-2 23:11
Chanelaholic 發表於 20-12-2 22:05
樓主，感謝你出post令我地一班苦主可以有地方團結一齊呻下，而面對一啲自以為高質的家長既涼薄惡意抨擊， ...
Probably LH has seen this post 
so that willing to refund the fee
作者: Sethfung 時間: 20-12-3 09:41
今次要俾返個 like 學之園，願意聆聽及接納家長意見
作者: soha2018 時間: 20-12-3 10:25
其實都係商業機構一個...
要自負盈虧左年幾，今年疫情下都真係唔容易... 員工都要出煙...
覺得唔低就唔好報啦，一個個月比錢姐，呃極都係一個月錢姐...
冷靜！冷靜！
作者: lowbidle 時間: 20-12-3 12:20
soha2018 發表於 20-12-3 10:25
其實都係商業機構一個...
要自負盈虧左年幾，今年疫情下都真係唔容易... 員工都要出煙...
覺得唔低就唔好 ...
作者: dindin984 時間: 20-12-5 13:19
我印象中之前問過佢個playgroup, 其實係外邊啲教學團體借佢哋地方，根本就唔係佢哋學校嘅，所以唔會對升佢嘅幼稚園有幫助。
作者: triangulation 時間: 20-12-7 02:36
本帖最後由 triangulation 於 20-12-7 02:55 編輯
啱啱疫情爆發嘅時候,佢哋將1.5 小時的實體課程變咗做20分鐘zoom, 即係冇兌現到合約需要佢哋履行嘅服務, 然後義正詞嚴、震震有詞咁樣講佢哋冇refund policy。當時有個幾十家長一齊寫信去消委會同埋海關嗰度投訴, 最終佢哋決定refund三、四月嘅學費。所以到而家佢哋已經學精咗, 喺T&C度加埋有特殊情況會變網上教學。
那麼, 佢哋點樣解釋online courses同埋實體貨如果變咗網上學習,學費係咪唔一樣? 如果收唔同學費, 個課程有啲乜嘢唔同? 如果冇唔同咁又點解釋? 喺"消費者"角度合唔合理? 正等如你買咗減肥package, 因為疫情所以變咗做網上遙距瘦身服務, 你要自己喺屋企做運動跳舞, 但係佢收返你同樣嘅價錢,其實咁樣嘅T&C又合唔合理呢?
Playgroup個情況同幼稚園唔同, 因為幼稚園嘅安排家長係同意嘅, 但係佢係playgroup, 好難相提並論嘅。其實佢哋管理層應該一早預咗咁樣會破壞家校關係, 管理層究竟有冇考慮過呢啲問題呢?
平心而論佢哋嘅教學質素係好好,但係管理層真係有待改善, 只係戥前線慘啫...都聽得出解畫嗰位職員其實都好無奈...
作者: ashash123 時間: 20-12-7 04:46
回覆 Sethfung 的帖子
York is better 不代表我要讀架太太，你不如唔好讀私人幼稚園啦你去讀學卷啦，開得私人幼稚園就要賺錢㗎啦唔通下下要退錢俾你啊一停課，所有私人幼稚園也是這樣的，間學校都要生存，冇人迫你讀，所有家長也要白交學費的，你似喜歡和人嗌交喜歡cap 人d history
作者: kpc2015 時間: 20-12-7 11:07
依D私幼, 只是做生意, 只會收表現好的學生. 當然更要家境好, 家長有錢肯付出參與各種各樣補習及特訓! 有些 媽媽想多了, 以為只要付出高昂學費, 學店就能使其子女超群出衆. 結果在考小一時, 才發現只是原地踏步. 只有大喊不公, 為何子女就讀名英私幼, 竟沒有心儀OFFER?.
作者: Sethfung 時間: 20-12-7 23:04
回覆 ashash123 的帖子
網友，你無病ar?
1. 個topic我開ge，一心只是想呻下，找下同路人，睇下大家點算。但係你呢個路人甲就入來踩場，發表一些好offensive 的意見，講真你又冇報到今轉playground，你入來表達意見，都只係想刷存在感啫。
2. 你講咩幼稚園啫，我講緊playgroup ar，9唔答8
3. 我唔係太太，我是豬隊友，唔知你係歧視媽媽，還是睇野只係睇面果浸la
4. 事情已經告一段落。我大仔在學之園上Playgroup上得好開心，所以今次先幫細仔報。我果陣同大仔上過3間唔同的playgroup，真心佢地教得最好。只是佢地今次的安排真係令我跌晒眼鏡。
作者: Superheromom 時間: 20-12-10 11:49
本帖最後由 Superheromom 於 20-12-15 09:28 編輯
四年前，ek 好多人話讀學之園playgroup會入到其幼稚園PN。 那時我們對幼稚園一無所知，又冇時間搜集資料。 我們便試報，等了兩個月有位, 學费唔平。 上了第一堂很失望，我老公接受唔到導師的港式英文，還是1個老師對二十幾位幼童及家長，老師聲線又不嚮亮，聽唔清楚其發音。上了一堂，我老公已經唔想再上餘下的課堂，覺得簡直浪費金錢、時間及小朋友學唔到嘢，質疑是否其幼稚園師資都是……。完全不是網上家長所講咁正。 之前有上過其他由白人native speaker 老師教的playgroup (不是出名，甚至ek係冇人提的), 其教學內容及師資都比LH 的play group好及學費平些。 經此次經驗，以後唔好盲目追捧一些「名」校，唔排除有班打手勁吹勁捧某些幼稚園。使家長以為是名校。最緊要是自己親身體驗真實的師資及教學內容才是最重要。討論區有些家長說到好似全港只有幾間的名幼稚園非讀不可。經歷完考小一，其實家長的學歷及能夠付出時間每天跟進及陪讀(除非外補)，也很重要能否考上名小。
入唔到學之園，都不代表小朋友入唔到名小。其實香港有很多好的幼稚園，只是冇宣傳、冇揾打手、冇開記者會。 幾年前，我 屋苑有2位女孩考入LH做正取生, 兩位都是口齒伶俐; 屋苑另外幾位男孩全部連waiting 都冇，直接rejected。塞翁失馬，焉知非福！ 這幾位男孩各自入了其他幼兒園，今年小一，分别入了神校、三私一直小學。 而兩位讀學之園的女生，分别入了兩間二線地區直資小學。
學之園面試時，只是收了一些語言發展早及好的1.5至2歲多的小朋友，而往往走眼了一批資優的小朋友。 幼稚園的面試只是揀發育早完善旳小朋友,未必揀到真正好叻果批。所以落選的家長，不要灰心！ 有次飲茶有位老伯伯話佢揍大十多個孫，話過早識行路，將來條路好艱難。 佢揍D孫很早識講嘢，但後來全部讀書都很普通。佢識位细路五歲才識講嘢，後來這位小朋友攞咗獎學金去咗外國名校讀。
其實， 小朋友到6歲腦袋發展完善時，過去比人發展慢的，只需幾個月的時間已可追回過去6年的-
作者: sasa_mom 時間: 20-12-10 15:39
Superheromom 發表於 20-12-10 11:49
四年前，ek 好多人話讀學之園playgroup會入到其幼稚園PN。 那時我們對幼稚園一無所知，又冇時間搜集資料。 ...
完全同意，有好多幼稚園無論師資或課程都不差於名幼。還很貼心考慮小孩情況。
作者: lovelovebabe 時間: 20-12-10 21:00 標題: 回覆樓主:
對呢間嘢完全冇興趣， 填form要寫埋家長邊間畢業...
作者: sipdowy 時間: 20-12-10 22:57
我報咗ESF同woodland 的winter "camp"
疫情下停課都是 full refund.
利申，我是IS組。 的確是路過的
作者: hkw0613 時間: 20-12-14 13:08
本帖最後由 hkw0613 於 20-12-14 13:09 編輯
回覆 Superheromom 的帖子
很同意呀...
本人是新手家長，亦都很希望入到名幼, 但發覺特別是N班的面試, 學校只是想搵一些發展得比較快，而方便其照顧的學生，現在唔識揸筷子食飯、唔識玩砌圖，大大下總會識，但可能面試呢一刻唔識，那些名幼已經唔會考慮，所以真正以愛心、教育為先的學校真的不多。
當然大多數私幼都是一間公司，而LH出名COMMERICAL，不過當然為左要舖路，奈何都要接受這個玩法。
作者: 50267612 時間: 20-12-14 13:47 標題: 回覆樓主：
本帖最後由 50267612 於 20-12-14 19:08 編輯
我女疫情前上過，是實體堂，我又覺得ok! 當時都有上過其他細的playgroup，其實真係好大分別，有Net, 起碼冇食茶點呢啲hea 野。我諗讀完又冇話一定收你入LH,但上課遊戲模式，教具，環境都同LH好似，凱帆分校直情playgroup同一地點，如果小朋友熟習上課地點及模式確實對LH interview 有優勢。但無奈我都只係讀了一期就撞正疫情，只有補教學影片，也有一次zoom, LH面試也轉了拍片！第二期學費體諒小朋友已經上N班全數退回，我滿意安排。
其實讀咗playgroup 真係同入唔入倒名幼冇關係的，我女冇讀pebbles 入SC, 我friend 女讀足一年pebble 冇offer!
作者: 莫失莫忘 時間: 20-12-14 14:14
50267612 發表於 20-12-14 13:47
我女疫情前上過，是實體堂，我又覺得ok! 當時都有上過其他細的playgroup，其實真係好大分別，有Net, 起碼冇 ...
媽媽你好認真學習。當年我去pebbles同artsplus最期待就係茶點時間因為可以同其他家長傾下計
作者: aidan08 時間: 20-12-14 18:36
莫失莫忘 發表於 20-12-14 14:14
媽媽你好認真學習。當年我去pebbles同artsplus最期待就係茶點時間因為可以同其他家長傾下計
...
我同你一樣，去親playgroup 我最期待茶點時間。大人細路都特別開心！我反而會唔鍾意D一味只識學正經嘢的playgroup, 食茶點其實小朋友都在學習緊好多社交技巧。
我呢種阿媽可能都不是送細路入到名幼的料子
作者: aidan08 時間: 20-12-14 19:12
hkw0613 發表於 20-12-14 13:08
回覆 Superheromom 的帖子
很同意呀...
無錯，我都覺得嗰D學校根本無信心教得好一D年齡無優勢，又或者早期發展無咁快的小朋友。所謂名幼，不過如此吧香港充滿住一D辦學無愛心但又受家長吹捧的學校。
作者: HK-CR7 時間: 20-12-15 15:25
hkw0613 發表於 20-12-14 13:08
回覆 Superheromom 的帖子
很同意呀...
學費越加越貴, 分校越開越多, 一年開一間變學店, 不過有太多家長入晒迷, 仲用幾千銀買佢既書本.......
點解新校成績往往無青衣校咁好? 如果教材一樣, 正常成績應該間間差唔多, 即係跟本唔關教材事, 主要係學生本身既質素好俾青衣校揀左出黎, 其他新校有好多係連二面都無機會最後都CALL WAITING入到, 如果教材咁勁, 呢班質素無咁好既學生做出黎既成績應該都好好先O岩, 唔會得青衣, 奧運校較好
不過明買明賣, 學校要做起成績, 又有一班家長鐘意呢種被催谷既方式, 家校合作一齊谷起個小朋友啦
作者: lovelovebabe 時間: 20-12-16 07:01
aidan08 發表於 20-12-14 19:12
無錯，我都覺得嗰D學校根本無信心教得好一D年齡無優勢，又或者早期發展無咁快的小朋友。所謂名幼，不過如此 ...
也是，我有兩個小朋友各有唔同經歷，名神幼真是揀些發展快嘅小朋友。
作者: 莫失莫忘 時間: 20-12-16 09:33
雖然學之園唔係我杯茶, 亦怕左佢既忠粉, 但公平講句間間名幼都係揀同一類小朋友: 講野叻, 認知好, 收放自如。大部份名幼都有問父母邊間學校畢業。有教無類既學校唔係冇, 不過唔會係名幼。
作者: Poketrade 時間: 21-1-24 20:48
我報左12月試堂，到而家都仲未有消息......no zoom no refund no教學包.白白俾佢呃左四百幾蚊！
另外sc pebbles都係伏，疫情停課變晒zoom，仲要得20分鐘，直到而家一堂實體都未上過！
其實坊間好多pg疫情都有照常上堂，真心唔明點解呢啲所謂名幼pg停課停到2046
作者: simpson.chan 時間: 21-1-25 02:24
話說報左sc pebbles playgroup，因疫情關係拖到上年9月尾先開始正式有得上堂(面對面)。 報時講明cancel唔會refund，但一直無forfeit，拖到9月尾開始上堂，所以我好感謝佢地。 之後完左一期，就無再續，因為離屋企遠，況且一堂咁短，小朋友集中力又咁有限，而內容又非常緊湊，所以可以學到既野，相對學費justify唔到。 加上疫情反反覆覆，所以無再報落去。 但問心講，佢地教既野係幫到小朋友，老師雖然後生但有經驗及耐性，真心覺得唔錯。 而CPDA就好睇運氣，宥D好有D唔好，唔同center幾參差，但同樣唔forfeit學費，都係要讚。
作者: Poketrade 時間: 21-1-25 20:58
simpson.chan 發表於 21-1-25 02:24
話說報左sc pebbles playgroup，因疫情關係拖到上年9月尾先開始正式有得上堂(面對面)。 報時講明cancel唔會 ...
咁你好好彩，我上年十月報左名12月-2月課程，點知11月教育局宣布停課，佢email通知話用zoom上！試問咁細個上zoom有咩用，係我角度變zoom已經=forfeit，因為唔想俾小朋友接觸電子產品，目前佢已經開左7堂但我地一堂都無上過
另外，zoom仲要得20分鐘（中文十分鐘英文十分鐘），原本一堂面授係一個鐘，變zoom俾佢食左40分鐘！
我覺得好差，停課安排真係對呢兩間所謂名幼跌晒眼鏡
| 歡迎光臨 教育王國 (/) |
Powered by Discuz! X1.5 |