教育王國
標題: 所謂小朋友受唔受谷 [打印本頁]
作者: skb2015 時間: 20-10-18 07:02 標題: 所謂小朋友受唔受谷
請問大家係點理解同介定自己小朋友係咪谷得果類？
我小朋友讀緊happy school券幼，功課唔多每日好快做晒，只外補phonics。佢間唔中會扭計唔做我買的練字習作，但要迫的話角力一輪都會做。
我揀學校唔知應唔應該揀好谷的（報名時報左唔同類型的學校），老公話谷到黎佢就受到架啦。請問大家點睇自已小朋友係咪受得谷果類型？謝謝
作者: qpalzm 時間: 20-10-18 07:30
本帖最後由 qpalzm 於 20-10-18 07:31 編輯
回覆 skb2015 的帖子
我有兩個小朋友, 兩個都讀學卷幼稚園。
大個個幼稚園個時只做返學校個D功課, 無特別逼佢做其他, 買左個D練習好多剩左未做, 亦唔會自己主動攞起本書, 同佢睇又唔專心。
細個個呢, 學左的野自己溫習, 識寫的字鐘意自己寫下寫下, 以前大個個做剩D練習全部做晒, 之後再買做完一本又一本。攞起本書叫你讀比佢聽, 一本又一本, 你講到口乾都未比你停, 間唔鐘又會攞起自己讀。
觀察下好易知邊個谷得。
學校一定要合適, 谷的學校你谷人都谷, 如果小朋友唔受呢套, 日日困獸鬥好辛苦。我親眼目睹好多名小case, 小朋友配合唔到學校模式, 日日比老師打黎投訴叫你退學, 小朋友返學又唔開心, 絕對唔過癮的。
作者: Ericci 時間: 20-10-18 08:56
qpalzm 發表於 20-10-18 07:30 
回覆 skb2015 的帖子
我有兩個小朋友, 兩個都讀學卷幼稚園。
作者: 艾艾 時間: 20-10-18 13:29
skb2015 發表於 20-10-18 07:02
請問大家係點理解同介定自己小朋友係咪谷得果類？
我小朋友讀緊happy school券幼，功課唔多每日好快做晒， ...
作者: 水泥媽媽 時間: 20-10-18 13:50 標題: 回覆樓主:
有邊間直私係谷，邊間唔谷？
作者: Charlotte_mom 時間: 20-10-18 15:21
本帖最後由 Charlotte_mom 於 25-6-10 15:51 編輯
Delete
作者: miss0101 時間: 20-10-18 16:05
本帖最後由 miss0101 於 20-10-18 16:06 編輯
qpalzm 發表於 20-10-18 07:30
回覆 skb2015 的帖子
我有兩個小朋友, 兩個都讀學卷幼稚園。
我仔較似你細仔，不過唔鐘意寫中文字，
英文，數學就明顯鐘意好多。。都唔知算唔算谷得
鐘意睇書，學完又會講返故事比我地聽，
睇書又係不停叫我講，我想休息下都唔比，
同埋鐘意做練習，除左中文
mouth:" />
作者: qpalzm 時間: 20-10-18 17:47
miss0101 發表於 20-10-18 16:05
我仔較似你細仔，不過唔鐘意寫中文字，
英文，數學就明顯鐘意好多。。都唔知算唔算谷得
兩個做功課態度大不同, 大個個做功課話佢唔likey, 就一條蛇咁bea係度, 細個個話佢唔likey, 攞埋本練習入房關門, 過一陣自己做完, 出黎將本野扔落你度。
作者: miss0101 時間: 20-10-18 17:58
本帖最後由 miss0101 於 20-10-18 18:34 編輯
qpalzm 發表於 20-10-18 17:47
我細個個乜練習都撈晒, 尤其鐘意認中文字寫中文字。佢k3寫小一字帖, 今日搭車又係咁問我D招牌寫乜。
兩個做 ...
我仔，佢自己學英文，英文唔洗教佢已經識好多字，識讀故事，溝通等。
中文唔識都肯學既，肯去用心寫靚字，但明顯冇英文，數學既熱誠，
數學不停叫我寫題目比佢做，中文要係隔離望住佢做。
咁你細仔放心晒，唔洗叫都自動自覺，成續唔洗粗心。
作者: kimlam953 時間: 20-10-18 18:35
skb2015 發表於 20-10-18 07:02
請問大家係點理解同介定自己小朋友係咪谷得果類？
我小朋友讀緊happy school券幼，功課唔多每日好快做晒， ...
我認為即使小朋友鐘意睇書，學野快, 但抗拒寫字，肯做練習但叫苦連天，再加上手腳慢，粗心大意，都叫做唔受谷。
作者: qpalzm 時間: 20-10-18 19:15
miss0101 發表於 20-10-18 17:58
我仔，佢自己學英文，英文唔洗教佢已經識好多字，識讀故事，溝通等。
中文唔識都肯學既，肯去用心寫靚字， ...
作者: skb2015 時間: 20-10-18 23:34
謝謝大家
我小朋友上課時唔算專心。做功課就睇狀態，多數要有人督促一下會好啲。一般學校工作紙比較簡單，佢亦願意做同做得好快。但我買的抄寫練字習作就成日又氹又哦先做，狀態差時會做成個幾兩個鐘先寫完。不過佢自己會拎圖書同課本睇，心情好時會自動自覺朗讀。
我另一半覺得佢以上的行為心態反映佢係做到同受谷的，同埋佢再大一點會容易講道理叫佢自動波讀書做功課。我就覺得佢比較反抗抄寫記字，覺得佢唔受谷的。
我地報左唔同類型學校，都想趁仲有半年時間俾我地再觀察一下小朋友適合咩學校。
我個人覺得谷的學校多是抄寫功課和點書測驗多。我自己唔怕陪佢做功課同溫書，係怕佢谷唔起之餘又傷晒親子關係...
作者: kenyuenkc 時間: 20-10-19 00:26 標題: 回覆樓主:
受谷既小朋友一般係聰明啲
受谷既原因可能係，佢能力可以應付得到，所以你覺得佢仲有好深既潛質
作者: Azzurro 時間: 20-10-19 08:51
小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀
如果小朋友唔鍾意做，唔係因為做得唔夠，係因為閱讀不足，我認為
所以解決辦法係多閱讀，而唔係強迫做更多作業
幼稚園階段作業涉及中文字或英文字理解問題
理解問題才能寫出來
理解問題需要多閱讀，沒有其他解決辦法
我認為我小朋友受谷
不過我不喜歡谷學校，因為不喜歡小朋友寫作業 
有時間更多閱讀，受益週期更長
作者: miss0101 時間: 20-10-19 09:28
Azzurro 發表於 20-10-19 08:51
小朋友做作業快或者喜歡做作業，係因為已經輕鬆駕馭功課，覺得很過癮
說明平常多閱讀
因為他喜歡看英文圖書，看得明白故事內容，
以及做英文練習時，係自動波不停做，同埋喜歡做。
反而中文決小動力，因為很多字他看不懂，
記得前幾天，他說一本中文圖書，全頁都是字，他看不懂，
打算放棄不去看，後來我閱讀給他聽，他非常喜歡故事內容，
說到口水乾都叫我讀。
所以我決心這半年，幫他記多點中文字，和多閱讀中文書。
作者: kimlam953 時間: 20-10-19 09:50
kenyuenkc 發表於 20-10-19 00:26
受谷既小朋友一般係聰明啲
受谷既原因可能係，佢能力可以應付得到，所以你覺得佢仲有好深既潛質
我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又唔會個喎
反而資質及記性一般那位，主動做功課，寫字靚，經常係黑板主動默寫返認到嘅字（k1時），我覺得呢個叫谷得
作者: miss0101 時間: 20-10-19 10:02
本帖最後由 miss0101 於 20-10-19 10:03 編輯
kimlam953 發表於 20-10-19 09:50
我家聰明啲那位是不受谷，佢k2已睇chapter book, 百科全書 documentary 但叫佢寫字會拖拖拉拉。自己寫書又 ...
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，
不過我覺得香港教育制度就是，
Happy都係要抄寫，除非某些私校/國際學校先唔需要。
學校唔谷，就要靠家長用自己方法同個小朋友溫習，唔係都係跟唔上。
作者: kimlam953 時間: 20-10-19 10:05
miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，
本帖最後由 kimlam953 於 20-10-19 10:34 編輯
我唔知，我個係中英數都唔會鐘意寫。
上年佢有谷小及happy小收，我地幫佢選左happy小。而家當然覺得選得啱，因為真係俾到空間佢改及慢慢進步。
好似默書咁，人家津校已默左幾次中英默，我地下星期才第一次英默，仲要默好簡單嘅字。但呢個星期六我見佢好有自信咁自己溫自己改，又真係覺得慢啲係可培養到學習興趣又者唔抗拒先啦（只係我小朋友係咁，我知呢到好多天才仲要好自律個隻，好可惜我個唔係，所以麻煩非喜勿插）
作者: mcl203 時間: 20-10-19 12:03
miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，
我估，受唔受谷係視乎學校嘅教學模式和要求，並非來自家長。學校唔谷，小朋友就自然輕鬆得多，家長配合學校指示就已經OK。除非，家長目標係超前教育，為以後去插班～～～
作者: 小曳人 時間: 20-10-19 12:11
其實我唔知咩叫受谷，不過如果轉一轉，小朋友肯唔肯坐定定、快快手做功課，咁會唔會簡單d呢？
唔願意可以有唔同原因，未必同聰唔聰明有關，而KG時合作，亦唔代表上到小學會合作，所以，要估埋小朋友性格發展...
不如咁講，除咗問孩子谷唔谷得，不如問埋自己想唔想貼身跟功課
作者: minichong28 時間: 20-10-19 12:39
回覆 小曳人 的帖子
同意呀, 如果家長肯花精神時間去跟功課, 其實小朋友係可以谷到的
作者: 993rs 時間: 20-10-19 13:45
唔受谷既小朋友係...
你唔迫佢固然唔會自己做，你迫+從旁指導都好，依然做得好慢、好易出 careless mistake、繼而更慢。academic 所有事都冇成就感，越來越冇興趣，但功課唔可以唔交、書唔可以唔溫既情況下，家長只有繼績嚴緊地緊跟，小朋友感到壓力，情緒慢慢谷到爆返出來，而佢爆多幾次、家長都頂唔順，爆返佢轉頭，始終無助做功課、測考。最終全家情緒都受到極大牽動。
但搞清楚，呢種小朋友唔代表冇長處，亦唔代表讀唔成書，我相信搵到佢有興趣既事、好奇心，依然可激發佢對知識既探求，從而回歸到書本，只係傳統學制無法cater 到。
受谷既小朋友....
學術上係醒d，就算明知佢係懶、甚至唔鐘意某科目、抗拒都好，你迫佢、佢點都會快快手搞掂，然後做佢鐘意既野。搵到方法 trigger 到佢，甚至可以超額完成。我小朋友好憎中文認字、但好鐘意比賽，當年將要測考既中字做左套字卡比佢，同佢比賽鬥快認字（當然我讓賽），佢一、兩日記得晒要記既字。
作者: 993rs 時間: 20-10-19 13:52
其實受唔受谷、同揀咩學校冇必然關系。佢唔受谷當然可選擇情況下揀d冇咁谷既學校，佢受谷為何一定要揀谷既學校？換一個角度，我覺得受得谷既小朋友更加需要系活動教學既地方學習，令佢更適應日後多變既社會。呢樣反而係家長想小朋友接受什麼類形教育既問題。
作者: kimlam953 時間: 20-10-19 14:12
993rs 發表於 20-10-19 13:45
唔受谷既小朋友係...
你唔迫佢固然唔會自己做，你迫+從旁指導都好，依然做得好慢、好易出 careless mistak ...
本帖最後由 kimlam953 於 20-10-19 14:29 編輯
我大個，你以上所講嘅谷同唔谷嘅特徵都有，但我都覺佢係唔谷得，要迫先做，即使做得好，我覺得都係唔谷得嘅特徵
或者咁講，我覺得谷得嘅定義係小朋友做唔鐘意嘅學習時，能否仲乖乖咁去做？態度才是谷唔谷得嘅重點吧（我覺得）
作者: kimlam953 時間: 20-10-19 14:56
993rs 發表於 20-10-19 13:52
其實受唔受谷、同揀咩學校冇必然關系。佢唔受谷當然可選擇情況下揀d冇咁谷既學校，佢受谷為何一定要揀谷既 ...
我同意你所講
作者: EudyptulaMinor 時間: 20-10-20 00:52
miss0101 發表於 20-10-19 10:02
如果抄寫中文字拖拖拉拉,抄寫英文樂意，抄寫數學喜歡，
是不能谷中文，但英，數受谷嗎，
我女就係唔願意抄寫中文，英數好谷得，課外練習我不停買，佢一有新嘅就不停做，做到我叫佢停都唔肯停，仲逼我唔瞓覺陪佢做，依家復課我就唔再買練習，唔俾佢晚晚咁夜瞓。我諗佢只要唔係抄寫中文字就好谷得，仲係自谷唔洗我操心，可惜我哋起步遲，暫時咩offer都冇，2nd in都未有，一切隨緣，我都係會揀唔催谷小學。
作者: mnhk 時間: 20-10-20 07:20
谷唔谷得同讀唔讀到書可以係2回事，有小朋友唔鍾意做功課但可以好叻，有d可以做勁多抄寫功課但唔理解課本講乜。
所以你揀一間適合佢地既學校較重要
作者: miss0101 時間: 20-10-20 12:42
EudyptulaMinor 發表於 20-10-20 00:52
我女就係唔願意抄寫中文，英數好谷得，課外練習我不停買，佢一有新嘅就不停做，做到我叫佢停都唔肯停，仲 ...
作者: fwstides 時間: 20-10-21 14:50
mnhk 發表於 20-10-20 07:20
谷唔谷得同讀唔讀到書可以係2回事，有小朋友唔鍾意做功課但可以好叻，有d可以做勁多抄寫功課但唔理解課本講 ...
天才波
大個成就更高
作者: valentinored 時間: 20-10-24 15:28
我兩個小朋友讀同一間學券happy 幼稚園, 功課超簡單, 兩個人會自動完成, 但大B整整齊齊, 細B歪歪斜斜, 我無因為性格去搵學校, 事實亦根本不由我控制, 結果大B在傳統小學尚算穩定, 細B的求求其其性格在直資也”發揚光大”, 有時我會諗, 如果細B也在傳統小學, 馬虎性格可能會稍稍收斂
| 歡迎光臨 教育王國 (/) |
Powered by Discuz! X1.5 |