教育王國

標題: 選擇困難～地點或適合的中學 [打印本頁]

作者: Ikymama 時間: 20-11-3 08:54 標題: 選擇困難～地點或適合的中學

阿女今年小五，在兆強讀，上年考試排級10＋,她數理強，心目中有二間好的中學，一間是藍田聖保祿，地點近，可步行，但聽聞這所學校英文強及背讀多的學校，另一間是何明華銀禧，地點遠，要預差不多1小時連等小巴，車程及步行才到學校，但相信這學校教學較適合阿女，請問家長們，你們會如何選擇中學？謝謝～

作者: gracelam 時間: 20-11-3 09:11

一定揀適合

我2個都跨區讀中學，孩子喜愛上課，攀山越嶺都會返，唔like/唔合適，就算屋企樓下行2分鐘都係苦事。

作者: 0030 時間: 20-11-3 10:00

中學步行返學我好like~系我會選藍田聖保祿，除了返學近且系band1頭～但主要睇下小朋友喜歡男女校定女校了～何明華銀禧我都有留意尼間學校

作者: conniecheung 時間: 20-11-3 10:05

我都遇到類似問題，有間好喜歡而程度適合的要誇區，好近屋企嗰幾間中學我又麻麻地..... 好苦惱！

作者: IloveJJ 時間: 20-11-3 10:15

提示: 作者被禁止或刪除內容自動屏蔽

作者: 仔仔錫錫你 時間: 20-11-3 10:33

只要door to door within 1hr, 我會選合適的中學。我對仔女都可入1間近的band1a 中學，但我地就選左要用55mins 路程的band1b, 原因得一個“合適”

作者: bobbob 時間: 20-11-3 10:34

如無記錯你哋要由沙田去東區，實在太遙遠，中學多活動，又多書要溫，嘥晒啲時間響通勤唔係咁值得

作者: 王家爸爸 時間: 20-11-3 11:00

首先，適合其實有唔同既角度，而唔同角度有唔同既定義。
第二，小朋友小學時數理強，同中學時數理強，可能係兩回事。
第三，學校數理強，同自己小朋友小學數理強，亦會係兩回事。
第四，如果諗住繼續係香港讀大學，語言好比數理好，可能更重要，或者最少係同樣重要。如果小朋友數理好，揾間語文好既，可能更適合。

作者: mcl203 時間: 20-11-3 11:11

時間唔會晒，可以係車程中睇片和聽歌～～～

作者: conniecheung 時間: 20-11-3 11:18

對呀，本來喜歡金文泰，交通問題，我放棄左。
呈一成績OK，進步了很多。沙田區 -馬祟、胡忠、聖若瑟、基督，我叫佢自行階段4選2，阿女堅持+堅定要揀覺光法師中學，我係唔係應該成全佢？

作者: PTL_L 時間: 20-11-3 11:42

我會揀適合先，阿大剛升中，中學教學模式非常適合佢，但離家都遠，返學放學起碼1.5小時，而家問題不大，因返半日，但返全日，學校距離真係要認真考慮，唔好到時先算，大人細路都辛苦

所以如果揀適合，就要有搬家的打算，一讀讀6年，返放學時間其實好影響生活時間、睡眠質素等。

作者: bobbob 時間: 20-11-3 11:52

都算同區，如果交通距離唔爭得遠，校風唔差，我會俾佢自己選擇，到時衰咗無得賴

作者: PTL_L 時間: 20-11-3 11:54

如果兩間學校差異不大，我會揀近，所以認同王家爸爸所講，小學數理好，唔代表中學數理好，你要確定咗自小朋友邊方面真正強，而所揀學校又真正適合佢。

作者: jli008 時間: 20-11-3 12:00

提示: 作者被禁止或刪除內容自動屏蔽

作者: 老周 時間: 20-11-3 12:02

我都係咁諗

作者: 02413124 時間: 20-11-3 12:33

我會分析俾阿女聽,佢簡
好適合但佢唔想去太遠,結果到時好累唔賴你都個心都可能怨
近但唔啱佢,讀落唔開心,又一樣唔賴你個心都可能怨

作者: YmOra 時間: 20-11-3 13:07

我會揀一所"適合"的中學，但如果你的心儀名單中只有這兩所中學，可以考慮自行兩間揀晒她們便可以了。

作者: hkpapa852 時間: 20-11-3 13:41

相比小學, 中學數理既難度係幾何級數上.

坦白講, 唔係個個女仔頂得順, 所以點解女仔最後去到中學多選文商科既原因 (唔駛死鬥爛鬥去解一D唔知為乜既數)

而且現實中DSE基本條件係要文科好 (4主科有科係文科), 重文科而文科又有好比現既學校, 對仔女入U都有好處

作者: Ikymama 時間: 20-11-3 19:08

謝謝各位的寶貴意見，有些是我忽略了或沒有站在多角度看事情，我會重新考慮及分析給阿女做決定，有問題再上來問意見，謝謝你們～

作者: kirstyau 時間: 20-11-3 19:25

上智，數理強，地點方便。（見你考慮女校）

作者: hkpapa852 時間: 20-11-4 09:00

補充一點, 如果妳著眼"數理"科強既學校, 我認為何明華銀禧並不屬妳應考慮之前

數理強又收女生既學校, 有官津保一, 迦密, 上智, QES

直資唔駛講, 4大女直係必然首選, 羅氏數理不錯但基礎不足

作者: YmOra 時間: 20-11-4 11:03

認同呀！

我校班主任亦推介給數強嘅女孩子揀"上智"，而數強嘅男孩子則建議"聖言"。

作者: 王家爸爸 時間: 20-11-4 17:18

我都覺得上智係好選擇。

作者: Ikymama 時間: 20-11-4 18:46

你們好好，给了我很實用的資料，令我可以認識多些區外的好學校做選擇，真心多謝你們的提議及意見，謝謝～

歡迎光臨教育王國 (/)