教育王國
標題: 讀國際學校要補習?? [打印本頁]
作者: Falcon媽媽 時間: 20-9-24 14:54 標題: 讀國際學校要補習??
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教學方法同唔想阿仔辛苦讀書.
佢話我天真, 佢話而家讀國際學校既小朋友個個都好叻, 其實佢地大多數都有出外補習, fd既家長會話你知係邊度補, 唔fd想收埋個d就唔會話你知佢有補. 佢話佢d fds讀國際學校既仔女全部都有補習, 如果唔係再大d(由小學升中學)會跟唔到, 特別係maths & chinese, 所以係一定一定要補習!!!
成晚個conversation就係"一定要補習, 最好幼稚園開始, maths & chinese係重點"同埋"要上興趣班, 因為佢地放學冇野做".
我有d唔開心, 如果係咁就好似失去左讀國際學校既原意, 興趣班冇所謂, 但佢都講到要報好多因為你唔知小朋友鐘意d咩, 所以咩都要試.
請問各位國際學校mama你地係點架?
作者: yaijing 時間: 20-9-24 16:18
提示: 作者被禁止或刪除 內容自動屏蔽
作者: Radiomama 時間: 20-9-24 16:55
Falcon媽媽 發表於 20-9-24 14:54 
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...
我是虎媽，好緊張孩子的成長和學業；然而也要上班，無時間親自睇孩子的功課，所以當年讓孩子讀完K2後轉讀國際學校一年級，為的就是培養育小朋友自主學習、喜歡學習。而我作為家長，也不用被本地學習環境追趕得抖不過氣。
依家孩子已是高中生，我們奉行先觀察、再對症下藥的態度，所以一直沒有用「上補習班」的方法去改善學習上的不足。
國際學校的孩子，多不喜歡中文；上了補習班的，不見得會愛上中文，越發討厭反而更多。我的方向是，鼓勵閱讀，一起去買淺易有趣的圖書，同一本書讀兩年，三年級和四年級時都用來做閱讀報告，書雖然相同，但係他自己寫的撮要和感受就有分別。不要去追本地什麼年級的程度，要正視自己孩子的程度，順著他去練習中文的讀和寫，這樣已足夠。我曾經買了一本閱讀理解練習作業，是小三年級的，我們一做就三年。每逢假期有空就做少量，量力而為。
至於數學，從遊戲學習勝於機械式鍛練；萍果棋、波子棋、啤牌都是有用的工具。
國際學校的小學生，只要你不放任手機和電腦遊戲、減少他們的screen time, 他們會自然會投向書的世界。Fictions, non fictions, magazines都是他們吸收知識的途徑。
最後，補習不補習，視乎孩子個別需要，也視乎家長的判斷。
作者: Falcon媽媽 時間: 20-9-24 17:13
大家講完之後我又開心番D
作者: peter1 時間: 20-9-24 17:41
幼稚園(甚至小學), 補數學没有什麼用。
幼稚園k1k2時可能要花幾幾日至學好加減數，如果教小學生一年級，幾分鐘就學識吧.....
有必要太早學 不合程度的嗎？如果合程度又不用補吧？
作者: Falcon媽媽 時間: 20-9-24 17:52
回覆 peter1 的帖子
佢話IS教得太淺, 有d 讀梗year X 仲係度數手指.
作者: peter1 時間: 20-9-24 17:59
Falcon媽媽 發表於 20-9-24 17:52
回覆 peter1 的帖子
佢話IS教得太淺, 有d 讀梗year X 仲係度數手指.
作者: yaijing 時間: 20-9-24 18:14
提示: 作者被禁止或刪除 內容自動屏蔽
作者: Radiomama 時間: 20-9-24 18:27
Falcon媽媽 發表於 20-9-24 17:52
回覆 peter1 的帖子
佢話IS教得太淺, 有d 讀梗year X 仲係度數手指.
好多人以為國際學校教數太淺，不過補習是否就可以令孩子喜歡數學、自信地掌握數學呢？
初小時我也買過一些數學練習俾孩子課餘時間做，見他掌握到，就沒有再花錢和時間了。
如果想練習四式運算，有個遊戲叫「24」是很好的訓練。在1-9中抽四個號碼，運用加減乘除使之得出24。
eg: 2, 5, 7, 3
~ 答案就是5x3, +7+2=24
這個遊戲我仔由4歲開始玩到依家，上街坐車無聊望住車牌號碼就取材來玩。今時今日玩得叻過daddy了。
作者: dcnmxw 時間: 20-9-24 19:52
身邊的確有很多朋友的小朋友讀IS，而她們又真係有講過需要補習。如方便 / 經過，你可以去看看特別係開在港島區的補習中心，是很多IS 學生出入的，又或可到時乘機問下佢地上甚麼課？
作者: mandy_ng207 時間: 20-9-24 20:18
我仔初小，只係補中文（因為屋企唔識講普通話），其他無補習，連補充練習都無買。但就買咗好多書，睇得多自然會用到裏面嘅句法。
最開心就係冇測驗考試，唔使去功課輔導班，追名次呢樣嘢唔係好啱我。
不過我覺得如果純粹喺學科或興趣上想追求更高程度而去補習，其實又冇乜問題嘅，正如資優生都會上額外嘅課程，學習能夠精益求精，都係好呀。但因為程度唔夠而需要十全大補嘅，我就冇乜聽過。
作者: Radiomama 時間: 20-9-24 20:28
mandy_ng207 發表於 20-9-24 20:18
我仔初小，只係補中文（因為屋企唔識講普通話），其他無補習，連補充練習都無買。但就買咗好多書，睇得多自 ...
態度和方向正確，是否補習取決於想改善什麼和哪種方法才是合適之選。
作者: 小寶貝兒 時間: 20-9-25 02:59
Radiomama 發表於 20-9-24 18:27
好多人以為國際學校教數太淺，不過補習是否就可以令孩子喜歡數學、自信地掌握數學呢？
初小時我也買過一 ...
咦？呢個幾好喎！等我得閒又同阿女玩下先
作者: 文英妮妮 時間: 20-9-25 04:40
Radiomama 發表於 20-9-24 18:27
好多人以為國際學校教數太淺，不過補習是否就可以令孩子喜歡數學、自信地掌握數學呢？
初小時我也買過一 ...
四歲識乘法，仲話唔駛D補。嚇死我了。
作者: poonseelai 時間: 20-9-25 07:09
peter1 發表於 20-9-24 17:41
幼稚園(甚至小學), 補數學没有什麼用。
幼稚園k1k2時可能要花幾幾日至學好加減數，如果教小學生一年級，幾 ...
朋友今年K3考小一，已經要考除數啦，嚇死我。我孩子已是大學生，多年來見到趨勢係越低年級補習風氣越盛，我真的無法了解
作者: Radiomama 時間: 20-9-25 07:29
文英妮妮 發表於 20-9-25 04:40
四歲識乘法，仲話唔駛D補。嚇死我了。
初初玩時佢只識簡單概念，乘和除，在日常生活是可反覆運用的，不用去補習。況且這只是一個遊戲，重點是無聊時玩。
我是虎媽，在他幼年時也試過不少早教方法，屋企的玩具跟幼稚園內玩的相似；6個月大開始跟他玩書，書是玩具之一。也試過仿效Your Baby Can Read本書講用字咭、點數咭。未返幼稚園已在家聽jolly phonics隻CD...以上種種都是媽媽自己攪，好處是直視他的能力和進度。壞處是媽媽容易過火，turbo開得太快太猛。
補習不補習，是家長的選擇；我只是分享一些不補習的心得，提出一些其他可能。
作者: Jane1983 時間: 20-9-25 08:15
回覆 文英妮妮 的帖子
呢個其實係小孩由興趣引發自學的magic。唔係國際學校獨有，只係國際學校比到個環境和空間小朋友自己探索。
我女都係好細個自己玩乘數，無補習，須知數學係有佢美妙之處。佢幼稚園時好鍾意地鐵，要我帶佢去睇唔同地鐵站咩顏色，自己學識寫所有地鐵站的中文名字。呢d唔係課程入面的嘢，係由興趣引發去學習知識，一把火可以燒得好遠。
作者: kinder.bb 時間: 20-9-25 08:30
本帖最後由 kinder.bb 於 20-9-25 08:58 編輯
我覺得主要領小朋友自己有興趣學習最為緊要。本地學校補習情況係好普遍，但又係咪個個補完都有好成績。我眼見，成績優異但無補習既同學大有人在。國際學校是有佢既教學方法，比時間小朋友在成長中學習，如果家長覺得唔足夠，相信一樣有去補習，但最後是否真係帶比小朋友有自發興趣去學習？是否真係有家長想要既成績? 其實都係睇小朋友自己啦。
作者: Mooncsl 時間: 20-9-25 16:12
我完金是過來人, 細仔上年在九龍塘某傳統私校讀小一,上課第二個星期已立刻要找補習, 補國語, 補英文, 補數學, 每天最少6-8樣功課, 見到他做功課和默書背字也心痛, 簡直想死, !所以今年和他轉了國際學校重讀小一, 17號開始上課, 放學回來完全不一樣, 主動跟我說在學校做完功課啦, 老師讓幾個同學一Group一起做Project, 有不明白互相研究, 再在課上問老師直接教他們, 基本回家已沒什麼功課, 但老師要他多睇圖書, 一中一英, 我仔現在還會主動說要開電腦睇老師的國語視頻學國語, 所以我現在已沒有補習, 多點時間給他學課外活動, 也見到他開心上課主動學習, 我感受很深.
當然每個孩子學習都不同, 我大仔十多年前是讀傳統小學升中學, 但當時沒現在那麼誇張, 可惜現在環境風氣已完全不一樣. 所以我只想細仔愉快學習!
小小愚見, 謝謝!
作者: Charlie妹 時間: 20-9-25 19:04
Falcon媽媽 發表於 20-9-24 14:54
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...
視乎你自己要求，孩子學習能力及經濟情況。例如你要否孩子中文有一定程度？想孩子入外國出名大學/本地大學？IB攞高分啲？或者有外國護照或屋企有錢，可隨時去外國讀書唔煩升學問題？
其實而家大部分IS學生都好勤力，一般人以為佢哋唔駛讀書的諗法已經不合時宜，只是學習方法有些不同罷了。
作者: Osiana 時間: 20-9-26 02:08
本帖最後由 Osiana 於 20-11-3 02:28 編輯
Falcon媽媽 發表於 20-9-24 14:54
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...
你個朋友嘅心態係好本地，根本唔需要理佢。 如果好似佢咁講，美國英國日本歐洲有咁多科學家，IT專才，咁佢地有無補習？
香港人補習咁多，有幾多個IT專才，科學家？ 好似黎青龍教授，使乜補習呀！
係香港LS讀書叻，只係圍住係個 syllabus 到，叻極都係係一個框框裡面。
IS係全人發展，唔係只係齋讀書。
LS 未必可以享受童年，太多無謂壓力，沒有了解自己潛質，只係跟住大圍一個劇本去走。
作者: 細佬Bebe 時間: 20-9-30 22:08 標題: 回覆樓主：
本帖最後由 細佬Bebe 於 20-9-30 22:14 編輯
我同另一半決心 小朋友中學前都唔會俾佢補習
因為：
1）唔想佢超前學習 上堂覺得老師教既野好低能 無心聽老師講 我覺得培養好習慣 比一時三刻既學術程度更重要
2）讀IS其中一個原因就係要多啲時間發展其他野同埋留白 留白都好重要 放左學再去補習同LS有咩分別？
3）小學同之前既野好淺 只要佢有好既學習動機 就算落後都好易追返
我唔需要佢贏在起跑線 因為我覺得無用
我只希望佢自己同自己比較 今日好過尋日既自己
對我泥講 小朋友有求知慾 好既聽講讀寫能力 鐘意學習 獨立自主 更重要
如果佢有邊方面 我/老師覺得落後 我會同佢一齊唸下點進步 去搵/買一啲教材資源 呢個self-reflection and planning 都好重要 唔係每月一千幾百外判俾補習老師可以幫到
作者: 細佬Bebe 時間: 20-9-30 22:15
Osiana 發表於 20-9-26 02:08
你個朋友嘅心態係好本地，根本唔需要理佢。 如果好似佢咁講，美國英國日本歐洲有咁多科學家，IT專才，咁佢 ...
講得真好 讀得幾叻都只係係個syllabus裡
教育唔等如讀書 更加唔係補習
it’s way more than that
作者: Radiomama 時間: 20-9-30 22:35
細佬Bebe 發表於 20-9-30 22:08
我同另一半決心 小朋友中學前都唔會俾佢補習
因為：
本帖最後由 Radiomama 於 20-9-30 22:40 編輯
欣賞你們的決心，加油。
小學不用補習，多啲時間讀書做運動仲好。初中階段沒有什麼問題的話，仍然不用補；就算到了高中，好多同學都有上補習班，但我問個仔，你駛唔駛補，佢都係no.
沒有去開補習，他和我都有點抗拒；這個年代，有唔明，佢會send email 問老師、又會上網查證、Khan Academy 這網站有大量免費教學videos, 唔識睇到識。孩子較熱衷網上自學，兩星期前迷上coding, 玩到不肯放手。
培養興趣、日子有功，沒有奇蹟只有累積。
作者: Osiana 時間: 20-9-30 23:14
細佬Bebe 發表於 20-9-30 22:08
我同另一半決心 小朋友中學前都唔會俾佢補習
因為：
同意！
有初小LS小朋友同我講，我哋學校教快半年㗎，好似好叻咁！
其實，根本唔明，跟唔上進度，要去補習，咁教快半年有乜用？值得眩耀嗎？
小學唔係學術做重點。 小學係打好語文數理邏輯基礎，分析思考，社交能力，說話及書寫表達能力，發掘潛能及優點，培養正確觀念。
小學階段，唔需要去學CODE，因為先要有邏輯思考。
好多IS父母都有清晰思維，起碼知道自己要乜，唔係跟學校走。
作者: 細佬Bebe 時間: 20-9-30 23:46
Radiomama 發表於 20-9-30 22:35
本帖最後由 Radiomama 於 20-9-30 22:40 編輯
欣賞你們的決心，加油。
我就係想佢有你仔仔 主動去解難既能力 唔係去補習社spoon feeding
補習社其實都係LS制度下既產物 可免則免 到公開考試個幾年 再度身去唸需唔需要額外指導
作者: 細佬Bebe 時間: 20-9-30 23:49
Osiana 發表於 20-9-30 23:14
同意！
LS家長覺得 教快1年半年 係一個重要既指標 有好多人仲根據呢樣野去揀學校
一個小三既小朋友去買小四既練習就係叻
我唔係局內人 不在其位不論其政
但係我理解既教育觀念裡 超前教育既後果可大可小 最驚係小朋友學過難既野 無左學習動機 到時唔知去邊搵返返泥
作者: 964000 時間: 20-10-2 08:27
Falcon媽媽 發表於 20-9-24 14:54
尋晚同個fd(佢D小朋友讀LS, 有好多補習同興趣班上)傾計, 我同佢講想阿仔將來讀國際學校, 係因為我鐘意IS教 ...
我自己只補中文，因為希望趁細個學多D。課外活動我女都多, 因為我地學校本身番半天之後會參加學校ECA, 佢本身又喜歡音樂和運動也會另外上課。
我只能説國際學校起碼有空間比你唔補習，你在LS ，要呈分升中，就算有直屬中學若墮入尾1/3都可能升唔番， 你會唔補嗎，我知連ARTS都有人為呈分去「補」。到你考頭浸，你升中又人望高處會甘心不補嗎？如果中英數是但一科不合格，學校不會分stream慢慢扶你，可以不補嗎？於是搞搞下好多都身不由己補。
在IS, 起碼一條龍，會分stream, 有learning support, 小學幼稚園出去補主要是家長自己需要大過學校需要，例如唔抵得教得慢或覺得學校教少左D野（尤其IB課程），數理資優需要超前學習等。
另外你不要剩係羣local香港人，尤其LS插班的no offend佢地好多慣咗補習才有安全感，讀IS比機會我哋接觸下外國家長平衡下，我女啲同學都是彈琴跳舞打波多，中國人會補中文，佢D同學都會學番自己國家語言（日文法文Dutch等），其實小朋友已經好忙，疫情之後更診惜和同學playdates的日子，點會放學冇野做。
要補不如自己看多些書，數學咪自己買D練習得閒做下，家長自己教下伴讀下啟發多些小朋友，培養自學能力更重要。另外我覺得運動是十分重要，眼見而家D小朋友愈大愈宅，最好自少培養運動興趣，身心都健康D。
作者: Osiana 時間: 20-10-4 10:50
細佬Bebe 發表於 20-9-30 23:49
LS家長覺得 教快1年半年 係一個重要既指標 有好多人仲根據呢樣野去揀學校
一個小三既小朋友去買小四既練 ...
作者: 細佬Bebe 時間: 20-10-4 20:41
Osiana 發表於 20-10-4 10:50
補習與否，其實要睇小朋友，如果小朋友係某d學科真係需要幫助，咁可能補習都係好。 例如， 以數學為例子， ...
係 如果有啲科太渣 都要唸辦法扶返上泥 因為有可能會影響學習既信心
家長教到就慢慢幫 教唔到可能要考慮外判俾補習社
作者: netkappa 時間: 20-11-2 03:44
其實補習呢個問題幾有趣，學校文化同教學方法吾同咗，但家長思維不變，怕自己個仔輸在起跑線，見其他人補佢又補。我個仔year 2啲數好差，D家長朋友比咗好多補習社推介，但考慮下決定唔比佢補，最後響學校老師嘅幫助下用咗半年時間追返曬，其實當初做決定嘅原因好簡單。唔想佢有倚賴，最後發覺啲嘢真係慢慢變好，只要家長吾好太心急
作者: jane__411 時間: 20-11-2 09:24
本帖最後由 jane__411 於 20-11-2 09:25 編輯
回覆 Falcon媽媽 的帖子
首先，你要明白點解LS的學生日補夜補、日讀夜讀，因為他們之間的競爭很大，每一個學生都要maintain自己校內的成績，你可以理解有競爭才有進步，我是過來人，這種進步學校較少體恤學生的情緒發展、行為思想，而且如果小朋友有能力背讀書中內容，基本上測驗考試成績可達80-90分以上，想再上一層樓便要再自己做額外練習或補習tip題目，例如中文如閲讀理解、數學如文字題、常識如時事題，所以小朋友每一分也很重要，簡單啲講補習就係為分數......如果小朋友比較文靜又精於背誦，不是很喜歡思考，我覺得很適合，因為即使是思考的題目，都早已有正反的model answer.
而國際學校因為越來越多中國人選擇，所以有中國人的競爭其實就大，因為他們都很著重成績，但其實IB課程都唔易比家長用自己小朋友來作比較，我自己覺得小朋友更易學習同發展自己的興趣，如果你希望小朋友識LS的知識，其實真係簡單到不得了，買LS的教科書，打開現代個網任你睇，我自己就覺得小學唔需要補習，因為我自己小朋友會自己睇書同我自己會教，而且根本無測驗考試壓力，但讀IS其實self discipline仲緊要過LS，而點解IS咁多學生都咁叻，係因為佢哋的教育係inspired唔係死讀，而且語境師資都好好，我轉了都很滿意，不過讀開LS初初多咗時間玩都有罪惡感，但見小朋友讀咗幾個月英文國語講得好好、善用電腦ppt..文書..app同software、英文寫poem同一大篇essay，唔係再以前考試篇writing都係要背咗至考試，我覺得這才是真正與時並進的學習。
作者: 964000 時間: 20-11-2 09:41
jane__411 發表於 20-11-2 09:24
回覆 Falcon媽媽 的帖子
首先，你要明白點解LS的學生日補夜補、日讀夜讀，因為他們之間的競爭很大，每一個 ...
你經歷過LS和IS就最清楚，大家把心思放在不同地方。LS太量化每一様野，目的就是為比較，連操行都有得打個分。當你需要爭取每一分便會考慮補習。
其實太早太多補習還有一個害處，就是小朋友會培養不到「自學」的能力。
作者: 964000 時間: 20-11-2 09:51
netkappa 發表於 20-11-2 03:44
其實補習呢個問題幾有趣，學校文化同教學方法吾同咗，但家長思維不變，怕自己個仔輸在起跑線，見其他人補佢 ...
其實IS一般會有learning support, 如果唔識應該叫學生自己向老師求助，以我女學校為例，很鼓勵學生唔識隨時在google classroom/ email 問老師。ECA可選homework club , 老師會額外跟進學業，另外有額外英文/外語課程比插班生，又有learning support teacher跟進。
IS學生出外補很多可能是想「補充」學校課程，其實不如揀啱學校跟番學校，那些所謂補習咪又係大家齊齊做練習，自己買來做也可以。
作者: Falcon媽媽 時間: 20-11-2 10:47
回覆 jane__411 的帖子
想問下係咪間間都係冇test or exam? 就算IB/AP/IGCSE都係一樣?
作者: jane__411 時間: 20-11-2 11:22
回覆 Falcon媽媽 的帖子
佢哋通常用平時accessment，做group project、presentation，其實模式同我哋大學好相似，所以我以前大學先學既野佢哋而家已經有機會接觸，我小朋友間IS都有默書同test，通常電腦做的test都是世界性的，不過學校主要係睇每一個學生的情況而幫助佢哋學習，所以好少煩到家長，IS係手册都無本，所以家長想插手佢哋既學習都唔係易事，而且佢哋學嘅野好廣泛，小學topic上至天又下至地理，無聊到digital citizenship至好學術的Limbic System都會探討......
作者: poonseelai 時間: 20-11-2 11:54
Falcon媽媽 發表於 20-11-2 10:47
回覆 jane__411 的帖子
想問下係咪間間都係冇test or exam? 就算IB/AP/IGCSE都係一樣? ...
無/少測驗考試係講緊小學，IB PYP 直頭不淮，去到中學當有
作者: philnmena 時間: 20-11-2 12:52
本帖最後由 philnmena 於 20-11-2 12:53 編輯
我小朋友讀緊國際學校，普遍本地小學家長覺得教得多，快同深先係好，但有冇諗過點解外國小朋友咁遲認字，唔谷學術，但會出到咁多科學家同作家。再望下香港，香港小朋友細個個個都好叻，但大左之後有幾多人會做到科學家同作家？
作者: 964000 時間: 20-11-2 15:58
Falcon媽媽 發表於 20-11-2 10:47
回覆 jane__411 的帖子
想問下係咪間間都係冇test or exam? 就算IB/AP/IGCSE都係一樣? ...
放心，IS到中學開始會多功課/tests/ assessments etc, 別以為真係唔洗讀書咁多IB狀元，不過佢地幼稚園小學真係可以愉快學習又沒有升小升中壓力
作者: hitommycc 時間: 20-11-2 22:49
我都係一路聽人地講「讀IS一定要補習」，「升中學會寫作唔得數學唔得」，「小學讀ib唔夠solid」，攪到心有少少壓力。我仔普通esf小學，全部自動波冇補習過，升中後assessment好多，so far grading全部top，我都冇乜可以幫佢，所以小學輕鬆愉快學習個學術底其實都可以打得好好。我唔反對補習，但絕對唔係人人需要補習的。
| 歡迎光臨 教育王國 (/) |
Powered by Discuz! X1.5 |