教育王國
標題: 收waiting, reject收到懷疑人生… [打印本頁]
作者: fighting13 時間: 20-11-6 11:30 標題: 收waiting, reject收到懷疑人生…
唉…真係灰到無朋友……
直資私校睇嚟最後都食蛋……
希望大抽獎會有運行啦！ 
作者: hahahamama 時間: 20-11-6 11:33
回覆 fighting13 的帖子
唔緊要，我哋陪你！可能個天注定我哋會抽到正嘢
作者: gelatpl 時間: 20-11-6 11:33
我都灰爆.....
作者: HKYB 時間: 20-11-6 11:33
回覆 fighting13 的帖子
感覺係會麻木~ 去到今朝收到的，已經無咩感覺
作者: raya1208 時間: 20-11-6 11:41
Same here
作者: Redbean1027 時間: 20-11-6 11:43
冇錯, 好灰....好想知有得入二面既係咪大部份都係私幼的？係咪券幼的根本玩唔到直私小呢個遊戲？好懷疑人生.....幫個仔揀券幼係咪錯？咁多人爭, 學校係咪首選私幼的入去二面？
作者: ipki 時間: 20-11-6 11:49
TAKE IT EASY
只係人生一小部份
就當係叩門面試的練習LOO
我們上年都係咁過來,可以失望但不能絕望
最後我們叩門成績出乎意料咁好
作者: DengCK 時間: 20-11-6 11:50
回覆 Redbean1027 的帖子
私幼券幼並無關係學校睇重的是表達能力、語言能力，面試表現
呢度都有不少券幼家長入到神校
作者: Dybala 時間: 20-11-6 11:58
DengCK 發表於 20-11-6 11:50 
回覆 Redbean1027 的帖子
私幼券幼並無關係學校睇重的是表達能力、語言能力，面試表現
作者: DengCK 時間: 20-11-6 12:02
回覆 Dybala 的帖子
這是蛋先定雞先的問題
名幼小朋友合學校心水？
定合學校心水的小朋友都係咁啱讀名幼？
我唔相信學校睇嘜頭作出決定。而名幼都可以有不少小朋友waiting /reject
作者: kikibebe213 時間: 20-11-6 12:04 標題: 回覆樓主:
好似為收reject信而考 
作者: Chanyeeson 時間: 20-11-6 12:21 標題: 回覆樓主:
無咩所謂。條條大路通羅馬，透過今次調整教育策略也不錯
作者: boyboobee 時間: 20-11-6 12:24 標題: 回覆樓主:
應該無關讀乜學校，我大女5年前，同細女今年，都係waiting, rejected, admitted都有齊哂。 其實唔好咁灰，只要仲有waiting，都仲有機會，就算全部rejected, 小部份學校仲會有第二輪，可以再考一次嘅。
作者: alice_lt 時間: 20-11-6 12:25
唔好灰心啦. 我個女都係讀私幼. 舊年呢個時候我同你地一樣.
收 reject letter 收到懷疑人生. 連 2nd in / waiting 都無.
調整下自己心情同心態. 下學期仲報多個小一面試班惡補
下學期有 2nd phase 收生既最後都有 offer.
所以唔好放棄. 做好兩手準備. 整定個靚既 portfolio. 準備下學期再戰
作者: monchhichikpy 時間: 20-11-6 12:47
ipki 發表於 20-11-6 11:49
TAKE IT EASY
只係人生一小部份
就當係叩門面試的練習LOO
真的可以？我收reject信 收到灰到一個點
作者: vpo0615 時間: 20-11-6 12:48
兩年前, 我都報咗同In咗好多間, 都係一直狂收waiting/reject....所以呢種不斷跌落谷底嘅心情我好明白....
到最後, 終於收到了兩間OFFER....
之後又去津小叩門, 又叩到了兩間...
讀咗一年小一後, 今年小二成功插了某九龍塘小學...
所以成個升小遊戲, 我玩了2年.
作者: fighting13 時間: 20-11-6 13:28
hahahamama 發表於 20-11-6 11:33
回覆 fighting13 的帖子
唔緊要，我哋陪你！可能個天注定我哋會抽到正嘢 ...
希望真係抽到好嘢啦！ 
作者: fighting13 時間: 20-11-6 13:29
HKYB 發表於 20-11-6 11:33
回覆 fighting13 的帖子
感覺係會麻木~ 去到今朝收到的，已經無咩感覺 ...
真係收到無晒感覺……
作者: fighting13 時間: 20-11-6 13:30
ipki 發表於 20-11-6 11:49
TAKE IT EASY
只係人生一小部份
就當係叩門面試的練習LOO
我依家都係咁諗，當叩面練習……
不過希望到時唔使叩門直入甲一／乙一啦！ 
作者: fwstides 時間: 20-11-6 13:35
本身玩升小已經辛苦
今年仲要拍片
明白的
作者: Tang23 時間: 20-11-6 13:36
回覆 DengCK 的帖子
我覺得這個遊戲是考家長的commitment 和小朋友EQ.
家長committed 的便會一年前開始計劃，小朋友也願意努力練習，正如有幾多個肯拍片30take, 就做到背之餘又自然🤣
不過肯俾錢私幼的比較多是願意commit,所以好似變咗私幼的功力，其實我覺得主要還是家長發功
作者: DengCK 時間: 20-11-6 13:50
Tang23 發表於 20-11-6 13:36
回覆 DengCK 的帖子
我覺得這個遊戲是考家長的commitment 和小朋友EQ.
這是天生，很難大改
作者: HKYB 時間: 20-11-6 13:52
本帖最後由 HKYB 於 20-11-6 13:53 編輯
回覆 Tang23 的帖子
我小朋友劵幼，直資全軍覆沒。講拍片，其實我小朋友好合作，只不過係我作為家長，唔想佢不斷操練同一段野然後拍幾十次，所以我往往拍一次起、三四次止。拍得開心、小朋友又開心。
不過講到底，佢係無直資offer嘅。可能我咁樣同佢拍片唔正確，導致佢無直資呱，不過我不怨任何人或事。自己決定點做，而且，我小朋友本身學術就唔強，所以入唔到，都心甘命抵
作者: mnhk 時間: 20-11-6 14:12
HKYB 發表於 20-11-6 13:52
回覆 Tang23 的帖子
我小朋友劵幼，直資全軍覆沒。講拍片，其實我小朋友好合作，只不過係我作為家長，唔想 ...
平常心就好，唔好令小朋友有太大壓力。
已有offer/ 2nd in既小朋友，家長可能一早為佢報左面試班，興趣班催谷呢。
作者: fwstides 時間: 20-11-6 14:14
HKYB 發表於 20-11-6 13:52
回覆 Tang23 的帖子
我小朋友劵幼，直資全軍覆沒。講拍片，其實我小朋友好合作，只不過係我作為家長，唔想 ...
本帖最後由 fwstides 於 20-11-6 23:44 編輯
只可以講，位太少，競爭太大
考埋家長呢幾年有幾dedicated，又要小朋友臨場表現到
讀開私幼的家長習慣競爭，再報多幾間當練習。你做到90分，但前面有幾百個人做到100分..學校只是比較，位就只得100個，無辦法
當然凡事有trade-off，有未必好，無又未必唔好。教育係長久戰，平常心。
作者: feifei_baby 時間: 20-11-6 15:25
HKYB 發表於 20-11-6 13:52
回覆 Tang23 的帖子
我小朋友劵幼，直資全軍覆沒。講拍片，其實我小朋友好合作，只不過係我作為家長，唔想 ...
Same here，我女都係happy school，學術不強，拍片又係拍10 takes 以下，唔想勉強小朋友，考唔到直私都唔算太出人意表，唯一有offer果間，唔使拍片，同學術問得淺...
作者: Rtonon 時間: 20-11-6 15:33
feifei_baby 發表於 20-11-6 15:25
Same here，我女都係happy school，學術不強，拍片又係拍10 takes 以下，唔想勉強小朋友，考唔到直私都唔 ...
竟然學術有問得淺既學校(emoji)(emoji)
作者: ipki 時間: 20-11-6 15:38
monchhichikpy 發表於 20-11-6 12:47
真的可以？我收reject信 收到灰到一個點
小朋友見家長咁表現都唔會好啦
當然叫你放鬆好難架啦
加油
作者: barbapama 時間: 20-11-6 16:20
我小朋友都係讀普通卷幼, 仲要係非常HAPPY SCHOOL上年好好彩考直資同私小都有唔錯嘅成績
叩兩間區內一線津校, 最終兩間都收
我覺得就算讀咩幼稚園都好, 最緊要係父母由細到大都有同小朋友講教事, 多閱讀, 認識下身邊嘅人同事
大家努力呀
作者: tobebee 時間: 20-11-6 16:46
其實考直私真係唔太關讀私校定政府學校的問，除了某2-3間特別有偏向，其他一般都真係睇小朋友表現多，認同父母的dedicated 好重要，見好多讀私幼，一樣零offer, 讀私幼多offer的，父母背後做左幾多野你們是不能想像的，真係唔係讀私幼就會有好offer, 仲要配合天時地利人和.... btw, 11月只是開始，音樂枱還未轉，樓主也不用太灰心，現在努力，針對心儀的去寫信，最後都可以收到offer的
作者: PJ媽咪 時間: 20-11-6 17:47
tobebee 發表於 20-11-6 16:46
其實考直私真係唔太關讀私校定政府學校的問，除了某2-3間特別有偏向，其他一般都真係睇小朋友表現多，認同 ...
作者: tomatokelly 時間: 20-11-6 17:50
Redbean1027 發表於 20-11-6 11:43
冇錯, 好灰....好想知有得入二面既係咪大部份都係私幼的？係咪券幼的根本玩唔到直私小呢個遊戲？好懷疑人生 ...
我仔私幼，10個reject. 我仔朋友，券幼，有神校second in, 其他 second in及offer. 不過我仔細b, 佢朋友大b.
作者: adrianema 時間: 20-11-6 18:21
既然無乜希望，不如準備定叩門請問大家如何準備叩門？通常「筆試」要求有幾高？
多唔多學校要寫中文字或串英文？
作者: ssmak 時間: 20-11-6 19:19
我係私幼都全軍覆沒...
作者: tummypooh 時間: 20-11-6 19:37
本帖最後由 tummypooh 於 20-11-6 19:42 編輯
私同卷幼其實不是最大分別。
小朋友的性恪，學校的偏好（大致都係幾類，通常中一間，同類個啲都會中）有好大影響。
當然，家長點教又係一個因素，同小朋友受唔受教，又係個個唔同。
平常心，只係十幾年學習的開始，迷惘就諗下小朋友出世個陣你最希望佢得到咩。
呢個POST個名，同我舊年個POST有啲似。哈哈，大家加油。
作者: yanyanb0401 時間: 20-11-6 20:48
全軍覆沒
作者: Tang23 時間: 20-11-6 21:29
特別今年用咗咁多effort 拍片，更加失望每次個d限時拍片我拍完都想喊，自己都要一日去recover
作者: euniceyuyan 時間: 20-11-6 23:01
本帖最後由 euniceyuyan 於 20-11-6 23:12 編輯
昨天打開WKF網站，發現沒有進入二面，非常意外和難過。自以為交過去的片，是最讓我滿意的一段。小朋友有微笑、有自信、故事也說得流利。所以，一直認為2000人進入二面，我們肯定沒問題。看到結果後，非常灰。沒想到失之東隅，收之桑榆，今天收到了培僑和福小的二面通知。所以，大家都不要洩氣，沒到最後，還會有機會。
作者: Yukipooh 時間: 20-11-6 23:22 標題: 回覆樓主：
本帖最後由 Yukipooh 於 20-11-6 23:24 編輯
本帖最後由 Yukipooh 於 20-11-6 23:23 編輯
我當年就係安慰自己如果冇運氣有直資私校offer, 可能因為啲運氣去左抽獎度
作者: ToToffee 時間: 20-11-6 23:27
我上年考咗20間，得一間收。派位又派得好差，灰到一個點再去叩門。最後好好彩，有3間幾好嘅小學收咗！
所以唔好放棄，做好學術，一定有好學校等緊你小朋友，加油！
作者: blacklabel83 時間: 20-11-6 23:33
fwstides 發表於 20-11-6 14:14
只可以講，位太少，競爭太大
考埋家長呢幾年有幾dedicated，又要小朋友臨時表現到
讀開私幼的家長習慣競爭 ...
同意
作者: Hannababy 時間: 20-11-6 23:33
本帖最後由 Hannababy 於 20-11-6 23:34 編輯
今日連收3間小一reject，灰到一個點，只問小朋友學術ok，性格開朗，但都唔得，作為家長真係好傷心，大喊咗一場，但又唔可以俾小朋友知，扮堅強
作者: Tang23 時間: 20-11-6 23:40
今日一天之內咁多間出result 真係令人好激動，我由起身開始緊張
作者: cwsmws 時間: 20-11-7 00:07
今年拍片；難道係大左：始終學校吾係親身接觸小朋友；睇吾到反應
作者: cwsmws 時間: 20-11-7 00:08
Hannababy 發表於 20-11-6 23:33
今日連收3間小一reject，灰到一個點，只問小朋友學術ok，性格開朗，但都唔得，作為家長真係好傷心，大喊咗 ...
順其自然；吾需要太大壓力
作者: tobebee 時間: 20-11-7 00:27
Hannababy 發表於 20-11-6 23:33
今日連收3間小一reject，灰到一個點，只問小朋友學術ok，性格開朗，但都唔得，作為家長真係好傷心，大喊咗 ...
作者: gelatpl 時間: 20-11-7 00:45
今日又收reject 真係灰到一個點
EQ再好都有忍唔住既一日，當一間都無既時候，果種焦急同壓力唔係話平常心就可以面對到！
開頭一間唔得只會覺得人地無眼光，到第間唔得會覺得人地走漏眼，到第三間唔得就覺得自己唔好彩，到第四間唔得就開始懷疑係自己問題，再唔得就會質疑自己仔女係咪咁差，又唔得開始心灰意冷⋯⋯
呢種感受相信只有同路人明白
作者: infong2011 時間: 20-11-7 01:02
gelatpl 發表於 20-11-7 00:45
今日又收reject 真係灰到一個點
EQ再好都有忍唔住既一日，當一間都無既時候，果種焦急同壓力唔係話平常心就 ...
我絕對明白jm感受～尤其今日接二連三出 offer，當身邊同學仔不停報喜時，簡直係煎熬，開始會怪責小朋友是否未盡全力！冷靜過後又開始內疚起來～真係好傷感情
作者: adrianema 時間: 20-11-7 06:27
ToToffee 發表於 20-11-6 23:27
我上年考咗20間，得一間收。派位又派得好差，灰到一個點再去叩門。最後好好彩，有3間幾好嘅小學收咗！
所以 ...
叫小朋友自己默字？
作者: sonialuibeauty 時間: 20-11-7 06:36
gelatpl 發表於 20-11-7 00:45
今日又收reject 真係灰到一個點
EQ再好都有忍唔住既一日，當一間都無既時候，果種焦急同壓力唔係話平常心就 ...
今年拍片，責任全在我身上，是我做得不好，連累小孩
作者: ToToffee 時間: 20-11-7 06:41
adrianema 發表於 20-11-7 06:27
可否分享下學術叩門一般的要求？要不要串英文？
叫小朋友自己默字？
大部分學校都會比一篇中文同英文小朋友讀，口頭問數學；或者俾幅圖畫小朋友叫佢自己形容一下。
某些學校係會考串字！
作者: 王雅娜 時間: 20-11-7 07:21
DengCK 發表於 20-11-6 11:50
回覆 Redbean1027 的帖子
私幼券幼並無關係學校睇重的是表達能力、語言能力，面試表現
今年的疫情，好多學校真系只會撿私校或者學卷名幼。好明顯今年面試題目淺左，好多小朋友分數差唔多。
作者: siucheng2000 時間: 20-11-7 07:52
我都收到10間rejected, 這2天連續收rejected, 我昨晚都流眼淚，係咪自己小朋友真係咁差呢？他努力拍片，又背故事，又彈琴，但都係rejected, 其實佢真係表現唔好定因為佢係細B 呢？唯有寄望之後扣門有好消息啦。
作者: hj0217 時間: 20-11-7 08:16
siucheng2000 發表於 20-11-7 07:52
我都收到10間rejected, 這2天連續收rejected, 我昨晚都流眼淚，係咪自己小朋友真係咁差呢？他努力拍片，又 ...
吾係你小朋友吾好，我相信好多大B/超大B去考，分分鐘大你小朋友成年！小朋友爭幾個月表現已經爭好遠，冇辦法
繼續努力
作者: DengCK 時間: 20-11-7 08:48
回覆 王雅娜 的帖子
咁如何解釋私幼都有不少人未有offer或入到到二面。當然名幼的話印象分係可能好d,就好似請人咁你見係三大畢業第一印象都會覺得勁d。但去到面試就是見真章。父母過去幾年如何栽培小朋友及應戰完全睇到。
之前網上流出幾個小朋友報小一的片，我作為大人都甘拜下風。你要接受街外真係有d細路出神入化到呢個地步。
與其去找一d你無法改變的原因去解釋自己點解無offer，倒不如而家努力睇睇點玩好d下半場啦
自怨自艾是沒有意思。
作者: DengCK 時間: 20-11-7 08:50
本帖最後由 DengCK 於 20-11-7 08:51 編輯
回覆 hj0217 的帖子
一間好學校絕對唔會直接拎超大B表現同細B表現direct compare。而咁樣講其實都抹殺了大B的努力。
利申：本人認識超細B入到神校
作者: lambeanmama 時間: 20-11-7 09:50
DengCK 發表於 20-11-7 08:48
回覆 王雅娜 的帖子
咁如何解釋私幼都有不少人未有offer或入到到二面。當然名幼的話印象分係可能好d,就好 ...
雖然我真心同情今年考小的家長是非常之咁無力感，不過我真的想同仍在努力中的家中說一句可能很逆耳的忠言：各大學校的老師不是傻的，他們收生不會只因為名幼、超大B、或個一兩經張可能人人都有的證書去收生，我見過身邊數位朋友的考小video, 其實真的一睇便高下立見，不是小朋友英語有多流利，也不是曬獎牌證書此等低端hard sell法、人家是真的很有安排地讓小朋友展現出過去數年的家庭教養。去到此刻，真的要想想「what went wrong」，同埋真的應好好打算一下下半場的遊戲如何應付。好好準備叩門。The best is yet to come!
記住，年年考小都是失望而回的人估多，去到叩門就真的要靠實力的。好好收拾心情，繼續頂落去！
作者: Tang23 時間: 20-11-7 12:56
個人認為參加這個遊戲，一定是要幾年前便凖備. 並不是說補習班，但係家長對小朋友教育的commitment 需要好有恆心.例如語文的培養是否可以有恆心由一歲到五歲都日日有故事quality time ，每一天都對教小朋友的堅持.很多面試的內容都唔容易臨時補習，面試班教也只是一些投巧，等家長知道小朋友的弱點去教，但教不到佢認字閱讀.
今次也令我知道自己的不足，例如拍男拔自理條片，先覺得原來佢仲有好多要獨立的地方
作者: chujojo 時間: 20-11-8 08:32
DengCK 發表於 20-11-7 08:50
回覆 hj0217 的帖子
一間好學校絕對唔會直接拎超大B表現同細B表現direct compare。而咁樣講其實都抹殺了大 ...
一定有細b有offer, 只可以話個d細b叻同家長努力。超大b大你一年，甚至多過一年。細b追追趕趕，大b超碼多d時間準備。好多時小朋友半年前唔識計數，半年後可以已掌握得好好，就算講說話都講多你一年啦。大b有優勢係一定，細b得係果d細b真係叻/早熟同努力je。d超大b早一年去考，表現會唔會又一樣？如果一樣，我相信唔會有咁多10月都去做超大b。
作者: Mrscatcatfung 時間: 20-11-8 08:42
回覆 Tang23 的帖子
又唔一定是自理環節有問題，有時真的不知道標準在哪。谷內的有2nd interview 媽媽说，自理環節只是叫孩子好像平日在學校吃零食，收拾食物盒，簡單介绍一下盒中有那些餅干，水果飲品，美味又有營養。
作者: ddtt347 時間: 20-11-8 10:14
新一代父母進取好多，大部分年尾小朋友都去做了超大B。你去私校睇下就知，有啲誇張到全班三分之一甚至以上都是超大。再加埋父母精心準備幾年，戰鬥力係超強。
作者: xAlexNgx 時間: 20-11-8 11:11
本帖最後由 xAlexNgx 於 20-11-8 11:22 編輯
回覆 ddtt347 的帖子
知道有家庭，父母名小名中畢業，碩士以上學歷，專業人士，換屋換樓已不說了，個女4年pn連K換了4間幼稚園，終由地區券幼換上九龍塘神幼，外加上幾十個大小獎，也只換取2個offer，2個waiting.
有時不得不配服他們的毅力，但升小越來越難玩。
作者: DengCK 時間: 20-11-8 11:26
本帖最後由 DengCK 於 20-11-8 11:26 編輯
回覆 xAlexNgx 的帖子
不是吧？CcKG？
但兩個offer也不差，你有一個神校offer好過廿過其他學校offer。重質不重量
作者: JojoDad 時間: 20-11-8 14:08
本帖最後由 JojoDad 於 20-11-8 14:33 編輯
Redbean1027 發表於 20-11-6 11:43
冇錯, 好灰....好想知有得入二面既係咪大部份都係私幼的？係咪券幼的根本玩唔到直私小呢個遊戲？好懷疑人生 ...
我都係咁走過來wow，幼兒園學卷校，入左間地區二線小學，係唔出名架，好多人問完都解釋唔到係邊。但個女係呢間happy school 讀得好開心wow, 呈一個學期仲參與緊4個課外活動，又代表學校出賽。但佢亦都好努力讀書，今年升左間band 1中學。e+都應付到！
作者: JojoDad 時間: 20-11-8 14:23
本帖最後由 JojoDad 於 20-11-8 14:24 編輯
PJ媽咪 發表於 20-11-6 17:47
完全同意！其實卷幼同私幼又根本就冇分別，返得個三個鐘，扣埋去廁所同食茶點，其實真係學唔得太多野。極其 ...
我表妹係醫生，女兒九龍塘私幼，女拔嗰D level 直資小學一個offer 都無，但卻攪珠入左協恩。
作者: JojoDad 時間: 20-11-8 14:31
Tang23 發表於 20-11-7 12:56
個人認為參加這個遊戲，一定是要幾年前便凖備. 並不是說補習班，但係家長對小朋友教育的commitment 需要好 ...
作者: fwstides 時間: 20-11-8 21:53
JojoDad 發表於 20-11-8 14:08
我都係咁走過來wow，幼兒園學卷校，入左間地區二線小學，係唔出名架，好多人問完都解釋唔到係邊。但個女係 ...
你個女好叻
作者: EugeneS 時間: 20-11-8 21:54
DengCK 發表於 20-11-7 08:50
回覆 hj0217 的帖子
一間好學校絕對唔會直接拎超大B表現同細B表現direct compare。而咁樣講其實都抹殺了大 ...
超細B 入到高手如雲的神校，校內大部份是超大B /大B之中的精英，會不會點叻都很容易比下去呢？
作者: DengCK 時間: 20-11-8 21:59
EugeneS 發表於 20-11-8 21:54
超細B 入到高手如雲的神校，校內大部份是超大B /大B之中的精英，會不會點叻都很容易比下去呢？
...
2）我身邊很多叻人都是細B
作者: tummypooh 時間: 20-11-9 09:48
回覆 chujojo 的帖子
呢個問題年年都講，每年公式答案就係「有細b手握神校同多間offer」。其實叻細b係有，大家都只係想講係比例問題。
只有細b父母明白當中苦處。當你細b入小一個陣，佢先大致可以追到大b係8個月前已經做到的嘢。
作者: Raccch 時間: 20-11-9 16:02
回覆 tummypooh 的帖子
當年大女係細B，考咗18定19間小學只有2間無收reject或者waiting，後來抽獎入津校。一開始自理能力、專注力同理解能力都差過好多人，有時教新概念好吃力。但係今年三年級開始感覺突然大個咗好多，感覺已經同大B無乜分別了，成績中上。
作者: sandra1004 時間: 20-11-9 16:28
tummypooh 發表於 20-11-9 09:48
回覆 chujojo 的帖子
呢個問題年年都講，每年公式答案就係「有細b手握神校同多間offer」。其實叻細b係有， ...
我明白，我囡12月細b,但樂觀地諗，大不了repeat p1，共勉之，一定可以找到適合既學校
作者: tummypooh 時間: 20-11-10 08:46
回覆 sandra1004 的帖子
冇錯，細B不妨諗下玩多年，唔實好多選擇。招小二。
讀小一再考直私小一
REPEAT或自學一年，再考小一。
作者: tummypooh 時間: 20-11-10 08:47
回覆 Raccch 的帖子
冇錯。幼稚園同小學頭幾年真係會有明顯差距的。但到小學中後應該已經冇了。
作者: DengCK 時間: 20-11-10 08:58
因為考不到心儀小學而repeat小一？咁考不到心儀大學又要否repeat form 6? 要repeat就幼稚園階段repeat啦。小朋友乜都識，點同佢解釋好地地要重讀一年？影響自信自尊。
香港無差學校，邊間學校都有叻人。
作者: b3410 時間: 20-11-10 09:01
考小一，大B的優勢還是非常明顯的。
身邊唔少朋友都係repeat K1or 其他，做大B，尤其男仔
作者: Raccch 時間: 20-11-10 09:07
回覆 tummypooh 的帖子
無錯，大女龍年細B，已經差不多係競爭最劇烈個年，身邊朋友同學基本都分別通過面試正取、後期waiting或者大抽獎入到受歡迎的學校。細B開局係艱難啲，但係咁早就遲入學一年，遲啲如果有咩特別需要小朋友要repeat的話，咁就等於大人哋兩年了。
作者: tummypooh 時間: 20-11-10 09:10
回覆 Raccch 的帖子
咁冇計，呢個都係兩難。但入左間升中保障好啲的學校，之後可能有安心少少。
作者: sandra1004 時間: 20-11-10 09:10
DengCK 發表於 20-11-10 08:58
因為考不到心儀小學而repeat小一？咁考不到心儀大學又要否repeat form 6? 要repeat就幼稚園階段repeat啦。 ...
若非絕路，不會選此路
當你手執細Ｂ，可能心態不一樣
我囡應該不會repeat
我考直私沒有大包圍，只考了4間，但得到的經驗也不少，也對女兒有更多了解,算是有所得著
作者: Dybala 時間: 20-11-10 09:42
DengCK 發表於 20-11-10 08:58
因為考不到心儀小學而repeat小一？咁考不到心儀大學又要否repeat form 6? 要repeat就幼稚園階段repeat啦。 ...
所以repeat係冇分幾時先好re嘅
作者: gabejang 時間: 20-11-10 09:52
tummypooh 發表於 20-11-9 09:48
回覆 chujojo 的帖子
呢個問題年年都講，每年公式答案就係「有細b手握神校同多間offer」。其實叻細b係有， ...
作者: fwstides 時間: 20-11-10 10:47
DengCK 發表於 20-11-10 08:58
因為考不到心儀小學而repeat小一？咁考不到心儀大學又要否repeat form 6? 要repeat就幼稚園階段repeat啦。 ...
同意
已識性，如果repeat會影響自信自尊，得不償失
所謂心儀只是心魔，未讀過其實知得幾多，除非是父母的母校
間間學校都有叻人，資質好讀邊間都唔太差，資質不夠，舖晒路升中都唔見得特別好
作者: cathyangel 時間: 20-11-10 13:17
本帖最後由 cathyangel 於 20-11-10 18:04 編輯
回覆 lambeanmama 的帖子
說出重點！
今年我有2個同事個仔都考小一，每個父母都覺得自己個仔好叻！
但係一睇條片就即刻分到高下！
同事A個仔平時都會一齊出黎gathering, 講嘢叻，唔怕醜！但係睇佢條片錄到甩甩咳咳，同事話因為太小時間好難練，練多兩次又發脾氣，搞到最後都冇心機練
同事B個仔慢熱型，就咁睇一定冇同事A個仔咁叻！但係人地條片又好正常，起碼都精精神神，唔會甩甩咳咳。
其實同事A係老來得子，一向比較就個仔，口講唔想做怪獸，又話我地變態，成日plan去邊度玩，諗住外補唔洗影響親子關係。面試之前，我地都有上佢屋企gathering, 咁我哋問佢一d問題扮面試練習一下，佢平時講野好叻，但係一去到講正經野就9唔搭8，跟住講其他野。叫佢讀書聽下，因為好多學校都會考讀句子之類，點知原來好多字都唔識，同事A話因為學校停課太耐，老師用zoom都教唔到d咩，又懶散左所以......因為我都玩過小一遊戲，所以都知要考咩，坦白講冇操過學術你就算曉飛都冇用！作為同事，我都有認真同佢提議，要跟緊d, 如果唔係第一關已經俾人淘汰，你講嘢幾叻都冇機會發揮，但係同事A就覺得個仔唔鐘意死版，要好靈活玩住學先得，所以我哋之後都冇再勸
同事B係好勤力既媽媽，我同佢都係跟同一個老師，老師係K1個時已經教我地要開始認讀中文字，跟住先讀英文，日日伴讀（真係連旅行都拎埋書去讀架！）日子有功可以打好個底同習慣，k2時再學其他野就無咁辛苦，多d時間用，考直私先過到學術個關。同事B真係會晚晚同個仔讀，平時夜晚食飯都小join, 因為趕住放工返去伴讀！之前疫情停課，間間補習社都停晒，好彩個老師轉zoom繼續同佢個仔上堂，keep住練習，同事B會係返工時login入去zoom睇個仔上堂，又Mark低老師教既野，講故事有咩重點要講，有d咩數學男校會出，要點教之類，放工返去同個仔練習。
後記：就係上個星期，同事A陸續收到全部都係waiting/reject! 而同事B幾間熱門男校都收到interview offer! 到最後一間佢最鐘意既學校都係收reject時，同事A當場喊左出黎，我哋都唔知點勸佢好！因為佢成日覺得自己個仔叻過同事B個仔，冇理由佢個仔間間都唔得
其實好多成功既背後，真係好多血淚換返黎！千其唔好只識羨慕人地有offer! 但係又唔諗下自己有冇努力堅持！
純因感慨分享，唔好叫我介紹面試班老師資料
作者: ddtt347 時間: 20-11-10 13:27
好彩我係公司只是正常返工，少分享屋企私事，都無呢啲同事，將我屋企地嘢post上網⋯⋯
作者: EudyptulaMinor 時間: 20-11-11 15:16
我唔明點解到小學仲分大細b（有學校寫明細b攞唔到報名表），我女係12月細b，我真係唔覺阿女比大b差，自理能力、理解能力都唔差得過大b，我可以話佢學術冇人咁叻係因為我冇及早發現原來私幼比券幼嘅進度快咁多，我呢幾個月自己教、幫佢追佢都學得好快，我女喺券幼k2成績係中等，對於因為12月細b而攞唔到某校報名表，我真係好嬲，如果面試不及其他小朋友我都輸得心服口服，未見過我小朋友就講明唔收細b我就好唔甘心。
作者: R.K. 時間: 20-11-11 15:20
EudyptulaMinor 發表於 20-11-11 15:16
我唔明點解到小學仲分大細b（有學校寫明細b攞唔到報名表），我女係12月細b，我真係唔覺阿女比大b差，自理能 ...
都未見過個小朋友, 憑出生月份嚟判斷, 未免太.......
作者: tummypooh 時間: 20-11-11 15:28
回覆 EudyptulaMinor 的帖子
你講個間 一條龍 幼小中？佢地面試好似都係好快手架咋。
作者: Dybala 時間: 20-11-11 15:35
EudyptulaMinor 發表於 20-11-11 15:16
我唔明點解到小學仲分大細b（有學校寫明細b攞唔到報名表），我女係12月細b，我真係唔覺阿女比大b差，自理能 ...
作者: EugeneS 時間: 20-11-11 19:06
EudyptulaMinor 發表於 20-11-11 15:16
我唔明點解到小學仲分大細b（有學校寫明細b攞唔到報名表），我女係12月細b，我真係唔覺阿女比大b差，自理能 ...
我覺得講明不考慮，好過叫你準備porfolio ＋拍片後才內部直接掉入垃圾桶，畢竟學後係有權選自已覺得適合的小朋友，不浪費大家時間也算是好事
作者: EudyptulaMinor 時間: 20-11-11 19:25
tummypooh 發表於 20-11-11 15:28
回覆 EudyptulaMinor 的帖子
你講個間 一條龍 幼小中？佢地面試好似都係好快手架咋。
係
作者: EudyptulaMinor 時間: 20-11-11 19:31
Dybala 發表於 20-11-11 15:35
如果真係心儀果間唔收細b嘅龍校, 唯有下年以超大b身份先報
唔會因為咁而要小朋友repeat，小朋友都已經知咩係留級，而且小朋友又唔係能力差跟唔上，最多只會考慮小二插班。如果小朋友入到一間唔錯嘅小學就更加唔會轉呢間，讀書生涯咁長，又唔係只有呢間先升到大學，冇必要好似一定要讀呢間，只係幾年前考幼稚園時已留意呢間學校，k1因細b攞唔到報名表，估唔到小一又係咁
作者: EudyptulaMinor 時間: 20-11-11 19:34
EugeneS 發表於 20-11-11 19:06
我覺得講明不考慮，好過叫你準備porfolio ＋拍片後才內部直接掉入垃圾桶，畢竟學後係有權選自已覺得適合的 ...
咁又係～ 最近聽同學仔媽咪講，真係有學校收咗報名表報名費但見你係細b就收完video都唔洗睇直接就reject，我唔知邊間學校，但佢就講得好肯定我諗我冇遇到掛，我唯一拍片嘅入到2nd in～
作者: Azzurro 時間: 20-11-12 07:52
cathyangel 發表於 20-11-10 13:17
回覆 lambeanmama 的帖子
說出重點！
感謝分享
報名直資私立係一課好的課堂
讓家長更理解自己小朋友係公海中的實力，好多家長高估了自己。。。
亦係好機會理解教育制度
作者: sandra1004 時間: 20-11-12 08:28
EudyptulaMinor 發表於 20-11-11 19:31
唔會因為咁而要小朋友repeat，小朋友都已經知咩係留級，而且小朋友又唔係能力差跟唔上，最多只會考慮小二 ...
同為12月細b,好多人話大細無分別，
事實係點？心照拉
當年考Ｎ，6間全軍覆沒，連見都無得見，到考k,培ｘ，創ｘ均不可取表格，考十間，得兩個offer,有幸入現在的幼稚園真係運氣使然，到現在考小，我雖然也很緊張，但只報４間，入到當中六合彩，入吾到當為叩門準備，很坦白，我不懂如何教導小女學術，但可能為叩門可能都要考個普通話證書
大家一齊加油，我暫時零offer,希望11月可運氣爆炸
作者: hkpapa852 時間: 20-11-12 08:31
Dybala 發表於 20-11-10 09:42
我朋友當年會考得23/4分, 原校已經收返上F6, 但佢target係莊啟程/恆商, 所以都走去repeat, 結果之後28分如 ...
唔通一早諗定叫小朋友repeat多幾年用mature student呢條路入大學咩！
作者: hkpapa852 時間: 20-11-12 08:34
sandra1004 發表於 20-11-12 08:28
同為12月細b,好多人話大細無分別，
事實係點？心照拉
當年考Ｎ，6間全軍覆沒，連見都無得見，到考k,培ｘ， ...
好多人忽略一個極大分別：
體格發展
家長們試過攞小學生個書包未？
作者: today20078 時間: 20-11-12 09:02
hahahamama 發表於 20-11-6 11:33
回覆 fighting13 的帖子
唔緊要，我哋陪你！可能個天注定我哋會抽到正嘢 ...
呢句岩呀
可能抽到好野呢
加上收到reject都唔代表小朋友能力差
間學校唔簡 係唔合適姐
小朋友其實好努力配合我地～
作者: EudyptulaMinor 時間: 20-11-12 09:14
sandra1004 發表於 20-11-12 08:28
同為12月細b,好多人話大細無分別，
事實係點？心照拉
當年考Ｎ，6間全軍覆沒，連見都無得見，到考k,培ｘ， ...
我覺得能力上分別唔大啦，唔會因為細b而學習差d，係生得矮d囉，運動冇咁叻，但自理能力冇問題甚至比同學仲要好。學校就唔知點解要分大細b決定收生，連報名表都攞唔到，唔好話面試啦，真係對學校好失望。
作者: tummypooh 時間: 20-11-12 09:16
其實細b repeat 唔 repeat k3小一，我又覺得冇咩所謂，就算repeat 小一，佢都仲係適齡的小一生。
如果小一repeat，可以考到一間六年後選擇有機會較好的路，我又覺得值。考唔到，證明自己小朋友唔係直私的茶，咪繼續上小二囉，冇大問題呀。
最大問題係，而家唔俾佢repeat考多次，而六年後自己又係度怨自己啫。所以一切都係睇自己，人地的意見最多參考下就好。每個家庭同小朋友的接受程度都唔同嘛~~~
作者: EudyptulaMinor 時間: 20-11-12 09:21
hkpapa852 發表於 20-11-12 08:34
好多人忽略一個極大分別：
體格發展
咁細b都有大隻嘅，大b都有細粒嘅～
我哋都讀過小學，小學書包係重，我哋當年學校根本唔會care書包重量，呢幾年都話書包重量受關注，當年一樣有細b一樣咁長大，咁佢哋依家係唔係有體格上出現問題？書包過重我諗會有辦法解決，呢個唔係reject一個小朋友嘅理由，考小一又唔係考消防員。
| 歡迎光臨 教育王國 (/) |
Powered by Discuz! X1.5 |