教育王國

標題: 金巴倫 [打印本頁]

作者: callyclm 時間: 20-11-3 18:52 標題: 金巴倫

點解冇乜人提這間學校？
請問有什麼意見？

作者: codyalbert 時間: 20-11-5 02:24

名幼又談不上，同york一個老細，又係有教無類形式。選金巴倫，不如選York. 有什麼值得談

作者: jtw_ki 時間: 20-11-8 08:12

我都想知呢間好唔好，見佢網站個升小表好耐冇update，唔知而家升小成績如何

作者: sizzlers 時間: 20-11-8 08:44

回覆 jtw_ki 的帖子

我都想知呀，㝷日去咗面試感覺幾好，老師好nice, 安排得唔錯。唔知升小成績好唔好呢？聽講好多雜費，係咪真係好貴呢？

作者: sammy9444 時間: 20-11-13 14:41

我今年報咗5間幼稚園，都有去面試，見佢升小都可以接受，

作者: sammy9444 時間: 20-11-13 15:01

佢係蒙特梳利教育，睇你Buy唔Buy，我上學期係York 讀pn，今個學期本來上咗2個月z00m k1 ，疫情關係決定退學入讀學卷幼稚園（都係蒙特梳利教學）出年再重讀私幼K1，因卷幼英文程度尚淺，發現蒙特教學都幾好活動教學，可能喜歡這種教學的家長，都未必會係太谷個D，所以升小未必個個神校，見佢有部份學生都入國際學校，英文程度應該夠好，睇佢簡介片小朋友英文朗讀非常好，我都會考慮，因常安排小女入讀lB直資或國際學校，佢唔同york，York多學位，佢冇分校收生都會篩選，其實有教冇慮係一個專業老師的應有態度，唔知點解會變咗負面語

作者: 艾艾 時間: 20-11-13 17:51

回覆 callyclm 的帖子

我囡在金巴倫畢業，現在已是中一。金巴倫老師很好，着重英語，當年同學仔升小派位和考直私都好好成績，有名津也有私小，例如拔箤，喇沙，天神，聖家，真光，SFA, 宣小，基華，培僑等等。

作者: Chebaba682 時間: 20-11-14 11:23

回覆 codyalbert 的帖子

我估佢想講的有教無類應該意指咩人都收，但我估學位同去in人數應該唔會係一比一，佢in左幾日，應該望落唔只一千人，同埋如果各位家長有留意，佢俾左一本類近校刊的書，後面係有最新升學數據

作者: polystyrene 時間: 20-11-15 00:43

本帖最後由 polystyrene 於 20-11-15 00:45 編輯

選學校真係睇下岩唔岩小朋友甚至家長，我小朋友金巴倫畢業，學校唔會好谷，不重抄寫，功課量適中，親子勞作係選擇性，但真學到野，學既野都唔淺，就係因為佢功課量適中，無強迫性親子勞作，我先可放多ｄ時間係佢弱項度，有時間俾佢試唔到野，搵到佢既興趣同強項，小朋友讀得好開心。

基於學校既有教無類，當年俾左個機會我個怕羞細B入讀K1，而家係間熱門直資小學讀緊，同屆都好多考入直資私小。

雜費方面，大部分都係有需要先買。

歡迎光臨教育王國 (/)