教育王國

標題: 有冇人用過James Lee，好唔好？ [打印本頁]

作者: 44944 時間: 20-9-4 02:31 標題: 有冇人用過James Lee，好唔好？

有冇人用過James Lee，好唔好？

作者: yuyueng 時間: 20-9-4 11:40

我無用過因為價錢唔平，呢幾年見唔少負評，我覺得除非你貪佢地有廣東話溝通，否則我情願揾正常英國果D，
如果好既有P字頭不過一樣唔平，呢間我用過，跟得好足，唯一不足系佢地安排左一個環境唔好既host family 比我仔（間屋好細，間房亦好細，連書台都無，仲要燈膽好弱，一個星期只有一日可以外出，因為屋企得host dad有車，慘過covid 19 隔離）

作者: jamhappybobo 時間: 20-9-4 14:21

44944 發表於 20-9-4 02:31
有冇人用過James Lee，好唔好？

你去番8月尾有個post「轉監護人一問」睇吓，就知呢間公司係點，唔知係咪有回佣，好多agent recommend呢間，用過你就知！所以只能靠agent介紹新客，因為無人會續約

作者: jamhappybobo 時間: 20-9-4 14:28

雖然我冇證據，但我都幾肯定個agent同JL有啲關係，因為我唔續約嘅時候，唔知應該點做，上去Agent問，佢完全沒有任何意外或驚訝，就淨係叫我自己send email比JL就得，睇佢個樣，似乎好多人都係咁做，所以佢唔覺得奇怪，仲要最嬲係返咗學之後，我發現其實間學校有自己嘅guardian公司，其他同學仔都係join咗學校指定嘅guardian公司，但係個agent就冇同我講，嬲爆,間Agent就係B字頭、成日買廣告，個陳老闆之前同唐詩詠緋聞嗰個

作者: jamhappybobo 時間: 20-9-4 14:58

講起佢，啲怒火簡直不能熄滅。話說阿女初期有啲適應問題，學校要求見下guardian,了解吓阿女，於是佢由倫敦搭火車去，去到學校行咗一個圈，見完學校老師，跟住打俾我話見咗學校啦冇咩問題，咁我話亞女呢，佢話佢去到學校嘅時候亞仔啱啱返咗boarding School，佢話打個電話俾亞女，阿女冇乜特別，所以佢就唔再去搵亞女啦。我真係即刻嬲爆，山長水遠去到學校，你咁都唔去探下阿女，睇吓佢個boarding School係點樣，有冇任何生活上嘅困難? 乜都冇，最後竟然比張洗咗差不多$1000嘅交通費單我。如果齋講電話，我使乜要你Guardian啊，我日日自已打俾阿女都得啦，

作者: jamhappybobo 時間: 20-9-4 14:59

最初都係貪佢guardian係香港人，大家容易啲溝通，但竟然咁不負責任，所以第二年即刻轉左,講真，係香港人既guardian 大把啦，佢JL咁既服務，真係等執笠，不過同啲Agent關係好，不停介紹新客俾佢，佢又唔會咁易執嘅

作者: cfs 時間: 20-9-4 15:55

44944 發表於 20-9-4 02:31
有冇人用過James Lee，好唔好？

唔好！

作者: ricenoodle 時間: 20-9-4 18:16

朋友用過JL ，之後都轉左第二間。

作者: Wilfredma 時間: 20-9-4 18:29

只可以用三個字形容！十分差！！！千其不要用。掉$ 落海

作者: jamhappybobo 時間: 20-9-4 19:38

2月英國因為肺炎，消息滿天飛，佢一啲資訊都無，更唔好講聯絡家長，都最後學校出email,話一個星期內要全部離開boarding school, 我哋立即同其他家長一樣瘋狂搶機票回港，佢完全乜都唔知，我地忍無可忍email問佢究竟guardian公司有冇安排，佢竟然話叫我地自己去search 佢公司website睇newsletter,吓？你一個group whatspp通知所有家長是否有效率過叫家長自己上去website 睇啩？我幾時知你post咗野？而家係十年都未見過的亂局呀！

作者: jamhappybobo 時間: 20-9-4 19:39

完全係guardian界嘅敗類、垃圾！

作者: patell_au 時間: 20-9-4 21:12

懷疑根本就嚟執，淨係識收錢唔識做嘢！

作者: bbba05 時間: 20-9-4 22:08

既然一面倒的負評，不如開名邊間agent推薦給你，俾d壓力agent, 唔好再介紹哩d垃圾監護人公司去害人。

作者: kct18 時間: 20-9-4 22:18

佢一年收幾錢？

作者: Wilfredma 時間: 20-9-5 01:19

試過係佢Facebook 留言負評，佢地意然delete 左去！重好意思email 問點解對佢公司不滿！！

作者: Wilfredma 時間: 20-9-5 01:21

回覆 jamhappybobo 的帖子

絕對同意

作者: patell_au 時間: 20-9-7 14:18

Wilfredma 發表於 20-9-5 01:19
試過係佢Facebook 留言負評，佢地意然delete 左去！重好意思email 問點解對佢公司不滿！！ ...

有問你都好吖, 佢地完全冇問過我, 咩service都冇. 連問下都冇, 唉!
果陣佢地sell我就係話人地其他啲監護公司只係用email溝通, 佢地就有whatsapp, 又有真人喺香港, 到頭嚟見你不滿, 都係email嚟問你, 真搞笑. 唔好俾我估中, 一定又係英文email !

作者: etoile 時間: 20-9-7 15:52 標題: 回覆樓主:

我記得james lee最初出現喺EK時，好多好評……。
而家跌曬眼鏡！

作者: Wilfredma 時間: 20-9-7 21:57

回覆 patell_au 的帖子

係啦！又係英文，我都費事答佢，用埋呢個terms cut 左佢

作者: Wilfredma 時間: 20-9-7 22:00

回覆 patell_au 的帖子

笑大人個口，WhatsApp 永遠吾覆吾理，明明見英國嗰邊睇咗WhatsApp , 都可以完全冇回應，差到不得了！甘都收人3 千幾鎊，垃圾到不了的公司

作者: 44944 時間: 20-9-9 19:37

回覆 etoile 的帖子

Thanks

作者: patell_au 時間: 20-9-10 16:53

etoile 發表於 20-9-7 15:52
我記得james lee最初出現喺EK時，好多好評……。
而家跌曬眼鏡！

你之前都係用JL?

作者: etoile 時間: 20-9-10 16:57

patell_au 發表於 20-9-10 16:53
你之前都係用JL?

我用Eve Leung，不過會八卦其他guardian嘅消息。

作者: Jasmine36 時間: 20-9-10 19:28

回覆 44944 的帖子

James Lee我自己個細路用咗幾年，而家第二個都係用佢我用落就覺得冇乜問題
我之前都有用過其他，佢哋收費係平啲，但係啲寄宿家庭質素非常差
答野嘅速度都係差唔多
我諗揀監護人同揀補習老師都係一樣要人夾人

歡迎光臨教育王國 (/)