教育王國
標題: 今年LS K2, 想下年轉國際學校 [打印本頁]
作者: imokifurhapi 時間: 20-10-21 09:30 標題: 今年LS K2, 想下年轉國際學校
本帖最後由 imokifurhapi 於 20-10-21 12:39 編輯
之前無諗過行國際，但越黎越覺得LS讀書太辛苦，想小朋友喜歡學習而不是一直谷谷谷。但是，唔研究由自可，一硏究就發覺自己太遲了，好多國際學校都有reception,year 1根本得好少位， waiting list 又長，機會好渺茫
我已經apply 左6間：ESF, SIS, Malvern, CAIS, ICS，Invictus因為就deadline 就遞左先。我見好多都係rolling application, send email 問左幾間availability, Kellet 已說year 1 waitlist有40個學生，機會不大。而AISHK, NAIS及 KIS就未覆。請問大家知唔知仲有邊間學校year 1 會收多d外來生？報名費貴，唔想大海撈針。謝謝！
作者: dem0cracy 時間: 20-10-21 10:01 標題: 回覆樓主:
ASHK and Anfield start at age 5. (Anfield has its own kindergarten but usually has space for outsiders)
作者: boyzzzz 時間: 20-10-21 11:52
跳出框框...
如果想小朋友喜歡學習而不是一直谷谷谷，不一定行IS
其實去返啲比較少考評學校已經可以改善。spare 返時間學小朋友自己喜歡嘢。
作者: imokifurhapi 時間: 20-10-21 12:34
boyzzzz 發表於 20-10-21 11:52 
跳出框框...
如果想小朋友喜歡學習而不是一直谷谷谷，不一定行IS
其實去返啲比較少考評學校已經可以改善。s ...
大抽獎講彩數，直私大競爭，好難。
國際又係好難，唔知有咩路可以行，好大壓力呀⋯⋯
作者: imokifurhapi 時間: 20-10-21 12:37
dem0cracy 發表於 20-10-21 10:01
ASHK and Anfield start at age 5. (Anfield has its own kindergarten but usually has space for outside ...
謝謝你。ASHK 我爬文local passport 要比60萬，負擔太重了。Anfield 只有小學，升中會唔會困難呢？我唔知佢學術係點，如果升中無人收既話，會唔會好大risk? 暫時我只係睇中小學一條龍既學校...
作者: boyzzzz 時間: 20-10-21 13:10
imokifurhapi 發表於 20-10-21 12:34
大抽獎講彩數，直私大競爭，好難。 國際又係好難，唔知有咩路可以行，好大壓力呀⋯⋯
...
本帖最後由 boyzzzz 於 20-10-21 13:15 編輯
其實仲有選擇，繼續睇吓啲直私國際。
作者: imokifurhapi 時間: 20-10-21 13:20
boyzzzz 發表於 20-10-21 13:10
本帖最後由 boyzzzz 於 20-10-21 13:15 編輯
其實仲有選擇，繼續睇吓啲直私國際。
請問係咪即係private independent school? 請問有乜嘢學校選擇？
作者: boyzzzz 時間: 20-10-21 13:23
音小、蔡繼有、ESF 嘅SC同DC等等也是PIS。不過佢哋收生情況好大分別。
作者: imokifurhapi 時間: 20-10-21 13:25
boyzzzz 發表於 20-10-21 13:23
音小、蔡繼有、ESF 嘅SC同DC等等也是PIS。不過佢哋收生情況好大分別。
本帖最後由 imokifurhapi 於 20-10-21 13:25 編輯
謝謝你嘅資訊。音小、蔡繼有下年先申請P1, 咁多人爭，小兒又不是叻，我都打定輸數。ESF 今年都申請咗啦，希望有得見啦。
作者: 964000 時間: 20-10-21 13:32
boyzzzz 發表於 20-10-21 11:52
跳出框框...
如果想小朋友喜歡學習而不是一直谷谷谷，不一定行IS
其實去返啲比較少考評學校已經可以改善。s ...
如果只是唔想谷，local 都有選擇，直私津都有，不過要K3後先入，如入不到滿意的或到時仍想入IS會更難插入IS.
如果始終是喜歡IS個語境，文化和課程就無謂再等，現在先入D新校或冇咁大競爭的(例如沒有中學），例如Invictus/ Wycombe / Stamford / Anfield / Kingston，講真Mount kelly我估大機會有位，如需要第日再轉校，IS轉IS一般不太難起碼英文ok.
作者: gfkwong 時間: 20-10-21 13:49
轉啦轉啦， 真係好開心，而且都學到好多唔同嘅嘢。老師又會久唔久send啲相同video 俾我哋睇.同埋成日讚個小朋友。我覺得老師同埋個校園都同本地學校冇得比㗎。真係資源豐富好多。 對於小朋友嘅性格培育同自信心同埋創意喺傳統學校都搵唔到。
作者: melobi12 時間: 20-10-21 14:00
imokifurhapi 發表於 20-10-21 13:25
本帖最後由 imokifurhapi 於 20-10-21 13:25 編輯
謝謝你嘅資訊。音小、蔡繼有下年先申請P1, 咁多人爭 ...
ESF 睇你咩區，新界九龍區冇priority 都唔使咁大期望。揾啲其他學校試下好。
作者: imokifurhapi 時間: 20-10-21 14:06
gfkwong 發表於 20-10-21 13:49
轉啦轉啦， 真係好開心，而且都學到好多唔同嘅嘢。老師又會久唔久send啲相同video 俾我哋睇.同埋成日讚個小 ...
係呀。我琴日去左ASHK school tour 都好impressed. 個氛圍同local school 好唔同，無咁死咕咕。英文都係我注重既野，想佢可以think in English, not translate English。我諗只有讀國際既語景可以提供到。自己係香港教育既sufferer, 考完試想燒晒d notes, 可以的話唔想小朋友步我後塵。
作者: imokifurhapi 時間: 20-10-21 14:08
melobi12 發表於 20-10-21 14:00
ESF 睇你咩區，新界九龍區冇priority 都唔使咁大期望。揾啲其他學校試下好。
...
對。我都知爭崩頭，不予厚望。
作者: boyzzzz 時間: 20-10-21 16:34
imokifurhapi 發表於 20-10-21 14:06
係呀。我琴日去左ASHK school tour 都好impressed. 個氛圍同local school 好唔同，無咁死咕咕。英文都係我 ...
以前日頭考完最後一科試都係夜晚帶noted走去seafront bbq site 燒嘢食
真係教壞細路。去返正題，講下小小淺見：如果只是只是喜歡IS個語境和課程，真正IS以外仲有啲私校可以比倒你考慮，費用也比較相宜，例如ymca, cky等 （如果cky覺得係難考或者要谷先考倒，ymca 等也可以考慮。）成日講教育以人為本，當我哋覺得IS氛圍同local school 好唔同，我直覺依個就係想LS轉IS嘅重要原因，而要營做倒文化氛圍係主要由同學、老師做起，如果冇一個比較有diversity 嘅校園，感覺又會不同。
作者: manw0113 時間: 20-10-21 19:22
回覆 imokifurhapi 的帖子
仲可以報 CAPCL, Stamford呀
我同你一樣，小朋友今年LS K2, 都係最近先打算轉IS。不過我小朋友11月出世同埋我主要擇九龍/新界區，選擇真係唔多。
作者: melobi12 時間: 20-10-21 19:41
imokifurhapi 發表於 20-10-21 09:30
之前無諗過行國際，但越黎越覺得LS讀書太辛苦，想小朋友喜歡學習而不是一直谷谷谷。但是，唔研究由自可，一 ...
其實你已經報左好多間，唔使再亂報了。
你有冇外國passport? 有啲如Malvern 係需要收一定外國passport 比例，如果你有就機會大啲。CAIS 都係foreign passport 有priority，係咪報 Prep? 如果係嘅, Prep係intake year，印象中有成4班，差唔多收100人。
ICS應該都冇咩機會，因為佢有幼稚園學生直升，基本上冇咩位俾外人。
你個list 由大埔Malvern到西灣河KIS都有，諗住搬屋嗎？如果唔係可以先鎖定地區同budget再逐間睇下。
作者: imokifurhapi 時間: 20-10-21 19:54
melobi12 發表於 20-10-21 19:41
其實你已經報左好多間，唔使再亂報了。
你有冇外國passport? 有啲如Malvern 係需要收一定外國passport 比 ...
我只係local passport 所以知道機會更微。如果有學校收我就會搬，所以如果學校係太privileged 既地方，例如山頂呀，我就唔會諗了，afford 唔到。以我所知，我報左既學校只有CAIS 係mass intake year, 會多少少機會。多謝你意見。
作者: melobi12 時間: 20-10-21 22:10
imokifurhapi 發表於 20-10-21 19:54
我只係local passport 所以知道機會更微。如果有學校收我就會搬，所以如果學校係太privileged 既地方，例 ...
咁你試下AIS (九龍塘間 American)，佢冇外國passport限制，雖然佢10月17號第一batch interview 左，但應該仲有第二batch，你快啲報名可能趕得切。
佢website有chat box 同admissions officer live chat 㗎。佢有幼稚園，但grade 1 junior 會多20個位，grade 1 又會再多12個人，你可以了解下。
作者: mindfulmom 時間: 20-10-21 22:14 標題: 回覆樓主:
其實樓主都唔駛咁慌張，睇你報左既學校，其實等吓等吓就會有機會interview，咁就會有入讀既機會。而家不如好好準備小朋友，確保佢oral English 足夠應對 interview 仲實際。
作者: sasa_0209 時間: 20-10-21 22:19
其實你可以考慮CAPCL，佢地無PASSPORT限制，又係BILLANGUAL SCHOOL，ICN先26萬，切合你需求wor
雖然只有PREP TO G6，但都大機會可以升上CAIS（姊妹學校）
作者: Kelly0799 時間: 20-10-21 22:41
sasa_0209 發表於 20-10-21 22:19
其實你可以考慮CAPCL，佢地無PASSPORT限制，又係BILLANGUAL SCHOOL，ICN先26萬，切合你需求wor
雖然只有PRE ...
作者: imokifurhapi 時間: 20-10-21 23:02
sasa_0209 發表於 20-10-21 22:19
其實你可以考慮CAPCL，佢地無PASSPORT限制，又係BILLANGUAL SCHOOL，ICN先26萬，切合你需求wor
雖然只有PRE ...
多謝你意見。我想請問CAPCL 畢業後會唔會有risk 搵唔到中學呢？想知銜接中學會唔會有困難。
作者: 細佬Bebe 時間: 20-10-21 23:22
睇你既帖都感受到你好大壓力
已唸清楚真係buy IS而轉IS?
LS轉IS難極 都唔難過IS返LS 所以真係要唸清唸楚
K2無疑家長同小朋友都好大壓力 但每年都總有小朋友考到啲好得泥 唔係勁谷既LS
如果真係buy IS 咁就早轉早著 但都可以慢慢等既 只要有恆心同操下英文 實等到offer
今年轉IS應該係過去幾年最易既一年 你報左咁多間 又連唔平既Malvern SIS都有報 又肯搬屋 要有offer唔難 今年入唔到 可以下年
作者: lollylolly 時間: 20-10-21 23:36
melobi12 發表於 20-10-21 14:00
ESF 睇你咩區，新界九龍區冇priority 都唔使咁大期望。揾啲其他學校試下好。
...
請問冇priority 的話，ESF Bradbury 會唔會比較大機會有得interview ? thanks
作者: imokifurhapi 時間: 20-10-22 00:07
細佬Bebe 發表於 20-10-21 23:22
睇你既帖都感受到你好大壓力
已唸清楚真係buy IS而轉IS?
我真係好大壓力，一諗到個仔要考小一我就瞓唔着。 其實佢英文又唔夠好，我都驚佢應付唔到國際學校嘅interview。已經今年K2轉咗做全日班, 每天4.5小時NET, 平時一放工就捉住佢睇英文書，星期六上Phonics & Cambridge 。但係佢睇書就得，依家自己可以自己讀ORT level 5, 但係oral 仲係甩甩級級，grammer 又講錯晒。我都唔知點幫佢好，仲有個零月就開始interview。我諗interview聽講緊要過讀寫, 真係十級擔心。
作者: sasa_0209 時間: 20-10-22 00:19
回覆 imokifurhapi 的帖子
只能說IS係入中學容易過小學好多，唔需要擔心。
好似ESF大部分中學學段都容易有位
作者: sasa_0209 時間: 20-10-22 00:21
回覆 Kelly0799 的帖子
咁入CAIS都要睇返passport percentage
我兩間都去左，答法同你唔一樣wor
作者: gfkwong 時間: 20-10-22 00:29
如果英文唔係流利就真係有啲難度。冇中學嗰啲應該冇咁多人爭，試埋Norwegian。
國際學校唔使Cambridge
搵個NET同佢傾吓計囉。
Local school net 只可以幫到聆聽， 其實都冇乜機會講英文因為太大班。
作者: 細佬Bebe 時間: 20-10-22 00:33
imokifurhapi 發表於 20-10-22 00:07
我真係好大壓力，一諗到個仔要考小一我就瞓唔着。 其實佢英文又唔夠好，我都驚佢應付唔到國際學校嘅 ...
本帖最後由 細佬Bebe 於 20-10-22 00:40 編輯
Relax relax （深呼吸）
訓唔著教真係好大壓力 小朋友都會感受到父母既壓力 佢地咁細個handle唔到
聽你既英文準備都好多下 父母同小朋友盡左力就已好好 反而你個4.5小時net係咪一對一？
如果想準備IS interview 搵net 1:1重點培奮interview conversation比較effective 好多人都咁做
如果真係buy IS 決心轉IS 就算今年轉唔到 其實都可以下年轉考LS小一參與下見識下 只要小朋友無覺得好大壓力 其實都無壞呀 盡左力就算入唔到心中學校都係人生寶貴既一課
擔心到訓唔著 有無唸過自己最驚咩呢？ worst case係咩？其實一定有LS讀 驚入寶校？ 如果可embrace worst scenario 會唔會心理壓力少啲？ 你同小朋友同時面對LS考小一 同埋轉IS interview 同時兼顧兩樣 壓力好大
同埋 聽你咁想入IS 要留意下 有啲IS 有upfront fee(一入就俾幾年既Capital levy) 之類 我無研究開你講呢幾間 唔好因為太心急亂投石 揀左呢啲呀 到時讀一年覺得唔好又轉就傷左銀包
作者: lucky0123 時間: 20-10-22 01:55
你可以考慮吓 HKCA PLK, Wycombe, 聽聞都幾好，新校應該容易入d...如考慮ESF,可能要買NR,機會先大d....另外可以睇吓NAIS......大潭校舍可能容易入d...你打電話去問下....Yew Chung 你都可以問吓
樓主不要灰心，我之前情況同你一樣， 好多報名都遲咗，因為決定轉IS太遲，部署錯唒，但宜家我個仔都入到心儀嘅independent school
作者: 964000 時間: 20-10-22 07:12
imokifurhapi 發表於 20-10-21 23:02
多謝你意見。我想請問CAPCL 畢業後會唔會有risk 搵唔到中學呢？想知銜接中學會唔會有困難。
...
一般IS 中學不難有位，好多人出國的，IS 轉IS interview 通常都沒有問題。
作者: SISian 時間: 20-10-22 07:32
呢兩年其實好容易好多學校都有位，我朋友上年遲咗報，成12月到1月先報，過晒deadline,結果佢報5間(N S M Kx2) 最終所有都有offer，學校都係做生意，收唔夠學生冇理由唔收，呢兩年間間都收唔多夠，由期多班數學校，仲有間英國K校個個話要排隊幾年都有位！
所以唔使擔心，一定會有IS讀若你報多兩間，入咗果D學校家長唔會話你知易入
加油
作者: SISian 時間: 20-10-22 07:41
加多一句，佢都係報P1, 唔好太大壓力，況且小朋友咁細個仲有好長路要為佢安排
作者: 964000 時間: 20-10-22 07:59
imokifurhapi 發表於 20-10-22 00:07
我真係好大壓力，一諗到個仔要考小一我就瞓唔着。 其實佢英文又唔夠好，我都驚佢應付唔到國際學校嘅 ...
其實afford 到的，早些做好決定，一早由N報署入國際，之後便一條龍，條路平坦好多，我K1之後都冇去過interview了，切忌三心兩意兩頭唔到岸又洗冤枉錢。
樓主你不用太擔心，今年新校（Invictus/Wycombe/CAPCL) 我見仲賣緊廣告應該未收夠生, 仲有D半新校都未飽和（ASHK, stamford, Shrewbury，PLK, Spanish IS）interview不會要求太高，佢入左去D英文自然突飛猛進，第日IS轉IS不難，如果你肯搬，就更多選擇，有心又不太奄尖實入到的，你報一兩間新/半新校打底，再等其他更心儀的waiting吧，不用浪費金錢留太多位。
作者: imokifurhapi 時間: 20-10-22 09:33
細佬Bebe 發表於 20-10-22 00:33
本帖最後由 細佬Bebe 於 20-10-22 00:40 編輯
Relax relax （深呼吸）
本帖最後由 imokifurhapi 於 20-10-22 09:33 編輯
我最驚就係入寶校，升band 3 中學，學壞。我住個區校網好差，大半都係寶，所以不能大抽獎，從來都無抽獎運。之前考K1全軍覆沒，所以我知考直私會更難，好大機會零offer。我而家只有國際學校option, 但好多都太遲了。我聽左大家意見，apply埋HKCAPLK,
CAPCL。其實我都要睇budget, Malvern 係因為近屋企起碼慳返住屋成本所以apply左，其實都覺得好貴。
作者: imokifurhapi 時間: 20-10-22 09:37
lucky0123 發表於 20-10-22 01:55
你可以考慮吓 HKCA PLK, Wycombe, 聽聞都幾好，新校應該容易入d...如考慮ESF,可能要買NR,機會先大d....另外 ...
Thank you. 昨天apply左HKCA PLK, NAIS 問過要有人走先有位，西貢campus較近我。ESF 無得買NR了，要抽。Yew Chung 無睇過，要研究下。
作者: yankiyan 時間: 20-10-22 09:38
How abt AIS?
作者: imokifurhapi 時間: 20-10-22 09:38
SISian 發表於 20-10-22 07:32
呢兩年其實好容易好多學校都有位，我朋友上年遲咗報，成12月到1月先報，過晒deadline,結果佢報5間(N S M Kx ...
可能你朋友有foreign passport? 或者小朋友好出色。
作者: imokifurhapi 時間: 20-10-22 09:43
yankiyan 發表於 20-10-22 09:38
How abt AIS?
我爬文見到discipline 唔好。有點猶豫。我其實自己有d矛盾，想英文好但又驚太西化同個仔溝通唔到，佢性格比較自我。所以我唔介意學校比較多local 學生。另外，AIS英文要求會唔會好高呢？謝謝你。
作者: imokifurhapi 時間: 20-10-22 09:52
964000 發表於 20-10-22 07:59
其實afford 到的，早些做好決定，一早由N報署入國際，之後便一條龍，條路平坦好多，我K1之後都冇去過inter ...
本帖最後由 imokifurhapi 於 20-10-22 09:52 編輯
我就係一開始過度淡定，諗住個仔考直私都應該ok, 一心想佢入名幼再考直私。但K1己經全軍覆沒，而家讀緊個間私幼又唔好，讀左2年幾英文都唔掂，課程又超淺，要自己幫佢補習。如果我一開始就行國際，就唔使浪費呢d心力。我呢個做阿媽既真係好失敗。你地好有planning！
作者: SISian 時間: 20-10-22 10:08
imokifurhapi 發表於 20-10-22 09:37
Thank you. 昨天apply左HKCA PLK, NAIS 問過要有人走先有位，西貢campus較近我。ESF 無得買NR了，要抽。Ye ...
佢都係local passport, 小朋友英文ok，未到fluent,更加唔係native. N校之前都係咁樣同佢講，但申請兩個月後都有位，所以唔使咁擔心
作者: yankiyan 時間: 20-10-22 10:13
imokifurhapi 發表於 20-10-22 09:43
我爬文見到discipline 唔好。有點猶豫。我其實自己有d矛盾，想英文好但又驚太西化同個仔溝通唔到，佢性格 ...
本帖最後由 yankiyan 於 20-10-22 10:14 編輯
我都係剛收到K1 offer,所以答你唔到
但我都爬過文,見佢近年評價好好多
不過我估AIS應該偏西化
愈高年級對英文愈高要求
其實你可以考慮下YCIS
多local,多中文,較易入
作者: melobi12 時間: 20-10-22 10:31
imokifurhapi 發表於 20-10-22 00:07
我真係好大壓力，一諗到個仔要考小一我就瞓唔着。 其實佢英文又唔夠好，我都驚佢應付唔到國際學校嘅 ...
唔使擔心，其實我女都係今年考Y1，我女oral 冇問題，最大問題係見到陌生人會封口唔出聲 
唔出聲衰過grammar差呀 haha
你小朋友一日對NET 4.5個鐘其實好多呀，呢個月你喺屋企同佢講多啲英文得佢習慣講就ok。其實考Y1 英文要求唔係真係咁高，亦基本上冇讀寫，多數都係去唱下歌玩下，冇LS 啲interview 咁難的。
Phonics 方面我個人建議你cut左佢，無必要迫佢學呢啲住呀，入左Year 1 老師自然會教。啲時間留嚟玩其他有趣嘅活動好過。
順帶一提，我女由playgroup開始喺IS讀，拼音老師有教，最近佢都開始自發地嘗試拼啲字出嚟話要寫story，但其實外人係睇唔明，睇故事書依然唔可以自己讀，暫時仲係文盲嚟 不過喺IS嚟講咁嘅進度係正常冇落後的，你小朋友識讀下書已經好叻了。
作者: imokifurhapi 時間: 20-10-22 10:40
melobi12 發表於 20-10-22 10:31
唔使擔心，其實我女都係今年考Y1，我女oral 冇問題，最大問題係見到陌生人會封口唔出聲 唔出聲 ...
Thanks for your advice. 而家我安排學既野全部都為直私而設，Phonics，Cambridge, 面試班，畫畫班，英文drama 朗誦，如果有國際學校收，我會轉晒佢，報返d音樂體育。
作者: melobi12 時間: 20-10-22 10:46
imokifurhapi 發表於 20-10-22 09:43
我爬文見到discipline 唔好。有點猶豫。我其實自己有d矛盾，想英文好但又驚太西化同個仔溝通唔到，佢性格 ...
未親身接觸過AIS學生又唔好斷定佢discipline 唔好。我早兩星期聽左佢個admissions talk，感覺都良好喎。反而你對discipline 嘅定義係咩呢？早排都有帖討論過，小朋友上堂喜歡發表意見、見到新嘢鍾意嘗試，唔係坐定定點頭say yes，聽晒阿媽支笛在你嚟講算係冇discipline嗎？
搞清楚自己心態先。IS唔係入唔到心儀LS嘅backup，唔好因為要入寶校就「惟有」入IS。要真心認同IS教學理念先好入喎，唔係入左你同你小朋友都會好痛苦，你會覺得俾咁大舊錢出嚟，小朋友「好似」咩學術嘢都唔識，又多意見又唔聽你點，仲要送佢去外補。
AIS學生入面絕大多數都係local passport的。
作者: yankiyan 時間: 20-10-22 10:48
melobi12 發表於 20-10-21 22:10
咁你試下AIS (九龍塘間 American)，佢冇外國passport限制，雖然佢10月17號第一batch interview 左，但應該 ...
作者: melobi12 時間: 20-10-22 10:49
yankiyan 發表於 20-10-22 10:48
想問下,AIS無passport限制架?我以為佢國際學校唔係PIS,一定要70%外國passport
Admissions talk 話冇foreign passport 限制，所以佢地大部份學生係local passport.
作者: yankiyan 時間: 20-10-22 10:52
melobi12 發表於 20-10-22 10:49
Admissions talk 話冇foreign passport 限制，所以佢地大部份學生係local passport.
本帖最後由 yankiyan 於 20-10-22 10:57 編輯
我上次聽admission talk佢有講student mix
我記得local passport佔少數既
同埋呢個post,EDB info都係得1x% local students既?
https://www.edu-kingdom.com/forum.php?mod=viewthread&tid=3822681&extra=page%3D1
作者: 964000 時間: 20-10-22 11:38
imokifurhapi 發表於 20-10-22 09:52
本帖最後由 imokifurhapi 於 20-10-22 09:52 編輯
我就係一開始過度淡定，諗住個仔考直私都應該ok, 一 ...
你不用自責，可能你少接觸IS, 畢竟IS 學生只佔全港學生6-7%！而且一般人對IS很多誤解，local家長又大部分是高小/中學才轉IS，不清楚幼稚園及初小的情況。
所以我而家如果佢地講起，都會跟D有小朋友又afford 到的朋友同事介紹IS, 好多朋友都已經決定左行IS.，佢地見我女又識講中文，又「正正常常」就有D信心了。
其實你決定了IS就不用再補咁多野，你提供語境讓他習慣和喜歡英文可以了，反而你成日執佢呢様個樣英文仲影響信心不敢講，老實講你入IS不用考那個Cambridge 試，在IS都冇乜人聽過呢個試。
作者: sasa_0209 時間: 20-10-22 12:17
回覆 imokifurhapi 的帖子
如果你係住沙田/大埔/馬鞍山個頭可以考慮 挪威/RC/CAPCL，挪威應該幾容易入
malvern好似好貴咁
作者: imokifurhapi 時間: 20-10-22 13:34
melobi12 發表於 20-10-22 10:46
未親身接觸過AIS學生又唔好斷定佢discipline 唔好。我早兩星期聽左佢個admissions talk，感覺都良好喎。反 ...
我身邊既親戚朋友唔係IS圈子，資訊都只是在網上得到，所以唔sure，明白要親身了解才清楚(emoji)(emoji)剛剛email 了AIS 問有無School Tour, 會多了解每間學校的優劣才作決定。另外，會在這段時間加操英文oral.
作者: yankiyan 時間: 20-10-22 13:36
imokifurhapi 發表於 20-10-22 13:34
我身邊既親戚朋友唔係IS圈子，資訊都只是在網上得到，所以唔sure，明白要親身了解才清楚(emoji)(emoji)剛 ...
學校而家無school tour
得online information session
作者: melobi12 時間: 20-10-22 14:29
yankiyan 發表於 20-10-22 10:52
本帖最後由 yankiyan 於 20-10-22 10:57 編輯
我上次聽admission talk佢有講student mix
我頭先同admissions confirm左學生nationalities：
40% HKSAR
18% American
12% Indian
8% South Korea
7% PRC
佢地website live chat 好responsive 的
作者: 964000 時間: 20-10-22 14:32
imokifurhapi 發表於 20-10-22 13:34
我身邊既親戚朋友唔係IS圈子，資訊都只是在網上得到，所以唔sure，明白要親身了解才清楚(emoji)(emoji)剛 ...
係呀，現在真的很可惜，因為疫情冇晒school tour同open day, 我以前K1已經個個weekend去school tour/open day, 真係港九新界去晒，除了幼稚園連小學都參觀定埋，因為通常會升番同一小學。
而家有D連interview都變埋zoom, 其實interview也是一個很好的機會去感受下學校環境和人仕作風，小朋友in完都會有自己喜好，comment老師nice唔nice.
你唔好稔住「操」佢oral, 最緊要令佢有信心唔好覺得講英文有壓力，否則佢到時一緊張反而怕醜唔敢出聲。你現在一定要大力加讚多D佢講得好！（這個就是我在Zoom時見到IS老師的教法, 佢地仲要讚得好真心呢下先勁，我地好難學的，因為慣了找錯處）
作者: yankiyan 時間: 20-10-22 15:35
melobi12 發表於 20-10-22 14:29
我頭先同admissions confirm左學生nationalities：
40% HKSAR
Thanks for the information
作者: lucky0123 時間: 20-10-22 16:20
你打去Yew Chung 問下，我幾個月前問仲有位....我之前幾個月打去問過NAIS, 當時職員話大潭易排啲，叫我交咗application form 先 (and application fee is waived for this year application), 之後過咗兩三個月，就打俾我問仲有冇興趣（我估係有人走），但因為當時有另一間offer, 所以就無去in 到....所以覺得排下排下可能有位....
作者: SISian 時間: 20-10-22 17:00
今年免申請費！咁應該都幾缺人，唔怪得知佢登廣告係BK話可以2021年1月入學
作者: imokifurhapi 時間: 20-10-22 17:46
SISian 發表於 20-10-22 17:00
今年免申請費！咁應該都幾缺人，唔怪得知佢登廣告係BK話可以2021年1月入學
...
本帖最後由 imokifurhapi 於 20-10-22 17:49 編輯
本帖最後由 imokifurhapi 於 20-10-22 17:48 編輯
NAIS early years 免application fee. 佢地regard Year 1 as early years. 佢地2020-2021 Lower Kindergarten 收齊人了，下年要有人走先有位。
作者: SISian 時間: 20-10-22 17:56
本帖最後由 SISian 於 20-10-22 17:58 編輯
回覆 imokifurhapi 的帖子
Last year need to pay even for Early year according to my friend, correct me if i am wrong.
Good luck anyway
作者: lucky0123 時間: 20-10-22 17:58
可能遲d會有人走都唔定...你排定先...我有個朋友以前報咗FIS,2年後突然叫佢interview...然后收咗佢個仔...另外，你真係可以試吓打俾耀中問吓...當時我打俾佢哋，佢話入咗要買debenture, 所以我先冇報...
作者: yankiyan 時間: 20-10-22 18:29
lucky0123 發表於 20-10-22 17:58
可能遲d會有人走都唔定...你排定先...我有個朋友以前報咗FIS,2年後突然叫佢interview...然后收咗佢個仔... ...
Ycis既debenture退學時係會全數退回
作者: h0146406 時間: 20-10-22 19:25
imokifurhapi 發表於 20-10-22 13:34
我身邊既親戚朋友唔係IS圈子，資訊都只是在網上得到，所以唔sure，明白要親身了解才清楚(emoji)(emoji)剛 ...
作者: poonseelai 時間: 20-10-22 20:15 標題: 回覆樓主:
樓主，見你出嘅post同回應都知你好desperate, 但感覺你因為"感到"LS好谷好辛苦，而選IS。你話而家做好多係為報直私，估計你之前應花了不少時間去了解，其實選IS都要花心思時間，唔係那間易入就入。入咗去才發現唔係自己要嘅，又再轉？放鬆D，比D時間自己慢慢睇，year 1 入唔到又唔係世界末日
作者: 細佬Bebe 時間: 20-10-22 22:36
poonseelai 發表於 20-10-22 20:15
樓主，見你出嘅post同回應都知你好desperate, 但感覺你因為"感到"LS好谷好辛苦，而選IS。你話而家做好多係 ...
同意 今年相對易入 尤其是一啲性價比唔高/新校/半新校 要有一個位真係唔難
反而 如果太desperate 好易入左呢啲 曬錢事少 轉校轉泥轉去 對小朋友既成長唔係咁好
我都贊成多花時間去了解唔同既IS真係好鐘意邊間 小朋友適合邊間 今年入到就入 入唔到就下年 下下年
入到寶校都唔會小一就學壞 既然樓主都咁肯搬屋 係咪都可考慮搬去一啲多啲好津校既區 樓主又出得起錢 又肯搬屋 其實係選校上已少好多constraint
係樓主咁多回應裡 好似都睇唔到鐘意IS邊方面 或覺得小朋友適合IS
其實IS都有寶校 IS也不是間間都好 仲要俾萬幾兩萬一個月學費 （有幾間我自己就唔會俾錢去讀 送俾我都要唸唸） IS也有IS既缺點
建議花多啲時間考慮同揀
財不用急門 好既學校不易入
作者: 細佬Bebe 時間: 20-10-22 22:47
melobi12 發表於 20-10-22 10:46
未親身接觸過AIS學生又唔好斷定佢discipline 唔好。我早兩星期聽左佢個admissions talk，感覺都良好喎。反 ...
我近來身邊就有一個唔係真心鐘意IS既媽媽 由小學開始考慮轉返LS 今年有間地區band 1B LS中學收 勁想轉去
點解想轉返LS 原因好多：
因為太hea.. 無功課... 小朋友連學校咁少既功課都唔做.. 見到啲LS小朋友好刻苦好多功課好叻.... 識好多野... 讀IS咩都唔識曬錢.... 十萬個理由
其實真正原因係local mom土生土長 身邊又多LS Friend 本來都唔係100% buy IS
好彩最後爸爸(受西方教育）唔肯
如果唔係 小朋友好慘 由IS轉LS人間地獄
佢個間IS係有錢都未必入到 成績好好 爭崩頭先入到
作者: 細佬Bebe 時間: 20-10-22 23:11
imokifurhapi 發表於 20-10-22 09:33
本帖最後由 imokifurhapi 於 20-10-22 09:33 編輯
我最驚就係入寶校，升band 3 中學，學壞。我住個區校 ...
想回應你所講 考K1全炒 你覺得而家直私無望
我同意考直私係好癲 好難 好大壓力
想分享一個case 有個朋友仔仔 K1都入唔到個啲勁既幼稚園 入左York York好谷 佢地都用左好多錢同心機外補 最後盡哂力
兩手準備 努力考直私 加搬去名校網（由九龍搬去港島）
最後考唔到直私 大抽獎也抽唔到好既 但靠叩門入到一間港島超名津 叩門係靠實力 聽佢講好似叩門千幾人爭一個位 佢而家係個間名校讀得好好 所以三歲唔係定80
直私係好難考 考唔到唔係小朋友唔叻 只係唔係最「叻 （係個個遊戲下既定義）」 個唔知幾% 同埋頭幾年主要係父母既努力 好多媽媽犧牲整個career同幾年既life去考 唔係一個公平既競爭
係咪因為小朋友唔係LS頭幾年最「叻」個尖端而係K2放棄LS
樓主連由大埔沙田個頭搬去港島都考慮
其實係咪可兩手準備？ 一方面繼續考直私 另一方面搬去大抽獎好啲既區？ 你考直私都要英文叻 呢樣將來考IS(到真係覺得IS適合）都有幫助
我身邊真係唔少 唔係真係咁buy IS既家庭揀左IS都有後悔同家庭摩擦 真心唔希望你因為一年半年既壓力而步佢地後塵
另外 先生100%同意轉IS嗎？
作者: 964000 時間: 20-10-22 23:41
細佬Bebe 發表於 20-10-22 23:11
想回應你所講 考K1全炒 你覺得而家直私無望
我同意考直私係好癲 好難 好大壓力
係架，如果唔係真係buyIS, 只係臨時用來作「避難所」，真係無謂入IS, 到時好似求其搵一間跟住嘥左錢又唔開心。
每年考完直私都不少人在這裏求救話要臨時臨急搵間IS救命，其實可能對IS一切都不大淸楚，如果唔係你想要嘅野，可能之後又後悔架。
作者: sasa_0209 時間: 20-10-23 08:39
回覆 964000 的帖子
Can't agree more!!!
作者: melobi12 時間: 20-10-23 08:49
細佬Bebe 發表於 20-10-22 23:11
想回應你所講 考K1全炒 你覺得而家直私無望
我同意考直私係好癲 好難 好大壓力
講得好啱。
一心預備入直私嘅家長其實本身個mindset同欣賞IS嘅家長係好唔同（起碼我身邊嘅朋友係），佢地係真心擔心IS學唔到嘢、真心唔明IS教學方法如何可以帶出佢地仔女嘅潛力。如果抱呢個心態入IS，第時真係會好唔開心，家長亦會努力將LS嗰套學習方法套落IS小朋友身上（老實講，我就唔想自己小朋友學校有咁多呢類家長... 最好大家理念一致會相處愉快啲）
兩公婆意見一致都好重要，如果一個支持一個唔支持，第時教育上有咩少少唔愉快，唔支持嗰個就會好唔高興，必然搞到有磨擦。
作者: poonseelai 時間: 20-10-23 09:21
imokifurhapi 發表於 20-10-22 00:07
我真係好大壓力，一諗到個仔要考小一我就瞓唔着。 其實佢英文又唔夠好，我都驚佢應付唔到國際學校嘅 ...
樓主唔好介意我多口，要求一個非以英-
語為母語的4/5歲孩子講英文要grammar 無錯是否要求太高，是否現實？我孩子ib school 初小時作短文串錯字，但知佢寫什麼，老師也會比good, 你可以接受嗎？Learning English should be fun, 孩子感到壓力可能會抗拒㗎
作者: Tanyafish 時間: 20-10-23 13:34
細佬Bebe 發表於 20-10-22 23:11
想回應你所講 考K1全炒 你覺得而家直私無望
我同意考直私係好癲 好難 好大壓力
Very well written!
作者: 964000 時間: 20-10-23 21:23
melobi12 發表於 20-10-23 08:49
講得好啱。
一心預備入直私嘅家長其實本身個mindset同欣賞IS嘅家長係好唔同（起碼我身邊嘅朋友係），佢地 ...
【功課壓力】國際學校港媽投訴沒有功課 外籍教師媽媽不解：香港人很喜歡做功課？
這位外國媽媽朋友，她曾是一位老師，因丈夫來港工作關係，一家都搬到這裏，女兒入讀國際學校小一。最近和她見面，她好奇地問：「本地人是否很喜歡做功課？」
何出此言呢？原來她在女兒班的家長what’s app組群中，見到有些父母投訴沒有功課，對於這位在外國教育制度長大又曾經任教過的媽媽來說，確實有點費解。
外國媽媽繼續慨嘆：「有一次接放學，和家長們閒談，她們很多都不大滿意子女的成績，我以為這些同學有學習問題，所以再問清楚小朋友校內的學科評估如何，看看我能否幫助他們。怎料，這班孩子的學術表現全都比我的女兒好，屬於平均以上的優異成績，為何他們仍然覺得孩子不夠好？還要他們多點補習、做多些功課呢？」
媽媽朋友真心想知道：「既然要追求成績，又想多功課，為何不讀傳統學校，反而要讀國際學校呢？」
我只能說：「父母雖然帶子女逃離傳統教育，但傳統教育思想卻根深蒂固地離不開父母的心！」
其實，這和某種移民心態很相似，這些家庭移民外國，因為嚮往當地的某些條件，但他們沒有真正融入當地生活，沒有認真交外國朋友。相反，他們把自己牢固的文化植根到外國，朋友告訴我，很多移民外國的中國人，子女在當地學校放學後，還要返另一所為當地移民開辦的中文學校繼續上課補習。
曾經，形容外國長大的亞洲人為「香蕉」，因為他們外表是黃皮膚的亞洲人，但內裏卻擁有白皮膚的思想。現在，我認為很多移民外地的，都是芒果糯米糍，外在看似有外國生活的形態，骨子裏卻仍然傳統，沒有想過要改變文化。聰明的商人，趁機在糯米糍國度興建芒果區，讓芒果粉絲安心生活！
文化和教育是多樣化的，文化教育背後各有其獨特理念。所以我不反對傳統的，有些人適合傳統生活，有些孩子亦適合傳統教育。
但當你選擇了你想要的文化，卻又不認同其價值，並強加自己慣性的思想在其中，這才是問題。這也是很多想改革的直資學校最終也趨向傳統教育的原因。
作者: 964000 時間: 20-10-23 21:24
「突然」轉軚的家長請先看看這篇，千萬不要盲目選擇IS, 真係不是個個家庭適合。
作者: jane__411 時間: 20-10-23 22:22
回覆 SISian 的帖子
其實今年報一些IS真係易啲著數啲，但其實好多一樣唔易入加無位，例如HKIS、CIS、FIS、ESF等都係難有位，如果學費較貴、校舍較差、不是行IB和新校的確比較容易，但又真係未必岩心水，所以真的要小心選擇
作者: SISian 時間: 20-10-24 09:30
jane__411 發表於 20-10-23 22:22
回覆 SISian 的帖子
其實今年報一些IS真係易啲著數啲，但其實好多一樣唔易入加無位，例如HKIS、CIS、FIS、 ...
如果樓主喜歡那些學校，都唔好排除人人話熱門冇希望就唔報，報了可能有意外結果，身邊不少實例證明，學校都係做生意，在校家長只會話你知自已學校難入，祝好運
作者: 钧熹 時間: 20-10-24 11:39
應該話，入到都話易，入唔到都話難。國際學校其實都種類繁多，確定要行呢條路，建議先入新校，再轉心儀學校。畢竟在校有語境學英文係唔同嘅。國際學校教學方式亦不同，學制也有很多種。
作者: jane__411 時間: 20-10-24 14:53
本帖最後由 jane__411 於 20-10-24 14:54 編輯
回覆 SISian 的帖子
其實你自己有無報過或者讀緊，大家話難果啲大家都排緊隊連等assessment 都未有消息，至少我係
作者: 964000 時間: 20-10-24 15:45
jane__411 發表於 20-10-24 14:53
回覆 SISian 的帖子
其實你自己有無報過或者讀緊，大家話難果啲大家都排緊隊連等assessment 都未有消息， ...
現在還早，IS好多時wait wait 下就會call你in, in完wait wait 下又會有位，萬一冇位明年又再in再wait, 終於會有位
沒有priority的FIS可能要到一月先call 人in, 不同local school, 申請IS要比D耐性，因為無定向in人call人。
作者: SISian 時間: 20-10-24 16:32
回覆 964000 的帖子
終於有過來人明我講乜，俾個讚你
作者: jane__411 時間: 20-10-24 16:52
本帖最後由 jane__411 於 20-10-24 17:50 編輯
回覆 964000 的帖子
我知你講乜，但呢樣係另一個難題，有啲roll over左兩三年都無消息，留在LS太耐比你入到英文程度通常都唔達標，所以都會正常咁多offer之中揀間最好入，咁之後等到難入果啲有位又轉，再好啲又轉？咁咪成日轉校？同埋想問有無過來人，如果心儀的學校一個小朋友有位，另一個小朋友無，係唔係入咗因為sibing都一定入到？
作者: 964000 時間: 20-10-24 18:22
jane__411 發表於 20-10-24 16:52
回覆 964000 的帖子
我知你講乜，但呢樣係另一個難題，有啲roll over左兩三年都無消息，留在LS太耐比你入 ...
邊有咁多來轉呀，你估local school, band 1率逐個%咁比較去逐級轉校打怪獸咩？轉得多對小朋友社交都不好。
如果讀得正常又開心，我覺得至多冇龍中轉去龍校，新校轉去well established 學校，否則除非個間學校真係好值得好值得轉，如果唔係到中學因應需要先再轉啦。
如果讀緊課程有不適合或遇到社交問題才考慮中途轉吧。
Sibling入左都要另一個都適合間學校而佢自己又想先轉架，大大下小朋友都有主見架嘛，要尊重佢架。
作者: Moonlight819 時間: 20-10-24 19:38
其實如果想入IS，個人經驗和觀察身邊人所得，真的越早越好，因為幼稚園IS只考小朋友聽講算是較易，但越高年班，要考的英文能力越高，例如寫作和閲讀，而一般較好IS的學生和一般津校的英文程度起碼差幾年，所以IS轉IS會較為易，識得有小朋友LS（好的傳統學校）轉去IS, 一些時間後老師跟家長說小朋友的英文尤其寫作未達程度。
作者: poonseelai 時間: 20-10-24 20:04
Moonlight819 發表於 20-10-24 19:38
其實如果想入IS，個人經驗和觀察身邊人所得，真的越早越好，因為幼稚園IS只考小朋友聽講算是較易，但越高年 ...
一般LS, 英文係2nd language, 而 IS 係母語水平
| 歡迎光臨 教育王國 (/) |
Powered by Discuz! X1.5 |