教育王國
標題: 返兩間幼稚園SH聖心加私幼 [打印本頁]
作者: 再別康橋 時間: 20-9-9 21:12 標題: 返兩間幼稚園SH聖心加私幼
其實 我想問咁做會不會太過份了？我的幼女就讀某私幼pn,學術很好的一間幼稚園，阿女讀得都好好，跟得上進度，但考小並沒有backup.. 過往沒有Offer的也大有人在！然後我12 月收到聖幼（SH) 的offer..已經註冊咗，買埋校服（勁鍾意嗰條桃紅色嘅tie)
然而我並沒有放棄私幼的K1, 因sh 給我am, 私幼我是讀pm, 我想問來年K1我咁樣讀，會不會真的很怪獸？？
我想知道有冇人同我一樣都係讀兩間幼稚園𠺢？我真的很不想放棄sh 能比較大機會入聖私的優勢，但是我又覺得sh 考直資小學程度又不夠，我真係唔知我可以點做。。請問如果係你，你又會點做？
作者: iba 時間: 20-9-9 21:37 標題: 回覆樓主:
我覺得如果小朋友唔使瞓晏覺係 ok嘅。
不過要留意返 夠唔夠 時間食飯同埋 交通安排
仲有要睇下學校有冇講明唔畀返兩間
作者: 再別康橋 時間: 20-9-9 21:48
真的很感激你會花時間回覆我
我小朋友係可以唔使瞓晏覺，但佢始終未試過返兩間
sh 放11:40,而該私幼pm返一點半左右，應該講得切慢慢食午餐再hea 一陣，請容讓我再詳細講多少少我的狀況私幼在葵青區，SH 位於西半山區，我住九龍
如果可以的話，請給予你們的看法,非常感謝:donutshy:
作者: kisani 時間: 20-9-9 22:20
再別康橋 發表於 20-9-9 21:48 
真的很感激你會花時間回覆我我小朋友係可以唔使瞓晏覺，但佢始終未試過返兩間sh 放11:40,而 ...
作者: 再別康橋 時間: 20-9-9 22:27
係啊！我就係有咁諗，如果讀兩間，得返夜晚時間閲讀，但如果只讀SH，可以補甚麼呢？因為好少幫k1k2小朋友補習的補習社，多數都靠學校谷，再由家長配合？我現在每天親子閲讀一個半小時，但只補Kumon 同剛開始學phonics...
作者: vivluvd 時間: 20-9-9 23:19
老實講真心唔建議讀兩間，對小朋友太大負擔
作者: vivluvd 時間: 20-9-9 23:21
因為小朋友需要休息，玩樂既時間，太緊逼既時間表會令小朋友精神緊張
作者: steven0212 時間: 20-9-10 00:15
SH 其實小學中學都已經唔錯。
咁要問下你自己最後目標係D咩先。點解想佢入你心目中既直資？如果讀兩間到最後考唔到你心目中所揀既直資呢？ 失去左既係D 咩呢？
而家咁細個最主要係要培養佢既興趣，同埋語文能力。如果返兩間只係諗住考直資而另佢失去對學習既興趣就慘了。
作者: 快樂火雞 時間: 20-9-10 09:59
我估私幼應該係青衣學之園
其實讀兩間怪獸與否就見仁見智，
但係我覺得聖心去到學之園不是個半鐘可以解決
作者: 再別康橋 時間: 20-9-10 10:10
十分多謝各位的意見
其實講得好啱，時間真是太緊迫，1.5hrs only 要由西半山去青衣，所以算了，我只能讀一間，同埋我驚迫到佢怕。。。所以冇辦法，只能選sh...然後補習自己跟
作者: luvluvpeonybaby 時間: 20-9-10 14:47
回覆 再別康橋 的帖子
既然你講到間私幼學術好你個女又跟得你，你為咩仲要報SH? 學術好又跟得上既話，考直資都唔會大問題啦! 讀兩間，我驚你由原本跟得上變為跟唔上....
作者: kisani 時間: 20-9-10 15:35
本帖最後由 kisani 於 20-9-10 15:35 編輯
或者你諗聖私係咪你杯茶再決定? LH青衣讀完4年出黎應該唔愁有直私offer(二線點都有)，叩門亦有一定競爭力，所以除非你十分心儀聖私否則唔太值得轉wo
作者: 已刪除用戶 時間: 20-9-10 16:14 標題: 回覆樓主:
我都覺得應該keep 青衣LH, 放SH,
我同你都差唔多處境，諗左好耐今日放左間pm, keep LH am
作者: 已刪除用戶 時間: 20-9-10 16:18 標題: 回覆樓主:
同埋聖小半日制，星期六好似長短週，所以聖小真係唔係我杯茶，LH青衣係咁多間LH之中最好，只要唔係太懶既媽媽同小朋友，應該點都考到唔錯既小學
作者: HK-CR7 時間: 20-9-10 17:43
讀青衣LH都諗住0 OFFER? 唔係對學校同小朋友咁無信心呀? 加上你住九龍, 唔會過海讀書啦, 根本一開始就唔應該報SH
SH程度肯定低過LH, 你將來想出黎考學校都難, 除非狂外補, 車程又遠, 浪費時間........
作者: 快樂火雞 時間: 20-9-10 19:02
放LH選聖心的見得多，放聖心選LH真心少見。
其實每年聖心考入DG同SPCC也有六七個，就算不如青衣學之園，但也不是差很多。
如果再考慮到聖心的學生對於聖公會學校來講，基本屬於N無，聖心的外闖成績其實非常亮麗。
要明白對於聖心來講，聖津聖私只係保底的選擇，每年有三分一學生去左更好的學校，你自問LH有幾多個入到聖私個level？
LH每年給七八萬學費，出到來可能得一間二綫直私，同聖心三年免費，出來保底一綫私校。
怎麽選不用說吧
作者: 再別康橋 時間: 20-9-10 19:37
謝謝各位的分析，我現在還是喜歡SH 多點，但自己要跟返貼d,以提高學術程度*.* 教育王國真的有很多很有心的家長，很感激您們！
我自己很認同快樂火雞的看法，真的很感激很感激！！！
作者: b3410 時間: 20-9-10 22:03
SH 幼係學劵？如果係，真係好抵
出去考小學，名氣方面唔會差過私幼。學術方面，其實幼稚園學術教到幾多？有時間學多D 真係興趣的興趣班，閱讀，玩，休息，點都好過日日過海奔波。
之前都有人讀兩間，不過都在九龍，一間龍幼，一間私幼，屋企住附近，媽媽自己開車接送。可以返屋企食lunch, 休息一下，換校服再另外一間，唔算辛苦。
作者: DengCK 時間: 20-9-10 22:18
的確很怪獸
作者: healthno1 時間: 20-9-11 01:06
要考慮興趣班的問題
若我會揀sh放lh，讀sh再裝備好出去考小學
作者: littleduckduck 時間: 20-9-11 14:02
本帖最後由 littleduckduck 於 20-9-11 14:25 編輯
LH 好以保險D. LH 名氣唔差. 但SH 升小比例有幾高? 如同LH 差唔多, 唔值得咁辛苦過海. 現時小朋友是否巳返2間? 如巳返2間頂到會好D. 但坐車小朋友都會攰.
作者: 快樂火雞 時間: 20-9-11 14:16
回覆 littleduckduck 的帖子
聖私幾乎收曬所有沒offer的小朋友，平均落來點都好過學之園，起碼唔會去福小培僑
作者: littleduckduck 時間: 20-9-11 14:23
快樂火雞 發表於 20-9-11 14:16
回覆 littleduckduck 的帖子
聖私幾乎收曬所有沒offer的小朋友，平均落來點都好過學之園，起碼唔會去福小 ...
作者: 快樂火雞 時間: 20-9-11 14:49
回覆 littleduckduck 的帖子
沒有百分百
有小朋友會抽入聖提女聖彼得等等，或者去同宗教的聖保祿德望，還有會去聖保羅拔萃。但唔會好似SPK咁，K2就話沒得上SPC
聖私+聖津cover七成
作者: gigiyyc 時間: 20-9-11 18:35
littleduckduck 發表於 20-9-11 14:02
LH 好以保險D. LH 名氣唔差. 但SH 升小比例有幾高? 如同LH 差唔多, 唔值得咁辛苦過海. 現時小朋友是否巳返2 ...
LH所考到嘅學校有幾多間係聖心同級或以上
有聖私仲可以抽獎，訓身搏盡都得
作者: littleduckduck 時間: 20-9-11 21:10
gigiyyc 發表於 20-9-11 18:35
LH所考到嘅學校有幾多間係聖心同級或以上
有聖私仲可以抽獎，訓身搏盡都得
其實2間都係好學校, 但如果仲要過海讀2間, 真係會比較甘. 如之後還要外補, 真係要好好計計畫時間.
作者: chuheadlacool 時間: 20-9-11 23:40 標題: 回覆樓主：
本帖最後由 chuheadlacool 於 20-9-11 23:42 編輯
讀兩間應該冇可能，除非你親自揸車接送或日日的士，都仲有半個小時食飯時間。
聖幼真係一個好強既backup，聖私根本上收返晒所有聖幼生，除非你完全唔考慮聖私，否則有龍揀龍，進可攻退可守。
LH學術一定好過聖幼係鐵一般既事實，但考小係咪剩係靠學術？咁又未必，學術只係考小既其中一部份，仲有好多變數，所以有聖私做backup真係好重要，到考小你就會感受到冇backup既壓力同傍徨，而且有聖私仲可以大抽獎。
作者: 蚊蚊mosquito 時間: 20-9-12 07:53 標題: 回覆樓主：
本帖最後由 蚊蚊mosquito 於 20-9-12 07:56 編輯
選定讀一間吧！
既然你是LH PN用家，我諗你自己都會了解LH教學方法，有幾多支援俾家長，點幫小朋友提升。
從你的文字看來你比較喜歡SH, LH升小有其不確定性這是事實，選那間都冇對與錯之分，讀兩間就肯定係太辛苦。
LH k1功課，溫習/要準備的內容也不少,如果要讀2間，可能係小兒不才，個人覺得小朋友同家長都太忙。
作者: sasa_0209 時間: 20-9-12 23:07
如果你真系放棄唔到，不如把心一橫搬去11網，轉LH 君豪校，咁就可以返西半山的聖幼&鰂魚涌的LH啦
作者: piglover 時間: 20-9-13 10:29
唔想講邊間幼稚園好d。不過，我在what’s app 谷，見到有個聖心媽媽比錢收買LH停課教學video同習作教材。
作者: taiyeung 時間: 20-9-13 14:44
當年我同樓主情況相似，K1考到龍幼(包括SH)，起初好唔捨得LH，但讀兩間中間時間太rush，要趕得切就一定要餐餐外面食同換衫，大人細路都辛苦，所以揀咗龍幼。
作者: Usagicat 時間: 20-9-13 18:44
再別康橋 發表於 20-9-9 21:12
其實 我想問咁做會不會太過份了？我的幼女就讀某私幼pn,學術很好的一間幼稚園，阿女讀得都好好，跟得上進度 ...
你呢個諗法，我當初都有。
一邊LH, 一邊聖心。 但我最終揀聖心。 聖心其實教唔淺， 更加多需要家長出力。 卷幼來講，英文全部 NET 教， 雖然比不上LH 日日都有NET, 但都還可以吧！
外面話龍幼淺，其實K1功課大部份同LH差唔多。
聖心家長一般都再自谷，你如果自問係要餵食類的家長，LH 可能比較適合， K2 又有啟迪班，完全可以交比學校。聖心另一個層面係學校比較多德育及宗教課，K2 更加一人一制服團隊。課前課後另有自費的興趣或學術班。升小全靠家長自己張羅，今年K3 畢業生成績亮麗，六成入聖津/私。還有女拔，SPCC共10個。卷幼來講，絕對唔失禮.
作者: pollywcw 時間: 20-9-13 20:17
同樓主一樣住九龍, 當年小朋友由LH PN 轉去聖心K1 ，無後悔.九龍去SH 校車時間要45分鐘左右, 唔建議讀兩間幼稚園.
聖私加聖津差唔多cover 幼稚園9成, 視乎三班定四班.
不過聖幼學術係唔入流, 無論點補都拍唔住LH. 好難考到其他私校或直資.
如果你係N無人仕, 我諗唔到唔揀SH理由, 除非小朋友係唔適合傳統學校.
講真上年11月中聖私出offer , 仲有唔少人要2 nd in 係公海爭水泡,
我已經舒舒服服可以等9月開學.
同埋聖心係關顧自己人, 只要你一心一意唔會無着落
作者: 再別康橋 時間: 20-9-13 21:14
真的真的很感激你們！！！竟然會花時間回覆我！
亦有過來人同我講經歷，真的很感激！我會選擇聖心，但我會自己跟學術，真希望我細女可以入到聖私
但當然也要有兩手準備去報考其他直私小學，因競爭真的太大了
作者: xAlexNgx 時間: 20-9-14 12:25
回覆 littleduckduck 的帖子
其實直私好難考。朋友个仔。红磡LH考左24間，只有2間offer.
最後選高主教。
作者: myhappylife 時間: 20-9-15 09:34
pollywcw 發表於 20-9-13 20:17
同樓主一樣住九龍, 當年小朋友由LH PN 轉去聖心K1 ，無後悔.九龍去SH 校車時間要45分鐘左右, 唔建議讀兩間 ...
SH學術唔入流？...你出面有咩外補呢？相信你都會自己跟到足。
作者: pollywcw 時間: 20-9-15 10:41
本帖最後由 pollywcw 於 20-9-15 10:49 編輯
學校老師都知自己學校學術唔出入流啦，出去同人對比較下就知啦。’
我冇聽ＳＨ家長話學術係ＯＫ囉，十個有九個出去補已經知咩事。
SH 係比HY, ST.ROSE學劵學校仲要淺。
補習只係拉近番同出面距離，唔好諗係咁易補下英文就可以考到私校，二線私校可能ＯＫ。
作者: 再別康橋 時間: 20-9-15 12:54
有SH 用家肯分享真的很感激！！
SH 學術固然不及私幼，但勝唔多唔少都有backup 嘅，只要一心一意（聖津）同肯自己跟得足d..我諗聖私小較喜愛d肯跟小朋友學業的家庭
作者: 快樂火雞 時間: 20-9-15 13:09
始終要說一句，學術不是幼稚園教育的目標。
好的幼稚園重視德育體育藝術學術全面發展，培養的是良好的學習習慣，而不是單單學術。更何況係好多家長眼中英文變成學術的全部。
同埋講一句好多小朋友考直私神校係衰係中文度
作者: myhappylife 時間: 20-9-15 15:13
回覆 pollywcw 的帖子
點解你會選SH? 介唔介意講係咪你有分晌手?
作者: myhappylife 時間: 20-9-15 15:14
回覆 快樂火雞 的帖子
衰晌中文度呢句好同意
作者: 再別康橋 時間: 20-9-15 18:39
沒有任何分數，大女以前讀一般津小（我唔係好鍾意呢個間小學，所以我並不想我細女讀這間小學，因為學術底子不夠好，追英文追咗好耐，我大女喺呢間小學英文全級第一，然後中一自行入到神津後，S1上學期英文全級大約只排中上！中文又覺得深咗好多，所以我覺得呢間小學個學術底子相當麻麻）然而一直靠外補，終於成功插班佢心目中喜歡的直資中學，所以我覺得靠外補係有用嘅(當然都要個學生自己肯努力)
但是我知道沒有任何分數的情況下，選sh再外補自己跟，其實係相當有風險的
作者: 再別康橋 時間: 20-9-15 18:41
這是我自己的個案。。。。我也很期待Polly 分享一下為什麼你會選擇S H，是不是跟我一樣喜歡SH的半龍優勢
作者: 再別康橋 時間: 20-9-15 18:43
回覆 快樂火雞 的帖子
很中肯。幼稚園目標最主要都係培養學生興趣，目標不是早教學術
如果想要學術嘅話就要自己去跟
作者: pollywcw 時間: 20-9-15 21:10
我係n無人仕, 亦係穩陣派. 當年就算係LH 讀N , 已經一心要讀龍校要有Band 1中學. 小朋友好好彩考到三間, 我地亦揀聖心因為鐘意女龍校.
LH課程係無得彈,但我覺得自己揀SH好正確, 原因係聖私係好有份量back up.
我呢年佢係無條仵留一百個位俾聖幼. 老實講我小朋友留係LH 都未必考到同level 學校.
出去考學校除咗學術, 小朋友性格,眼缘, 好多因素.
樓主有家姐已經經歷過升小升中, 比我更明白條路應該點走.
不過都要認真考慮小朋友性格去揀學校, 如果真係太活潑類型, 就要考慮傳統學校係咪合適.
作者: witchhazel 時間: 20-9-15 22:43
咁其實你可以考慮搬屋ar 近是但一間
作者: witchhazel 時間: 20-9-15 22:47
其實我自己覺得讀am pm兩個又唔係咩問題 3hr真係時間太短 除左香港其他地方幼稚園多數都全天喇
作者: Kainy 時間: 20-9-16 11:20
回覆 piglover 的帖子
Mama谷話賣LH二手教材俾人舉報
作者: 再別康橋 時間: 20-9-16 11:56
回覆 witchhazel 的帖子
很好的建議，唉，中西區租金相當昂貴！！我有諗過返晒兩間，但係香港全日幼稚園係有午睡休息時間，如果我返呢兩間佢完全係冇休息。。。唉，冇辦法。。除非我轉學之園分校（之前留言有一位好媽媽提議過，我覺得呢個方案很好，所以我同老公商量緊）
作者: 快樂火雞 時間: 20-9-16 12:03
witchhazel 發表於 20-9-15 22:47
其實我自己覺得讀am pm兩個又唔係咩問題 3hr真係時間太短 除左香港其他地方幼稚園多數都全天喇 ...
作者: maymay27 時間: 20-9-30 08:29
本帖最後由 maymay27 於 20-9-30 08:30 編輯
piglover 發表於 20-9-13 10:29
唔想講邊間幼稚園好d。不過，我在what’s app 谷，見到有個聖心媽媽比錢收買LH停課教學video同習作教材。:h ...
不過調轉角色，一千幾百 又點可能買到人哋嘅升小機會，
相信讀龍幼，
都唔係只著眼學校的學術嘅
作者: MrsPerthLiu 時間: 20-10-6 23:10
西半山去青衣，個半鐘要食飯加換衫，自己揸車都忟水，如果搭車就真係攪唔掂
| 歡迎光臨 教育王國 (/) |
Powered by Discuz! X1.5 |