教育王國

標題: 會考慮咩因素嚟決定俾小朋友讀國際校定local school? [打印本頁]

作者: 已刪除用戶 時間: 20-8-28 04:11 標題: 會考慮咩因素嚟決定俾小朋友讀國際校定local school?

本帖最後由 potato38 於 20-8-28 04:15 編輯

我諗極都唔知俾小朋友讀local 定國際好。冇打算日後會去外國讀書或生活。
性格要點先識合國際校？本身唔太守紀律，咁究竟唔識合local school, 定反而因為要學紀律而唔好讀國際？
性格外向，本身讀兩種都又可以。
性格唔喜歡背誦，填鴨式，試問有邊個會鍾意，大部份都唔鍾意啦。
語言能力就本身講東話同英文都一樣流利。
學費唔係考慮因素。因就算local school 都打算私校，點都係要俾錢。
讀國際校到中學畢業，中文字會唔會好差，好似鬼佬學中文，學外語咁。定其實一般基本字都會ok, 冇影響長大後工作。
有冇邊間學中文字叻d 嘅國際校？

作者: Poyau 時間: 20-8-28 07:23 標題: 回覆樓主:

CIS相對較注重中文

作者: jtw_ki 時間: 20-8-28 07:46

其實唔係要跟小朋友性格去揀學校，而係你想佢成為邊種特質嘅人，同埋你想佢點樣成長。
每間學校都有唔同性格嘅人，唔會國際學校就全部活潑，傳統學校就全部文靜，所以冇話邊類型嘅人啱邊類型嘅學校。你應該諗嘅係你想小朋友接受邊種教育，成為邊一類人？你想佢嘅成長過程係點樣？同埋你比較鍾意國際學校教學模式，定傳統教學模式？

歡迎光臨教育王國 (/)