教育王國

標題: 選擇樂器，好苦惱 [打印本頁]

作者: asonlyasone 時間: 20-8-16 08:00 標題: 選擇樂器，好苦惱

亞女5歲，本身學緊鋼琴，黎緊升小一要學多一樣樂器，我完全無音樂底，覺得個女本身細粒，牙齒齊，手指尾長度剛到無名指第二節，想比佢學小提琴或者長笛，因為個人覺得呢兩種樂器動作比較優雅，但係我先生建議敲擊樂，話呢種樂器講求拍子感，比較易學同埋可以幫到佢學鋼琴，但我從來冇諗過比女仔學敲擊，所以想請教有經驗的音樂人比啲意見，包括考慮金錢，應該揀邊樣？

作者: MillieLin 時間: 20-8-16 08:16

asonlyasone 發表於 20-8-16 08:00
亞女5歲，本身學緊鋼琴，黎緊升小一要學多一樣樂器，我完全無音樂底，覺得個女本身細粒，牙齒齊，手指尾長 ...

帶妳囡在youtube聽各種樂器聲音&演奏方式,看她自己喜歡哪種?一般琴行也有樂器體驗班可試各種樂器

主要是囡要學,她自己的意願最重要。
未來練習會比較開心。

我自己就是仔仔自己選樂器,很喜歡,會保護樂器,也享受練琴樂趣。

作者: b3410 時間: 20-8-16 09:47

其實一來考慮小朋友自己興趣，還有師資，有冇適合的老師，major邊種樂器，又教的好好？

作者: asonlyasone 時間: 20-8-16 11:29

MillieLin 發表於 20-8-16 08:16
帶妳囡在youtube聽各種樂器聲音&演奏方式,看她自己喜歡哪種?一般琴行也有樂器體驗班可試各種樂器

主要是 ...

佢youtube睇佐，特別鍾意嘅就無，對長笛同小提琴都唔算抗拒，但敲擊就唔鍾意，不過佢爸爸正在試途說服佢學，佢嘅論點依然係嗰個，仲話怕學其他到時搞唔好可能連鋼琴都會放棄。

作者: MillieLin 時間: 20-8-16 11:40

asonlyasone 發表於 20-8-16 11:29
佢youtube睇佐，特別鍾意嘅就無，對長笛同小提琴都唔算抗拒，但敲擊就唔鍾意，不過佢爸爸正在試途說服佢學 ...

不一定要選小提琴or長笛吧!無特別鍾意就别勉強,等囡大些再選,目前可以多體驗幾種試試,有空可以youtube多欣賞音樂會,培養音樂賞析力。

我仔快5歲學鋼琴,上小一(九月)才開始學小提琴,十一月才多加中提琴(在音統局學),進度良好,學習態度認真,平時會主動練琴。

我覺得妳等囡囡準備好了要選擇的樂器再學,效果比較好,妳少勞氣,囡囡也開心些

作者: bebebe12345 時間: 20-8-17 14:13

本帖最後由 bebebe12345 於 20-8-17 14:47 編輯

囡囡5歲是學習鋼琴和小提琴最理想的時間、管樂可以較大一點才考慮!
明白除鋼琴外要選擇多一樣集體樂器、只要分淸主次便可、也明白作為家長錢要花在刀口上!
當年二個囡囡早已選定以鋼琴為主、故在學校上小提琴課、終參加樂團至中學畢業。另一囡囡以小提琴為主力、鋼琴小學完成八級便停了。
始終孩子、老師、家長三方結合、缺一不可! 尤其是興趣的培養.......
鋼琴對拍子、節奏相當全面、絕大部份的樂器及聲樂都要和鋼琴拍合、、、、

作者: lflxl 時間: 20-8-17 23:23

我覺得咁細學敲擊樂驚聽壞耳仔就真尤其學鋼琴需要敏銳聽覺有鋼琴底學弦樂睇一行譜更易上手

作者: ho_yan2406 時間: 20-8-17 23:55

細細粒學小提琴會易D,小提琴有分size,
長笛都有J型頭俾細既小朋友易吹d,但其實管樂要吹,太細個會唔夠氣,感覺會難d

作者: yifeifei2 時間: 20-8-20 11:35

lflxl 發表於 20-8-17 23:23
我覺得咁細學敲擊樂驚聽壞耳仔就真尤其學鋼琴需要敏銳聽覺有鋼琴底學弦樂睇一行譜更易上手

...

請問一下，點解敲擊樂會聽壞耳仔？

樓主老公有佢道理喎，敲擊樂好講求節奏感、拍子。

作者: lflxl 時間: 20-8-21 01:35

yifeifei2 發表於 20-8-20 11:35
請問一下，點解敲擊樂會聽壞耳仔？

樓主老公有佢道理喎，敲擊樂好講求節奏感、拍子。

講明先我唔係專業人士，只從一位家長角度分析。有錯請指正。

先分享來自專家嘅意見。另外鋼琴或者大部分樂器對聲音、音色、音符嘅聽力要求係最重要嘅。我自己小朋友學緊弦樂，我反而比佢學埋鋼琴提升節奏感。

圖片附件: myimage.jpg (20-8-21 01:35, 463.37 KB) / 下載次數 19
/forum.php?mod=attachment&aid=MzUyODA1fGEwZjBkMTE5fDE3NTI2NTcwODN8MA%3D%3D

作者: yifeifei2 時間: 20-8-21 15:07

lflxl 發表於 20-8-21 01:35
講明先我唔係專業人士，只從一位家長角度分析。有錯請指正。

先分享來自專家嘅意見。另外鋼琴或者大部分 ...

原來如此，多謝指正

作者: ho_yan2406 時間: 20-8-22 23:40

如果係學校學既敲擊通常都係木琴,唔係打鼓o個d咁嘈

作者: CM.MUN 時間: 20-8-23 01:06

咁樣講，學音樂要睇吓小朋友興趣，如果佢對另一樣樂器冇興趣，唔會學得好，可以比佢睇多啲交響樂團演奏，選多啲鋼琴同交響樂合作比佢睇，嘅然鋼琴係主要，可以係交響樂團睇吓有冇其他樂器喜歡，比如久石讓指揮嘅樂團，真係好好聽

作者: fibe0313 時間: 20-8-24 10:10 標題: 回覆樓主:

如果係我，我應該會選長笛或其他中樂樂器，結他都唔錯。小提琴剛起步時，挫折感都幾大，同埋頸好酸。敲擊樂都好玩，但練習時好嘈，怕嘈到隔離屋

作者: miss0217 時間: 20-8-27 16:25

我仔學校要學CLASSIC, 佢開頭用鋼片琴真係會好嘈 (學校用嗰啲32琴鍵), 到後來出去學, 我哋就買木片琴比佢在屋企練, 轉用木片琴啲聲就好聽好多
但敲擊都有好多類型...
如果學CLASSIC (片琴+小軍鼓),就真係要諗諗
因為唔多地方有得學, 要練琴好麻煩
頭3級練琴都可以用32琴鍵嗰啲琴頂住, 但學落去你要預位放木片琴 (佢同鋼琴一樣差唔多咁長)
同埋...片琴同鋼琴都係同類形嘅嘢...只係用手同用棒嘅分別, 預期學差唔多嘅嘢, 不如學其他唔同嘅嘢仲好, 有挑戰性啲

歡迎光臨教育王國 (/)