教育王國

標題: 點樣可以令佢主動啲 [打印本頁]

作者: sumpo 時間: 20-11-12 23:16 標題: 點樣可以令佢主動啲

剛升小一，仲未意識默書同測驗嘅重要，就算知明天要默或測咁，我唔同佢溫書，係唔會主動溫，好似唔識死咁，一啲都唔緊張，點樣可以令佢主動拎本書溫下……

作者: Cherry7443 時間: 20-11-14 22:45

一年班啱啱返學不久，你對佢有咩期望呢？一定要家長鞭策吓，令佢慢慢on track，怎可能咁快就放手？你同佢溫書而佢又好合作，已經係好難得！

作者: qpalzm 時間: 20-11-16 12:12

我估小一會自己攞本書出黎溫習的10個都冇1個。

作者: Pigdripy 時間: 20-11-16 21:54 標題: 回覆樓主：

本帖最後由 Pigdripy 於 20-11-16 21:56 編輯

剛剛才上小一，仲呆下呆下，未熟知輕重，係正常。你唔可以轉心急，小朋友 feel 到的，你自己也會容易緊張、忟憎。到下學期小朋友又會醒左d。但要真係主動，就真係好睇小朋友本身性格。十個都無一個。你預左要家長用幾年時間慢慢引導。到小四會主動少少已經好叻了！

作者: Liuvyn 時間: 20-11-17 09:18

回覆 sumpo 的帖子

要小一自動自覺温習應該好難，有D小五小六都未識。我嗰個都係咁，你急佢唔急，其實係咪可以慢慢放手比佢試下，等佢從中學習點樣自己温好呢？

作者: qkhui 時間: 20-11-18 09:25

我諗真係唔好要求小一學生會自動自覺. 有好多中學生都未做到.
我反而覺得家長唔好緊張. 唔好嚇怕佢地. 可以每天溫少少. 另佢地慢慢入腦, 因要佢地識默書都唔易. 串字都要習慣. 我記得仔仔上年小一. 第一次英文默書. 佢都唔理解點串字. 因幼稚園完全無默書的. 但依家O的小朋友好叻. 只要佢地習慣佐. 第二次默書巳可以好快. 所以最重要唔好嚇怕佢地. 抗拒佐就會麻煩.

作者: ar_mak 時間: 20-11-18 12:41

提示: 作者被禁止或刪除內容自動屏蔽

歡迎光臨教育王國 (/)