教育王國
標題: 荃灣天佑小學好唔好？ [打印本頁]
作者: 靚靚太 時間: 20-11-23 16:21 標題: 荃灣天佑小學好唔好？
大家好，
如果有仔女讀緊或者知道天佑教學情況可以分享吓，因好少人講呢間學校。
我是校友，女女k2黎緊要揀小學，我應該自行揀番天佑定揀其他好？
作者: Gdhopebb 時間: 20-11-24 10:44
好～
作者: wmkbb 時間: 20-11-29 00:50
回覆 靚靚太 的帖子
我大囡今年小一，派得唔好，上年叩門入的，之後三條一收返都放棄左。
天佑位置麻麻地，係學校裡內都聽到外面車聲，無校車。校舍舊式同細，但設備都好齊好新的。
功課唔算少，暫時每日最少有六樣，間中先有抄寫。
平時都多唔計分的評估（小測），我個人應該幾好，知到小朋友程度係邊。重語境英普，小一有輔導班。小一係雙班主任(唔知係咪每年都係），所以都照顧都每一係唔同嘅小朋友，講真老師好有經驗，對小朋友好上心，十一月頭家長日，分開見兩個班主任都大概講到我囡係咩人。近期嘅zoom ，學校支援唔錯，尤其老師係緊張小朋友可唔可以適應，因為大家好似無讀過k3 咁就上小一。
除咗學術，我覺得品德教育天佑都好著重。
未返學時，網上到天佑分享唔多，但有人提話因間佢校細學生少，校長老師記得晒每個小朋友，人人都有機會玩學校活動。依句我而家就深深感受到啦！
我家仲有個k2妹妹，都會去返天佑。
PS 每日接送家姐時，校長實會同妹妹打招呼🙋
作者: mechanics10 時間: 20-11-29 01:02
wmkbb 發表於 20-11-29 00:50 
回覆 靚靚太 的帖子
我大囡今年小一，派得唔好，上年叩門入的，之後三條一收返都放棄左。
作者: wmkbb 時間: 20-11-30 21:56
三條一係屋企樓下，用升中咁睇，同天佑差不多，但覺得天佑只有兩班，得到嘅照顧同機會都比較多啲。
整體我覺得比較適合我囡，我囡比較慢熱，唔係一個突出小朋友，但返左學之後自信左，主動左。
當然我明白好多家長唔多喜歡校舍太舊。
作者: tomato121 時間: 20-12-1 11:03 標題: 回覆樓主:
如果跨區000去叩天佑，會有interview 資格嗎？
作者: wmkbb 時間: 20-12-1 13:02
應該比較難，如果已有直資或私校收左，再去叩000，可能易d
作者: 靚靚太 時間: 20-12-3 16:41
wmkbb 發表於 20-11-29 00:50
回覆 靚靚太 的帖子
我大囡今年小一，派得唔好，上年叩門入的，之後三條一收返都放棄左。
本帖最後由 靚靚太 於 20-12-3 16:42 編輯
多謝你咁詳細既分享呀 
請問普教中小朋友容唔容易適應？你女女幼稚園階段有無學普通話？
作者: wmkbb 時間: 20-12-3 17:03
幼稚園時都有普通，但都係唱歌仔果d，有出去學的，但因為疫情停左了。老師會就小朋友，初頭唔會全普通話。但當然家長要幫手温書同備課，同睇小朋友上堂有無留心。
作者: wmkbb 時間: 20-12-3 17:13
仲係k2 嘅，就多d同小朋友睇書同認下字，一來叩門真係會考，二來上小一無咁辛苦。
大抽獎真係好睇彩數，如果係校友有分計就好好諗一諗，好老實講，荃灣除左頭兩三間一線，之前二線就好平均，之後就係個個唔想入果d。如果唔係有一間心水話一定好想入嘅，小朋友到邊間都係靠自己同家長努力(emoji)。
作者: 靚靚太 時間: 20-12-3 19:35
wmkbb 發表於 20-12-3 17:13
仲係k2 嘅，就多d同小朋友睇書同認下字，一來叩門真係會考，二來上小一無咁辛苦。
大抽獎真係好睇彩數， ...
我係校友有20分。我女今年k2，平時有睇書和認下字，不過無咩教佢普通話，幼稚園教得好少又停曬課學唔得幾多，只係擔心佢小一中文科好難適應。
作者: wmkbb 時間: 20-12-3 21:51
小朋友學野好快的，初頭勤力d應該可以的，天佑每教兩三課就有唔計分嘅評估，其實都幾好，睇下小朋友跟唔跟到。
哈哈，如果你女真係入天佑，咁應該同我細囡一齊，佢都係k2
作者: 靚靚太 時間: 20-12-6 07:52
wmkbb 發表於 20-12-3 21:51
小朋友學野好快的，初頭勤力d應該可以的，天佑每教兩三課就有唔計分嘅評估，其實都幾好，睇下小朋友跟唔跟 ...
咁你囡囡有無學phoincs？係咪學左溫默書無咁辛苦？
作者: wmkbb 時間: 20-12-6 10:09
Phonics 有呀，但未係完全讀晒，佢本身係讀英文為主嘅私幼，所以上小一都okay ，唔辛苦。
Phonics 要平時成日練習先熟，就咁外補學左唔練會唔記得
學左phonics 對默書一定有用的
作者: 靚靚太 時間: 21-1-27 16:47 標題: 回覆樓主:
作者: 靚靚太 時間: 21-11-24 23:52
提示: 該帖被管理員或版主屏蔽
作者: miriam 時間: 21-11-25 00:21
版主通知
全面禁止開立/邀請/宣傳任何親子王國以外之通訊群組.
鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。
再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！
作者: Poyau 時間: 21-11-25 23:16
靚靚太 發表於 20-12-3 19:35
我係校友有20分。我女今年k2，平時有睇書和認下字，不過無咩教佢普通話，幼稚園教得好少又停曬課學唔得幾 ...
請問是否自行20分成功入天佑
作者: 靚靚太 時間: 21-11-26 19:01
Poyau 發表於 21-11-25 23:16
請問是否自行20分成功入天佑
Yes
作者: Poyau 時間: 21-11-26 20:05
靚靚太 發表於 21-11-26 19:01
Yes
恭喜自行成功
| 歡迎光臨 教育王國 (/) |
Powered by Discuz! X1.5 |