教育王國
標題: 小女份人無目標, 好擔心佢 [打印本頁]
作者: ilovepochu 時間: 20-11-25 11:58 標題: 小女份人無目標, 好擔心佢
升了中一, 成績都唔多好, 著左一半科都唔合格, 佢又好似唔多介意, 我問佢第時想讀咩, 第時想做咩, 佢都一味話唔知, 日日求其做哂D功課就係用哂D時間來打機, 我好擔心佢
作者: zitaeric 時間: 20-11-25 12:19 標題: 回覆樓主:
先減少打機睇片先，寧願揾些運動做吓，但疫情下，父母可以平日同佢行吓山，傾多些心事，佢地年紀比較麻煩，鬧又吾得，鼓勵多些。成就感好重要，第一測驗差佐，同佢心平氣和傾，有咩方法改善，如果父母在學業上幫吾到，試吓揾補習，但亦吾好過多。科目係米太多英文生字吾明，可以試吓去書局買本中文版去對照，温書會快好多。現在開始改進，每日習慣温書，應該會有改進。成績開頭差佐吾緊要，學校係要睇到學生有努力，仲使較慢，但干其吾好吾理，加油
作者: IloveJJ 時間: 20-11-25 12:22
提示: 作者被禁止或刪除 內容自動屏蔽
作者: ilovepochu 時間: 20-11-25 12:28
本帖最後由 ilovepochu 於 20-11-25 12:33 編輯
佢地呢個年齡, 連佢阿媽我, 都覺得佢好討厭, 青春期, 日日黑口黑面, 你叫佢做咩都同你唱反謫, 本身打開羽毛球, 疫情停左一段長時間, 個人肥哂, 都無動力打翻, 咁都算啦, 你唔打波, 我咪當你D時間多出黎用來溫書, 點知, 成績都唔覺有咩好到, 有時捉佢去行山跑步, 好似捉佢去死咁, 又黑哂口面, 搞到我自己都無癮
佢本身英文底子唔差, 我相信佢唔係因為變左用英文教而令佢成績唔好, 好大原因係因為佢比阿媽照顧左成個小學階段, 所以一路都唔識自己溫書, 我試過教佢方法溫, 其實不外乎都係抄多次課文重點同埋背野, 但係又係覺得阿媽講野就係唔想聽, 做得一次, 下次又係唔做, 唉, 咁大個人真係硬又唔硬得咁多, 軟又更加唔洗SO你
作者: ilovepochu 時間: 20-11-25 12:39
本帖最後由 ilovepochu 於 20-11-25 12:43 編輯
zitaeric 發表於 20-11-25 12:19 
先減少打機睇片先，寧願揾些運動做吓，但疫情下，父母可以平日同佢行吓山，傾多些心事，佢地年紀比較麻煩， ...
我平日要返工, 得佢同工人在家, 大家各自閉關在自己房內, 真係死左人都唔知, 我單親, 又要返工, 頂多都係打個電話返屋企叫佢"好做功課啦" , "好溫書啦", 但係做唔做呢? 真係估都估到. 我又唔可能收起部電腦, 因為下午放學回家後都仲要上ZOOM, 同埋用電腦來CHECK功課同做PROJECT, 所以真係做唔到'收電話/收電腦', 但係其實收左, 係唔係都會同你一心一意做功課呢?對住D功課來遊魂就仲嘔血
作者: zitaeric 時間: 20-11-25 12:43 標題: 回覆樓主:
好理解，明明小學成繢幾好，英文又吾差，吾知点解升佐中就咁樣。真係吾好同佢嘈，越嘈越吾聽教，佢地青春期，有些情緒係佢自已都吾想，有時嘈佐有傷感情，自己又辛苦，唸深佢地十一，二歲仲係細個，佢地似明非明，我個都係咁，锡佢地鼓勵多些，佢地會感受到，需然吾講出聲。
作者: zitaeric 時間: 20-11-25 12:53
ilovepochu 發表於 20-11-25 12:39
我平日要返工, 得佢同工人在家, 大家各自閉關在自己房內, 真係死左人都唔知, 我單親, 又要返工, 頂多都係 ...
平時打比佢吾好剩係叫佢温書，吾准打機，試吓問吓佢今日返學辛吾辛苦，今晚想食嘜之類，約定每日某個時間一齊傾心事，好氣氛之吓自自然然會慢慢聽教，一步一步。學業上亦可同科老師傾吓，瞭解學科要求，請老師鼓勵吓，都有幫助。
作者: zitaeric 時間: 20-11-25 13:06 標題: 回覆樓主:
其實吾鐘意行山，可以同佢去吓佢鐿意地方，女仔f.1最鐘意行西九龍中心，行吓街食吓野，傾吓偶像，會好開心
作者: S-Kwok 時間: 20-11-25 13:17
zitaeric 發表於 20-11-25 12:53
平時打比佢吾好剩係叫佢温書，吾准打機，試吓問吓佢今日返學辛吾辛苦，今晚想食嘜之類，約定每日某個時間 ...
試下行下街、揾間可以傾下計嘅餐廳食飯時傾下計，直接同阿女講你嘅擔心，問下佢返學嘅開心/唔開心嘅事，等佢知你係關心佢，當然傾/講一次係唔會有改善，比多啲時間（一、兩年）, 會融化佢哋嘅。
作者: Jane1983 時間: 20-11-25 15:17
睇你寫，你其實都好清楚係咩原因：（1）家長突然在學習上放手，小朋友唔適應，成績下滑；（2）打機。你知道原因就可以對症下藥。
收機難做到，咁可否在你放工回家後，佢完成功課，直至訓覺都唔用？沉迷係虛擬世界係好煩，現實生活的親情和成敗都唔重要。
作者: mianyang_99 時間: 20-11-25 15:57
ilovepochu 發表於 20-11-25 12:28
佢地呢個年齡, 連佢阿媽我, 都覺得佢好討厭, 青春期, 日日黑口黑面, 你叫佢做咩都同你唱反謫, 本身打開羽毛 ...
作者: csadmin 時間: 20-11-25 16:14
ilovepochu 發表於 20-11-25 12:39
我平日要返工, 得佢同工人在家, 大家各自閉關在自己房內, 真係死左人都唔知, 我單親, 又要返工, 頂多都係 ...
結果一樣。
作者: mianyang_99 時間: 20-11-25 16:23
csadmin 發表於 20-11-25 16:14
情況類同，無目標，無唔緊要，讀書態度問題，hea 溫。好聲好氣同佢講，哦，知。
結果一樣。
作者: jli008 時間: 20-11-25 17:31
提示: 作者被禁止或刪除 內容自動屏蔽
作者: pypy405 時間: 20-11-25 23:37
csadmin 發表於 20-11-25 16:14
情況類同，無目標，無唔緊要，讀書態度問題，hea 溫。好聲好氣同佢講，哦，知。
結果一樣。
Same
作者: IloveJJ 時間: 20-11-26 10:35 標題: 回覆樓主：
提示: 作者被禁止或刪除 內容自動屏蔽
作者: csadmin 時間: 20-11-26 11:00
IloveJJ 發表於 20-11-26 10:35
大家有冇自小同細路講點解要讀書呢？
作者: csadmin 時間: 20-11-26 11:05
IloveJJ 發表於 20-11-26 10:35
大家有冇自小同細路講點解要讀書呢？
分享俾大家下：
我亦同女講過
讀唔到書，可以做洗碗，做侍應，呢D都係工，只係日做夜做咁，辛苦好多，以後就係咁生活。
作者: ren 時間: 20-11-26 11:27 標題: 回覆樓主:
要減少打機，都要另外安排d比打機多少少養分嘅活動佢攝時間，女仔不如同佢整下甜品糕餅，做下手工，行山可以請佢做資料搜集行邊度安排行程野餐食物，或者學拍片剪片加特效字幕。。。當然要多讚多鼓勵。。。希望佢有日可以唔使靠打機消磨時間，進而做好planning 學習。。。加油！
作者: jli008 時間: 20-11-26 11:28
提示: 作者被禁止或刪除 內容自動屏蔽
作者: csadmin 時間: 20-11-26 11:37
本帖最後由 csadmin 於 20-11-26 11:39 編輯
jli008 發表於 20-11-26 11:28
回覆 csadmin 的帖子
所以一定要以開心的心態去面對學習,唔好從小入唔到咩學校而煩惱,唔好過早為了將來做 ...
係。我已經無迫佢做額外功課，亦無補習。讀書期係最開心架，我叫佢珍惜。
讀唔到，唔駛死，最多係以後係辛苦生活。但如果依家珍惜讀書環境，係有機會改變喎。
我同佢講，你到時唔好問我，點解生活得辛苦，日做夜做甚麼也沒有。
作者: IloveJJ 時間: 20-11-26 12:16
提示: 作者被禁止或刪除 內容自動屏蔽
作者: csadmin 時間: 20-11-26 12:32
IloveJJ 發表於 20-11-26 12:16
咁佢第時想點？打算做侍應？住屋企？等你養？
未諗第時定係無諗。。
選科都未啦，何況出黎做野。
阿Q諗,未開竅。
睇佢咁，中三去出讀VTC個D
作者: IloveJJ 時間: 20-11-26 13:54
提示: 作者被禁止或刪除 內容自動屏蔽
作者: YmOra 時間: 20-11-26 14:23
本帖最後由 YmOra 於 20-11-26 14:24 編輯
ilovepochu 發表於 20-11-25 11:58
升了中一, 成績都唔多好, 著左一半科都唔合格, 佢又好似唔多介意, 我問佢第時想讀咩, 第時想做咩, 佢都一味 ...
先要處理打機問題，可以讓孩子玩但不能沈迷，費時孩子話"被迫"無得玩，而且打機都係响度消磨時間啫，你可以學我一樣瞭個女一齊跳"鄭多燕"嘅減肥舞，有第二Ｄ嘢做就唔會成日掛住打機了，再好好傾下找出多科不合格的問題所在，你囡囡ｅ＋才中一而矣，係要ＤＤ時間適應中學生活和學習和考試"模式"，聽你語氣都估你緊張個女，咁未來要好好想辦法與她建立良好的"關係"，個人認為，女孩子無咁難建立好關係，剩係講行街、睇衫、買護膚品已經可以一齊去做的事了，我成日撇低ｃ６與女兒去行街街買衫，都不知幾樂在其中，嗰刻好多"密偈傾"架！
努力呀！
作者: IloveJJ 時間: 20-11-26 14:31
提示: 作者被禁止或刪除 內容自動屏蔽
作者: YmOra 時間: 20-11-26 14:45
IloveJJ 發表於 20-11-26 14:31
樓主話佢單親要返工，平時屋企得個女同工人，個女要上網課又唔可以收電腦。
咁所以佢根本做唔到控制個女自 ...
我條邨都有好多單親ｊｍ頂住頭家，唔知係咪只得我區係咁，嗰啲ｊｍ反而俾我哋哩Ｄ嘅更愛錫和關心及緊張與子女的關係，無論時間幾咁唔夠用也會親親子女，我和她們响這個疫情中把握在家工作的時機與囡囡們响家中齊齊跳舞建立好關係，效果尚算OＫ啦！不過，我哋條邨啲Ｃ９們都幾互助，付近又有間青年中心，好多時我哋會不計較咁幫單親ｊｍ們睇住Ｄ細路，佢哋好乖好懂事，亦教䁱我女好多嘢！
作者: IloveJJ 時間: 20-11-26 14:59
提示: 作者被禁止或刪除 內容自動屏蔽
作者: GreenMaDad 時間: 20-11-26 17:44
不知道這會不會幫倒忙： 女兒會否喜歡睇戲聽歌？ 當然女兒可能會變成追星族，但我自己覺得，追星都好過打機同拍拖。所以由細至大，我跟女兒一起追劇，不過會提佢要將興趣轉化為對自己有益的事，例如睇大陸劇聽普通話練普通話；如喜歡聽歌可以鼓勵她唱歌或跳舞。
作者: YmOra 時間: 20-11-27 07:39
IloveJJ 發表於 20-11-26 14:59
咁你哋可以咁咪好囉！
睇樓主寫既野，感覺都幾難。
我以前都幫人湊個初小生（收費的），個媽媽就係單親又 ...
單親家庭都係要"鄰社"們多多伸出援手互助。不過，只要不放棄，辦法總比困難多。
個人認為，"責任感同成就感"的教導有很多方法，我响教會有些ｊｍ的囝囝囡囡個性所限，很多事情還是需要ｊｍ操心為他們打點學業的一切，但，真心講句，佢哋的責任感响教會內學到嘅表現出來嘅都好過好多學校的同學仔，亦帶有"愛心和照顧"的元素响其中，久而久之，也影響著個人的學術、自主等等方面皆有著責任感，累積得咁上下責任感，成就感就自自然然地出現了。個人認為，孩子的個性有好多種，不同的個性應該用不同的方法配合孩子成長，使他們响最終能夠擁有"責任感同成就感"。
作者: IloveJJ 時間: 20-11-27 09:34
提示: 作者被禁止或刪除 內容自動屏蔽
作者: jli008 時間: 20-11-27 09:52
提示: 作者被禁止或刪除 內容自動屏蔽
作者: IloveJJ 時間: 20-11-27 10:09
提示: 作者被禁止或刪除 內容自動屏蔽
作者: YmOra 時間: 20-11-27 10:15
IloveJJ 發表於 20-11-27 09:34
係架，責任感和成就感唔一定响讀書方面，就好似我們以前既年代，讀不上就早早出來工作，工作反而有責任感 ...
認同現今社會年青人的價值觀不斷地變化緊。幸好，我的周遭ｊｍ唔係教會的群組就是屋邨內的ｊｍ媽咪，比較近新ＤＤ嘅就係小學時新結交的ｊｍ媽咪，中學太忙了，沒有再加新ｊｍ入群組內，ｊｍ間的理念相近，故互助互勉情況較多，個人認為，孩子的"成長土壤"十分重要，响學校有學校的土壤，响學校以外的（家＋教會＋鄰社）也是另一份土壤，只要身邊的ｊｍ群組有著相同的育兒理念，不同類型的孩子的個性也可以同樣地走到同一個目的地。
作者: IloveJJ 時間: 20-11-27 10:24
提示: 作者被禁止或刪除 內容自動屏蔽
作者: YmOra 時間: 20-11-27 10:38
IloveJJ 發表於 20-11-27 10:24
我可能太另類，所以好少有價值觀差不多既家長朋友。
有些又太主張愉快學習，什麼也是谷，做功課 ...
你有你的成功，這是事實，你最清楚自己的孩子需要Ｄ咩！我咁諗，你身邊有無與你同一種育兒手法嘅又有與你同樣成果的例子，或是你有無用過你的方法用响友人或親友的孩子身上又有同樣的結果的例子，就知道是否不同的孩子個性有著不同的教導或育兒方法。
作者: YmOra 時間: 20-11-27 10:42
IloveJJ 發表於 20-11-27 10:24
我可能太另類，所以好少有價值觀差不多既家長朋友。
有些又太主張愉快學習，什麼也是谷，做功課 ...
不過，我幾肯定和你啱傾嘅"老師"與我响教會接觸開嘅中小學老師是不同類型。
作者: IloveJJ 時間: 20-11-27 10:49
提示: 作者被禁止或刪除 內容自動屏蔽
作者: IloveJJ 時間: 20-11-27 10:50
提示: 作者被禁止或刪除 內容自動屏蔽
作者: YmOra 時間: 20-11-27 11:02
IloveJJ 發表於 20-11-27 10:49
我媽和我奶奶咪就係用呢個方法囉！
不過我啱傾既教師家長，方法都雷同既，成唔成功唔知，我仔仲細 ...
樓主都無乜入嚟傾了，似緊非緊，希望佢唔好心灰放棄，努力加油啦！
有時，眼見身邊Ｄ親戚的育兒方法係有ＤＤ心嗡，眼見有Ｄ比我女叻嘅聰穎嘅，記性又好嘅等等，就咁就浪費咗大好前程，親戚完全唔明孩子想要Ｄ咩？！真係投晒降。
作者: jli008 時間: 20-11-27 11:46
提示: 作者被禁止或刪除 內容自動屏蔽
作者: IloveJJ 時間: 20-11-27 12:27
提示: 作者被禁止或刪除 內容自動屏蔽
作者: YmOra 時間: 20-11-27 14:10
jli008 發表於 20-11-27 11:46
其實孩子大部份都是聰穎,衹係父母心中的要求無形中影響咗孩子發展潛力,外來因素就是影響父母做法之一(比較/ ...
雖則有時看見一些令人"肉緊"的事情，但大家不景也是响度學習點做"父母"，大家都係摸索中學習和成長，無話自己嗰套必定最出色，總之，能夠讓各自的家庭有建立、有和諧、有快樂就是了，孩子的成長就交由自己的父母自決，一家的事一家當就夠了。
作者: YmOra 時間: 20-11-27 14:15
IloveJJ 發表於 20-11-27 12:27
其實育兒方法好多，都無人敢講邊個一定好，只是睇家長自己取向。
網上討論尚可以暢所欲言，現實尤其是朋 ...
我通常會身體力行，分享與家人的相處，响ＩＧ响ＦＢ分享，咁！朋友親戚有著共同理念嘅就會自動送上門，瞭我們一起去玩，出得嚟玩嘅多數不會避談"育兒"心得。
作者: IloveJJ 時間: 20-11-27 14:50
提示: 作者被禁止或刪除 內容自動屏蔽
作者: ilovepochu 時間: 20-11-27 15:09
而家VTC都要5科合格先有你份, 死未
作者: ilovepochu 時間: 20-11-27 15:36
YmOra 發表於 20-11-27 11:02
樓主都無乜入嚟傾了，似緊非緊，希望佢唔好心灰放棄，努力加油啦！
作者: ilovepochu 時間: 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為完全係我話比你知, 邊D係重點, 你去背啦, 佢果D NOTES全部都係我一手一腳造出黎, 根本就係我消化完本書, 再嘔返D精華比佢讀..........但而家中學, 科科變哂英文, 我真係力有不第(因我以前係中文中學), 唯有靠補習, 但係都只能補主科, 其他果D科, 炒得既佢都炒哂
作者: IloveJJ 時間: 20-11-27 16:48
提示: 作者被禁止或刪除 內容自動屏蔽
作者: YmOra 時間: 20-11-28 08:33
ilovepochu 發表於 20-11-27 15:36
我有睇你地留言架, 不過呢2日個女統測, 同佢溫書溫到無日無夜.....我個情況就似ILOVEJJ咁講, 我溫仲多過佢 ...
不要灰心，你囡囡仲細，才剛剛上中學，給點時間佢適應和進步吧！昨天，我校有家長講座，咁啱講孩子成長期的情緒變化和暴風期的他們應如何相處，基本上係要大人多ＤＤ從孩子的角度看事物，成長期的他們腦袋有些部份仍在"成熟"中，有時大人不要太於執著"道理"，一切要以"關係"行先，有好的關係，小孩子便會肯聽大人的說話，不過，知道這課題唔易做到，但是，也鼓勵樓主你多多努力，慢慢地逐步逐步邁向成功，努力加油呀！
另外，個人建議，小學的學習模式係需時候要掉到腦後了，中學係需要從新尋找一套啱自己的學習方法，個人認為你的參與度太高了，一定要放手由她自己學自己讀自己做功課，開頭一定困難重重，如果經濟許可，請補習老師，把對你的依賴轉移至補習老師身上，但不要一嚟就補她最弱的科目，補她中至弱的科目以增加她的成功感避開極弱學科以免嚇怕佢唔再補習，因為由過往需要你幫助讀書才有好成績到要由自己主道嘅學習模式係需要ＤＤ時間適應的，再"主動"與學校班主任傾傾，因為你要借助學校老師的力量和經驗幫手支持和睇住你女兒好好適應學習模式的改變，亦因為你囡囡整日中對住最多交談最多嘅會是"學校老師"不是你，加上小孩子聽老師話可能比聽家長話嚟得容易ＤＤ呢！努力呀！
作者: 洋蔥頭媽咪 時間: 20-11-28 09:40
本帖最後由 洋蔥頭媽咪 於 20-11-28 09:41 編輯
ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...
恕我直言，你從小教導女女其實已經用錯方法，而家係佢讀書唔係你讀書，努力讀書求知識係為佢自己將來而並非為你，佢拎80分有60分唔係屬於佢嘅話，咁佢學習仲有乜意義？方向錯晒，佢對自己冇要求，到你女女要靠自己時只會無心向學。
你女女慣性倚賴，升中後冇你幫成績當然唔得啦，唔合格亦懒理，明顯係學習態度問題。你上一段提到女女冇 zoom 上堂 ，亦唔解釋，我感覺到女女開始講緊大話，中一最容易學壞，如果家中冇人管促，情況不妙。建議你坐低同女兒頃下，定目標最少要科科合格，收緊小朋友自由度/手機/上網/出街/零用錢等等，否則一但識咗壞朋友就更麻煩。
作者: Jane1983 時間: 20-11-28 09:56
統測完，同你女坐低好好傾吓。讀書成績緊要，你地的感情更加重要。你係單親，兩母女感情應該好鐵至係。佢諗乜嘢？佢想點？好好了解吓。夜晚可以試吓一齊訓，傾吓心事。
中一仲細，有得回頭，可以教番好，比心機。
作者: October. 時間: 20-11-28 10:00
本帖最後由 October. 於 20-11-28 10:02 編輯
洋蔥頭媽咪 發表於 20-11-28 09:40
恕我直言，你從小教導女女其實已經用錯方法，而家係佢讀書唔係你讀書，努力讀書求知識係為佢自己將來而並 ...
同意 ，咁多年我都警惕自己“佢拎80分有60分唔係屬於佢嘅話”這種說話唔好對細佬講，我成日會表揚個仔“你好勤力” “好專心，好努力” ，間中先會贊佢“ 幾叻仔”，小學6年幫佢 地溫書我係佢地面前從冇領過功勞，我想佢知道“勤力、專注”先係成功最重要既因素，點叻仔叻女，唔努力都做唔到狀元。
作者: IloveJJ 時間: 20-11-28 10:10
提示: 作者被禁止或刪除 內容自動屏蔽
作者: 洋蔥頭媽咪 時間: 20-11-28 10:11
October. 發表於 20-11-28 10:00
同意 ，咁多年我都警惕自己“佢拎80分有60分唔係屬於佢嘅話”這種說話唔好對細佬講，我成日會表揚個仔“你 ...
明白人人能力唔同，須然唔係人人都係讀書才料，但良好學習態度必須從小培養，做人要有上進嘅心。我經常都講，人生係孩子自己嘅，力有不逮家長仲可以幫，倚賴/懒散冇上進心如果唔改就神仙都難救。
作者: cafeva 時間: 20-11-28 10:20
本帖最後由 cafeva 於 20-11-28 15:27 編輯
單親現時社命好普遍。之前識一班家長有3成單親。雖有某些不足亦無需應付好多麻煩野。
我估最緊要搞好關係。妳係佢係世上唯一依靠，所以無論點你要比佢知你愛佢、唔會離棄佢。
關係好左先再搞其他例如學習態度進補等等加油呀
作者: October. 時間: 20-11-28 14:12
洋蔥頭媽咪 發表於 20-11-28 10:11
明白人人能力唔同，須然唔係人人都係讀書才料，但良好學習態度必須從小培養，做人要有上進嘅心。我經常都 ...
作者: gigayan 時間: 20-11-28 17:06
October. 發表於 20-11-28 14:12
係呀，學習態度重要過一切。想講父母任何時刻都唔好放棄仔女，呢一刻佢地懒散冇上進心缺責任感，但可能突然 ...
同意。有時每個人際遇都不同，可能不久嘅將來，仔女遇到一些事情令佢發憤圖強，所以「一直陪伴子女成長」，無論佢宜家識諗/唔識諗都好，都係父母必須要學習的。
作者: gigayan 時間: 20-11-28 17:14
ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...
本帖最後由 gigayan 於 20-11-28 17:15 編輯
或者剛上中學，由本身有媽媽貼身照顧，到突然要自己顧自己，阿女有點唔慣，我覺得咁嘅情況，其實你要表達俾佢知「你一直都在」，佢跟唔到可以搵你幫手，佢唔上堂，你亦都知。唔好俾個錯覺佢，佢上咗中學就不再在你掌控中。
至於成績，試下搵個可以補幾科嘅私補，執返好個底子，又可以唔使浪費時間睇片打機。
作者: dingyan 時間: 20-11-29 10:48
ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...
感覺到妳對女女嘅關心同幫助，你係一個用心嘅好媽媽，唔好太難過，試下放鬆啲先。小學升到中學一定好多變化，唔好講課程同年紀呢啲無數孩子面對過嘅嘢，淨係呢一兩年嘅社會事件同疫症以及相關間歇停課或半天網課，已經讓孩子多咗好多無所適從同額外壓力，屋企或者都有其他壓力。係變化同壓力底下，一下子未必適應得好好都可以理解。咁不如試下放低啲負面情緒，諗下有啲咩可以幫返佢。記得之前見過有人分享，升任感同自我掌控感對學習幾重要。小學時你係成績上幫到佢好多，但可能未有留意佢做得好嘅點點滴滴，攞啲細節來鼓勵佢，幫佢建立對自己同對學習嘅信心。另外一邊，同佢傾下，引導佢自己安排自己當日嘅工作清單，佢點做由得佢，最後一齊檢討下，睇吓有冇嘢下次可以再好啲。呢啲其實而家都可以做啊。講到尾其實學習同工作都係佢哋自己嘅事，家長幾有心都只可以係協助嗰個。。當然關心則亂，做家長見到不如意少不免會勞氣，不過都可以勸下自己，當自己係個友善嘅導遊，助理。。
作者: LittleCS 時間: 20-12-17 17:40
ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...
講個故事你聽，有個女仔，成績一向不過不失，入咗一間幾好嘅中學。
但中一嘅第一次考試全炒，家人唔識教，由得佢，無搵外補，家長都無能力幫個女溫書。
到中期考，俾其他長輩知道原來退步到咁，臨考前捉住佢教數學，後來亦都只有數學一科係合格。
中一要留級，理所當然。之後都無咩改進。如今5年過去，個女仔原校讀緊中二咋...。下年應該無得留底，學校開晒口叫佢轉職業訓練。
當然，你個女比故事主角好，成績未去到咁底，亦有你儘力幫手。
你都可以同佢傾吓，一個無目標嘅人生，只會白白浪費時間。
作者: Jane1983 時間: 20-12-17 21:22
回覆 LittleCS 的帖子
這個故事好悲情
五年中學仲讀緊中二，呢個唔係成績唔好咁簡單，對年輕人自尊和自信的打擊好大。
作者: LittleCS 時間: 20-12-18 10:54
Jane1983 發表於 20-12-17 21:22
回覆 LittleCS 的帖子
這個故事好悲情
任何一個外人都知道，人生不該如此。只係親生父母，加上個女仔收收埋埋...
雪球大到咁都無人幫到咩手。
只可以叫佢地面對現實，不要戀棧“名校光環”,儘快離場。職業訓練都是一條出路。
作者: csadmin 時間: 20-12-18 14:05
LittleCS 發表於 20-12-18 10:54
任何一個外人都知道，人生不該如此。只係親生父母，加上個女仔收收埋埋...
雪球大到咁都無人幫到咩手。
你上面個例子完全講緊我
在我最灰個時,真係搵定F3個D學校比阿女
我女現在中一,仲係未能管理自己,叫一下,哦,態度依舊
可能等到老師叫佢執包袱,佢先會叮醒....一陣啦
作者: csadmin 時間: 20-12-18 14:07
IloveJJ 發表於 20-11-26 13:54
唔係話你喎！係你女。
我成日都同啲仔傾呢樣野，讀小學已留意將來讀咩科做咩工作？
所以我話,選咩料,鐘意咩料都無...佢點會諗第時想做咩工
作者: Jane1983 時間: 20-12-18 15:05
回覆 LittleCS 的帖子
名校名牌，係人都鍾意。但主體應該是人，而不是物。
5000元買對名牌鞋，次次着到夾腳流血，你覺得可惜，但唔會夾硬着。嫁個有錢老公，佢三朝兩日打到你皮開肉綻，你都會走。學校亦一樣，無乜大不了。如果Bill Gates當年視名大學咁神聖，唔可以放棄，未必有Microsoft，亦無今日咁好世界。
作者: little_yolky 時間: 20-12-18 23:22
csadmin 發表於 20-11-26 11:05
https://71a.xyz/VxL47K你呢條link 真係好岩。
咁其實做咩工同讀幾多書又無掛鉤既⋯我屋企從來無討論過讀書同工作既問題，只討論學習既樂趣⋯⋯唔一定係課本上，總之學習就係一種樂趣。
作者: IloveJJ 時間: 20-12-19 10:37
提示: 作者被禁止或刪除 內容自動屏蔽
作者: jli008 時間: 20-12-19 11:10
提示: 作者被禁止或刪除 內容自動屏蔽
作者: jli008 時間: 20-12-19 11:34
提示: 作者被禁止或刪除 內容自動屏蔽
作者: Jane1983 時間: 20-12-19 11:54
jli008 發表於 20-12-19 11:34
名牌衹是一個虛名,全都是無聊人想賺更多不切實際既錢攪出來既玩意. 有牌子同冇牌子功能一樣都係咁用,壞了破 ...
咁又唔同意。同係讀得到書，一樣咁叻的學生，有得去名校，我會鼓勵去。得到的會比一般學校多。
但我唔會睇低普通學校，公開考係fair game，能者勝，搏盡一樣有機會。
作者: jli008 時間: 20-12-19 12:34
提示: 作者被禁止或刪除 內容自動屏蔽
作者: Jane1983 時間: 20-12-19 14:55
jli008 發表於 20-12-19 12:34
現今教育制度,能讀得到去邊間係無所謂,我既用意係力有所及,不用刻意一定要名校,普通學校一樣可以學有所成. ...
係，幾時都係以人為本，家長以能力以內的資源成就小朋友。死物重要過人，我覺得好傻。
作者: little_yolky 時間: 20-12-19 15:26
jli008 發表於 20-12-19 11:10
所以孩子從小在學習過程中,不要令孩子覺得將來做什麼工作才去學習,知識係永久財富,所以幼稚園以至小學的學 ...
我都係咁諗。
作者: LittleCS 時間: 20-12-21 15:41
Jane1983 發表於 20-12-18 15:05
回覆 LittleCS 的帖子
名校名牌，係人都鍾意。但主體應該是人，而不是物。
識咁樣諗，就唔會有我呢個“講故佬”啦...
呢件事中，我從旁邊學嘢：幫細路定立目標，over estimate就要學識放下。
作者: Jane1983 時間: 20-12-21 16:50
回覆 LittleCS 的帖子
做人都係一個學習過程，見有d父母第一個小朋友時，有d嘢做錯咗。日後其他細仔細女，佢地係會做番好。可惜大果個就犧牲咗
作者: LittleCS 時間: 20-12-22 12:52
Jane1983 發表於 20-12-21 16:50
回覆 LittleCS 的帖子
做人都係一個學習過程，見有d父母第一個小朋友時，有d嘢做錯咗。日後其他細仔細女， ...
咁都係有進步，好過重蹈覆轍
作者: Kikobaby 時間: 20-12-23 00:08
本帖最後由 Kikobaby 於 20-12-23 00:09 編輯
其實我都係在小學時，溫書上幫小朋友太多，令佢唔識自己溫書，我都好頭痛應怎樣教佢自己溫，佢宜家啲中一嘢我其實都識，但我唔想再幫佢，唔通幫到佢dse咩😖
我又想搵個補全科的補習，但佢唔肯補
宜家佢溫書就會抄吓啲內容，佢抄到手攰，都抄唔到1課，咁溫書成效是很底。有時揭兩揭又話溫完，抽幾題問返佢又答唔出
我應該怎教佢自己溫呢? 有過內人可以指點一下嗎？
作者: Jane1983 時間: 20-12-23 07:34
回覆 Kikobaby 的帖子
教佢方法，例如你覺得用抄書去溫係低效，咁你建議佢應該點樣溫，先會有效。
初期唔好完全放手，放手比佢自己主導學習，但遠距離睇住，會好好多。
作者: Kikobaby 時間: 20-12-23 20:59
回覆 Jane1983 的帖子
謝謝回覆
現在的中學生通常點溫書? 都係抄這個方法嗎?
作者: YolandaTam 時間: 20-12-23 21:29
Kikobaby 發表於 20-12-23 20:59
回覆 Jane1983 的帖子
謝謝回覆
我女從來唔會抄書，佢唔會咁勤力，而家高中讀數理多，更怕寫字。
自從中一做筆記搞到有兩三科成績唔合佢理想後連筆記都唔做。
據我所知佢數理科明咗之後操題；
高中中文科範文靠背課文及校本輔助材料同睇試題集，閱讀理解靠臨場；
初中兩史靠課外閱讀+睇DSE雞精書；
初中地理好似都係靠背；
經濟科冇乜特別理，佢話明咗就識答喎；
英文 LS 靠平時閱讀報章或 non-fiction。
作者: 妹妹頭 時間: 20-12-23 21:37
Kikobaby 發表於 20-12-23 20:59
回覆 Jane1983 的帖子
謝謝回覆
作者: YmOra 時間: 20-12-24 08:31
Kikobaby 發表於 20-12-23 20:59
回覆 Jane1983 的帖子
謝謝回覆
我的孩子習慣以下的整套溫書程序：
程１）先預習每一課題
程２）有些特別感興趣嘅課題會响預習時或之前問定我網上有無相關資料或影片講解。
若有，我會把搜尋結果給孩子看看，以加深孩子對課題的了解，對上堂十分有幫助。
程３）由於前期功夫做得妥善，可以令佢响未上堂之前已有一至兩成的掌握，
接著上完堂之後盡可能响該星期內完成課堂筆記，亦由於有過前期工作，
故做筆記的速度十分快就完成，不佔去太多時間。
程４）在做完筆記之後，盡量按排之後嘅一星期內作第一次的重溫，
由於做筆記加埋預習部份，已經十分深入地做，故我們視之為第一次溫習，
當完成晒多個課題的所有教授之後，就嚟一個整章的第二次重溫。
程５）當收到學校的考試範圍，通常响１個月前派給學生，
孩子就按排好溫書時間表，溫習已做的筆記的... ...
第三次重溫... ...第四次重溫... ...第五次重溫... ...，
次數視乎個人需要。
作者: Jane1983 時間: 20-12-24 09:06
回覆 Kikobaby 的帖子
唔會抄書，會理解和記重點。
作者: busybeebee0713 時間: 20-12-26 20:29
提示: 作者被禁止或刪除 內容自動屏蔽
作者: Jane1983 時間: 20-12-26 20:34
回覆 busybeebee0713 的帖子
記重點，記精華。抄書係簁時間，抄筆記會好d，但抄寫的問題係，人會神遊，根本唔一定記入腦。
作者: busybeebee0713 時間: 20-12-29 01:07
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |