教育王國

標題: 插班對小朋友的影響 [打印本頁]

作者: AAAE 時間: 20-6-26 20:49 標題: 插班對小朋友的影響

一個插小二，一個插小五。有過來人可以分享嗎？

心理，學術等等

作者: 小曳人 時間: 20-6-26 21:58

本帖最後由小曳人於 20-6-27 06:59 編輯

我仔係小二轉校嘅，本身係自我，慢熱，我預咗佢適應難，最終到下學習3-4月先叫好d，小息有同學仔一齊玩

另外，轉嘅津校比私小淺，小二升小二本身又加workload，所以私小3-6份功課，到津小6-9份功課，佢真係好唔高興，要佢做埋d咁淺嘅野，好煩！

而我睇見小五插班唔難適應，可能人較成熟? 我仔小5/6好好嘅同學就係插小五嘅

作者: soie1 時間: 20-6-26 22:04 標題: 回覆樓主:

點解私轉津？

作者: swytca 時間: 20-6-26 22:38

提示: 作者被禁止或刪除內容自動屏蔽

作者: soie1 時間: 20-6-26 22:57

swytca 發表於 20-6-26 22:38
回覆 soie1 的帖子

他係私轉龍

哦難怪

作者: conniewktang 時間: 20-6-26 23:17

AAAE 發表於 20-6-26 20:49
一個插小二，一個插小五。有過來人可以分享嗎？

心理，學術等等

我仔小二插班，但學校支援好好，一個星期已適應，估唔到，因我仔其實比較慢熱，在新校朋友一年比一年多，係越多越多，佢好開心！學術新校比舊校好，校風亦言。我仔是居住果區津小轉跨區津小。

作者: NNbaby 時間: 20-6-26 23:23

AAAE 發表於 20-6-26 20:49
一個插小二，一個插小五。有過來人可以分享嗎？

心理，學術等等

兩個插同一間？

作者: Sadonnahon 時間: 20-6-26 23:32

本帖最後由 Sadonnahon 於 20-6-26 23:32 編輯

上一年的聚會，我們有一個同學說在小學的五年很開心，我問不是六年嗎？她說你們忘了我是小二插班生嗎？大家都笑了，真的是忘了。

五年級不清楚，那時只是收小二至小四。是很好很好的學校。

作者: 1998Ruby1998 時間: 20-6-26 23:52

識人插班，一個私轉津（A），一個私轉私（B），一個私轉私（皆有 B1 中學部）（C），全部都係小三前轉。
初小就相對地容易適應，始終學術上未需要好似呈分咁不斷追成績，而且舊小學嘅朋友都比較「新」，新學校嘅「小圈子」都未咁「成熟」，較容易融入。
學術上就要睇你係點轉。A 係深轉較淺，B 係接近程度、稍微唔同方向嘅「深啲啲」，C 係淺轉深。A 同 B 當然課程適應冇問題，能夠插班都係讀書能手。C 就由於前校問題，而且 4 主科教學語言唔同左，一開始係有啲啲唔適應，但上學期成績都唔錯，下學期就已經完全適應曬，冇問題。

A、C 都好快識到朋友。B 今年先新加入，只係返左兩三個月就已經融入，有幾位好朋友。

以前識人高小先插入，淺插深+深插淺，讀書當然都係前列，都好快搵到好朋友，老師、校長亦有留意同照顧。不過呢個年紀插班就有如升中外校生入龍、直屬，頭一個月都會覺得唔夠自在，始終新學校嘅同學互相認識多年，但我相信每間學校都有開朗熱情嘅小朋友，而且老師都會幫助插班生融入，可以放心。
成績好、脾氣好、肯幫人嘅學生，就一定冇問題。加速融入嘅話，「派街坊」呢招幾乎萬試萬靈

作者: B.B.BaBa 時間: 20-6-27 10:45

識人小二私轉津，兩間都係英小，學術上無適應問題，最好的係每班人數少左十幾人。另外好彩轉校後遇到非常好的班主任，雖然無特別照顧插班生，但每日上堂都係開心又充實，令同學間相處非常融洽...

作者: PTL_L 時間: 20-6-27 12:49

好睇小朋友性格。我阿大係好敏感又慢熱的人，轉校前我用左好多方法同佢適應，正如小朋友升小升中點解要有畢業禮，就係希望透過「儀式」俾佢地認知到一個階段既終結，所以我轉校前同佢一齊HAND MADE 紀念品俾老師同學，仲有其他.......

但返學頭2個月，阿大已喊住話返舊校，佢喊時我又要忍住喊，當刻簡直後悔到極點。

作者: PTL_L 時間: 20-6-27 12:52

AAAE 發表於 20-6-26 20:49
一個插小二，一個插小五。有過來人可以分享嗎？

心理，學術等等

小五果個，我一定唔會轉，除非係龍校，唔介意呈分。

作者: kirstyau 時間: 20-6-27 13:29

AAAE 發表於 20-6-26 20:49
一個插小二，一個插小五。有過來人可以分享嗎？

心理，學術等等

本帖最後由 kirstyau 於 20-6-27 13:31 編輯

大女插小三，影響一定有，要從新適應學校環境老師同學，講就容易，諗下一個人仔冇啦啦新學年被轉去間陌生學校都幾冇助，越細轉校越好，覺得P1-3比較純真。
插得班，能力比較高，學術方面唔會有乜嘢大困難。

作者: AAAE 時間: 20-6-27 14:19

PTL_L 發表於 20-6-27 12:49
好睇小朋友性格。我阿大係好敏感又慢熱的人，轉校前我用左好多方法同佢適應，正如小朋友升小升中點解要有畢 ...

謝謝分享。咁最後點克服？

作者: PTL_L 時間: 20-6-27 15:26

AAAE 發表於 20-6-27 14:19
謝謝分享。咁最後點克服？

幸好，阿大成績理想，又幸運地班主任教中文，是佢強科，咪慢慢建立成功感，叫做好少少，少少咋。但始終要時間適應，成績最初完全去唔返高位，加上女校多小圈子，普遍能力強，阿大既能力完全未俾老師見到。起舊校，年年做班長；新校，一次都做唔到

點解會咁？老師style 問題又有，我小朋友性格問題都有，佢好獨家邨，我行我素，可以全年起圖書館浦，唔駛識朋友。

個別老師偏心，熟你會叫你做，當然插班生唔會有呢個待遇；到高年班時，因為小圈子問題，同學唔投票俾你，又冇得做。唉！總之，做插班生唔易做，學校對插班既支援做得非常非常差。

作者: lusanna 時間: 20-6-27 23:47 標題: 回覆樓主:

大仔當年插小二，由津插龍。
佢好快就識倒朋友，但當時班主位比較偏原班同學，第一次同佢見面已講到好似我地D插班生系後母生咁。好在我仔成績同音樂都好好，考级頭又是樂團主力，先令班主位另眼相看……

我女來緊九月都插三年班，佢比較活潑，所以都冇怛心過轉校適應問題，但睇完你地所講開始有小小怛心，佢學術冇哥哥好，萬一唔適應点好！……

作者: PTL_L 時間: 20-6-27 23:54

lusanna 發表於 20-6-27 23:47
大仔當年插小二，由津插龍。
佢好快就識倒朋友，但當時班主位比較偏原班同學，第一次同佢見面已講到好似我 ...

第二年的班主任竟然可以起家長會對我講「真估唔到阿囡成績會咁好」

咁即係咩意思呢？

作者: swytca 時間: 20-6-28 22:56

提示: 作者被禁止或刪除內容自動屏蔽

作者: da_da_the_lady 時間: 20-6-29 12:07

插班不容易！好睇小朋友性格，同埋遇到咩老師和咩同學仔！！越細插，適應能力越容易！

其實大家選擇插班，都係有原因，主要都係希望小朋友未來嘅發展更好！

仲未適應到！加油！

作者: da_da_the_lady 時間: 20-6-29 12:08

睇下有冇之前已認識的朋友仔，咁樣會好好多！

作者: da_da_the_lady 時間: 20-6-29 12:09

派糖係萬試萬靈！

作者: AAAE 時間: 20-6-29 13:29

da_da_the_lady 發表於 20-6-29 12:09
派糖係萬試萬靈！

多謝！

作者: sissysze 時間: 20-6-29 14:56

da_da_the_lady 發表於 20-6-29 12:09
派糖係萬試萬靈！

好睇乜嘢學校，女校就咪亂嚟

作者: b3410 時間: 20-6-29 15:01

sissysze 發表於 20-6-29 14:56
好睇乜嘢學校，女校就咪亂嚟

好似大家都對插班女校有所擔心

作者: happyhaha 時間: 20-6-29 16:45

sissysze 發表於 20-6-29 14:56
好睇乜嘢學校，女校就咪亂嚟

點解呀？

作者: alsonl 時間: 20-6-29 19:28 標題: 回覆樓主:

其實升班時好多時都會再洗牌，升左班有好多同學都唔識。我返而覺得唔洗咁張揚派糖話俾人知我係插班生，你咪當我係其他班既學生，今年升左同你一班囉

作者: quincy00 時間: 20-6-29 19:35

我係小六先轉校既. 因為搬得遠.

影響就真係一定有既...
真係去左另外一個世界咁架.. 頭幾日真係唔想返學架...

D男仔D 眼光唔知點咁..

好彩返學一個星期就識得D 女仔同學. 都好好傾好快投入到.

成績本身都係一般.. 轉左校真係仲衰..

作者: tlmum 時間: 20-6-29 23:32

alsonl 發表於 20-6-29 19:28
其實升班時好多時都會再洗牌，升左班有好多同學都唔識。我返而覺得唔洗咁張揚派糖話俾人知我係插班生，你咪 ...

本帖最後由 tlmum 於 20-6-30 08:27 編輯

同意！我仔今年插 p2，插男校，班主任頭一個星期call我，已經話我知，冇人察覺到阿仔係插班的，我估大家都以為佢係來自其他班，甘阿仔性格係好容易同人混熟，所以頭頭冇人特別提呢件事！仲有我覺得愈細插愈好，比較易習慣！

作者: 964000 時間: 20-6-29 23:54

AAAE 發表於 20-6-26 20:49
一個插小二，一個插小五。有過來人可以分享嗎？

心理，學術等等

先唔講學術，我覺得插班對社交尤其女仔很大挑戰，男仔易D，打下波就熟，女仔要加入人地的「堆」不易，當然性格也有影響，愈細又愈易。我女細細個轉過幾次校，每次我都擔心㗎，佢又長情，幸好都順利渡過，而家大了更冇必要不會再轉了，很佩服有些人可以不停搞插班。

作者: AAAE 時間: 20-6-29 23:57

謝謝分享。小二嗰個可能會易啲，小五嗰個其實好貪玩，亦容易同人混熟，不過其他同學已經有五年友誼，所以真係有啲擔心。

另外，本應小朋友成績好先可以成功插班，是否都可能跌watt?

作者: B.B.BaBa 時間: 20-6-30 10:26

AAAE 發表於 20-6-29 23:57
謝謝分享。小二嗰個可能會易啲，小五嗰個其實好貪玩，亦容易同人混熟，不過其他同學已經有五年友誼，所以真 ...

我識果個小二插女津，成績無跌過，年年級頭

作者: PTL_L 時間: 20-6-30 11:48

AAAE 發表於 20-6-29 23:57
謝謝分享。小二嗰個可能會易啲，小五嗰個其實好貪玩，亦容易同人混熟，不過其他同學已經有五年友誼，所以真 ...

個個唔同，同年插入既同學，第一年已考到級頭，小女適應要時間，一年後終可正常發揮，插班入既，大部分成績理想。反而扣門入既，會有啲力不從心，連班top ten都keep唔到。

作者: joyce76123 時間: 20-7-5 07:49

本帖最後由 joyce76123 於 20-7-5 07:53 編輯

低年級適應的快，而高年級遲早都要有去適應的一日。

作者: fefemom 時間: 20-7-5 08:07

本帖最後由 fefemom 於 20-7-5 08:09 編輯

AAAE 發表於 20-6-29 23:57
謝謝分享。小二嗰個可能會易啲，小五嗰個其實好貪玩，亦容易同人混熟，不過其他同學已經有五年友誼，所以真 ...

間間學校測考模式都有些不同，是需要時間適應，有可能第一次測/考成績會跌，尤其插強校，同學水準高了，但如以學業為主的插班生，應該好快追上。
朋輩關係就睇彩數，即使自己易同人混熟，也要看同學之間互動。雖然男仔少啲小圈子，但高小步入青春期，男女可能分開玩，一班得十幾個女仔，buffer 少過女校，幾個唔啱玩已可以有影響，如果加埋呈分試，壓力唔細。朋友關係，最緊要小朋友自己心態，向前看和接受轉變。

歡迎光臨教育王國 (/)