教育王國
標題: 如果再選擇一次，你們會幾時開始讀國際學校？ [打印本頁]
作者: kml32 時間: 20-9-25 10:23 標題: 如果再選擇一次，你們會幾時開始讀國際學校？
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上年已經同大嗰個考直私。依家細嘅都要準備，因為性格不同,開始explore 國際學校.
其實我們長遠都係認同國際學校的教學模式, 只係時間問題，所以曾經有閃念，如果細嗰個考到，大嗰個都會一齊轉IS.
經過一段時間的資料蒐集, 自己都思考掙扎過, 亦請教過各位師兄師姐. 最後都是決定，好大機會在LS 完成primary (or lower primary), 之後先會轉IS
其中一個原因係中文問題(相信很多師兄師姐都已經討論過). 但另一個原因, 其實係文化根基。當然，每一種語文都有其實用性，英文無疑仍然是全世界最通用語言，中文亦將會成為下一趨勢，但另一方面，我們希望小朋友有自己一個文化根基，知道自己在哪裏出生，自己的社會文化是怎樣，咁樣到時佢大個咗，就算係一個世界公民，都唔會係一個浪人，我覺得咁樣對佢哋嘅一生會踏實好多。
當然都衡量過輕重，知道如果係year 1 ( or even reception) 盡早IS, 學習效果可能更好，英文更加native。而且如果遲啲入, 條隊有可能排耐啲, 難度亦可能提高左。但係針冇兩頭利，始終都要有個取捨。
我們暫時選擇了LS 讀幾年先, 打好兩文三語基礎，鞏固文化根基。同時都留意住IS動向, 過幾年再抉擇.
如果大家再選擇一次，你哋又會幾時開始讀國際學校呢？（純粹意見交流，不喜勿插）
作者: bobo1015 時間: 20-9-25 10:59
我小朋友K1已經開始讀國際學校，主要係唔想佢去適應兩種唔同教學模式，我想細細個就開始，對佢語言發展亦都好啲
作者: 0030 時間: 20-9-25 11:01
N班
作者: lovebb2 時間: 20-9-25 11:11
kml32 發表於 20-9-25 10:23 
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上 ...
Same
作者: Choochootrain 時間: 20-9-25 11:14
G1去IS，想有小小中文概念
作者: siuwing6 時間: 20-9-25 11:22
雙語既國際學校(N至小學)偏英既國際學校(中學)
原因係: 細個時接觸返多D中文,會無咁抗拒.
如果幼稚園個時全英,佢對中文既概念係極小,到小學個時已定型,比較難說服佢去學中文
作者: kinder.bb 時間: 20-9-25 12:02
升4/5年級時
1. 中文有一定程度, 平衡父母要求
2. 家長/小朋友避免呈分的無謂壓力
3. 如升6先轉, 小朋友可能反會想同學生一齊度過最近一年, 一齊畢業; 到升中先轉, 又怕大家同一諗法, 競爭大咗
作者: Jane1983 時間: 20-9-25 12:23 標題: 回覆樓主:
Identity，唔係一個浪人，呢樣係好重要。幾時讀國際，讀邊類型國際，可能有影響，但屋企點教，父母點身教，係無可取代的。
作者: winglau82 時間: 20-9-25 12:24
囡囡喺LS讀咗兩年，今年轉咗去讀year 4，我覺得timing好好：
1）有d中文基礎：被編入near native中文班，出乎意料之外，原來國際學校中文都可以有文化
作者: puiyima 時間: 20-9-25 12:31
小一至小三 讀LS， 跟住轉IS，因中文已有一定基礎，雖然英文相對IS 同學差，但相信還有時間可追
作者: kml32 時間: 20-9-25 12:34
siuwing6 發表於 20-9-25 11:22
雙語既國際學校(N至小學)偏英既國際學校(中學)
原因係: 細個時接觸返多D中文,會無咁抗拒.
請問有冇target 邊一間IS? 我哋就傾向一啲 mix 多d 既
作者: Moonlight819 時間: 20-9-25 12:45
其實針無兩頭利，我覺得如果家長著重中文，可以選些較重視中文的IS，因為如果想小朋友英語發音較native，讀完Kindergarten(莫説是初小）已很難做到，所以我自己小朋友一開始已選擇了IS.
作者: melobi12 時間: 20-9-25 13:29 標題: 回覆樓主：
本帖最後由 melobi12 於 20-9-25 13:31 編輯
我小朋友只得K2，我地俾佢由K1 開始入IS，主要係認同教學理念。
呢兩年嚟都去過好多學校school tour, open day，發現原來不少IS係刻意教授中國文化，比起我小時候喺local school 更加多「中國文化」嘢學。
家庭教育都好重要，傳統節日點過、父母鍾意睇咩書，有冇接觸下啲國畫、書法 etc 呢啲，都好影響小朋友對中國文化嘅認識。
如果你指嘅係香港本土文化，咁重容易，家長放假其實好多地方可以帶小朋友去參觀同了解。課外活動可以選擇屋企附近社區中心興趣班，小朋友一樣可以同local school小朋友多多接觸同溝通。
只要家長適當配合同安排，我相信小朋友唔會因為讀左IS就冇左自己嘅根。（我自己係朝呢個方向進發）
作者: kml32 時間: 20-9-25 13:30
kinder.bb 發表於 20-9-25 12:02
升4/5年級時
1. 中文有一定程度, 平衡父母要求
2. 家長/小朋友避免呈分的無謂壓力
謝謝提醒， point 3 真係冇諗過
作者: kml32 時間: 20-9-25 13:33
Jane1983 發表於 20-9-25 12:23
Identity，唔係一個浪人，呢樣係好重要。幾時讀國際，讀邊類型國際，可能有影響，但屋企點教，父母點身教， ...
完全認同。我近來成日都諗，而家資訊越來越發達，每日咁多Instant Message, 坐飛機都係幾個鐘. 究竟應該選擇做一個喺全世界生活嘅香港公民, 定還是喺香港生活嘅世界公民. (我自己嘅答案都仍然係前者).
當然, 家庭教育先至係最重要嘅學校, 呢一點係毋庸置疑的.
作者: timzoeydon 時間: 20-9-25 14:31
轉國際學校之前其實有d家長都比較著重小朋友中文。
無可否認中文比較重要，但係我覺得小朋友嘅智力發展同埋創意都唔可以太過忽略。
我小朋友三歲已經揀讀國際學校，完全冇諗過叫佢去試下本地讀幾年再轉，我原因好簡單，就係我都重視小朋友六歲之前嘅智力發展同埋對世界嘅認知。
讀國際學校並唔係中文同英文之間嘅競爭，而係好多時國際學校嘅思維理念，同本地課程根本就南轅北轍。
本地學校要跟課程，重視指令同埋老師認為嘅標準，小朋友只係一個配角嘅形式去配合課程同埋達到學校嘅標準，相反，國際學校係老師同學校一齊去發掘小朋友嘅潛力同埋協助佢哋發展，即使小朋友有的天馬行空嘅念頭，都會得到老師嘅讚賞同埋認同，喺國際學校入邊小朋友自己本身先至係學習嘅主角呢樣嘢好緊要。
雖然小學讀本地課程係賺咗中文嘅能力，但係小朋友呢幾年亦都受到課程嘅規限同埋創意嘅掣肘，亦都會冇咁主動去表達意見同埋組織自己嘅能力，其實失去嘅嘢我覺得會比較多。
所以我建議家長唔好淨係永遠用中文同埋英文嚟比較讀唔讀國際學校。
作者: timzoeydon 時間: 20-9-25 14:38
再補充少少，我小朋友雖然三歲就讀國際學校，但係中文我係自己下功夫去教
佢都暫時都跟得上本地嘅中文課程，因爲我覺得中文其實自己去教或者去補習社學都可以。
但係學校嘅教學模式不能改變，所以家長要三思。
作者: kml32 時間: 20-9-25 14:41
timzoeydon 發表於 20-9-25 14:31
轉國際學校之前其實有d家長都比較著重小朋友中文。
無可否認中文比較重要，但係我覺得小朋友嘅智力發展同埋 ...
謝謝分享, 呢個都係一個新觀點
作者: mandy_ng207 時間: 20-9-25 14:43
timzoeydon 發表於 20-9-25 14:31
轉國際學校之前其實有d家長都比較著重小朋友中文。
無可否認中文比較重要，但係我覺得小朋友嘅智力發展同埋 ...
十分同意
記得有前輩分享轉IS越早越好，因為初小先至係最有價值
IS初小課程係愉快學習，提升小朋友求知欲，激發創意
本地傳統學校課程絕對唔係咁，新派直資學校我就唔太清楚
而我覺得在本地學校讀到四年級以上，思維模式已定型，會跟咗港式個套
正如一些香港學生去外國讀boarding，連埋大學已在外十年八載，但始終要返香港發展，因為思維文化都唔似外地
但好細個讀IS，代價就係小朋友的確似外國人多過香港人，如果你想小朋友似香港人多過外國人，不如搵一間重創意嘅本地小學去讀，可能會比較適合。（我有朋友嫁咗俾鬼佬，定居香港，佢就會安排仔女讀本地直資，就係想佢哋學香港文化）
Just my two cents, 不喜勿插
作者: timzoeydon 時間: 20-9-25 15:00
香港嘅教育制度就係一間兵工廠，訓練將來最聽話既打工仔
香港不斷教小朋友做士兵
就算打仗最叻,身手最好，都始終係一個士兵
我哋唔係要自細受訓練要聽話，守規矩，同埋交最高分嘅功課。
我哋畢業出嚟唔係要做打工皇帝！！
我希望小朋友將來係得到世界上廣泛嘅知識又可以做自己喜歡嘅事
本地課程有時小朋友就算大學畢業之後其實根本就唔知道自己其實最鍾意係啲乜嘢，因為由細到大佢哋都係為咗讀書而去讀書，噉樣其實好恐怖，根本就冇左自己。
作者: siuta 時間: 20-9-25 15:12
本帖最後由 siuta 於 21-5-12 12:31 編輯
Jane1983 發表於 20-9-25 12:23
Identity，唔係一個浪人，呢樣係好重要。幾時讀國際，讀邊類型國際，可能有影響，但屋企點教，父母點身教， ...
- deleted -
作者: yaijing 時間: 20-9-25 15:14
提示: 作者被禁止或刪除 內容自動屏蔽
作者: 964000 時間: 20-9-25 16:03
kml32 發表於 20-9-25 10:23
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上 ...
你問我，沒有懸念，再揀都會由N班開始IS，現在自學中文進度都可以。
其實local家庭加小朋友平日講中文的，係唔會「不懂自己社會文化」，我反而唔想小朋友咁「港女」，始終性格氣質自少培養，不過最終都是由父母自己決定想小朋友如何成長，冇咩所謂。
作者: kinder.bb 時間: 20-9-25 18:10
timzoeydon 發表於 20-9-25 15:00
香港嘅教育制度就係一間兵工廠，訓練將來最聽話既打工仔
香港不斷教小朋友做士兵
反而呀仔一入國際學校, 就有counslor 跟佢, 同佢傾大個想做咩, 有咩大學可以揀.
作者: edltw 時間: 20-9-25 18:42
回覆 timzoeydon 的帖子
我自己都是buy國際學校的理念, 但其實想問番揀英式或Alberta 或美式學制等的國際學校, 對於小朋友啟發思維方面有無大分別? 定係IB 會好啲?
我個仔K1, 一直都係諗住讀國際學校, 唔諗住報直私/local school。
作者: iluvpug 時間: 20-9-25 19:33
如果真係有如果 我都會由幼稚園開始
本人自問並非虎媽 直到大仔k2 由於身邊朋友大部份都係target local school 去到k2 你終於要去面試班低頭 考直私時不停面試不停挫敗不停失望嘅感覺我諗呢世都會記得 但當時經濟環境未許可讀國際學校 到細佬 覺得佢性格非常適合之餘如我對國際學校嘅了解又深左 依家有機會我都盡量想轉走 但我想要去一間比較affordable 嘅IS 所以都係一路等待緊呢個機會
作者: Radiomama 時間: 20-9-25 19:42
edltw 發表於 20-9-25 18:42
回覆 timzoeydon 的帖子
我自己都是buy國際學校的理念, 但其實想問番揀英式或Alberta 或美式學制等的國際 ...
National curriculums對某些國民來説是一個考慮，但無特定的話, IB在國際間有一定認受性。至於Alberta, 聽落有點局限性，就算諗住番加拿大升大學，都無考慮過揀這個。
作者: kml32 時間: 20-9-25 19:44
iluvpug 發表於 20-9-25 19:33
如果真係有如果 我都會由幼稚園開始
本人自問並非虎媽 直到大仔k2 由於身邊朋友大部份都係target local sch ...
大家加油！有心唔怕遲(emoji)(emoji)
作者: timzoeydon 時間: 20-9-25 21:31
回覆 edltw 的帖子
alberta, 英式，美式，IB其實係課程結構有差異, 但主要教小朋友理念冇唔同，都係雙向性，鼓勵性教育
揀邊樣就視乎家長
alberta, 基本上打算返加拿大升學先會揀
IB, 世界公民為目標，基本上好多野都要識，岩外向，social型及會自主學習小朋友，思考，社交，領導力非常著重，反而中學先揀IB會好d，因要好多家長覺得小學IB冇太著重基本功，所以同學之間學術底子可以爭好遠，調返轉好多家長仲要出去補習。
考IB難度較高，因為接近大學水平，而且需要有大量嘅知識及鍾意寫文章，要有豐富嘅語言及本分嘅知識去將所有科目融會貫通，中英文雙語都要非常好
英式，比較有制度及系統, 分科目, 有短期及長期學習目標, 亦都著重群體合作，紀律及學術性，考AL
美式，數理比較重視，培養個人主義精神，上到中學要有自律性，唔會管好多紀律，考AP, 科目選擇極多,可以憑個人自己喜好選好科目去讀, 適合去美國升讀大學。
我個人嘅分析就係噉，其他家長如果有其他見解亦可以補充資料。
作者: kml32 時間: 20-9-25 21:40
timzoeydon 發表於 20-9-25 21:31
回覆 edltw 的帖子
alberta, 英式，美式，IB其實係課程結構有差異, 但主要教小朋友理念冇唔同，都係雙向性 ...
Thanks. 資料好詳細，咁請問小學IPC 佢係大概什麼情況? 如果小學IPC, 中學IB , 可以銜接得好嗎?
作者: sasa_0209 時間: 20-9-25 22:09
回覆 timzoeydon 的帖子
其實就算學校係行加制，都一樣去到英美澳讀書.
最緊要個制度適合你個小朋友
作者: timzoeydon 時間: 20-9-25 22:11
本帖最後由 timzoeydon 於 20-9-25 22:19 編輯
回覆 kml32 的帖子
IPC又係另一個概念
其實佢大致上係用單元去學習
例如今個學期係學太空就會加入寫字或玩音樂玩美術或者教埋計數去學太空嘅所有嘢，下一個學期可能學天然災害，就可能通過一啲科學概念，或者畫畫去學天然災害嘅所有嘢
佢唔會細分中英數科學
而係不停用唔同嘅單元做主題，而通過呢個主題可能我哋都會同時學到中文英文數學科學同音樂。
我覺得其實IB係任何制度都可以銜接上去, 最緊要去到中學嘅時候小朋友反而自己認為自己適唔適合讀IB，鍾唔鍾意寫嘢，又想唔想去積極參與社會活動。
其實IPC個概念都幾好，不過唔多學校用IPC
但實際上其實IPC係會學到好多實質嘢同埋好玩。
作者: timzoeydon 時間: 20-9-25 22:17
回覆 sasa_0209 的帖子
噉如果去英美讀書，如果我小朋友讀書能力唔差，噉我會揀返英制或者美制比小朋友，因為學術程度會強少少，我覺得揀加制嘅小朋友，通常家長都唔係太過著重學術性，會唔想小朋友太有讀書嘅壓力，會比較想中規中矩咁讀上去為主。
作者: yaijing 時間: 20-9-25 23:05
提示: 作者被禁止或刪除 內容自動屏蔽
作者: timzoeydon 時間: 20-9-25 23:54
回覆 yaijing 的帖子
如果美制，佢係某d科特別出色嘅，考AP著數d，同埋佢自己鍾意嘅科目都可以花時間讀得深入啲。
而IB基本上係多方面都要出色，係講綜合能力，另外就係要花好多時間做社會服務同學校活動，要學業同埋個活動都兼顧到先得
可能要小朋友自己諗下究竟佢自己想深入學某幾科，定係自己其實科科都ok, 仲想攪下活動，想挑戰下IB
其實冇邊一個考試制度係最好，都係小朋友就自己性格去決定揀考乜
我都識好多人讀IB學校，中學最後兩年反而去英國考A-level。
其實好多時上到中學，小朋友自己都會決定到
作者: 钧熹 時間: 20-9-26 00:25
回覆 timzoeydon 的帖子
同意，語言不應該成為唯一標準。教學理念更重要
作者: Osiana 時間: 20-9-26 01:42
kml32 發表於 20-9-25 10:23
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上 ...
IS 係思維思考訓練，訓練分析力，發掘潛能，個人性格培養，全人發展，etc。
文化根基唔會因為你讀 IS而改變，呢個係家庭因素。好多人移民去加拿大，澳洲等，唔見得佢地變咗好似外國人咁嘅思維，文化根基會改變。
讀 LS，IS 都好。 不過，樓主你好似好矛盾。 不如你多D了解 IS，再作決定，憑空想像是幫唔到你。
作者: 細佬Bebe 時間: 20-9-26 01:45
timzoeydon 發表於 20-9-25 14:31
轉國際學校之前其實有d家長都比較著重小朋友中文。
無可否認中文比較重要，但係我覺得小朋友嘅智力發展同埋 ...
本帖最後由 細佬Bebe 於 20-9-26 01:55 編輯
我都係唸通呢點俾小朋友3歲開始 我都好重視中文 但未重視到不惜一切
語言雖重要 但有好多方面係更重要
同埋唔可忽略現實裡既競爭 想由LS轉過去嘅話 你本身間LS同自己都唔可太差 咁其實4-5歲時既競爭 係發展上付出既opportunity cost都唔細（為左升小一 填鴨式咁谷 英文要用LS個套學）
中文可以用創意同堅持既方法學 唔係淨係靠學校 （雖然我未成功 但呢度好多前輩都得 我有信心）
同時需要平常心 我好努力同一定會堅持 但學中文（或任何野 甚至乎係讀書呢樣野）都係盡人事 聽天命 小朋友真係唔鐘意唔想學 係佢地個人選擇 當然佢細你可用家長權力迫下 但去到尾都無得強求
一個而家好重要既語言 同20年後更重要既軟實力 我選擇左後者
作者: Osiana 時間: 20-9-26 02:18
細佬Bebe 發表於 20-9-26 01:45
本帖最後由 細佬Bebe 於 20-9-26 01:55 編輯
我都係唸通呢點俾小朋友3歲開始 我都好重視中文 但未重視 ...
我自己理念係先有興趣再學習。
作者: poonseelai 時間: 20-9-26 08:30 標題: 回覆樓主:
十多年前我為孩子由小一選IB school, 因認同IB理念，唔想孩子做DSE試驗品，比較重視中文，選 private independent school and not IS。如果今時今日再選，更加會由小選, 希望孩子有學習自由。
作者: timzoeydon 時間: 20-9-26 08:55
本帖最後由 timzoeydon 於 20-9-26 09:25 編輯
回覆 細佬Bebe 的帖子
冇錯，中文堅持到幾多就幾多，但係你肯堅持同小朋友講中文，其實大過之後佢都一定識同你用中文溝通。
有d家長覺得如果唔識中文，書寫唔得，大個香港做嘢有困難，其實我覺得真係想小朋友讀國際學校係應該希望佢大個學到嘅嘢係適應全世界，唔單止係適應香港，我身邊都有啲小朋友仔細個國際學校，大咗佢做緊自己有興趣既野，同埋有能力去跳出香港，基本上喺邊個國家都可以工作，當然佢中文書寫系好差，但係識用中文同父母溝通其實已經夠，最緊要係佢去到邊個國家，都可以做返自己鍾意嘅嘢，你唔好唔記得，小朋友喺國際學校長大，除左英文，仲可以識多幾種語言可能西班牙文法文其實佢哋嘅通用性係好高。
如果你講中文好重要，噉不如自細著重學普通話學簡體字，世界各地都有好多中國人，基本上都係用簡體字，噉唔係學普通話簡體字嘅實用性仲高咩？
好多家長為咗中文去讀本地學校，成日話為左中文好中文重要，基本上佢哋都有少少自私嘅心態，想小朋友大個都係喺香港做嘢，陪喺自己身邊。
為咗要學好中文而放棄國際學校，其實我覺得點講都講唔通。
作者: Lalaji 時間: 20-9-26 09:00
kml32 發表於 20-9-25 13:33
完全認同。我近來成日都諗，而家資訊越來越發達，每日咁多Instant Message, 坐飛機都係幾個鐘. 究竟應該選 ...
世界公民係我其中一個選擇 讀is嘅主要原因。sad but true， 香港人而家兩邊不是人，去西方國家讀書人，人哋未必包容你。去內地亦都唔當你係中國人。 既然係咁， 我反而希望小朋友冇“根”。去到世界任何角落 都生存到。 就算未必能夠完全融入，都唔會有問題佢理解人哋嘅文化， 尊重人與人之間嘅不同。
至於幾時入， 我認為成個國際學校嘅旅程，最有意思係小學。 因為小學係著最著重思考啟發嘅時候， 而且是小朋友仲細。應該要有一個 快樂嘅童年唔應該只係催谷。
至於中學，其實is一上到中學都一樣會辛苦， 同埋開始重學術。 所以中學先至轉，我個人認為未能夠真正獲得國際學校嘅好處。
但如果想小學轉，一係就喺國際學校year one嘅時間，即係本地學校k3嘅時候轉。 如果唔係就會難入好多，排隊嘅話，可能半個小學時間都已經冇咗。
所以個人認為要入嘅話不如趁早入。
至於中文，其實學校只係擔當其中一個教育嘅部分。小朋友屋企嘅情況，佢身邊嘅朋友或者大人安排嗰啲活動，都可以形成一個中文嘅語境畀佢。 其實好多本地小學都花唔少時間讀詩詞歌賦 。純粹個人見解，對於我嚟講我未必須要小朋友識得呢啲。我只係希望佢能夠讀，寫，講中文都冇問題，溝通 能力好就可以。
一句講曬，我認為溝通能力比語文能力更加緊要。 如果家長係土生土長香港人嘅話。只要你用啲努力 創造下課以後嘅中文語境畀佢， 雖然小朋友未必可以 去到話中文好好，但係去到 中文唔錯，相信唔會太難。
作者: 細佬Bebe 時間: 20-9-26 14:41
Osiana 發表於 20-9-26 02:18
試下用遊戲方式教。 我著重認字先，再加遊戲，有時候會有動作題，有時候會估字。 小朋友會鐘意係爸爸背脊用 ...
What a great idea! Thanks so much for sharing!!
作者: vvmm20 時間: 20-9-26 18:08
timzoeydon 發表於 20-9-25 14:38
再補充少少，我小朋友雖然三歲就讀國際學校，但係中文我係自己下功夫去教
佢都暫時都跟得上本地嘅中文課程 ...
請教小朋友係國際學校讀，用咩方法去教？點提升中文程度又可以跟到本地課程
作者: timzoeydon 時間: 20-9-26 21:32
本帖最後由 timzoeydon 於 20-9-26 21:39 編輯
回覆 vvmm20 的帖子
我自一兩歲已教佢認字，先從生活上，例如行街的路牌，商店的名子，揾一d容易認既，例如小心地滑，行人路，單車徑，大快活，百分百，或者去超市，睇水樽學水字，睇生果又認下價錢牌中英文字及數字，小朋友一路出街一路記，會易記d，又或者地鐵站名
然後，家中少不免都會睇書，不可缺少，但我重來不會叫要小朋友炒
再到3-4歲，有力寫，試下寫d同小朋友日常相關既字，例如公公，坐小巴，玩車，洗手，吃魚，今日有做過既一d事，諗下當中有邊d字易寫就教，因為國際學校基本上中文課程都比較簡單，反而我覺得可以自製一啲教材內容，你想教乜嘢就教乜嘢，唔需要有學校嘅課程規範咗，家長比較彈性，然後從生活上引佢想學多啲同佢相關嘅詞之後先慢慢再教句子。
反而我好少買出面嘅教材，一開頭都儘量引小朋友對中文字感興趣，從佢日常發生嘅嘢著手，因為佢識嘅字一定要佢自己知道係乜嘢同埋佢理解到先去教
再到五六歲先開始買一啲出面嘅習作，但係我會叫小朋友去選擇邊一啲佢感興趣，而且一開頭唔可以對佢中文要求太高，我唔會指責佢寫得唔靚，又或者唔逼佢每日都去接觸，如果去街咁啱見到中文字就會引佢去學，但係返到屋企，唔強求佢一定要做實質嘅練習或者寫字。
有時返屋企都會玩一啲遊戲，例如抽兩張紙卡，會讚佢記性好好想試下可唔可以記到兩個字，然後佢又會覺得玩遊戲，即刻記即刻默，但係我哋呢啲唔叫默書，係叫做玩遊戲，如果佢今日唔想玩呢個遊戲噉我就算，因為一向佢都知道佢有選擇say no, 其實反而唔抗拒。
另外我仲有一個特質，係從來唔要求小朋友跟筆劃寫字，我係希望小朋友見到個字，佢自己聯想點樣寫出嚟，唔想逼佢逐筆逐筆跟指定嘅筆劃去寫，但係小朋友真係用自己方法去記，我覺得佢寫得幾好，其實d字寫咗出嚟根本就唔知道佢啲筆劃有無錯，但係佢就寫咗個字，而且，佢有佢自己嘅方法去記，所以我覺得最緊要佢識字，反而我覺得筆劃唔重要，可能淨係我小朋友係咁，我覺得用喺佢身上都幾有效或者可能有啲家長未必會贊成噉樣做。
作者: sasa_0209 時間: 20-9-26 23:43
回覆 timzoeydon 的帖子
非常贊同！加制就係無公開試，無咩壓力，開開心心上大學
利申：個人親身經驗
作者: edltw 時間: 20-9-28 12:41
本帖最後由 edltw 於 20-9-28 12:42 編輯
回覆 timzoeydon 的帖子
詳細的分析!
我小朋友只係3歲, 諗住幫佢報reception。但咁細個我真係未睇到佢適合邊種教法, 但似乎英式較似傳統適合香港的小朋友?
作者: timzoeydon 時間: 20-9-28 13:40
回覆 edltw 的帖子
如果你冇特別想行邊個制度，噉通常都係揀返屋企附近，或者校車路線方便你的學校，或者岩自己budget
作者: crystalpui 時間: 20-9-29 15:56
kinder.bb 發表於 20-9-25 12:02
升4/5年級時
1. 中文有一定程度, 平衡父母要求
2. 家長/小朋友避免呈分的無謂壓力
作者: crystalpui 時間: 20-9-29 16:04
如果唔駛睇經濟負擔
我個人都覺得由細IS一直上好
思想應該會好唔同
作者: deco99 時間: 20-9-29 23:18 標題: 回覆樓主
呢度一定好多人答由細讀IS，但我識好多LS轉IS嘅家庭，佢哋讀LS果陣都係咁計劃，唔係唔鍾意LS先轉。
I mean no offense，我識好多由k1讀IS龍校家庭，都係唔想煩，佢哋本身對LS都唔多了解，講到LS就認為係傳統教學。事實上新派直資私校好多都唔係填鴨式，我都聽人評價過某些校係講中文嘅國際學校。
回答你嘅問題，如果係讀sis，cky，vsa呢哋重視中文嘅ib學校，我會揀由細讀起。如果係esf呢哋Chinese for fun嘅學校，我會先揀新派LS讀完三至五年小學先轉。理由好簡單，我唔想放學再補中文，我亦唔想自己教。所有選擇都有得有失，只要小朋友鍾意返學，其實初小讀邊間都無乜所謂，有時係家長太執著。
作者: timzoeydon 時間: 20-9-30 00:32
回覆 deco99 的帖子
其實我覺得你又唔好誤會每個家長認為本地嘅學制就等於填鴨，我哋亦都知道唔係間間本地學校都填鴨，而係我哋明白到本地學校就算幾似國際學校都好，本地制課程就係本地制課程，我哋揀得國際學校嘅都係想要非本地課程，因為學校著重小朋友嘅嘢都唔一樣。
我哋首先唔討論中文嘅程度，要學中文系咪一定要補習就見仁見智啦，都有好多係家庭自己教小朋友都ok, 我都係自己屋企教小朋友中文, 咁本來我哋讀咁多年書學咗咁多年中文，我又唔覺得教一個小朋友中文好多父母都做唔到一定要去補習，反而我哋係鍾意小朋友自少去讀非本地課程可以學多一啲本地課程唔著重嘅嘢。
例如多種族同學之間文化差異包容及了解世界多種文化，小朋友之間從來唔需要鬥高分互相比較互相競爭，擔心唔合格，擔心呈分，佢地返到學校而係想同同學之間大家互相合作學習，另外，小朋友有任何唔滿意有疑惑會勇於出聲表達，好多好多soft skills, 可能對於本地學制嘅家長呢啲覺得唔重要，但係我哋就會認為小朋友長大成人後出到嚟社會隨左有成績表，soft skills亦很重要
每個家長都有自己所求,冇話乜嘢最好，亦都冇得換相取代，似國際學校嘅國際學校，始終都唔係國際學校，教學理念及教學內容都會有所分別。
純個人意見，如有得罪請多多包容，自問我本人就唔能夠接受搵間本地學校教學模式似國際學校嘅都當作國際學校咁讀
作者: Osiana 時間: 20-9-30 04:55
deco99 發表於 20-9-29 23:18
呢度一定好多人答由細讀IS，但我識好多LS轉IS嘅家庭，佢哋讀LS果陣都係咁計劃，唔係唔鍾意LS先轉。
I mean ...
IS就係IS，LS就係LS，兩者其實係好唔同，係理念，學習模式，內容，思考分析力培養發訓練風方面都好唔同。
就算好多人話係輕鬆學習嘅直資，係功課上係少D，但係都離不開LS的模式，一樣要係單向模式學習。
近幾年真係好多LS轉IS，好多IS插班都有好多人報，我身邊同事朋友都有好多呢D情況，亦聽到好多高年級家長講點解跳船入IS。
有一個朋友，佢個女，P3 時轉入ESF，本身英文係好好，近乎NATIVE，轉入初期都遇到困難。 佢話阿女上堂時，完全跟唔到節奏！ 因為女兒習慣係 LS老師叫學生 exactly 做人D乜，去到 IS，老師只係俾一個範圍，小朋友自己訂方向去做，佢無咁嘅思維。
IS 唔單止學英文，LS 唔係學中文。 每個學制係一個package, 唔可簡單化以語文來理解。
純粹為語文又要英文又要中文，可以讀英文小學。好嘅英文小學都好多選擇。
我覺得中文需唔需要外補，好睇父母點樣安排。 有D父母好就小朋友，讀IS，跟住所有活動都補英文課程，屋企又講晒英文，所以，小朋友無語境及需要學中文。
我自己一早唸清楚條路點行，小朋友從小都係讀 IS，幼稚園時佢係班中唯一一個本地生，一星期2課中文課只係唱歌，無寫字。上到 year 1先開始學中文，加上自己係屋企教 （平時每星期不多於1小時)，依家year 2, 佢嘅中文一D都唔差 （老師講）。
每個家長都為自己小朋友㨂一條路，唔需要比較。
作者: deco99 時間: 20-9-30 07:32
timzoeydon 發表於 20-9-30 00:32
回覆 deco99 的帖子
其實我覺得你又唔好誤會每個家長認為本地嘅學制就等於填鴨，我哋亦都知道唔係間間本地 ...
心平氣和探討，唔使話得罪，我完全同意你講「本地制課程就係本地制課程」，同IS係兩樣嘢，只係話有哋學校幾似IS。我從未覺得學校應該只分兩類，因為兩間LS或兩間IS差別都可以好大。我自己喺國外好多年，我係教育界返工，我個人就覺得沒有一個學制係完美，所以我覺得初小無乜所謂。如果真係好認同IS，梗係應該由細讀，我只係話我識嘅好多人都唔係呢個情況。
至於自己教中文，好睇小朋友類型，我自認無法輕鬆教到我自己小朋友，所以都話係個人選擇，無需認同。
同埋我諗起我仲有另外一個原因，唔想小朋友只接觸富貴家庭，呢個我唔多講，因為我知有好多人諗嘅完全相反。
作者: deco99 時間: 20-9-30 07:44
Osiana 發表於 20-9-30 04:55
IS就係IS，LS就係LS，兩者其實係好唔同，係理念，學習模式，內容，思考分析力培養發訓練風方面都好唔同。
...
完全同意唔需要比較，每間學校、每個小朋友都好唔同。
因為樓主問，我咪分享下我見到嘅情況。如果好鍾意某間學校或某種學制都應該一早就揀好，現實係好多人都無咁堅定。我覺得香港家長有時壓力過大，好似幼稚園揀錯就好大獲咁，但小朋友人生好長，家長都唔使乜都揀最佳timing，我個人覺得無咁緊要。
作者: b3410 時間: 20-9-30 08:53
我自己小朋友Y7轉去國際學校，初初擔心可能會有適應問題，不過其實完全冇問題。坦白講，讀幼稚園/小學的時候，未諗過讀IS，當小朋友慢慢長大，越來越了解佢學習能力，學習方法之後，我哋覺得IB更加適合佢，所以轉IS。如果現在再揀一次，我應該都會讀LS先，適當的時候再轉。
至於考唔考到，有冇位，俾d信心自己啦。小朋友有能力，就有選擇，唔係咁難。
讀傳統學校，其實小學低年級完全冇壓力，高年級開始諗升中，的確會有壓力。不過，我覺得IS到中學，也會有壓力。
學習方法方面，其實反而可能讀LS係一個advantage. 因為學校學習傳統教學，基礎打的好好。興趣班，暑期活動等等，我還揀國際學校類型的活動/課程，又可以體驗到IS的教學方法。而且可以結識好多不同類型學校，不同階層的朋友，豐富閱歷。
我也有子女local 直資/私校，某種角度睇，都有很多地方類似國際學校，取長補短。
暫時我覺得，中文/英文唔計，另外一個可以考慮的因素，LS VS IS，可能在於LS的底打的好好，非常系統化。如果話要保持小朋友的探究精神，學習興趣，自學能力，家庭的教育和影響，也很重要。
LS/IS，其實將來都係殊途同歸, 各有精彩。
作者: b3410 時間: 20-9-30 08:55
deco99 發表於 20-9-30 07:44
完全同意唔需要比較，每間學校、每個小朋友都好唔同。
因為樓主問，我咪分享下我見到嘅情況。如果好鍾意 ...
作者: 964000 時間: 20-9-30 09:32
Osiana 發表於 20-9-30 04:55
IS就係IS，LS就係LS，兩者其實係好唔同，係理念，學習模式，內容，思考分析力培養發訓練風方面都好唔同。
...
我和你看法相似，始終人人着眼點不同，我揀學校不會單看語言，也不會只看學業成果，不是說不重要，但我會整個經歷和體驗去看，所以不能話有語境又輕鬆活動教學的LS就類似IS，not even close, 整個精神文化視野都不同，這個分別幼稚園初小時最明顯，反而愈高班愈淡化了，LS轉過來IS的學生是不會覺得自己miss了甚麼的，因為他們都沒有經歴過。
舉一個例子，我們學校幼稚園初小會慶祝傳統歐州的St Martin day，晚上小朋友一路唱歌一路玩lantern一 路parade, 但原來高小以上沒有這個節目了，我那次和一個高小插班生說起才知他不知道有這個活動。另外thanksgiving Diwali 呀這些節日也會慶祝，當然CNY唔少得好多IS都請晒成隊醒獅隊來。International day連菲律賓工人姐姐都幫手set up代表Philipine. Xmas我們會介紹世界不同國家的慶典，我才知原來Russia的Xmas 是在JAN的。
到高小都是學習為主以上活動就少了，可能大家覺得不重要，但我自己長大了只記得讀書時開心同玩過的野，反而書本的一早已拋掉腦後，所以我覺得這些點滴非常重要的。睇番我女幼稚園Y1的學校相真是超級回味，多姿多彩，絶對覺得N班開始入IS是正確選擇。
又例如IS從來不會限制髮飾顏色，沒有簽通告簽手冊，沒有學生相規格，沒有訓導主任只有counsellor , 小學生不用揹重重的書包因為冇textbook及自己有儲物地方，自由坐位等，小息可以跑甚至自選活動等，這些都更人性化令學生家長感到舒服，好采佢地疫情中都肯戴足口罩。
至於中文自己還教到又有語境，但其他自己提供不到的就要靠學校了，請NET 也不能afford請太密。
不過人人情況不同，有些家長反映教不到小朋友中文甚至講也不會講，所以自己看情況，其實條條大路通羅馬，大家share不同意見可以提供不同角度考慮，看完再自己排priority.
作者: kinder.bb 時間: 20-9-30 09:58
crystalpui 發表於 20-9-29 16:04
如果唔駛睇經濟負擔
我個人都覺得由細IS一直上好
思想應該會好唔同
作者: dbchu 時間: 20-9-30 10:24
本帖最後由 dbchu 於 20-9-30 10:33 編輯
其實LS 同IS嘅家長思維已經差好遠...好似上面有家長提到唔想小朋友只接觸富貴家庭，其實反而IS唔多人會care富貴唔富貴，因為唔會用咁嘅concept去比較，返而 LS就仲多依種比較富貴，談論富貴嘅情況。
作者: 964000 時間: 20-9-30 10:30
b3410 發表於 20-9-30 08:53
我自己小朋友Y7轉去國際學校，初初擔心可能會有適應問題，不過其實完全冇問題。坦白講，讀幼稚園/小學的時 ...
其實如果想structured啲，另一個選擇其實IS小學之中 British curriculum 都好系統化，有晒syllabus同targets要跟，一般會感覺「學術」d。不過IS比LS少了操練部份，如果覺得有需要尤其maths可以自己買D練習做下
, 功多自然藝熟。
作者: 964000 時間: 20-9-30 10:33
dbchu 發表於 20-9-30 10:24
其實LS 同IS嘅家長思維已經差好遠...
一語中的
所以幼稚園初小仍然好”pure”, 要好好享受埋呢兩年
作者: dbchu 時間: 20-9-30 10:38
本帖最後由 dbchu 於 20-9-30 10:39 編輯
964000 發表於 20-9-30 10:33
一語中的所以幼稚園初小仍然好”pure”, 要好好享受埋呢兩年
...
係，我覺得幼稚園及初小嘅IS小朋友，仲有一份現時難得一見嘅童真，唔計較，單純依樣其實係應該有嘅。
我見有D傳純女校初小己經勾心鬥角，出黎己經show off佢daddy係乜乜乜老闆，又同人講坐私家車返學，其實係IS，依D生活mode見怪不怪，無需要show off....
作者: b3410 時間: 20-9-30 11:53
dbchu 發表於 20-9-30 10:38
係，我覺得幼稚園及初小嘅IS小朋友，仲有一份現時難得一見嘅童真，唔計較，單純依樣其實係應該有嘅。
我見 ...
令，我真係唔覺得幼稚園/初小的孩子，童真屬於“難得一見”。
作者: mandy_ng207 時間: 20-9-30 12:34 標題: 回覆樓主：
本帖最後由 mandy_ng207 於 20-9-30 12:35 編輯
我再重讀一次樓主個post，佢喜歡國際學校教學模式，但為咗幫小朋友打好中文和文化根基，選擇讀幾年local先。
容許我坦白講，呢個諗法有啲矛盾，如果想小朋友用國際學校模式去學習，應該一開始就入國際學校，當然代價就係中文唔會係第一語言。
魚與熊掌不能兼得⋯⋯
相信好多家長都會有掙扎，到底係local好啲定係IS好啲，驚自己選擇錯咗會累咗小朋友。我個人覺得應該相信「命運」，一路讀上去自然會發現小朋友同家長適合邊種學校，唔啱嘅話自然會轉，唔使太擔心嘅。
最後希望你兩個小朋友都搵到適合自己嘅學校～
作者: timzoeydon 時間: 20-9-30 12:40
樓上家長講得啱, 有時我覺得傳統學校反而小朋友仲鍾意比較同埋show off , 小朋友傾計之間都會比較物質化。
反而我覺得IS大家衣著普普通通,簡簡單單,小朋友之間只會談論玩乜嘢遊戲, 仲顯得有童真, 而且家長之間都唔需要成日講去邊度補習或者出去學啲乜嘢, 因為學校已經提供好多嘢學，家長之間就係單純睇住自己小朋友互相開心噉樣玩同享受學習，好多時其實家長之間都唔會知道對方個小朋友水平係點樣，祇有老師同埋家長自己知道，唔會公開噉樣評論任何小朋友或者用成績嚟話畀小朋友聽邊個好邊個差。
作者: timzoeydon 時間: 20-9-30 12:50
回覆 964000 的帖子
我同你諗法一樣，所以揀咗英制學校，另外因爲我自己小朋友水平超前，因為資優，所以我自己都落力教佢好多學術野，有時間自己因應情況買少許補充練習教下佢，冇壓力，自己想教就教
因為送佢去IS並唔係因為想佢追學術鬥學術,反而我自己小朋友學術水平超班自己知就已經夠,只期望返到學校佢哋開開心心噉樣享受返學嘅過程，學下呢個世界上除左學術以外嘅其他嘢更重要
最重要最重要係思維方面，呢個世界上冇既定嘅答案，任何答案你諗到理論都可以推翻，我個仔都好鍾意challenge其他嘢, 本地學校可能會覺得呢啲小朋友麻煩，但我永遠相信呢個世界一定有呢一類人存在世界先可以不斷進步。
作者: deco99 時間: 20-9-30 13:33
dbchu 發表於 20-9-30 10:24
其實LS 同IS嘅家長思維已經差好遠...好似上面有家長提到唔想小朋友只接觸富貴家庭，其實反而IS唔多人會care ...
都唔係話家庭之間嘅比較，係小朋友有哋嘢會take it for granted. e.g. 我識小朋友唔理解點解自己屋企無車，因為同學屋企個個都有。
我都話呢個係個人選擇，唔係好想講，就好似小朋友應該窮養定富養，真係個個理念都唔同。
作者: deco99 時間: 20-9-30 13:38
964000 發表於 20-9-30 09:32
我和你看法相似，始終人人着眼點不同，我揀學校不會單看語言，也不會只看學業成果，不是說不重要，但我會 ...
本帖最後由 deco99 於 20-9-30 15:03 編輯
無錯，每個人priority唔同，可能因為我小朋友喺國外生活過，我哋鄰居都好多外國人，所以我唔係好介意初小miss咗好多活動。我覺得IS最好一點就係拓寬小朋友視野，如果所有人都可以保持open minded，呢個世界都美好好多。
作者: dbchu 時間: 20-9-30 14:31
deco99 發表於 20-9-30 13:33
都唔係話家庭之間嘅比較，係小朋友有哋嘢會take it for granted. e.g. 我識小朋友唔理解點解自己屋企無車 ...
有車無車，只係需要問題。唔需要咪無囉，問題好易答。
但問題係LS school 就好唔同，會變得好自卑，因為好多家長定義有車等於有錢。
依個問題就係LS and IS嘅教育同價值觀嘅分別。
作者: deco99 時間: 20-9-30 14:52
dbchu 發表於 20-9-30 14:31
如果個小朋友係讀IS, 問依個問題基本想只係一個問題，唔係咩自自卑，負面野，因為基本上唔會咁去比效，我見 ...
都唔係咁簡單，我唔想講好多，因為始終係人哋屋企嘅對話，個小朋友都yr7，由k1讀is名校，佢係迫父母買車。我唔覺得個小朋友有好大問題，都可以話佢有d天真。家庭背景唔同都唔只係會唔會比較咁簡單，可能我真係唔應該提呢個問題，因為有好多可講。
Again，都係個人選擇。我哋送小朋友入IS都係希望佢哋有critical thinking，唔使跟「正確答案」，生活中好多問題都無標準答案，唔使互相說服。
作者: 964000 時間: 20-9-30 14:54
dbchu 發表於 20-9-30 10:38
係，我覺得幼稚園及初小嘅IS小朋友，仲有一份現時難得一見嘅童真，唔計較，單純依樣其實係應該有嘅。
我見 ...
我說pure是指d家長, 可能很多是非本地人，又沒有升小或升中壓力，學校亦很小心避免競爭文化，家長間無比較，對拿獎比賽無乜反應，所以相處比較舒服，另外學甚麼樂器參加甚麼運動不用考慮「功能性」可以 比較隨心。補習也不多，點解知因為約親佢地放學play date
成日都得閒，通常本地人的小朋友比較忙好難約。
作者: mandy_ng207 時間: 20-9-30 15:42
deco99 發表於 20-9-30 14:52
都唔係咁簡單，我唔想講好多，因為始終係人哋屋企嘅對話，個小朋友都yr7，由k1讀is名校，佢係迫父母買車。 ...
岔開話題講吓，我仔有同學由無車變有車（因為搬咗去大埔山旮旯屋苑），又有同學由有車變無車（因為由村屋搬咗去屋苑）。我屋企有車，但我哋星期六日出街一樣會坐巴士同小巴。
你覺得迫父母買車係家教問題，定係學校嘅問題？
（唔好意思我多嘴，假期前夕輕鬆啲啦>.<）
作者: deco99 時間: 20-9-30 16:06
mandy_ng207 發表於 20-9-30 15:42
岔開話題講吓，我仔有同學由無車變有車（因為搬咗去大埔山旮旯屋苑），又有同學由有車變無車（因為由村屋 ...
（輕鬆討論就吹多幾句，放假都無得出遊。）我唔覺得係學校問題，我甚至唔覺得佢有好大問題。可能我表述唔清楚，佢又唔係發脾氣咁迫，只係唔停搵理由說服佢父母買車，主要原因係佢見人哋有車覺得好方便，佢覺得香港大部分家庭有車。所以我話佢都有d天真，唔單呢樣嘢，總之佢有d離地，一定同家庭教育有關。我都話LS同IS小朋友氣質性格唔同，但我唔想話IS小朋友全部都係長處。睇各國處理cov19我諗起戴口罩呢個問題，cov19之前有幾間IS唔允許小朋友戴口罩返學，我其實都唔介意呢個規定，但好多家長介意，只能話睇問題角度唔同。Again，都係睇家長認同乜理念，priority係乜嘢。
作者: mandy_ng207 時間: 20-9-30 16:20
deco99 發表於 20-9-30 16:06
（輕鬆討論就吹多幾句，放假都無得出遊。）我唔覺得係學校問題，我甚至唔覺得佢有好大問題。可能我表述唔 ...
本帖最後由 mandy_ng207 於 20-9-30 16:22 編輯
其實家長嘅理念好重要……家長buy邊一套，就會入邊一類學校。
好似我自己，由細到大都唔鍾意守規矩，所以小朋友出世已經諗一定唔讀傳統學校，我覺得傳統學校簡直係虐待。但我有啲本身好乖好守規矩嘅朋友，佢哋千揀萬揀都要揀返一間學術好，校風嚴嘅學校，因為佢哋重視呢個價值。
殊途同歸，我哋而家都係同行啫。
作者: timzoeydon 時間: 20-9-30 16:39
本帖最後由 timzoeydon 於 20-9-30 16:41 編輯
回覆 mandy_ng207 的帖子
你講中咗
我都係覺得乜嘢父母就會揀返乜嘢學校畀自己小朋友, 每個人價值觀都唔同， 我都係唔鍾意守規矩, 所以我都係想揀返一啲彈性高少少嘅學校，唔守規矩都唔代表曳，乖乖坐唔出聲上堂喺我心目中亦都唔代表係好。
正如這一代仍有人繼續讚成棒下出孝子，嚴師出高徒。
小朋友成材可以有很多方法，但呢種虐待嘅情況下成長而有成就我係點樣都唔贊同。
就係每個父母都有自己嘅觀點同角度。
作者: deco99 時間: 20-9-30 16:45
mandy_ng207 發表於 20-9-30 16:20
本帖最後由 mandy_ng207 於 20-9-30 16:22 編輯
其實家長嘅理念好重要……家長buy邊一套，就會入邊一類 ...
完全同意，有人話揀學校要啱小朋友，但點樣係啱都係睇家長理念，比如都係內向小朋友，有人話乖啱傳統，有人話要讀IS培養自信同表達。
作者: Osiana 時間: 20-9-30 19:22
deco99 發表於 20-9-30 07:32
心平氣和探討，唔使話得罪，我完全同意你講「本地制課程就係本地制課程」，同IS係兩樣嘢，只係話有哋學校 ...
在教育階段中，最重要係學前教育及小學教育，唔係好似你講到無乜所謂。如果你係教育界返工，是否真正從事教育工作，對教育有認識？如果有人話，我係會計師樓返工， 唔通佢一定識會計稅務？ 我係醫院返工， 唔通佢一定識醫學？
雖然，無一個學制係完美，但填鴨式，著重背誦，抄寫，默書考試，分數競爭嘅制度係肯定過時，根本唔係為咗小朋友好。
好多人有一種功利心態，覺得最緊要係讀邊間大學畢業最重要，認為只要拎住名校畢業證書就一世無憂。 所以，覺得幼稚園小學無乜所謂，其實呢D 人不懂教育，不懂兒童心理。
其實萬丈高樓從地起，地基好重要。
讀 IS 唔一定係富貴，有錢人都未必捨得俾仔女讀 IS。 St Paul co-ed, DGS, DBS, St Paul Covent, etc 仲多有錢家庭。
俾仔女讀 IS嘅家長，係有一種教育理念，有一種要求。
作者: Osiana 時間: 20-9-30 19:35
mandy_ng207 發表於 20-9-30 16:20
本帖最後由 mandy_ng207 於 20-9-30 16:22 編輯
其實家長嘅理念好重要……家長buy邊一套，就會入邊一類 ...
一個例子。有朋友嘅女讀一條龍幼稚園已經被覺得跟唔上，遇上惡老師，經常話唔想返學，勉強升上原校小一，課程又趕，基礎打唔好，又遇到要求高老師，孩子覺得壓力大。 最後，孩子發現有恐懼，要睇輔導。
家長理念係一面，小朋友情況又係另一面，兩者要互相配合，大家先會開心。
作者: 細佬Bebe 時間: 20-9-30 20:14
Osiana 發表於 20-9-30 19:35
家長有自己理念及偏好，但香港家長之間太多比較及競爭。
一個例子。有朋友嘅女讀一條龍幼稚園已經被覺得跟 ...
香港人本身好鍾意比較 如果間IS多香港人 唔多唔少都會有比較 但因為升學無咁大壓力 就少左樣學術比較
你講呢個例子係LS都好common下
IS都有學業壓力 只係係佢地大啲 比較能handle壓力既年紀先開始 咁其實係符合心理發展 受壓能力同學習動機等 都需要年月去發展同培養
只能說 LS係提早谷谷谷 呢個過程會誤左好多大好少年
前幾日睇陳美齡既一個訪問 佢話香港既教育制度仲停留係考狀元既level 好可悲
我自己都明白 亞洲，中國同香港都係比較少天然資源 因為資源同工種係比較少 所以學術競爭就比較大
作者: Osiana 時間: 20-9-30 20:32
dbchu 發表於 20-9-30 10:24
其實LS 同IS嘅家長思維已經差好遠...好似上面有家長提到唔想小朋友只接觸富貴家庭，其實反而IS唔多人會care ...
有一位家長問，學校會唔會因為家長嘅職業而令到小朋友有優先 （差不多意思，太耐不就得）。收生主任話，我們係小朋友是否適合讀呢間學校，唔係家長。
其實，我覺得有好多人有偏見，覺得讀IS係有錢，什麼富貴家庭。講真，依家好多人都付擔得起，只係捨唔捨得。而且，係小朋友眼中，佢地唔會理其他人係唔係有錢，根本小朋友唔會care! 問題係家長度！
作者: 細佬Bebe 時間: 20-9-30 20:36
deco99 發表於 20-9-30 16:06
（輕鬆討論就吹多幾句，放假都無得出遊。）我唔覺得係學校問題，我甚至唔覺得佢有好大問題。可能我表述唔 ...
IS小朋友係單純啲 但同時好大機會係少少離地
咁IS普遍家庭財力in general ok (如果唔係 都消費唔起學費）的而且確會好大機會令小朋友以為「全香港既家庭都係呢個生活水平」
呢個我覺得係IS比較大既缺點 唯有父母慢慢解釋同身教
你呢個case既父母正正係反面教材 竟然被「說服左」買左架車 情況有如子女扭買玩具成功 咁小朋友好易養成左「人有我有既心態」只能祝佢地好運
作者: 細佬Bebe 時間: 20-9-30 20:48
deco99 發表於 20-9-30 16:45
完全同意，有人話揀學校要啱小朋友，但點樣係啱都係睇家長理念，比如都係內向小朋友，有人話乖啱傳統，有 ...
同意 我覺得揀學校係睇家長既教育理念
大部份人覺得 自己小朋友有名LS收 即係適合LS 如果係既 點解咁多人之後想轉IS?
有人話我小朋友觀察型又坐得定 最岩讀LS 我不為所動 我覺得佢會應付到LS 但我不願見到佢成為LS typical student. Not even the top one.
我覺得應該係家長用自己理念同envision去揀學校 想小朋友將來點
我已經睇到IS對我小朋友既正面影響 佢由一個好膽小好靜既小朋友 慢慢成為一個好有求知慾 好敢言既小朋友 就係我想睇到既轉變
相比起同年既LS生 係唔同既
當然LS生有好多佢地既優點啦 學好多學同好守規矩
作者: timzoeydon 時間: 20-9-30 20:51
本帖最後由 timzoeydon 於 20-9-30 20:53 編輯
回覆 細佬Bebe 的帖子
冇錯, 因為香港工種比較少,所以偏執性令好多人覺得某d行業係特別高貴，好似做到呢份工就即刻神化，令到好多小朋友比家庭灌輸將來做到某啲某啲行業就會喺香港特別有地位或者特別受人尊重，其實價值觀根本錯曬。
因為在於某d行業嚟講，其實人工特別特別高都係有問題，所以好單純就會覺得讀得書多，鬥叻，就可以做某啲行業，就會搵錢多，即係我哋自細讀書係為咗搵錢，調返轉你問返佢究竟其實鍾唔鍾意份工，可能佢自己都唔識答你，因為佢自細冇俾人問過佢做嘅嘢究竟內心鍾意定唔鍾意。
好簡單，我就係唔想小朋友咁樣，我希望佢真係想救人先做醫生，想有公義才做律師，想政府制定措施造福社會先至去做政府工。
如果佢想做演員，畫家，演奏家呢啲香港比較狹窄嘅行業，唔緊要，衹要佢想，天大地大我都會陪佢搵到自己嘅天地，根本人就唔應該單一性淨係綁死喺自己嘅出生地。
我希望自己小朋友係搵到自己喜歡做嘅嘢，同埋知道自己乜嘢鍾意乜嘢唔鍾意，其實內心嘅感受係好緊要，唔好變咗木頭人，覺得社會係噉就係噉，自己冇得揀，為咗錢都要退而求其次，然後抑鬱不忿咁樣過下半生。
有時我覺得香港人特別多投訴，特別冷感，都係自細同教育有關，因為自少嘅教育就係老師學校不停搵小朋友錯處變咗好多成年人長大之後都不斷挑剔其他人，挑剔社會。
有時同小朋友去公園，總會見到d小朋友係噉留意其他小朋友有冇做錯，而唔係享受自己喺公園玩，或者阻住人攪其他人就覺得係玩，好似而家好多小朋友連玩都唔識玩，究竟本地學校有冇教小朋友乜嘢係玩
作者: deco99 時間: 20-10-1 07:57
Osiana 發表於 20-9-30 19:22
在教育階段中，最重要係學前教育及小學教育，唔係好似你講到無乜所謂。如果你係教育界返工，是否真正從事 ...
我係從事教育工作，我都唔鍾意填鴨式，但我唔覺得所有LS都係填鴨式。鍾意IS就應該明好多問題唔係只有黑或白，IS學校都參差不齊，冇必要否定其他家長嘅選擇。
作者: deco99 時間: 20-10-1 08:07
細佬Bebe 發表於 20-9-30 20:36
IS小朋友係單純啲 但同時好大機會係少少離地
咁IS普遍家庭財力in general ok (如果唔係 都消費唔起學費） ...
佢父母未被說服，只係同小朋友爭論咗幾個月，呢個唔係香港平均水平。
我都唔敢話IS小朋友離地，一定俾人話係個例。我自己真係帶小朋友去深水埗參加公益活動俾佢「開闊眼界」，好多嘢未經歷好難相信，睇窮富翁大作戰就知。
作者: deco99 時間: 20-10-1 08:28
timzoeydon 發表於 20-9-30 20:51
回覆 細佬Bebe 的帖子
冇錯, 因為香港工種比較少,所以偏執性令好多人覺得某d行業係特別高貴，好似做到呢份 ...
你講得好好，每年我見幾乎所有狀元都揀醫科，我覺得好悲哀。我可以理解基層家庭出身小朋友無自由追夢，但真係希望香港嘅價值觀可以多元化。
琴日剛好同朋友講到香港人鍾意投訴，佢話呢嘅係我哋嘅權力，我都費事多講，有權力都唔一定要用啊。
作者: glam_100 時間: 20-10-1 10:04
我有一個例子分享
小朋友K2, 呢排佢經常同我分享佢的感覺。例如返學，佢會同我講，我感覺到有啲興奮。放學佢又會問我，你今日有咩感覺，有無感到開心？
因為先前學校教emotions, 然後每日，連續多個星期zoom的第一件事就係所有人分享How do you feel today?
見到小朋友在學習認識自己的感受，我就知道無選擇錯。
我覺得呢d就係國際學校。就係學埋呢啲好多人覺得唔等使，但其實係最重要的野。認識自己的情緒，感受，就係K2應該學習的功課。
佢同齡LS的堂弟，每天K2的功課，就係讀書，寫字，上多個"興趣班",考Cambridge Young Learners' English Tests, 目的就係裝備自己考直資。感受呢兩個字，完全唔係佢的詞彙裡面。
所以我覺得，如果認同國際學校的教育方式，時間上係越早越好。至如中文的問題，其實可以分開處理。
作者: Radiomama 時間: 20-10-1 10:45
glam_100 發表於 20-10-1 10:04
我有一個例子分享
小朋友K2, 呢排佢經常同我分享佢的感覺。例如返學，佢會同我講，我感覺到有啲興奮。放學 ...
你的分享帶我思考另一個問題，什麼是教育？
古代教育在家庭發生，後來變成有私塾，之後越來越制度化。教育的本質仍是啟蒙、傳授知識、解惑。
無論本地學校和國際學校都應該達到這目標。但過程中手法不同，因此引出大家的討論和選擇，家長都傾向justify自己的決定，所以這個decision making process只能互相參考，不用互相説服。
作者: mandy_ng207 時間: 20-10-1 12:05
glam_100 發表於 20-10-1 10:04
我有一個例子分享
小朋友K2, 呢排佢經常同我分享佢的感覺。例如返學，佢會同我講，我感覺到有啲興奮。放學 ...
我最近發現西人教學模式其實又唔會比香港嗰套輸蝕。我仔間幼稚園係一個英國人開嘅，冇syllabus，上堂就係唱歌同埋玩，書都冇一本，更遑論教同考phonics. 初上小學嗰時我都好驚訝local上嚟嘅同學識好多嘢，寫字又靚，有一刻都覺得個仔喺幼稚園學得太少。但學校一教phonics，佢同佢幼稚園同學就好快追上，學術已經同local上嘅同學睇齊（中文除外）。
作者: 細佬Bebe 時間: 20-10-1 13:57
mandy_ng207 發表於 20-10-1 12:05
我最近發現西人教學模式其實又唔會比香港嗰套輸蝕。我仔間幼稚園係一個英國人開嘅，冇syllabus，上堂就係 ...
其中一個原因係self esteem
IS係kindie階段著重培養小朋友self-esteem 令佢地有自信 自我肯定
所以就算有需要要追程度 佢地一有信心做到 咁簡單既野點會追唔到
作者: 細佬Bebe 時間: 20-10-1 14:00
deco99 發表於 20-10-1 08:28
你講得好好，每年我見幾乎所有狀元都揀醫科，我覺得好悲哀。我可以理解基層家庭出身小朋友無自由追夢，但 ...
替香港可悲
但理解出身唔富足既狀元既選擇 咁事實香港生活成本高 地少人多 生活艱難 如果出身比較humble 背負著父母既期望 又未必有勇氣去揀無「錢途」既學科
至於都唔少出身ok既狀元都揀醫科 可能係父母迫的 佢地都未必想
作者: timzoeydon 時間: 20-10-1 16:33
回覆 細佬Bebe 的帖子
雖然唔排除有啲人揀醫科真係覺得想救人，但係眼見香港嘅普遍現象係好多讀完醫科嘅連自己都唔想入醫院做，寧願舒舒服服開間診所做生意搵錢，想研究多啲病理，接觸多d唔同種類嘅病人都唔願意，因爲開診所賺得錢夠多，而且可以舒舒服服夠鐘收工，另外就係睇嚟睇去都係傷風感冒夠簡單，連去解決醫院人手不足嘅困難都唔願意，根本就係想淨係為錢而唔願意付出。
另外我幾欣賞德國嘅教育，人哋中學嘅階段可以自己決定學識技能定係為咗尋學問繼續上大學，有啲人認為有d職業技能自己係喜歡嘅，中學階段已經去學一門技術例如廚師，維修等，佢哋人工唔見得比醫生律師低，純粹係國家嘅教育想每個人都揀自己適合嘅路，唔需要迫所有人淨係靠大學去決定自己將來行乜嘢路，因為總有啲人性格就係唔啱書寫或者對住本書，有啲人可能落手落腳做一啲技工性嘅嘢可以好出息，其實應該各自發展所長，而唔係個個以上大學為目標死讀爛讀書。
其實就係因為香港嘅社會係噉樣所以變相香港人不斷將d職業分貴賤，喺香港讀書自細的小朋友連個價值觀都認為讀唔成書先至會去做技工，廚師，或者聽到人哋講畫畫維生或者做教樂器或者運動教練，或司機咖啡師，就會覺得係低一等，完全唔尊重任何嘅行業。
其實喺香港生存真係好可悲
作者: 钧熹 時間: 20-10-2 10:55
能力范圍以內，當然越早越好！揾到自己嘅愛好並且堅持下去，對小朋友好重要，這是一生的事業。國際學校有自己的一套教學方式，自己了解下就會發現區別。
作者: katechen710 時間: 20-10-2 19:17
從幼稚園開始。
雖然有人話可以先讀本地中學再轉去國際，但就好似從小在國外長大和大學去國外讀書的差別，在思維和看事情的想法同態度都有好大的不同。
也許學術上看起來沒有差太多，個人的軟實力和各項興趣身心理上是會平衡很多。
作者: mindfulmom 時間: 20-10-2 20:28
glam_100 發表於 20-10-1 10:04
我有一個例子分享
小朋友K2, 呢排佢經常同我分享佢的感覺。例如返學，佢會同我講，我感覺到有啲興奮。放學 ...
我都有類似的經驗。孩子在新學期開始，班主任請小朋友為自己定 2 個小目標，同埋思考用咩方法幫自己達到呢個目標。我的孩子「決定」要自己計數計得啱，同埋減少向家人發脾氣，並與老師分享佢打算用的方法。老師好appreciate，仲講佢會點樣喺學校幫佢，又會教全班同學點樣move between emotion zones。
我好欣賞老師讓佢set一些non academic的目標，學校讓孩子自主決定咩方面想進步，呢種開放的態度讓小朋友決定自己改進d咩，真係self directed。而且學校唔會看輕情緒教育，我覺得呢份重視係我希望見到的家校合作。
作者: timzoeydon 時間: 20-10-2 20:30
回覆 katechen710 的帖子
岩
讀國際學校或者從外國長大嘅小朋友身心發展係健康好多，因為佢哋童年生活得到平衡，有學習有玩樂，又可以發展自己嘅喜好。
大人都一樣，有邊個大人如果樣樣嘢都平衡到會唔快樂？
啲人成日都話希望小朋友快高長大身體健康，難道冇病冇痛就叫健康？心靈嘅健康難道就唔重要？
作者: 章太郎 時間: 20-10-3 10:56
deco99 發表於 20-10-1 07:57
我係從事教育工作，我都唔鍾意填鴨式，但我唔覺得所有LS都係填鴨式。鍾意IS就應該明好多問題唔係只有黑或 ...
本帖最後由 章太郎 於 21-7-10 01:44 編輯
作者: Cherishvalue 時間: 20-10-3 11:36
章太郎 發表於 20-10-3 10:56
十分同意你講法！早幾年搵國際學校，呢度家長好好，俾好多建議，仲會pm交流問候，又無話不停批評LS。近年 ...
同意 - LS 和 IS 教育模式是大有不同，但具體落實還要看學校管理層和個別老師，IS 會有不顧學生感受的hea 老師， LS 會有把學生感受/程度置高於成績的老師， 一刀切不太科學。
利申： 細路讀過IS/ LS， 最後在LS 畢業入大學。
作者: lovebb2 時間: 20-10-3 13:34
deco99 發表於 20-10-1 08:28
你講得好好，每年我見幾乎所有狀元都揀醫科，我覺得好悲哀。我可以理解基層家庭出身小朋友無自由追夢，但 ...
| 歡迎光臨 教育王國 (/) |
Powered by Discuz! X1.5 |