教育王國
標題: 點解小一要靠抽獎咁唔公平？ [打印本頁]
作者: BabyBookBu 時間: 20-6-18 18:42 標題: 點解小一要靠抽獎咁唔公平？
完全靠一個運字，有人有運，可以什麼也不用考就入d好好的學校。有人有前人福蔭，可以什麼也不用準備就在11月早早收工等升小。有人努力考取証書比賽，卻仍在大風大浪的海上飄浮。。到底是不是什麼也沒有的人，就註定在寶校過渡6年？
作者: keep-calm 時間: 20-6-18 18:51 標題: 回覆樓主
如果津校全部變成好似直私咁要考幾輪，都唔見得會係好方法。反而考慮吓改革小學升中學機制，唔好用前人PS1定學校Banding percentage ,每個學生純以自己成績去考中學，咁「寶校」先有機會可以翻身，成個生態會健康啲。
作者: Justmichelle 時間: 20-6-18 18:53
咁就算冇運，你都可以繼續努力考証書比賽，叩門入心儀小學；
就算叩門叩唔到，依然可以繼續努力考証書比賽，轉校插班入讀心儀小學；
就算唔轉校，仍然可以繼續努力考証書比賽，入讀band 1中學，揮低一班曾經比自己幸運嘅小朋友。
其實你唔係乜野都冇, 而係你想要乜野......
制度無論公平與否，堅持、努力始終係最重要
作者: Charlotte_mom 時間: 20-6-18 19:10
keep-calm 發表於 20-6-18 18:51 
如果津校全部變成好似直私咁要考幾輪，都唔見得會係好方法。反而考慮吓改革小學升中學機制，唔好用前人PS1 ...
點解寶校唔可以考好pre s1黎翻身？
點解有寶校可咸魚翻生？有d一池死水？
作者: princesscupcake 時間: 20-6-18 19:13
Justmichelle 發表於 20-6-18 18:53
咁就算冇運，你都可以繼續努力考証書比賽，叩門入心儀小學；
就算叩門叩唔到，依然可以繼續努力考証書比賽 ...
係可以，但係插班啲位好少，並吾係抽獎時咁多～
作者: alankany 時間: 20-6-18 19:48
回覆 princesscupcake 的帖子
我覺得好公平！只要做足準備，私校，直資，國際總會有學校讀！
作者: princesscupcake 時間: 20-6-18 19:48
alankany 發表於 20-6-18 19:48
回覆 princesscupcake 的帖子
我覺得好公平！只要做足準備，私校，直資，國際總會有學校讀！ ...
本帖最後由 princesscupcake 於 20-6-18 19:49 編輯
樓主講緊津校
作者: wongsiuloi 時間: 20-6-18 19:52
very unfair!!
作者: alankany 時間: 20-6-18 19:54
本帖最後由 alankany 於 20-6-18 22:17 編輯
回覆 princesscupcake 的帖子
作者: 02413124 時間: 20-6-18 20:02
其實冇一個制度完全公平
用成績應該會更催谷，咁窮讀唔到私幼，雙職父母冇人教都會話唔公平
不過有實力的話，其實叩門係有用
作者: princesscupcake 時間: 20-6-18 20:04
alankany 發表於 20-6-18 19:54
回覆 princesscupcake 的帖子
津校都一樣！叩門都係俾有準備的人！
樓主係講緊自行及大抽獎嗰啲位
作者: honeybibibibi 時間: 20-6-18 20:12
BabyBookBu 發表於 20-6-18 18:42
完全靠一個運字，有人有運，可以什麼也不用考就入d好好的學校。有人有前人福蔭，可以什麼也不用準備就在11 ...
我呢排都不停想住呢個問題 
作者: honeybibibibi 時間: 20-6-18 20:14
02413124 發表於 20-6-18 20:02
其實冇一個制度完全公平
用成績應該會更催谷，咁窮讀唔到私幼，雙職父母冇人教都會話唔公平
不過有實力的話 ...
叩門申請8間5間無得見，1間call interview, 1間人人有得in，1間仲未知有無得in。
幾有實力，好多無111連叩既機會都無。
由其地區一線
作者: 02413124 時間: 20-6-18 20:17
honeybibibibi 發表於 20-6-18 20:14
叩門申請8間5間無得見，1間call interview, 1間人人有得in，1間仲未知有無得in。
幾有實力，好多無111連叩 ...
本帖最後由 02413124 於 20-6-18 20:18 編輯
本帖最後由 02413124 於 20-6-18 20:18 編輯
經驗話我知，叩門除111外有好多其他因素。當然簡學校之前要搵d資料係111先見，邊d唔洗。要個d簡間最鐘意既，我記得2歲已搵定資料，仲搵埋叩門鐘意收邊間幼稚園，就讀個間。
又講真叩門私幼好多時有著數，咁又算唔算唔公平
作者: Justmichelle 時間: 20-6-18 20:26
princesscupcake 發表於 20-6-18 20:04
樓主係講緊自行及大抽獎嗰啲位
本帖最後由 Justmichelle 於 20-6-18 20:28 編輯
不過我都認同世襲制有啲問題。
細佬妹/父母係職員都仲有得講 係方便照顧。
點解父母係個度畢業可以受惠子女？
兩代/兩個完全唔同嘅個體點解要有分數連繫？
如果父母個間殺咗校呢？咁我小朋友咪完全冇分？
如果我大個咗唔係住個區呢？我又要為咗多啲分又跨區讀書？咁分校區嚟做乜？
作者: honeybibibibi 時間: 20-6-18 20:29
02413124 發表於 20-6-18 20:17
本帖最後由 02413124 於 20-6-18 20:18 編輯
本帖最後由 02413124 於 20-6-18 20:18 編輯
我相信有一群父母係由0歲已經悉心裁培小朋友，耐何自行同抽獎都無運。
唔係樣樣野迎合心儀既學校就必定有得in甚至必入。
結果叩門機會都無，但又憑實力考到私小，咁又要考慮自己負唔負擔得起喎。
負擔唔起就讀寶校啦！
寶校唔係無出頭天，但好明顯課程進度都比人淺同慢，咁又應該要拿筆錢加緊外補追進度，插班位又少... 沒完沒了...
不過所有野講黎都係廢話... 其實家長們見小朋友派得唔好，一定唔開心架啦！都係想呻下既者。
作者: 02413124 時間: 20-6-18 20:33
honeybibibibi 發表於 20-6-18 20:29
我相信有一群父母係由0歲已經悉心裁培小朋友，耐何自行同抽獎都無運。
唔係樣樣野迎合心儀既學校就必定有 ...
明白，只係想指出無一個system 係完全公平
同埋真係冇運，靠實力，叩門唔得，仲有插班，唔得再可以升中番生，曾行過一間人稱寶校既學校，門口大大張banner有學生入dgs,只想講唔係冇希望。眼見唔少朋友叩唔到，插小二，小三，最後都入到唔錯中學，如期怪個機制，不如快快收拾心情做好準備更實際。
作者: calbee_2014 時間: 20-6-18 20:33
honeybibibibi 發表於 20-6-18 20:14
叩門申請8間5間無得見，1間call interview, 1間人人有得in，1間仲未知有無得in。
幾有實力，好多無111連叩 ...
早喺上年自行前已經睇定心儀既學校
亦搜集左資料，根據過往所有考生都會有面試機會
雖然唔使111，無奈係隔離網
我都照放110
然後到今年唔知係咪真係疫情問題
竟然話未必接見所有考生
但自行同大抽獎 揀佢既都會優先考慮
點知最後連見既機會都冇
反而比我知道000都有得in
都唔知可以講咩好
如果早知係咁...我就唔使放佢110....
搏過第二間
作者: Lydialima 時間: 20-6-18 20:33
Justmichelle 發表於 20-6-18 18:53
咁就算冇運，你都可以繼續努力考証書比賽，叩門入心儀小學；
就算叩門叩唔到，依然可以繼續努力考証書比賽 ...
講得無錯，堅持努力一定得，機會只會留俾有準備嘅人
作者: nman0802 時間: 20-6-18 20:39
回覆 Justmichelle 的帖子
世襲父母的確係極度不公！
作者: DengCK 時間: 20-6-18 21:21
一命二運三風水，人生不嬲都係咁。想靠實力就去考直私
作者: BabyBookBu 時間: 20-6-18 21:37
考直私有offer,但不代表去到叩門階段會順利
作者: sandra9102 時間: 20-6-18 21:47
其實考到直資私小，仲可以抽獎/叩門，都好唔公平
作者: honeybibibibi 時間: 20-6-18 21:57
sandra9102 發表於 20-6-18 21:47
其實考到直資私小，仲可以抽獎/叩門，都好唔公平
直私人人都可以去考，呢方面又無唔公平啵。
作者: princesscupcake 時間: 20-6-18 22:03
honeybibibibi 發表於 20-6-18 21:57
直私人人都可以去考，呢方面又無唔公平啵。
係囉
作者: sandra9102 時間: 20-6-18 22:04
honeybibibibi 發表於 20-6-18 21:57
直私人人都可以去考，呢方面又無唔公平啵。
唔係話考直私唔公平，考到系小朋友本是，好公平。
只是如有直資offer可以去叩門，有私小offer 可以去抽獎，呢樣嘢我覺得唔公平。
作者: honeybibibibi 時間: 20-6-18 22:07
sandra9102 發表於 20-6-18 22:04
唔係話考直私唔公平，考到系小朋友本是，好公平。
只是如有直資offer可以去叩門，有私小offer 可以去抽獎 ...
咪就係無唔公平囉。
人人都可以參與，人人都可以靠實力去考個直私再抽獎架麻。
而抽獎講運氣，叩門又困難重重，咁先係唔公平。
作者: 02413124 時間: 20-6-18 22:12
sandra9102 發表於 20-6-18 22:04
唔係話考直私唔公平，考到系小朋友本是，好公平。
只是如有直資offer可以去叩門，有私小offer 可以去抽獎 ...
又唔會，好似大人打工都好多時做緊/搵到份工都會想搵第二份更好
作者: Justmichelle 時間: 20-6-18 22:12
sandra9102 發表於 20-6-18 22:04
唔係話考直私唔公平，考到系小朋友本是，好公平。
只是如有直資offer可以去叩門，有私小offer 可以去抽獎 ...
點解有私校offer抽津小係唔公平？
大家都係咁抽啫。
咁你會唔會話有小朋友返同時返兩間幼稚園，
一間學卷一間私幼係唔公平？
作者: Justmichelle 時間: 20-6-18 22:14
02413124 發表於 20-6-18 22:12
又唔會，好似大人打工都好多時做緊/搵到份工都會想搵第二份更好
你呢個例子比喻插班/轉校比較適合
作者: 02413124 時間: 20-6-18 22:16
Justmichelle 發表於 20-6-18 22:14
你呢個例子比喻插班/轉校比較適合
都唔係呀，我公司真係試過請左個人，咁佢已經有offer,佢都有繼續搵/見其他工，臨上班前佢打黎話唔做啦，未同叩門一樣
作者: 02413124 時間: 20-6-18 22:18
有人一出世含住金鎖匙，有人一出世無父無母，所以根本世界就無絕對公平
作者: 02413124 時間: 20-6-18 22:20
Justmichelle 發表於 20-6-18 20:26
本帖最後由 Justmichelle 於 20-6-18 20:28 編輯
不過我都認同世襲制有啲問題。
我覺得都係類似宗教分，即讀過六年自己仔女都想佢入都好清楚同認同學校教育理念同歸屬感之類
作者: tummypooh 時間: 20-6-18 22:26
其實呢個問題年年問。我覺得本身抽獎算公平，因為如果純計成績，有一部份資源較豐富或頭腦發展較早較快的學生會拎晒的好位。而家抽，人人都有機會。 最唔公平我會話係世襲制，呢樣就真係唔公平。
作者: Justmichelle 時間: 20-6-18 22:32
02413124 發表於 20-6-18 22:20
我覺得都係類似宗教分，即讀過六年自己仔女都想佢入都好清楚同認同學校教育理念同歸屬感之類
...
學校理念有幾好，啲老師都唔同哂啦，仲係同一間學校咩
直私就話可以保留教育理念啫....津校都係教育局話咩就咩架啦，有幾多空間俾學校自己真係值得商榷
再講..... EK咁多個vs post，有幾何攞教育理念出嚟講，都係睇升學數字啫
作者: 02413124 時間: 20-6-18 22:39
Justmichelle 發表於 20-6-18 22:32
學校理念有幾好，啲老師都唔同哂啦，仲係同一間學校咩
直私就話可以保留教育理念啫....津校都係教育局話咩 ...
只係講設計者rationale
不如如果好似你講，老師都有機會轉工，仔女都唔應該必收，同埋好多人仔女都唔係父母工作地點一樣。宗教都好多人冇所謂，可能就咩分都唔洗計。
作者: Msolivialeung 時間: 20-6-18 22:39
其實宗教分應該除消就真
同一個教又點？收左又係咪個個信教？
讀完又係咪個個入教？少少無謂！
最興話歧視，咁樣又算唔算一種？
作者: NNbaby 時間: 20-6-18 22:53
又係尼個topic，年年都有人話唔公平
唔抽獎，咁變晒考學校啦，睇小朋友實力嘛，預計滿手offer既繼續係嗰一千幾百人，不過到時實有人話唔公平：佢有家底、佢老豆係醫生、佢識人有推薦信、佢個女生得靚、佢個仔個樣醒、佢讀名幼、佢係超大B、佢靠關係.........
作者: cat20203 時間: 20-6-18 22:53
講唔係咁啱聽嘅說話~
其實好多基層，讀券幼，抽中地區一線津校，其實小朋友有無限可能，自己唔識教，至少，至少有個機會，去改變。(未到脫貧,香港較難)
有直私offer嘅，要神津，就唔好再話抽獎唔公平
作者: NNbaby 時間: 20-6-18 23:00
我覺得無準備過考/抽邊間學校，無睇過學校資料，無認真思考過，求其聽路人甲乙丙篤中間甲一/乙一神津，嗰啲仲唔公平。
咦？中咗間咩咩天神呀，好唔好㗎？間學校咁舊咁細，係咪學你咁要去叩門？
作者: 02413124 時間: 20-6-18 23:19
NNbaby 發表於 20-6-18 23:00
我覺得無準備過考/抽邊間學校，無睇過學校資料，無認真思考過，求其聽路人甲乙丙篤中間甲一/乙一神津，嗰啲 ...
本帖最後由 02413124 於 20-6-18 23:19 編輯
你呢個case令我諗起一位朋友，佢同佢幾姊妹都係天神舊生，有宗教分，但冇一個既女入讀，原因係怕左，覺得太谷
作者: Justmichelle 時間: 20-6-18 23:22
係啦去叩啦~好辛苦好谷架
作者: NNbaby 時間: 20-6-18 23:23
02413124 發表於 20-6-18 23:19
本帖最後由 02413124 於 20-6-18 23:19 編輯
你呢個case令我諗起一位朋友，佢同佢幾姊妹都係天神舊生， ...
咁佢啲女係咪入咗同天神差唔多level或者更好既學校？又或者揀咗IS?
作者: monodad 時間: 20-6-18 23:33
honeybibibibi 發表於 20-6-18 22:07
咪就係無唔公平囉。
人人都可以參與，人人都可以靠實力去考個直私再抽獎架麻。
而抽獎講運氣，叩門又困難 ...
唔係好明抽奬好唔公平呢個道理
作者: 02413124 時間: 20-6-18 23:33
NNbaby 發表於 20-6-18 23:23
咁佢啲女係咪入咗同天神差唔多level或者更好既學校？又或者揀咗IS?
各有不同，有小學入左IS,又有先入左地區津小，入左地區津小既中學又有上番地區津中，又有轉去IS
作者: Reitsal 時間: 20-6-18 23:44
世襲都未必係好事。自行為左穩陣要揀佢，結果20分唔中，去到統一派位又同自己講冇理由唔繼續揀佢，甲部唔揀佢萬一去扣門機會會唔會細左，成個過程都俾佢牽住走嘅感覺。我諗如果自己冇世襲，喺揀幼稚園時會諗多啲，喺直私面試度會進取啲，會比較多啲區內其他嘅學校。
作者: tummypooh 時間: 20-6-18 23:48
回覆 Reitsal 的帖子
兄弟姊妹讀更唔係必收咩？
作者: 02413124 時間: 20-6-18 23:50
tummypooh 發表於 20-6-18 23:48
回覆 Reitsal 的帖子
兄弟姊妹讀更唔係必收咩？
呢個世襲指舊生個5分
作者: tummypooh 時間: 20-6-19 00:02
回覆 BabyBookBu 的帖子
樓主，其實抽獎正正係俾個啲「什麼也沒有的人」一個機會。世界本來唔會公平，而家係要在不公平中盡量公平，就算你小朋友好叻好醒，但面試唔出聲，咁面試又唔公平？要筆試先公平？
有人有運，冇錯，但填表時冇人知邊個有運，所以先會有人研究點填表。大家都係懷著同一個心情擔心一年。當然有啲人真係好好運，咩都冇準備，聽人講呢間好，就填一間就入左，跨區甲一中神津。但都係個句，填表時冇人知自己係咪幸運兒。
有前人福蔭，呢個又兩睇，私校，睇血統，睇傳承，或者信得過自己教出來的學生的下一代可以繼續保持學校的光榮，難免偏心，但人地始終係盤生意（請原諒我咁講，但佢地都要業績（成績））。要講唔公平，官津的自行收生加世襲制就真係唔公平，因為啲 一線學校俾世襲用左唔少位。應該全部拎晒出黎抽就公平。
寶校點做成？其實咪大家家長做成囉，一傳十十傳百，個個都唔願去，去左就年年走，想搞好都有啲難。當然，講就更係好好聽，大家做家長，個個都想小朋友入最好的學校。
作者: Reitsal 時間: 20-6-19 00:02
而家都算幾公平，家長可以做好多嘢去改變宿命，如果要再公平啲可能要將全港學生分區隨機派入學校，所有學校唔再有banding，唔俾公開dse成績，神校消失，到時家長唔會因為比較而有壓力，有壓力而唔開心，唔開心就發洩落小朋友度，學校都少左壓力要谷行啲小朋友，小朋友讀書就開心哂喇太眼瞓，開始發夢
作者: tummypooh 時間: 20-6-19 00:04
回覆 02413124 的帖子
呢五分唔算絕啦都係唔公平。
同校在讀中兄姊真係攞你命三千~~~~
作者: tummypooh 時間: 20-6-19 00:07
回覆 Reitsal 的帖子
冇啦分區已經係有唔公平，九龍塘何文田，真係唔係話你想住就住~~~
最好成間學校啲老師年年調囉，哈哈，成間喇叭老師調去寶校教~~~互換，三年一換~~~~可能可以幫寶校起死回生呢~~~~
到時可以一間神校變兩間~~~~繼續發夢~~~~
作者: 02413124 時間: 20-6-19 00:12
tummypooh 發表於 20-6-19 00:04
回覆 02413124 的帖子
呢五分唔算絕啦都係唔公平。
佢加埋宗教分，25分，天神都應該大機會，早幾年識人20分waiting中，不過冇要
作者: martindu 時間: 20-6-19 00:13
提示: 作者被禁止或刪除 內容自動屏蔽
作者: Reitsal 時間: 20-6-19 00:26
回覆 tummypooh 的帖子
分區係覺得小朋友應該就近入學，如果到時乜數據都冇，所有學校睇齊，冇分九龍塘定觀塘啦，唔駛換老師咁煩嘅，或者都可以淨係換左個校長
作者: OP妮歌 時間: 20-6-19 00:29
世界無真正公平，而家呢個制度已相對衡量各方因素，我覺得算係咁。
兄姊在讀必收，係出放人道照顧理由；
宗教人士的確會傾向找相同宗教學校
自行可以話係衡量「關係」
抽獎按地區不按關系，只要你住該地區有同樣可能抽中熱門校，不論才智，不論關係，只論運氣。
呢部份人人平等，分區抽也分便學生就近上學，都合理。
到一些無關係、無運的人，佢仍可靠己才智和努力，去考直私或去叩門。
作者: tummypooh 時間: 20-6-19 00:35
回覆 02413124 的帖子
宗教分，恕我直言，每年都唔少人為左個五分入教。當然，呢樣又好公平，因為個個都可以咁做~~~睇你過唔過到自己個關了。
作者: alsonl 時間: 20-6-19 00:36
NNbaby 發表於 20-6-18 23:00
我覺得無準備過考/抽邊間學校，無睇過學校資料，無認真思考過，求其聽路人甲乙丙篤中間甲一/乙一神津，嗰啲 ...
我亦聽過一d cases，乙部全填同一間小學，俾佢咁Q又中到。真係bear一聲
作者: 1998Ruby1998 時間: 20-6-19 00:49
中獎咪公平，唔中獎咪唔公平，冇一定制度係公平，總有人吃虧。e.g. 明明我屋企近喇沙總近過天主教領島，點解上天咁唔公平？點解我明明考第一但因為師姐師兄考得差，我只能夠屬於 Band 2 組別？點解嗰間學校唔接受 000，明明我個仔學術已經有小二能力，琴棋書畫樣樣得？
大抽獎就係畀 N 無人士一個平等嘅機會。你有料嘅咪自己去考直私、叩門、插班。命運永遠掌握在自己手中，有唔少學校擺明只睇學術，有學校只睇課外活動，有學校冇考任何野齋 talk，評核左都唔知。如果今年唔得，咪靠自己努力來年考返出去其他學校。你係有料嘅，一定有外面更好嘅學校收。冇料嘅，抽到靚靚一線可能都係惡夢開始。
父母唔一定畀仔女讀返自己間小學，甚至間小學都可能執左。
5、6 歲人仔要考試，咁同訓練機械人有何分別？即係要小朋友考 Pre-P1？呈分家長搏殺，唔少都科科補習谷學術，如果要 Pre-P1，咁兒童就真係冇快樂童年，個個走去谷學術。
作者: tummypooh 時間: 20-6-19 01:27
本帖最後由 tummypooh 於 20-6-19 01:38 編輯
我覺得呢個post可以申精置頂，或者每年六月拎返出黎置頂~~~
小一只係一個開始，派得唔好可能要辛苦啲跳船，派得好都唔一定佢可以一直坐個架船去到終點。
以下有啲長，我自己經歷︰
可能有人會話針唔吉到肉唔知痛，你地更係講風涼話。老實講，雖然都係陳年舊事，但都可以講下︰30年前我升小學，當年更係冇咁多神津神私，有都唔關我呢啲草根家庭事。話說我係屋企第一個小朋友，我讀區內幼稚園啦，當年係有名次架，考過第一架。當年資訊冇咁發達，我媽普通主婦，當然係咩都唔識啦，結果我就好「幸運」地被派左去一間當時都唔知佢仲有冇人讀的學校，個校名我仲記得，港九酒樓茶室總工會第一小學，係咪勁。而家當然已經唔存在，當年個校址好似係喺某一大廈的二樓。絕對比你地而家所謂的寶校勁。寶中寶。直頭係成仙級。
有冇去讀？當然冇啦。當年已經有叩門呢家嘢，真係我都唔記我媽有冇跪拜了，反正最後叫做有另一間學校收左我，天主教總堂區小學（仲存在）。
到我細佬，當然佢就幸運好多啦，有我呢個大佬幫佢食左嘢，佢就入左聖安多尼小學，好好架啦，當年同聖彼得都差無幾。
跟住我點？我咪係個間學校錄左幾年，錄到小三升小四又求又咩，終於入返同我細佬同校。當年我成績係差架下（至少唔係勁啦），但最終我都算為校爭光，係幫佢地整靚升中數據的一員。(據聞我好似唔知點解有個聖彼得下午校的offer，不過因為下午校唔去，勁）
我個故事，應該係真人show先啱，可能已經過去太耐，但點都有啲參考價值。只想話俾大家派位不如意的人聽，你地個間點寶都寶唔過我個間，一步一步咪又係走出黎，我都唔知點解當年啲校長會收我，但結果冇令佢失望啦。當然轉校後，我媽都有用佢所能「谷」下我啦，功課輔導班、每星期一堂的英數加強班、學能測驗班（強項），所以與其係度叫唔公平，不如開始諗下之後點行。當然而家對小朋友要求更高啦
可能因為咁，我而家都係成日話我皇后，做咩咁辛苦要個女咁咁咁啫~~~
浪費左大家時間，唔好意思。
作者: Sadonnahon 時間: 20-6-19 02:03
Yes and no 的問題。不一定是上一輩的原因，我的朋友三代家族也是神校，只是他一個不收。他開竅晚，在屯門讀書之後考到倫敦大學。
作者: 02413124 時間: 20-6-19 07:11
tummypooh 發表於 20-6-19 01:27
我覺得呢個post可以申精置頂，或者每年六月拎返出黎置頂~~~
小一只係一個開始，派得唔好可能要辛苦啲跳船 ...
利申：我自己當年升小叩門，升中都要叩門，記得橫風橫雨媽咪周圍搵學校，爸就鬧鬧鬧（仲要考得差過我既幾位同學都派到1A,我先叩到番1c,應該係我學能測驗失手掛或排位排得差）
作者: Poyau 時間: 20-6-19 07:13
Reitsal 發表於 20-6-19 00:02
而家都算幾公平，家長可以做好多嘢去改變宿命，如果要再公平啲可能要將全港學生分區隨機派入學校，所有學校 ...
EDB用心良苦······
1x年前唔准小學公開小六學生組別
外界只能從升中數字估有幾多B1/2/3
作者: Poyau 時間: 20-6-19 07:19
tummypooh 發表於 20-6-19 01:27
我覺得呢個post可以申精置頂，或者每年六月拎返出黎置頂~~~
小一只係一個開始，派得唔好可能要辛苦啲跳船 ...
以前升中用學能測驗 可留校靠自己
依家靠自己要轉校 寶校如可能翻身
作者: kikitea 時間: 20-6-19 07:21
honeybibibibi 發表於 20-6-18 20:29
我相信有一群父母係由0歲已經悉心裁培小朋友，耐何自行同抽獎都無運。
唔係樣樣野迎合心儀既學校就必定有 ...
作者: kikitea 時間: 20-6-19 07:23
calbee_2014 發表於 20-6-18 20:33
早喺上年自行前已經睇定心儀既學校
亦搜集左資料，根據過往所有考生都會有面試機會
雖然唔使111，無奈係隔 ...
作者: BabyBookBu 時間: 20-6-19 08:17
我覺得氣氨因為眼見成個制度，心儀的幾間學校一步步冇晒位，到抽個時已經所剩無多，再很不幸運的是就算抽中寶，再要叩得比其他人多，辛苦了小朋友。我認為制度上抽到第一的，應制止再叩門。好多學校不理111 000也會儘收精英，咁變相不是就近入學，有違背教育局原意
作者: YSL2014 時間: 20-6-19 08:41 標題: 回覆樓主:
認同樓主
作者: kikitea 時間: 20-6-19 08:43
BabyBookBu 發表於 20-6-19 08:17
我覺得氣氨因為眼見成個制度，心儀的幾間學校一步步冇晒位，到抽個時已經所剩無多，再很不幸運的是就算抽中 ...
作者: 02413124 時間: 20-6-19 08:54
回覆 kikitea 的帖子
因為有人覺得呢個係佢既策略,放2線,再叩一線
作者: Osiana 時間: 20-6-19 09:02
BabyBookBu 發表於 20-6-18 18:42
完全靠一個運字，有人有運，可以什麼也不用考就入d好好的學校。有人有前人福蔭，可以什麼也不用準備就在11 ...
如果你派到心儀小學，你覺得公平嗎？
你可以話係運，亦可以相信呢個係或然率，視乎你點睇。
玩得呢個大抽獎遊戲就預咗。
作者: hidepata 時間: 20-6-19 09:18
回覆 Osiana 的帖子
預咗唔公平...
作者: yaubb2014 時間: 20-6-19 09:31
BabyBookBu 發表於 20-6-19 08:17
我覺得氣氨因為眼見成個制度，心儀的幾間學校一步步冇晒位，到抽個時已經所剩無多，再很不幸運的是就算抽中 ...
抽到第一志願既人係不会明白……
作者: ipki 時間: 20-6-19 09:45
從來公平就己經係一件唔公平的事
玩得呢個GAME就要了解玩法
我唔反對人地抽得好都再叩,個GAME係咁定
你一樣可以咁做
差在你自己心態
作者: deco99 時間: 20-6-19 10:29 標題: 回覆樓主
呢個問題年年都有人問，我都覺得世襲唔公平，抽獎睇運氣。但如果父母有準備，小朋友都可避開寶校，喺間普通學校讀，成績係頭20%入band1中學都幾穩陣。
作者: princesscupcake 時間: 20-6-19 10:34 標題: 回覆樓主:
不平則鳴 
作者: sisbro 時間: 20-6-19 10:43
長路漫漫，尖子一定有出頭天
共勉之
作者: mikalaw 時間: 20-6-19 11:05
宗教分最離譜！原本宗教團體辦學的中旨不是為宣揚佢哋嘅福音俾更多冇接觸過的人嗎？本末倒置
作者: calbee_2014 時間: 20-6-19 11:23
mikalaw 發表於 20-6-19 11:05
宗教分最離譜！原本宗教團體辦學的中旨不是為宣揚佢哋嘅福音俾更多冇接觸過的人嗎？本末倒置 ...
離唔離譜就唔敢講....
雖然大把人專登去受洗拎宗教分
但我就自己過唔到自己嗰關囉
作者: lizwai2003 時間: 20-6-19 11:24
我明白樓主心情, 但寶唔寶校係家長覺得.
這小一派位已經好多年, 公唔公平已經無法改變. 只有自己努力叩門.
"不是因為妳對小一派位太過失望，是因為妳對這個派位有太多的期望"
今年唔得, 小二有叩.小三有叩
作者: bananaGi 時間: 20-6-19 11:26
Justmichelle 發表於 20-6-18 18:53
咁就算冇運，你都可以繼續努力考証書比賽，叩門入心儀小學；
就算叩門叩唔到，依然可以繼續努力考証書比賽 ...
HAHA 有道理
作者: calbee_2014 時間: 20-6-19 11:26
kikitea 發表於 20-6-19 07:23
好慘。。。。。
真係失落...
但又可以點？
個天都比唯一選擇你咯...
唯有盡快收拾心情向好方面諗...
作者: princesscupcake 時間: 20-6-19 11:31
mikalaw 發表於 20-6-19 11:05
宗教分最離譜！原本宗教團體辦學的中旨不是為宣揚佢哋嘅福音俾更多冇接觸過的人嗎？本末倒置 ...
『講』就係咁講，要照顧自己人先。
作者: calbee_2014 時間: 20-6-19 11:52
02413124 發表於 20-6-19 07:11
利申：我自己當年升小叩門，升中都要叩門，記得橫風橫雨媽咪周圍搵學校，爸就鬧鬧鬧（仲要考得差過我既幾 ...
你既經歷我都試過...
升中派到17志願
父母又要搵食
自己同同學拎住張成績表四圍叩門
筆試都唔記得考過幾多次
最後都叩返心儀學校
呢個經歷真係畢生難忘
作者: Dybala 時間: 20-6-19 11:55
Msolivialeung 發表於 20-6-18 22:39
其實宗教分應該除消就真
同一個教又點？收左又係咪個個信教？
讀完又係咪個個入教？少少無謂！
作者: Dybala 時間: 20-6-19 12:01
tummypooh 發表於 20-6-19 00:04
回覆 02413124 的帖子
呢五分唔算絕啦都係唔公平。
作者: Poyau 時間: 20-6-19 12:06
Dybala 發表於 20-6-19 11:55
但宗教對好多人黎講係最後一條救命草當你係N無人士, 唯一有能力幫到個細路就係呢樣
...
舊生未必有信教 宗教分可抵消
宗教5分 + 首名5分 = 舊生10分
作者: Dybala 時間: 20-6-19 12:49
mikalaw 發表於 20-6-19 11:05
宗教分最離譜！原本宗教團體辦學的中旨不是為宣揚佢哋嘅福音俾更多冇接觸過的人嗎？本末倒置 ...
作者: i2be 時間: 20-6-19 12:58
nman0802 發表於 20-6-18 20:39
回覆 Justmichelle 的帖子
世襲父母的確係極度不公！
假如不設舊生優惠 名校會失去一定吸引力
作者: Dybala 時間: 20-6-19 12:58
Poyau 發表於 20-6-19 12:06
舊生未必有信教 宗教分可抵消
宗教5分 + 首名5分 = 舊生10分
作者: Tanyafish 時間: 20-6-19 13:24
nman0802 發表於 20-6-18 20:39
回覆 Justmichelle 的帖子
世襲父母的確係極度不公！
其實一直都不明白為什麼要有世襲制。我一個朋友理直氣壯話這樣可以鼓勵校友貢獻無效，無論係時間定金錢。但係問題係，呢個機制係無一個咁嘅要求。就算畢業後完全無理會過母校，都有分，真係好奇怪。個邏輯是什麼？
作者: ok3 時間: 20-6-19 14:39
成個計分制度最不知所謂嘅就係世襲嗰5分. 嗰班既得利益者最鍾意講嘅咩對母校有貢獻, 熟悉學校嘅教育理念......對我嚟講全部都只係將一D唔合理嘅嘢合理化嘅借口!
作者: yaubb2014 時間: 20-6-19 14:56
ok3 發表於 20-6-19 14:39
成個計分制度最不知所謂嘅就係世襲嗰5分. 嗰班既得利益者最鍾意講嘅咩對母校有貢獻, 熟悉學校嘅教育理念... ...
教育制度好失敗……難怪甘多学生自殺
作者: swytca 時間: 20-6-19 15:01
提示: 作者被禁止或刪除 內容自動屏蔽
作者: swytca 時間: 20-6-19 15:08
提示: 作者被禁止或刪除 內容自動屏蔽
作者: ok3 時間: 20-6-19 15:09
i2be 發表於 20-6-19 12:58
其實另一個角度世襲位係為左吸引舊生子女而設
假如不設舊生優惠 名校會失去一定吸引力
...
作者: Charlotte_mom 時間: 20-6-19 15:09
kikitea 發表於 20-6-19 08:43
對呀，抽到第一志願既仲會繼續四圍叩門
抽到第一，都去叩，即唔係心中最想囉
咁點解唔擺最想入嘅在第一，都係無奈吧！
作者: iyhas 時間: 20-6-19 15:10
基本上係CE/AL 和DSE 類似情況
以前有人話CE+AL 考兩次好辛苦,
好啦, 變成一次過DSE
過N年後又會有人話DSE 一take 過大壓力,
可能又變番CE+ AL.
總之就loop 來loop 去
作者: Poyau 時間: 20-6-19 15:20
iyhas 發表於 20-6-19 15:10
基本上係CE/AL 和DSE 類似情況
以前有人話CE+AL 考兩次好辛苦,
好啦, 變成一次過DSE
變幻原是永恆
作者: calbee_2014 時間: 20-6-19 15:37
Charlotte_mom 發表於 20-6-19 15:09
抽到第一，都去叩，即唔係心中最想囉
咁點解唔擺最想入嘅在第一，都係無奈吧！
...
可能最心儀既唔係自己個網
好似某d區都分左兩個網
所以抽到乙一都想叩甲一？
又有啲為穩陣揀間二線既做第一志願
中左二線就去叩一線
| 歡迎光臨 教育王國 (/) |
Powered by Discuz! X1.5 |