教育王國

標題: 想幫姪女問幼稚園 [打印本頁]

作者: dear_jack 時間: 20-10-18 13:46 標題: 想幫姪女問幼稚園

姪女一家住喺長沙灣，嚟緊升讀幼稚園，想問區內有冇邊間幼稚園冇咁大壓力🙏🏽

作者: piglover 時間: 20-10-18 18:06

dear_jack 發表於 20-10-18 13:46
姪女一家住喺長沙灣，嚟緊升讀幼稚園，想問區內有冇邊間幼稚園冇咁大壓力🙏🏽 ...

咩叫無壓力？好多時係家長自己比壓力自己。
朋友A小朋友，幼稚園K1教10以內拆數。
朋友B小朋友識Phonics，識blending。
到時你又會比較，又會擔心。

你嘅心態係happy嘅，讀谷校都可以讀得好happy。(利申: 小朋友讀好谷嘅幼稚園)

你嘅心態係比較，成日擔心嘅，Happy 幼稚園都可以好唔happy. (我有朋友就係咁，幼稚園嘅程度適中，又happy，但她又擔心自己小朋友落後。)

作者: lavender_mum 時間: 20-10-18 19:12

piglover 發表於 20-10-18 18:06
咩叫無壓力？好多時係家長自己比壓力自己。
朋友A小朋友，幼稚園K1教10以內拆數。
朋友B小朋友識Phonics， ...

有D好谷嘅學校會成日搵家長傾偈，要求小朋友返學前要做定乜乜物物/追交功課etc，樓主本身想冇壓力，好自然想避開以上學校。好少人心態想happy school但走咗去谷既學校

情況就好似你想食西餐，做咩無端端去日式餐館，到最終只能夠點沙律

作者: piglover 時間: 20-10-18 21:37

lavender_mum 發表於 20-10-18 19:12
有D好谷嘅學校會成日搵家長傾偈，要求小朋友返學前要做定乜乜物物/追交功課etc，樓主本身想冇壓力，好自然 ...

我小朋友讀人地口中好谷嘅幼稚園，但完全無你講嘅情況。

唔會話要返學前要做定乜乜乜，反而叫家長唔好預先教定，話學校會教。

好多人成日道聽塗說，其實，問用家才是最實際。

作者: SiuWaiMM 時間: 20-10-18 21:58

多嘴講一句，點解唔係小朋友父母緊張D，佢地自己就應該要做功課搵學校啦，根據自己女兒性格或者未來打算，再集中幾間學校，問用家，會更清楚D。始終小朋友只系你侄女唔好咁擔心啦～（多嘴一句而已，唔好介意。）

作者: lavender_mum 時間: 20-10-19 11:29

piglover 發表於 20-10-18 21:37
我小朋友讀人地口中好谷嘅幼稚園，但完全無你講嘅情況。

唔會話要返學前要做定乜乜乜，反而叫家長唔好預 ...

香港所謂谷既學校相信唔止一間，我就唔敢講自己知道哂每一間既情況，更加冇可能親身讀晒咁多間，所以都係聽身邊嘅朋友分享。而且網上世界根本就好大機會俾人亂吹水，邊個先係真正用家都係疑問

其實樓主嘅問題都好straight forward,俾咩地區 + happy school。可惜我不熟呢區，俾唔到啲有用意見

作者: fongannie 時間: 20-10-19 17:38

小朋友有讀譚華正夫人幼稚園，保良局嘅，我見比同區幼稚園冇咁大壓力，D老師又有愛心，成日好似一家人甘，小朋友學到野又番學番得開心

作者: dear_jack 時間: 20-10-19 17:56

回覆 fongannie 的帖子

Thanks!想問下有冇得參觀架?姐係開放日果啲

作者: fongannie 時間: 20-10-19 18:14

回覆 dear_jack 的帖子

嚟緊好似24號有開放日，可以去睇睇

作者: bbba05 時間: 20-10-19 23:19

dear_jack 發表於 20-10-18 13:46
姪女一家住喺長沙灣，嚟緊升讀幼稚園，想問區內有冇邊間幼稚園冇咁大壓力🙏🏽 ...

可以考慮吓基督教服務處李鄭屋幼兒學校，全日制，尤其適合雙職父母。

歡迎光臨教育王國 (/)